Video
5-min walk from Exit N4, Tsim Sha Tsui / East Tsim Sha Tsui MTR Station
continue reading
Telephone
39545644
Introduction
The Chinese shop name echoes the meaning of hearth and the IG-able camping theme design. It uses high quality meat imports from different countries and homemade sauces to bring you a new yakiniku experience.
continue reading
Additional Information
火土燒肉包含兩種用餐體驗，分了室內燒肉及戶外水煙酒吧。 餐廳採用露營風的裝潢佈置，室內燒肉菜餚採用優質時令食材！ 戶外水煙酒吧提供不同種類雞尾酒及特色酒類，更設有水煙，露營小吃及定期音樂表演。
Opening Hours
Today
12:00 - 16:00
17:00 - 02:00
Mon - Sun
12:00 - 16:00
17:00 - 02:00
*室內燒肉餐廳營業時間至23:00, 截單時間22:00 | 戶外酒吧位置營業時間由19:00-02:00, 截單時間01:00
Above information is for reference only. Please check details with the restaurant.
About
About Reward Scheme
Offers
RELATED ARTICLES
每月一餐，節日食豪點，友人喜歡Camping，揀了以露營為主題的日式燒肉，Thanks友人book定位，20:30。適逢佳節門面設有聖誕佈置，唔少人打卡。餐廳面積頗大，設有室內及戶外，室內燒肉，戶外酒吧。以露營為主題的餐廳，裝潢設計甚有露營風格，灰色石地、水泥牆身及植物的佈置，營造自然之風，天花板上的露營天幕、撐起的帳篷、露營燈、營具的餐桌椅及餐具等的設置，仿如置身郊外露營。戶外酒吧(19:00-02:00)，設有聖誕佈置，閃爍的聖誕樹及雪地，飄雪的效果，住節及Sat更有Live Music，充滿歡樂氣氛，節日期間最低消費每位$150。我地5人，坐的是露營椅，都幾矮，但坐坐下就慣左(我腳短🙈)，友人比較高坐得唔太舒服，都係一個體驗🤣。餐牌，揀左陣都係要Set，四人精選套餐，每位$438，用餐時間100分鐘。海鹽菠蘿梳打，杯邊有海鹽，菠蘿梳打正常。伊比利亞豬肋條，正常水準。雞爽肉，正常味道。本身係濟州三花卷豚爽肉，但當日售罄，變左雞爽肉，個職員又唔講，之後睇單先知。月見醬燒飯團，外層焦香脆口，內裡軟綿，配上蛋汁更美味。A5宮崎牛肉三角腹肉，油脂豐厚，肉質軟嫩入口即化，十分香口美味!燒肉拼盤，有齊豬牛雞，有香蔥蒜末牛舌、牛肋肉、牛胸腹、伊比利亞豬肋條、豚五花及雞腿肉，香蔥蒜末牛舌，薄切牛舌口感有嚼勁，配合大量蒜末好惹味，牛胸腹軟滑又香口。花切長牛舌，大家都好期待呢厚切牛舌，口感有點韌，味道唔算好濃郁。A5宮崎和牛幻切沙巴當，由店員代勞燒(都啱，靚野燒禍左就🙈)，燒得幾好，口感軟嫩，油香豐富牛肉味濃，好味！香蔥吞拿魚蓉蛋飯，吞拿魚蓉份量適中，香口美味。熱帶風情海鮮雞尾酒杯，初步相信頭盤來，但食到中途先上似乎係漏單，雞尾酒杯以食用花作點綴賣相精緻，內有吞拿魚、北寄貝及帶子配上粒粒水果，青提醋啫喱味道酸酸甜甜，清新醒胃。味噌蟹肉甲羅燒，味道鹹鮮，但差唔多最後先上冇飯及其他伴食，有點膩。荔枝雪山冰，有荔枝味，個人覺得偏甜。食物味道都幾好，價格偏貴，服務態度上有禮貌，但上菜有漏單同疑似上菜次序錯左，有特色的餐廳，喜歡Camping可一試。
continue reading
