豐鍋雞煲 (荔枝角道) (Closed)

豐鍋雞煲 (荔枝角道) (深水埗)滋補螺片花膠雞煲(半隻) $218呢款雞煲係湯同料分上既，店員先上湯，等湯滾咗之後就會幫你落埋雞同花膠螺片落去，仲會用沙漏幫手計時。沙漏完咗後就可以食。因為湯比較清又唔係好多調味料，就更加食到雞既香味。螺片花膠都唔會好硬又吸收到湯既清甜。雞煲黎講都幾講高質。。手工四寶丸 $88有四款丸：蝦丸，墨丸，黑墨丸，鯪魚丸，每款有２粒。手工丸食落比起平時個啲丸更加彈牙同有鮮味。咬落去仲食到有粒粒墨魚，好足料。。頂級安格斯牛小排 $188一黎到就知到呢份牛肉應該好好食，油脂分佈平均。因為已經融咗雪，淥一淥已經得。肉質好軟冇筋，牛味都重，而且份量都唔少。。雜菜籃 $70有菜心，油麥菜，白菜同生菜。菜都幾新鮮。因為個湯甜，淥完啲菜都特別好食。。手工即炸魚皮 $52黎到個時仲熱同脆卜卜咁，比起既炸魚皮更加有咬口，淥耐少少都唔會軟晒。。玫瑰柚子 $38藍蝶雪梨 $38两杯飲品賣相同味道都唔錯，但略為甜咗啲，如果有得少甜就最好。📍深水埗荔枝角道240號地下A-C號舖

今日同老公去荔枝角道食雞煲。二人套餐好抵食，有半隻雞食，辣度我哋揀中辣。一上檯，麻椒味撲鼻而來，好香。半隻雞嘅分量都好多，雞肉嫩滑，啖啖都係肉，辣味都入晒，雞肉表面係麻！麻麻辣辣好開胃好好食。飲品嗌左水蜜桃梳打和凍檸七，吃辣嘢配凍飲，好享受。吃完雞煲可以叫適應加湯食火鍋，水餃和墨魚丸各4粒，水餃係韭菜餃子，粒粒都飽滿。食火鍋豬腩肉和肥牛必不可少，加上雞煲麻辣味道，又香又辣。烏冬刷麻辣好正，麻麻哋又彈牙，分量又唔少。唔好睇套餐菜品唔多，但分量都比得足，我同老公食得好飽。

放工同媽咪去深水埗食雞煲🐔🍲之前試過石門的另一分店味道唔錯，所以今次就去試埋另一間-而家仲有promotion，逢星期一至四，只要按人頭計消費滿100以上，就可以全場任飲2小時啤酒，係100%澳洲麥芽釀製，岩晒飲酒的人士🍺-我地揀左bb辣既原味雞煲，另外仲有椰子雞煲同花膠雞煲選擇，雞都可以揀半隻/一隻-必食之選🔥🔥🔥手工炸魚皮(即叫即炸)安格斯牛小排亦都係無得輸，滿鋪雪花-係滿足既一餐呀😚

一黎到已經覺得餐廳裝修好企理, 枱都放得好闊落, 就算係打邊爐都唔會覺得成間餐廳好煙霧彌漫！自助調料區有沙茶醬,炸蒜,蒜蓉,同芫茜等等, 而麻辣醬係好惹味大家都可以試下!!朋友揀左花膠雞湯, 清清地唔會油膩~ 另外再叫左炸魚皮, 牛肉,蔬菜藍等等~<炸魚皮>值得一試!平時既炸魚皮都係一件件, 今次係原條上! 即叫即炸係炸辣辣,但出奇地唔油膩, 好脆仲有魚既鮮味!<雪花肥牛>賣相好靚, 肥瘦均勻, 牛味都幾重, 唔錯!<手打四寶丸>每次打邊爐都必叫既四寶丸, 手打既係特別彈牙, 真材實料, 最鐘意蝦丸, 好足料!!

