深宵食堂 (已結業)

咁夜放工做得咁辛苦，當然要食餐好補償下啦！今次揀左呢間係大廈入面既燒烤點！細細地，岩哂三五知己飲下酒，食下小食，傾下計啦！煙肉荔枝卷，熱既生果之中好似第一次食荔枝，諗住試下新野，食落出奇既夾呀，荔枝令到煙肉無咁咸，二者互相幫助！芝士蟹肉玉子燒，招牌菜，深宵二個字代表住佢地既餐廳，濃濃既芝士，啖啖蟹肉，加上嫩滑既玉子，太夾啦！軟殼蟹沙律，大大件炸到岩岩好既軟殼蟹，佢唔係炸到好熱氣既炸粉，有啲似油炸鬼包住佢咁！但佢唔係好油，夠乾身，但蟹又夠水入份！處理得好好！黑松露牛油帆立貝，有黑松露既香，有牛油既香，帆立貝表面有煎香既口感，唔好彼此搶左大家既味道！燒羊架，好細心，燒完幫你整開一小件一小件，方便大家食，佢味道都香口，加上二款醬汁，唔同配合，我個人喜歡薄荷汁，有少少甜甜地！更好味！青蘋果梳打，好香青蘋果味道，唔會太甜，好美好既一餐！

朕今晚喺尖咀睇完影畫戲，差不多十一點，又有少少肚餓，朕就問隨從有咩好食，隨從就Check到厚褔街有間深宵食堂食啱哂呢個夜宵時間食，於是朕就衝上去試一試！上到去雖然己經十一點多，但係都幾多人，啱啱有張二人枱，朕就同隨從坐低，同埋叫左杯荔枝梳打濕一濕個喉先，呢杯荔枝梳打都好香荔枝味，唔似平時飲開嗰啲，一味得個甜字！隨從先叫左啲開胃炸物，芝士蝦球同埋芝蔴雞亦。芝士蝦球炸到外面香脆，入面就彈牙，加埋啲流心芝士三重口感，好味！芝蔴雞亦，炸到啲雞皮脆卜卜，加埋啲芝蔴喺面，夠哂香口，入面啲雞肉仲保持到原來既鮮嫩同埋肉汁！雖然Size夠大，但係都係唔多夠喉！跟住黎既就係串燒，朕就叫左煙肉荔枝卷同埋燒白鱔。煙肉荔枝卷燒完之後，逼走左煙肉多餘既油份，肉質香脆，而入面既荔枝肉多汁香甜，一齊食非常配襯！跟住就係朕食串燒必食既燒白鱔，食燒鱔最緊要就係肉要夠厚身，燒出黎要外皮香脆，啲肉要夠彈牙同埋唔好燒到乾哂，而呢度就做到呢樣野喇！跟住黎既就係芝士蟹肉玉子燒，㕑司仲喺面用茄汁寫左"深宵"，兩隻大字，一睇就知係好野啦，一切開，啲芝士同蟹肉就湧住出黎，食落有蛋同芝士既香味，仲有蟹肉既鮮甜味，仲有朕最愛既茄汁，讚！！！

<深夜食堂>曾經是我每個星期追看的日劇, 喜歡它用上孤寂的拍攝手法敍述故事, 每集一食物, 食物簡單, 但背後的故事動人。香港亦有一間深宵食堂, 雖然不似劇集中的隱世小店, 不過開在大廈中作樓上鋪, 甫開電梯門就見到這個木造名牌, 而且店內客人都三五成群喝著啤酒談著天, 頓時有一種日劇感。餐牌上主要都是串燒炸物等佐酒小食, 而最吸引我的是在日劇當中出現過的貓飯及紅香腸。九時許, 未算得上深宵, 但工作過後就是想喝喝啤酒, 盡訴心事。食店好細心, 隨啤油奉上的小杯是冰凍過的。貓飯 $28第一個到達的是貓飯, 白飯上盛著木魚絲, 再淋上淡醬油。這個飯口味比較淡, 不太吃得到醬油味, 像木魚伴飯而已。不過米飯飽滿圓潤, 食落有嚼勁, 口感不錯。自家製豬軟骨 $42這個豬軟骨令人驚艷的是它的軟骨已經燜煮至軟淋, 軟骨入口竟然是像骨膠原的黏笠感!而豬肉卻還能保持原狀, 整體好易入口, 味道是甜甜的醬油味, 好喜歡。芝士蟹肉玉子燒 $78玉子上來時上面寫著深宵二字, 個人覺得用上香草作裝飾會更見層次。一切開即見當中大量芝士, 玉子煮得頗滑但不夠嫩。芝士味濃郁, 如果蟹肉份量多一點更

