紫荊閣 (已結業)

朋友飯聚推薦這間傳統粵菜，見到menu 有好多想食嘅菜式，令我非常期待這次飯局。先上枱嘅係預先訂好嘅冬瓜盅。非常適合現時炎熱嘅天氣。冬瓜盅非常足料，但湯有啲淡口，不過配合其他菜式就非常之夾。跟住上枱嘅有兩款小食：蜜汁燒雞肝同蝦多士 ，都係平時比較少見嘅菜式。燒雞肝冇好似金錢雞咁有肥豬肉包住，可以更加食到雞肝的原味。 蝦多士炸得脆而乾身，師傅應記一功。今時今日已經很少酒樓會有叫化雞。不過坦白講除咗新奇好玩之外，我並不特別喜歡這道菜。我反而更加欣賞 另一道懷舊菜香酥鴨。師傅真係炸到酥香。另外仲有咕嚕肉同金銀蛋莧菜。咕嚕肉嘅甜酸汁教得不錯。甜品係令我整晚最期待嘅焗西米布甸。果然沒有令我失望。上面夠燶，而布甸亦冇水汪汪的情況。

🧆懷舊粵菜 #紫荊閣-🔸冬瓜盅🔸時菜炒斑球🔸叫化雞（一隻）🔸八寶鴨（半隻）🔸百鳥歸巢🔸蝦多士🔸蓮蓉壽包（半打）🔸蓮蓉西米焗布甸🔹另收加一服務費.早排同班好朋友傾開謁發現我哋識咗十幾年都未一齊食過高級酒樓，就上網搵咗幾間，有啲出名嘅想食但full booking，就book咗依間紫荊閣試吓先。懷舊粵菜聽就聽得多喇，但今次都係第一次食，首先叫咗個晚市孖寶，有冬瓜盅再自選指定小菜一款，我哋就揀咗時菜炒斑球，時菜都可以自選就揀咗西蘭花。冬瓜盅🍲好清甜好啱夏天飲，一盅夠晒我哋六個女仔每人飲咗2-3碗。而炒石斑🐟有8塊魚，都幾大舊，味道就不過不失。叫化雞即係「乞衣雞」🐔，我細細個就聽過依個名喇，食都係第一次。一出場好似一舊石咁，然後可以自己卜碎佢，打開裡面就係一隻焗雞，肚裡面仲釀咗啲雲耳、冬菇同金針，雞肉味道幾好有少少荷葉味，內饀就有少少過鹹。想試記得要早一天預訂先食到。蝦多士🦐🍞炸得幾脆，蝦都大大隻，記得配埋酸甜醬可以解少少油膩感。之後到百鳥歸巢🥙，一個炸薯仔絲砌成嘅「鳥巢」裡面放咗好多唔同材料，有鵪鶉蛋、腰果、魚粒、鮮蝦、帶子、西芹、蝦乾等等。好多款材料，都幾好味，但腰果淋咗唔脆好可惜！最後主

Boxing Day 🎁🎅🏻🎄慶祝兩老生日，去食懷舊菜。 懷舊菜選擇不多，朋友介紹下，選了這間，果然冇介紹錯。飯店位於小型酒店內，因為人不多，地方尚算舒服，但坐滿的話，會有少許擠迫。食物方面，有得讚無得彈😁。我們一共十五位，點了十幾款菜，特別要介紹的是幾款懷舊菜色，全部都整得好有水準，大家都食得好開心，食物可以看以下相片。特別一提，有好幾款懷舊菜都要預先訂定。總括來說，除了地點不太方便外，本人覺得這間飯店很好，可以一試再試。👍🏼👍🏼👍🏼

紫荊閣係一間懷舊粵菜，好多菜式我都未食過，都好少酒樓有提供啦叫化雞(要預訂)由上菜到揭開塊荷葉，啲香味四溢，連隔離枱既食客都大讚👍🏻雞肉焗得好淋，但係保持咬口。有肉汁有肉味又唔乾身，連其他配菜雲耳冬菇都好入味。冬瓜盅超級足料，好清甜不油膩,一個冬瓜盅足足分到18碗呀😱😱😱每人有3碗呀窩貼明蝦夾(例牌6隻) 其實係蝦多士，係我全晚最愛既菜式，好好好好食呀，炸得好乾身，非常脆口，唔會搞到成手油👍🏻👍🏻👍🏻蝦大隻又新鮮，蝦同多士之間有層醬，但係食唔出係咩😂😂蟹肉蛋白炒魚肚又係一個出色嘅菜式，唔係平時上海菜食嘅一pat pat蛋白，煙煙銀銀既口感，送飯食係一流菠蘿咕嚕肉(本人已戒豬，不能品嚐) 色澤炒得好靚，聽到隔離嗰個食卡卡聲，應該係炸得好脆口雖然一早已訂全晚菜式，餐廳都唔會一早出晒所有菜(除左叫化雞) 確保每個菜可以慢慢品嘗可惜辣椒油就真係得油😂無任何既辣椒樓面侍應服務都好了得，主動幫手影相 切餅 笑容滿面

