太平館餐廳

Open Now

Now Closed

太平館既瑞士雞翼真係街知巷聞，去到當然要食瑞士雞翼、乾炒牛河(有/沒瑞士汁)，另外套餐就叫左葡汁四寶飯、燒乳鴿。瑞士雞翼既瑞士汁甜甜地，都算好食。反而瑞士汁加係乾炒牛河既時候就太油，唔夾，用老抽炒既牛河好味d!乳鴿肉地太硬，都係沙田乳鴿好味d。葡汁四寶只係一般茶餐廳水準，賣成$115/set，真係太貴喇。甜品本來有雪糕蛋糕(冇叫梳夫厘!!)，但係最變左花奶啫喱(仲要好稀)，唔抵!舖頭裝修幾有懷舊風，部長伯伯咁老都仲好落力，好野!

讀書時到茶記食lunch，餓鬼們指定動作是常餐的橙汁雞翼牛扒，差不多是即叫即上；等得的就叫炒粉麵，習齊order後大鑊炒起足夠分十分八分，就算鑊氣唔夠都叫做made to order，好過一早整定的橙汁料理。想食就食，叫了瑞士汁炒牛河，$46以Tea的價位來計，唔平。即叫即炒，大碟上，薄而軟滑的河粉，不俗，喜歡稻庭烏冬的朋友相信會欣賞此品，個人而言，較欣賞粗身的河粉。味道適中的瑞士汁配鮮牛肉，同一般茶記的「疏打牛」比，是兩碼子的事，蘸點酸辣十足的辣椒醬同吃，出酸、甜、辣味混在一起，吃得大呼過癮。太平館收這個價錢，交的是「質素」，當然若吃不出箇中分別，乾脆掏廿個大洋到附近茶記吧，省得個錢吃多餐。

聽人地講太平館個梳乎厘聽得多，可是沒有試過，今次終於找到人陪我入去嚐嚐了！我們之前已經吃過晚餐，所以這次純粹專誠入去試梳乎厘。上台時見到個龐然大物，面頭是脹起的金黃色表皮，下面是濕濕的固體泡沫，朋友說好像是用透明玻璃大碗盛著的紙包蛋糕。我們面對這種一堆頭的場面，都有點無知所措。用匙羹畢起，那層表皮不是我們以為的脆，而是有一點韌度，下面的海綿狀泡沫，濕濕的，不太甜，味道一般，但份量太多，所以也有點膩。朋友一點都不喜歡，說是中式的梳乎厘，怪怪的。我就覺得這裡的梳乎厘像極了中學HE堂焗出來的蛋糕，又或者是媽媽的焗給小朋友吃的蛋糕一樣，沒甚麼精緻的賣相，但是很有溫馨的感覺。

上星期四晚去, 個朋友生日好想試下呢間野, 之前睇左食評都知服務不太好, 因要買定birthday cake 一齊食想到咁既服務都千萬唔好係佢到食cake 啦, 點知去到叫個長長地頭髮個阿叔同我keep個cake 係雪櫃啦, 佢竟然望一望就問'咩黎架???'我話蛋糕囉. 佢話你自己問水吧啦..我呆左, 真係咁既service...至於食物就真係失望極了, 個隻所謂既乳鴨難食到, 大排檔好食過佢好啦.不如唔好叫乳鴨叫燒老鴨啦.到走時個水吧自動比番個cake 我地話你番來宵夜呀???阿叔叔我地又點敢係到食呀. 即走頭啦.

我好細就去太平館,最記得TST果間細個時成日睇魚.但大左就最常去CWB呢間. 我最鍾意係個煙創魚同牛河.牛尾湯都好好味. 不過,有次試個鵨片飯,吾可以話吾好食,但感覺好似不外如是,不值得比貴D吃蝶頭飯.所以,去果度最好order D 出名的.

我最喜歡乾炒牛河，牛肉稔滑，有肉味；有段時間它放入了青豆角，吃起來有點格格不入，今晚則用了菜心，感覺好得多。煙倉魚也是這兒的招牌菜，香香甜甜的，魚質好像比從前的稍實，但味道仍保持一貫的水準；現在這個製法的煙倉魚很難在別的地方找得到，雖然是貴了一點點，實在值得一試。便宜一點的可以叫set，約$140，有湯和茶或咖啡。燒乳鴿差不多是必點的，今晚的一只燒得不錯，鴿脾部份多汁嫩滑，胸肉則稍乾，但在禽流感的陰影下，都是煮熟點好。整體來說，算是吃得很滿意。

整年沒有去了，今天突然想起就去食lunch。由于時間尚早，不用等位。點了燒豬脾飯- 鼓油較以前淡。海龍王湯- 味道比以前差。瑞士汁牛河及瑞士雞翼- ok，保持水準。

WTO過後,老銅灣仔有如重光紀念日,平日人流,比平常假日更盛.眾遊人好像放監一樣,只是無銀樂隊吹雞,或者街頭表演,花車巡遊.etc...如果唔係收工前,收到個不良於行的靚女急call,有點事要落老銅不可.否則當日流程例牌菜,收工一個箭步飛去巴士站番屋企."重光"後的老銅,猶如地獄一樣,Sogo這個地標,入到去簡直窒息,命運就是如此.偏偏就係要去Sogo.甩身果後,時間尚早,七點正的泉章居,二人位要排六七輪,友人反日,連日本菜都反埋.去到白沙道,見到太平館未有人龍,本住好一餐,唔好又一餐的心情入左去.友人雙腳開始唔見洗,睇怕想去Cova浪漫一番,也有心無力.去到太平館,例牌幾味出名就點果幾味,實在無時間同個餐牌玩東西.瑞士牛河,叫到先兜,唔叫無得兜.點都係兜過,好吃得多.好吃在,夠入味,牛肉,其實只係茶記梳打粉級數,瑞士汁,只係尋常甜豉油,有咩理由令人趨之若鷺?燒乳鴿,個皮燒得金黃香脆,入面就無味兼鞋拾拾.金玉其外,敗絮其中.友人個肉絲炒麵,反而係三味之中,最好吃的一個.我覺得..錯有錯著,之前講過,好一餐,唔好又一餐,兩個人二百四埋單,都唔算好肉赤.算吧.

