夢の丼 (Closed)

環境不錯，未算好大但每張桌子都有一定距離，坐得舒適。點了炎之丼，一番拖羅丼，黑松露玉子燒一向吃壽司都喜歡點選火灸，而且炎之丼的種類亦多(當中有左口魚邊、帆立貝、帶子)左口魚邊表面被微微燒烘，更重魚油香味 入口好易就融化!!!帶子鮮甜亦足夠彈牙其餘的三文魚、拖羅蓉等等刺身都覺得新鮮，火侯控制得剛好另外，比較驚喜的還有蟹膏豆腐 (第一次吃~感覺好新鮮~)一番拖羅丼包括了大鮪魚腩、中鮪魚腩，還有火灸和碎蔥拌的，可以滿足不同口感!每塊拖羅的厚度平均，入口有啖啖魚肉與油脂，而且中間有個蛋黃作點綴。蔥花較清新配上魚蓉特別合拍，喜歡旁邊的漬物以冬菇醃製更加濃郁惹味!小食方面選擇了玉子燒，一上檯已經好重黑松露香味，一定要襯熱吃!每件都好厚好足料，中間是輕微凝固了的蛋漿和滿滿的黑松露。食物的款式配搭比想像中多

依家食日本野新鮮、高質係必要嘅！就算貴少少都唔緊要！今次竟然俾我哋喺土瓜灣都搵咗間高質嘅丼飯入面環境都幾靚，乾淨企理。壽司師傅都熱心推介是日精選。客人不多。花錦魚生丼～刺身鮮甜～丼飯已經撈好咗醬油汁，好入味，又唔會太咸～份量足炎之丼～刺身燒得剛好～仲好juicy 同鮮甜～燒到逼晒啲魚油出嚟，所以飯特別香滑，不過就濕左少少二重他他~三文魚同吞拿魚刺身鮮甜點整都好食～調味啱啱好～他他打得夠晒溶麵豉湯～個set 有埋麵豉湯，連個湯都好好味！值得一讚總括嚟講，雖然有少少貴，但係都係物有所值嘅！下次會試吓呢度最著名嘅夢之丼！

午餐時間打算黎食，超級多人！好彩有訂位先有得坐係師傅前面咋！入左去五分鐘都冇，呢度嘅空位就俾人坐埋，坐到滿一滿，好多一個人黎食都坐到完全冇位，所以記得要訂位。其中一個原因一定係午市有八折！所有丼都有㗎！高質丼好抵食！先要左個漬物拼盤漬蒜同牛蒡都係朋友最愛，我唯有只吃酸酸的瓜，不過異常爽口，有點鹹，令人胃口大增呢！兩個丼都以餐的形式上桌，看看有兩小碟，分別是一口甜薯和燉雜菜，有點像關東煮的味道。拖羅丼三片的拖羅加一片灸燒過的拖羅和兩片漬過的赤身，還有醬油漬的蛋黃。用的是赤醋飯！好有誠意！不是很多餐廳有做了！可惜我的蛋黃爆開了我還未吃呢！！不過拌飯是一流的！大拖羅！！好正喔 真係入口即溶！肉味當然唔會重，拖羅就係要食口感！二重親子丼二重的是蟹和三文魚和他們的籽。三文魚已成蓉，並灸燒過，入口油香十足，而三文魚籽更是漬得美極，完全沒有腥味，卻有豐富的魚鮮味。而蟹肉蟹膏和黃金蟹籽就是另一個親子組合，蟹膏令成件事味道口感大提升！I am in heaven!!不得不提的是，他們的麵豉湯超級好飲！真的用海鮮作主要材料，配合蔬菜，清新又鮮味。

一番拖羅丼 ($368) +1大鮪魚腩、中鮪魚腩、碎蔥鮪魚腩丶火炙大鮪魚腩、赤身漬、玉子漬～魚生片每塊肥美鮮甜脂肪分佈平均，厚厚的份量也相當足夠，而且還配有麵豉湯等🤤店內所使用的七星米配合赤醋，食落開胃與魚生相當配搭👍🏻醬油漬蛋黃(玉子漬)金黃的色澤，濃濃的蛋黃香配飯一流😋Taste: 8.5/10炎の丼 ($198) +1三文魚拖羅蓉、左口魚邊、帆立貝、海膽醬蝦蓉、蟹膏豆腐～魚生以火炙為主，令魚脂&火炙香咪浸入醋飯～味道方面因有火炙所以比拖羅丼更加香口🥰Taste: 9/10黑松露玉子燒 ($68) +1玉子燒燒得剛剛好再加上芝士，內裏滑身外面夠挺的玉子燒帶出香濃的蛋香也不失黑松露的味道😆Taste: 9/10P.S 餐廳個廁所係我最喜歡的日本電子坐廁板，雖然對我用途不大😂

