豐鍋雞煲 (荔枝角道) (Closed)

呢日落深水埗搵朋友食飯，慶祝佢新居入伙！朋友帶咗我去佢屋企附近食雞煲，話呢間性價比好高！入門前先量體溫同消毒雙手，座位之間距離充足👍🏻✨醬油費 $8/位醬料區十分乾淨，有沙茶醬/炸蒜/辣椒絲/蒜蓉/蔥花/芫荽/麻辣醬。✨豐鍋招牌麻辣雞煲(半隻) $188雞煲上枱時，有大量芫荽蓋面，啱晒鍾意食芫荽嘅我！店員幫我地炒熱雞煲時香氣四散，邊等食邊流口水🤤半隻雞嘅份量其實都幾多，夠2-4人食。我地叫咗bb辣，香料味香濃，帶點香辣，好惹味！雞肉嫩滑入味👍🏻✨手工即炸魚皮 $53炸魚皮好大塊！賣相霸氣！魚皮炸得超級香脆鬆化，上面仲灑咗椒鹽，咸香十足！✨牛柳粒 $88牛味濃郁，同時油脂甘香十足！肉質嫩滑腍身👍🏻✨花心蟹粉丸 $58次次打邊爐仲要叫啲丸腸先滿足😂蟹粉丸好味！✨油麥菜 $38油麥菜新鮮爽脆！✨水蜜桃梳打 $42朋友嘅水蜜桃梳打，味道香甜。✨藍蝶雪梨 $42我嘅藍碟雪梨，賣相吸引😍飲落仲有好清甜嘅雪梨香👍🏻

今次朋友帶我去食雞煲，估唔到咁好食。我覺得比起出名的有名雞煲仲好味。絕對係三五知己，專食辣雞的好地方。首先，揀好中辣等級的雞煲。除了火鍋, 餐廳亦有小菜供選擇，我就選了時菜炒牛肉。再逐一講講每一道食物. 雞煲，雖然只點了半隻，其實份量是相當驚人。因為他們選了上等雞，雞翼及雞胸都非常大件及吸收到辣汁的香味。我曾經量度過，雞翼的體積，是1吋長 x 半吋闊，大大啖. 食得過癮。 響鈴，內含紫菜絲&芝士，而且沒有冷藏，新鮮即炸，端上來時會有牛油紙隔油。適宜立即點少少辣汁，保留新鮮初炸的口感，再一口吃下去。時菜炒牛肉，新鮮而餸汁充滿住肉汁味道。相對地，牛栢葉係爽口，但其他東西實在太美味，這裡顯得平平無奇。特飲不錯，服務亦很好。唯一係佢的醬油區配料選擇款式未如理想，而係疫情下，他們會定時清潔地方同公眾區，是值得一讚的。

今日我地去左深水埗食雞煲 入座前職員會先幫你量體溫同比酒精搓手液你消毒雙手 而且座位與座位之間有一定嘅距離 等客人食得安心👍🏻泥到當然要食佢哋招牌麻辣雞煲啦👅 我哋叫咗半隻bb辣 上菜時店員會先幫我哋炒香雞件 大概2分鐘就有得食啦😚 bb辣唔算好辣 雞肉好嫩滑 啲洋蔥好甜 夠哂惹味🤤 食完雞煲仲可以加湯 我哋就叫左自創爆芝響鈴 娃娃菜同牛柏葉做配料啦 自創爆芝響鈴真係一定要試下 新鮮炸起熱辣辣 入面包住勁多芝士 鬆脆好味夠哂邪惡😈 娃娃菜同牛柏葉份量都好多好抵食㗎👍🏻除咗雞煲之外 呢度最特別嘅地方就係仲有小菜叫 我地都叫左個店員推薦既時菜炒牛仔肉試下😆 果然冇介紹錯 火候十足 牛肉同菜都好嫩唔會過老 味道好好😋飲品方面我哋就叫咗藍蝶雪梨同水蜜桃梳打 藍蝶雪梨飲落其實好似蜂蜜雪梨茶 好潤喉 好岩食雞煲😙 而水蜜桃梳打甜味岩岩好 唔會好假好藥水 好飲過汽水🌟

