御膳

营业中

休息中

呢間餐廳由經驗豐富嘅中廚主理👨🏻‍🍳訂座前可先選擇菜單，餐廳亦會因應客人嘅要求同預算，設計合適嘅配搭，今次就叫咗個價值$1️⃣3️⃣2️⃣0️⃣嘅四人套餐。💗鹵水拼盤🐷金錢肚：口感爽彈有嚼勁，滷水汁鹹淡得宜🐓手撕雞：雞絲肉質細嫩，簡單以鹽水調味，加入青瓜絲更清新🧂椒鹽豆腐：嫩豆腐炸至外層香酥，椒鹽粉鹹香惹味💗什菌豆腐大蜆湯魚湯呈奶白色，加入鮮甜大蜆、嫩豆腐、秀珍菇，無添加任何味精，味道清淡鮮美🍲以少量芫茜增加香味🌿💗避風塘大肉蟹肉蟹結實飽滿，食落鮮甜多汁，蟹蓋裝滿蟹膏，甘香四溢🦀加入大量炸蒜、辣椒、椒鹽炒成，食落辛口惹味🧄💗花雕蛋白蒸龍躉球蒸蛋白火喉掌握得啱啱好，口感非常滑嫩🥚面頭放上龍躉球，魚肉雪白嫩口，魚鮮味濃🐟淋上適量豉油同花雕酒提升鮮味🥃💗流沙黃金蝦大蝦炸得金黃香脆，肉質爽口彈牙🦐每隻沾滿鹹蛋黃醬，味道濃郁甘香，充滿牛油香，超級起沙🧈💗潮州鹵水鵝(例牌)分別有鵝片同鵝件，肉質柔軟嫩滑，不過略嫌偏肥。鵝油甘香味美，滷水汁濃郁入味🦆💗碧綠炒花枝西蘭花翠綠爽脆，軟硬適中🥦花枝片爽嫩彈韌🦑連同韮黃、蒜蓉、冬菇片、紅蘿蔔片炒成💗招牌御膳炒飯炒飯加入牛柳粒🐃﹑ 蝦仁🦐、珍珠帶子🐚、菜芯頭🥬、蔥花同蛋花🍳，

中秋節同家人過節，多數都會選傳統中菜，而一般酒樓都比較多人同吵雜，所以今次就打算試私房菜，一搜尋就發現呢間隱身係敬業街水準不俗的粵式私房菜 - 御膳，主打手工菜及新鮮海鮮菜式，最少訂二人套餐，平均四百元一位，私房菜來說並不貴，甚至我覺得是物超所值－－－－－－麻辣手撕雞一份非常開胃既前菜，雞絲同青瓜比例接近一比一，青瓜口感清爽夠味，雞去皮不油也不膩，肉質鮮嫩，醬汁麻辣有勁，愈食愈滋味，慢慢開啟了我的味蕾迎接餘下菜式什菌大蜆豆腐湯什菌湯非常足料，滿滿湯渣，幾款食材本身味道較清淡，反而更能突出什菌原味同埋大蜆鮮甜，隻隻脹卜卜而冇沙，每一啖湯都係精華，沒有添加味精，住家味道花雕雞油蛋白蒸大肉蟹預約前店員有問大肉蟹烹調方法，可選花雕雞油蛋白蒸、避風塘炒、薑蔥炒、胡椒炒、四川香辣炒，我就選了蛋白蒸，原汁原味的做法，蟹的鮮味跟花雕酒香非常搭，酒味不重但有陣馥郁芬芳，甘香但唔會搶過蟹的味道，上菜時還原原隻大肉蟹擺，十分霸氣，蟹肉質飽滿緊實，蟹鉗厚身實淨，拆出來啖啖肉，不得不提第二主角蛋白，蒸得嫩滑，完全吸哂蟹既精華，清甜美味白胡椒香爆南非鮑魚擺盤精緻，未食已經聞到白胡椒香氣，辟去鮑魚本身的腥味，而鮑魚

