酒鍋 (V Point) (已結業)

小編又去銅鑼灣「酒鍋」食過返尋味啦！ 店舖座落於V Point嘅27樓高層， 可飽攬維港嘅無敵大海景打邊爐， 真係幾時幾刻都覺得咁有feel～😎 食火鍋前先混個醬～ 醬料有12款之多！👏🏻 一見到醉生夢鍋（$368）就諗起「醉生夢死」呢個成語， 醒著嘅時候就像喝醉一樣～ 一試就5款湯底，真係令我有醉生夢死嘅感覺！😂 除咗主角酒燒龍蝦黑松露芝士， 還有花膠黃油雞、肉骨茶、四川麻辣和沙嗲。 每格湯底都材料十足， 有大大塊花膠，既滋潤又養顏花膠雞湯底， 肉骨茶養生補氣， 四川麻辣辣而不嗆喉，仲有豆卜等吸湯食材， 辣得過癮！👍🏾 沙嗲湯微辣惹味，花生香十足！ 最後仲有超邪惡嘅黑松露芝士鍋， 有點像芝士火鍋Fondue嘅食法， 香濃「芝」味～ 二人海鮮拼盤（$368） 有海中蝦、花甲、蟶子和扇貝， 全部都超新鮮！ 打邊爐食海鮮，「酒鍋」嘅新鮮度稱得上數一數二！ 以冰鎮保持着海鮮嘅新鮮， 海中蝦超爽彈， 花甲洗得乾淨，沒半點沙， 蟶子鮮甜有嚼勁， 扇貝超大隻，咬開後還保留一絲絲嘅口感，鮮味十足！😋 掛架頂級安格斯牛頸脊（$188） 雪花均勻嘅牛頸脊整齊地排列着， 份外覺得誘人美味～😜 牛肉入口爽嫩多汁，肉味豐腴！😋 黑毛豬腩肉玫瑰🌹拼盤（$268） 卷成玫瑰花形狀嘅豬腩肉，油脂豐足， 吃起來肉香濃郁，鬆軟美味～👍🏾 黑松露蝦蟹餃（$88） 餃子皮呈黑色，果然係黑松露！😂 一咬開，黑松露香氣撲鼻， 蝦肉爽口彈牙，蟹肉鮮香十足！ 燒汁牛肉福袋（$78） 黃色嘅福袋係由蛋黃製成的， 裏面藏着牛肉，味道新穎，口感有趣，值得一試！ 蜂巢豆腐（$38） 吸左湯之後，軟得像海綿、層次感極高的蜂巢豆腐， 吸盡了湯底嘅精華， 一咬落去，湯汁便在口腔中爆發～😌 見係新菜式，所以想試試看～ 台灣空運鴨血（$68） 鴨血細嫩爽滑，久煮不硬， 口感和營養價值都比豬紅更勝一籌！😌 什菇拼盤（$68） 真係說得出嘅菇都有， 秀珍菇、金針菇、鮮冬菇、雞脾菇、靈芝菇， 款款都新鮮～ 色彩繽紛嘅蔬菜拼盤（$68） 好少打邊爐會有羽衣甘藍和西蘭花， 一個價錢可以試到超過10款嘅蔬菜，值啦！ 即炸手工紫菜響鈴卷（$58） 即叫即炸脆卜卜， 不過略嫌紫菜太少。🙊 …查看更多

終於食到期待已久既酒鍋啦! 呢度真係旺到要提早好耐打電話黎book先book到,就算平日都好多日! 今次係老公加左人工,所以請我食好野!不過就算係平日都book左好耐先有位! Cwb既酒鍋係V Point,呢棟出名食好野,上到去見到環境好靚,最無敵既係有兩邊落地大玻璃,右面望到維港海景,前面望到灣仔合和以及遠望山頂! 果晚好好天,景觀真係無敵!打邊爐之前,我地想先試d特別既小食! 老公見menu有個非一般既花膠,又知我鐘意食,所以叫左個"秘制台式麻辣大花膠"! 花膠配麻辣?真係好surprise ! 舊舊花膠都大大塊,厚肉地,勁有口感,有5大塊! 估唔到配埋麻辣,個味道咁搭喎! 麻辣唔算好勁味,算係小辣過癮果種,既食到麻辣既香又有花膠既鮮! 