首首.韓式小館 (已結業)

自從喜帖街一帶重建成大型住宅項目囍匯後， 整個小社區的面貌徹底改變 ，由以往成行成市專門售賣喜帖的小商店變為滿街食肆及高檔零售；車道移走，換`來行人通道及小廣場貫通整個屋苑，市民可隨意坐在沿途的長櫈上休息，偶爾小廣場還會進行一些展覽活動，身處其中會有一種閒逸的空間感覺。今日同朋友行行下，不經不經覺已到晚飯時間，剛好大家又好想食韓國菜，便即時上網搜尋，原來有一間韓式小館就近在咫呎。韓式小館室內以木色為主調，地方寛敞，環境舒適，仲有我地最喜愛的大梳化卡位，可以話係自成一角，可一邊吃飯一邊暢所欲言也不怕。看著餐牌，實在好多款式都想試，惟幾個人都拿不着主意，所以最後都是由侍應建議點了幾道餐廳推介菜式。餐廳先為每位客人先來個前菜，包括泡菜、牛蒡絲和黑木耳絲。味道唔錯，亦吃得出是新鮮醃製，十分爽口。韓式甜辣炸脆雞塊 $118外皮炸的好靚，薄薄的一層份粉漿包裹著嫩滑的雞肉，醬汁酸度調較得剛剛好不太甜，咬落帶有少少辣 ，配合火箭菜一齊食更好味。烤醬油豬柳伴野菜沙律 $168豬柳肉醃得十分入味， 不用點醬汁也經已很好味，肉質肥瘦適中 ，口感鬆軟 ，再以紫蘇葉 、紅生菜、甘筍、青瓜、黃椒倦着一齊吃又健康又

下午同同事食好西，去左喜帖街的首首食韓國野。無BOOK枱都有位，不過就坐個大枱同其他食客SHARE，不過都OK 的，唔嘈，傾偈都方便。我同同事仔心大心細，個MENU上所有野都好似好好味咁呀，MENU第一版就係個SPICY海鮮湯飯，咁我想第一版應該係推介，其實我好想試但又怕SPICY，結果我退而求其次試了一個牛肉湯飯，一食就不得之了呀﹗牛肉湯飯個真係好甜，係肉甜唔係清甜，好濃郁，我真係在香港其他地方未試過咁甜的牛肉湯呀﹗而個POT有好多牛肉，佢係有少少咬口的肉質，我同事就嫌佢唔夠淋，但係我就覺得OK。啲肉係有少少肥，雖然我有少少怕肥，但其實咬開佢都好易，同埋食到少少肥又覺得佢好0個種肥美的感覺，真係起罪惡，餐廳又唔姑寒都有幾多夠肉架。最正我係將佢D白飯倒入個湯食，食吓食吓，我成個飯同湯都飯哂，一滴都無淨呀，你話幾咁誇張。佢個SET同場加映啲前菜，我同事試到佢係自己MARINATE的，即係新鮮﹗而餐後又有COFFEE, 都係靚野黎架﹗總括，要俾個9分佢呀﹗

話說今日要OT，兼且撞正落雨天，在灣仔返工的我不想再周圍去，於是就叫早放的另一半搭來灣仔等一等我。幸好，放工時不算好大雨，但既然我倆都在灣仔，那就周圍看看吧。我們出了地鐵站行兩行，另一半話想去囍帖街兜下。殊不知我們在囍帖街在雨中慢步時，旁邊就看見這間首首.韓式小館。首首.韓式小館在囍帖街上真是十分搶眼，有著一塊大大的透明玻璃，令人可以邊食邊看街邊美景。在進場前，我們亦須要看看餐牌先吧，食物款式、價錢在灣仔囍帖街確實是最符合我們的。我們選好食物之後，很快就有前菜奉上，值得一讚。⋮ 1. 手工泡菜海鮮煎餅, $118我們首先點了一份手工泡菜海鮮煎餅來作為前菜。另一半很喜歡吃韓式泡菜，這個泡菜海鮮煎餅肯定能滿足她的要求。開胃的泡菜配上爽口的海鮮，加上煎餅滋味的脆感，入口時可以用熱辣辣香脆脆來形容，儘管亦不是很辣。手工泡菜海鮮煎餅的鬆脆口感認真一流，但如果為這份煎餅再配上一些特製醬汁，那就絕對錦上添花了。⋮ 2. 長泡菜燉穀飼豬肋骨, $138上面已經提過，另一半喜歡泡菜關係，我們之後亦點了這份長泡菜燉穀飼豬肋骨。不說不知，這份穀飼豬肋骨是配以湯汁的形式煮成的，所以在進食之前，我們很自然地要先

