Prime Pho (Moved) New Location

一間好值得推介的小店，入面有吾多過20個位，但感覺好cozy, 適合2-3位既朋友聚會。整體價錢好合理，吾會因為系中環要比多好多錢甘。招牌pho就$98，但系足夠2個人食，有牛肉片，牛丸，牛筋，蘿蔔同牛腩，個湯底都好足料同夠味，呢個價錢物超所值。仲有嗌左個火燒牛腩撈檬，side既紅同白蘿蔔酸酸地好開胃，加上炸蒜同青瓜片，同所有食物都好match。火燒牛腩果然名不虛傳，牛腩皮燒得啱啱好，脆皮的，而且質地似和牛。最緊要系吾洗加一，所以真系好抵!!!!

今晚和阿姨約左在中環，好想食越南野，經過呢間小店，大家不約而同都話入去試下。出面有大約十張bar 枱，有少少日式拉麵舖feel, 我揀左坐裏面seat位。招牌Pho特別$96好豐富的一個越南河粉，裏面有生牛肉，牛腩片，牛脷，牛筋，牛柏葉，牛丸，扎肉，蘿蔔，每一樣都很美味，尤其要一讚的是牛脷牛味好濃，入口 軟腍又滑，好好味呀配埋煙韌爽口的河粉和鮮甜的牛骨湯底，果然是店中的signature火燒牛腩撈檬$68火炙牛腩看似有些乾，實質入口柔軟，一些渣也後有，牛味濃但一些牛腥也沒有，原來厨師是用美國最高級數的Prime牛來slow cook, 所以質素很高一点也腻，食完一件已即時想吃另一件，配上青瓜片，蘿蔔絲，生菜，炸蒜，大量的葱和幼幼的檸粉，用特調的醬汁撈在一起吃，真的很fresh, 很涼快！在這炎炎夏日吃這個檸粉，酸酸甜甜的，好開胃，好舒服+$15越式春卷~好脆好新鲜！一D都唔油！加上生菜一起吃， 蘸埋特製的醬汁，真係好正我忍不住再encore多一碟+$15自家製雞肝醬蜜糖多士~估唔到雞肝醬加上蜜糖搽在法式多士上是那麽配合，我好喜愛highly recommended 👍👍+$15青檸梳

話說IFC有恐龍展,所以嗰日約咗個係中環返工嘅朋友，打算等佢收工，同佢一齊食啲嘢，再去睇恐龍🦖但我呢啲cheap精，又怕中環食嘢貴，我朋友就介紹話擺花街有間食越南粉，唔貴又好食，一於去試吓呢店舖唔算太大，但不論係門面，定係內在環境，都幾有格調，唔睇Menu,都唔知佢係食越南粉，我哋坐吧枱，可以一路傾計，一路望住師傅整嘢食餐牌上選擇唔算太多，主要都係湯河、撈檬同埋小食我就揀咗個最經典嘅生牛肉湯檬，分量幾多，牛肉生熟程度剛好，夠嫩滑新鮮，湯底清甜，非常不錯而我朋友就話天氣太熱，冇咩胃口，所以減咗食個開胃醒神嘅火燒牛腩撈檬，你個犀利呀，酸醋係即時條配，唔似其他餐廳，咁所有人都用同一樽，感覺新鮮得來，又衛生啲火燒牛腩非常正，好似食火炙壽司咁，有浸淡淡的燒烤味，牛肉味濃郁，配埋撈檬，好夾好好味我哋仲交配左小食，首先係個春卷，的的式式，一啖一粒，脆卜卜，口感很不錯啊跟住就係雞肝醬蜜糖多士，雞肝醬我之前從來都冇食過，所以感覺比較新穎，估唔到未到俾我幻想嘅好，配埋蜜糖，無論口感定味道，都非常夾，好味啊我哋亦都有叫飲品，分別係椰青水同埋青檸梳打，青檸梳打入面，仲有薄荷葉，非常解渴，最適合衣家呢啲天氣飲而