一直都有好多朋友推薦我去試的餐廳⋯⋯4月爸爸生日，諗緊食咩中菜的我，就忽然諗起呢間呢間位於觀塘工廈內的私房菜。Book位後，餐廳係個個星期confirm我們的餐單，今次揀左六人用的花膠扒羊肚菌餐。齊人後就叫餐廳起個湯。今次的湯係砂鍋大魚頭豆腐湯，用砂鍋煮的湯比一般的湯更可以保住營養及味道，加上鮮魚頭，味道極為鮮甜。屋企無了工人姐姐的關係，我們基本上都無咩煲湯，一飲到鮮甜又唔腥的魚湯，大家即刻再添多碗！鹵水拼盤就食得多，加了麻辣的鹵水拼盤就真係未試過。三合一的鹵水拼盤有牛肚、雞絲青瓜及豬。牛肚夠厚身，而且口感爽口；青瓜雞絲用了麻辣汁，比平用的麻醬汁更惹味；我唔食豬大腸，但細佬話整得好入味，仲不停咁啪入口。大肉蟹有2大隻，餐廳比我們揀合心水的煮法，除了有我Order的薑葱炒外，仲可以揀雞油花雕蒸/避風塘炒/胡椒炒/四川香辣炒，一定有款岩大家。我平時唔多食蟹，因為折得咁辛苦得個少少肉⋯ 不過今次呢兩隻蟹真係好厚肉！吮完個殼上的薑葱汁，再將蟹肉一齊食，鍾意惹味但唔食得辣的話，揀薑葱炒一定無錯！個餐可以揀蒜蓉粉絲蒸蟶子皇或者流沙黃金蝦，鍾意熱氣野的我們，當然揀左後者！一上菜已經嗅到邪惡的咸蛋香，

約左班朋友食飯，有人提議去食呢間私房菜，人多岩哂去食。地方唔算大，但都夠擺4-5張大枱。裝修一般，始終私房菜唔係著重於此。砂鍋大魚頭豆腐湯，一啲魚醒味都無，而且仲好甜。麻辣鹵水拼盤，牛肚唔韌好爽口，大腸都好乾淨，兩樣都鹵到好入味。中間青瓜沙律就比較辣，但都好好味。薑葱炒大肉蟹，蟹好大隻，落左好多薑蔥非常惹味。流沙黃金蝦，成隻蝦滿佈咸蛋黃，而且炸到外殼好香脆，可以連殼食埋。花膠扒羊肚菌，汁好香濃，令到所有有營養但淡而無味既野食變得好好味。上網搵左原來羊肚菌好有養生保健既功效。薑蔥炆龍躉腩，炸完再落薑蔥炒，非常入味。士多啤梨骨，食落無望落咁酸，恰到好處，而且仲有陣陣士多啤梨既香甜味。蟹油銀芽炒麵，唔係好油，麵亦炒到煙煙韌韌，唔咸而且非常好味。芒果布丁，唔係好甜，濃郁既芒果味，凍凍地透心涼。

隱藏於工廠大廈的深處沒有門面沒有修飾沒有招牌提早一星期已把餐單選好先來前菜的麻辣手撕雞麻辣味配上清爽的青瓜是絕佳的開胃口前菜大肉蟹用上避風塘去炒炸蒜酥口感脆脆帶點焦香有令人有一口接一口的衝動大肉蟹巨大差不多有兩斤蟹鉗肉超飽滿沾一點香蒜入口真是天堂什菌豆腐大蜆湯有濃濃的海水味白胡椒香爆南非鮑魚有兩隻胡椒香氣在口腔內濃得化不開流沙黃金蝦緊接奉上香口惹味是非常邪惡的一道菜士多啤梨骨酸酸甜甜很醒胃三大支排骨啖啖肉吃得過癮最後是蟹油銀芽炒麵和蒜蓉炒時菜蟹油香較淡但吃得非常飽肚這晚絕對能吃得出師傅的功架

