珍一料理 (富榮大廈) (Closed)

路德圍非常多野食，今日同家人行過，見有間新開小店，主賣涼拌料理，仲有飯餸套餐。呢度涼拌主分五香料理、川麻料理。 五香料理有3種辣度（五香、麻辣、加辣），五香最適合唔食辣的人。 川麻料理，味道較香濃，層次感豐富，辣度慢慢提升，滿足嗜辣的我。川麻三拼麻辣豬肚條，口感軟韌豬爽肉，口感爽脆麻辣雞絲雲耳，少辣，麻辣味香濃，雲耳脆口清爽 五香三拼牛筋凍，晶瑩剔透，口感有彈性牛腱、雞腎，脆口 椒辣手撕雞半隻份量都幾多，雞肉脂肪較少，肉質軟腍，加上香濃醬汁，非常惹味。 東坡肉飯東坡肉肥瘦分明，色澤紅潤通透，入口味道濃郁，口感軟化，脂肪部份肥而不膩，入口即化，真是值得推介。

係路德圍呢度有好多好野食，今日經過發現左一間四川涼拌外賣店。店口放左一部雪櫃，入面放左好多款涼拌小食，睇見都覺吸引。除左涼拌，仲有飯。⚠️椒麻雞（半隻）：半隻雞，份量都唔少，加上麻油和辣醬，令雞肉更加惹味，而且雞肉軟滑。⚠️五香三拼和川麻三拼：每款都選擇左少少，甘就可以一次過食均試想既食物了。川麻味味道突出，而且食物都好入味。⚠️東坡肉飯：東坡肉煮得好腍，入口即溶既感覺味道甜甜地；醬汁用黎送飯一流。

造訪一次神奇的川渝料理椒麻手撕雞 68元椒麻手撕雞的雞肉香滑結實，而雞皮沾上獨特製造的醬汁更有異想天開的風味，好!好!食!呀!東坡肉飯 50元仲有最靚的豬腩肉!仲有最靚的豬腩肉!東坡肉與每一斤脂肪同的比例恰到好處！最靚的豬腩肉撈飯食一流!五香料理三拼 50元牛筋凍/雞腎/土豆絲/青瓜絲+紅蘿蔔絲川麻料理三拼 55元豬耳/豬肚條/豬爽肉/炸黃豆+花生三拼的小食有辣有不辣,買回家撈飯食確實不得了。最意外是親眼看到店員每一樣都大手放入盒中,就算今晚吃不完,留待明日再戰也可以。我最喜歡就是牛筋凍和豬耳,兩樣都是好爽口的小食,我家人就喜歡雞腎,因為好有雞味!珍一料理 (富榮大廈) 荃灣荃興徑10-18號富榮大廈地下6號舖

行過呢間餐廳見到新開有好多涼拌食物都好吸引 種類選擇超多 買幾樣返屋企試下 想講份量一啲都唔少 試左係味道亦好好味 叫左一個東坡肉飯配咗個百葉結豆腐東坡肉肥肉均勻 有邪惡脂肪部分又有炆得夠淋入味嘅肉 配個百葉結豆腐冇咁濃味平衡返 飯份量都好多再要咗一份五香三味，揀咗牛腱，牛筋凍同五香牛肉，份量十足，鹵得非常入味，仲有唔同咬口，牛筋凍好似啫喱咁，牛腱同牛肉就啖啖肉，夾埋一齊食口感豐富，最正係佢上面有啲芫茜同埋脆豆 嗰個脆豆估唔到咁好食夾埋一齊食脆卜卜 味道提升仲要咗一份豬耳，夠曬爽口彈牙咬落有啲軟骨夾埋啲花生一齊食呢個又係非常好送飯 而且又係好大一盒 讚店員推介試埋椒麻手撕雞 味道確實不錯 食到雞味之餘有少少辣味 仲有我愛嘅芫荽搭配 啱晒口味