平日唔會係土瓜灣食到lunch，今日咁啱經過！佢係大街的轉角位，如果唔覺意就會錯過。一入去，小店的裝修好舒服，可以慢慢嘆一餐lunch！lunch 的套餐價錢比較平民，$88可以知道兩款！今次我就揀左一甜一咸，玉子鰻魚飯+四色丼🥳🥳🥳鰻魚甜甜地，四色丼的三文魚整到好碎，入口即融，仲有帶子，蝦！可以一個套餐滿足到2種口味，最啱選擇障礙的人！🥰🥰如果有朋友一齊食，一次過試曬所有款！我欣賞店主的設計，連屋頂上面都整個有層次的裝飾品。這裏食的一餐飯，不只是味覺的享受，視覺亦會跟著滿足！

純粹同朋友想食日本野，所以就試這間隱蔽的日本餐廳！ 一進餐廳，都覺得餐廳幾有特色，裝潢都有花心思！ 我地點了兩個午餐。$88蚊，可以揀一熱一凍食的丼，一次滿足我地想食刺身同埋鰻魚的慾望。佢地既湯 係有蜆肉，不是平時的麵豉湯！ 而且兩個丼，感覺細細個，但我地兩個女仔都食唔曬！ 太飽了！ 值得一提的是，佢地既丼飯不是白飯，而係有用醬油撈過的！ 第一次食👍🏻👍🏻味道也不錯！ 埋單 都差不多都要$100蚊個午餐，但偶爾食下都幾推薦👍🏻👍🏻👍🏻

月中收到公司通知，會食一次公司員工限定嘅新年飯。今次食得特色D, 唔係酒樓食中菜，而係選址喺之前同事推介食過嘅依間夢の丼食。確實十分驚喜。公司預早留左位，就喺店內最入面嘅兩排長枱，令大家都可以近距離，開開心心食大餐，氣氛相當好。先試一輪清清酒、朱古力酒、芒果酒、佐酒小食。之後都係飲清酒，就如相中所見，對我嚟講確實係一個不一樣的年飯，感恩。蟹膏豆腐，蟹膏再經過調味，令味道相當濃郁，真的一試難忘。新鮮魚生海鮮拼盤，美味又滿足。當晚進行埋大抽獎之後先離開，因公司找數，唔知幾錢。推薦為公司飯聚也不錯。

紅磡人覓食覓到土瓜灣！土瓜灣真係比較小去因為餐廳又唔算好多，不過今次就睇下有無發掘啲咩啦～丼丼飯，我至愛。因為一碗飯有齊咗我自己鍾意食嘅嘢！就睇下300幾400蚊有咩水準 ^_^同朋友一人叫咗個拖羅同海膽TRY TRY. 整體都幾鮮，海膽無異味，而且拖羅都嘗算肥美，啖啖肉，份量都好大配，仲有甜薯仔加綠茶醬做甜品。價錢係偏貴。間唔中一次食好喇，食完銀包大出血哈哈～💸💸💸💸💸

！！！個人認為這是絕對物超所值的一餐！！！海鮮日本直送，吃得出優質鮮美，每一口都令人感到幸福。我覺得這裡的丼飯特別在廚師有按食材進行不同程度的料理，食法也有講究，唔淨係放舊刺身在飯面。賣相就更加係靚到唔捨得食，擺盤設計非常有心思有誠意！丼飯均附前菜、味噌湯及甜品，加上和式雅淨的環境，應該係我近來吃的最開心滿意的一餐日本菜。-餐牌上的招牌夢の丼有齊我最喜歡吃的海鮮！極度吸引，不過這個丼食材會按不同季節改變，有點廚師發辦的味道。我來這天沒有海膽，但就有松葉蟹肉、鮮味十足的魚子、舖上金箔漲卜卜的蠔、塗上海膽醬的鮮甜肥美牡丹蝦、厚切的帆立貝、送飯一流、帶洋蔥香的灸燒三文魚蓉、及一片新鮮甘甜的油金魚，其實連那幾片冬菇漬也很好吃。飯是以赤醋調味好的，所以每口都是濃郁的滋味。食法方面，店員建議我先呷一口橙醋，然後把橙汁滴在帆立貝上，增加鮮味。-至於一番拖羅丼（$338），有大鮪魚腩、中鮪魚腩、碎蔥鮪魚腩、火灸大鮪魚腩、赤身漬，近乎入口即溶，魚香四溢，而且更有較少見的玉子漬（即是醬油漬蛋黃）！非常豐富，色澤漂亮誘人！這天的前菜是漬大豆芽，甜品是香甜好吃的抹茶醬迷你一口蕃薯。我們還點了小食黑松露芝士玉子