呢晚帶左個fd黎睇利東街個地球，順便食餐好。我地冇揀定邊間餐廳，不過見呢間韓國菜裝修幾靚就食下啦。入面環境暗暗地好有feel，同平時食開ge韓國菜好唔同，連menu都精緻過人。我地叫左一個飯一個小食一個炒粉絲。落單後餐廳送上前菜，泡菜幾好食，中間食唔出係咩，但唔辣幾爽口，右面應該係青瓜。粉絲彈牙，好多料，勁多蝦，仲有帶子同魷魚，辣辣地幾惹味，係油多左d。平時我唔多食雞皮，但呢個雞翼一定要連皮食，味道甜甜地，個皮仲要好脆身。上菜個陣唔覺得佢熱，但撈起個飯上黎都滋滋聲出哂煙。撈埋佢個韓式辣醬真係唔錯。

約了男朋友在囍帖街等，由於下大雨的關係，我們不想走太遠吃晚餐。經過這間店，看到門口的餐牌，發現原來這間店是吃韓國菜的，感覺還對胃口，便在這裡吃晚飯了。這裡坐位挺寬敞，放了袋子、雨傘和外套還有一點空位剩，不會坐得不舒服。我們點了炆牛腩絲蛋花粉絲湯、牛肉五色石鍋飯和春川石板辣炒雞肉。炆牛腩絲蛋花粉絲湯附送一個飯，湯是有點辣的那種，但又不會嗆喉，正好驅驅淋了雨的寒氣。春川石板辣炒雞肉有切碎的紫蘇葉晒在表面，吃的時候，把雞和紫蘇葉混在一起吃，又香又辣，又減去油膩感，值得一讚！另外，這個辣炒雞肉加了一些年糕在裡面，年糕是片裝的那種，很黏韌入味！牛肉五色石鍋飯附送一個清湯和韓式拌醬。很久沒吃韓國菜，差點忘了要把飯拌好才吃！牛肉份量很多，吃到最後一口，還是有牛肉的～飯有點點飯焦，但又不會過焦和過多。個人覺得拌醬可下可不下，石鍋飯巳有足夠調味～值得一提是這裡的待應們都很細心，除了會不停加茶外，還會主動問要不要提供碗給我們分來吃～

之前行街經過利東街，見到首首.韓式小館嘅裝修好有特式，好似酒館咁有情調。上網一查，發現都幾好評，就一直想試試。點知食完晚餐之後就好失望。其實我哋今次都好保守，都係試餐牌上有’首’呢個圖案嘅菜式，諗住招牌菜就一定穩陣，點知好失望。😔全餐最滿意嘅係前菜，有泡菜，黑豆同芽菜。泡菜酸辣適中，黑豆香甜，芽菜就小咸，都幾開胃。主菜我哋叫咗韓國山野菜大醬拌飯。上枱時，配料，大醬同飯係分開上嘅，等我哋就住自己嘅口味拌飯。配料有四種食材，包括芝麻葉，細葱，紅蘿蔔同秀珍菇。我哋先試咗大醬嘅味，一試上口我同男朋友就覺得個味唔係好啱我哋，得咸同酸嘅味，比較偏酸，完全無豆香。不過都叫咗，點都要拌入個飯試下。我哋將三分二份大醬同所有配料拌入個飯，個拌飯一入口就好大浸草青味，連埋個偏酸嘅大醬，真係怪怪哋，令我哋完全無意慾繼續食。我哋好努力咁食，最後都係食咗一半乍。另一個餸-烤手工製牛肉餅伴年糕配蜜糖醬油汁-又係招牌菜，睇食評都有唔少人推介，點知又係令人失望。中肯啲講，其實個牛肉餅係有牛味，但真係好乾！又乾又嚡，真係令人腳步。我哋最係又係食唔曬個牛肉餅。反而個配菜-煎年糕正正常常，我哋有食曬。整體嚟講，今次都食得幾失