好食!講返個邊爐先,打邊爐最緊要緊係最重要個湯底啦! 酒鍋最出名既係"香港原創五格鍋", 老公鐘意食芫茜,所以點左個"巨無霸芫茜鍋"! 有幾"巨無霸"? 真多芫茜到估你唔到,大概係一座山咁高…好勁多啊正! 我地呢個係四格鍋,分別有清湯牛腩 (無花無假,有4-5舊牛腩同豬紅架,而且係靚腩唔肥,落埋芫茜落去個湯清得黎好香) + 番茄薯仔豬骨 (誇到呢,細細格鍋有一大舊豬骨,落足料,番茄味濃) + 喇沙海鮮 (海鮮有2隻大青口,n隻蝦! 絕對唔係急凍海鮮,全部都好新鮮,配上香濃既喇沙,特別鮮味) + 最後有四川麻辣鍋 (好辣既我最like呢個,麻辣味好地道,勁度有小至中辣,過癮!)叫火鍋料啦! 必叫"掛架頂級安格斯牛頸脊"! 呢個絕對係酒鍋既招牌菜! 就係見到d friend食過影相,見到好amazing,所以急不及待要點! 一片片牛掛係架上真係好靚,自然相機先食! 牛肉切得好薄,係鍋裡灼酌已經食得,好嫩好滑! 配喇沙海鮮鍋既味就最match!另外火鍋食牛牛又點少得牛丸呢? 不過呢度既牛丸真係好special! 原來係和牛丸黎架! 初先咬落去覺得好硬,咬唔開咁! 不過大力咬落去,真係"好好好好……彈"啊! 原來唔係硬啊,係粒牛丸真係好彈,所以咬落去果下既口感勁澎湃! 威力大到令我諗起套戲既"瀨尿牛肉", 真係打乒乓波都得牛肉配麻辣湯底就最正,麻辣又彈撇yummy!海鮮呢,我點左花竹蝦! 一盤大蝦上碟好壯觀! 大盤冰底,每隻蝦都用竹籤插著,隻隻都好生猛,仲識郁架! 夠晒新鮮! 花竹蝦既口感,真係同普通蝦好同架,一節節既紋路好靚,牙肉彈牙又新鮮,而且膏好甜! 好正! 配清湯底可以食到原汁原味,推介!something special仲有店員介紹既響鈴! 初先心諗,響鈴就響玲啦,有幾special呢? 原來店員話呢個係酒鍋特有既黃金響玲! 哇…勁邪惡啊! 原來係響鈴包紫菜+鹹蛋黃,所以件響鈴既size係平時見既1.5倍,大大件,勁實淨! 咬落去有紫菜既香,仲有滿滿既鹹蛋味! 真係好好好滿足! 黃金響鈴配番茄鍋就最正! 滿滿的吸晒番茄味,好食!其他仲有叫左"沙薑雞餃", 好特別…黑色既皮包住既餃真係第一次試,不過配清湯食會好味d,可以食到沙薑既香味!至於我最愛既冰巢豆腐,我當然都會點啦!剛好有4粒,呵…可以每個鍋落一粒!吸晒每個鍋既精華! 真係好好食!  至于蔬菜拼盤呢,d菜都好fresh,最特別既係有雨衣甘南,都係第一次試!不過今次打邊爐無叫到啤酒,我地叫左兩杯特飲…peach on the beach + lychee energizer, 有幾fresh喎!幾好!呢餐真係食得好飽飽啊! …查看更多

