鳳城酒家 (已結業)

適逢星期天，一家人打吃中菜當晚餐，一早預訂傳統老店鳳城酒家，並預訂一個焗蓮蓉西米布甸。到步後，我們點了炸子雞，大良炒鮮奶，生炒骨及魚香茄子煲等懷舊菜色。炸子雞皮脆肉滑多汁，配上檸檬，准鹽和喼汁。看見每一枱都吃炸子雞，便知此菜必食。大良炒鮮奶材料豐富，有松子，火腿絲及蝦仁等，食落軟滑，唯略嫌奶味不足。生炒骨酥脆多肉，配上菠蘿，紅青椒及子薑，酸甜醒胃。魚香茄子煲熱辣辣，冒氣上台，十分惹味，送飯一流。最後上枱的經典甜品焗蓮蓉西米布甸，熱氣騰騰，蓮蓉清甜，布甸表面焗得焦黃脆口。每次到訪必食。

有幾個外國的親戚到港，約埋一班香港的親戚一起見個面食個飯。其實最麻就係要招呼香港班長輩，又要平，又要好食，地方又要就腳...一大堆要求。所以今次黎鳳城試一試。因為近母親節，只提早3日都訂到位都有啲意外，訂完位再上Openrice 睇下食評，發現有些餸菜要提前預單，唸一唸，打電話去準備定先，反正去到都係我點菜。訂咗7點，6點幾去到坐住等。7點左右1樓坐到滿，有客人冇訂位要等到8點半後才有枱。先上個燒味拼盤食住先，到7點零齊人再叫伙記起菜，邊傾邊食，唔到9點就埋單走人，門口仲有好多人等緊位。以下就是今晚菜單：1 鳳城一品拼盤 （中）$360 有乳豬，义燒，生腸，海蜇。除了生腸，其他一般啦，個生腸好爽口彈牙，一定要試。2 鳳肝金錢雞（預訂） $280 由冰肉，义燒，雞肝串在一起炸，加塊簿餅夾在一起食，好香口。冰肉做得好好，爽口唔會油膩，有個表妹話食完都唔知係肥豬肉。3 家鄉釀鯪魚（預訂）2百幾 呢個餸真係食刀功，聽就聽得多，食就第一次。鯪魚肉好彈口，魚皮炸得夠香4 大良炒鮮奶 $985 生菜包 $1286 上湯炸粉果 $98其實有浸湯冇浸湯都好食，我就覺得浸一浸冇咁油。不過

表弟要結婚了，當他告知我婚宴地點時，我咀角上翹，心中暗叫：「識貨！」說太子鳳城享負盛名實不為過 (不是所有鳳城都是真‧鳳城，識食梗去太子或北角渣華道食，該是常識吧)，但還有多少新人會在這種傳統酒家擺酒？而我活到這把年紀，有印象的酒家婚宴是：上環金龍 (舅父母)、旺角瓊華 (六叔嬸)。屏風、麻雀枱、「聯婚」金粉字、隊拔蘭地XO，和這一切代表著的喧嚷與高興 ... 我期待著這一夜。在人情價常在FB鬧得沸沸揚揚 (but totally missing the point!) 的今時今日，您，也會期待一個婚宴嗎？這晚我倆遲大到，錯過了開席前大夥兒拍照的開心場面，也錯過了頭盤熱葷的上菜一刻。是的，打頭陣的還是熟悉的豬：除了皮脆，您還會期待些甚麼？傳統酒家扎實功夫所成就的品質，教曉了我可以期待些甚麼，也打開了這驚喜之夜的序幕。現在的人愛嫩口，所以菜要食菜苗，豬要食「豬苗」。常見的乳豬全體，因而都比較小，問題是吃完皮後，下面都沒有甚麼肉了。鳳城的這道菜，讓我們認識何謂「豬有豬味」：體型比坊間的大，這樣才有機會長肉，而肉既嫩亦有質感，還有只能以歲月培養的豬肉香。有多厚肉？請看下圖。當看到「雪花炒雀片

