Video
6-min walk from Exit A, Prince Edward MTR Station
continue reading
Telephone
23360605
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
經過太子，見肚餓，又唔知食咩好，見到山城小麵，行去門口望望menus ,好似又幾岩食，就入左去醫肚啦。有好多都想試，但問題我胃就得一個，食唔到咁多，唯有叫左麻醬雞絲拌麵配冰粉。由於我未食過冰粉真係唔知咩黎，就試下新野啦。個麻醬雞絲拌麵，好味，不過呢個餐最穩陣，好好難會唔好食既。雞絲同醬都夠多，撈埋d麵一齊食，正。到個冰粉啦～原來就係類似糖水咁既物體，正正常常紅糖水加冰粉。約40幾蚊tea set 黎講，味道唔錯，份量都足夠。
continue reading
跟朋友來到這家重慶風味小店，空氣裡撲鼻而來的就是那勁辣香氣🌶️。今次試的是一碗麻辣雞絲涼麵，啖啖面條有勁夾心，冷冷地咬落更加爽口。麻辣醬汁拌勻後，辣中帶麻，過癮到捨不得停箸，嗜辣的我簡直係愛上了這種刺激口感。紅油抄手嗌做「舒服」，入口即化，甜中帶辣，已經叫我呷指囉！豆腐乳排骨就實在得嚟，骨肉分離，啖啖肉嘅朋友一定悅耳。留意到涼菜嘅箸頭青瓜，酸酸辣辣開胃得嚟夠晒過癮，叫我狂食埋一盤子。（🥒🤤）呢間小店繼續留意，人情味濃厚，食物質素同屋企製作感覺一致，食完辣椒還留有口餘香，真系好正！下次有機會我還要試埋其他招牌菜! 🍜
continue reading
平時逛街，很少會到太子，今次出來，朋友推介試一下山城小麵🥰。鋪面挺有特色，當天是吃下午茶時段，已有3至4枱顧客👳🏿♀️👩🏻🦰👨🏻🦳。平時喜歡吃辣🌶，看到有口水雞🐤和紅油抄手🥟，立馬點來試試！味道不過不失。另外也加點了燃情刀削麵，只看名稱，完全猜不到是什麼配料，原來是肉碎😂最後，就試了最喜歡的紅糖冰粉作飯後甜品❤️，滿足！🌟口水雞🌟老麻紅油抄手🌟燃情刀削麵（乾撈）🌟紅糖冰粉
continue reading
終於可以預約到導賞團去參觀配水庫!!!好興奮❤️平時去旅行，比起行街買嘢，我更鍾意去睇景、行博物館、睇唔同嘅特色建築。4月尾嘅時候，見到有人分享配水庫導賞團好值得去，心郁郁好想去睇下😆一入到「深水埗配水庫導賞團」網頁，已經有告示彈出嚟，話4月-5月導賞團已全部額滿🥲想預約的話，要等到5月2日，系統再開放6月嘅導賞團。宜家已經要等到6月1日，先可以預約7月嘅導賞團。見到額滿，預約唔到嘅時候，覺得好可惜。但係預約個掣又可以俾人㩒，唔死心，照㩒🫢見到有一個星期六仲有位😏，不過係英文導賞團，唔理啦，難得唔洗請假又有位，㩒咗先算🫢最多到時聽唔明，咪瘋狂打卡囉😌仲格硬幫我朋友預約埋，完全無問過佢得唔得閒去🤣🤣一日有三團，朝早10點、晏晝2點、晏晝3點。英文團係逢星期六2點正開始，可以喺參觀之前食個晏先去。導賞團有一半都係廣東話人，所以其實係用廣東話、英文一齊講解，唔難跟。集合地點喺巴域街，由地鐵站開始，大約行5分鐘左右，會等齊人先一齊行上山。因為唔想行好遠，所以揀咗集合點附近地方食飯，時間較好控制。上網見到餐廳唔係好大，位置唔多，初頭擔心會好多人，無位。到達嘅時候，只有一枱客人，我諗係因為餐廳唔近地鐵站，亦唔近附近商場，加上天氣唔穩定，少人過嚟哩邊。餐廳有兩款單人餐，湯麵單人餐、特色單人餐，包主食、小食、飲品；另外仲有二人餐，就係兩款單人餐合併，再加埋兩碗冰粉。紅燒肥腸刀削麵 ($76)全部麵食都可以揀辣或者唔辣，我哋叫咗最少辣。麵底可以揀粗麵、薯粉、米線，轉刀削麵要加三蚊。上菜嘅時候，見到碗麵有好多紅辣椒，心諗：「死啦，好似超辣😳。」但原來係自己嚇自己，哈哈，只有顏色，無辣味。麵好大碗，夾極都仲有，唔單止係麵，連餸都係。麵吸咗湯底嘅味，又唔會太咸，好食。滷蛋炸醬木薯粉 ($73)薯粉比較無咁吸湯，麵食落比較淡口。但係加埋肉碎，同樣正。尤其係蛋，係鐵蛋口感，好食。手拍青瓜一樣有一堆紅辣椒喺面。好在都係唔辣嘅，仲有花生碎，不過其他食物比較濃味，覺得佢好淡。蒜泥白肉賣相同青瓜差唔多，只係將青瓜換成白肉。當然有蒜泥喺面，但同青瓜一樣，都有一堆紅辣椒同花生碎喺面，但係唔辣嘅。除咗青瓜之外，食物都偏向濃味。但又唔係咸，辣度揀咗最少辣，所以都唔辣，但係就覺得好濃味。最後喺附近超市買咗包糖，過一過口。
continue reading
兩個人叫咗兩個一人餐。重慶酸辣粉同涼拌麵加腩肉同手撕雞，再另叫抄手。酸辣粉叫咗小辣，好香味，喺我鍾意嘅味道。個粉亦煮得剛剛好，面質唔會太硬又唔會太淋。小菜腩肉都好大碟，好抵食，兩個人食都爭啲食唔哂。另外抄手都好入味。朋友叫咗手撕雞，都喺好大碟。所以性價比好高，又大碟又好食。埋單好似都喺二百蚊內，又好味又抵食，會再同朋友嚟食啊。另外店入面嘅姐姐都好好人，提點我哋啲辣好辣，唔好試中辣住，話唔夠可以再加，好細心。
continue reading