黃明記粥粉麵家 (Moved) New Location

之前有朋友介紹我食位於九龍城啓德道既懷舊老店，佢話呢間老字號係九龍城紅左成四十幾年，係出名潮州墨丸粉麵既，既然咁紅，又咁近我，就決定今晚買黎食下。我都成九點幾去到，條街好靜，但係間鋪頭入面就好多人，形成強烈既對比，我見咁多人就買外賣返屋企慢慢嘆。我叫左個芝麻撈麵，再加個墨魚丸。芝麻撈麵賣相唔錯，一般呢d撈麵都係用蠔油撈既，我都係第一次見呢d粉麵鋪用麻醬黎撈，有d似日式既麻醬冷麵咁，不過佢多左份fusion感，因為佢有冬菇做配料😆😆講番佢個麵底先，佢既麵條煮得好彈牙有咬口，而且麻醬較為杰身，撈起黎好適中，而且個味道唔錯又幾夾喎👍🏻👍🏻👍🏻👍🏻而呢一碗墨魚丸都有成8粒架，d墨魚丸同平時個d有d唔同，佢唔係白雪雪既，賣相有d似貢丸同豬肉丸既混合體，食落去好香口同彈牙。因為佢呢度既墨魚丸係自家制既，除左有墨魚肉，佢仲加埋豬肉粒tim👍🏻👍🏻👍🏻👍🏻

最愛吃黃明記的墨魚丸呢種墨魚丸係溝上豬肉混合而成細細粒唔係平時食開果種白色大大粒彈牙的墨魚丸最愛吃黃明記的沾米粉今時今日已經好少地方可以食沾米粉了配以炸蒜同呢度的特式湯底一碗紫墨沾（墨魚丸沾米粉加紫菜）（$35）就成為我的下午茶美點了

今日有朋友係澳門過黎坐下，兩三點時大家有啲餓，就帶佢地試下啲地道嘢，點知就中招。。。。我地一入去，就叫咗兩個泡飯$36/個，一個淨牛腩$65，一碗米粉$30，一碟芥蘭，最後只係食咗個芥蘭，就埋單走。。。因為碗泡飯就係真材實料，好正，唔夠蛋白質嘅人絕對好適合食用，因為加隻大大隻嘅昆蟲，仲要識飛嗰隻，就係「烏蠅」一隻，唔洗另外收費，因為唔夠二百字，所以要湊夠數。。。唔想講咁多，因為諗起會想嘔。。。去片。。。。。

宵夜 12點去九龍城 多數食店都收咗黃明記 收1點 好耐冇食 因 出品唔穩定幫襯咗30幾年 機場未搬 呢間店出晒名 由朝爆到晚 好多人落機就過來食依家店鋪依舊 人面唔同 收銀位唔見老人家事頭 & 事頭婆控制大局廚房師傅 侍應 都唔係當年家族成員仲以為換咗老細 (遲啲再考究)品質大跌 湯底冇肉碎 冇炸蒜粒 冇落蔥後追加女侍應員 成兜咁叻過嚟任你加 但都係冇蔥嘅 係中芹 算啦雙丸湯河~ 豬肉丸 & 墨魚丸 細粒 夾口兩種丸“灰色“ 顏色很接近 差啲分唔倒河粉 換咗用厚身闊條 唔滑 湯底水色味重 冇肉碎冇炸蒜 冇晒特色魚皮餃尖~ 魚皮餃5件 皮厚冇味如食紙皮 餡料少 銀針粉 似浸咗水好耐質地粉粉 冇索到湯味 又係 “食之無味 ....“芥蘭食汁~ 灼芥蘭加牛腩汁 廚房預早灼定一大筲箕上菜冇排列 亂晒嘅菜葉 得1個粗菜頭 雖然好食 但賣相差失分 湯粉食完超“口渴“

慕名朋友介紹來到這間舊式粥麵店，有很多粉麵配料，特別係有墨魚鬚。叫了一個豬肉丸雲吞河，豬肉丸不是食開的現成。借台灣人說的QQ還不錯的形容，有豬肉味。在場有很多食客都食墨丸，下次要試試。雲吞是舊式做法，皮不厚不太薄，肉餡新鮮。

看到許多人推薦這家餐廳的墨魚丸和豬肉丸,所以晃過來嚐嚐。點的是雙丸(豬肉丸和墨魚丸)河粉,丸子真的好吃,湯頭清甜,不會很鹹,整體來說很不錯。下午三點左右來,馬上就有位子,沒有等很久。下次還會再來吃!