由於上個月想食，但walk in又無位。所以之後即刻book定今晚食。話個半小時要交枱。整體上食物都係不般，還有點偏凍，如果可以熱返點就好。。。巨蜂疏打 - 都幾夠味，但對我黎講有點太甜。。。飲到最尾個啖都仲好甜芝士蟹肉玉子燒 - 內裏有芝士同蟹肉。對一個喜歡食芝士嘅人黎講係不錯。但可惜蟹肉太少了。只有中間部分有些少蟹肉碎。。。78元黎講，蟹肉好像少左d😐另外我仲食到蟹殻🙁煙肉荔枝卷 - 上到枱面到放入口唔超過兩分鐘，但食落時已凍晒芝麻雞翼 - 同友人食第一隻時，我問何解叫芝麻雞翼。因為一粒芝麻都冇。。。到食等二只時，發現一面有少許芝麻。。。味道買可以燒白鯉👍🏻咁多樣呢樣係最好食！肉燒得夠滑。唔會乾晒。羊架 - 又係唔夠熱。肉又有點dry😐no good...

前日朋友就訂左1930枱，可惜得返戶外枱，都照殺，因為我朋友話想食呢間好耐。今日我地三人1930準時到，坐戶外枱，但周圍全部枱都食煙，有點難受(不過食食下，就可以被安排返坐室內，但煙味都係會飄入黎)用餐時間限90分鐘，快快叫野食。因為太多，淨講特別好味同唔好味架啦1. 蒜蓉燒茄子: 蒜有生蒜熟蒜係面，好好味，茄子"淋"，蒜蓉粒脆，感覺好得意2. 煙肉荔枝卷: 又甜又咸，估唔到又幾match, 仲無左煙肉既油膩感3. 雞肉炒烏冬: 真係十分唔推薦，諗住唔夠飽，叫個烏冬飽肚d, 點知一上菜，椰菜佔70%, 菇10%，雞肉10%，烏冬10%。無錯，烏冬係極少，一人分到4，5條又好咸4. 一口牛: 見到好多枱都叫，我地又叫，黎到係2串拮係個薯仔上，味道唔係唔好，不過怪怪地，酸酸地，又咸咸地，我地都唔太鐘意除左以上2樣唔太岩胃口外，大部份都好味既埋單都每人$200幾，八成飽

日式居酒屋文化愈來愈在香港盛行, 尤其之前有套電影, 這店就吃住個勢, 在香港開創這文化, 這次是來到食肆眾多的厚福街, 樓上店有幾好的環境, 一出LIFT個格局是港日MIX的地方, 無論是桌椅還是佈置, 都有些東洋味, 還有室外座位, 不過這個天氣朋友們跟我就不選擇了, 大家夏天可以試下坐出面~~~居酒屋文化就是給客人喝喝酒吃點小吃或串燒類, 然後舉杯談心, 所以擺設方便也放了很多類型的酒品在吧枱上架, 隔離還有個 “深宵推介”的是日餐牌給客人點, 不過朋友們跟我都不是喝酒人, 所以就以茶代酒, 吃東西談心吧, 哈哈!! 這裡雖然是以居酒屋形式, 食物都不會太大堆頭或HEAVY型, 但款式其實都唔算太少, 所以不知不覺都會叫多幾樣……芝士翠玉瓜 ($24 四件)~~~中規中矩的一款, 但瓜唔會太乾, 而芝士都幾大舊, 味幾濃, 都JUICY……煙肉荔枝卷 ($38 一串)~~~荔枝大大粒配上外圍的煙肉包著, 油膩得來清下口腔, 不過一串價錢唔算太平, 只是小妹今晚想食荔枝而已……蓮藕片 ($22 八片)~~~驚喜的一款, 一上枱個顏色幾得意, 而且有少少發光好似塗了HONEY一樣,

在中學曾幾何時看過以飲食為題材的《深夜食堂》漫畫，雖未有整整地看完（只是看過頭幾話^^"），而每話都有介紹不同的菜式，如「紅香腸和玉子燒」（赤いウインナと卵焼き）、「茶泡飯」鮮奶油燉菜（お茶漬け）、「貓飯」（猫まんま）等。而聽說這間深宵食堂亦有漫畫內的貓飯、奶油飯供應，雖漫畫中解說是做法簡簡單單，也未真正試過呢!是夜來到尖沙咀分店，在厚福街一帶的商業中心上，不算太難找。餐廳佔了6樓全層，面積雖不算大，但分成室內及室外位置。室內也有高枱位置可選擇。而室外的枱上撐起一把把大傘。來到時枱上已放了餐牌。由於這裡以炸物、燒物為主，亦放上2包薄荷糖爽息，大概是吃完燒、炸食物後，用來癖癖口氣，頗貼心。餐牌設計像一本秘笈。備炸物、燒物、主食、小食、沙律、一品料理菜式，選擇尚算多，最後點了8款食物+2杯飲品。最先到的是軟殼蟹沙律，沙律爽口，而沙律醬亦足夠，另主角的軟殼蟹份量多，入口鬆脆，唯一不足是炸粉比較多，下得太重手。芝麻雞翼一份3隻，做得不錯，外皮煎得脆口，加上佈滿粒粒芝麻，非常香口，而裡面的肉不會太乾身，仍保持鮮嫩。燒物就點了燒雞軟骨及煙肉荔枝卷，看得出是即點即做，還熱騰騰。燒雞軟骨肉質不會太硬，