要係觀塘工業區開餐，有時係幾令人頭痛嘅事，實在太多選擇!  好彩友人係呢頭返工，不時帶我去呢度食，果度食!  今晚上到黎呢度食私房菜門口無招牌名，要認住門牌號碼，以深木色作裝飾，牆上有2部電視，走平實路線有散叫，亦有多種款式套餐供應，今晚叫左呢個二人套餐 (2)麻辣手撕雞撕成雞絲，加埋爽口多汁青瓜絲一齊食，麻辣度十足，作為凍盤前菜幾醒胃什菌豆腐大蜆湯每碗都有1隻大蜆及豆腐，湯底飲得出魚湯嘅鮮甜味，大蜆無沙，豆腐超滑，熱度十足，好飲呀.................幾想可以飲多碗呀!!大肉蟹 (可選花雕雞油蛋白蒸，避風塘炒，薑蔥，胡椒炒，四川香辣炒)，好明顯呢碟係薑蔥炒，肉蟹體型係屬於大隻佬級，二人分享絶對夠食，放上枱後香氣四溢，忍唔住先食D蔥，好甜喎..........蟹鉗D肉幾咁澎湃...................肉質幾甜醬汁調味令到蟹肉多一份滋味白胡椒香爆南非鮑魚兩隻已經起埋殼，一夾就食到，味道幾香白胡椒味，有別於一般清蒸/薑蔥爆煮法; 口感相當彈牙!流沙黃金蝦3隻放上枱面後已經聞到咸蛋黃嘅香味，蝦殼全掛上流沙，連個頭都可以食埋; 蝦肉又係相當彈牙，絶唔係霉肉貨色!士多啤梨

觀塘工廈隱藏很多出色餐廳，呢間私房菜之前朋友提過，係我每日由港鐵站行返公司必經之地。入口係停車場，行入啲就會見到電梯在右手邊。今次訂位帶埋屋企人嚟食晚飯，訂位嘅時候揀埋餐，坐低好快有得食（前菜）麻辣滷水併盤由惹味嘅前菜開始～有牛肚、雞絲同大腸，最辣係雞絲，另外兩樣係BB辣，牛肚爽爽的，份量都唔小～東星斑豆腐魚湯12両東星斑係有二食嘅，先嚟個湯，襯熱飲～好味呀～湯入面有豆腐同菇，條魚炸過，仲有啲肉，唔好浪費呀，好食架！西蘭花炒東星斑球東星斑另一食～炒斑球。調味同火喉都好好！蒜蓉粉絲蒸特大蟶子皇好大隻～蒸得剛好，唔會韌，勁多蒜蓉，好香呀！花雕蛋白雞油蒸大肉蟹我揀咗「花雕蛋白雞油蒸」，上枱就聞到酒香，真係好大隻！另外仲有四款烹調方法：避風塘炒、四川香辣炒、胡椒炒、薑蔥炒。蛋白好滑，入口有淡淡嘅酒香好厚肉～鮮甜！流沙黃金蝦又係大大隻，脆脆外殼被咸蛋包裹著～好靚嘅金黃色。咸蛋味唔會搶咗蝦味～但我個人重口味，覺得咸蛋味再勁啲仲正！士多啤梨骨平時都鍾意食啲酸味味骨，呢個酸度好適中，而且每件都好大件，啖啖肉，突然諗起「芒享」食大餐嘅畫面肉質腍，唔乾身，好味呀！蒜蓉炒時菜嗱～我唔係特登揀西蘭花㗎，下次要

搜尋openrice 私房菜，見openrice 咁多好評，最緊要地點近我住嘅地方，一於去試下。我地放工搭巴士在工廠區落車，好快就到。今次呢座工廈都算舊式，上到去都無招牌，平日嘅晚上都要用埋旁邊嘅單位，都幾旺場！坐低就可即時開餐，先來個麻辣鹵水拼盆，都鹵得入味。但我地唔係咁鍾意食豬大腸，所以都食唔晒。再來個豆腐蜆湯，幾好飲！之後就係開始食海鮮啦，有薑蔥蟹啦，白胡椒炒南非鮑魚啦，花雕蛋白蒸龍躉球啦，黃金蝦啦，之後就係兩味小菜花枝片炒西蘭花，士多啤梨骨，最後就係蟹油銀芽炒面。款款都用心煮，賣相好，味道都好最後最後就係哈蜜瓜布甸，我地覺得呢味就有點名過其實，布甸味道麻麻，只能當係食下生果，但賣相係靚嘅！整體都算滿意，只不過環境麻麻地！