有時兩個人食飯好似好多野都食唔到咁，叫到成枱菜又食唔哂，而家通常都會去d可以叫一人一個餐既餐廳食飯就最好，我自己就鍾情於日本料理，但屋企附近選擇唔多，而唯獨依間既丼飯我特別喜歡，前排黎食完就愛上左，因為食材用料新鮮，只係平民價可以食到高質刺身丼飯，真係會食上癮炎之丼上次食過招牌夢之丼，今次就叫左個炙燒丼，總共有七款食材係入面，有三文魚、拖羅蓉、帆立貝、海膽醬、海老、左口魚邊同蟹膏豆腐全部都有輕微火炙過以半熟為主，丼飯底係經調味過既醬油飯，食個時連火炙食材食帶好香炙燒味，入口有少少焦香味，唔錯每個丼飯都有連蝦頭麵豉湯、前菜沙律，而份量亦幾多，食半碗已有飽意，如果超肚餓應該會食哂一番拖羅丼賣相超正既拖羅丼真係不得了，面頭鋪左大鮪魚腩、中鮪魚腩、碎蔥鮪魚腩、火炙大鮪魚腩同中間既玉子漬片片都肥美鮮甜，魚味非常突出，入口幾乎入口即溶，油甘香好出，丼飯底一樣都係醬油飯，非常推介明太子雞翼本身超愛明太子既我，忍唔住叫左一客過下口癮，炸得好香，外皮脆口，帶少許肉汁，明太子味道幾出，正！

此間主打日式丼飯的店子，在其剛開業之時小弟並不看好她的前景，原因是其丼飯之定價著實有點偏貴，動輒吃一個便要索價二至三百大洋，若再加上小食及啤酒飲料的話，每人閒閒哋就要幾嚿水落樓了。雖說土記區內消費力近年的提昇速度可是越見厲害，但始終對大部份區內的貧苦大眾來講，如不是有任何特別事要慶祝的話，睇怕都不會貿貿然找進來的....不過於我這個典型的為食貓來講，一時的價錢倒不是甚麼大問題。最重要倒是可以一嚐這間可說是區內唯一的丼飯店出品的滋味....難得來到，自然就想一試和店名同一樣稱謂的招牌夢の丼了....太太說不想花太多錢，所以就點了便宜一些的二重親子丼....每一款丼上桌之前都例牌先跟有一兩味前菜。平常在其他地方遇到的大多只是普通的醃菜酸瓜而已，但在這裡，除了有這些"行"嘢之外，還多添了一味較少有少做的紅豆酒盜芝士....芝士入口鹹香軟滑，加上日本紅豆的甜以及酒盜的酒香，絕對是屬送酒佳品兼非一般的前食 (雖然是夜我倆皆沒大肆宣飲)....醃青瓜甚爽脆，面頭舖上一小撮的納豆，當堂變得非常的和風....更特別的是店奉上的橙味酒醋，用來開胃兼消膩是一流的....不過我倆最欣賞的，上面的統統都不是，

今天來到土瓜灣，朋友強烈推介她的至愛"夢の丼"，食店位於主要街道旁，好容易搵到。店內裝修主要用木作材料，和式風格，一邊進食可以一邊聽住日文歌，感覺很輕鬆。餐牌上有好幾款不同類型的丼，每個都好吸引，大家諗嚟諗去討論咗好耐食边个丼好，結果我哋揀咗一番拖羅丼同二重親子丼，此外，多叫一個黑松露芝士玉子燒，等待的時候特別緊張，尤其是望住師傅們即席烹製。 一番拖羅丼，材料包括大鮪魚腩、中鮪魚腩、碎葱鮪魚腩、火炙大鮪魚腩及玉子漬，火炙鮪魚腩更覺魚油香味。每件魚生都極度肥美，鮪魚腩勁新鮮，脂肪分佈均勻，入口即溶。每個套餐都包括麵豉湯、前菜及甜品，這個麵豉湯不得了，是個海鮮麵豉湯，相信係由蝦頭餚成嘅湯底，感覺像龍蝦湯味(資深廚師話我知：蝦湯其實係油蝦頭餙成)。好欣賞個飯已經調好味，味道啱啱好，愈食愈開胃，油漬蛋好香，送飯一流。最後食埋個甜品，是蕃薯配綠茶醬，甜絲絲的感覺，完滿極了。二重親子丼，材料包括三文魚、三文魚子、拖羅蓉、松葉蟹蟹肉、松葉蟹蟹子及蟹膏豆腐，整個丼食落有幾層口感，最喜歡個蟹肉及蟹膏豆腐，好濃蟹味，松葉蟹蟹子粒粒脆卜卜，口裏面用牙咬落去蟹子嘅感覺真係好美妙，三文魚粒及拖羅蓉拌飯堅正。黑松