呢間鋪好大間，坐得好舒服😌見到佢既海龍皇套餐有特價緊係試試佢！$328有齊多重海鮮🦞、肉類及丸類😋😋😋我覺得最正既海鮮係龍躉片，好鮮味，又啖啖肉。仲有與別不同既炸魚皮，大條到一塊都要分三次落，超好味👍👍

今日行開深水埗買野又想食雞煲，就搵到這間豐鍋雞煲，於是就去試一試，行到餐廳隔近已聞到陣陣雞煲香味非常吸引。豐鍋招牌麻辣雞煲（小辣）：黎食雞煲當然要叫返個招牌麻辣雞煲啦，小辣辣度合適我地而且麻辣同雞煲係非常野味，雞件份量不少同雞件都好幼滑，非常好食。頂級雪花肥牛：肥牛雪花花紋非常靚，肥瘦適中，滾一滾就食得入口即溶。手工四寶丸：4種丸都各有特色，由於都是手打都非常爽口。自創爆芝紫菜響鈴：響鈴外皮炸都好爽脆，中間夾雜紫菜同芝士口感好好，極力推介。

豐鍋雞煲佢地有幾款唔同既雞煲，今次揀咗滋補螺片花膠雞煲，呢款係比較上清淡啲既。有半隻同全隻可以揀，我地揀咗半隻價錢＄２１８。呢款本身會配埋個湯，聞到有淡淡既香味，又幾清甜。螺片，花膠同埋雞肉會別外分開。店員會先等湯煲滾咗之後再放埋其他材料落去，仲會提你幾耐之後食得，呢方面係幾貼心既。。之後仲ｏｒｄｅｒ咗其他火鍋配料，雜菜籃（ ＨＫＤ70）足夠２—３人食既份量，四款既青菜都算係新鮮又冇咩爛。如果淥完雞同牛肉之係既湯黎淥菜，菜就會更甜同好食。手工即炸魚皮（ ＨＫＤ５２）一份有３大件，炸得好香脆，放落湯到淥１０幾秒已經食得，呢款魚皮比較脆啲，食落更有咬口，　個人都幾鐘意食。手工四寶丸 （ ＨＫＤ８８）一份有８粒，每款丸有２粒，其中蝦丸同黑墨黑魚丸就比較彈牙同多汁。頂級安格斯牛小排 （ ＨＫＤ１８８），見到有唔少人推介必食，黎到都見到質素幾好，油花分佈平均，食落有牛味，油脂味都幾香，肉都幾嫩滑。份量價錢都算幾扺食。玫瑰柚子 （ ＨＫＤ３８），藍蝶雪梨 （ ＨＫＤ３８）

深水埗食好西，呢一間真係絕對稱得上隱世食店。第一樣好想讚佢既店員服務態度好好，超級有禮貌，而且樓底好高好大間，坐得好舒服，岩哂同朋友慢慢嘆。我地叫左個＄328／位既海龍皇套餐，之後等既期間記得戴口罩去配料區調味。我地揀左芫茜皮蛋湯，呢隻湯岩哂食海鮮，皮蛋同芫茜都有好多，真係唔客氣！特別想讚佢既開邊大龍蝦，的確非常新鮮，配合呢個湯底，食得出好鮮好甜好彈牙。另外佢既手工三種丸類都好出色，食到入面粒粒肉真材實料。我女朋友就好鐘意食佢既大大片既龍躉片，好解好甜。呢間下次一定會再黎。性價比超高。

