初鮨 (Closed)

提前一日訂位，下午3點準時到，安排入座時候突然問有無打針，因為同行朋友無打針，然後先話唔可以安排入座，點解訂位時候唔問清楚客人呢？24號都未到，咁樣垃圾服務真係不了

第一次寫食評 食物不過不失 師父一黎就黑口黑面 serve刺身時 boom一聲飛隻碟埋黎 全程塊面黑到嚇死人 好似罰你食壽司咁 食過咁多間都未見過呢d師父 痴線 下次請都唔食 好似$8xx食個lunch受罪咁

見呢間咁平就已經對佢嘅期望唔大😂我book12點，佢會同我講番只可以食到1:30，好明顯就要一個中午做2-3場嘅Omakase,咁仲算唔算係食緊Omakase 就自己定論啦😂我就預左一定係食普通壽司，只係佢嘅食物係夠新鮮就ok😄左邊個個似醃蘿蔔少少酸都ok嘅，而沙律夠新鮮但個醬偏酸，食到一半會覺得越嚟越酸蒸蛋淡而有蛋味，唔錯👍🏻刺身帶子鮮甜，左邊個魚都唔錯，反而後面有皮嘅魚燒過就好麻麻，成碟刺身我覺得唔夠凍跟住食左好多唔同嘅壽司，師傅都有講係咩魚，但我都唔多記得，只係覺得食落不過不失到左呢件海膽，我一食落去係苦一啲都唔好食我就問個師傅呢個係咩膽食落苦嘅？佢竟然答我係加拿大海膽😨我真係呆左，我食緊Omakase 你地竟然比加膽我食仲要苦嘅😨我同朋友即刻都笑左，我地都知比咁嘅價錢都預咗質素麻麻，但都無理由比加膽我地食呀？😂呢件壽司師傅話新年先有，入面好幾種唔同嘅魚捲埋一齊，都ok嘅本來個餐係無拖羅，就係因為我地話佢件海膽好苦，加上唔知佢地係咪知講左比我地知係加膽都唔好意思所以就補左件大拖比我地，個面佢燒過食落去都唔會覺得油脂分布得好勁，所以都係一般麵豉湯超鹹飲左兩啖已經唔想飲

一直以為omakase係遙不可及，因為睇左好多價錢都覺得好貴，成日想試都覺得好貴唔捨得，搵左好多間終於發現到咁親民既價錢。因為聽朋友講通常omakase 好早就full，所以我提早左差唔多個幾月book左lunch time，之後收到sms要俾訂金 $100一個人。我地揀左「梅」，雖然啲壽司都係平時見開既種類，但係比平時個啲好食好好好好好多倍，可能係我大鄉里，好多道都驚艷到我，尤其係鯖魚，我先發現原來鯖魚係咁好食🥺🥺🥺最後甜品係薑味雪糕，辣辣地甜甜地好過癮。大家有興趣既話，等疫情好啲個陣可以去試下😌

因為朋友介紹話呢間初鮨午市嘅Omakase好抵食，所以book 左今日同好姊妹去試下😍上到去環境唔錯，裝修都好靚。好有feel 👍🏻我地兩個揀左個380蚊 梅嘅套餐。有 前菜 茶碗蒸 同特選刺身另外會多10款嘅廚師發板壽司 ，最後有個湯同甜品🍮整體來講，用料新鮮👍🏻平 靚 正。師傅非常細心同介紹每一道菜係咩魚和食法，食個380蚊既餐經己超級飽，性價比高。服務態度很好☺️日後會繼續支持😃真心誠意推介🙏🏻

Book左weekday日子夜晚，只有兩枱客人，坐得十分寬敞，環境舒適服務好。叫了一個上級套餐有十件壽司的，但每件壽司的飯只有手指公咁大，不會吃到好飽。前菜三點那個蟹肉比較特別，刺身也新鮮，那個鰹魚刺身較少見，天婦羅是炸貝，這個很少見，看得出花一番工夫，生蠔加了青檸啫喱口感清新，吞拿魚卷略為過咸，惟海膽的菜色只有有個，是美中不足的地方，另外刺身箱的高度太高遮蓋了師傳的表演發揮。完結時也會問我們起得甜品未，只有我們一枱客也不會趕人走。服務週到