因為一早約了藏友是夜吃晚飯，而星仔事後才告知買了機票來香港，於是就促成第一次星仔跟我的朋友的第一次見面。因為知道這裡的名氣菜式八寶鴨和蓮蓉西米布甸都要預訂，所以已早於兩星期前訂位時，說明要此兩道菜，但甫來到食店時，竟然說把我們的枱給了別人，幸好最後他也能安排座位給我們，但那兩道就沒了。因為臨近聖誕，很多菜式都說售罄了，在沒太多選擇下，就點了幾道小菜。最前面的是鳯城生菜包($128)，就是用生菜包著左面的松子、肉粒和冬菇來吃，生菜都算新鮮，材料都算多，生菜都用完了，還有不少食材剩呢！肉粒用鹽醃過，調味剛剛好，不會過咸。左上角的是紅燒沙田豆腐($88)，內裡除了紅燒豆腐，還有青豆、冬菇和叉燒。豆腐外皮煙韌，但入面不夠滑。叉燒屬半肥廋，不會過韌，不錯。最後面的是鍋貼大明蝦($160)，其實就是烘多士上面放有大蝦，多士烘得非常香脆，而且還有一點蒜蓉的香味，大蝦肉質彈牙爽口，真不愧是這裡的招牌菜。而右手面的是蒜蓉炒豆苗，豆苗是我最喜歡的菜，這裡的豆苗不會炒得過老，不錯，不過就不大吃到蒜蓉的味道。焗蓮蓉西米布甸侍者原本說沒有蓮蓉西米布甸的，但後來又說有一個多了，可以給我們。焗蓮蓉西米布甸其實幾年前

鳳城酒家要食懷舊菜，可能去太子鳳城酒家是一個不錯的選擇。點了幾味小菜，和幾位好朋友開支紅酒，非常愜意！乳豬生腸併盆，豬皮酥脆，生腸未見有如此肥大的，入口非常鮮美爽口！八寶鴨用料十足，好有舊時酒家宴會的風味，味道更勝香港蓮香酒家。一隻鴨六個人吃仍有小半剩餘，不客氣打包回家隔日蒸番熱送白飯，非常一流。蟹肉扒豆苗，蟹肉足豆苗嫩，師傅落足心機炒，不求賣相求美味，絕對抵讚。好姐粉果，輸在前面的菜太好，給比下去！仍是吃得過的。單尾焗蓮蓉西米布甸，是我每次必點的甜品，即使個胃已飽得放不下，那蓮蓉布甸仍會一口一口慢慢流入胃裡，一定給掃清光。

香港地, 順德菜的老牌酒家終於有機會上去一試究竟.....知道有大量需要訂製菜式, 亦專程早幾天先行一趟今年首個團年飯局, 當然要食得豐富一點......一行七人...共點了十道菜......瘋了!!!!XDDDD先來個餐前小吃, 也算是香港算見的街頭小吃之一......生腸但此生腸不同彼生腸與平常見到的比較, 明顯粗身飽滿得多中間那層白色的......應該是滿滿的脂肪吧...............但吃下去卻一點都不油不膩完全就是爽滑彈牙......食個不停...好邪惡!!不愧為不少人到鳳城的必食之選還好只是小小一碟, 每人才兩塊......不算過份西焗千層蝦, 需要訂做為可以堂點的鍋貼大明蝦的升級版, 亦可算是升級版的中式蝦多士吧由上至下分別是蟹黃, 蝦, 肝醬, 多士味道搭配得宜, 比起味道相對單調的蝦多士, 味道提升了一個層次當然亦有賴其出色的炸功才可以做得如此好味道但...明明都係炸...點解又叫西焗呢?金錢酥蟹盒, 需要訂做餅皮內包有大量蟹肉, 蔬菜, 豬肉碎, 外包豬油網再下鑊油炸一樣出色的炸功, 面層豬油味香濃但又十分乾身內餡相對味道算淡, 整道菜香而不膩, 實屬意料之

