金色不如帰 (國際金融中心商場)

Open Now

Now Closed

網上面睇到好多人介紹呢間過江龍難得過到嚟中環就試吓佢午餐時間真係好多人等咗半個鐘先至入到去餐廳好大個範圍係open to all 都幾嘈下想傾吓計嘅話就唔好揀lunch hour去啦叫咗一個貝汁醬油拉麵再加溏心蛋我同朋友都跟足佢嘅食法去食先講個湯底 有海鮮味而且濃郁嘅但煮出黎好清旁邊有少少黑松露但又無搶咗啲味個人來講係覺得湯底幾出色佢有兩塊豚肉 一塊肥一塊瘦 成件事加埋係好balance 麵底亦都好食

在附近四季酒店staycation幾天，逛街時突然想吃日本拉麵，所以下午茶時間來附近的金色不如歸嘗一嘗。 名字挺有創意，被它吸引。下午不用等位。吧台座位比較狹小（不過香港大部分拉麵館或食店都是小小的）。- 店員服務態度斯文良好。-桌面上的台卡座上的招牌拉麵畫功有趣生動，所以就點了碗招牌貝醬拉麵嘗嘗。- 廣告版上還寫上什麼米芝連推薦，不過個人覺得米芝連推薦不代表好吃，只能作個的參考， 讓駕駛者有個guide而已、評分視乎評審員的主觀判斷和刻板印象而已，不過就可幫店主賣貴幾十塊錢。所以這碗面定價是比較高。- 雖然比較喜歡重口味，但這湯地清晰外觀的味道也挺濃郁。面底爽滑可口，加上配料，口感比較豐富。值得嘗試- 埋單不到一百五十元，七分飽，在高端的商場來說性價比挺高的

農曆新年前天氣又轉涼，同朋友仔去左ifc食飯，朋友推介呢間係米芝蓮一星拉麵。因為我地早食，所以唔洗排隊。我地一個叫左貝汁醬油拉麵、令一個叫貝汁鹽味拉麵。我地覺得鹽味湯底好味點，雖然個麵底好正，不過百幾蚊碗拉麵黎講，佢份量就比較少，我同朋友食完麵覺得唔飽。

今日放假同朋友黎左IFC呢間拉麵店，午餐時段唔使排隊即刻入得，朋友叫左招牌「貝汁鹽味拉麵」，我就叫左「貝汁醬油拉麵」，第一啖飲左湯先，個湯底比「貝汁鹽味拉麵」濃d，好香松露同牛肝菌味，但可能個人比較重口味，覺得湯底可以再濃味d會更好

聽到「過江龍」呢三個字其實我對呢間由日本來的拉麵冇咩期望。抱著冇期望便唔會失望嘅心態嚟食呢間嘅拉麵就啱晒。我食咗個「貝汁醬油拉麵」(HKD128)。碗拉麵對我嚟講正常size(男士們應該唔夠食)不過麵質偏硬。碗內有一塊低溫叉燒同埋一 塊薄到一夾就散開嘅豬腩肉。豬腩肉喺未用筷子夾之前賣相的確係幾靚仔，三層肉層次分明，好清楚見到豬肉跟肥膏。成碗拉麵唯一可以讚嘅就係個湯底，用蜆湯、豬骨清湯、魚清湯製成，味道偏淡但勝在冇味精。黑松露醬+牛肝菌油為呢碗拉麵添加了少少色彩和香氣。隻溏心蛋要另外加錢 ($15)。好彩有加咗隻蛋因為食完嗰兩塊肉之後覺得自己好似冇食過任何配料，只係食緊碗有個湯底ok嘅拉麵😂擁有米芝蓮一星名銜的拉麵店，食完之後覺得真係好普通，價錢預咗會貴啲。除咗個湯底我真係諗唔到其他特別之處，可能係我唔識欣賞啦。

係離島玩完一日返到中環都已經好攰，就係中環ifc搵間餐廳醫肚！見到呢間拉麵幾新又拎左獎，就一於試下啦。叫左碗貝汁鹽味拉麵($128)，濃濃嘅貝汁湯底，配燒叉燒同京蔥絲，幼麵身幾爽滑。另外叫左碟自家製黑豚肉煎餃 ($68)。煎餃皮餃得幾薄身，細細隻煎得幾香口。仲叫左碗燒豚肉叉燒小碗飯 ($58)大大片肉好滿足，最鍾意隻半熟蛋，流心好好食！整體來講，食拉麵都係差唔多呢個價，都可接受。食物都嚟得好快，服務都唔錯。

