舍利鮨 (Closed)

好耐冇去過日本旅行，聽朋友講元朗呢間「舍利鮨」啲壽司整得好好食，而且個價錢未去到好貴，所以CP值好高。趁呢幾日得閒就約咗個元朗朋友去試吓。首先門面有一種隱世小店嘅感覺，店舖裝修得清雅，俾人一種寧靜嘅感覺。可以比食下專心享受食壽司嘅時間。首先食咗個前菜，岩手縣水雲配靜岡縣蕃茄，所有材料都係日本空運到港。比較少食水雲呢一個食材，上網搵一搵原來一種藻類嚟嘅，個水雲配埋蕃茄一齊食口感清新，清下個味蕾就開始食壽司。首先識咗個備長炭燒梳子魚，呢一種咁特別嘅魚類都只能夠係呢啲高級嘅日本食點入邊試到。個魚燒得微微燒香，反而咁樣可以迫晒啲魚油出嚟。令到食嘅時候更能品嚐到呢種魚嘅香味。之後好快就到咗我最期待嘅大拖羅！師傅講俾我聽個名好巴閉，😂係叫做沖繩野生吞拿魚大拖羅。好彩佢唔係虛有其名，大拖羅一直都係我最鍾意食嘅刺身壽司之一。鍾意佢入口即溶而且好香吞拿魚油脂。呢個感覺係其他壽司做唔到嘅！食完大拖羅就到北海道海膽啦，海膽極之新鮮，而且份量極多。多到堆滿左成舊軍艦壽司，海膽鮮濃嘅獨特香味立即喺口入邊擴散。仲喺日本食嘅海膽壽司有過之而無不及。🥰另外值得推介嘅仲有花竹蝦同埋鰆魚壽司，你啲壽司種類喺出邊都好少見，

相信元朗國既國民都認識舍利鮨, 開業一年都未夠我都成日聽到身邊朋友話去食~ 主因佢地口碑做得好, 野食真係正食生勾勾日本野緊係先叫隻生蟹啦~ 師傅小心翼翼咁拆好再放係我地面前, 蟹膏勁濃, 蟹肉好鮮甜, 大隻好多肉 😍仲食左生燒鰻魚飯, 鰻魚肉厚, 個汁唔會太多, 清清地更顯出鰻魚香味 🤩壽司方面, 叫左五日熟成深海池魚, 油脂勁多爆晒出黎, 但口感爽脆, 好正 仲食左北海道海膽壽司, 好大舊海膽疊到好高, 好鮮甜 刺身有新鮮北寄貝, 灰色既同平時食既熟既紅色北寄貝好唔同, 鮮甜得黎有少少海水味, 冇熟果D咁爽口~因為食左好多濃味野, 叫左靜岡蜜瓜refresh一下口腔, 香甜多汁, 佢個甜度我都唔識形容, 係一食就知日本野既感覺🤤另外叫左琥珀梅酒, 聞落已經好正, 飲落好順喉, 唔會太chur

喜愛吃日本菜特別是壽司的我，凡是見到壽司店名有＂鮨＂這個字我都想去光顧，今次同事建議一起來舍利鮨我當然舉腳贊成! 品嚐過不同等級的壽司，覺得舍利鮨食物質素有水準，性價比高，同事都建議下次再來!備長炭燒梳子魚，梳子魚挺幾特別，以備長炭燒更有獨特香氣，口腔也有餘香北海道海膽，海膽多到滿瀉，鮮甜美味昆布漬櫻鱒魚，肉質細緻飽滿，昆布漬更能提升鮮味池魚入口爽口，唔錯~沖繩野生吞拿魚，師傅話要風乾熟成17日，時間成本高仍然願意去做只為一件美味的魚生! 這件中拖羅油脂豐富入口融化，果然是誠意之作花竹蝦，味道清而鮮，夠爽彈赤鯥魚多數在高級餐廳才會見到，有著獨特甜味，是我最喜愛的魚之一

今日難得放下晝就出去好好享受朋友推薦這家位於元朗的壽司店午市的廚師發辦包含壽司十貫沖繩野生吞拿魚熟成是當日推薦經過十七日熟成後魚味更濃縮中拖羅肥瘦適中魚味濃郁大拖羅肥瘦相間入口即溶有別於三文魚櫻鱒香港較少見入口鮮甜美味口感柔軟昆布漬後味道更多了層次櫻鱒被譽為鮭魚科中最美味的魚類北寄貝是飛機貨鮮味十足熟車海老也即是花竹蝦十分鮮甜赤貝拍打後有回彈新鮮程度不用置疑赤鯥又名喉黑魚以黑色喉嚨而得名產於夏秋的赤鯥以油脂豐富見稱入口甘香魚油味豐腴是期間限定的美味一個人獨處的好時光有美食作伴是多麼幸福的事