火鍋當然與好友一起，才是最滋味的事，這晚又與幾位好友一起。好友們說是找到高級而美味的火鍋店，還是在商業區中，聽起來有點意外。火鍋店安排所謂「卡位」的座位，非常闊落，有點貴賓式享受。座下後，可看到海景及商廈景觀，有如在高級商廈上班所見的海景。枱上的的裝飾，調味品，甚至餐牌都很有特色，感覺完全不似是火鍋店。我們選的湯底為酒火入鍋，店員為我們送上湯底後，就有如把耍戲一樣，為我們示範何以為酒火入鍋。由五格湯鍋組成，中央是蝦木瓜湯、蘿蔔牛腩清湯、蕃茄波士頓龍蝦湯、四川麻辣湯及潮式沙嗲湯。店員將酒倒進中央圓形的一格後，燃點當中的酒，令中央的一格燃燒起來，大約持續十數秒就完結。隨後店員也再來，除了將湯加進中央之外，還為大家增添氣氛，原來就是將乾冰加進五格湯中，乾冰自然因湯的熱力而溶化，向四周流出霧氣。在乾冰的霧氣散去後，湯底也涼了，待再煮沸後再開始。先說說這個高級火鍋，可有什麼高級的食物。本地手切肥牛，以一隻寫著招牌菜的碟子上枱，真如其名，稍後知分曉。掛架頂級安格斯牛頸脊，以一個木架載著冰塊，感覺很是高級。黑毛豬豚腩肉玫瑰花拼盤，將腩肉片製作成玫瑰花，伴在冰一起，單是造形已經特別好看，真的有如玫瑰花的鮮艷。醜小鴨及開心小企鵝，外形很是有趣可愛，不知內裡是什麼。三拼福袋，做成一個一個小福袋的形狀，非常別緻。手打芝士蝦丸，手打芝士墨魚丸，看來不錯的樣子。七星報喜，看來是七種蔬菜混在丸子當中，很有心思。湯低再次煮沸，大家也急切地品嚐湯底的味道。蝦木瓜湯，最初是沒有任何味道，後來越來越濃，木瓜及蝦的味道越來越重，鮮甜中帶木瓜的清甜。蘿蔔牛腩清湯，蘿蔔牛腩的味道，有著牛肉的肉濃味，也有蘿蔔的甜，仍是個人喜愛的湯底之一。蕃茄波士頓龍蝦湯，朋友說是帶著龍蝦鮮甜，也有蕃茄點點的微酸，兩者非常配合。四川麻辣湯，麻及辣的味道很濃很厚，入口卻非常香滑，喜愛麻辣的人士，定會愛上。潮式沙嗲湯，朋友都說想不到沙嗲會有如此的香味，比沙嗲味道更香口。先試本地手切肥牛，蘿蔔牛腩清湯更顯肥牛的肉味，四川麻辣湯卻是層次感豐富。朋友們想邊飲著啤酒，邊吃火鍋，於是我們要了Asahi及Estrella。開心小企鵝原來是有墨汁一層的墨魚肉包著墨魚丸，入口又滑又彈的感覺，而且造形特別，很有特色。醜小鴨則是混有鹹蛋黃的魚蛋，彈口之餘又帶者鹹蛋黃的味道，卻又不會太濃，又另一特色。安格斯牛頸脊配合四川麻辣湯，非常香嫩，帶有層次感。而蘿蔔牛腩清湯中的蘿蔔已經煮得軟軟，吸收了湯汁，顯得非常美味。芝士蝦丸及芝士墨魚丸，同樣地滑溜無比，非常的彈牙。三拼福袋，外表是腐皮，內裡是蔬菜及碎肉包成，口感豐富，外形可愛。這晚的高級火鍋，不論環境，以及食物，都是非凡的享受。…查看更多

闊別「酒鍋」多月，上回到此享用午膳，過程確實有點趕急。今回與友享用晚餐，終可細意慢活享受。中午時份，店內日照光猛，食客可邊吃邊細味四周的畫作裝飾。夕陽西下，大家的目光則可投放於窗外，居高臨下欣賞璀燦的維港夜景。 吃火鍋首先要挑選湯底，對於有選擇困難症的朋友，餐廳一系列的「原創五格鍋」必然是首選。這個名為「酒火入鍋」的招牌湯底，由木瓜鍋、蕃茄波士頓龍蝦鍋、清湯蘿蔔牛腩鍋、四川麻辣鍋，以及潮州沙嗲鍋五款湯底組成。店員送上湯底後，會在木瓜鍋內加酒再點火，頓時火光熊熊，正正式式是「酒火入鍋」。不消一會，店員又會在鍋中投入乾冰，烈焰瞬間化為輕煙，極具視覺效果。 