太郎居酒屋

Open Now

Now Closed

一向鍾意食日本嘢嘅我，日式居酒屋係我食日本嘢嘅首選，可以同朋友飲sake🍶食日本小食傾偈開開心心嘻嘻哈哈又一晚。依間居酒屋舖頭細細，但係有好多串燒，食物選擇，壽喜燒火鍋亦都質素好好。店內職員服務亦都好貼心，雖然用餐當晚食客好多，成間餐廳都坐滿人，但係佢哋都好細心去serve我哋。唯一一個缺點就係佢哋張枱太細，放咗幾碟串燒同埋sake筒之後就冇乜地方放其他嘢食。有機會去尖沙咀搵居酒屋我都會考慮選擇再嚟食😋🤗

上網搵居酒屋，求其揀咗呢間。舖頭一早已經WhatsApp我哋今日有咩精選，使唔使留一啲海鮮。我哋叫佢預留咗鮟鱇魚肝同埋一啲刺身。之後去到再叫咗螢光魷魚同埋串燒。刺身好新鮮，串燒都好好味。有啲舖頭嘅串燒會好鹹，但係呢間嘅味道啱啱好。呢間舖頭係上樓嘅，如果唔係OpenRice嘅話都未必會搵到。加埋杯Orion嘅生啤簡直係正！舖頭細細地，但係啲枱都分得開，唔會太迫夾。環境都舒適。總之食物有驚喜。下次會再去。

最近有消息傳可能有機會再放寬入境隔離措施，雖然未真係落實但都精神為之一振！希望快D實現，可以早日返家鄉啦！未返得家鄉就食住家鄉菜先～雖然呢間舖唔係好大間，但睇得出裝備上都花左唔少心思，雖然唔係豪華嘅感覺但覺得好精緻窩心，係令人舒服嘅佈置！就連筷子座都咁可愛，見到就已經心情大好，放工就係要去D令自己心情愉悅嘅餐廳先得！雖然我冇特別鐘意飲酒，但見到餐廳大推左唔少好有特色嘅手工啤，我地又未試過，覺得小斟怡情，放鬆下心情都唔錯，就叫左2款黎試下。呢個芒椰奶西同蘋果西打手工啤都好特別，雖然我個人比較偏愛蘋果西打，但相較之下芒椰奶西呢款比較有芒果同椰香之餘又保留到麥香，而蘋果西打就真係好似飲緊apple cider咁，如果比較鐘意麥香嘅就適合飲前者多D～水母刺身勁特別，之前冇咩係其他餐廳度見過，所以特登叫黎食。超級爽口，但粒粒分明嘅感覺，同海蜇食落個種爽口又唔一樣，幾得意嘅口感～我地當日唔係好肚餓所以只係叫左幾件壽司。刺身用料新鮮，飯同刺身嘅比例都好適中，唔會大大舊飯塞落口嘅感覺。其中最推薦海膽壽司，海膽份量唔吝嗇。芝士玉子燒幾大份，3-4人share黎食都冇問題。個人覺得裡面嘅蔥多左少少，味道有

放工約左朋友 但朋友要OT 一個人悶悶地 走左去一間日本餐廳 食少少野等朋友令和之怪物生蠔 ＄98期間限定 好大隻生蠔 好鮮好甜好肥美 一定唔可以錯過 必點唔洗考慮 100分串燒 (由左至右）翠玉瓜＄16食串燒 必點蔬菜類 好fresh 感覺健康d雞髀菇＄16又一健康之選 好好味 仲有6件咁多五花腩＄23燒得好香 一d都唔肥膩露荀豚肉卷＄28又有觀蔬菜又啖啖肉 口感豐富 好滿足脆卜卜燒豆卜＄16冇改錯名 好香好脆 食落脆卜卜日本直送雞頸肉＄22食左咁多串 呢串明顯地好juicy 豬頸肉食得多 雞頸肉真係第一次食 好好味日本小青椒＄28點ge時候咁諗緊佢辣唔辣 唔好比佢個名同樣呃到 原來一d都唔辣ge芒椰奶西手工啤呢個好特別 第一啖似普通啤酒 飲真d真係有少少芒椰奶味 haha總括而言 呢間串燒係幾正 又多選擇 食完都忍唔住要同朋友仔分享