今晚娘家冇人煮飯，收工路經荃灣的路德圍，見倒新開了一間川菜外賣店(是媽媽最愛的料理🙊)，便買了幾款小菜和家人一起分享：/🌶川麻料理三併(脫骨香豬肘、五香牛肉、蓮藕片) $55大熱天時食呢啲涼拌小吃真係好消暑🥵川麻料理相對五香的味道會辣番少少，但小辣黎講都係輕鬆既😎多左辣味倍感香辛，令人吃不停口！香豬肘的肉肥瘦相伴，惹味好吃；五香牛肉滷得入味；蓮藕片又大塊又厚夠爽脆！/🌶五香料理三併(牛筋凍、爽脆豬耳絲、秘鹵豬爽肉) $50五香料理的醬汁惹味開胃，唔怕辣又夠香，岩哂唔食得辣既朋友仔👍🏻最喜歡牛筋凍，口感有點像吃Q彈版的啫喱，鹹鹹香香很好吃；豬耳絲同樣好味，爽脆之餘又有骨膠原的口感💯；秘鹵豬爽肉都很爽彈。/🌶椒麻手撕雞(半隻) $55手撕雞是帶骨的雞肉，份量也很多，每一啖都滲出淡淡椒麻香。意想不到最出色的是雞皮，非常爽脆🤩很少吃倒這種質感呢。/🌶東坡肉飯 $35東坡肉的肉和脂肪各佔一半，炆得軟腍入味，充滿醬油的香甜，配埋百葉結送飯一流😋/食完之後媽媽都好歡喜，仲話星期六要自己再去買多次黎食😌而我覺得呢個價錢黎講都好抵食，可以再戰！/‼️由於等外賣時都幾多客，所以企左係度一陣睇佢部電視仔。原來

荃灣荃興徑的美食街最近開左間新外賣店『珍一料理』，係我鍾意的川麻風味，今晚食佢啦！食物以冷盤為主，好多選擇，花多眼亂，一於叫多幾樣試下先豬耳絲好爽脆彈力十足，年藕片點解可以咁脆既，麻麻辣辣勁野味，喜歡麻香辣既你一定會鍾意😍椒麻雞好入味好似燻肉咁，雞肉結實送飯一流牛筋凍我都係第一次食炸，好似食緊豬手筋既感覺非常煙韌四喜烤麩微酸帶甜，麵筋吸曬味，雲耳爽口，花生香脆東坡肉好鬆化，醬汁咸甜適中，一層肉一層油脂入口即溶，口感唔油膩喎豆干竟然削到咁薄片，打結都唔斷開，這間店的主廚真係有兩道👍👍味味有驚喜，味味都咁好食，一啲都唔馬虎，難怪已有7間分店

作為荃灣友經過路德圍竟然發現新開左間賣涼拌川菜既珍一料理😌今次就一於加餸買返去同屋企人一齊試試🧚🏻‍♀️-🎈東坡肉飯 $35以價錢來說都真係幾抵！！而店員仲好貼心咁分隔左個東坡肉同啲飯🥳再講返屋企人大讚整得好食🥰肥瘦比例岩岩好！好有層次，有少少入口即融既感覺，食完一啲都唔會覺得好膩🙈-🎈椒麻手撕雞 (半隻) $68相對來說就比較普通一點🤔食落雞肉比較有咬口，並略帶麻香味的～ -🎈五香料理三併 $50 揀左牛腱、豬耳同四喜烤麩～三併份量都幾多，而我第一次食四喜烤麩，感覺幾特別😋烤麩原來係一款麵筋，併埋木耳、冬菇個啲，食落甜甜地🤤-🎈川麻料理三併 $55個人更喜歡川麻料理，因為食辣真係好惹味🙆🏻‍♀️豬耳絲同豬爽肉都有驚喜好彈牙～而佢既秘製醬汁唔算太辣用黎送飯認真一流😎-🔸珍一料理📍荃灣荃興徑10-18號富榮大廈地下6號舖

晚上睇戲晏左，一於去愈夜愈精彩旣路德圍覓食。見到有見新開旣川菜都幾多人排隊，諗起返到家可以食椒麻雞就流曬口水...——————————————————————————— <東坡肉、百葉飯 ($35)>呢份招牌菜價錢實惠，真係好難唔比佢一個機會！三大舊東坡肉，炆得入味又腍滑，跟埋百葉，索曬啲醬汁再撈飯食，好滿足，屋企旣男人咁夜仲捧場，都幾有威力！不過都真係幾heavy，下次日頭再試多次，因爲實在性價比高。.<三拼(辣) - 牛肚、牛𦟌、牛筋凍($55)>辣辣地旣滷牛肚非常入味，嫩得黎有咬口；牛𦟌，滷得香又不會死鹹，有牛味，食得一塊塊唔停口；初嘗牛筋凍，感覺好有collagen，食落比想象中腍。.<三拼(唔辣) - 腐竹、五香牛肉、脫骨香豬肘 ($50)>摯愛豆品旣我點了腐竹，如再入味多啲我會更喜歡，略乾身；五香牛肉薄薄切了片，入味，唔算是腍身旣肉，感覺還可以；豬肘又唔錯，有𡁻頭!.<椒麻雞半隻 ($68)>就是衝住佢而來旣！雖然已經係宵夜時間，食得出手撕雞都仍然幾新鮮，雞肉實而滑，醮埋跟配旣麻醬油... 微微旣辣再加上係嘴唇