也許每個人心目中都有一道特別的菜，它之所以特別，可能就是因為背後有一個故事。 一道富貴龍鳳球，可會勾起種種回憶？因為它是六、七十年代必備之婚宴菜式，親親媽咪的這夜，我與她往一家舊店重開的粵式飯店，名叫紫荊閣，讓媽媽回味這道當年、在她重要日子當天、充當了一小小環節的菜色，沈默寡言的她，沒有說甚麼，嘴邊掛著微微的笑容，這一刻她的內心，可會是甜蜜的回憶！富貴龍鳳球 所謂龍鳳球，龍是蝦球、鳳是燒雞潤，做法是以新鮮海蝦捲起焗好的雞肝，外層沾上生粉放鑊高溫快炸，炸起後混合自製沙律汁而成，以當年來說，是婚姻的貴價菜，確實富貴。 再以白芝麻點綴，西蘭花伴菜，企理大方，富特色但不驚為天人，比喻細水長流麼！ 外脆內鮮美，炸物不沾一點油光，師傅的巧手。 看看橫切面，一方見全只新鮮蝦球，另一方是大大件的雞肝，兩者本是南轅北轍的食品，原來非常匹配，鮮香豐腴，脆口滋味，吃得出材料之新鮮及師傅之手㙯，回甘悠久，愈吃愈美味！男才女貌龍鳳配，天長地久，確是好意頭！美味指數：4.0/5 ------------------------------ 其實舊店重開非常難得，尤其是機乎原班人馬，怪不得飯店經理告知，廚房內的

朋友介紹去紅磡Sav Hotel 食中菜-紫荊閣，座位寬敞，有一家人食飯既大枱，又有同客傾生意既細枱。呢度最有特色係-叫化雞（乞衣雞）， 當然一早預訂。坐低不久，雞先上，一車推出黎，店員可讓客人自己弄碎外殻, 用除仔扑左幾下，試試手感，之後比返店員。碎開後就聞到荷葉香味，店員用較剪剪開，啲骨焗到軟晒，切開隻雞裡面內有乾坤，有冬菇絲，紅棗作餡料，滲透入雞肉，成隻雞都好香。小菜叫了西蘭花炒花枝片$128，花枝片唔會韌，彈牙。再點了菠蘿咕嚕肉$98，外皮鬆化，個甜酸汁好醒胃。還點了香蔥淮香蝦$128，炸至脆口，香蔥味濃郁，蝦身有淮鹽香味，爽口。已好滿足之濟，店員還說會送上甜品，係海帶綠豆沙，加了海帶芽好幼滑，綠豆起沙。價錢唔算貴，以酒店級數，每人約$250。

前幾年試過Sav hotel 的high tea set , 見到呢度裝修有Style，check in counter 夠時尚，係間夠型格的酒店，外牆都feel 到，而且見到地下有幾間可讓旅客買手信的店鋪，可讓旅客入住也可以方便買手信，夠貼心。到中菜餐廳紫荊閣，知道呢度有巧手功菜-叫化雞$480@ ， 店員推車黎到，已引來旁人目光，可讓客人自己扑碎外殻, 記住要預早訂雞，呢到仲有好多懷舊烹調菜色，都係要預訂架。碎了後已聞到陣陣荷葉香味撲鼻，店員亦細心為我們剪開，明顯見到骨同肉都可隨意剪開，已想像到成隻雞已焗左好耐，非常入味。拆開裡面，見到釀左冬菇絲，紅棗作調味，材料滲透入雞肉，非常入味。之後叫了香蔥淮香蝦$128，炸到鬆脆，其實可以連殻食，香蔥味好出，其實連蝦頭都好鬆脆，可以就咁食。仲有西蘭花炒花枝片$128，花枝片彈牙烟韌。我至愛既菠蘿咕嚕肉$98，好好餸飯，咕嚕肉唔會好肥膩，外皮鬆脆裡面有肉，個酸甜醬剛好黏住皮，非常開胃酸甜。最後餐廳仲送甜品，係海帶綠豆沙又有臭草嘅香味好滿足嘅一餐。埋單每人$240左右，環境高級，合理。不過因星期六晚都較多人，要預長少少時間進餐。

今天到紅磡探朋友，他話屋企附近開左間新酒店，有間中餐廳-紫荊閣，新裝潢又近黃埔地鐵站，相約一齊去試下叫化雞製作煩複，用料豐富，雞預先醃好，再將金針、雲耳、肉絲、紅棗及東菇放入雞肚內，然後用荷葉包住，外面再用泥封住再烤焗雞有荷葉香，鮮味、肉質好滑金針爽甜，東菇吸左雞味道，令菇味更鮮陳皮燉鴨湯鴨湯陳皮味啱啱好，清甜甘香，加入番茜令到湯香味提升鴨肉依然好滑，肉味香濃鎮江骨，呢度切得比較大件，要用刀义品嚐，肉質鬆化，醬汁用左黑醋，酸酸甜甜既開胃又惹味蟲草花雲耳浸豆苖份量比較多，豆苗淸甜飯後送甜品-紅荳沙

是晚同大學同學食團年飯，當然係食中餐啦！中餐食得多，但懷舊菜真係第一次。由搞手決定是晚菜式，有好多真係聽過未見過。叫化雞之前都係喺周星馳啲戲見過，原來真身係同戲一樣架！好濃好入味！龍鳳球平時出街食都有呢個，入面有雞潤都係第一次。小妹唔太食內藏，但都覺得要試試。潮式椒鹽骨椒鹽骨食得多，但呢個濕濕地，好得意。送飯一流！豉油皇大蝦雀巢椒鹽茄子豆腐 （必食）呢個真係一試難忘，炸茄子食落冇咩茄子味，反而有芋頭魚味。豆腐睇落好似好硬，但食落又好滑好軟。爆瘡？食完先算啦蒜蓉粉絲蒸扇貝粟米斑塊（推介）可能會覺得冇咩特別，未又係粟米魚？錯啦，唔知點解呢個魚炸得黎好鬆化，同出面嘅差好遠！蟲草花雲耳浸白菜仔生炒糯米飯食到咁上下已經戰鬥力下降，都唔記得要相機食先...不過我都食左啲。如果鍾意食糯米飯，一定要試！西米布甸係未懷舊菜我唔識分呀，但甜品真係唔少得。睇落好似好飽，但真係會食唔停口...好香奶皇味但又唔甜，對鐘意奶皇嘅我好吸引呀！