每逢家人生日，我們都習慣把錢花在吃一頓好的，省卻送禮物的部份。今年媽媽生日，問她想吃甚麼，她想來想去，還是提議想來御膳哈哈，果然大家都是念念不忘呢。 這裡原來切餅費和開瓶費都是免費的，更加適合來慶祝生日。上次吃的套餐實在太出色，這次想試試別的菜式，看看是不是一樣好吃。所以我們選了另一個套餐，除了花雕蛋白雞油蒸大肉蟹外，其他都是不同的。這個套餐有湯，也就先來給我們暖暖胃。用東星斑魚骨和魚頭熬成奶白色的魚湯，沒有多下胡椒粉也不會腥，反而有淡淡的鮮甜味。魚要先煎過才放湯，所以沒有爛得很厲害，仍然保持完整的容貌，魚肉吃起來也很柔軟鮮甜。還有秀珍菇和芫茜作點綴，整個魚湯是越簡單越考功夫，真的很不錯。 這個雖說是四人份量，但每人有兩碗以上，十分足夠。因我們都吃不到麻辣，餐廳說可以走辣，便試試這個滷水拼盤。原來拼盤分別有滷牛肚、口水雞和滷豬肚。(下圖後方會更清楚看到三款) 本來不好內臟的我也忍不住多吃了，牛肚爽、豬肚腍，兩者都滷得十分入味而不過鹹。尤其是現在很難吃到這麼出色的豬肚，保留內層脂肪卻不覺肥膩，而且最重要的是清洗做得很好，沒有任何內臟的異味。 口水雞走了辣，但也不會淡而無味，配青瓜絲吃更清

之前已經光顧過這間樓上的私房菜，今次適逢弟弟從外國回來，當日剛巧要到觀塘辦點事情，所以就訂了這間的私房菜的四人套餐，一家三口加我弟弟共四人剛剛好。四人套餐包括有鹵水拼盤(走辣)、東星斑一條湯及炒球二食、花雕蛋白雞油蒸大肉蟹、蒜蓉蒸蟶子皇、流沙黃金蝦、士多啤梨骨、蟹油炒麵、蒜蓉炒時菜及甜品，合共$1,326。先來的是東星斑頭骨滾湯，頭及骨煎香後加上冬菇豆腐芫茜等配料滾湯，加了些胡椒粉，湯呈奶白色，魚味濃郁，每人有兩三碗，好味之餘，先來暖暖胃。然後是鹵水拼盤，因為我們不大嗜辣，所以要走辣，但單是鹵水的味道已經非常好味，牛金錢肚及豬肚都很腍及入味，中間的手撕雞是凍的，味道也很吸引，冷熱相配，兩濃一清，食落也很合意。接著是花雕蛋白雞油蒸大肉蟹，之前曾經試過而念念不忘，回去自己試著做也做不到如此效果，所以要encore，花雕味濃淡適中而酒氣很香，肉蟹新鮮肉甜，味道醉人，蛋白也吸收了蟹及花雕的味道，單是食這蛋白已經很好味。蒜蓉蒸蟶子皇，蟶子新鮮大隻而肉質鮮甜，水準保持，不枉再試。東星斑炒球，肉質爽甜，配以冬菇絲、韮王及伴以西蘭花，一上枱已經香氣四溢。流沙黃金蝦外面醮上鹹蛋黃來炸，粉漿剛剛好，不會覺

