探花 (Closed)

之前玩探花社交平台的遊戲碰下運氣，我好幸運咁中左獎！獲得一客西班牙紅蝦炒麵🦐🤩🤩 趁今個月親人生日，拿拿臨去試下依間新派粵菜館先🍽入到去環境乾淨兼好文青，好靚好多打卡位呀！餐具又靚，仲有我最鍾意既油畫式花牆🌸對女仔黎講，最緊要就梗係餐廳內設有獨立兼企理既廁所，唔駛食食下要係銅鑼灣鬧市周圍搵🚽我地一行3個人叫左話梅車厘茄子、梁溪脆鱔、蝦籽扒山水豆腐、海南雞。當然唔少得係西班牙紅蝦炒麵🦐、同最後甜品奶黃疏乎厘配柚子雪葩🍧。個人最鍾意係個話梅車厘茄子，西班牙紅蝦炒麵同海南雞。點解？因為車厘茄一顆顆晶瑩剔透去哂皮、海南雞去哂骨、西班牙紅蝦去左殼，真係好有同一個暖男戀愛，對方令你餐飯唔駛剝皮去骨同剝殼既感覺呀😍😍😍。屋企人向來口味清淡，如果鹹度可以略低少少，就簡直係同遇到200 分既暖男咁好運喇🥳餐廳侍應好好傾，每道菜式都有講解佢地既製作心思。因為知道我地係慶生，仲好周到咁幫個疏乎厘做咗好精緻既生日擺設添！靚到我地影相影到停唔到呢📸唯一係屋企人比較急趕住走，如果上菜速度可以快少少就perfect！咁用心製作既餐廳🍴要進步無難度啦！真心值得推介🥰🥰🥰

今日中午試下新餐廳, 室內裝修都幾雅緻. 地方唔算大, 我哋訂咗枱 一點鐘去到, 順利安排入座. 茶費每位十蚊只係有普洱, 唔係放低一壺畀你, 係侍應經過就幫你添水个種. 如果你叫其他茶種, 就收28蚊一位.食物賣相幾靚, 叫咗打咭既叉燒酥. 食味過甜同太濕, 失咗酥脆感, 有d糯口.素菜餃, 顏色幾吸晴但可能蒸得太耐个餃身瀉咗d. 食味用料正常冇乜特別蝦餃一籠有三件, 但餡料太油膩裏面太多肥豬肉, 令到你冇乜食慾. 自己覺得一間店既點心整得好唔好, 只要食基本蝦餃,叉燒包同腸粉等如果出色嘅話就係一間好嘅點心店. 依个蝦餃唔算合格~驢打滾, 呢個就幾好食因為外皮做到鬆鬆軟軟,黏黏韌韌, 啲餡係紅豆餡唔係平常嘅花生椰絲芝麻餡. 因之前食嗰三個點心都太肥膩, 再無意慾叫其他嘅煎炸小食或炒粉麵. 員工有禮貌, 勤力, 亦係一個打卡新地方. 但係一間食店最重要係食物出品,令人想返轉頭再食先可以留客. 期待點心出品可改良進步.

今晚是政府恢復晚市同色的第一晚，期待已久，放工同老婆決定出街食，經過新開張的探花門外看到，原來他們晚市會供應中式 fusion 菜。平時日頭以為他們只做點心好，原來做麻辣川菜才是招牌菜，辣子豬腸真是我的摯愛。我的天！！梁溪脆鱔食完都完全唔知道，原來是素食！！京蔥頭抽煎牛頸脊竟然煙燻上枱，牛頸脊食囉厚薄適中，帶點煙熏味，配合得很好。最尾當然是甜品，我們揀了一個上次也試過的甜品，也是我們熱烈的推介，吸引到我們每次也叫的奶黃留心煎堆仔。