第一次嚟到呢間拉麵過江龍，試咗貝汁醬油拉麵同埋餃子，食物品質上冇乜特別，冇驚喜，價錢亦偏貴，食完都唔覺呢間係一間一星米芝蓮餐廳。呢個應該係一間位於中環好很貴嘅拉麵店罷了⋯⋯但係呢間餐廳喺衞生上就有啲問題，一般來講，而家疫情期間餐廳都應該會比較注重清潔同衛生，但係呢間餐廳反其道而行，吧枱上鋪滿灰塵，餐枱上亦都有曱甴橫行。呢啲係ifc 1 星星餐廳嘅應有環境嗎？真係好掛住喺日本嘅餐廳，真係好希望快啲可以飛去日本食啊。

大家聽到過江龍，會唔會已經打定輸數食物質數唔好呢? 但其實香港好多話羅左米芝蓮既過江龍，其實只係羅到必比登推介，唔係米芝蓮既一二三星。而今次呢間東京過江龍拉麵，係真正羅到米芝蓮一星既餐廳，必比登推介同米芝蓮一星實際有好大分別，因為後者係好難羅到。而其實東京可以羅到米芝蓮一星既拉麵只有三間，分別係創作麺工房鳴龍、蔦同金色不如帰，後兩間同樣係香港都有分店，但呢間金色不如帰係連續兩年(2019-2020)羅到星，仲係日本食評網Tabelog評為2010至2017年最佳拉麵，我一早係拉麵雜誌《TRYラーメン大賞 2018-2019》入面知道呢間拉麵，因為佢係係鹽味拉麵排名第一，咁猛料究竟呢間過江龍同係日本食有無分別呢?。-分店 香港首間分店就係係2019年12月係中環插旗，之後係上年11月係九龍塘開左首間九龍分店，再係今年2月係尖沙咀開店，呢家香港已經有3間分店。-排隊我幫襯過幾次，係2020年年初時食，夜晚去係唔駛排隊，最近期食個時係紅日放假，咁岩係年初五，食午市時已經係滿座，要禁電腦羅飛等位。個時大概下午一兩點，羅左2人飛，等左10-15分鐘終於入座。係平時未滿座時店員會盡量打散食客分開坐

從來無諗過要食香港嘅 金色不如帰. 不過去開 IFC, 順路經過打張咭. 已經冇期望同米芝蓮一星嘅新宿御苑前店可以作任何比較, 但價錢係東京一倍嘅140蚊呢碗嘢嘅水準真係令人極其失望, 各位如果想去試真係要有心理準備.

安靜的一人中餐今天很難得，此時此刻是我獨自享樂的時候。過了2點半，在安安靜靜的享受一碗看似簡單，吃起來有驚喜的一碗拉麵。 吃飽後不捨得離開繼續待在這裡上網分享一下我和這碗拉麵的邂逅。難得有時間在IFC 瞎逛，看到這家經過幾次，但是都沒有進去到的拉麵店。主要是中環太多選擇了。。所以到今天才輪到吃吃他們家。 下午2:30來，不用排隊。第一次來，當然吃他家的主打拉麵（貝汁鹽味拉麵）。因為一個人吃，所以能夠專心吃，慢慢品味，才能夠感受到這碗拉麵的細膩心思。 我看到桌上的牌子，教人如何吃拉麵。開始我還覺得有點多餘，但是我還是照著牌子上寫的步驟來品味他家的拉麵。真的有必要跟著牌子上寫的步驟吃，才可以有大感動的感覺。首先第一口捧著碗喝一口原汁原味的湯。 我一般很怕某些海鮮會有腥味，第一口下去，完全沒有腥味，而且有貝類湯令我驚喜的鮮味。第二口湯舀了一勺帶點香草葉。 淡淡的Herb 給這口湯添加了一點清香🥰🥰第三口再 舀一勺帶牛肝菌醬的湯喝，更加濃郁的香氣。（之後我只顧著吃，因為太餓了，忘了照照片）。第四口我才吃麵。。。 吃到第八口，味覺有點疲乏了，就喝了兩口水cleanse pallet。後面繼續吃