生平第一次入到元朗，為免同行朋友失望兼中伏，做足功課，上網揾到呢間評價甚高的師傅發板海膽係屬於拍賣級海膽，入口份外甘甜鮮味👍👍👍厚切的深海池魚刺身，魚肉質感結實之餘，同時又帶點爽口鮮甜，油旨分佈剛剛好，質感柔滑軟嫩，魚油甘香，令人回味無窮😌😌😌沖繩野生吞拿風乾熟成大拖羅，相比普通的拖羅，魚肉筋更加軟滑，入口即溶並且魚味濃郁。大大隻廣島蠔超肥美，完全唔腥😋😋😋石鯛刺身肉質細膩，油脂豐富👍👍值得一讚係店員非常有禮，而店內座位亦較為寬敞，氣氛同體驗都非常令人舒適，選擇多，水準又高，不錯

而家好多地方都有得食omakase, 想食都唔駛特登去到中環同尖沙咀，元朗一樣有好野食！呢日黎到舍利鮨！真係有好高質既用餐體驗！坐左係吧枱睇住師傅整真係一大享受，每道菜式都有人用心介紹！唔係淨食食完落肚就算，用餐過程都學到唔少野～舍利鮨環境都真係幾舒服，木整吧枱令我諗起日本，真係好想去，去唔到就食住先！我地都有叫左清酒飲，佢既冷感杯望落好靚，飲起上黎覺得寧舍有feel! 好想野食都令我印象深刻！其中最中意既係沖繩野生大拖羅！我不嬲都好鍾意食大拖羅，帶拖羅食落去嗰種油香感真係令人回味無窮！而赤陸魚都好特別，我都係第一次食，估唔到咁鮮味！仲有兵庫縣既室津蠔！完全冇平時蠔既個重鐵銹味，食落啖啖肉！日本食品果然係唔同d! 岩手縣想問配靜崗蕃茄都係好特別～我都係第一次食呢個配搭估唔到咁夾！另外仲有生燒鰻魚飯，鰻魚燒得啱啱好超級香甜！最後以靜岡蜜瓜作結真係完美的一天！

咩驅使我呢個九龍人山長水遠入元朗？係好西吖！朋友話元朗開左間好正嘅日本料理個名幾特別 叫舍利鮨呢間餐廳地方好乾浄 坐得又舒服不得不提嘅係門面同內在裝修簡約而不失氣派 俾人一種好自癒 寧靜同慢活感好似置身喺日本嘅高級餐廳一樣食嘅除咗係地方 仲有師傅嘅功力每件食物同放碟都非常精緻沖繩野生吞拿用料新鮮 入口質感柔軟完全無筋 媽～我溶化啦！花竹蝦呢種蝦可以話蝦類中 算最上嘅品種呢件花竹蝦壽司蝦味濃 蝦肉鮮甜而件壽司嘅飯都好好食備長炭燒梳子魚第一次呢種魚 油份充足愛上呢種魚油香味了新鮮北寄貝平時食北寄貝好似咬緊擦膠咁😆呢個新鮮嘅北寄貝 口感同顏色完全同平時唔同味道甘甜而爽滑 食過返唔到轉頭泥障烏賊+竹炭粉竹炭粉味道唔大 我自己覺得係裝飾用😆鳥賊肉透徹晶瑩 肉貨柔軟而帶煙韌感 最後以《靜岡蜜瓜》作完美句號因為完熟關係 蜜瓜非常香甜 仲好Juicy添一口接一口 完全唔想停 有戀愛嘅感覺吖🥰抵我由九龍坐成個幾鐘車入黎潮聖 冇失望仲喜出望外添 ☺️ 過左一個好滿足 好寧靜 好放鬆舒服嘅一晚