走入平時比較少去近中港城果邊既廣東道，見到呢間太朗居酒屋好似幾有feel就同個朋友入去試一試。店內既氣氛都充滿日系風，最特別同有印象既係滿佈日式海報既牆身，帶點復古風得黎又有特色。收工後黎到居酒屋當然要好似日本人咁飲返一杯酒又食下送酒小食先啦。今次試左款幾特別既叫芒椰奶西既香港手工啤，入口清爽帶一陣果香而且入口幼滑又帶濃密既汽泡感。配上炸日本蝦作為下酒菜先開一開胃，炸迷你蝦一口size，味道鹹香又香脆。再配上刺身盛合真係完美！一啖新鮮魚生再配一啖啤酒夠晒爽。盛合內有平時好少食既日本蠔-日之雪花蠔，原來日本蠔質素係咁高！好新鮮。北海道珍寶帶子彈牙又甘甜。深海池魚， 劍魚腩，油甘魚同樣帶出魚油香又鮮。特丹蝦甘甜彈牙好滿足。水母刺身係居酒屋真係第一次食！港式海蜇就食得多但原來日式都可以咁有特色。加上少少日式醋帶點酸香同樣係開胃下酒菜之選。同樣係居酒屋入面串燒一定唔少得！今次點左幾款串燒同朋友一邊食一邊傾下計。2款蔬菜類既翠肉瓜同雞脾菇都燒得剛好唔會過乾身。鹽燒雞軟骨香脆仲帶點軟骨既油脂香。其餘仲點左芥末松阪豬，孜然豬大腸同最愛既鹽燒雞翼試試！整體都好唔錯，燒得夠香口又唔會過焦。

又到食日本野既時間啦今次揀左上樓食呢間鋪好有feel有幅達摩牆先點左個水母刺身幾入味幾開胃配埋2支香港製造既啤酒送一送返工既壓力冇晒叫左六件壽司, 件刺身同飯既比例十分好, 味道都一流, 最正係海膽, 完全唔腥夠fresh!之後叫左個芝士玉子燒大大舊幾抵食跟住呢個甲羅燒係必點將隻蛋同魚子攪勻之後放係多士上面食口感一流又夠味再黎叫左串燒, 有雞脾菇翠玉瓜雞翼豬大腸等等配埋檸檬汁同埋啤酒簡直係享受人生另外都開左隻海螺店家都處理得好好醬酒鮮甜總括黎講想食高CP居酒屋的朋友可以試試

尖沙咀一向都有好多日式居酒屋！但隱藏既樓上居酒屋店都有好多一直未發掘到,今次係尖沙咀返工返左一排既朋友搵到呢間太朗居酒屋就拉埋我一齊黎enjoy下.刺身盛合一共7款既刺身真係大滿足呀！刺身有深海池魚,牡丹蝦,北海道珍寶帶子,劍魚腩,油甘魚,日之雪花蠔同海膽.每一款都好新鮮而且充滿光澤,肉身又夠飽滿.最特別係食到日之雪花蠔！味道清甜,脹卜卜又夠滑.水母刺身爽脆彈牙既水母刺身配以酸甜既醋香相當開胃醒神.炸北海道蝦外層炸粉夠晒薄所以入口唔會帶過厚重感覺.炸香後連殼一齊食味道更鮮帶更濃蝦香.作為下酒開胃小菜真係好惹味.燒安格斯牛牛肉燒香後肉質唔會燒得過乾身,入口仍然充滿肉汁而且帶點燒汁香.安格斯牛肥瘦均勻,唔會過份油膩又帶濃厚既牛脂香.串燒令次亦叫左7款串燒一邊食一邊送酒,點左芥末松阪豬,孜然豬大腸,鹽燒雞軟骨,鹽燒雞翼,汁燒雞肉串,翠肉瓜,雞脾菇.當中芥末松阪豬同孜然豬大腸係最驚喜既串燒！豬大腸完全無肉臟味之餘入口彈牙又唔過韌,仲帶陣陣孜然鹹香.芥末松阪豬入口慢慢滲出芥末辛香,果份辛香感刺激得黎又降低左燒豬肉既油膩感.Gin Tonic 清爽帶一陣辛辣感同花香既gin作為配串燒同小食都係一個