環境好光猛，枱與枱之間都幾闊落，餐廳盡量分開其他食客。上菜前侍應好主動拎熱水盤比我哋洗餐具，食得安心。豐鍋招牌麻辣雞煲(半隻) $188上枱雞件大約八成熟，店員炒幾分鐘， 叮囑我哋由細件雞肉開始食起。雞煲味好香，雞肉都好嫩滑，越煮越香辣，好惹味，但略嚴雞肉唔夠好入味。 食曬啲雞肉之後就可以咁店員加湯打邊爐啦。手工即炸魚皮 $53係原條炸魚皮上，好大塊，足足長過個煲，第一次見咁既炸魚皮，好特別。 魚皮非常薄脆，浸落啲湯度依然keep到脆卜卜，冇油益味，表面放咗少少椒鹽做調味，值得一試。特級牛柳粒 $88粒粒都有雪花，雖然唔算好均勻，但肥瘦適中，唔會太肥，食落好軟腍，有油脂香，因為係粒狀，打邊爐都可以所以鎖住肉汁。花心蟹粉丸 $53邊有脆卜卜的蟹子，幾彈牙。皇帝菜 $42食咁多肉要食返啲菜來清一清先。皇帝菜洗得好乾淨，且而好新鮮，食落冇揸。蝶豆花雪梨特 $42做型好吸引有漸變效果，雪梨味好清甜，唔會過甜。水蜜桃梳打 $42下面係好甜既糖漿，一定要攪勻先好飲，梳打好夠氣。

今日去開深水埗，經過見到依間有得食雞煲，又有住家小菜食既豐鍋雞煲。就決家入去try try，一入到去店員都有幫我地探熱，仲俾左消毒啫喱我地洗手，係抗情咁嚴重下，注意衛生真係好重要。我地叫左個小辣雞煲，雞煲係即叫即煮，上台個陣店員幫我地攪均D 材料， 個雞煲好足料， 個醬汁做得好香濃又好香洋蔥八角既味道，未食已經聞到甜甜辣辣麻麻的味道。大約五分鐘後，就可以開動啦！雞件鮮嫩多汁，咸味適中，加埋紫洋蔥同芫茜特別惹味，色香味俱全。每件雞肉都沾上香濃既汁，無雪味又滑嫩，個火較細warm住D雞都唔會鞋口，仲保持到滑嫩質感。食完曬D雞後，就加湯打打邊爐。我地叫左個鋪頭自創爆芝響鈴，表面上同普通響鈴無分別，但浸落湯底大概五秒，食落口響鈴入面層芝士就爆左出黎，流口芝士仲要拉到絲，又係港女最愛，芝士味濃，仲要唔膩，值得推介！兩個人食得唔多，但打邊爐點都要食下菜，我地就叫左油麥菜，淥完仲係爽脆可口，仲吸埋湯底陣味。除左雞煲同打邊爐，見到有咁多住家菜options，我地又忍唔住叫左萵筍炒豬頸肉，萵筍爽口，豬頸肉好惹味又腍，令人無法抗拒食唔停口。飲品就叫左水蜜桃梳打，同埋藍蝶雪梨。係抗情咁嚴重既時間，飲D雪梨潤

