瀧

Open Now

Now Closed

舊年生日, 男朋友話帶我食日本嘢.點知原來係食吉野家... 今年生日佢帶我黎瀧食omakase ya!呢度環境舒適又有格調,佢朋友果然冇介紹錯,有三個set揀,因為我鍾意食牛就揀咗極,我男朋友就揀咗瀧,食串燒嘅頭盤係松葉蟹膏加昆布啫喱,涼浸浸得嚟又爽口,有種好獨特嘅口感前菜係松露紫菜蘿白同乾魷魚最令我印象深刻嘅係嗰種酸尾尾~嘅感覺,令到我頓時開胃,食指大動小貝柱清湯 幾清新 跟住就係我最期待嘅刺身 分別係茨魚,平政與同埋新鮮拖羅 店員亦都好細心咁講解食材嘅產地, 仲教我哋又淡味到濃咁樣食😆😆 三種刺身都冇腥味,超新鮮你睇下夠拖羅幾肥美? 仲要入口即溶, 勁正!!!之後就到呢度最出名嘅天婦羅la分別有天婦羅蝦,目光魚,秋刀魚,同埋炸大蜆天婦羅蝦層麵衣一啲都唔油膩 又薄又脆 連頭都可以食目光魚味道唔太突出不過勝在夠嫩滑炸蜆同冬姑粒粒粒分明調味料有海藻鹽,檸檬汁同蘿蔔蓉海藻鹽真係全部都通殺 配咩都咁好味雖然只係調味料不過不得不提,個蘿蔔蓉真係好好食食完最出名嘅天婦羅諗住應該食得七七八八, 但係美食陸續有嚟侍應同我哋講話子持魷魚 咁啱當造 我哋好好彩 食嗰陣撞正産卵期口感非常特別 有少少稠 但

是日Friends gathering, 朋友就帶咗我嚟中環食廚師發辦。中環站D2出囗行大約五分鐘就到店舖，都算幾易搵。一入到去，店舖環境都好寬敞，坐得幾舒適。仲有開房式廚房，食飯之餘仲有視覺享受，仲可以同廚師傾吓計，聽佢地介紹吓每味餸菜，大家可有啲互動，倍感親切。MenuStarter松葉蟹配木魚湯啫哩湯啫哩唔會太咸，夾住蟹肉一齊食特別清甜。Starter 2鵪鶉蛋釀海膽>螢光魷魚>甜番薯>魚肝配酸汁廚師推薦我地依上順序食，咁淡至濃食就唔會搶味。海膽味十分濃烈，又唔會腥，平時唔食海膽嘅朋友都可以試試；魷魚就偏腥，但芥辣汁就蓋返；甜番薯十分甘甜；魚肝我就第一次食，唔會腥，軟綿綿咁口感幾特別。北海度小貝柱清湯平政，拖羅，石立魚生廚師介紹話啲魚係由九洲新鮮到港，拖羅入口即溶，平政魚鮮甜。食嘅時候盡量唔好點太多豉油，食返原味。天婦羅餐廳提供海藻鹽，咖哩鹽，檸檬汁，調味蘿蔔蓉俾食客調味。蝦：皮薄，要趁熱食；炸蝦頭配咖哩鹽，十分脆口沙咀魚：魚肉嫩滑，外脆內軟北海渡半熟帶子+三文魚子：完全係perfect match; 夾埋一齊食份外鮮甜，冷魚子+熱帶子，口感豐富金鯛魚：配

今天是假日試試它們的 Executive set.  以這高價格，水平只可以說一般。兩種頭盆不錯，刺身肥Toro 有筋。炸物不錯，粉薄，虾、魚都有甜味。主菜炆魚鮫比較鹹，有骨可理解但有魚鱗就不可接受。之後烏東也較鹹，甜品不差！