太郎居酒屋位於港威中心對面嘅樓上舖，相對地接近中港城個邊，商廈2旁的大堂都有工程進行緊，所以門口都比較隱閉～餐廳喺大廈9樓全層，一去到就令你覺得返咗鄉下咁，個種日本味道嘅感覺即刻返哂嚟呀🤣💁🏻‍♀️今次叫咗1️⃣個午市套餐4️⃣款串燒🍱午市套餐：火灸壽司八貫盛盒💰158太郎嘅火灸壽司盛盒抵食又美味呀🤣包括：黑松露帆立貝、油甘魚、A4日本和牛、赤蝦、三文魚、魷魚、魚背同鰻魚～刺身口感大約3成熟，唔會太生又或者過熟，熱天嚟食仲多種冰火口感呀🙈🍱午市套餐：麻醬冷烏冬💰-呢個午市套餐除咗主打嘅8款火灸壽司外仲包埋沙律、蒸蛋、麵豉湯同呢款麻醬冷烏冬😋烏冬份量十足，面層舖滿蟹籽，青瓜絲同蟹柳絲再混合埋麻醬，爽口又涼浸浸嘅口感岩哂呢個天氣食呀～🍡鹽燒雞翼💰22太郎嘅燒物價錢麵相當抵食吸引，忍唔住口叫咗幾串嚟試下🤣雞翼燒得金黃香脆，咬落去仲散發埋好香嘅鹽香味👍🏻🍡日本一口甜薯💰16甜薯燒物係我到每一間居酒屋必試嘅串燒，因為太熱愛甜薯😍太郎嘅甜薯都無令到我失望，粒粒紫色飽滿嘅紫薯，咬入口香甜美味嘅口感散發哂出嚟，完全食到停唔到口呀😋🍄芝士烤大啡菇大啡菇以芝士舖面一齊烤煮，食落好juicy外仲會有陣陣芝士香味，不過

吹啤啤🍺🍻呢到嘅手工啤一試難忘‼️食住串燒嘆啤酒人生一大樂事～😚🙌🏻好開心又揾到間好好食😋又抵食，同燒烤堂有得fight嘅「太郎居酒屋🏮」🤩呢間更加正，因為除左串燒之外，仲有刺身鍋物😍餐牌每樣野都好吸引，出到黎既野食完全唔會令你失望💯😄9樓全層都係佢既舖位，一入去成晚既裝修好有日本🇯🇵居酒屋feel🥰幅牆係一排排既達摩❤️又有好多🎏掛係天花板，四周都係寫住日文既海報、手幅🎐坐咩位打卡都靚！佢地仲有個小包間，可以坐8人，如果慶祝生日🎂個啲book呢間點噪都冇人知😆👍🏻野食我地咩都試左啲😋前菜㨂左好特別嘅水母刺身（食落好似海蜇皮，酸酸地，好開胃👌🏻）同埋山葵八爪魚🐙細細一碗，但食極唔完🤣口感彈牙，新鮮唔腥🙌🏻主食叫左個蟹籽芝士玉子燒🤩好好味，熱辣辣拉到絲～～～每一啖都係大滿足💯而且係章魚小丸子既醬，我地超鍾意😆❤️重頭戲串燒來了‼️大大碟，正呀😚免治雞肉棒付月見（姐係生雞蛋🥚加醬油）唔係交貨既質素，肉質嫩，有咬口，食唔停口👍🏻鹽燒雞翼平時個啲一係好乾一係冇味，但呢度係有汁有味，連入面都好入味😋大大隻👌🏻牛肉試左佢嘅安格斯牛小排粒😍😍係好真好高級既牛味‼️🤣豬就食左燒五花腩，肥美肥美😋肥肉焦香，一啲都