日本🇯🇵⛺️露營風💨，終於吹左嚟香港💨K11 Art Mall 3樓有一間餐廳裝潢充滿了露營氛圍，木質桌椅，加綠色植物，掛滿露營燈同其他露營裝備，設有帳蓬⛺️好有camping feel，令人輕鬆自在感覺。室內可以燒肉，食完可以出户外有酒吧(1900-0200)，逢星期六晚有live band🎼🎸🎤，圍爐飲酒🍸聽歌好chill。依家好有聖誕氣氛🎅🏻🎄，做緊小樽燈祭⛄️，每晚仲有飄雪❄️圍爐燒肉外，仲有小食，甜品，飲品，款色多多～🐠熱帶風情海鮮雞尾酒杯$118鮮果+刺身切粒拌醋味啫喱，酸酸地幾特別🐟味醂魚乾$48🐮塩蔥牛舌包$138🥩雪花牛小排$138🐔燒雞皮餃子卷$48🐔月見雞肉棒$78🫑日本青椒仔$38🥬生菜$38🍍菠蘿$38🔥圍爐BBQ，傾住燒，燒住食～🍧開心果雪山冰$88濃濃開心果味開心🥳📍火土燒肉 Hearth Yakiniku by ATUM好尖沙咀河內道18號K11購物藝術館3樓314號舖⛺️室內燒肉內燒肉：1200-1600 / 1700-2300🍸戶外水煙酒吧：1900-0200 （不設燒肉）
continue reading
餐廳環境遠比圖片看起來更廣闊，更有氛圍感！室内分三區風格，獨立帳篷氛圍區，文青音樂休閑區，簡約森系區~室外平臺非常大，挂滿小燈泡，夜晚一定好浪漫~餐廳由裝潢，擺設到餐具，每個小細節都好值得細心欣賞~Food & Fee (HK$933/ 2pp)♦️ 燒肉煙花蛋糕 - $488由牛三筋和雪花牛小排堆砌而成，中間插上小烟花棒，店員一定會等你相機ready好先點著，好貼心！牛三筋油脂不算很多，霜降分佈卻是一絕，濃郁的牛味非常突出，肉汁豐腴~雪花牛小排油花分佈密集均勻，肉質細嫩柔軟，輕輕炙熟已可品嘗~桌上有玫瑰鹽，燒肉汁和紅酒汁。♦️ 熱帶風情海鮮鷄尾酒杯 - $128包含吞拿魚，甜蝦，北海道帶子，上面以啫喱，藍莓，食用花和檸檬點綴，高顔值，好少燒肉點會有這般精緻的刺身杯選擇，打卡一流！♦️ 蒲燒鰻魚件 - $108肥美滑嫩，烤的微微焦黃時，塗上醇厚香甜的鰻魚汁，稍微咀嚼就鮮軟滋味就融化在口腔内，非常惹味！♦️ 清酒煮蜆 - $48粒粒都飽滿無沙，嗦滿sake漲卜卜，看著滾開口的蜆肉，好治愈吖！♦️ 海鹽菠蘿梳打 - $38杯邊抹上少量海鹽，清爽酸甜，非常解膩！♦️ 活乳酸可爾必思 - $38
continue reading
這間日本餐廳位於尖沙咀的K11購物藝術館，主打融合露營風格的日式燒肉，店內環境寬敞舒適，好比大型營地，有帳篷、露營櫈、露營燈的佈置玩味十足，連枱上的餐具碗碟紙巾都是露營用的，可體驗室內Glamping的樂趣～燒肉拼盤 - $398牛肋肉夾帶著少許的筋，嚼勁十足且肉汁豐富；薄切且長長的牛舌，柔嫩帶有脆度，配新鮮青蔥，風味更鮮甜；牛胸腹油花細緻又味道鮮甜；伊比利亞豬肋條鮮嫩且十分爽滑；豚五花層層肥瘦相間，鮮嫩多汁；雞腿肉嫩滑多汁。A5宮崎牛三角腹肉 - $168宮崎牛有著霜降般的油花分佈，同時帶有獨特的濃厚香氣，三角腹肉有豐富的肥肉和筋絡，有著濃郁的牛肉風味。磯煮鮑魚 - $38/隻以日式醬汁加海苔以慢火炆煮，海苔的甘甜慢慢滲入鮑魚之中，鮑魚軟硬適中帶有嚼勁，有明顯的鮑魚鮮味。玉子海苔飯 - $28粒粒圓潤飽滿的日本珍珠米，撒滿香脆的海苔絲，還有日本生蛋黃流出濃濃蛋黃汁。巨峰提子可爾必思 - $38酸酸甜甜的可爾必思，帶陣陣香甜的提子果香。Staying A Live IPA 手工啤酒 - $58以經典美式啤酒花作為啤酒骨幹。聞起來有檸檬、西柚及柑橘的香氣，入口充滿柑橘帶松針微苦。酒精濃度不算高，算是較易入口的啤酒。
continue reading
呢間日式燒肉主打露風格燒肉，餐具、坐位都係用上露營主題嘅櫈及碗筷🏕️ 而且特別一讚燒肉嘅網唔會太痴底，所以燒肉都燒得好完整，燒肉嘅網紋好靚😍💪🏻 岩手縣玄米牛 （$138）玄米牛脂肪分佈好均勻，好肥美🤤 而且切得厚度係啱啱好，食落肉質好淋，而且亦都有牛香味😋 唔只係得油香！另外，我揀左蘋果味噌醃，食落有微微蘋果香，甜甜地，幾開胃！個人好推介呢款牛，性價比唔錯！而脂肪比較多，所以都要咬耐少少。💪🏻 燒肉拼盤 ($398)拼盤有齊牛肋肉、牛舌、牛胸腹、豚肉燒、豚五花、雞腿肉，豬牛雞都有齊！牛肋肉同牛胸腹食落有微微牛香，肉質都淋😚 豚肉油香十足！每樣食材大概有3-4塊，好滿足！💪🏻 阿波酢橘雞腿肉 （$78）我揀左柚子胡椒醃，柚子味好香甜，而且雞肉肉質都滑，切嘅大細亦都啱啱好，唔會好難燒！💪🏻 松葉蟹肉蟹膏拌飯、玉子海苔飯 （$88，$28）蟹肉蟹膏拌飯係會燒一燒之後在撈勻，蟹膏燒完之後即刻升左一個層次，蟹味勁香濃🤤 就咁撈飯食都已經好好食！💪🏻 蒜香牛油煙肉蘆筍 （$58）蒜蓉加牛油真係絕配，好香！味道：9/10性價比：7.5/10 食住瘦指數：💪🏻/5
continue reading