豊勝手丼 (Moved) New Location

這家店位於銅鑼灣一蘭拉麵的旁邊，一共有兩個小小的門店。中午和同事一起走過去大概10分鐘左右，看到餐單的時候還覺得有些小貴，但是當我把魚生和海膽吃進肚子的時候，真的覺得物超所值簡單介紹今日吃的三個餐，北海道蟹餐，海膽飯和魚生飯（8/9/15號餐）。北海道蟹餐是最驚喜的，蟹膏處理得恰到好處。以往吃蟹膏，都有些腥味或者是比較膩，但是這家的蟹膏經過微微調味，令到蟹膏的鮮甜味道更加突出！海膽這次吃到兩種，加拿大海膽，日本海膽。加拿大海膽超級大和甜，日本海膽體積比較小，但是勝在顏色鮮亮，甜而不膩。 最後要說這家的鯛魚刺身，顏色透亮，味道清甜，味道一點都不便宜！有的店家生意不太好，會把放久的海鮮拿給客人，但是在這家店，只有新鮮的味道推荐一種我自己的吃法：用紫蘇葉包住一口分量的飯和海膽，加一點醬油芥末。然後！一口吞！一瞬間的味道爆發，超滿足。紫蘇葉很好的中和了海膽的油份，清新又有味道。 唯一美中不足的是，這家點真的很小，一張桌子最多坐4個人，公司聚餐或者朋友聚會人數太多的話，需要分台坐。

銅鑼灣嘅餐廳專食日本丼嘅地方唔多，今日就俾我發現喺伊利沙伯大廈附近有一間，因為去到見到有人龍，馮有人龍嘅地方我都會去8吓宜家開餐廳唔止要好食，連裝修都要靚。進入咗日本嘅空間。餐牌上面見到有個海膽丼係成板海膽上，好瘋狂，不過我鍾意沙律前菜麵豉湯唔會太咸，仲帶啲白蘿蔔嘅甜味，有誠意嘅作品。餓底注意!!!呢度係絕對會食到你飽~我個海膽吞拿魚蓉飯嚟啦，堅係成板海膽上，誇張每一粒海膽都好新鮮，食落鮮甜，入口即溶，撈埋飯一齊食就更滿足。除咗海膽，吞拿魚腩蓉都唔少嘢，佈到差唔多有1cm厚，嗰種拖羅獨有嘅油香，就咁俾我好放肆咁放入個口。肥仔最鍾意蜜桃，今次可以飲埋呢支日本產嘅蜜桃梳打水，肥仔今日又完成咗任務喇

香港人中意食日本野人所共知，所以日本餐廳開到成行成市，包括魚生丼。可惜良莠不齊，好難遇到質素好嘅鋪頭。難得今日遇到滿意嘅又抵食，名叫「豊勝手丼」。午市套餐包括味增湯同埋前菜。湯熱辣辣，鹹中帶甜，十分順口。沙律嘅蔬菜幾新鮮，三色椒尤其爽甜。季節魚廚師發辦 (258元)廚師發辦最啱我呢類有選擇困難症嘅懶人，有人幫我決定好曬，唔洗諗而且樣樣都有啲！有三文魚、油甘魚腩、真鯛、蟹肉、鮑魚同埋軟滑甘甜嘅北海道海膽，豐富到極！所有魚類都係厚切，口感十足，特別喜愛肉厚滑嫩嘅油甘魚腩。馥の丼 (238元)估唔到原來黑松露同埋半熟嘅帶子刺身原來味道咁夾。帶子大大片而且片數多，推介中意帶子嘅朋友一試！完熟白桃梳打 (36元)最後來一樽果味香甜嘅汽水，滿足！

同鍾情日本野嘅朋友係銅鑼灣覓食，揀左豊勝手丼呢間餐廳，主打魚生丼飯，細細間唔係好起眼，估唔到食物質素唔錯！馥の丼 $238我特別鍾意火炙帶子，所以揀左呢個飯，大大塊嘅帶子有成六片，圖文相符！！！用火槍炙燒過增添滋味，但係又唔會影響其軟嫩嘅口感，正！加埋黑松露略有西式風味。季節魚廚師發辦 $258朋友點嘅丼就相對雜錦，由多種魚生拼拼湊而成。其中我最欣賞嘅就係厚切嘅真鯛，突出其彈性。以上嘅價錢係包埋前菜、配料同埋麵豉湯，所以真係幾抵食！酸媚媚嘅嘅沙律真係好新鮮好開胃。原來呢度仲有御膳餐牌，見到隔離檯食鹽燒安格斯牛肉好似都幾好味，一於下次黎試下。