好耐冇食過韓國嘢今次放工嚟到灣仔呢邊聽聞利東街有間韓式餐廳一於就試吓啦餐廳嘅裝修都幾有自己嘅風格雖然就同韓國嘅餐廳唔係好一樣不過都幾有格調首先我地點左一個手制嘅烤牛肉餅牛肉大大件雖然只有兩件 其實份量好夠牛肉味好重同埋唔會好乾風味十足可能我哋太鍾意食牛再嚟佢係牛肉拌飯因為比較簡單嘅菜式就可以考驗到餐廳嘅水準牛肉拌飯配上佢哋特製嘅韓式辣醬雖然飯嘅份量都唔少但係加埋辣醬都好惹味最後嚟嘅係酒香燜豬腩肉雖然唔係好感覺到有酒香不過肉都好林身如果有埋韓式嘅甜酸醬就更好

今晚獨自去利東街睇聖誕燈飾影相，就在利東街食晚飯，看見這間裝潢好有特色的”首首”，十分有興趣，每逢有節日主題燈飾等活動，這家餐廳都正對著，環境氣氛一流，今天餐廳客人倒不少。看到宣傳，原來星期二有些招牌菜式有50%off優惠，精選韓酒更是買一送一，剛好被我遇上了。看看Menu，這家餐廳是食韓國fusion菜，點了三道菜式試試。店員先送上前菜。煎蠔每隻飽滿，有足足八隻，外層蛋包金黃，入口蛋香味濃，蠔厚身，熱辣辣又汁潤，整體不錯。愛雞翼的我，點了這款香烤蒜粒醬油雞翼，多粒原粒蒜拌碟，入口不會有太濃烈的蒜味；雞翼皮脆，肉嫩滑，六隻雞翼我一人獨享最滿足。今天正好有半價，份量好夠，豬腩肉切得厚身，有脂肪但不油膩，連皮入口反而有爽口彈牙的感覺，上面鋪滿炸蒜片，配上特調醬料的紫蘇葉，每片紫蘇葉都蘸上了特調韓式酸辣醬，把豬腩肉蘸上醬汁再放上片子蘇葉，入口微辣香口惹味，很喜歡紫蘇葉味的余韻。

踏入秋冬，天氣漸冷，尤其是在下雨天更覺寒意。利東街向來充斥不少餐廳，但大多以甜品輕食為主，一心想品嚐暖烘烘的食品，這間韓國餐廳似乎就是不二之選。不論環境還是要食物款式，這裡顯然與一般韓國餐廳截然不同，裝潢比較摩登時尚之餘菜式方面亦帶有Fusion之感。首先送上三款韓式前菜。韓國宮廷煎蠔 ($188)將蠔裹上蛋漿香煎而成，令蠔能夠保持完好無缺，肉身肥美飽滿，不過油量頗多，幸好配上蔬菜及帶酸的醬汁剛好中和一下油膩感。傳統豆醬海鮮湯 ($168)在寒冷的天氣下品嚐一窩熱騰騰的湯品就最適合不過，海鮮湯以石鍋呈上保持溫度，亦充滿大蝦、青口、魷魚等海鮮及嫩豆腐、洋蔥、香菇等豐富配菜，不過當中有兩隻青口尚未煮至開殻；湯頭鹹度適中，調味不會過重亦不油膩。雖然整體價格較高而份量相對較少，但環境相對寬敞舒適、服務態度良好，而且屬於坊間較為少見的新派韓國料理，餐牌當中尚有不少別具特色的菜餚，看到其他人推薦其韓式下午茶賣相相當精緻，如有機會會再來一試。