好耐無食了，好喜歡這裏的貝汁湯底，十分鮮甜，又唔肥膩。每次我都飮晒佢。喜歡他們的麵是蕎麥麵，比較健康。叉燒好好味，但略嫌有點兒薄，如果大塊啲或厚些就好了。餃子都好好味，皮薄又juicy，不錯。

IFC 快食之選上菜速度快，又有禮貌！👍🏻雖然我趕時間，但都會叫多款小菜。😜京蔥味噌豆腐：外脆內滑，但豆腐味被醬汁完全蓋過。或者你當佢係臭豆腐+食醬 concept, 就ok自家製豚肉煎餃：絕對夠熱，再跟埋甜甜地的餃子豉油，又有同一般餐廳有別涼拌黑松露紋甲墨魚頭：呢個一定要試吓。酸酸地，又夠霖👍🏻👍🏻主食叫咗餐廳推介，白松露酒厚燒牛舌飯定食，完全feel唔到松露味，牛舌半生熟，但我咬唔開。牛舌放在沾滿蛋汁的飯，絕對有視覺享受，創意十足👍🏻。牛舌沙律反以是最好。兩款拉麵的湯都好味濃

間東京米芝蓮一星拉麵店主打用蜆湯、豬骨湯、魚湯調製三重湯底 🤩🤩再加上牛肝菌同松露等矜貴材料 ✨完全無落味精十分抵讚👍🏻 可惜松露一向都唔係我杯茶 最怕松露嘅味道過於突出 蓋過其他食材嘅味道反而個燒豚肉叉燒小碗飯又幾好味喎😝!! 燒豚肉同叉燒各有四五片 薄切得嚟肉質軟嫩又唔算肥 加上小小甜醬油、京蔥同流心蛋 肉肉大盛就啱晒我呢啲食肉獸呀😍另外仲試咗個煎餃子🥟煎得唔算香脆 不過皮夠落 肉嫩多汁如果你怕碗拉麵唔夠飽都值得叫多份餃子呀

香港不嬲都好多日本過江龍，呢間金色不如帰就特別d，因為佢係東京拎咗米芝蓮一星，極具口碑，主打拉麵既湯底亦都好特別，係加咗大量蜆一齊煲，所以就出咗貝汁鹽味同貝汁醬油兩款主打嘅拉麵。貝汁鹽味拉麵呢款鹽味拉麵面頭加咗白松露油、牛肝菌醬、香草及煙肉碎，一開始飲落去幾香松露味，而且都唔算油，不過問題嚟喇，食食下就feel到個湯好咸🤢，唔知係咪因為太多醬料嘅關係呢，食完碗拉麵係會幾口渴嘅，真係唔慌唔係鹽味喇。貝汁醬油拉麵一開始聞起上嚟有好香既牛肝菌味，味道都係以牛肝菌味為主，就算有黑松露醬或者其他配料都唔係好食得出，醬油味欠奉。自家製黑豚肉煎餃上枱時似乎煎得幾靚仔，餃子底部微焦，不過食落竟然係腍pat pat，個皮軟lai lai，又唔香口，無論個餡定個沾醬都唔夠味，$68食5隻呢個質素既煎餃真係好失望。總括黎講，拉麵湯底偏咸，亦飲唔出蜆味，只有松露醬或牛肝菌既味道，麵底份量少，麵質偏腍，order時亦無得揀麵質硬度之類，而且每碗麵只有一塊好薄嘅五花肉同一塊好薄嘅叉燒，百幾蚊一碗拉麵仲要加一，真係諗唔到點解會值米芝蓮喇🙈🙈 。人均消費：$230推介指數（10分為滿分）：3分

今天一家四口去食拉麵 服務態度一流 因為限聚令下 2人同桌但職員依然 細心安排及準備令我們可以坐在附近 方便照顧點了三個湯麵 一個牛舌定食2份小棠菜 1份炸雞 1份炸蝦1份餃子拉麵味道：湯底十分吸引 味道濃郁可惜麵條質素差 份量少 又沒有加麵服務若主打是拉麵 我是不會再光顧了牛舌定食味道：好味 份量還可以炸蝦味道：份量只有一隻 $82 十分不值 味道一般小棠菜、炸雞、餃子很喜歡有$15的小棠菜 半棵共五件因為拉麵很多時候沒有蔬菜這個安排很好炸雞做得很出色 味道不錯餃子是眾多食物中做得最好的 必試之選👍🏻