竹壽司 (Moved) New Location

尋晚第一次食竹壽司, 好耐未試過D咁高質素既日本菜, 回味到而家, 肥多幾磅都底呀!燒拖蘿筋壽司 – 刁鑽到淨係切條筋出黎做壽司, 再燒一燒佢, 就唔會UN, 全晚最like呢件壽司紫菜包拖蘿 – 加塊紫蘇葉一齊食, 中和左拖蘿既油膩, 師傅落左小小海鹽, 唔洗醮豉油, so refreshing拖蘿刺身 – 再黎一件成寸厚既拖蘿, 就咁食, 原汁原味, 夠晒皮海膽壽司 – 北海道海膽, 澎湃到爆晒出黎, 一啖都咬唔晒, 好滿足燒和牛 – 係A5級之中既再頂級果隻, 唔洗講都知入口即溶, 要連埋D蔥絲一齊食先, 唔會成口都係油白蝦刺身 - 牡丹蝦下面係幾十隻日本小白蝦, 手指尾甲咁大, 但係超鮮甜, 味道仲濃過牡丹蝦八爪魚吸盤 – 另一刁鑽之作, 逐粒吸盤切出黎, 用滾水拖一拖, 爽脆到丫冰頭漬 – 即係魚頭內既軟骨, 有D似爽口既 jelly, 個汁酸酸地, 好開胃煮物 – 唔記得問師傅呢舊係咩魚, 只知道係我最愛的魚腩位, 最滑最香果part甜蛋 – 恕我孤陋寡聞, 真係從來未食過咁樣質地既甜蛋, 好似海棉蛋糕咁, 好spongy, 好軟熟食壽司一定要座壽司吧, 招呼我果個師傅叫阿

Sushi Ta-ke * is definitely one of my favourite sushi restaurants in HK. It is a REAL TREAT and I've found myself going back, again and again, for the fabulous sushi meals that Chef Do churns out.I usually pick the All raw food omakase and pair it with a glass of Sushi Ta-ke's house rose sparkling wine. Sometimes they have it, sometimes they don't... I wish they would always have it because it compliments the sashimi dishes very well*!! I also love how they have WILD toro at Sushi Ta-ke*. Chef D

$1,500 一個餐在這個區其實算不了甚麼, $1,500 在這個時代都買不到甚麼, 實話實說好了...1. 裝修 service 環境 good 嘅, 地方闊落, 座位舒適。2. 幾味前菜, 頭一味帶苦澀味... 開胃菜唔多開胃... 感覺大打折扣... 3. 酒煮日本大蜆... 一位一隻... 大蜆點都唔覺大... 得一隻仲要有沙... 唉... 4. 刺身極普通, 不值一提。有兩片帶子... 好似𡁻緊擦紙膠咁... 無文無味... 食到這裡, 只想快快上晒啲嘢, 埋單走人就算。5. 再嚟個乜嘢 salad, 難食到無得頂, 苦嘅！唔係佢我都唔駛上嚟寫幾筆。6. 壽司算對辦。但個海鮮湯裡面的蜆肉都係有沙嘅！7. 幾經辛苦等到甜品 (兩個多鐘)... 埋單係咁先, 無下次。8. 日本餐廳唔見有日本人嘅, 你明啦！9. 回到家中, 我飲極水都仲覺口渴, 算罷啦... 10. 一千幾百尤如...。哀哉, 呢樹租一定好貴。