之前去過位於石門既 雞煲] 食雞煲覺得好好食, 知道深水埗開咗另一分店, 今日同男朋友放假就去食晚餐😜深水埗店比石門店大好多, 座位多好多, 一大班親朋戚友黎食飯都無問題👍🏾🐮時菜炒牛仔肉 ($88)小菜最緊要食材新鮮同有鑊氣, 呢到既小菜就做得到喇, 菜芯非常翠綠, 牛仔肉亦炒得岩岩好, 唔乾而且好軟腍🐔豐鍋招牌麻辣雞煲 *半隻-少辣 ($188)上菜時店員會幫我地炒3-4分鐘至全熟後我地就可以開始食喇, 好香好惹味, 半隻雞件份量多, 啖啖肉, 好嫩滑😋🧀自制爆芝紫菜響鈴-3件 ($46)必點❗️脆卜卜, 入面包咗紫菜同芝士, 好好食蓮藕片 ($38)原來蓮藕片配雞煲味係好好食嫁！大話七 ($35) & 🍑水蜜桃梳打 ($42)甜度適中, 大大杯👍🏾

今晚出到深水埗食雞煲！疫症期間，出外食飯打邊爐既人少左，但相對坐得比較舒服，唔會同隔離枱好近，加上入餐廳前店員會量體溫、吱酒精搓手液、店員戴口罩手套，有意識注重衛生，所以都比較放心今次兩個人點左幾多野食，首先主菜當然係半隻雞煲（BB辣）上菜後，店員會幫手睇火，確保唔會燶底。呢間雞煲醬汁較少味精，食完唔會話好口渴要飲返幾杯水。要讚雞肉好嫩滑又入味！好好食！食完雞肉，就加清湯變火鍋，叫下蔬菜素食類平衡一下。是日皇帝菜好新鮮，啱晒打邊爐自製爆芝紫菜響鈴，好特別，推薦必試！沾滿火鍋湯汁的響鈴，加上芝士，多重滋味！另外店員推薦的小菜亦好有驚喜！豆豉虎皮椒炒豬頸肉：好有鑊氣好惹味，虎皮尖椒小小辣，豬頸肉唔會韌，食唔停口！飲品方面，叫左蜜桃梳打同咸檸七，份量夠大杯抵飲！好滿足既一餐

***終於找到近期幾喜歡的雞煲做法，豐鍋的招牌雞煲($188)非常惹味，有不同程度的辣可供選擇，我們選了小辣，我自感覺它們家的雞煲有點像國內的做法，是真的有麻辣感，香港有的雞煲是比較廣東人口味，不夠香口，雞煲我們還加了萵筍片($38)，萵筍直接加在雞煲的汁中直接煮熟，本身雞汁己經很好吃，所以基本上加些什麼配菜都很好。另外點了翠椒炒肥牛($108)，不過不失，還是雞煲比較出色，不過就真的很抵食，肥牛用上肉片，基本上兩個人吃到這裡己經非常飽。手工即炸魚皮($53)應該是招牌吧，從來沒有見過這麼大一塊原整的魚皮，太利害，魚皮己經沾上鹽、胡椒等調味，送酒一流，不過這天我們沒有點酒，倒是點了兩杯特飲有驚喜，大家也可以點，因為還是有點凍飲料配雞煲比較好，哈哈。我們點了玫瑰特飲($42)及水蜜桃梳打($42)，個人推介水蜜桃核打，不會太甜。

呢間雞煲每個客人入去餐廳，都會幫你測量體溫同埋馬上幫你消毒雙手，一定要無發燒先卑入去食野，即使差小小發燒都唔得。都係嘅呢啲時期唔做呢啲，啲客又點會食得安心wor，係咪先。-豐鍋招牌麻辣雞煲 (半隻) 💰188 7⃣聽佢哋介紹其實兩個人食半隻真係夠晒皮，如果驚辣嘅朋友仔，嗌小辣已經好夠因為真係越煲越辣。老實雞煲調味好好味，加上煲入面大量莞茜蒜頭洋蔥，香味真係幾條街都聞到（誇張mode）-手工即炸魚皮 💰53 8⃣炸魚皮麵舖或者零食就食得多，即炸嘅魚皮又食過未？一大條魚皮食得好過癮，咬落去真係震耳欲聾，脆到媽咪都差啲唔認得，只用胡椒鹽調味，簡單又惹味。-椒鹽豬扒 💰78 8⃣豬扒炸粉真係好薄，而且火候控制得啱啱好，唔會話炸到塊肉好鬼乾，小編食落去係真心堅堅嚇襯，好耐無食過咁好味椒鹽豬扒。-鹹檸七 💰35 & 烏梅汁 💰42 7⃣鹹檸七就同出面一模一樣啦，但烏梅汁真係好生津解渴，特別係食雞煲呢啲重口味嘢，好鬼啱飲！