紅蝦多士🦐做得好靚好好味，個汁係現場淋上去所以保持到塊多士好鬆脆。個汁非常香濃，侍應上菜時好細心解說話係用西班牙紅蝦熬製而成，實際上都真係非常好味。我直情想當濃湯飲🤣🤣🤣🤣🤣椒鹽黑白豆腐不嬲都好鍾意食「金磚豆腐」，金滿庭做得幾好，呢間都一樣有咁既水平，外面又薄又鬆化、裡面d豆腐好滑嫩。叫做黑白豆腐因為係兩種色掛？有普通既金黃色同特別既深灰色。原來深灰色系混入咗竹炭。（雖然竹炭已經多見不怪但我仍然get唔到點解要食竹炭🤣🙈）anyway，味道都係差不多。櫻花蝦炒飯好多櫻花蝦、炒得好靚好香。個賣相係一流！個紅色話係紅菜頭汁既天然色，真係好有誠意，收貴d都係應該🤣🤣咕嚕肉一般般。比較其他稍為差d。甜咗d而且無乜特色，下次寧願試其他。清蒸海上鮮係蒸魚🐟，大條得來火候剛剛好，魚肉鮮甜多汁、俾我地成條清哂淨返d骨。同侍應傾計佢話其實d熟客有時會order其他off menu既嘢叫師傅整，好似呢d海鮮類就會預先訂定。不過我呢d平民客人暫時食住menu既就得㗎啦🤣農家粥水浸白菜仔🥬要食清淡蔬菜原味既朋友既選擇，唔啱我呢d重口味人士。好似話個粥水有特別但我轉頭忘記咗！最後，英記茶莊既茶都確係好飲d，俾$

老一輩鍾意飲茶，其實我真係麻麻。污糟，嘈雜，服務惡劣等等... 阿哥前幾日話book咗間靚餐廳請同爸媽飲茶食點心，我心唸莫非阿哥股市大斬獲請我地去酒店飲茶咁好死？結果阿嫂send出來個link係銅鑼灣謝斐道，係地舖而唔係酒店囉～有人請當然開心食，遲咗少少佢地已經全部入座，我去到已經有一桌既精美點心等緊我🤩🤪 好精緻啊！So surprised!! 阿嫂即刻夾咗個勁cute既青蘋果🍏俾我叫我趁熱食。原來係一個叉燒酥！有青森蘋果粒，微酸，中和咗酥皮既油膩感！👍🏻其他點心都好精美，個「流心煎堆仔」好鬆脆Q韌，裡面d奶黃係流心既。好耐無食過咁好味既！100分！💯「黑松露珍珠雞」聽落好似好伏，結果出乎意料地match！「燙金綠茶流沙包」都係大推！奶黃流心都試過，綠茶係第一次。好得！和牛燒賣係用澳洲M7和牛，配搭少少燒汁同柴魚片將燒賣變咗粵菜日本菜fusion點心🤣。師傅都真心幾有創意同大膽。好juicy好正😋😍（但要$38一件，阿哥都幾豪氣🤪）「梁溪脆鱔」睇落以為真係鱔但食落完全唔係，先知原來係素食，係菇🍄！好脆，感覺幾搞笑。試咗多款點心之後都叫咗飯麵。因為阿爸都好欣賞個和牛燒賣所以叫埋和牛炒河

OpenRice 搵到間新店，加上好耐冇飲過茶同食點心，見到其他食評介紹，見到佢點心唔係傳統個d,係有創意點心，於是去試試。Lunch time 都幾full house, 建議係OpenRice 訂定位，唔駛去到又要等。裝身都幾舒服，每台位置唔算好逼，同埋佢加分位係，每台放左消毒酒精，消費紙巾，仲有俾個口罩袋，感覺細心。一坐但佢會問黎飲咩茶，基本係普利，10蚊位茶錢，唔飲普利，可以叫鐵觀音或龍井，28蚊位，茶錢老寶講，略貴。點心種類唔算好多，但走精緻路線，第一次食，每款都想試所以還好，同埋佢都有小食，所以唔叫粉面飯，都夠飽豬潤燒賣都幾特別，豬潤新鮮，燒賣除左豬肉有落到蝦滑，都幾爽青森蘋果叉燒蘇，外形吸睛，味道酸甜酸甜，唔錯，但外皮再脆身口感會較好桃交3式餃，衣個略為麻麻地，外皮比較硬，雖然有湯浸住，我覺得諗法唔錯，但要改善下個皮，或者改炸皮，再跟湯腐皮卷，雖然有話松露，不過唔係好食到，但勝在熱騰騰夠脆，都好味黑白豆腐，味道ok , 但唔夠特別柚子馬仔波波，真係馬仔，但完全冇柚子味，要自行手動加個青桔汁落去，味道即刻好食左，所以衣個我覺得如果佢可以加番個柚子味道落去，會好好多，其實應該