最近買越式牛肉粉的店鋪越開越多 而這一間是主打用食用美國Prime級牛肉作賣點 今次我也是為了這個賣點而來 晚上來不用等位 這裡選擇不多 粉類有牛肉河及撈檬兩款加其他小食我想一次食曬不同部位的牛肉 點了碗招牌Pho特別(生牛肉/牛腩片/牛脷/牛筋/牛柏葉/牛丸/扎肉/蘿蔔) $98 果然牛肉味香濃 食生牛肉最能食到這牛肉的與別不同 牛脷煮得軟淋 好好味 牛腩片味道都好 不過食完火燒牛腩片之後更喜歡火燒過的味道 另外湯底都清甜火燒牛腩撈檬 $68 牛腩用火燒的方法燒香牛腩表面 食到牛腩脂肪的香味 味道剛好不會太肥膩 撈檬的酸汁是自家製的調味 調得剛剛好 點粉麵可選擇用優惠價追加飲品+$15 青檸梳打 +$20椰青水

Prime pho呢間鋪頭地方唔算闊落的, 以吧枱座椅為主, 近來好像多了吧枱形式的新食店, 一個人來吃的話較自在吧。同朋友叫了兩款飲品, 青檸梳打, 清新的味道, 揀了走冰, 可以全走。朋友就簡左椰青水，新鮮椰青既味道！ 第一次來這裡, 必食招牌pho, 可一次試全部東西, 價錢貴, 但它份量多, 料也多, 兩個人食, 加上小食, 其實也夠飽, 料有: 生牛肉, 牛腩片, 牛脷, 牛筋, 牛栢葉, 牛丸, 扎肉, 蘿蔔, 生牛肉已浸在湯中, 見到時已變熟, 沒留意到原本是不是生, 牛腩牛肉都好香牛味好軟腍, 十分喜歡, 牛肉細心切開了, 方便分吃, 蘿蔔和牛筋我們有追加的, 所以特別多, 蘿蔔清甜無渣, 牛筋已煮得軟軟的, 補充骨膠原, 扎肉像有軟骨粒粒, 牛脷是真的有脷的樣子, 也是軟身質感, 湯底偏甜, 像是牛骨蘿蔔煮出來的, 河粉幼身滑溜, 又沒有索湯太快, 質素不錯。 另一款選了餐廳推介的 火燒牛腩撈檬$68, 其實吃完湯河和小食後, 我們兩個已經頗飽, 這個我們吃不完要帶走的。檬粉做底, 加上薄薄的青瓜片, 蘿蔔絲, 炸蒜, 牛腩片等, 簡單組合加上特調醬汁卻是無窮的美味,

今日收媽咪收工，見到中環有間主打食牛既越南餐廳都幾吸引。8點黎到要排隊，排左差唔多半個鐘先入座。有湯河同撈檬可以選擇，可以食到唔同部位既牛肉，岩曬鐘意食牛既朋友。夏日熱辣辣，一定唔少得凍冰冰既飲品。椰青水就夠曬清新，消暑一流。而特製奶茶都唔錯，味道方面就冇乜特別。之後店員會送上配料，可按個人口味加落去湯河度。賣相好精緻既招牌Pho，大大一碗，就算兩個人分享都不成問題。呢間餐廳嘅牛肉全部都係美國Prime級數，牛肉黎講係最頂級，來自42個月齡以下既年輕牛隻，肉質會較一般牛肉堅實，口感極佳。湯河既配料非常豐富，包括生牛肉，牛腩，牛脷，牛柏葉，牛丸，牛筋，扎肉同埋蘿蔔，可以一次過食盡唔同部位既牛。牛肉口感軟稔，牛味相當濃郁，生熟程度岩岩好，Prime級牛肉既口感真係特別正😍我媽咪對生牛肉讚不絕口👍🏻湯底充滿牛肉香，味道濃郁，而且食到最後唔會膩。無論係牛肉定湯河份量都相當慷慨，我同媽咪兩個人都食唔曬。中環黎講，$96就有得嘆頂級牛肉，價格相當親民。加多$15就有得食埋牛油雞翼同埋春卷。食飽飽已經係9點幾，今晚有個幾愉快用餐體驗。聽聞講火燒牛腩撈檬係必食，係模仿日式火灸燒香牛肉表面，令牛肉更香口