今日Boss心情好，帶我去中環一間日式料理～瀧～，睇個門口已經覺得好高級了，坐在廚師面前睇住廚師逐道逐道菜為客人上，廚師再會同客人溝通互動。Boss叫了兩份商務套餐，睇餐牌似是Omakase，由廚師去決定送上時令食物比客人，所以都唔知會上咩食物，多了一份期待感。前菜三件，日本魚蛋、芝麻醬海蜇、魚仔合核。日式魚蛋有淡淡的清甜味，而且彈牙。海蜇好爽口，合核魚仔甜甜地，整體賣相好精緻。刺身三款～吞拿魚、油甘魚、帆立貝，每樣2件，每款都好新鮮鮮甜，用來裝刺身的鐵盤都好冰凍，確保刺身保存在冰凍的溫度。接著送上的是天婦羅系列，睇著廚師一件件的製作，細心的夾為客人送上。餐廳為客人準備了幾款調味，最左邊的是白鹽～點海鮮用、芥末鹽、檸檬汁是根據個人喜好，而蘿蔔蓉是跟蔬菜類天婦蘿一齊食（1）炸蝦～蝦落油炸前，廚師先為蝦鬆身、做熱身，炸好的蝦身脹卜卜，彈牙，食得出的一份鮮甜味。（2）甘鯛～是一款魚，上面會見到有一塊塊魚鱗，魚質鬆化，魚鱗位置同樣都可以食得。（3）公魚，魚身炸到成條魚身識得企身，放左碟上可展現整條魚游水的姿態，食法是由頭部食到尾部，非常鬆脆。（4）鮑魚，第一次食天婦羅式的鮑魚，鮑魚是好新鮮，有

上星期同友人 book左地點位於中環的日本餐廳食Omakase ，地點好易搵到 ，就係威靈頓街，見到The Loop 上去出lift就已經見到餐廳門口了。一入到去餐廳裝修非常有格調 ，整潔 ，座位空間非常闊落，一邊是對住廚師食既bar枱位，員工則安排了我同友人坐裡面的坐位，員工亦非常親切 ，一直面帶笑容😊附上餐牌比我地選擇，又盡備熱毛巾比我地👍🏻👍🏻好的服務令人對餐廳的感覺整體提升呢！餐牌分三種 有 天 ，瀧 ，極我點了《瀧》😍瀧係由十款菜式組合而成的，包括有先付，前菜，湯，剌身，天婦羅，合肴，日本豚肉，食事，甜品，待應亦會在下單前先問一下客人有咩係唔食，好預備其他別的菜式代替，服務非常到位👍🏻先付~松葉蟹蟹膏配合涼涼的昆布啫哩，而且仲係冰鎮的,成件事好清新好match 🤗前菜~松露紫菜蘿白 芥末煙鴨胸 炸銀杏 凍豆腐 每樣都好精緻，而且味道口感賣相各方面令人食慾大增😋😋湯~熱辣辣鮑魚清湯 ，一打開已經好香，飲到濃濃的鮑魚味，正👍🏻👍🏻剌身~有平政魚 石立 拖羅食的次序由淡到濃 ，三樣都非常新鮮，一點腥味都無 ，鮮味十足 ，拖羅入口即溶😋天婦羅~係餐廳主打的菜式第一樣係蝦天婦羅，附上3

之前係日本食過Okamase，一直好想再食返上個禮拜有朋友生日，決定要再食！星期二夜晚去到 瀧，位置係蘭桂坊附近，近地鐵站瀧 分別提供三款餐:天- $880瀧- $1280極- $1480 我地都揀左 極套餐，有 頭盤，前菜，湯，刺身，天婦羅，熱食，日本和牛，麵食，甜品，非常豐富！當日人流唔多，位置都坐得幾舒服！ 頭盤松葉蟹殼木魚湯昆布啫喱蟹肉非常濃烈木魚味，蟹肉非常新鮮，口感爽口。 前菜螢光魷魚配芥辣汁 魚肝配酸醬 鵪鶉蛋釀海膽 日本番薯 組成嘅拼盤非常新鮮，魚肝咸度適中擺盤相當精緻，店員細心介紹由左開始嘅逆時針方向食。湯北海道小貝柱清湯係由北海道養殖場養嘅小貝炮製，味道一般。 刺身店員細心解釋，全店用嘅海鮮都係每日下晝五六點新鮮運到，供應當晚晚餐，和第日午餐，確保食材新鮮。今次有九洲石立，平正，拖羅刺身，全部口感肥美，食落有濃烈嘅魚油味，入口即溶。真係要比10個讚呀！！ 天婦羅天婦羅係呢間日本料理舖最出名嘅食物，今次廚師為我地準備左四款天婦羅。1 炸蝦天婦羅-雖然係最常見嘅一款，但今次呢間做得非常出色。炸粉薄，唔油膩，炸蝦口感非常彈牙。2日本沙追魚天婦羅-味