*💭探花最近探訪了位於在銅鑼灣的新派點心小館，食物款式新穎，中西合璧的製作方式令傳統點心更上一層樓😍西班牙紅蝦多士🍤非常欣賞這道菜😍西班牙紅蝦蝦肉新鮮彈牙☺️多士即使已放了一會兒亦非常香脆，再配上由蝦殼熬製而成的鮮甜醬汁，令蝦肉鮮味更出🤤西班牙紅蝦水晶餃🍤這款蝦餃同樣採用了西班牙紅蝦，除了傳統蝦餃外，亦配上了原隻大蝦。但由於大蝦煮法不同於紅蝦多士，感覺較為普通。青森蘋果叉燒酥🍏叉燒酥混合了酸甜的青森蘋果正好中和了叉燒的甜膩☺️配上精緻的青蘋果造型，令人食慾大增😋燈影藕片每一片的蓮藕都非常薄，在燈火下顯得非常通透，入口嚐到芝麻的香味，有點香甜之餘亦帶有一點點辛辣，非常開胃。話梅車厘茄子去了皮的車厘茄浸滿了話梅汁，外型非常飽滿😍咬開酸酸甜甜，很開胃😋鳳梨櫻花蝦炒飯🍍啖啖菠蘿肉😍配上櫻花蝦的香脆口非常豐富，炒飯亦非用一般的白飯，而是混合了紅菜頭汁，既健康又好味☺️黑糖洛神花水晶球🔮洛神花製成的啫喱球再配上黑糖汁和黃豆粉，整個配搭非常創新而且好味又健康🥰另外值得一讚的是餐廳員工服務令人驚喜，上菜時會主動介紹菜式，而且添茶時亦會特意把杯耳轉至客人的右手邊👍🏻非常專業殷勤👏🏻

噚日喺銅鑼灣經過一家新開冇耐嘅點心舖頭，見佢裝修都幾好，我就同太太想試下新嘢，於是就入去試，都有好多款唔同嘅點心，我哋叫咗雨前龍井，叫咗點心有蘿蔔春捲，不過春捲外皮有啲油， 但係脆嘅， 蘿蔔 好甜冇苦味， 佢有一個 黑毛豬 芥蘭98蚊， 有啲貴 ,但係都 爽口，不過肉碎就少咗啲， 另外個和牛燒賣都可以試下， d 木魚鋪咗喺上面幾有特色， 和牛 幾好食， 另外有一個素食叫做炸 鱔 ,其實係啲冬菇， 但係攞到出嚟嘅時候個餸真係好似 鱔嘅 ,上面仲放咗啲 刨薑絲， 賣相又靚， 甜咗少少，可能我同我太太都唔係好鍾意太甜，但係個味道其實都係有香口又好味， 好彩有 刨薑絲 去中和返啲甜味 ,有一個餐牌冇嘅餸叫做西班牙蝦西多士， 個職員介紹我哋試下 呢個多士，嚟到熱辣辣， 個多士係脆口嘅， 個職員會教我哋點樣食，配合埋個 蝦膏醬汁幾好食， 不過我太太就唔鍾意點醬汁，佢淨係要入面嗰兩粒蕃茄 同埋多士一齊食都好好味 啲員工service都幾好，佢地見你杯茶冇喇，佢地會幫你斟， 又會同你傾下偈， 再配合埋佢哋嘅環境， 餐具擺設 ,琴日我同太太都食得好開心

最近公司附近開咗間新餐廳，有同事盛讚，所以就去試下。間鋪明顯係開張不久，門口d餐牌有d臨時既感覺。但一入門口對到正係櫃檯連同L字型一大幅牆都是放滿書既書架，好似係第一次見到有咁多真書做擺設的店鋪，好誇張。🙀雖然係點心店，Menu絕大部份都是粵式點心同中菜菜式，但個setting同運作風格完全走西餐廳路線，waiters手勢純熟，明顯訓練有素。我問關於set menu，居然仲會痞低來細心講解，動作自然，很有高級西餐廳feel👍🏻👍🏻👍🏻結果我點咗個$188 set menu再加其他嘢同朋友share。有d似西餐tasting menu咁每款少少，份量比想像中多，結果是要打包帶走😂😂抵唔抵食真係見人見智，始終百幾蚊食個午餐唔係個個覺得ok。不過個人覺得整個體驗很優質、食物質素好高，唔會俾高級中餐廳差。而且set menu上發現原來d茶係「英記茶莊」既茶，真係算落本。不過比較在意係西式茶杯始終杯口闊，茶涼得比較快，唔太好意思不斷叫waiter哥哥添茶換茶。🙈 講返d食物，真係幾得！和牛燒賣塊和牛好得！大片、有牛味但軟熟無渣，d和牛油份再口裡的滋味真好🤤 大力推薦👍🏻👍🏻👍🏻松露菌腐皮卷炸得很