我吃廚師發辦嘅經驗唔多，五隻手指數得晒，所以唔算係專家，呢啲對我黎講都幾貴嘅晚餐，每次確實令我留下深刻印象，今次都唔例外，有幾隻壽司係我食完比返張相比師傅問係咩黎，寫食評要讚要彈都講得清楚啲嘛！呢個餐牌上最平嘅餐都幾夠食，唔計前菜及清喉野，有刺身3款6件，有一款用特製醬油，食得出特色。都只係一千蚊！然後係超肥美拖羅夾紫菜，油脂洽到好處，我個人特別鍾意食軍艦，所以呢款都好加分。炙燒過嘅金目鯛，迫出皮下脂肪嘅油份，再加上烏魚子粉嚟提升魚本身嘅鮮味，係精采嘅！腦天算是我最鍾意嘅一款，超濃油香。腦天呢款魚本來係較韌，因為多根，但係師傅將筋切斷，有燒過佢，所以入口口感及味道都好有驚喜。海膽鵝肝脆脆就係呢間舖頭嘅經典啦，除咗海膽令人心心眼之外，鵝肝mousse都有驚喜，無咗鵝肝本身嘅腥味。師傅好好人，見我鍾意食嗰啲唔值錢清清喉嚨嘅食物，就送咗呢個紅酒漬橋頭俾我食

 在旺角找一間性價比高的Omakase比起於銅鑼灣、中環困難得多，畢竟Omakase一般來說定必過千，而旺角向來都不是這price range的。這家初鮨於年初開店，價錢不貴，雖然加一後仍然過千，但只是僅僅過千，最口重要是質素對得起價錢！ 享用7款壽司之前有擺盤精美的前菜、三款魚生，記得其中一款是鰹魚配上煙勳醬油，味道很特別。 紫菜包肥美拖羅，油脂香濃，配上紫菜則油而不膩。 超肥美creamy的生蠔，絕對不是酒店級任食的級數。 天婦羅小併盤，貝殼上的海鮮很鮮甜呢，已忘記是那款海產。 然後便是人人必曬的壽司了。 1. 蜜柑鯛 - 以蜜柑餵飼的魚，連皮食淡淡蜜柑香 2. 北海道活帆立貝 - 比急凍鮮好多 3. 金目鯛 - 烏魚子粉用以提升魚本身鮮味，炙燒能把皮下脂肪油迫出來4. 獅魚 - 10月當造的魚，未至於最當造，但已很不錯。用8日加工處理，以脫水膜包裹着使自然脫水，熟成後會自己會滲油，吃的時候油份更重而香濃5. 梭子 （台灣名：竹籤） - 天生油份重，香味洋溢 6. 腦天 - 魚味重，濃郁油香，燒過及切斷筋位，使筋位收縮及軟化而入口軟稔。只是漬過，沒特格調味已非常出色 7. 海膽鵝肝

今晚是我們結婚周年紀念，老公帶我到這間新開的omakase 店，可能由於新開，不是太多人認識，店內只有我們一枱客人，就好像包場一樣，可以和廚師閑談，又是另一番滋味。我們選了豐$980，有前菜、茶碗蒸、特選刺身四種、日本時令接送生蠔、季節一品料理、壽司六件、海膽鵝肝脆脆、湯、甜品。其中幾款食物，是當晚令我印象難忘的：海膽鵝肝脆脆，海膽味道偏甜，分量十足，鵝肝磨成茸，加上鱈魚乾的香脆，幸福滿滿。日本時令接送生蠔：赤崎真蠔，配上帶點微醋的醬汁，頓時令到生蠔的鮮味，提升了不少層次。大拖羅，廚師將香脆的紫菜，包裹着脂肪豐富的大拖羅，香脆中帶點魚油的香味，味道層次豐富。腦天，吞拿魚天靈蓋，廚師與火槍，燒炙過的吞拿魚，提升了魚油的甘香味道。這裏的魚生和海膽，都是由飛機從日本直送過來，所以味道鮮甜美味，加上價錢適中，和廚師耐心的解說，這種廚師發板，令人一試難忘。