五款湯底比較，小編最喜歡木瓜鍋，除了有芳郁的酒香外，海中蝦食感鮮爽，木瓜味道甜美，同樣討人喜愛。清湯蘿蔔牛腩鍋亦屬推介湯底，蘿蔔清甜，牛腩味濃。至於蕃茄波士頓龍蝦鍋，個人建議調高蕃茄的投入量。四川麻辣鍋味道過於辛辣，不太合個人口味。海鮮與肥牛一向是火鍋的黃金孖寶，這客「二人海鮮拼盤」內含蟶子、扇貝、海中蝦及海蜆四款海鮮，鮮爽的海中蝦仍舊是最佳食材，甜脆的扇貝緊隨其後。海蜆本味不俗，但因內藏少量沙，稍稍影響了評分。 「掛架頂級安格斯牛頸脊」一字排開掛起呈上，擺盤賣相富新意。只需把牛頸脊放湯輕炙片刻，即可享受到鬆軟味濃的優質牛肉，讚！手打丸類方面，小編淺嚐了「七星報喜」及「咪酒雞」兩款小品。「七星報喜」和牛頸脊一樣一字排開，七種丸物七種顏色賣相亮麗。整體而言，各手打丸物皆有不俗的彈牙特質，小編尤其喜歡墨魚丸及黑松露丸兩款。 「咪酒雞」的賣點明顯是可愛的小雞造型，手打丸物同樣出色，下方類近魚片的「蛋殼底座」口感彈性更高。實務一點來説，「咪酒雞」與「七星報喜」同賣 $88，後者似乎抵吃一點。 最後是菜蔬美饌，不論「什菌拼盤」或「蔬菜拼盤」皆選材質優，種類豐富。二人同行單點這兩個拼盤份量亦剛好。 在「酒鍋」歡度了一夜，不論視覺或味覺也有滿足享受。唯一要挑剔的地方，是餐廳侍客安排有點急趕。人少消費相對偏高也是無法避免的情況。 …查看更多

#向阳从厦门吃到全世界##香港美食##酒锅#和喜愛美食的朋友一起去探店啦。晚市於18點開始，早早到達，安排坐在了可以說是最佳的位置，落地窗旁，可以看到外面的全海景，伴著落日十分愜意。店內裝修很獨特，入門便是大魚缸，可見海產的新鮮，有中式也有工業風，帶著吧台的火鍋店很少見吧，現代與傳統的碰撞。〈蘸醬〉12種配料以供選擇，有經典的XO醬，沙茶醬，芫荽，蒜蓉等，醬油更是用別緻的壺裝著，頗有情懷。〈酒火入鍋〉香港原創五格鍋，木瓜鍋，番茄波士頓龍蝦鍋，清湯蘿蔔牛腩，四川麻辣鍋，潮州沙爹鍋。店員會在鍋中加入清酒炸彈，瞬即煙霧繚繞，如仙境一般。木瓜鍋伴有四隻蝦，木瓜燉煮後清甜，帶著酒味，很奇妙。龍蝦鍋越煮越鮮，真的有半只龍蝦，涮油麵筋和響鈴卷的絕佳選擇，吃飽後再喝上一碗湯，美滋滋。牛腩鍋中的大塊牛腩燉的軟軟的，蘿蔔更是入味。麻辣鍋真的有在辣，包含有豆泡，豆芽，豬皮等配菜，涮肉很贊。五種湯底十分滿足。〈掛架頂級安格斯牛頸脊〉油花均勻，鮮嫩，牛味濃，入口即溶。〈手切牛肉〉與牛頸脊相比更有嚼勁，肉質更扎實。〈即炸手工紫菜響鈴卷〉搭配了紫菜很新奇，紫菜的鮮和豆香在鍋中煮後完美地釋放出來。〈蒜蓉炸鮮魚皮〉只需在鍋中一滾，鮮極了。〈珊瑚蚌〉放在麻辣鍋滾沸後，蚌肉的嚼勁和香辣味，十分帶感。〈日式蟹柳〉雖沒有特別之處，但不似有的店會是澱粉含量很高的口感，可以嘗出蟹味。〈油麵筋〉龍蝦鍋的好夥伴，吸盡了湯汁，超好味，但要小心燙哦。〈清酒〉這位朋友喜酒，店內沒有香檳便選擇了清酒，無奈所選已無，便接受了店員的推薦，驚訝的是常溫，酒精味太濃，好在讓店員冰儲後，口感更好了。朋友相聚，打邊爐是很好的選擇，可以盡情的談天說地，互述近況。也能欣賞從日落到月起的香港夜景。十分推薦在銅鑼灣購物後來飽食一餐。…查看更多

