金色不如帰 (國際金融中心商場)

Open Now

Now Closed

============== 𝐹𝑜𝑜𝒹 𝐿𝒾𝓈𝓉 𝒻𝑜𝓇 𝒯𝓌𝑜·• 貝汁鹽味拉麵 $128·• 貝汁醬油拉麵 $128💸 $281.6 (10% Charges)❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.一直非常期待嘅米芝連一星拉麵店，終於有日行過入去試。餐廳環境舒服，好少可以咁舒適食拉麵。-實在係名過於實，有名氣、一碗接近$140嘅拉麵，竟然會令一個拉麵控食唔哂，個份量仲要已經細🥲。其實頭一啖湯係有驚豔到，始終貝汁拉麵係較少有，湯底嘅combination都特別，以蜆湯、豬骨湯、魚清湯製成，上面仲加左特別配料。醬油湯有牛肝菌油同黑松露醬；而鹽味湯有香松露油、牛肝菌醬同西式香草（羅勒、翡翠苗、火箭菜）。碗拉麵俾3星係俾佢特別嘅湯底～好可惜，食多幾啖個湯變到好混沌、不倫不類。所有重口味嘅野混埋一齊，擺落口只有鹹味衝擊味蕾同喉嚨，咩鮮味都食唔到了。而且睇相都見到佢層油成啲厚😖。另外作為米芝連嘅拉麵店，佢個麵淋bek bek，煮到好似陽春麵咁，極失望。碗麵好細但都係食唔哂（亦好慶幸佢好細碗，如果唔係會嘥好多🙂）。如果要比較，鹽味係好食啲，味道清啲，

依間舖頭喺正IFC裏面，食晏除咗冇得book位，就係因為佢喺IFC裏邊係比較平嘅選擇，所以入去試一試。首先要講吓個份量，嗰碗飯細就唔可以再細，啲豬腩肉好肥，基本上食肥膏多個食肉，味道方面偏鹹，但係又冇乜汁，所以個飯本身係比較乾嘅。個拉麵個碗非常之有特色的大，一個字「大」，個份量就非常之少，啲湯非常之鹹，整體來講係非常之濃味嘅一個料理，埋單每位都要過$200 ，請問咁樣點樣叫抵呢？可能喺IFC呢啲咁嘅環境裏邊，啲ibanker 覺得二百幾蚊食個lunch好抵㗎啦，唔好意思講句，我覺得佢嘅質素就連「一蘭」都未及。侍應招呼亦都麻麻地，例牌一般招呼！

聽聞過金色不如歸既拉麵尼自日本，唔少人麵慕名而至，決定放工去試一試拉麵。今次去食嗌咗貝汁醬油拉麵🍜佢好有趣咁運用幾個步驟，令到人慢慢去欣賞呢一碗拉麵。首先感受碗既溫度，然後再聞一聞，再淺嘗一下個湯底～不得不讚佢嘅醬油湯底係十分之重黑松露嘅味，會感受到黑松露係非常之足料嘅至於佢其他嘅配料例如係豚肉就冇乜太大嘅特別同出邊嘅拉麵豚肉嘅味道都差唔多。試完一次之後暫時唔會再食第二次，因為個價錢都比較貴呀未食過都值得試一次既！

今次到訪，不單要吃他們招牌貝汁拉麵，也要試吓比較冷門的牛舌飯定食。貝汁鹽味拉麵$128這貝汁鹽味拉麵的湯汁清澈，不但有著鮮蜆貝風味，又帶一點魚湯風味，雖說內有豬骨風味，然而味道不明顯。湯頭清甜，加上松露油香，味道更有層次。叉燒只是一薄片，半肥帶瘦，肉質軟腍，有少少意猶未盡。拉麵是軟身幼麵，吸湯力一流，麵條滑溜，不錯。吃拉麵，少不了溏心旦。加一只糖心旦$15，流心旦王，旦味濃郁，又有少少滷過的風味，幾滋味。白松露油燒厚切牛舌飯定食$148冷切牛舌有機沙律味道唔錯，沙律十分清爽輕盈。牛湯味道淡淡然的，熱呼呼，還可以。這牛舌飯賣相吸引，牛舌烤到微焦，牛舌切到帶厚度，爽口帶一點嚼勁，又有脂香，加上白松露油，陣陣松露香，脂香牛舌配上白飯，十分滿足。p.s, 這是第二次吃，有一次好正又好吃，有一次比較韌，是看運氣吧。