今日去灣仔溫書順便又去去利東街行下，有d鐘意呢個地方！大約係下午3點到，同朋友黎，我地都未食午餐，只好係呢到搵搵好西啦！帶住好餓嘅胃去搵到呢間韓國野食！go!我地去到唔算多人，有得坐大枱卡位！坐得好舒服而且覺得佢地嘅設計好有復古,好靚同一般韓國餐廳一樣都會有前菜！呢個泡菜係比較酸嘅，少少辣！中間係土豆絲，都重麻油味架！而最右應該係白蘿蔔，好爽口，唔會辣，都係較酸！所以前菜都係好開胃的叫咗呢個tea set!同埋試試呢個韓國仁川米酒，第一次飲又幾特別！本身仲驚好難入口，點知又唔會喎，而且飲落去甜甜地，有種奶奶地嘅感覺由於我地真係太餓，所以仲叫咗幾樣野食牛肉拌飯！d牛肉真心超好味，仲有平時冇嘅葉，撈埋有種特別嘅香！呢個係五花肉，好特別嘅食法可以包住d葉，上面都有調味，個人覺得要包住食先好，因為就咁食d五花肉會冇咩味蒜粒醬油雞翼！食落有d似蜜糖雞翼，甜甜地！而且脆脆地架！正泡菜海鮮餅！每一塊都有好大嘅蝦！正呀！爽口，而且又煎得好脆終於黎咗個tea set,哇哇哇！好靚好大，超吸睛！連外國人都係咁望住我地個tea set!其實食完上面果d 已經飽飽地！但我地冇浪費食物架，慢慢食哂！不過提翻手工

灣仔利東街每次有咩特別主題裝飾， 都會去朝一朝聖～ 今次就同小妹去左一家裝潢型格摩登嘅韓國餐廳， 其實從門面睇完全唔似韓國菜😂。 餐廳裝潢有情調， 沒有勁爆嘅KPOP，只有柔和嘅燈光， 比其他韓國餐廳多了一份浪漫💕感， 情侶約會也很適合！😏 先送上前菜， 有泡菜、醃黃瓜和木耳， 泡菜和醃黃瓜不會太辣，感覺調和了以配合更多外國人的口味， 木耳清淡爽脆，用來洗滌味蕾最為適合不過～ 菜式走韓式fusion菜路線， 大部分用了較新穎烹調方式或講究嘅配料。😯 傳統韓式辣炒美國自然豬豬肉（$128） 見到食材用上自然豬，感覺更健康！ 辣炒豬肉其實唔係好辣， 主要係甜辣為主～肉質軟腍入味，不錯吃！ 旁邊配上酸白菜、洋蔥、香菜和蒜頭， 如果有生菜可以將所有配料包住一齊食就更好！👏🏻😏 韓國🇰🇷山野菜大醬拌飯（$128） 5款配料：翠肉瓜、芝麻葉、香菇、細葱、紅蘿蔔一一奉上， 香菇和翠肉瓜也事先調味好。 我想這道主打嘅地方就是可以自己拌飯，😂 玩得又食得！😎 倒入所有配料和自家製大醬一起拌呀拌， 鹹香味美，多重口感，食得又健康！ 炒韓國粉絲（牛肉）（$98） 唔好睇佢賣相不揚，其實

男朋友在金鐘工作，接了他收工後來到了利東街覓食。利東街整條街都很有外國feel，而我和男友就選擇了吃這家不起眼的韓國菜。為什麼說不起眼？因為整間店的裝潢都與利東街的風格配合，沒有什麼韓國風，而且門面也只有寫著英文餐廳名。食物選擇方面也算多，職員也很積極介紹餐牌上的食物跟飲料，最後叫了春川石板辣炒雞肉、韓國酒香醬汁燜豬腩肉、兩杯cocktail。職員還推介我們下載一個app做會員可以儲分之外，還即時送多一份韓式炸雞，不過我怕吃不完，就沒有下載了。Hendrick's orange，Hendrick's watermelon $88這是職員推介的，說可以自己shake&shack，體驗一下做bartener。味道方面橙味- 淡淡的酒味，不會太濃烈，女生也可以接受到。西瓜味-略嫌有點藥水味，我不是很喜歡。春川石板辣炒雞肉 $138份量比我想像中的大，入面除了有雞肉之外，還有年糕、蕃薯片、洋蔥等一起炒。雖然menu上辣度有3粒星，但其實並沒有想像中的辣，甜辣甜辣的。開胃之外還非常下飯。所有食材都很入味。韓國酒香醬汁燜豬腩肉 $148份量依然是很大啊！除了有豬腩肉之外，旁邊還有洋蔥和醃製了的芝麻