心血來潮就走去食黃明記最愛豬肉丸面，豬肉丸唔乾有咬口，明顯唔係一般出面食啲硬崩崩肉丸面彈牙，湯底加埋小小辣椒油係畫龍點精，索性成支辣椒油買走番屋企，打邊爐岩用我老公就鍾意點墨丸紫菜尖（即係銀針粉）佢話加紫菜先係精粹

銀針粉，想起小時候在酒樓才能吃到的美食，而且也不是每家都有。現在，近乎絕跡酒樓點心行列了吧。 黃明記的枱櫈全是木的，坐下去有種涼茶舖的感覺，一種懷舊新替的感受，坐下去不侷促而且感覺挺舒服的。雖然在餐牌上不見銀針粉字眼，但只要跟侍應點銀針粉，就能吃到這懷舊的特色。 配餸雖然跟一般雲吞麵店沒兩樣，但跟以前只是冬菇火腿蝦米做配料來得多樣化。 我點的魚餃十分美味，魚皮不會太厚而且有彈性，小小的魚皮裹著肉餡，味道濃郁，跟銀針粉相配得有種奇妙的效果，令人想再來多一碗的慾望。 炸香的蒜粒和莞茜更是神來之筆，為本來單調的湯粉提升刺激味蕾的層次。 總結是，只要你吃過一次，便會再來第二次第三次，吃兒時回憶，吃那令人回味的味道。

是日點餐：墨丸銀針粉 + 紫菜份量足，眾所周知打墨丸時是會加適量的肥豬肉令質感更彈牙.... 而這裡的墨丸給我的印象是只吃到肥豬肉的味道, 稱它為豬肉丸更為貼切。如果你欣賞肥豬肉、豬油等, 可能你會喜歡。 我甚至能從口裡各材料中吐出不愛的食物, 肥豬肉是其中一種。銀針粉 + 紫菜味道正常, 無甚驚喜番食指數：0

黃明記，我已經食多次了，遲遲未寫食評。墨魚丸銀針粉，墨魚丸人手打造，分外彈牙，銀針粉不硬不淋。其實也不懂表達，我相信食完絕對係會又去食的。已食多年，食品份量，味道也沒有變過的良心食店

上星期經過九龍城，突然之間好懷念“黄明記”嘅河粉，所以專登走去幫襯。闊別多時，但無甚大變化，我叫左碗雙丸河，豬肉丸相當彈牙，豬肉味濃；墨鱼丸亦好爽口，因為佢地D丸全部手打，確實不同，再加埋佢地特有湯底，好好食，非常回味。

雖然以前經常在九龍城出没，但就冇幫襯過呢間黄明記！自從男友帶我黎食過之後，發覺呢度D野好好食。所以只要有經過呢度，都會入黎食番碗河粉或麵先。今日我地又專程搭過黎食我叫左個雙撈河粉（$34），一上枱已經香氣撲鼻，令人垂涎欲滴，而且睇落幾大碟 ，入面有手打默魚丸及豬肉丸，肉丸好有肉味，口感彈牙！河粉就蠔油稍為多左，咸左少少。碗配湯就好重胡椒粉味，但都好飲！最令人回味嘅係自家製的蒜蓉調味醬，亦係成碟河粉美味的來源，香味非常突出

幫襯九龍城老牌麵店黄明記，裝修懷舊我食左墨丸米粘($30)同淨墨鬚($32)，自家打製的墨丸混左肥豬肉粒，特別好味墨魚鬚雖新鮮，可惜好似煮得稍為過火，帶點韌，但濃味的潮式湯底配米粘又彌補了不足

九龍城區近年都大興土木 唔同既餐廳都進駐呢塊新興土地除左泰菜其實仲有好多地道食店係到架朋友帶左我黎呢間好出名既粉麵舖食野睇裝修就知佢非一般啦 自家製既各種丸物 同粉麵 價錢絕對大眾化 唔同出面個啲一小碗就收你差唔多價錢但食唔飽既舖頭 重點係服務人性化 唔會因為你叫得少而提供差既服務比你小地區就係有呢份人情味 用心!!叫左個淨四寶丸加紫菜其實我都唔知佢有丸架 但老細見我唔想食麵但想食多啲 就推介左比我食落就食到豬肉丸 墨丸 頁丸 魚札 魚皮餃同埋一舊長方型既不明物豬肉丸同墨丸超彈牙 爽口 而且味道好出 豬肉好香 墨丸更加一粒粒墨魚肉魚札同魚餃個外層都好爽口 魚肉味好鮮同足料我話個舊不明物有啲魚肉同香芋味 好得意!! 不過加紫菜呢part就爭啲 因為加3蚊得好少紫菜咋 我以為好多添....若然淨食丸我覺得係值回票價!! 老友好介紹

就是為了銀針粉 – 黃明記自小愛吃銀針粉，但市面能找到有供應的食店不多，難得見到網友推薦這間在九龍城的黃明記竟有得吃，老連咁遠都要特登坐的士出來一試。張明記是這區的幾十年老店，除了有我最愛的銀針粉外，最出名是自家的手打豬肉丸、墨魚丸、魚皮餃等，仲有白灼墨魚鬚，一場來到當然試哂佢。豬肉丸其貌不揚，但味道極佳，肉味濃郁鮮香，美味墨丸有嚼勁，墨粒添其質感，又係好野來﹔白灼墨魚鬚味鮮彈牙，配上辣椒油，一絕﹔銀針粉灼得恰到好處，滑溜有彈性，就是我愛吃的口感，當然成碗清哂啦﹗要彈係佢個湯底偏鹹，吃完有點口渴，但這兒的手打丸確出色，一定會再來幫趁。