XO一家最愛食日本嘢，家中大肥（即XO爸）同友人聚餐時，得悉銅鑼灣有間勁貴，不過超好食o既日本菜，所以襯中肥（XO哥）得閒，我地一家三肥就走左去見識下。竹壽司位於潮廈Cubus 內，小肥經透明玻璃電梯上樓時心情已經開始高漲。一出「車立」門，見到以竹為主o既裝修覺得好貼切之餘，視覺上亦顯得簡潔，走廊兩旁極似金色瀑布o既燈竹效果，高雅大方，尤其出色！Sushi counter看似平常，但係每個座位都好闊落，好難得我地三個不同高度同橫度o既大男人都坐得咁舒服！地下簡單o既腳踏位，不但令到最矮o既XO唔會吊腳，六呎高o既爸爸同哥哥亦有足夠位置伸展，圍住牆邊同腳踏位o既燈光喺昏暗o既環境更覺有用，燈光設計師真係有心思！入坐後送上一條熱毛巾，剛好比我抹走手上o既雨水，同暖下對手。早到o既爸爸已經同日藉壽司師傅君島-san傾得好開心，好明顯大肥未飲酒已經開始表演佢D日文啦；哈，點知聽真D，原來師傅D廣東重犀利！今次目的係黎試食，而且有老豆找數，所以我同哥哥就好豪地每人叫左個經理姐姐Joey介紹o既「おまかせ - 竹」（Omakase – Take，HK$ 1,500）set dinner。因為我地兩

雖然剛從北海道大吃大喝回來，但十四週年的關係，所以決定要好好再用Omakase去慶祝一番。三頭盤以甜蝦和小白蝦開始，鮮甜美味，肉質彈牙。瑩光小墨魚第一次試，味道還可。蟹肉黃味酢依然出色。跟著來的三款魚生卻有點反高潮談不上頂級水準。反而日本糯米煮金目鯛無論色，香，味都十分驚喜。粉紅色的糯米飯香，軟，綿，跟魚肉煮得相得益彰。跟著的燒金槍魚火候剛剛好，再配上日本芥末，又是另一番風味。最後五款壽司和一個卷物之中，份量和味道也沒令人失望，尤其入口即溶的拖羅和非常creamy的海膽，總算值得一去再去。

慶祝情人節似乎成了令近代男性頭痛的一大難關...總要費盡心思打點一切準備充足...還可能要心驚膽跳怕伴侶不滿意...其實情人節的來源是紀念古時被天主教列為聖人的Valentinus...是不是殉道，跟保衛愛情有沒有關，就不去考究了反正情人節的用意，就是讓人思考愛的力量、感恩愛的存在、珍惜能在短暫的生命中同步吧...抱歉讓容生頭痛了...容生選了坐在師傅面前，因為懂日文的關係他跟這位被老闆從日本差過來的師傅Kimijima Yukio還能談上一兩句。一同坐在師傅面前的只有另外三對情侶。雖然餐廳裏還有很多其他人，但佈局讓我們好像有私人空間般，實在難得。言談間師傅笑說不明白香港人為何吃壽司的次數會這麼高，在日本他們可是一個月才會吃上一兩次，壽司對他們來說可是特別日子才會吃的。我那時心想︰真難得，竟然對他們來說十分特別的壽司會在其他國家變得滿街都是（別說元氣、板長...甚至明將、爭鮮...超級市場現在也少不得壽司...我在英國留學時也驚訝超級市場是一直有壽司供應的）師傅解釋說晚上的魚生是比較新鮮的，因為每天都從日本空運魚生來港，趕不及用在午市，所以反而晚市的魚生會比較新鮮。喜歡刺身、壽司的原因

打電話訂到窗口位置，可能星期一晚人少關係。服務員十分勤快友善。廁所高格調和清潔。點了清酒後，便問侍應Omakase竹和梅那個合適，因為不吃牛的原因，便點了梅。頭盤中的𧐢最美味，海水味和調味料水乳交融。柚子蟹肉和燒帶子也很有水準。跟著的刺身，焦點自然是至愛的呑拿魚腩，啖啖肉是必然了，但難得魚油甘香，令人回味無窮。令到另外兩種刺身頓然失色。之後兩款煮物可能不是我杯茶所以覺得有點普通。然後四款壽司水準可以，最驚喜是海膽壽司鮮甜可口。吃完之後肚皮漲到要張手卷外帶。價錢是五星級幸好食物和服務令人滿意。份量也很夠，清酒選擇不錯，只是少了最愛的「上善如水」。