忍左好耐夏天唔打邊爐！呢間雞煲做緊二人餐，啲嘢食都好似唔錯！兩個女仔應該會夠食，所以就決定入去試吓！-招牌麻辣雞煲（bb辣）食雞煲梗係食麻辣啦！我地叫咗bb辣， 一上枱已經聞到好香花椒八角味，啲雞件好入味啖啖肉，配菜仲有齊紅蔥頭、洋蔥、芫荽、蒜頭，超惹味！！題外話：侍應會幫我哋率先攪勻左啲雞同較岩火力！再叫我哋等幾分鐘就食得！服務幾好！-頂級雪花肥牛、頂級黑豚豬腩肉、韭菜餃、手打墨魚丸、響鈴-肥牛同黑豚肉上碟嘅時候擺碟好靚，黑豚肉肥瘦適中，肥牛完全冇根！比放題店質素明顯高幾班！-韭菜餃脹卜卜😎但係食落覺得可以增添多少少韭菜味（個人口味好鍾意韭菜🤣）但都唔錯！-手打墨魚丸有驚喜，煮完之後一咬落去彈牙多汁！完全想像唔到墨魚丸會有呢個口感！-響鈴勁大卷！應該係自家製！最後落索哂雞煲啲精華，正到痺😋-雜菜籃、烏冬-小白菜、生菜、菜心組成，好好新鮮又乾淨！-烏冬亦都非常有質素！係急凍嘅烏冬！唔係平時室溫烏冬！彈牙飽肚！-飲品揀咗藍蝶雪梨同玫瑰柚子，凍冰冰最啱打住邊路咁飲😆 -埋差唔多$500，食到我哋捧住個肚走🤪

今日約左個朋友仔去深水埗行街買平野，點知落起雨黎，就搵左間餐廳食野傾下計休息下。比我地發現左呢間餐廳，店面幾幾大，就入去試下啦。呢間係食雞煲火鍋。首先我地選左個湯底係滋補螺片花膠雞煲，真係好足料，有成半隻雞，又有好多塊螺片同花膠。而且湯底好濃郁，好香濃既雞湯。而且好滋潤。跟住我地叫左個魚肚，呢道既份量樣樣都好多，非常滿足，放入去煲一陣就食得，唔洗好耐。入口即溶。重好新鮮。跟住再試咪個頂級黑豚豬腩片，肥瘦適中，鮮紅色非常新鮮。放入去十幾秒唔紅就可以食，點咪啲醬汁食真係好野味。呢道可自行調教自己鐘意既醬汁，我個人就鐘意爆蒜。最重要重有麻油加，成件事十分完美滿足。蔬菜方面我地選左油麥菜，葉非常綠，好新鮮，放入去吸收曬雞湯既精華，好甜好爽口，我係食肉獸都忍唔住食左好多葉。最後試咪個手工即炸魚皮，呢個比較特別，同平時個啲唔同，呢道既係成條魚一大塊魚皮上，係即炸既所以好香脆，就咁食都好有口感，再入湯道沖一沖就食得，非常好味。呢道服務員好有禮貌，態度好好，而且非常細心，時刻幫我地清碟，服務一流。最後叫多杯鹹檸七，非常冰涼，好消暑解渴，一級享受。我就叫左杯紅玫瑰柚子密，呢個甜甜地都好好飲。玫瑰既香味真

行經深水埗覓食心血來潮好想食雞鍋一坐低即時選到想食既口味就係花膠螺片雞煲喇上菜時間好快基本上去洗手間洗個手出去拎埋醬料就已經上左個鍋雞件花膠係同個鍋分開上方面食果時先放啲雞件入去避免雞肉過熟湯底好清甜有紅棗杞子 好養生啊！另外加配左雪花肥牛 一份都好大碟起碼有一打涮起上黎牛味好出 唔會鞋口不錯👍🏻再加多一份四寶丸有墨汁墨魚滑 蝦滑 鯪魚肉 墨魚滑爽口彈牙正！小妹最愛響鈴輕輕點一點湯就岩哂 唔會大淋將湯既精華吸哂入響鈴度回味無窮呀簡直最後加配一份生菜吸一吸湯水既油呢份菜特別好味😋食雞煲點可以唔叫飲品今次叫左藍蝶雪梨特飲岩哂食完雞煲清清熱解毒玫瑰花柚子夠哂清新特別整體黎講係正既😎

點左雞煲 冬瓜 餃餃震 牛胸肉 肥牛首先雞煲 個汁還可以 但個雞可以用千年老雞黎形容 d肉.’鞋‘’到呢 冰鮮雞都比佢好食以為雞吾好食啦 就叫其他野黎食點知都系一個伏冬瓜竟然系個老瓜d餃子我無諗過都可以甘吾好食仲話自家制 百佳惠康既餃子都好食過佢牛胸肉 咬極都咬吾郁 我都開始懷疑自己食緊咩吾洗講啦 肥牛都吾會好食得去邊 點解可以甘鞋架 又貴又吾好食 諗住附近揾個雞煲食食左成晚 食左個伏 呢一餐竟然食左600幾蚊真心吾明點解隔離枱仲食得津津有味系我地問題嗎？呢間野以後都吾會再去 伏伏伏伏伏