一個人食飯，但又唔想淨係食一個餸？呢度幫到你呢度可以叫佢哋嘅定食，即係已經幫你設計好，又或者可以自選，自選3個種類起，即好似食車仔麵咁揀餸，咁就唔洗驚一個人食唔到咁多款啦我今次揀左個omakase Don, 即係廚師之選，幫你揀啲最新鮮嘅材料。果然有驚喜！呢個don有三文魚腩，油甘魚，深海池魚，日本海膽，赤背，兩隻蟹鉗，仲有少少白飯魚，相當豐富要有沙律，麵豉湯，大滿足。材料新鮮之餘，份量亦不少，壽司飯仲可以免費添加！價錢相宜，值得推薦！

作為日本控既我，今天同朋友出銅鑼灣行街聚聚，我們選擇了到銅鑼灣的食日本居酒屋-「豊勝手丼」食午餐！看完餐牌，每樣丼飯都好吸引，選來選去，我決定選「廚師推界丼」！這個丼飯全是廚師精心發板，給客人一種神秘又驚喜的感覺！丼飯刺身包括有油甘魚、蟹肉、三文魚子和赤貝等等！每片刺身都是厚切的，入口即溶，吃完很滿足呢！這個定食丼還有麵鼓湯、鴨胸沙律、螺肉！ 總括來說，這個丼飯吃完超級滿足，刺身十分新鮮，真係超值！

店內環境不大，但勝在富有濃厚的日本特色，有日本街上傳統小街店的感覺。汁燒吞拿魚腦天額丼 ($288)腦天意指頭頂，即是吞拿魚的頭頂肉，一條吞拿魚只有兩塊，珍貴非常。以日式汁燒方法烹煮，充滿着濃濃的魚香，肥美多汁、濃郁美味，稍有油膩感，配白飯一流！五品丼 ($268)舖滿了刺身的丼飯，望見到已經令人流口水！每款刺身都很新鮮: 三文魚及油甘魚肥美、赤蝦膠質重兼富黏性、帆立貝軟滑甜美、海膽甘甜得來口感creamy。鹽燒鱈場蟹定食 ($278)除了蟹腳還有蟹膏，蟹腳啖啖肉、肉鮮味甜，肉嫩有炭香；蟹膏伴飯惹味又可口。生燒鰻魚(白鱔)定食 ($198)鰻魚肉厚、肉嫩脂香，入口細膩，表皮香脆，鹹香爽滑，香口美味！

典型香港人，大約是2-3星期就想只日本菜，尤其是丼飯，可能因為有好吃丼飯的地方真的很少～今晚特地來了這間丼飯專間店吃丼飯！有店主特別設計的丼飯款式，有熟有不熟，任君選擇。店員見我久久未能決定，又介紹了他們的自選餐牌，除了平日都吃得到的刺身外，還有很多特別款式如白子、魚x等等！最後決定點了指定款式定食，有沙拉、湯和前菜做搭配。炙燒。海鮮丼（三文魚、左口魚邊、穴子、劍魚腩和吞拿魚腦天）少數炙燒丼有如此多種類的魚吃，穴子和吞拿魚腦天都很少吃；穴子味道似是鰻魚、天腦的肉則較結實！

上星期同女朋友去銅鑼灣行街，行到中午時間肚餓，天氣又熱，於是醒起附近有一間魚生飯都未食過於是過去一試，結果不枉此行！天氣熱真係好啱食日本刺身，佢哋主打嘅魚生飯款式好多，另外佢亦有壽司同小食單點我叫咗一個廚師發板，冇諗過咁豐富，淨係如山款式已經好多，有三文魚海膽拖羅油甘魚三文魚子仲有個叫甲絞烏賊(店員會主動介紹材料，抵讚！)，另外仲有前菜沙律同味增湯，豐富程度10分！佢哋嘅用料都好新鮮絕對唔係普通放題貨色，不得不提海膽真係好新鮮，完全冇坊間唔新鮮嘅腥臭味，另外其他刺身都可以用一流形容另外叫咗蘋果梳打，坦白講冇乜嘢特別可以講，但係食魚生飯配上有氣嘅嘢飲簡直係完美結果兩個人人均唔使$300，比起喺日本食嘅魚生飯味道完全冇分別，合理好食