最近朋友推介這裏的廚師發板，說是物超所值，今晚便專程安排來到了。廚師發板有三個不同的價錢，由豐$980到醉$1680。前菜：櫻花蝦蓮藕片、南瓜煮、金平煮，昆布和菇類。平目魚、鰤魚、秋刀魚。平目魚魚肉味道鮮甜，爽口彈牙。鰤魚，魚肉味道香濃。秋刀魚沒有腥味，只有鮮甜味。大拖羅，用紫菜、山癸漬和紫蘇葉再用紫菜包裹着，頓時令到大拖羅的味道層次，非常豐富。赤崎真蠔，廚師配上酸汁和紫蘇花，令到尺寸頗大的生蠔，鮮味增加了不少。地甲天婦羅，加咗青檸，就不會油膩。八爪魚🐙，活生生的八爪魚，加上山癸漬，配清酒🍶一流。壽司蜜柑鯛，用蜜柑飼養的綢魚，帶着一點蜜柑的香氣。北海道活帶子，柚子碎的香氣令到鮮甜可口的帶子，味道更加豐富。深海池魚，配上三星漬，可以減少油膩感。間八，爽口鮮甜。筋子，連醋飯一起吃味道更佳。腦天，吞拿魚天靈蓋，燒過帶出鮮甜味，配上炸過的京蔥絲，層次感豐富。海膽鵝肝脆脆，材料是鱈魚乾、鵝肝慕絲、北海道海膽，三者的味道配合得非常天衣無縫。松葉蟹肉黑松露蒸蛋，蒸蛋非常嫩滑可口。麵豉湯，喝完這個麵豉湯，頓時令到個胃，非常暖和。甜品：黑糖雪糕，有金箔和黑豆，吃完這個甜品，已經非常滿足了。

今次黎到旺角既初鮨，估唔到係旺角都有咁出色既omakase，真係值得一試，環境格局一流，好多吧枱座位設計，等師傅同客人有交流，做法正宗，同去左日本食真係無乜分別。Omakase最緊要就係個師傅la，其次先係食材，因為始於好既食材師傅處理得唔好，都會變質。呢到2個師傅都好資深，處理食材都好注重衛生同温度控制，所以食落都幾放心。前菜方面，一式三味，都係以開胃蔬果為主，師傅用左特別調味，食落好有果香。刺身就有吞拿魚同帶子，望落好有光澤，食落夠曬新鮮。鯖魚卷，紫菜夠膽，而且有果味，食落好有層次。本人最愛既就係呢個施羅夾紫菜，配埋紫蘇葉，食落好特別，夠曬肥味，有油香，味道好豐富，師傅既功夫完全係升華左呢塊大拖。之後，就係幾款壽司，壽司size岩岩好，手握力度掌握得唔錯，食落好鮮味。到重頭戲，海膽配脆餅，海膽色澤金黃，夠曬新鮮，配埋脆脆食，添加左唔少口感，入口順滑好味。

Omakase 廚師發辦一路都俾人覺得係貴價， 呢間餐廳有雜誌推介過價錢實惠，一於試下先。呢個餐單有三款，分別有$680 “初”，$380 “梅”，同平日供應嘅$280“櫻”，而我哋就揀左價錢中等嘅“梅“。前菜，沙律新鮮。 蟹肉茶碗蒸，超級滑，入口即滑落喉嚨，蟹肉又多。三款刺身，全部都好新鮮， 我特別愛赤貝，爽口新鮮，一啲腥味都無。壽司有10件，件件都好好食。 廚師喺面前即包即整，仲會講下係乜嘢壽司，服務唔錯。壽司有金目鯛，海膽魷魚，深海池魚，金海老，沖繩黑目魚，秋刀魚，拖羅，赤海膽等等.....味道十分新鮮好味，無法言語。味噌湯，我平時比較少飲，但都覺得唔錯。甜品係黑糖雪糕，黑糖味香濃，雪糕幾滑，好味。呢餐廚師發辦，由前菜到甜品都非常美味，好滿足。