 一見到間店仲以為係CAFÉ黎細心D睇個MENU先知係越南野食既店唔算大, 有BAR台同普通台當日大約7點去食都已經坐到好FULL下 一睇個MENU, 選擇唔算多但係我想食既都已經係齊到我叫左既係招牌pho湯河 一碗就已經包含哂好多不同既食材一次過滿足我所有願望 有生牛肉, 牛腩片, 牛脷, 牛柏葉, 牛丸, 札肉, 蘿蔔 咁多個食材入面我最鐘意就係生牛肉因為佢係好RICH既牛肉味, 加上越式獨有既香料味道半生熟既口感好嫩滑蘿蔔就吸收哂湯底既味道又唔會起渣正 我都嗌左牛油雞翼做小吃外脆內軟加埋香噴噴既牛油味!!真係一個享受呢個小吃係我既必食推介!!

香港食越南野既店都幾多下呢間對我黎講比較特別第一佢係係中環區個店都裝修到好似文青咖啡店一樣第二係佢既menu主打係越式湯河加上佢自由配搭個食材個下有d似食緊車仔麵 我今次選擇既係撈檬孖寶呢個撈檬孖寶可以任選2種不同既配料我就揀左春卷同火燒牛腩 一如越式菜色既特色一樣都係有勁多配料香料係上面店員再送上即場製作既醬汁可以將佢撈入撈檬入面 高度推薦個火燒牛腩香口得黎又幾特別牛腩薄薄的但係口感一流 D香料都似足哂係越南食到個隻味雖然個檬就少D不過重質不重量黎講 我比滿分 芫茜特飲因為個日就有D唔舒服, 所以特登就叫左D健康D既飲料飲如果鐘意芫茜既 個人都幾推薦呢個成個杯都充滿芫茜!! 成個味道都好FRESH

近排越南河粉開到成行成市, 中環蘇豪區都開咗間, 樓底都算幾高, 設計以木色為主,牛肉河粉為主打, 有生牛肉, 牛腩片, 牛脷, 牛筋, 而招牌河粉, 有齊曬牛腩片,牛脷,牛筋,蘿蔔,扎肉,另外我特別鍾意食扎肉嘅,就加咗12蚊,加多啲扎肉我最鍾意嘅就係佢嘅湯底, 非常的鮮甜, 唔知係咪加咗啲冰糖呢, 令到湯粉更加入味, 河粉幼身, 容易夾, 掛湯能力又高, 佢嘅餸菜都幾正, 有入口即溶嘅牛腩片, 牛筋真係冇得彈, 未試過咁入口即溶嘅牛! 另外牛柏葉非常之彈牙, 牛丸q彈, 札肉加咗一啲豬軟骨, 令到扎肉增加口感, 呢間越式河粉, 係我近期食過最正既

This is a new vietnam shop opened in central. I came across it one day when I was wandering around. I always think that a good bowl of pho consists of a few things, tasty and fresh broth, chewy noodles and fresh toppings. And I can say that this bowl of prime pho is the best I have ever had in Hong Kong and I nearly drank all the soup as well. The toppings are fruitful to cater someone with choice difficulty.

去中環飲野前先食過飯，可以試下呢間越南粉，cp值相當高，份量多又好味。門口喺bar枱設計，似日式拉麵店格局。有掛勾放東西，很貼心的設計。主要食pho和vermicelli，有小食，冇加一服務費。+$12 青檸梳打，多青檸，夏天飲好清涼。+$15/一件 自家制雞肝醬蜜糖多士，厚厚的chicken liver pate搽上crispy的法包，口感甘香豐腴，配honey、black pepper、洋蔥和herb，可減輕膩感，整體好夾，highly recommend。招牌pho特別$96配料豐富，有生牛肉、牛腩片、牛脷、牛筋、牛柏葉、牛丸、扎肉、蘿蔔，每款都相當有質素，生牛肉超嫩的，湯底清甜而不咸，河粉夠爽口。+$15 牛油雞亦/2隻，脆卜卜，香噴噴，趁熱食，真正的外脆肉軟，yumyum。附上醃蘿蔔，可以refresh口腔的味道。魚露用玻璃樽裝好精緻。撈檬孖寶($72)，好大份，揀左燒豬肉和春卷。燒豬肉好香，醃得好入味，肉質鬆軟帶甜味。有大量蔬菜，青瓜片、蘿蔔絲、芽菜、葱、芫荽、生菜、花生碎，口感爽口又清新，加些魚露mix up超美味。+$9 特式檸檬茶，大杯抵飲，用上青檸，茶味十足，好好飲