前晚,女友人DC 聯絡我,話由越南o黎香港結婚o既新娘LPK想約我尋晚(18-2-2014 Tue)出o黎食飯,原本我提議聽晚,但佢o地又提議叫埋我男友出o黎,就男友o既話,就要約返尋晚喇.最後都落實尋晚食,而食飯o既當然有新郎CTS同另一個男友人LKH共6人.咁我俾佢o地揀同樣o係太子o既呢間同上上拉麵小籠包,投票決定後o黎呢間,除o左我同男友返工,其他o既都,我放o左工行後就join佢o地,由於天氣突然轉冷,我就話先上去鳳城,坐低等埋男友,我o地去到都只係6:40pm,都未有客住,我o地坐低洗好o野後,亦商量o左點咩o野,7:00pm左右男友都到o黎,落o左單後,食吓餐前小食先,呢個餐前小食酸度醃得o岩o岩好好,青瓜同蘿蔔都爽口,令食慾大增.1. $78.00o既蒜蓉炒菠菜呢個大大碟,蒜蓉唔算多,鹹淡適中o岩o岩好,亦冇蓋過菠菜o既味道.味道: 3.5分2. $205.00o既細乳豬併盤有乳豬,叉燒,大腸同海蜇,乳豬切到大大件,食落,皮脆,厚厚o既肉鬆軟又唔太鹹,感覺又唔太肥膩,唔錯.味道: 3.5分而大腸呢,口感爽,一丁點o既異味都冇,抵讚.味道: 4分叉燒雖然唔係半肥瘦,但都好

原為順德人也未曾試過香港的順德酒家，當然推薦給爸爸來試食年近歲晚，沒有加價沒有附加費，少數中式酒家的安排，也很易就訂位了，最終成為團年飯落腳點前一天看過幾款套餐，菜式都不是很合心意，最後預訂了要預早點選的數款因為預訂的原因，不用等位已可入座 乳豬/中 $298 雖有一點肥油，但入口香脆，醮點甜醬夾雜肉的鹹味，口感味道甚佳，不禁想添食多件 蒜蓉炒豆苗 $88 當造的豆苗，炒得幼嫩合宜，不會太老，而且調味不錯，不會太鹹，賣相也很翠綠，但在外難免多油 枝竹炆斑腩 $328(兩味)斑腩連枝竹冬菇草菇，斑腩炆煮得非常香濃入味，斑腩的份量也不差，如枝竹炆煮再入味一點會更佳 家鄉炒斑球 $328(兩味)與枝竹炆斑腩不同的煮法，斑球炒得鮮嫩，還食到魚的鮮味，配以菜心托底，不愧為索價$328兩味的大海斑 炸子雞/半隻 $140雖然預訂了兩款雞的菜式，但推介的炸子雞都要試一試，第一次連檸汁上的炸子雞，加入檸汁，肥膩感減半，更顯雞的鮮味，而且肉質嫩滑入味(走皮食呢, 所以未知是否皮脆)，不用醮汁已經鮮味盡出，果然是推介名菜，不錯 龍穿鳳翼球/10隻 $240早1日預訂的菜式，見其名已知是釀雞翼，但不知什麼料