第50篇! 女友此假期最後一餐 咁當然要帶女食好D來的CUBUS上竹壽司, KC也推介這為午餐之選~來這當然試他的壽司定食,女友點了和牛定食刺身沙律內有帶子粒 吞拿魚粒 蝦粒 未到好吃.我們吃完一件, 師傅便立即即弄一件, 有高級鮨店的感覺通紅既野生油甘有一樣的滋味 極爽口彈牙, 魚味濃郁, 大愛吞拿魚背, 肥美好吃,但魚味略欠TORO女友說很好吃 加拿大海膽鮮甜, 濃澴的海水味, 入口即化, 師傅很用心的說紫菜必須快吃, 看來看重水準玉子是我喜歡的做法, 可以更好縵魚冬天偏瘦, 但女友淡淡的也不錯瀨尿蝦壽司第一次吃, 沒有驚喜, 不錯吃和牛過熟, 是80元的水準蔥吞拿魚腩手卷一開二, 手切得層次分明, 魚鮮滿口, 肥美濃郁, 讚!柚子雪葩, 清新, 但單一綠茶雪糕, 有高級綠茶感覺, 濃濃的綠菜味, 是我喜歡的做法單只壽司定食, 抵食, 服務很好, 師傅很用心, 會再來

不知大家對日本赤貝感覺如何，在我來說很喜歡它糅合爽嫩肉質和獨特貝類鮮味，而日本廚師處理赤貝有著一套獨特手法，去殼洗淨後還須「拋撻」，將牠的纖維軟化，才達至柔嫩最佳效果，在開業不足一年便獲米芝蓮推介的竹壽司，日著師傅處理的技巧認真，飯細密軟熟而赤貝爽嫩，是不錯的選擇。

之前在fb食友看到超澎湃的加拿大海膽壽司，又想起之前在台中吃到鮮甜度爆燈的馬糞海膽，忍不住立即在緊接的那個星期日下午來吃壽司定食!!此店位於開平店一座新開的食廈，餐廳佔了七八成的樓層，全部都是走高格調路線，餘下的是由謝霆鋒做老闆、佔4層的製作公司。聽說這家店是日本東京著名的壽司幸四代傳人杉山衞合作開的，我想水準應該有保證吧。下午12點半到達，一出電梯就看到有一個小小的露台，放著用藤做的椅子，好悠閒的感覺。轉到右手邊，一條以竹做裝飾的小走廊，頗有格調。鬆弛在訂位的時候已 事先指明要壽司bar檯，這樣才可以看到壽司師傅的手勢，況且聞說這裡的壽司定食是一件件上的，如果坐檯的話，應該就會一盤端上去了。午市套餐星期一至日都有供應，除了一早鎖定的壽司定食(HKD$320)外，我們還選了蔥吞拿魚腩飯(HKS$220)定食。不想吃刺身的也有牛丼和燒魚等選擇。前菜是刺身沙律，刺身有帶子粒、吞拿魚粒、蝦粒等等，味道是鮮美的，不過本身的那個芝麻醬汁味道偏淡，後來我更要醮少許豉油來提味。雜菜沙律，夠冰凍，配上柚子醋汁，挺開胃，青瓜爽脆、車厘茄鮮甜，不過有部份沙律葉有點苦味。師傅事先提醒壽司裡面已經加了wasa

Farewell 同事，老闆說要高品質的餐廳，同事想食日本餐。星期五午餐，到處也無法預約座位。終於找到了這家日本餐廳。午餐的價格似乎比晚餐便宜得多，晚餐的價格至少每人一千元。食品質量比預期好 - 和牛非常柔軟，餐壽司分為兩部分。整體食物是相當不錯的。有相為證。