不嬲都唔多鍾意喺香港食韓國餐，但今日嚟到呢度，竟然俾我見到兩個韓國人入去食lunch喎！韓國人都食，咁梗係要跟住食啦！入到嚟，環境超企理有兩層，而且洗手間喺樓上，個牌仲用韓文寫㗎，竟然有一種喺韓國食野嘅感覺！前菜我唔食得辣，Kimchi對我嚟講已經好辣！另外木耳及蓮藕都好爽口牛肋肉蘿蔔湯 ($158)其實係牛肋骨連肉，估唔到$158有7塊咁多！平時百幾蚊得2-3塊㗎咋，驚喜！湯非常清甜香濃唔鹹，用嚟撈仁川米飯食好開胃；牛肋骨係好軟腍，我想咬開嘅時候，舊骨竟然瞬間跌咗落檯面，骨肉分離真離譜！蘿蔔超級入味，味道清甜唔苦，非常滿意！烤手工製牛肉餅伴年糕配蜜糖醬油汁 ($168)賣相好吸引，牛肉餅好有光澤，睇見就好想食！旁邊嘅年糕外脆內軟，醬汁徘徊在似甜又鹹之間，非常惹味；牛肉餅口感似漢堡扒，甜甜哋好入味，手打得好結實，唔會一咬即散今日嘅餐飲係人參雪梨茶，入面加咗少少柚子，令人參味道唔會太濃郁，就算唔鍾意人參嘅都可以飲得安心食完當然要走上樓上睇吓，裝修一樣係咁型格，但可惜洗手間原來係要行到去商場入面，一路行一路心諗到未啊？如果餐廳入面都有洗手間就好了！

利東街西餐廳林立，原來都有間特色韓式餐廳，餐廳裝潢精緻，座位舒適，我地就放工後黎舒舒服服食晚飯。要鬆一鬆，當然要叫支啤酒，這支是韓國啤酒，夠冰凍，麥味香濃。每位都有一小碟前菜，有泡菜、海帶、酸甜蓮藕。好喜歡泡菜，如果有多點泡菜就更好了，好開胃。牛肉飯配一碗湯，有清淡的洋蔥味，不錯。牛肉飯有海苔、芽菜、菇、青菜，牛肉嫩口，肥瘦適中，辣醬微辣，把所有菜與醬料攪伴均勻，一口吃到所有菜，口感豐富，好飽肚！見差不多每位食客都點牛肉餅年糕，我地又試下。牛肉餅好鬆軟，牛肉新鮮，有蜜糖甜甜的味道，再配蒜粒，甜中帶少少咸，年糕軟綿綿，這菜好特別！埋單發現原來happy hour酒有7折！

剛出門時下大雨，幸好到灣仔時天晴。最近從韓國釜山回來後，一直念念不忘韓國美食，最近終於有閒情到韓式小館品嚐。這次選了這間餐廳，昔日工作地點附近一試韓國菜。利東街，高檔餐廳的聚集地，晚上三五知己下班後到餐廳外的小走廊小酌，漫看街道上熙來攘往的人，別有一番風味。侍應徐徐端上前菜，三款精緻的醃製食物。蘿蔔的粉爽、 蓮藕片的鮮爽和橘子醬的清甜都讓人細味。但我還是最喜愛泡菜，這裡的泡菜一片接一片捲着，一片接一片夾起，有如拆禮物。傳統豆醬海鮮湯($168)，韓國平民的特色料理，以韓國豆醬為主要材料煮成的湯。油份甚少，主要是豆醬味，清淡而不覺過鹹，拌飯或光喝也可。豆醬湯比海鮮配料更吸引，尚未吃海鮮，豆醬湯已差不多被我喝光。把湯喝光後餘下的海鮮，海鮮種類甚多，有兩隻蝦、帶子和青口等。豆醬海鮮湯怎少得韓國白飯配是日清湯($20)相伴。飯粒粒粒飽滿，充滿飯香，煙韌有口感，放入熱騰騰的石窩湯內，飯粒吸滿豆醬汁香，真想多添幾碗白飯。手工泡菜海鮮煎餅(3件)($108)，餅底香而帶嚼勁，口感和味道都與我在韓國吃的一樣。泡菜味濃但不辣，爽蝦放在煎餅正中間，旁邊以紅辣和青椒作襯托，賣相甚佳。多加幾粒海鮮會更好吃。甜