劣評劣評劣評。😩平時都從來唔寫食評，之前喺又一城見過都想試，今日喺中環IFC，食飽飯都特登慕名命食嘅米芝蓮拉麵。碗麵嚟到好期待熱辣辣，點知一擺落口，好鬼恐怖，喊到🥶🤯😨😱😰😱😱😱爆。完全失望，麵身有咬口，湯底好油冇乜特別。湯底過salty ,食唔到咩鮮味。本身都好期待，三層肉的確好多脂肪，慢煮叉燒OK。我問侍應我面喊到不得了，可否減鹽或者換過碗，ignore 唔理，淨係掛住upset 我叫我加野。醒目。打咗個炸雞🍗。日式炸雞，將雞肉卷卷至一個球型，再攞去炸波波。雞Juice好味，汁配用法國芥末加蜜糖未見特用鬼佬調味料。拉麵真係好唔啱食，二百幾蚊下午茶一碗咁嘅垃圾麵，失望。

金色不如歸🍜米芝蓮一星， 主打貝汁無味精拉麵✨貝汁醬油拉面✨煙燻黑椒豚骨拉面貝汁醬油拉面湯底有燶郁海鮮同牛肝菌既味道再配上黑松露慢煮叉燒 雖然略嫌有點太油 但整體不錯試✨煙燻黑椒豚骨拉面係意外地好味，湯底黑胡椒同豚骨既比例恰到好處（仲有少少豚肉碎同炸牛蒡），鐘情豚骨湯既蘿蔔先生仲飲到乾乾淨淨🤭之不過用呢個價錢 成碗麵就得十分薄薄既三重肉 同份量偏細 黎講就有點偏貴如果係以米芝蓮黎講, 好似名氣有點過大 唔洗特登黎食不過湯底真係幾唔錯 都算係值得一試 

🌝餐廳個氣場好高級咁，同一般食拉麵既店面氣紛唔同。自己衰貪便💸揀錯款，應該要揀海鮮類嘅湯底😂，感覺會特別啲。 😶整體cp值很一般。🔴煙熏黑胡椒豚骨麵🍜 💰$115湯頭第一啖好濃嘅黑椒味湧上，煙熏味稍弱及後而上，配上豚骨既肉香，夠味唔滯，但感覺唔到驚喜之處😳。而麵條係自家製既直幼麵，有小小麥味，軟硬適中，口感幼麵黎講好食但說不上有記憶點，份量不算太多。薄身既🐷三層肉咬落嫩滑，油脂比較豐富 ，配料好少，靠幾條炸牛蒡同京蔥絲增加口感。
❗️食拉麵點可以無蛋！+$15溏心蛋 🥚係流心個種，蛋味濃，醬油幾入味！🟡🥟自家製黑豚肉煎餃 💰$68皮好薄！肉餡鬆軟，咸度恰好，其實都係一般既豬肉菜餃味，再好食啲。📍港景街1號國際金融中心商場3樓3020號舖🔅尖沙咀-九龍塘-銅鑼灣有分店

近排多係IFC徘徊，咁樣就多啲機會係IFC搵食，呢間都想試N次，今次終於有機會。作為一個拉麵愛好者，對呢一間有米豬連一星加持特別有寄望，可惜⋯⋯第一，服務態度真係有心，好好，呢個係加分位，由入座到埋單，服務都到位。可惜呢一間係餐廳麵質：差！一個字硬，硬而不彈，以為但個啲乜桃牌乾麵。完全沮喪，拉麵基本都做唔好豬骨湯：正常冇驚喜貝汁醬油：好鮮好鮮，好似含住幾廿粒瑤柱。但係真係鮮過頭，物極必反餃子：正常冇驚喜份量：少得可憐價錢：CP值勁低你總唔可以因為麥記開係IFC，Big Mac就可以收$80個喎。

📍金色不如帰中環港景街1號國際金融中心商場3樓3020號舖.🤓貝汁鹽味拉麵 Shio Hamarugi Soup Ramen💰$128.🤤溏心蛋 Soft Boiled Egg (1 pc)💰$15.米芝蓮一星⭐️啱啱返中環嗰時已經留意到呢間拉麵鋪但一直都想試想試未去試 結果依家先食到.佢有lunch set的：拉麵+餃子/飯+飲品但胃口不大 就單叫拉麵好了例牌叫招牌菜 呢間出名貝汁貝汁鹽味同貝汁醬油之間 我揀咗清啲嘅鹽味.一上枱 未除口罩 都聞到好香唔係好香貝汁 都唔係好香鹽味係好香松露味🥰⋯係咪有啲咩唔妥 竟然係香松露味仲要有pat松露醬喺片叉燒上面即刻飲啖湯底 好飲 清 但我食唔到佢嗰三重層次我淨係知溝埋之後個balance做得幾好一啖麵一啖湯輕鬆就飲晒成碗直麵 略嫌軟身叉燒 兩片都好薄 無乜特別反而覺得pat松露醬係多咗本身鍾意食松露醬 都覺得pat醬好食但佢同呢個湯底放埋一齊有啲喧賓奪主蓋過咗本身湯底嘅鮮味.溏心蛋！！！佢唔切開埋有啲可惜 影相唔靚我用筷子劏開 橫切面好岩巉 所以無影 (其實係掛住食整得好靚 橙紅色流心蛋黃 .打卡攻略：原來枱頭個牌係兩面唔同 一面鹽味一面醬油可