今年生月，大肥爸爸先請咗小肥去美加遊玩，返港後即由甜心兒接棒，請去「酒鍋」烚住慶生。其實之前同家人都黎過火鍋店幾次，打過邊爐亦飲過茶，所以對潮派o既裝潢及有窿o既椅背一啲都唔陌生。不過今次重臨驚喜都有二：第一就係見到個風水酒池。第二就係兩口子可坐窗邊四人枱，享用晚餐時可親証香港靚景由天晴轉為黃昏，到黑夜都一樣咁靚，令氣氛變得份外浪漫。搞笑小插曲則有一：唔知大家見到下圖中地上綠色o既陶瓷會諗起啲乜呢？！正當女朋友仔陶醉地高歌「Oh, my love… my darling…」，XO仔腦海就浮現出常歡與荷里玉於賀歲片中場經典戲份。。。跟得男友最愛女方話哂事，嘻嘻，點餸當然係唔會嘥腦汁啦！小肥因仲有時差，故罕有地棄飲啤酒。。。但都忍唔住叫咗set有少少酒o既「清酒菠蘿冰沙」。清酒菠蘿冰沙（$168/四杯）：四合一o既冰沙杯以雲霧騰出，相當震撼。清酒菠蘿冰沙酒味淡薄，菠蘿味微甜清新，整體極之清爽。點好菜，即由茶壺混醬十六式「酒為上醬」（$22/位）揭序。一酒鳥之（$198）：以椰青、清酒、花甲、椰子同雞所燉製o既酒鍋湯底果香濃厚，甜度更足以為所烚煮o既配菜調味，都幾得意。秘制麻辣鴨血（$88）：鴨血方塊香辣惹味，厚身得黎仍不失柔潤軟滑，個人覺得超好味！墊底o既豆腐外腍內嫩滑，而且一樣入哂味，冇得頂呀！金沙鹹蛋炸魚皮（$68）：脆卜卜o既炸魚皮所用o既鹹蛋量恰到好處，香口得黎完全唔會過咸，輕輕喺個酒鍋度過一過即能增添少少甜味，組合編排都好好。掛架頂級安格斯牛頸脊（$188/小；$238/大）：頂級安格斯牛頸脊紅白色o既雲石紋理分明，而且每片均切得夠薄，喺酒鍋內滾幾秒即食得。牛頸脊軟腍肉甜，一口一片極易入口，一人要食哂成架真係唔洗用上十分鐘，全為牛魔王o既肥肥家族每次都定必追加再追加大架。二人海鮮拼盤（$368）：冰鎮海鮮拼盤包有海中蝦、扇貝、花甲及桂花蚌四款。兩隻長長o既海中蝦爽脆彈牙。細細粒，容易食o既花甲亦軟嫩甜美。大大隻扇貝則厚而爽嫩，就連裙邊都嫩脆過人。原本拼盤中應該有兩隻蟶子，不過當晚冇貨，所以就轉咗做兩隻桂花蚌。桂花蚌爽厚潤滑中又帶點脆口，勁啱細佬口味！蔬菜拼盤（$68）：用木盒上o既蔬菜拼盤貌似田園，顏色鮮美o既賣相已值一百分。盒內o既時蔬新鮮爽脆，實屬優質貨色。咪酒雞（$88）：成餐最可愛必選形似剛從蛋蛋孵出o既小雞「咪酒雞」。雞雞隻隻都有個紅冠，明顯全為公雞，煮前煮後都仲有半隻蛋殼連住，好鬼生動。咪酒雞其實係墨魚丸，微甜柔韌，可以一試。稻庭烏冬（$32）：長壽麵自己揀咗食軟滑o既稻庭烏冬，當然係冇得輸啦！今年XO 仔生月，頭幾輪先喺美加食咗幾餐勁o既，回港後情人即急不及待請食打邊爐，唔知係咪希望男朋友仔可以保持長期「烚吓烚吓」呢？！「酒鍋」o既環境及菜式一樣新潮，火鍋配料新鮮高質，就連小食都惹味可口，不時又會加推新菜，可謂驚喜不絕。…查看更多