疫情封關下，日本菜越開越多，總算係對戀日港人嘅心靈慰藉。呢間舍利鮨開設於元朗，主打相宜價格、日本直送質素，即使budget有限都能品嘗到令人回味無窮嘅OMAKASE。每次享用廚師發辦都有拆盲盒嘅感覺，你永遠唔知下道菜會上啲乜，但到完膳果刻都有一樣嘅滿足；由點餐到尾聲都由同一師傅主理，師傅好傾，加上對鮮味食材嘅尊重，所以並唔係每道菜都有留影，以下只列出印象尤其深刻嘅菜式。北海道海膽為市場級別，只見外觀顏色都知新鮮。以軍艦形式盛載，飯少海膽多，更能專注於海膽鮮甜軟滑嘅原味，即製軍艦最出彩嘅地方係紫菜仍保持薄脆，口感更佳。兵庫縣室津產蠔，有蠔界王者之稱，質素當然無容置疑，入口帶淡淡嘅海水味；雖經微微灼熟，但蠔身絲毫無縮水，仍然厚肉肥美。沖繩野生吞拿魚中拖，特點係四肥六瘦，有肉筋嘅嚼勁，同時帶幾分軟嫩，魚味濃厚。大拖油份再重啲，魚味亦成正比地更濃厚。鰆魚不為香港人熟識，分分鐘食過都唔知呢種魚叫「鰆」，其實都係馬鮫嘅一種。夏天卵期食佢嘅柔軟，冬天則食佢嘅肥美； 作為白身魚，味道偏向淡身，建議蘸上芥末提味，細味佢嘅口感。少喺呢類型餐廳供應呢類飽肚飯食，但呢碗生燒鰻魚飯令我另眼相看。師傅表示鰻魚正值

真是想不到在元朗竟然能享受到五星酒店水準的日式omakase料理。生蟹：日式生蟹刺身真很少有，韓式就見得多，但也沒吃過。生蟹刺身必須講求衛生和新鮮，不然的話很容易中毒。這裏的蟹真的非常新鮮，蟹肉晶瑩透光，極之鮮甜回甘，蟹膏比起海膽更鮮甜甘香，非常濃郁，而且份量十足，令人回味無窮。禾稈草煙燻鰹魚：鰹魚本身味道比較淡，用和稈草做煙燻料，獨特的香味增添鰹魚風味。兵庫縣 - 室津蠔：嬌小玲瓏的室津蠔，給熱水稍為燙一下，外皮略為收緊，令室津蠔內裏更濃郁豐盈，外皮清爽內裏creamy。沖繩野生拖羅：真的鮮甜到不得了，經過風乾熟成17日的野生魚肉真的很細滑入口即溶，價錢貴啲也應該的。花竹蝦：花竹蝦味道鮮甜，肉質彈牙，蝦膏豐富，所以一向都是日本刺身的貴價食材。備長炭燒梳子魚 ：備長炭高溫，火力穩定，能讓梳子魚鮮味鎖在其中。

好友生日，帶佢食好西，omakase夠哂體面而佢又鍾意食！一早book定位，環境好幽靜舒適，好啱同好友慢慢傾，嘆住食！今次廚師發辦嘅食材好特別，好有新鮮感！備長炭燒梳子魚 - 備長炭燒嘢食係冇咁易燶同埋可以鎖住食物嘅肉汁，所以今次食到好鮮嘅魚味。北寄貝 - 新鮮嘅北寄貝先會咁爽口，呃唔到人！沖繩野生吞拿魚 - 風乾熟成17日先食，分別有中拖羅同大拖羅，好肥美，真係大滿足！花竹蝦 - 顏色鮮艷，好吸睛。蝦肉爽口彈牙，好鮮味！生燒鰻魚飯 - 鰻魚飯一直都係我至愛，生燒更香口，外皮夠脆，正！靜岡蜜瓜 - 好香甜多汁！日本菜從來冇令我哋失望，呢間omakase高質，大推！

已經有兩年沒有去日本旅行, 一向喜歡吃日本菜的我唯有在香港尋找一些高水準的日本餐廳! 這間餐廳是朋友叫我一起去試的,主要是吃廚師發板,午市的價錢尤其吸引。 生燒鰻魚飯鰻魚本身不是十分肥,但肉厚而且鮮美,燒完後皮香肉滑,不錯呢。 沖繩野生吞拿 風乾熟成17日 中拖羅拖羅是我最愛,每次吃壽司都要吃~與大拖羅比,有時我更喜歡中拖羅,有魚脂香之餘不會太膩,這間的中拖羅沒有筋,又新鮮~好味 花竹蝦平時較少會點,不過只要食材新鮮,怎樣煮都好吃! 新鮮北寄貝口感爽口,味道鮮甜 鰆魚從未嘗試過的魚類,平時亦不常見到有,如果不是吃廚師發板,我都沒有機會吃 整體來說,環境又好,食物亦佳,我和朋友都滿意。

朋友今日車我週圍去，難得入到元朗就想試下都好多人推介嘅Omakase，咁我哋就有訂定位的，去到就可以入去坐低，咁我哋都係坐bar位，可以望住師傅整野食！我哋當晚就有6款壽司🍣全程都望住師傅一刀一功，非常熟手，而且食omakase最重要係可以多d同師傅交流，咁師傅都好比耐心咁講解每一款壽司刺身！當晚我哋食左北海道海膽，石鯛，禾稈草煙燻鰹魚，千葉縣的地金目鯛，5日熟成深海池魚和兵庫縣室津蠔！每款都食到係好新鮮，每次食omakase都會有唔同嘅種類，都會因應翻個季節去提供最好嘅材料！我自己對海膽同埋池魚就最深印象，北海道海膽真係特別鮮甜，而且一啖食曬就好滿足☺️池魚都好鮮甜，我好喜歡池魚口感😙我覺得食omakase重點都係同師傅的互動同睇師傅嘅手勢刀功，希望下次有機會再試過！