朋友推介, 剛巧到附近就跟家人在這家新餐廳飲茶, 當日1:45左右到, 全店坐滿客人.環境方面不錯, 服務員的服務也很殷勤.   食物上枱速度唔錯, 新店亦沒有亂單.  食物大都十分熱, 值得一讚. 食物方面:紅蝦多士: 呢碟好好食, 職員話個汁係用蝦頭煮出來, 多士又熱又脆, 驚喜好味. 汁可以撈飯食.椒鹽黑白豆腐: 食咗先記得影相, 女兒超級喜歡, 外十分脆內軟, 好好食.  可惜份量比較少.青森蘋果义燒酥: 少少蘋果味幾得意, 個樣就肯定係 100 分蝦餃: 正常蝦餃, 唔錯豬潤燒賣: 豬潤好淋, 入味好食, 可惜小朋友唔識欣賞.四川麻辣鴨血: 鴨血下面配青瓜, 辣度不算辣, 價格稍貴.薑蔥蝦籽撈面: 好食, 多蝦子, 份量亦夠幾個人分享, 性價比高.炒飯: 有啲豆鼓在內, 幾得意.流沙煎堆仔: 細細粒, 裏面流沙做得好食黑糖洛神花水晶球:  有啲似啫厘幾得意聽職員講所有點心都係佢地係廚房自己整, 所以質量控制特別好. 四個人食到好飽好滿足, 叫得多咗D, 值得一試!!

味道好😋、兼而創意一流點心，平民價錢！誠意推薦👍👍第一次去食試了幾款特色新派的點心，第二次想再去試過，發現原來還有其他新款的菜式，點心種類好像試極都試唔完。西班牙紅蝦的汁，原來是師傅每朝早，逐隻蝦，逐隻蝦剝殼，從蝦頭攞蝦膏出來烹調的一點點醬汁，味道非常鮮味。還有師傅的小炒功夫，普通的炒米粉和炒麵，也能看出師傅的炒功，麵和米粉是一條一條分開的，顏色均勻，最重要的是非常非常之乾身，食完碟底一點油也沒有。

😋😋👍👍點心精緻好味， 非大路出品， 環境舒適， 裝修是fine dining 格局落地玻璃, 座位寬敞。 招呼都頗貼心。 距銅鑼灣地鐵站C出口 (銅鑼灣廣場一期, 駱克道出口) 僅1分鐘。 第一次光顧是2021年1月底 中午， 等朋友先叫了牛肝菌春捲， 春捲皮脆而不油。 之後 我們 試了鮮味 紅蝦蝦餃， 青蘋果xx (賣相非常吸引, 打卡之選)， 山竹牛肉 ( 混了 爽口的馬蹄粒), 珍珠雞 ( 一碟兩件, 餡料豐富但油份適中), 新竹米粉.... 🍎外賣有85折，堂食早上 約11:30am前也有85折. 訂座前請先致電查詢 優惠

週日早起，想找到美味飲茶的地方，可試銅鑼灣謝菲道的「探花」，（辛勤的）它週日早上九點已經開店。店舖裝潢有特色⋯迎客的是兩排到天花的書櫃，有氣質又特別！入去，桌小，心想：放下茶壼還可放下點心餸菜？原來地方走西餐管理，由侍應負責添茶，點心逐一送上，有趣。必須推介青蘋果叉燒酥及乾炒牛河！前者用靑蘋果、點點酸味，平衡了酥皮的油味。後者用上A7牛肉、沒太多調味反而保留了牛肉原味。好食又抵食。點心有一般版及名貴食材版，看得出店主對食物的要求。在刻下困難時刻仍敢於創新⋯無論如何也值得支持。至於地方為何叫探花不叫狀元，英文名又叫threesome這樣令人想入非非，就要問經理了：）

Tried out this newly opened dim sum place last weekend. The first thing that really caught me was the bookshelf behind the cashier as you step into the restaurant, the bookshelf stored over 500 books 📚- very instagrammable.⁣⁣As you walk in, you’ll see a maple leave tree 🍁🌲 placed in the centre, which really reminded me of TATTU in Manchester, asked for the seat right next to it.⁣⁣Before the food review, had to mention the tea first, the owners wanted to leverage their experience in western dinin