這家越南河粉店很特別裝潢走時尚摩登風菜單簡單沒有花巧牛腩片湯河是這裡的招牌湯頭清甜非常順口牛腩片果然不失所望肉質軟腍肉香味濃郁上面灑滿羅勒芫茜香蔥黑椒是一碗非常有水準的越南河粉加十五元可配越式炸春卷剛炸起上桌很燙口體型迷你但味道不俗再補錢加配牛油雞翼表面灑滿炸蒜味道重咬下去隱約有陣咖哩味小食點了越式燒豬肉豬肉醃得入味燒得香口肉質也相當軟腍滑嫩飲品有比較特別的芫茜特飲玻璃杯裹塞滑大量芫茜芫茜控純對不能錯過

向來喜歡吃越南菜、尤其是Pho、越南河粉湯清而味濃。擺花街開了Prime Pho，放工決定去一試。店子不大、一排bar 檯、旁邊還有三、四張桌子。我們點了招牌Pho $96 和生牛肉河粉$78。不用多介絕生牛河了、因為招牌Pho 什麼也有了、生牛肉、牛腩、牛脷、牛筋、牛栢葉、扎肉、蘿蔔、牛丸。不得不讚牛腩好嫩滑、牛脷亦軟稔、牛筋軟滑沒有肥膏。平常好怕吃牛栢葉、有時侯會太韌咬不開、但這牛栢葉比較細小、爽口一點也不韌。Pho 河粉爽滑、湯底鮮甜、整體都好好味、值得推介！另外我們點了$15牛油雞翼、皮炸得香脆、味道不錯。椰青水好清甜啊！

越南牛肉粉迷人之處在於其湯底，河粉及食材的鮮美，要掌握烹調技巧及食物質素看似簡單，其實並非易事。牛肉粉能夠如此美味，都是全靠廚師用心烹調而成。Prime Pho一款很特別的牛肉粉，那就是招牌pho特別。為甚麼我覺得這牛肉粉與眾不同? 因為除了一般的牛配料外，竟然有牛脷，我是首次在越式牛肉粉吃到，它太軟腍鮮嫩，沒拍照已瞬間吃掉。招牌特別pho裡面有很芽菜，芫茜跟白蘿蔔，讓牛肉湯喝來很清爽，裡面還有超多牛腩片。除有牛丸，還有生牛肉，牛筋，牛柏葉及扎肉，超豐盛的說。生牛肉浸泡熱湯變成熟成的牛肉，鮮嫩多汁滑，牛筋燉煮得軟嫩又帶些彈軟度讓我和朋友喜歡。牛柏葉口感爽脆，牛丸更是彈力十足，牛味濃厚。招牌特別pho湯頭雖濃郁但不死鹹，喝得到湯頭的甘醇又有芽菜，蘿蔔的甘甜滋味。假若喜歡酸辣風味不妨添加辣椒粒，青檸汁，是拉差辣椒醬及甜醬油，包保別有一番風味。越南粉另一必吃就是撈檬，我們想一次品嚐兩種配料，故選了撈檬孖寶，配春卷和火燒牛腩，火燒牛腩又是一款特別和未曾吃過的配菜，好奇的我們萬分期待。撈檬上薄片的青瓜跟醃蘿蔔即使是配角，也不失色，同時檬粉撒上花生碎跟酸甜的魚露醋汁香氣不絕，檬粉酸酸甜甜很開胃，青

Central is not generally what comes to mind when I think of affordable and delicious food, hence it was my surprise when I found this restaurant along the mid-level escalators. Not only was it an economical choice, considering its location, but it was also delicious and I look forward to coming back in the future.Among the items on the menu, we went for the Raw Beef Pho ($78) and the Prime Pho ($96), which consisted of many different parts of beef.The soup was very flavourful, which I think is s