我最近食過一次係銅鑼灣..同d friend去..食左個set.佢最出名應該係雞翼.但我又覺得個汁無咩驚喜@@..唔知係咪唔岩我d個年代既年輕人食..反而我覺得個牛河整得幾好..不錯..但佢唔得都可以係佢個甜品=.=..有d..不知所謂...

來試一試其出名「瑞士雞翼」，無乜特別。女友叫了焗大蝦飯，OK唔錯。不過想講係班夥計好嘈，而且係講粗口。後來客多佢地至收聲。不過客多時輪到D客好嘈！如果想靜D食飯，都係唔好來呢處。

20051007 8pm跟男友晚飯2人前, 晚飯前跟好友通了一個電話, 得知一個頗shock o既消息, 心情相當麻麻. 男友想tum 返我, 同我去太平館食飯. 另一原因係驚去第度食, 萬一食到o的唔好食o既o野我個面口會更黑. 太平館始終質素有保証.好多人, 等o左10 分鐘先有位.要o左個2人set, * 餐包+ 餐海龍皇湯, 跟我的心情一樣, 很跌watt. 太鹹了個湯, 茄膏下的太多, 龍蝦味盪然無全.* 瑞汁雞翼x 6隻, 都係咁啦.* 瑞汁炒牛河, 干炒牛河較熱氣, 食瑞汁都好o既. 好香但太大碟了.* 凍奶茶* 熱咖啡是夜人多, 無平時咁舒服, 同埋冷氣開得超大.埋單連加一只$270. 不知怎的我覺得太平館好像越來越便宜.p.s. 鄰桌在吃和花雀, 噢, 秋天真的來了.

去得太平館預左的伙記係好有性格, 不過今日真係好激氣!!! 同朋友係中環唔想上soho亂搵, 就去有保證既太平館. 入到去有兩個頗有資格既經理伙記, 唔多願理啋, 問左我地兩個冇訂檯, 都唔係好願招呼, 之後懶懶閒話上樓上25號檯, (心諗, 好!我忍你!) 上到去, 有個都算後生既四眼男人睇住佢由好好笑容到望完我同朋友之後即刻變面,問完又係冇訂檯, 仲黑住口面, 話邊個俾你地上黎, 我開口話樓下叫我地上...都未講完, 佢就走左去, 之後遠遠好似有個伙記手指指喝我地, 你地坐個度. 我忍到個一刻真係頂唔順調頭走, 算我EQ低, 我唔明我去俾錢點解要去受氣!!!之後飛的去番CWB既太平館, 雖然伙記都係好有性格, 但係感覺上好好多!我地兩個人叫左一個二人餐:海皇湯/ 瑞士汁雞翼/ 瑞士汁牛河/ 芒果布甸/ 餐飲, 另外再加左一個焗蟹蓋同梳乎里食物品質同往常一樣, 保持水準, 係牛河個汁太多, 味道太重...埋單食左$510. 可以接受

嘩! 上個星期四晚去試好多人推介的souffle, 勁妤味!!過然好掂!! 夠大之餘仲唔係太甜同胞肚。最啱女仔食,不過一定要兩個人分!!大家一定要試!!

第一次同my parents 黎... 今次同我d 朋友黎... 兩次叫既野都差唔多一樣. 今日叫左瑞士雞翼meal, 乳鴿meal (連埋個萄汁雞), 梳fu厘, 本來以為五個人食一定唔夠食... 點知我地食唔晒... 上次黎0個陣我見到兩個女仔share 一個梳fu厘, 0個陣真係嚇親, 大得離譜, 今次我地五個人食都食唔晒, 但係就真係好好味, 好特別, 好就好在佢唔係話太甜, 0岩0岩好. 個瑞士wing 同埋萄汁雞飯都好好, 可能我自己鍾意萄汁既關係, 所以食得特別開胃. 但係佢個汁就靚, d 雞就唔係好入味. 個瑞士wing 都幾好, 佢d wings 不嬲都好鮮同埋個招牌瑞士汁當然ok. 反而個乳鴿就差d, 好普通. 太平館d 野食一次半次就幾好, 但係食多幾次就覺得好普通, 想起銅鑼灣坐得舒服d 咪黎哩度, 整體都唔差既. 價錢就唔係話貴, 但一定唔底.

20050712 10pm與好友apple 晚飯, 夜收工所以夜o左先食飯. 昨日暴曬於荒野, 曬傷了. 好友apple 得知即順手送來after sun jelly 予我, 真係無得頂呀~ ^o^2人share吃-* 干炒牛河- 我始終都認為呢度干炒牛河係好食過瑞汁牛河的. 今日呢個好多牛肉, 多到夾親都係牛肉!* 廚師沙律- 都等o左好耐食o左一半個牛河先上, 蛋沙律汁預先溝好, 料勁足, 有鹹牛月利, 雞肉, 火腿, 蛋, etc.. 大量菜, 同大蝦沙律又好唔同, 我都幾鐘意呢個汁. 以$90 呢個價錢來講算好抵食.另送餐包仔一個. 同埋見到田北......辰囉~埋單連加一只需$190.