朋友超愛吃日本菜，今日揾埋我專程來到土瓜灣，會一會傳說中的"夢の丼"，試一試有多厲害，食店位於主要街道旁，好容易搵到。店內裝修主要是和式格調，還可以一邊進食一邊聽住日文歌，感覺好舒服。打開餐牌，選擇困難症上身，諗嚟諗去我哋揀咗一番拖羅丼同二重親子丼，另外加多個黑松露芝士玉子燒，落完單師傅立刻炮製。一番拖羅丼，內容包括大鮪魚腩、中鮪魚腩、碎葱鮪魚腩、火炙大鮪魚腩及玉子漬，極度肥美，鮪魚腩勁新鮮，入口即溶，二重親子丼，內容包括三文魚、三文魚子、拖羅蓉、松葉蟹蟹肉、松葉蟹蟹子及蟹膏豆腐，黑松露芝士玉子燒，熱辣辣送上，黑松露好香，芝士燒溶了要趁熱食啊！

土瓜灣甚多隱世美食， 今晚約左friend 拜年聚会嚟到近譚公道有幾間bar ，  打算搵地方食完嘢先再飲野。就喺街頭見到有間丼專門店， 中菜之外最佳選擇也!未到晚飯時間餐廳入面已有八成入坐， 相當熱鬧， 似係熟客街坊， 應該唔會中伏喇， 跟住我哋就放心豪食~有幾款精選嘅丼都難以取捨。。 就揀最豐富嗰個先。漁師云丹丼$368個丼份量真係嚇一跳！成個盤咁大， 上面嘅刺身排到滿滿的。 點都要畀相機食先！個friend勁鍾意三文魚子， 份量超多， 啱曬佢。 甜蝦亦非常大隻， 新鮮甜美無雪味。海膽日本直送，雖小但非常鮮甜。旁邊仲有高湯啫喱凍， 鋪上矜貴嘅金箔， 再舀入丼裏， 令米饭嘅味道又添另一層滋味～自己選了鎮店之選 - 夢之丼 $298前菜有爽脆的芽菜，带少少辣粉。實物和圖片一樣。 店員介紹先喝一口橙醋打開味蕾， 再把橙醋蘸在碗邊渗入飯中。先吃北海道帆立貝， 起初以為係石斑塊，極其厚身， 肉爽，鮮甜！ 吃完一隻超滿足， 另外嗰隻share畀個friend食， 佢都勁贊！ 海膽完整排好，非常新鲜甘甜。 壽司飯加咗味， 所以唔需要下醬油 一樣滋味。 吞拿魚蓉铺上生洋蔥碎， 配搭夠惹味辛辣。牡丹

聽聞土瓜灣有間主打平民omakase同高質丼飯嘅日式餐廳,朋友試過都大讚。佢地嘅海鮮係由日本直送所以品質都吾會差。黑松露芝士玉子燒,上枱時仲熱辣辣,嫩滑嘅玉子包住溶左嘅芝士,帶有少少流心效果,黑松露味道夠突出但亦吾會搶去玉子嘅蛋香。每個丼都會附送前菜漬物,蜆肉味噌湯同甜品。當日嘅甜品係抹茶醬配Q版番薯。一番拖羅丼有齊晒多款拖羅,有醬油漬赤身,火炙粗筋拖羅,中拖羅刺身,大拖羅刺身加上香蔥拖羅蓉,啖啖飯都能吃到肥美甘甜的拖羅,款款都甘鮮味無窮,再配埋店家自家腌製嘅醬油蛋,冇得彈。夢之丼作為招牌當然絕對係必食,超級豐富可以一次過食晒七款刺身,有三文魚,三文魚子,拖羅蓉,帆立貝,海膽,大大隻牡丹蝦同蠔。擺盤夠晒吸睛,用料亦夠新鮮。飯底仲要用左赤醋,食落同刺身好夾。帆立貝仲有個特別食法,就係配橙醋,令帆立貝鮮味升級,整體令人視覺同味覺都好滿足。