今日同朋友嚟咗深水埗呢間豐鍋雞煲住家小廚晚飯呢度裝修都幾特別喎又坐得舒服呢度令到我有賓至如歸嘅感覺我地首先叫左個招牌麻辣雞煲有半隻同一隻揀我同朋友兩個所以揀咗半隻店員會幫你炒雞色香味俱全喜歡辣的朋友別錯過不過我地唔係好辣得所以揀左小辣首先有一個真係真心推介因為第一次食到自己自家製嘅爆芝士紫菜響鈴卷入邊夾雜着紫菜同芝士滋味香濃味道勁夾另外住家小厨方面個菜心炒牛肉堅正飲品方面叫咗一杯玫瑰特飲同藍蝶雪梨個人比較喜歡藍蝶雪梨🍐因為喜歡甜一點

入味雞煲好耐都無同男朋友食雞煲，上星期就去左深水埗食雞煲，入到去店員幫我地驗體溫，確保食得放心。餐廳裝修企理，人不算多。我哋叫左豐鍋招牌麻辣雞煲 (bb辣)，皇帝菜，即炸爆芝紫菜響鈴同小菜黃金鮮魷。bb辣招牌雞煲雞本身有大概7，8成熟，加埋勁多芫荽，蔥果d配料，好香，聞都留晒口水。店員姐姐會幫手兜雞煲，等熟晒先叫我地食，都貼心。鷄肉嫩滑，連配料惹味，bb辣夠晒。皇帝菜通常都會加湯打邊爐食，店員話直落雞煲炒都得，炒皇帝菜黎食，菜會出水，連埋原本雞煲既醬汁，剛剛好，好食。即炸爆芝紫菜響鈴 係幾層既，響鈴皮包住紫菜，紫菜再包住芝士，加埋即炸，d芝士會溶晒。即炸既所以勁香脆，一咬就食左紫菜連溶化既芝士，正。黃金鮮魷第一次蛋黃醬炒鮮魷，勁正，魷魚新鮮，所以不un，撈蛋黃醬後黎炸，個味都夾，餸飯一流。玫瑰特飲& 水蜜桃梳打叫左兩杯嘢飲，不太甜，個色仲好靚～

今日又黎到深水埗既豐鍋雞煲。兩個人喺屋企附近想食下雞煲，我首選一定係豐鍋！豐富招牌麻辣雞煲（bb辣）（半隻）（$188)招牌雞煲仍然keep到水準，雖然揀左bb 辣，但麻香仍在，夠惹味！加上有大量芫茜、紫洋蔥，真係超正。自創爆芝紫菜響鈴（3件）（$46)響鈴中間包住芝士同紫菜，一路食既時候一路有芝士流心，加上響鈴夠香脆，正！唐生菜（$38)食左咁多重味野，都要食菜中和下，$38價錢唔算貴豉汁涼瓜炒牛仔肉 ($88)可能因為疫情關係，大家都唔太夠膽打邊爐，所以餐廳最近仲加左小菜。我就叫左個豉汁涼瓜炒牛仔肉，夠哂鑊氣，苦瓜夠淋唔會太苦，唔錯。