今日偷懶唔煮飯 決定買外賣返去食😂 荃灣路德圍多美食掃街個個都識 今日行過見到間新開既四川涼拌店好多人排隊 就買呢個返去做晚餐啦😍 樣樣都好想食 所以樣樣都買d😂 東坡肉飯、椒麻手撕雞半隻、川麻料理三拼同五香料理三拼🤤🤤 東坡肉飯。$40個汁甜甜地配白飯勁夾！ 東坡肉炆得岩岩好 豬皮煙煙韌韌 仲有果層骨膠原☺️ 食落仲唔會好油膩👍🏻 隔離本身只有豆味既豆皮吸晒d滷水汁完全昇華左👍🏻👍🏻椒麻手撕雞。$68半隻一打開個盒以前半隻手撕雞只得半盒 點知一打開係成個full晒😍 非常足料抵食！ 味道方面有小小既麻香唔會麻到食唔到 岩晒香港人既口味 雞皮爽爽脆脆 平時唔食雞皮既我都忍唔住連皮食埋🤪 川麻料理三拼。$55可自由配搭自己心水口味 我就揀左豬耳豬肚同牛肚 豬耳好爽口 豬肚牛肚都唔會太韌 都容易咬得開👍🏻 個川麻汁唔會太辣岩岩好如果鐘意食辣既朋友仔仲可以加辣😋五香料理三拼。$50同樣都可以自由配搭 呢個就揀左雞腎、牛筋凍、五香牛肉 雞腎同五香牛肉腌得好香好入味！ 而最特別係牛筋凍 出面比較少見 食落又好彈牙！

今日經過荃灣發現佐珍一料理，唸著在佐敦買過都好味，就再次打包。東坡肉飯：東坡肉色澤紅潤，醬汁濃稠，肥而不膩，軟而不爛，但就係太少才三塊😂川麻料理三拼：辣拌牛百葉爽脆可口，加埋麻辣口感豐富；秘鹵豬爽肉肉質肥瘦混雜，口感爽脆有彈性；秘制泡椒鳳爪酸辣爽口、皮韌肉香。五香料理三拼：芹菜豆乾芹菜脆嫩柔順，腐竹清香爽口，海帶脆嫩爽口無腥味，呢三拼就係淡小小。椒麻手撕雞：第一次食到咁多骨頭嘅手撕雞😂呢道鹹D，辣汁自己加但係好似唔夠，唔夠辣，無佐敦呢間好食。有D失望啦，但係份量足。

今日經過荃灣，見到有間外賣小食嘅新店，睇睇餐牌，原來都有飯盒，所以決定叫幾款返屋企食。小食叫咗幾款試吓辣鹵金錢肚，少少辣辣地，炆得好淋好入味。脫骨香豬肘，豬手唔太肥，仲要冇骨，啖啖肉。秘鹵豬爽肉，真係好爽口，完全唔肥。藕片，勁爽口，食落非常清新。五香牛肉，好香五香粉味，d肉都好淋，完全唔韌。豬耳，切到一條條，食落好脆口，唔肥。叫咗個東玻肉百頁飯東玻肉，個醬汁好正，撈飯一流，d東玻肉睇落有五層，層層分明，d肥膏同豬皮食落都唔油膩，而且d肉好淋，勁入味。百頁，好香鹵水味，完全入晒味。椒麻手撕雞，d雞肉好有咬口，d雞皮勁爽口，完全唔同平時食果d雞，有少少麻香味，但唔係辣，買半隻已經好大盒，非常抵食。