今日黎左元朗食呢間高級壽司店 舍利鮨門面已經好舒服行日式簡約風 坐到入去更加舒服有一種放鬆嘅感覺一黎個大蜆清湯望落去好清好似冇乜特別點知飲落去鹹淡適中 啲蜆味好出好鮮甜一開波已經俾佢驚喜到室津蠔用料上乘 一碟有2件🦪都幾大隻同好新鮮 而且海水味唔會好濃好喊又夠肥美唔少得要嗌最鍾意嘅海膽軍艦海膽甘甜又充滿鮮美 入口即溶同一般日式餐廳比較真係會高下立見中拖羅係風乾熟成17日咁大工序果然係寧舍不同 好嫩滑而且油脂分布啱啱好 唔會好肥烏賊加竹炭粉味道淡淡地有種清香建議食次飲啖水/茶再品嘗花竹蝦好驚喜大隻得黎又夠甘香好夠新鮮整體用餐體驗良好 店員師傅都好好禮貌 性價比幾高 可以再戰🙌🏻

最近依間元朗嘅壽司店名氣好大好受歡迎，連預約都要等幾個月，我抱住好大嘅期望去，食完之後覺得，除咗抵食之外都冇乜嘢特別了。$350 10件，$550 15件第一件先食白身魚，真鯛第二件櫻鱒赤貝，鮮味不足，亦不夠爽口深海池魚，平時來講我最鍾意就係食深海池魚，但依件真心有d失望調味帶唔出深海池魚的油香，如果係千兩食到依件壽司我當然冇投訴啦，但係依度係壽司店啊嘛池魚備長炭燒梳子魚，10件壽司套餐唯一一件炙燒過梳子魚上有濃濃的炭香味，不錯全餐最好食嘅一件: 蛋黃漬牡丹蝦平時好少食到蛋黃漬蛋黃的滑嫩同牡丹蝦好夾，配合面頭的蝦膏整體有level up到！喜歡海膽，外面的紫菜有點太大，導致紫菜味太搶，不得平衡，浪費了海膽原有的味道中拖羅，正常來講係最安全嘅一舊壽司，可惜佢豉油味道太濃，咸味over左，aftertaste 唔再係拖羅嘅油香，反而變成豉油咸味講真依個價錢有咁嘅質素都冇乜咩好投訴，總體來講當然不難食，但係冇乜”wow”的感覺。魚生上面多數都加豉油，冇變化得來亦都突出唔到魚生嘅特性，導致有幾舊魚食落去都覺得差唔多，有點可惜。同埋平時最後尾都會配個手卷/烏冬/兩舊玉子等等，留意番依度係冇嘅都算

呢一間係去之前，無啦啦又抽起條根想book其他嘅鮨店，睇食評同埋睇關注組又睇挨豬，每次想揀餐廳去，都可能浪費個幾鐘，跟住望住時間又三點幾打唔到電話又謝左。🤣係去呢間之前想book埋元朗既壽司源，但又驚，因為元朗嘅一間都冇試過，舍利鮨會係第一試，都係忍手試埋呢間先決定去唔去元朗其他嘅（因食過幾間尖咀既......諗起中環係中環🤭，元朗會唔會......）六月仲有兩間會試，係港島既鮨佐瀨同鮨燐。係wasp book 位，見佢有話有special lunch omakase ，book呢個俾另一半，佢少機會自由食野食到幾點。同埋佢叫嘢嘅習慣，都係叫個餐牌入邊最貴嗰個餐，左睇右睇決定都係最貴嗰個😑。我係叫咗佢$500蚊15件嘅壽司set，因為同另一半去，我食唔晒佢會幫我食，先夠膽叫15件。我知自己12/13件差唔多飽。食第一件，呢度嘅壽司唔算大件，魚料同醋飯嘅比例都好好，唔會趙晒啲飯舊魚仲未食晒魷魚切成粒狀，易趙鮮甜、甜蝦配花生醬都幾得意，呢啲算係有心思嘅位，因為食落係少少似食緊蝦膏咁。赤身太乾身，唔係好掂（後尾睇返不同渠道既食評都有講呢樣，以為得我自己覺得）輕炙既金目鯛好正，佢真係輕輕炙左魚