飯聚朋友提議新派火窩店"酒鍋"(The Drunken Pot)説是網上最近很火紅,於是預訂了位於銅鑼灣登龍街V Point的分店,以地點來説很是便利.晚上七時抵達,已有不少人客在輪候;室內環境裝潢有點暗黑,不過每座卡位上也有吊燈照明,木桌彩椅看出花過心思設計,通風完善沒有惱人火窩味;有別傳統港式街坊店舖,這𥚃相對乾淨整潔,至少表象看來如此.我們坐在吧枱旁卡座,不大嘈吵.店員𡚒力穿疏奉餐侍客,忙得不可開交而無暇掛上笑容,開首印象好壞多寡影響往後客觀評價.是晚我們人不多,點了以下項目:濃湯豬骨鍋($128)湯底及食材陸續端來,侍者應再三要求方曉得奉上調味佐料,醒覺性和主動性有點~慢~湯底有豬骨粟米蘿蔔數件和若干唐芹點䮕.脆鯇 ($58)幾片脆鯇刀功亮利,厚度若干,色澤鮮明通透,口感厚實爽脆,食材如此普通沒有不新鮮道理.雜菜拼盤 ($58)雜菜拼盤只能用過份精緻來形容,唐生菜和羽衣甘籃菜葉各幾片,兩色花椰菜和西蘭花共幾枚,車厘茄幾粒,然後就是再次出現的粟米兩段.這個拼盤也許是一人前份量,吃完不怕胖.洋蔥豬肉蝦蛋餃 ($58)蛋餃外觀不賴,黃色粉皮加入了雞蛋或許有點色素,包以洋蔥豬肉和蝦拌成饀料,因為冰封貯存緣故,因此烹煑需時,味道一般沒啥印象,口感就像家常煎蛋角的水煑版.掛架頂級安格斯牛頸脊 ($238) 幸運地安格斯牛肉油花分佈平均沒筋,厚度肉味也夠,平均叠放木架上,賣相精美,可能是整餐最教人滿意的部分.手打墨魚丸,6粒 ($68)城中手打墨丸做得好比比皆是,枱上六粒並排丸子水平中規中矩,嚼感勝在夠彈牙.蜂巢豆腐 ($38), 稻庭烏冬 ($32)蜂巢豆腐像冰河時期發掘出來的冰塊,幾何切工可愛討好,嚐不出豆味因為吸收盡湯底其他食材精華.酒鍋供應的各式食材,每款均排列整齊講求平衡和空間感,碟碟儼如精美藝術品,讓人差點忘了份量的精.緻.家𥚃打邊爐或街外吃火鍋,都容易使人不自覺吃多,撐壞;這𥚃型式先行,貴精不貴多,要選點較多方吃得肥,而不怕胖.…查看更多

我同四寶講最近見到個分開四隔嘅打邊爐好似每一間都同酒有關幾得意想去試下，佢地見我就嚟結婚，就二話不說帶咗我食啦~ 所以而家分享下啲野食嘅味道先 ~ 係火鍋前梗係混下醬先啦，單係配料同醬料同有成12款之多，真係提供好多選擇俾客人啊~ 話咗係嚟食有酒嘅湯底，我地就叫咗最新嘅「行酒江湖」$298~ 佢裡面嘅四格分別係花雕醉雞鍋、蕃茄牛尾鍋、啤酒魚鍋同埋清酒海鮮鍋。我地先前都睇咗好多食評先嚟架，所以我地就叫咗呢個掛架頂級安格斯牛頸脊$188，呢啲咪係創意囉，好多人都覺得啲牛係要放平佢，但係佢地竟然諗到掛起佢，又容易拎。單睇紋理已經夠靚，所以我都無乜質疑佢係頂級。入口真係超有牛肉味道，而且啲油花亦都好香，點埋醬油，入口真係有即溶嘅感覺~~~ 我地order咗個洋蒽豬肉蝦蛋餃$58，一客有4粒但淥咗陣就散咗.... 雖然個餃係好滑，不過我麻麻地鍾意個味道。我呢班朋友唔知做乜鬼叫咗超多餃 ! 我地仲有黑松露蝦蟹餃同埋鮮蝦水餃，用黑松露整個皮，蝦肉亦好結實，係無乜蟹味。但成個餃好滑呢個丸我地一上枱嘩嘩聲，因為賣相都真係好得意，有b.duck又有熊本熊整鴨一淥完之後走哂樣.... 真係無陰功..........入口係好濃郁嘅蟹子味，而且好彈牙~ …查看更多