川麻三拼揀咗辣滷金錢肚、香麻牛蹄筋、豬爽肉全部都好入味好爽口，最中意金錢肚，個辣汁好惹味唔算好辣。底有青瓜絲、面頭有炸花生，足料。素菜三拼揀左薯仔絲、腐竹同豆乾最中意薯仔絲，酸酸地好開胃。椒麻手撕雞要左半隻雞，好香花椒味，但又唔會太麻。雞皮出奇地好薄好爽，半隻雞有雞胸同雞髀肉，小小乾但加左盒麻油醬就好油潤喇。東坡肉飯張圖係細細塊既肉，我果盒係3大塊肉。肥肉好香，瘦肉都唔會鞋，如果少啲肥肉就更正。甜甜咸咸既醬汁最岩撈飯食。

珍一料理 (荃灣)••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️食評：呢間店舖越嚟越多地方有啦，成日行過見到都會想買返屋企試吓😚呢排天氣咁熱，食呢啲涼拌小菜真係好啱食！先講佢款椒麻雞，相信大家都食過手撕雞，呢款椒麻雞就類此手撕雞，已經拆晒肉同骨，但味道食到有陣花椒嘅麻味！幾過癮！另外試咗幾款涼拌菜，有四喜烤麩、腐竹、土豆絲、麻辣豬肚爽、辣鹵金錢肚同埋辣拌牛柏葉。屋企人同我一樣，幾鐘意佢款烤麩，口感同味道都唔錯！至於麻辣涼拌嘅我就最鐘意牛柏葉，牛柏葉最入味，而且唔韌，調味唔錯，唔會太辣，辣度算係bb辣，啱晒想食辣但又唔太食得辣嘅人🤣最後仲加埋東坡肉飯，有幾件東坡肉～下次可以試吓其他飯，例如回鍋肉同豬手！••••••••••••••••••••••••••••••♥️小提示：涼拌嘅小菜好啱天熱食！大家買完要快啲返屋企食用喔！••••∩ ∩••••••••••••••∩ ∩•••••••••••••✄( •ω• )♡( •8• )✄( •ω• )♡( •8

本身plan左可以早收工返去煮個愛心晚餐，點知OT夜左走，醒起早兩日經過美食林立嘅路德圍有見到呢間新開無耐嘅川菜外賣店，所以就拿拿聲衝去買幾個送返屋企開餐😉去到真係花多眼亂 勁多choices, 小菜全部都係玻璃櫃入面，揀好左先有店員夾出嚟，乾淨衛生👍由於我棟左係到好幾分鐘都無咩動靜，店員忍唔住要出手啦🤣佢推介左幾款熱門野俾我，一於照跟啦皇牌東坡肉飯三層嘅五花腩配上百葉結，東坡肉十分之有水準，入口即化，味道唔會太甜，醬汁送飯一流🤩椒麻手撕雞(半隻)大部分嘅雞肉已經手撕好，食起上黎好方便，肉質好有咬口，係有做開運動嘅肉質🤣唔係淋之之個d，雞皮好薄，食落爽口，味道有少少麻但唔辣幾特別川麻料理三拼辣鹵金錢肚，秘鹵豬爽肉。海帶三款都好正，可能我中意食辣，帶辣嘅三拼稍稍跑出左，海帶食落爽口，金錢肚入味得黎唔會太un，豬爽肉細個成日食，而加食返好滋味！五香牛肉。雞腎，牛筋凍三款入面最出色嘅係牛筋凍，有少少似食肴肉嘅感覺，五香牛肉雖然望落係全瘦肉，但食落肉味香濃，雞腎配埋青瓜一齊食又係我最愛🤪總括嚟講，味道都唔錯，亦都唔會好辣，食得辣嘅可以加辣，份量足，我哋2個人最後都食剩左🤣下次再加送可以再幫襯

疫情下都好自然收藏左一堆外賣小店, 有日行過路德圍見到間川菜小食店 毫不猶豫就去左試嚕中意食辣嘅我見到個雪櫃就吸左過去👀Menu都算幾多選擇下 基本上我唔太食內臟都有好多以外嘅小食😍一路都有選擇困難症 又貪心 所以首先就揀左個麻辣拼盤 入面有豬耳同豬肚同土豆絲(麻辣） 朋友唔太食得辣所以另外一盒就要左腐竹 烤麩 牛腱（五香）因為今次係做晚餐 所以又唔小心叫多左兩個套餐椒麻手撕雞十分足料 店員都好細心怕我地會辣所以比多左個椒麻醬我地自己落 雖然影出黎有啲亂不過真係好好食😋東玻肉+飯平時唔食肥野都破戒食哂 肉質炆到好入味又夠淋 比得上大餐廳食到個啲臨走前仲拎定張外賣紙 下次可以叫定落黎拎嚕🙈