之前試過石門總店的雞煲，很想再encore，見佢原來喺深水埗都有分店，今晚就去幫襯。疫症當前，揀餐廳都額外小心。豐鍋深水埗店夠晒闊落，每張枱之間都有足夠的距離。我和男友兩人用餐，也可坐晒成張四人枱。除了雞煲打邊爐，深水埗店仲有很多小菜選擇。筆者到店時間很早，廚房仍在準備當中，先點兩杯特飲解渴。蝶豆花雪梨特飲味道清甜，感覺天然，不會加太多糖水；男友的檸樂亦不過不失。上菜前侍應姐姐主動拿來熱水盤讓我們清洗碗筷，是因應疫症的新措施，讓顧客食得更安心👍🏻👍🏻👍🏻👍🏻這段時間大家咳多聲都疑心自己瀨嘢，筆者也不例外，因此也不敢叫太辣的雞煲，來個輕鬆版的BB辣。醬汁香濃，雞件嫩滑有雞味，不是雪藏貨色；洋蔥依然是MVP。今次試埋小菜，邊爐配料就只選了生菜和手工炸魚皮。生菜十分爽脆，用微辣的湯汁灼過十分惹味；原條的魚皮一上碟就夠晒搶fo，比起平時的魚皮一烚就淋，豐鍋的出品可以烚耐啲，吸滿湯汁的同時仍然keep到脆卜卜～小菜方面店員推介這款翠椒炒肥牛，青椒沒有筆者討厭的苦澀味，只有淡淡草青味，醬汁配搭得宜，肥牛切得厚身，口感實在，難得一啲都唔鞋，沒想到豐鍋的雞煲出色之外，小菜也有驚喜。走的時候見到門外有一

因為唔想撞正放工多人的時間，所以我地530 就去食晚餐了可以包場，又減少多人聚集傳染的機會而且餐廳防疫工作做足，先幫客人量體温，再噴搓手液。員工亦做足措施，值得一讚今日同媽媽2人撐台腳，去食下雞煲叫左個小辣，媽媽都接受到，另下就叫左個鮮椒炒牛肉送飯一流雞煲上台後職員會細心幫我地炒下，炒到咁上下ok. 就叫我地食，好細心仲有招牌手工炸魚皮必點之選即炸熱lala, 點湯/就咁食都係咁好味食完雞煲仲可加湯變火鍋

特殊時期少了出街食飯，這幾天天氣轉凍，忍不住來食熱辣辣的鷄煲。之前經過這餐廳時便覺得這裏環境較爲光猛以及寬敞，今日入到來，店家果然非常注重衛生，爲客人准備了酒精搓手液，客人需要先消毒雙手以及探熱方可入座，保障大家的健康安全。店内非常整潔及企理，枱與枱之間有相當多空間，裝修新潮。蒲坐下，侍應姐姐亦立刻奉上滾水讓我們消毒碗筷。令人感覺非常舒適與放心。 豐鍋招牌麻辣雞煲 (小辣，半隻$188)上菜的時候雞塊大概8成熟，已經聞到鷄醬的香味非常吸引，侍應姐姐在我們面前翻炒幾分鐘並細心叮囑我們由細件鷄肉食起。雖然只是半隻雞，件數亦比到非常足。鷄肉非常嫩滑，鷄醬惹味，不會過咸，小辣沒有想象中辣，嗜辣的朋友可以大膽嘗試中大辣。鷄肉差不多食曬的時候，店員會幫手加湯變成打邊爐。即炸爆芝紫菜響鈴 （$46 三件）是響鈴包住紫菜和流心芝士，即叫即炸，口感豐富又香脆，一試難忘，必叫之選。輕輕煮過或直接當小食都非常正。生炒鳳梨咕嚕肉 （$88）店員特別推薦這周開始供應的中式小菜，打邊爐的同時也有叫餸食飯的選擇。我點了我最中意的中式小菜鳳梨咕嚕肉，想不到甚有水準，咕嚕肉炸到香脆，醬汁的酸甜程度亦剛好。另外店家推薦的