這裡的布甸及蟹鉗是多次吃完再回來的主要原因,每次也吃那幾款每次也滿足而回.因家中快添新成員,所以近來晚飯也會吃得清淡一點,亦全員一致陪戒口!無蟹鉗/野雞卷之夜.兩男兩女四餸一湯:乳豬拼生腸----價錢份量和新斗記相若但質素差天共地!兩家也是皮夠脆,但這邊優勝在入口時是温度還微暖、皮及肉中間有薄薄的脂肪,肉質保持到嫩滑味道而不過咸!大生腸依然爽脆,帶點鹵水汁的香味配芥辣同吃味道更佳.生菜包----以往餐牌上的標示為炒鵪鶉鬆,現已改成招牌生菜包.吃不出炒的是什麼肉,只知味道並不特出,質感像吃泰式的炒肉碎一樣!而生菜也是黃黃白白的居多.桂花炒魚肚----蛋炒得太老,油下得太多令到加在面頭的薄脆很快因吸滿油而變得爛茸茸.粟米班塊----粟米芡汁調味適中,魚塊咬開時還熱得燙口,炸得乾身香脆,肉質嫩滑沒腥味!八寶荳腐羹----侍應端來的是"八寶荳腐煲"!要再三表明才換回這個羹.材料有荳腐、青荳、甘荀、义燒粒及蝦毛幾粒.從窩中用湯勺滔入碗內,羹已變成水!味道是將浸荳腐的水煮滾一樣.焗蓮蓉西米布甸----本來出品如過山車般上上落落,吃得有點火起!但一見布甸上檯立即怨氣全消!焗得表面金黃,蓮蓉香滑入口甜

　　1. 蝦多士 - 蝦肉打得好有彈性，底層多士炸到好香，賣相又靚，推介之一！　　2. 乳豬生腸拼盤 - 乳豬皮幾脆幾香口，生腸好爽口，不過唔多夠味。　　3. 肉鬆生菜包 - ｄ生菜超級新鮮爽口！加埋ｄ肉鬆真係絕配！好多年都冇食過咁好味既生菜包！　　4. 八寶鴨(已預訂) - 雖然係經典菜，但ｄ鴨肉已經炆到好腍，冇咩鴨肉既質感。鴨內ｄ配料似係食緊鹹肉粽咁，唔太欣賞。　　5. 焗蓮蓉西米布甸(已預訂) - 非常香，味道唔算太甜，加上有蓮蓉令個布甸有少許煙韌性，冇諗過中式布甸竟然可以做到咁好味！　　另外仲有三款小菜：黑椒焗牛柳，炒鱔球，上湯豆苗，不過冇咩特別，唔特別評論。　　總結呢度都值得去，不過要俾ｄ耐性book位後再等位，上菜都幾快手，值得一讚！

昨晚 21/11/2008 Thxdtsdd 與幾位同事到太子的鳳城酒家吃晚飯, 前一晚已經訂好了位. 原本想試試金錢蟹盒, 但原來要早一天預訂, Thxdtsdd 早上打去鳳城預訂都唔夠時間做, 只是訂了焗蓮蓉西米布甸. 我們 6 人準時 7:30pm 到達, 已經差不多滿座, 典形的中式酒樓, 座位有少少逼, 不過都 ok! 我們吃了:乳豬件併生腸 (乳豬皮薄又香脆, 有水準之作, 生腸都 ok!)西蘭花炒帶子 (味道可以, 可能其他菜做得比較出色, 這西蘭花炒帶子的味道變到很普通了!) 鍋貼大明蝦 (又叫蝦多士, 炸得好香口, 而且蝦味都仲保存到, 好好吃!)炸子雞一隻 (外皮香脆, 雞肉又肥又滑, 果然係招牌菜, 不過一隻對我們 6 個人會多了點!)荷蘭豆炒斑球 (又是另一個比較普通的菜, 斑球不夠鮮味, 幸好炒得剛剛好, 一點都不 "鞋"!)上湯龍蝦伊麵 (龍蝦及伊麵都做得幾鮮甜, 好吃!)上湯豆苗 (大大碟, 很抵吃, 味道都不錯. 不會像某些食店般, 每次吃的煮青菜都碟大大, 菜少少!)焗蓮蓉西米布甸 (一個好好吃的甜品, 我們 6 人都覺得好吃, 甜度適中, 又有蓮蓉