聽聞呢間觀景靚、湯底夠特式。就book定個窗口位，約埋2隻牛魔王一齊去聯誼十十下。餐館位於27樓上，對落就系香港最繁忙既入紅隧天橋。景觀都十分開揚 香港夜景真系無得輸當帶位員安排位置時，另一店員迅速放下一盤醬料，打邊爐自己混醬是常識吧！鍋底話咁快就到，每款湯底各具特色。此鍋名為揚名四海 (黑松露什菌鍋、濃湯豬骨鍋、四川麻辣鍋、咸酸菜胡椒豬肚鍋) 黑松露什菌鍋：滾起後好香黑松露味，用黎灼肥牛一流濃湯豬骨鍋：大大舊豬骨仲有紅蘿蔔、粟米一齊煲，好香濃好似屋企老火湯咁四川麻辣鍋：超麻、但又幾過引，最正系落冰豆腐，吸晒d麻辣湯，麻到飛街咸酸菜胡椒豬肚鍋：算是4款湯底中最清一個，咸酸菜好味，豬肚好冧，胡椒味都好出好香 掛架頂級安格斯牛頸脊 點解出黎個樣會咁既 偏肥囉~~~ 雖然係會嫩滑d，廚子可以瘦d嗎~~ 蔬菜拼盤($58) 有好多款唔同既蔬菜(唐生菜、油墨菜、芥蘭、羽衣甘藍、南瓜、西蘭花、紫/白色椰菜花、蕃茄仔及粟米) ，全部都好新鮮。 即炸響鈴($48) 即炸熱辣辣，吸埋d湯汁好好味 洋蔥豬肉蝦蛋餃($58) 鍾意食洋蔥既朋友，呢款必試。雖然餡料偏少，但味道不容。皮系用蛋煎成一塊塊包成，不過唔系即整，只系冰鮮既，放落湯滾起食得，但不能滾太耐，因太耐蛋皮會爆開架！ 本地手切肥牛 本人比較欣賞呢款多d，牛味濃d，肥瘦適中，有咬口，但嫩滑juicy 蜂巢冰豆腐 豆腐超吸湯汁，太正 打邊爐真系不可缺少。總括黎講，環景好，景觀正，食材鮮，員工質數到位。兩三知己閨蜜聚會好選擇…查看更多

踏入雞年不到兩週，天文台即發出預告提示週四氣溫將急降至近十度，大肥爸爸見狀，即提議一家四口去打邊爐。礙於肥肥家族常幫襯嗰家X記一早已被訂滿，XO仔最終就決定去試剛於銅鑼灣食廈「V Point」開設分店o既「酒鍋」。餐店位於「拉麵街」，交通方便，小肥由公司行去都只需五分鐘，地點相當就腳。因入黑前已到，到步時室內環境都仲好光猛。散座中，以中央o既梳化式卡位最闊落舒適。近窗o既四人枱可從二十七樓觀賞香港o既景色，亦有其可取之處。埋位一刻，接待姐姐已告知因餐廳當晚滿座，為怕第二輪o既客人久等，煩請八點半交枱。為爭取時間烚吓烚吓，細佬就襯家人未到先點好湯底及幾味拼盤配料。餐牌所示，客人原來可自帶海鮮及酒品，前者每斤收取$200，後者則每枝$200。食物上枱前，溫婉友善o既哥哥仔先呈上混醬錦盒十二式加豉油一茶壺，埋單先知收費每位$22。配埋桌上o既紅色紙巾盒，感覺中國風味濃厚。可能只有小弟一人於六點前抵達並落單，個酒鍋湯底好快就準備好。飛禽走獸 – 花雕醉雞鍋（$128）：以大盆承載o既花雕醉雞鍋外表清澈，毫不油膩，上枱時已傳出濃濃o既藥材及花雕香。鍋料o既醉雞分開上，証明真材實料。