放工時間，同朋友去到尖沙咀樓上居酒屋🏮門面已經好日本嘅感覺，黑白色設計，圖案風格會好日本感覺一開始入到去會比較細啲，點知原來仲可以轉彎入去，私隱度都感覺比較高！頭頂嘅燈飾係用燈籠嘅設計 芥辣八爪魚🐙八爪魚刺身食落口會辣辣地係Wasabi嘅味道，我本身唔係好食得辣不過都接受到👍🏻咬落口好QQ，好有口感💝呢個我都幾鍾意蔥碎吞拿魚壽司🍣面頭有啲吞拿魚，咬落去原來中間成口都係好足料嘅吞拿魚💓有驚喜😆三文魚手卷職員好細心送到上嚟嘅時候再同我哋講盡快即刻食，因為柴菜好快會淋，食落去嘅時候紫菜真係好爽脆，三文魚都好新鮮蒜蓉八爪魚🐙送到上堂嘅時候仲聽到熱辣辣油炸嘅聲音。應該就係用油炸嘅方式嘅蒜蓉再淋上八爪魚🐙非常之濃郁嘅蒜蓉味，蒜蓉到切到好大粒，八爪魚煙煙韌韌叫咗七款串燒有蜜糖雞翼，雞髀菇，韭菜牛肉，豬頸肉，豬大腸，松阪豬，雞肉串會比較鍾意蜜糖雞翼甜甜地，肉質鮮嫩一班三五知己收工嘅時候去吓居酒屋飲吓嘢，食下串燒小食係唔錯嘅選擇😋😋

呢間係鬧市之中既日本餐廳好高級。我一人去左CHILL.叫左一支本土手工啤酒,係芒椰奶西既口味,好特別,飲到淡淡既芒西。叫左D壽司,海膽多肉鮮甜,飯既比例唔多,恰到好處,仲有大大隻既蝦,有細甜蝦既甘甜,三文魚、吞拿魚都好肥美,整體黎講好滿意各款刺身壽司。WASABI八爪魚粒都係有咬口,個汁好唔錯!食完生既野,叫左D熟食,有雞心、孜然雞翼、孜然翠玉瓜、秋葵等等,有菜有肉,比例恰當。仲有雞蛋汁醬油,好有心機。幾中意呢度既野食!高質!

尖沙咀美食多就係人都知，今日同朋友喺海港城行完街之後，係附近我搵到呢間隱蔽嘅居酒屋。地方雖然唔大但係就非常乾淨，枱與枱之間都有幕做間隔，私隱度高。我哋兩個人我叫咗大約10串串燒，一款芥辣八爪魚小食，香蔥吞拿魚魚腩卷，三文魚親子手卷，蒜香鐵板魷魚，兩杯嘢飲。串燒係即叫直少嘅所以都需要等五至10分鐘。我哋叫咗蜜糖雞翼，雞皮燒到脆脆的，而且蜜糖又唔會整到個皮淋晒。雞髀菇就非常Juice，唔會燒到好乾柴。至於豬大腸同韭菜豚肉卷，就正正常常，上面有落孜然粉。有一款我覺得好值得推介嘅就係，香辣松阪豬，辣粉完全唔會佢個豬嘅肉汁，而且辣得來好過癮香蔥吞拿魚魚腩卷，吞拿魚魚腩唔單止喺上面有㗎，原來卷物入邊都係滿滿嘅吞拿魚魚腩，再加上蔥香，而且細細舊，好易令人食完一舊有一嚿🙈三文魚親子手卷，肥美嘅三文魚，再加上有咬口嘅三文魚子，店員亦都好細心提醒叫我哋盡快食呢個手卷，我唔係紫菜淋左就唔好食。蒜香鐵板魷魚，上枱就已經聞到好香嘅蒜香味，熱辣辣，好適合作為一個送酒小食。另外我哋仲叫咗兩杯梳打，會係提子梳打另外一杯就白土梳打。喂呢個晚餐或想完美嘅。