今日咗約友人食飯，由於佢住太子，所以就佢就去附近既豐鍋雞煲。入黎咗叫咗個滋潤椰子雞煲，見到職員親手將椰子水倒落去鍋度，個湯飲落都好清甜，而雞方面既份量都唔少，當職員放咗雞落個鍋後，會有個漏斗計時，咁就可以保証啲雞食既時候好嫩滑。除咗雞煲外，我地仲叫咗頂級安格斯牛小排、即炸紫菜響鈴、餃餃陣、唐生菜同稻庭烏冬。安格斯牛小排啲紋分佈得好平均，食落亦好重牛味，唔可以錯過。餃餃陣方面，一份有八粒，分別係木耳豬肉、魚皮餃、雲吞同超麻辣餃子，啲餃子個皮好薄，啖啖肉。個人覺得即炸紫菜響鈴非推介不可，響鈴好脆口，最特別係入面夾咗紫菜，所以真係好特別。

好似好耐冇食過雞煲，原本諗住搭巴士去第二度食㗎啦，點知喺巴士站見到呢間雞煲好似唔錯，所以就食埋先走。我哋兩個人叫咗半隻招牌bb辣雞煲，佢啲雞都好滑，而且都好多舊係啖啖肉，味道方面都唔錯，夠晒入味又夠晒麻，絕對值得再返嚟食。食完雞煲一定要打邊爐，打邊爐就一定唔少得食牛肉，我哋揀咗個安格斯牛小排，一拎上嚟已經見到佢啲花紋好靚。淥完都仍然見到佢啲油脂分怖好平均，好香牛味又夠晒林，堅正。之後我哋叫咗一個手工四寶丸，分別係墨汁墨魚丸，墨魚丸，蝦丸同埋鯪魚丸。其中我覺得佢個墨汁墨魚丸幾好食，因為咬開仲有粒粒墨魚肉，夠晒彈牙。原來我哋見到佢有一個幾特別嘅係爆芝紫菜響鈴，首先佢係新鮮滾熱辣即叫即炸，所以絕對係脆卜卜。而佢中間除咗包左紫菜之外仲有芝士，呢樣野都幾特別，啱晒啲芝士迷。食完咁多油膩野梗係要食返啲菜，等自己內心好過啲，所以我哋揀咗油麥菜，佢啲菜都幾新鮮，可以索下油。嘢飲方面朋友就叫咗杯鹹檸七，我自己就試咗佢哋嘅玫瑰柚子。不過佢哋個玫瑰柚子真係太甜，都唔係好飲到玫瑰或者柚子味，所以都係飲返可樂會好啲。

食過石門果間今日咁岩係深水埗就試一試分店🔅椰子雞煲叫左半隻雞睇住佢即開椰青水 再拆埋椰子肉雞係黃油雞 一煮黃油出晒黎雞肉好滑 湯好甜 當然吾好預煲左一陣就濃雞味 但都有 反而輕輕一煲 椰青味之餘有少少雞味 反而仲清甜🔅安格斯牛小排好濃厚肉味牛肉落湯5秒就要走人少少紅 仲係好鮮味椰子湯的甜係好適個濃味嘅肉吾會太膩🔅手工四寶丸墨魚丸、鯪魚球、蝦丸、墨魚汁丸四款丸都好新鮮好彈牙尤其係墨魚丸 因為我本身好愛墨魚丸😋🔅即叫即炸響鈴一上格就聞到果陣油炸香忍吾住立即入口 點知辣親個嘴最後都等一等放落椰子湯 又好食又解膩🔊🔊🔊🔊🔊星期一至四 人均叫滿$100就可以任飲韓國啤酒兩知鐘可惜我吾飲酒 浪費晒🤷🏻‍♂️