新年來到這家私房菜來團年四人A餐是我們今夜之選頭盤先來一個麻辣鹵水拼盤包括鹵豬腸麻辣手絲雞鹵牛肚鹵水鹵得入味份量亦相當大份再來有東星斑兩味兩食魚頭部位用作熬湯湯底鮮甜可口充滿魚香配料有豆腐冬菇芫茜等食材魚身部分則用作西蘭花炒球東星斑本身已經夠新鮮再加上充滿鑊氣的火候烹調過一把火後味道再提昇花雕酒蒸蛋白大肉蟹陣陣酒香味的蛋白非常滑溜肉蟹超肥美啖啖肉再有蒜蓉粉絲蒸大蟶子蟶子非常強壯肉質鮮甜流沙黃金蝦是高水準的一道菜大蝦炸得酥脆可口再以炒成流沙狀的鹹蛋黃混合美味到連殻都想吞下肚請暫時忘就脂肪和膽固醇吧士多啤梨骨採用半肥瘦的排骨配搭著酸酸甜甜的醬汁又是另一番滋味再來蟹油炒麵和蒜蓉炒西蘭花豪華之餘也帶點家的味道最後以芒果布甸作結甜美地來為這一頓團年飯畫上幸福的句號

其實相比起西餐，我更愛技巧多變的傳統中菜，不過近年因為租金暴漲，大部分酒樓都是例牌無創意的菜式，流水作業的烹調，最緊要就是翻枱率快，卻令食物質素大不如前...今次在觀塘工廈找到一間中式私房菜 - 御膳，就連門口也很隱蔽，毫不顯眼，真是名副其實的隱世。內裡褪去一般酒樓豪華雕琢的裝潢，風格簡樸，實而不華，給人一種乾淨舒適的感覺，座位不多，記得要事先book枱。這次我點了二人花龍蝦餐，可以因應個人喜好而更換菜式，富有靈活彈性，盡顯小店人性化的貼心服務。麻辣手撕雞一絲絲起了骨的雞肉肉質軟嫩，配合口感清爽的青瓜及香辛麻辣調味，縱使我吃不了辣，確實覺得有點辣，不過也覺得這種麻香相當醒胃。什菌豆腐大蜆湯熱呼呼的奶白色湯頭，飲得出沒有加味精，不會過鹹，有種家常味道，不期然令我想起媽媽煲的豆腐湯。加上豆腐能吸收大蜆的海水味，味道很清，鮮甜味美。花龍蝦 (1只5至6兩)花龍蝦亦有三種煮法可供選擇：上湯、香煎、芝士焗，而我今次就選了香煎，非常考起主廚的火候手藝，但當然難不到御膳大廚的精湛功架，表層不會顯得過熟或太焦。香煎龍蝦容易剝吃，彈牙紮實的肉質新鮮爽口，煎成金黃色帶有微微焦香，簡單調味不會蓋過龍蝦原有的

預先訂枱，早一日跟店方定好菜單，來到便不用費時費神，等齊人便可以上菜。私房菜越做越多，要做下去，質素和價錢是成敗關鍵，服務、環境和地段也是因素。尤其是觀塘，入夜後一樣熱鬧，除了收工的，還有找吃的。這天來到御膳。距離地鐵站不遠，但不算最方便，連等𨋢搭𨋢，由地鐵站到餐廳大概十分鐘。接近沒有佈置的環境，夠簡單。放了兩部大電機。電視撈飯，是家庭感覺不可缺少的一環。人齊後，開始上菜。我們的菜單由湯開始，以甜品作結，一共十道。大蜆什菌豆腐湯湯盡是魚的鮮甜。滑溜溜、輕壓即碎的豆腐和大隻得有咬口、新鮮清甜的蜆，讓清清的湯變得有層次。麻辣鹵水拼盤牛肚、豬大腸和雞絲伴青瓜絲，看上去沒甚特別，味道卻非同凡響。牛肚爽又軟，鹵水味不太重，吃時惹味卻不會味濃至遺下餘味，吃畢口裡只留下輕輕的麻，叫人回味。中間的雞絲不嚡不韌，跟切得粗幼差不多的爽脆青瓜絲有對比，又夠夾。厚身的豬大腸濕潤又軟腍腍，油香十足，比炸大腸味更鮮，帶麻辣不會油膩。是整頓飯最驚喜的一道。蒜蓉粉絲蒸蟶子皇份量十足的蟶子皇，一人一隻絕對夠癮。脹卜卜的，肉夠肥美，十分鮮甜，又夠爽口。味夠鮮，僅以適量豉油、蒜蓉和蔥花作調味，不似某些蒜蓉蒸海鮮以過量的油人