今日同日本來的朋友喺銅鑼灣shopping 日本妹居然話想試吓香港嘅刺身飯🤣所以我就帶咗佢哋呢一間小店 因為下午嘅關係 唔使排隊實在太好了 店面細細但係都好有日本風情 呢度主打丼飯 話說最近都食咗好多刺身所以今次我就揀咗北海蟹丼 鍾意食蟹嘅朋友仔一定要試！當店員將丼飯送到去我面前嘅時候我哋都不敢嘩咗一聲 賣相仲豐富過Menu張相 大大碗 有啖啖肉松葉蟹腳 蟹籽 蟹膏 蟹肉碎 蟹鉗 仲要份量一啲都唔小!!! 所有蟹殼都處理好晒 完全唔需要自己再動手 慢慢享受你面前嘅美食真係一件賞心樂事 味道非常之新鮮 唔會食到有任何雪藏味道 而且仲有少少海水鮮甜味還要值得一讚嘅係佢嘅壽司飯可以無限添加㗎 同大食鬼嚟都唔會怕食唔飽

好姊妹知道我喜愛日本菜, 特別約我到銅鑼灣一間日本食肆午膳。店內裝潢充滿日本風味, 播放著輕柔的音樂。 店鋪面積雖然不大, 但卻令人感到輕鬆愉快。只看餐牌上的食物圖片已令我垂涎欲滴。 我點了五色丼, 而「海膽控」好姊妹就當然選了三國雲丹丼。 五品丼 : 三文魚+油甘魚+赤蝦+活帶子+日本海膽。 丼包括了前菜(鴨胸沙律)丶配料(涼拌小螺頭)和味噌湯 。 新鮮沙律菜配以鴨胸肉, 涼涼的小螺頭有嚼勁, 加上自家製的味噌湯主角出場: 活帶子丶油甘魚和三文魚全是厚切, 赤蝦和日本海膽鮮甜。 所有食材皆非常新鮮 壽司飯上還有白飯魚, 真的非常豐富。 三國雲丹丼 : 原板韓國海膽+日本海膽+加拿大海膽。 食物奉上時, 看見放滿了從韓國丶日本和加拿大的海膽確是驚喜❤我當然不會放過機會去嚐嚐韓國和加拿大海膽。 韓國海膽鮮甜, 滑不溜口; 加拿大海膽瓣塊最大, 亦最肥美, 質感較實淨。 好姊妹的介紹真不錯呢

朋友知道我喜歡吃日本料理，特別約我到銅鑼灣這間專賣日式海鮮丼的小店吃午飯。門面雖然不大，內裡是日本地道小店裝潢，只有數張四人座位，但餐牌滿是不同種類的刺身海鮮丼，食物選擇很多，真有些驚喜。每款海鮮丼套餐跟前菜、配料及味噌湯。每款海鮮丼都非常吸引，最終我倆點選了三つの国雲丹丼及五品丼。今天的前菜和配料分別是鴨胸沙律菜和東風螺，份量絕對不少，調配味道很好。味噌湯滿是白蘿蔔、豆腐和海帶，十分足料。三つの国雲丹丼這份套餐滿足哂喜歡吃海膽的朋友，原板韓國海膽+日本海膽+加拿大海膽。三款海膽各有特色，原板韓國海膽體積最小，但份量最多，味道清甜；日本海膽體積比加拿大的較小，顏色較鮮嫩，味道濃郁，入口即化；加拿大海膽肥厚，質感較爽身，海水味重。我們食用海膽時有的用紫菜包飯、有的撈日本米飯、有的淨品嚐原汁原味的海膽，總括來說是鮮、嫩、滑！五品丼包括三文魚、油甘魚、赤蝦、活帶子、日本海膽。厚切三文魚肥美嫩滑；油甘魚口感爽滑，肉質鮮美；赤蝦大大隻，蝦味鮮甜；帶子特大size，肥厚嫩滑；日本海膽味道鮮甜濃郁。地點方便、服務態度良好，食材新鮮、刺身鮮甜，下次一定再來品嚐其他特色的海鮮丼。