如果大家有係新宿本店食過…咁香港konjiki hototogisu就唔好去食喇,基本麵既硬度都無問過客人,辣味亦無問,仲有辛辣係用麻辣黎做,黎到香港變晒質既一間拉麵店,um…係日本都一段時間既我,係好鍾意去唔同地方度食拉麵,新宿本店唔係最好既一間,黎到香港試完發覺更差都有

米芝連一星拉麵煙燻黑椒豚骨拉麵+自家制豚肉煎餃💰188 set meal晏晝去食嗌左個set meal，一個拉麵，一個小菜，一杯飲品，我嗌左煙燻黑豚骨拉麵，啲麵軟硬適中，個湯好濃嘅豚肉味而且係好掛湯，另外個煙燻豚肉嘅煙燻味都會滲左入個湯到，令個湯有小小煙燻味好特別，個煙燻豚肉係入口即溶🤤，勁濃煙燻味，加埋小小黑椒味好香。煎餃💰188 set meal皮真係好薄，好多肉粒有咬口，唔會好咸，唔覺有落味精真係好好食，米芝連係實至名歸，而且服務態度好好

其實一早喺網上面已經聽過金色不如帰嘅大名但係因為喺日本每次都要排好耐隊所以一直都未有機會試點知香港開咗分店之後都一直未有時間試尋日去完迪士尼玩咁岩順路可以去IFC食晚飯就決定試一試佢嘅拉麵好唔好食我哋9:15pm先去到但係都比我哋入🥺必試！必試！必試！重要嘅嘢一定要講三次一定要試佢哋推介嘅貝汁湯底醬油拉麵佢啲拉麵係麥麵，湯底亦都好濃郁就算你飲埋都唔會覺得太鹹本身佢會有少少牛肝菌醬其實就會有少少似黑松露嘅味道如果唔鍾意我覺得可以食之前唔要佢另外最重要嘅嘢又來啦一定一定一定要加$15要糖心蛋你係一定唔會後悔🤤另外仲有小食我哋嗌左個炸雞同埋黑松露墨魚（凍食）推薦墨魚因為黑松露味唔算太重但係佢酸酸地配埋啲青瓜同埋洋蔥絲一齊食好有新鮮感😆😆😆

有驚喜！感覺良好的一餐！所有服務員都好Nice，冷氣有啲凍要求轉枱，佢幫你轉完枱仲主動較細啲冷氣，食物新鮮，上枱動作都好溫柔慢慢放低拉麵質地唔會太硬太軟啱啱好，豚骨湯底夠香濃但又唔會太鹹。糖心蛋正，餃子好食，炸雞都夠乾身配上honey mustard 熱辣辣好正 男朋友都好滿意個小碗飯，太肚餓其他嘢冇影🤣

好少可拉麵可以有米芝蓮一星，一於同老婆搵日特登黎試白豚骨拉麵：濃厚豬骨湯香氣撲鼻，鮮味相當濃但無話死咸，湯體有相當傑度但又無話好似豚王咁粘口，拉麵屬較幼身係我鍾意嘅口感，傍住啲京葱絲食再增添爽脆口感，叉燒好夠淋有相當肥度同油香，但略嫌太薄，收得128我認為可以厚切番啲或者俾多兩片貝汁醬油拉麵：麵同叉燒同上，湯體較清及稀身但比豬骨湯更濃味及較咸，由於有加牛肝菌油因此有一大浸乾冬菇香味撲鼻，雖然牛肝菌提升左香氣但亦因為牛肝菌太濃味變左喧賓奪主，完全感覺唔到貝汁（蜆湯）嘅存在，我覺得改名做牛肝菌醬油拉麵會更貼切溏心旦：如相片所見溏心度相當靚，隻旦浸到啱啱好亦相當夠味，15蚊的確係物有所值上餐速度都幾快，可能當日唔壴好多客，落單後10分鐘內上晒所有食物，侍應亦相當有禮米芝蓮一星拉麵係可以一試，但收得128就唔會經常黎食

我們今天與朋友再來到了金色不如帰進餐，我們先點了兩款小食和兩個飯...今次就重點介紹它的小食吧。我的朋友點了煎魚，雖然看起上來炸得有點油油的，味道不會太重油漬味道。而魚味鮮甜，不會很腥，皮炸得香脆可口，咬起上來魚肉嫩滑，配上香脆惹味的皮，在口裡有多層次的口感，讓人吃得十分喜悅滿足。而炸芝士豚肉實在是很邪惡呢！一咬起來，裡面的芝士汁激爆醬，芝士汗在口裡大爆發。它炸得很香口，而芝士味適中，不會把豚肉的味完全蓋過，很不錯呢！