浸過花雕o既雞件煲熟後仍帶有酒香，質感都好軟滑。蒜蓉炸鮮魚皮（$48）：輕輕喺個醉雞鍋拖一拖，半腍帶脆o既炸魚皮香口惹味，個酒鍋仲好似為其增添咗份鮮，勁啱大小雙肥口味。六色小籠包（$78）：XO仔叫餸時見到「湯鍋小籠包」，誤會咗此乃特色火鍋料，所以就叫咗客有齊哂「藥膳小籠包」、「黑松露小籠包」、「沙爹小籠包」、「墨汁小籠包」、「麻辣小籠包」、「灌湯小籠包」六款口味o既「六色小籠包」，但當見到新鮮蒸起o既小籠包原籠上就知點心唔係用黎打邊爐食o既。小籠包皮層軟薄，不同味道o既肉餡嫩滑得黎調味都好輕巧，個人食咗灌湯味及黑松露味，兩者均芬芳美味，睇黎下次可以午飯時間黎試埋其他點心菜式。皆因餸菜極速上場，我地就決定以一品鍋政策，一次過放哂啲丸物、餃子、蔬菜、野菌等入個酒鍋度慢慢滾。蔬菜拼盤（$58）：小弟週四放咗自己一日「菜假」，拼盤係為菜王哥哥而叫，眼見個籃入面有芥蘭、西蘭花同椰菜花，似乎廚房喺選材方面都幾特別。雜菌拼盤（$58）：菇菌越煲越入味，有腍有爽，煮得耐又唔會變得溶溶爛爛。小肥雖則唔鍾意食綠色o既菜，不過對菇類卻係愛不釋手。即炸手工嚮鈴卷（$48）：輕輕煲腍咗o既嚮鈴鬆爽不油膩，簡單可口。七星報喜（$88/七隻）：彩虹色o既手打丸共有七款味道，細佬所食o既兩粒都有芝士餡心，丸子都幾彈牙。三拼福袋（$160）：黑色、白色及黃色o既福袋分別為黑松露墨汁福袋、鵪春蛋福袋、燒汁牛肉福袋。松露迷XO仔一個人食咗兩件黑松露墨汁福袋，微微帶甜o既福袋皮層估計係以墨汁染製o既蛋白皮，食落軟薄帶脆，幾得意。日本黑毛豬腩肉（$158）：半肥瘦o既黑毛豬腩肉切得夠薄，所以喺滾湯中烚一陣就好快熟。豬腩肉軟潤肥美，就連伴碟o既菜苗都嫩綠過人，招牌菜果真冇失拖。掛架頂級安格斯牛頸脊（$188/細；$238/大）：以木架吊出o既牛頸脊肥瘦均勻，表面紅裡透白o既雲石紋理實在美艷動人。喺湯面拉三吓至七、八成熟，牛肉即溶於口中，建議同為牛魔王o既朋友可以直接點客大o既黎食。牛肉拼盤（$698）：肥肥家族乃食肉獸，兩客薄切肉片又點夠食呢？！問過哥哥仔，知悉牛肉拼盤四個人分份量剛剛好，所以就簡單地點咗客黎試，啱食先追加。牛肉以冰鎮拼盤呈上，包有安格斯牛、韓牛、牛柳粒、手切肥牛，震撼到隔離枱幾枱客人見到都嘩聲四起。被菜苗遮住咗o既韓牛食落好嫩滑，不過其肉香就好似唔及安格斯牛。安格斯牛如上文形容般美味。最深紅色o既手切肥牛雖然切得最厚，但其肉質一樣好夠軟腍。反而四款牛肉中以牛柳粒最為失色，多肥嗰幾粒就夠鬆軟，不過其餘瘦啲嗰啲就韌到咬唔爛:(。早於舊年已從雜誌得知尖沙咀新開咗間火鍋店名叫「酒鍋」，當時睇到啲相後靚靚媽咪都話有興趣，無奈家人都不愛過海，一拖再拖，結果拖到店子喺銅鑼灣開辦分店，入冬後有寒意先去試。湯底以酒入鍋，多款火鍋配料猶如餸名般創新獨特，紅肉鮮美質高。新店裝修新潮，客路都偏向年輕一族，唯一年長o既雙親因眼力唔係咁好故不停埋怨室內燈光過暗，中途更發生過食咗入口先知食物原來未烚得夠熟事件，故在此懇請店主可以考慮加強光線。…查看更多