呢日黎到旺角呢間初鮨食omakase! 估唔到旺角都有咁高質既餐廳, 價錢黎講真係超值~ 鋪頭既位置唔係有好多, 建議打黎book 定枱咁就make sure有位同埋有你想食既野! 我叫左個豐set, 以晚市黎講只係$980 都真係幾抵, 入面仲要有好多款野食包你滿足~ 呢個豐Set入面有三小碟前菜、4款刺身、一隻生蠔、炸物、6件壽司、海膽鵝肝脆脆、茶碗蒸、湯同埋甜品, 甜品就係雪糕配柿餅~店員一開始都會問左我有咩唔食, 等師傅知道就避免煮呢款食物~ 因為omakase,故明思義係廚師發辦~ 要廚師知道你有咩唔食先可以避免到~ 三小碟前菜好吸引, 我最中意係中間個碟南瓜, 好難想像到好似南瓜咁普通既食材可以有呢一個味道! 之後就係刺身, 紫菜卷住既刺身味道好特別! 同埋所有刺身都好有鮮味, 份量都好足! 4款入面我最中意就係大腩吞拿魚, 佢有D 岩鹽同埋紫蘇葉係入面, 又估佢唔到係咁夾~ 吞拿魚夠哂肥美，吞拿魚嘅油香係咀入面三散發出嚟，真係超好食！另外有一款菜式都令我印象深刻，就係海膽鵝肝脆脆，成個味道好夾，海膽仲好鮮味…. 真係好想再食多條……… 佢既所有野都好好食，廚師又會跟你食野

第一次喺旺角食omakase, 我揀左睇落性價比最高的「豐」，個餐包前菜三款、特選刺身四種、日本時令生蠔、季節一品料理、六貫壽司、海膽鵝肝脆脆、菜碗蒸、面豉湯及甜品😛 樣樣都好味，但有幾樣印象特別深刻😋⭐竹筴魚好鮮，齒頰留香⭐秋刀魚包住酸酸漬物非常帶動食慾🤤口感滿分！⭐紫菜包入岩鹽、山葵漬及主角大拖羅，油脂感完美！配上紫蘇葉食冇咁油膩⭐北海道仙鳳趾肥美肉厚，灑上紫蘇花，淋上酸汁，好清新⭐炙燒腦天好肥美🤤⭐其他👍🏻

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️呢排做嘢做得咁辛苦，唔係唔食好嘢嚟treat吓自己吧😏今次去咗呢間係旺角嘅「初鮨」晚市omakase，裝修環境簡潔舒適，嘢食方面晚市廚師發板有三個選擇，我就揀咗$980嘅「豐」交俾師傅表演👨🏻‍🍳 ⭕️ 前菜 - 安康魚肝豆腐｜南瓜煮｜金平煮⭕️ 特選刺身（4種）活帆立貝｜間八｜鰤魚｜拖羅OMG❣️個紫菜拖羅絕對係係全餐嘅highlight，油脂爆滿無筋，好食到不得了🉐 💯⭕️ 季節一品料理 - 秋葵｜地蛤天婦羅🍤第一次見會用貝殼類做天婦羅🤩 酥脆既炸粉包住咗地蛤，下面仲有啲菇菌，加埋附上嘅柚子鹽同青檸，估唔到成件事又幾夾喎😍⭕️ 日本時令直送生蠔師傅話係北海道仙鳳趾🦪 勁大隻肥美，食落非常鮮甜creamy，配埋自製嘅酸汁同紫蘇花味道更balanced有層次🤤⭕️ 壽司（6件）蜜柑鯛｜水八爪魚｜深海池魚｜剝皮魚｜鮫鰈魚 | 赤身印象最深刻係鮫鰈魚，師傅話即係右口魚（平時左口魚就食得多），食落肉質細嫩肥美，同拖羅一樣都會有種幸福感🥰 另外深海池魚壽司加咗三星漬（青辣椒同米麴），呢一種辣味令件壽司加咗唔少分👍🏻⭕️ 海膽鵝肝脆脆脆卜卜嘅鱈魚乾