由於疫情放寬返，即刻約朋友去尖沙咀行街睇戲，今日喺海港城買咗好多嘢行到攰攰地，上OpenRice望吓附近有咩好食，見到附近有間日本菜有刺身同串燒食都幾吸引即刻去試吓，地址係廣東道82號流尚坊9樓，太郎居酒屋。餐廳環境非常有格調，好友日本風情。而且坐得都幾舒適。薯仔沙律 28元，薯仔味道都幾清新，而且色澤都幾吸引，佢就知非常新鮮，味道清甜，作為開胃菜真係一流。鵪鶉蛋肉卷 ，燒肉燒到剛剛好，帶有有少少肉汁，包住粒鵪鶉蛋嚟食味道都幾夾，加上有少少沙律醬同紫菜，味道同口感都好出色。燒雞軟骨，雞軟骨燒到好香口，食落口好香脆。蒜蓉韭菜油掦，第一次食，好特別，燒香咗豆腐卜，咬落去入口香脆，中間仲有啲韭菜非常特別。真係好好食。燒翠玉瓜，味道清甜，瓜肉帶點爽口，唔錯。燒雞翼，賣相非常吸引，雞皮燒到金黃色，而且肉質仲係好嫩滑多汁，一流。蜆肉非常鮮甜，加上蒜香，焗出嚟特別好食，完全食到新鮮嘅味道。正食咁好味嘅串燒，一定要配返杯啤酒，抹茶啤酒味道都幾好飲，唔會有普通啤酒嘅苦味。值得推介。

今日我和老婆去了尖沙咀行街，行到攰又肚餓，就決定搵嘢食，日本菜很久未有吃過，我10分期待想食，搜尋到附近有一間日本菜，也相當吸引，就決定這間日本店，這間店舖位置10分方便，而且地方空間感十足，店員招呼我們坐低，細看餐牌每一樣我都很想食，點了日本生蠔，聽店員介紹生蠔是今日剛剛到，這款日本生蠔入口鮮甜，好味濃郁，微微的海水味，生蠔10分新鮮，他的帶子位越食越甜，加上表面的三文魚子，真是不得了非常好味。炸天婦羅，也相當出色我食一口炸蝦，表面博博脆，內裏蝦肉爽脆彈牙，證明食材10分新鮮，炸南瓜，炸番薯，炸秋葵，每一樣都賺得剛剛好，最出色是他的粉漿同炸的時間，拿捏得好。點了一份壽司，有海膽，三文魚，虎蝦，拖羅，帶子，他的飯是用珍珠米的， 飯嘅醋味調得剛剛好，每樣食材都很新鮮，海膽的甜味甘香，帶子有口感，而且越食越鮮甜，每樣食材都很新鮮。還點了一系列串燒，有日本青椒仔，翠玉瓜，雞翼，日本五花腩，牛肉，雞肉，串燒真的很不錯，加上啤酒一齊食，無敵嘅享受

黑松露北海道珍寶帆立貝手卷 $58手卷上有三大塊的北海道珍寶帆，新鮮，爽口，份量又夠多，配上黑松露加少許醬油，回味無窮。香蔥呑拿魚腩蓉手卷 $68滿滿的呑拿魚腩蓉既新鮮又沒有筋，細細的手卷下能保證每啖都能吃到呑拿魚蓉。免治雞肉棒（付月見） $48食小鬼每次到日本餐廳必點的串燒。 雞肉中混入刴碎了的雞軟骨，啖啖肉兼有咬口，燒得剛好，配上付月見，富肉汁之餘，醬油和蛋黃的味道更將雞肉棒的味道提升不少。正！黑松露唐揚炸雞 $58約有5-6塊炸雞，炸雞上的椒鹽粉適中又不會太鹼，配上黑松露醬，十分惹味。 黑松露愛好者必點！蜜糖芝士油揚（1串）$22油揚燒得脆脆的，中間夾上熱融芝士，油揚表面塗上蜜糖，既有脆的口感又不會太乾。牛油果軟殼蟹卷 $45一口吃齊牛油果和軟殼蟹，好味又滿足，壽司飯的鬆散度適中不會容易散。香辣鐵板魷魚鬚$68惹味推介！魷魚鬚香辣的味道配上蛋黃醬再加上爽口的口感，十分惹味。泰式燒豬頸肉 $62燒得剛好，豬頸肉邊燒得有點焦焦的香味，沾上醬汁，送飯之選。海膽三文魚籽甲羅燒 $98賣相十分漂亮，蟹膏部份份量多，配上麵包后還會有剩。海膽也很新鮮，整體有點鹹，但喜歡吃蟹膏的食客，絕對能滿足