成日都上OPEN RICE, 但從來無寫過食評. 今次係第一次. 因為想表揚吓呢間餐廳嘅食物水準同壽司師傅嘅服務態度.我同屋企人經朋友介紹黎試吓呢間日本餐廳. 聽朋友講水準一流, 於是特別訂星期六下午SUSHI BAR食個晏. 我初時以為要嗌HK$800 per set 嘅 omasake 先可以食好野. 點知個師傅話HK$320 sushi set 已可以食到TORO, 海胆同其他 in season 嘅sushi. 仲會逐件上. 可以慢慢食. 好! 一於四份.我無影相, 不過件件晶瑩新鮮. 同我响日本築地壽司大食OMASAKE差唔多. 因壽司已有少許調味. 唔洗點豉油已好有味道. 可以吊起食材本身嘅鮮味, 食都食得健康D. 讚!唯一可改善之處：可唔可以唔洗叫姐姐都識間唔中過黎加茶？仲有，可否買一兩張High Chair俾小朋友坐？

OMG =v=” 隔了成個月，我才醒覺自己還未動筆寫這篇食評(汗)「竹壽司」by SUGIYAMA。聽說來頭可不小，皆因它是與日本東京一家有120年歷史的「壽司幸」合作，而這食府亦曾獲得米芝蓮1星評級，是東京區內最著名的日食店之一。踏出電梯，會先看到一個小露台，之後～沿著竹林便到用餐區，不得不提的是...兩旁還放了價值不菲的清酒襯托 設計果然處處顯用心！抵讚～壽司吧枱&師傅什錦壽司定食：前菜、沙律、湯、茶碗蛋、壽司(9件)：包括～甜蝦、"立魚"、鱆紅魚、赤貝、油甘魚、拖羅、海膽、海鰻、玉子、手卷＆甜品。嘩…也許大家都會飽得捧著肚子離開XD師傅說吞拿魚血是藏在魚皮下的一條固體血，由血和吞拿魚肉組成，咬口則似牛肉乾。雖然有點恐怖，但是食下去後發現魚味很濃，且沒有腥味。蝦肉晶瑩剔透，新鮮清甜！拖羅好rich！！入口即溶！！(←好味到詞窮^^)師傅說午市會採用加拿大海膽(可能成本較低)。而原以為日本貨一定是最好的我，吃過之後竟回味無窮，皆因海膽的鮮味毫無保留地表現出來=)且肉質豐厚，味道甘香。好戲在後頭！！誰不知跟餐的是普通玉子 =v=” SO SAD！此行未能一嚐外貌像厚切長崎蛋糕&入口像

As mentioned in an article online, a quality fine dinning Restuarant.I dun think it worth .....food is fine , but the place is so not cool....

用餐時剛新開左兩個禮拜，唔知係唔係呢個原因，個日d料特別靚，仲有兩個日籍師父serve，一個(魚當)魚，一個握壽司，本地師父再介紹係乜野魚，來自邊個縣，真係冇得頂，果然係銀座名店既質素。叫左個壽司set，前菜有帶子群邊，麻醬沙律，感覺好fresh。首先黎既係青森大間野生藍鰭大拖羅，入口軟棉，鮮味濃鮪，完全唔係一般今村，Hiro 可比。由於係江戶前壽司，每件壽司師父都會調味，令到你可以真正品嘗到壽司既精髓，就好似牛扒要落鹽，蒸魚要豉油一樣。中間有件車海老又係驚喜，先輕灼再用冰急凍，師父再介紹佢咁做既原因，直頭好似魚至囂咁！Uni 係鹽水浸既，並冇木板Uni果D有防腐劑。最後師父整左件ne gi 拖羅，佢話圓形（見圖）先係正宗，飯，拖羅，紫菜，每一口都合比例，雪榚桶其實冇咁好。整體黎講質素比鮨佐賴不相佰仲，大滿足！