其實已經唔係第一次食呢間餐廳，第一次黎係跟公司，都無好好品味所有野。所以咁岩見有朋友生日，就諗到要再試多一次呢一間餐廳。入到黎個環境好正，真係好似係日本食緊高級料理咁樣。而且店員仲會問你想坐吧枱定係普通枱，嗰日想同朋友傾吓計就揀咗坐普通枱。不得不提店員好有禮貌，服務都係用餐體驗嘅一種！有唔同嘅套餐可以揀，瀧就有串燒，朋友叫呢個，雞串好有雞味的，不錯。而好耐冇食日本牛肉嘅我，當然係叫極呢個套餐啦！好食嘅日本和牛香港都唔易搵㗎嘛！咁就試吓相信高級餐廳嘅和牛。落單之後等左一陣，頭盤就來了！！！外貌10分精緻，廚師發板嘅好處就係每次上菜都會好有驚喜，每次都會有好期待嘅感覺，因為你唔知你嚟緊要食嘅係乜嘢！呢個冷盤係由昆布湯做嘅啫喱，下面係從松蟹肉，再加蟹膏係上面！每一啖都係鮮味！用嘅材料好新鮮不特止，所有嘢嘅配搭都好夾！係好新鮮嘅味道！之後上嘅係呢一道，有螢光魷魚，甜番薯，安康魚肝上面有酸酸地既啫喱，同埋鋪有新鮮紫菜嘅山芋。一道菜可以使好多樣唔同嘅食材，平時唔會食到。而且每一樣嘅味道都好新鮮！之後黎左個小柱貝清湯 暖左個胃之後到我最期待嘅刺身！！！呢一日嘅新鮮刺身係拖羅，池魚同埋平政魚。係我最鍾

今日朋友生日問佢想食乜佢又十五十六咁決定唔到食日本野定韓國野所以最後我話事，帶左佢去食瀧☺️🇯🇵 雖然之前食過，但因為佢係廚師發辦，每次食都會有驚喜，所以我都心思思想睇下佢地呢排有咩食今次黎到我揀左Taki Omakase, 朋友就中意食牛肉所以揀左Kiwami Omakase~ 而上菜果陣staff都會話返比你知呢味餸係咩黎既。頭盤有松葉蟹，廚師將佢拆左肉再放返入蟹蓋入面，上面就舖左用昆布木魚湯做既啫喱，再放左蟹膏係上面。蟹肉蟹膏夠鮮，啫喱同佢地都好match，正！第二道菜就係由魚肝，山芋（上面放左少少新鮮紫菜，味道好夾），魷魚同甜蕃薯組成既appetizer😌 魚肝唔腥，山芋夠爽，魷魚夠鮮，蕃薯多甜，高質！刺身方面有平正魚，拖羅同池魚😍 今次係我第一次食平正魚同池魚，比起拖羅既入口即溶，佢地兩個相對地有咬口，口感好得意，特別係池魚，食完好想再encore，兩片唔夠喉🤣食完刺身，就到一系列既天婦羅🍤沙鮻魚（第一次聽，所以特登google前左係咩魚），外面炸得好脆但d魚肉依然冇散開😆立魚白子，配上京都萬能蔥汁，一個字，夾！🤤連殼炸既大硯，入面有啲冬菇粒，一了開就聞到冬菇香，大硯炸完依然夠

今晚飛起女友同個朋友食飯，一係唔食，一食就食餐勁嘅！其實係朋友請我食😆一般有廚師發板嘅日本菜都唔會平得去邊，因為廚師會用當日空運到港嘅食材去炮製最美味、最新鮮嘅菜式比客人...每一道菜都好精緻，份量唔多，但係保證你食得飽，全晚計埋甜品、生果有16道菜，好坦白講，我真係唔諗住每道菜去解釋，我只講解一下令我回味嘅菜式，因為好嘅味道係會留下一個好深刻嘅記憶……蛋、螺、炸魚鱗湯、仲有我飽到已經食唔落，但老闆極力推薦既麵，最後我係連湯都飲埋😅番薯甜品令我好深刻，內軟外脆，實在好想再食一次呀⋯⋯

Came here for family dinner. Order the most expensive omakase and 1. waited a long time for every dish2. most expensive set ordered but was told that as we have 3 different kind of sashimi, this set only serve 5 tempura including a dessert tempura,instead of 10 tempura for a much cheaper omakase. Hello, are you telling me that I pay $600 more for 3 kinds of sashimi to trade for 6 tempura less???3. when asking how come tempura only has prawn, 2 kind of fish and 白子，and not scallop and abalone