今日同朋友出了銅鑼灣，咁岩經過呢間名叫<豊勝手丼>既日式餐廳，門外貼滿了好評介紹，而且註明餐廳嚴選食材，使用日本產米，於是決定一試。餐廳座位不多，而裝潢設計非常日式，感覺就像地道的日本居酒屋。食物方面，由於朋友很愛吃海膽，於是他叫了雲丹卜口丼($238)，而我就愛吃多款刺身，於是叫了四菱海鮮丼($198)朋友的雲丹卜口丼，一上菜就見到滿滿的原板韓國海膽，未開始食已經令人垂涎三尺呢！味道方面，海膽入口即溶，非常新鮮，完全沒有苦味，而旁邊的是碎葱呑拿魚腩，與壽司飯融合，味道非常夾，朋友說好食到停不了口我叫的四菱海鮮丼完全充滿視覺享受，整碗填滿了一塊塊的海鮮刺身，未食先興奮！雖然跟朋友的丼飯一樣有海膽，但不同的是這來自加拿大，我個人較愛吃，味道更加鮮甜。而其餘的刺身亦不用多說，非常新鮮厚身，而份量亦很足料，絕不馬虎，食完後令我非常滿足最後，飲品叫了一杯柚子梅酒($45)，味道酸酸甜甜的，非常開胃！值得一讚的是員工態度很好，由於丼飯的選擇很多，員工會主動向食客介紹不同類型的丼飯，服務一流！

前一個禮拜六去咗呢一間日本丼飯店諗住出完花紅之後豪一豪佢。食個好少少嘅飯。呢一度鋪頭細細，但係就好有日本飯店嘅風味，甚至天花都關門左日本嘅裝飾物。好似去咗日本大阪咁飯嘅種類亦都好多好多，我見到呢一個海膽飯已經愛上左，就即刻叫咗一個嚟食。呢個雲丹丼$288，裏面有三款海膽，有最少的原版嘅韓國海膽，有中型的日本嘅馬糞海膽，同埋最大片的加拿大海膽。真係成碗都係海膽嚟。而且仲有兩個餐前開胃菜，醃墨魚仔同埋柚子醋配鴨胸沙律。店員仲推介左呢隻蘋果酒比我飲$48一杯，酒精味道唔算太強，有甜甜嘅淡淡的蘋果味，鍾意甜同埋唔太濃酒精味道嘅朋友一定會鍾意。個海膽飯我瞓咗三個階段去食，第一個階段就係當刺身咁樣食，我試晒三隻海膽嘅味道，韓國海膽味道帶點唔會太甜，日本海膽就帶少少苦味同埋甜味會多啲，而加拿大海膽就係甜味最高，而且冇苦味嘅，咁就睇下你鍾意食邊一款味道嘅海膽，而我就比較鍾意日本海膽。第二階段我就將啲海膽連埋啲飯包落紫菜度食，紫菜唔係我哋一般喺香港買到嘅紫菜，應該係日本嘅紫菜禮，味道比較濃郁同埋質地比較厚身，白飯方面煮到好軟熟，當軍艦咁樣食好好味。到第三個階段我就留咗比較多嘅海膽同埋少少飯，就大啖大啖咁

今日約左朋友出銅鑼灣，行下行下，竟然發現有間不錯的日本料理。首先見到可以自選3種料，選擇多，而且每張相都好吸引。但個人有選擇困難症，最後都係決定從set好既丼飯下手。從眾多選擇中，我最後選左北海蟹丼，因為一碗丼飯可試晒松葉蟹肉，松葉蟹腳，松葉蟹鉗，味噌蟹膏同蟹籽共5款，超吸引！先講隨丼飯附送的前菜，有大大片鴨胸配上蟹籽同沙律菜，一d都唔馬虎！再睇成個餐無論擺盤、賣相都令人流晒口水！食落超鮮甜，特別是蟹膏，好香，好濃，令人回味無窮！