我地兩個人去食，叫左中間個餐，每人$1,400，但係食”千兩”水準。。。首先，天婦羅水準麻麻地，見到個師傅落天婦羅咁高擲落去，就知佢唔係熟手，啲粉比較厚，粉漿唔平均，夾上客人碟時唔專業。第二，刺身好一般，大拖羅正常千兩水準，而佢比章紅魚（而唔係油甘魚，價錢味道差幾倍），其他魚普通，感覺啲刺身純用作充撐場面，無實際食用用途。第三，間餐廳啲師傅同樓面，個個粗聲粗氣係度大聲吹水，係，你同其中幾個客係傾得好開心，但你都唔洗咁大聲，個感覺似居酒屋，甚至好似茶餐廳。茶餐廳我都成日食，但唔會用$1,400食。。。最灰係每道菜要等20分鐘，我地由七點半坐低，十一點先走，一開頭仲要捱餓，八點先有得食兩口。。。十點先食主菜。。。餐飯食完之後，我反思有咩人會revisit呢間餐廳。。。得到既結論係，應該係一啲賺到下錢，又想揾個地方嚟炫富，希望人地陳生前陳生後咁叫佢既人。。。如果要比一個rating呢間餐廳，我諗我會比50%，我諗呢間餐廳個餐可以收$700，未必比到你快樂，但至少你會覺得只係跌少少錢，可接受。

值唔值？同事客氣的請我食生日飯，滿心歡喜加期待。店內有bar枱可近距離睇師傅做天婦羅，各式各樣的器皿都十分專業....二人分別都點了天婦羅御膳$298，有沙拉，漬物，刺身兩點，湯烏冬及主菜天婦羅。漬物和沙拉味道是可以的。厚切刺身新鮮好吃。湯烏冬是清湯幼烏冬，份量足夠但不太彈牙。主菜天婦羅御膳，有兩隻蝦（甜蝦Size)有墨魚兩塊，兩種不同類型的魚，冬菇，蕃薯、南瓜等。炸物沒有預期的脆，味道也清淡，可說是沒多特色，特別是那兩只蝦，好像是甜蝦拿去炸，貨色一般但價格較高，收費$298+10%卻沒什麼出色的地方。

環境：中環商廈餐廳格局，打開電梯門一眼看盡，私隱度偏低衛生：合格有餘食物：喜歡天婦羅的朋友絕對會喜歡，師傅工架十足，但若以日本菜整體而言則略遜一籌，不太符合這價位的期望價錢：人均1800左右，這個價位選擇還是挺多的會否再來：整體不過不失，暫時不了店是在中環商廈，電梯一打開就看見招牌，格局來說沒什麼驚喜之處。分別點了一個貝盛宴跟極，價錢跟普遍的廚師拍板差不多刺身相當普通擺盤好 但味道還好而已食材尚算新鮮天婦羅相當出色這個還不錯

本來只覺得此 restaurant okay ,味道不過不失，(雖service 好好)，其中紫蘇葉伴海膽非常不夾，質感一般。但，意想不到，用餐中後期的 dishes 愈來愈有心思！其中雞湯(麵)簡直一絕！非常用心，真材實料，有點感動呢！

一聽到係日本同事好介紹嘅地方，真係要去試下。Book到個四個人窗口位。今次我哋試呢個午餐二重奏係包括兩款嘅主食， 第一款呢就揀咗溫泉蛋+ 北海道松葉蟹 蟹肉飯; 第二款就揀咗 天婦羅蕎麥麵。始終冬天係食蟹嘅季節，難得lunch有得食蟹肉真係唔好錯過另外 ，本店嘅signature 就係天婦羅, 所以點可以唔試下。欣賞個天婦羅係唔油， 同埋最主要係 天婦羅嗰個皮唔會搶曬蝦嘅味道. 當然啦因為每個位都有三種唔同嘅 配合天婦羅 去食既 調味鹽同埋 蘿蔔絲， 所以如果覺得唔夠味，就可以自己加味。最後原來個餐仲跟甜品嘅，如果鍾意食朱古力嘅朋友就啱曬啦， 送埋碗湯同埋杯綠茶，，飲完食完又係時候返工嚕。