今日係我老公既生日，本身都冇plan到食乜好，不過最後都比到驚喜佢。老公話唔係好肚餓，最好食d唔係太飽肚既，行行下見到深宵食堂，之前試過銅鑼灣嗰間幾好味，燒烤類應該唔會好頂肚，所以就揀左呢間 室內座位唔算多，不過設有露天座位，出面坐都幾有feel~ 我地就坐左喺室內。 打開餐牌有各式各樣既燒物，肉類，蔬菜款式亦都很多，另外可以揀主食，一品料理同炸物，同一樣野可以有唔同整法 都幾多選擇，我地點左好多野。 青蘋果梳打 $28先來一杯飲料，飲落幾清新，酸酸甜甜，用黎伴串燒一流。 8吋蒜蓉大虎蝦 $98蝦肉新鮮彈牙，燒完都仲保持到唔會乾身，啖啖肉，蒜味令蝦更香口，蝦頭亦大大隻有膏，唯價錢不便宜。 黑松露牛油帆立貝 $68帆立貝上沾上黑松露，令到帆立貝變得好香，而且帆立貝亦好新鮮，食得好滋味。 一口牛 $68共有2串，每串有數粒大粒牛肉，下面插住舊薯仔(唔知食唔食得，最後冇食到)，好似兔子咁好得意，牛肉串燒出黎色澤均勻，牛味濃郁，咬落很Juicy，而且牛粒很嫩滑，好食 芝麻雞翼 $48雞翼炸成金黃色，入口好香脆，雞翼肉汁豐富，芝麻味令雞翼更加惹味。

今天母親大人難得出尖咀，既然來到我公司附近，放工後，就要帶她去品嚐尖咀美食。阿媽唔煮飯，就剩下家中的男人自己解決，做個<寂寞的男人＞吧！公司附近有條食街~厚福街，來到這裡，必有口福。美食雲集，花多眼亂。母親大人話要試日式餐廳，就在網上找到這家。由於在6點半來到，座位任選。夜晚外面黑媽媽，只見露天區域的燈光，真係好有渡假FEEL，所以選了外圍的座位。燕麥豬扒 表面原粒燕麥代替麵包糠, 燕麥豐富的纖維, 有助消化. 心理上覺得無咁邪惡. 外層燕麥脆脆, 豬扒肉質炸得唔乾. 豬扒附有燒汁, 但不沾醬汁亦很好味. 煙肉荔枝卷 鹹鹹的煙肉配甜甜的荔枝, 紅與白, 鹹甜配搭剛剛好. 煙肉燒得有點脆口, 而軟棉棉荔枝不似是罐頭糖水荔枝. 吉列廣島蠔 1碟有几件蠔, 這個價位, 真係好抵. 蠔身尚算大隻, 中間熱辣多汁. 不是厚粉炸蚊滋蠔扮大隻果D貨色. 燒羊架 羊架已經起片, 真是很方便多人分享, 没有限制每人一羊架了. 羊肉中間尚有粉紅色, 望得見的嫩滑. 只是唔夠羶 (個人喜歡羶羶的羊肉) 香草黑豚肉飯 本來想點一品料理的香草黑豚肉, 但上菜就變了香草黑豚肉飯. 既然來到, 就不便再換了

今天老婆仔收工後打算到尖沙咀看旅遊書不過天氣寒冷之下人總是特別肚餓所以和老婆仔打算先吃晚飯走來走去也未看到理想的晚餐地點到這條食街看到了深宵食堂記得上次吃過感覺不錯上次也打算再來今天一於上去看看有沒有位置非常幸運剛好在室內有位置緊隨我們後面的人就因為已經預約滿座而無法吃了看來下次再來吃的話一定要預先預約上次不知道這餐廳的水平今次知道這裡製作認真水平不錯加上寒冬下的肚餓所以便決定盡情點食物 飽肚食物方面我們分別點了42元的香味牛肉飯以及58元的香草黑豚肉飯香味牛肉飯表面看起來和吉野家的差不多不過老婆仔卻說更美味起碼牛肉每一塊的質感都剛好肥瘦度適中醬汁也很足夠 而香草黑豚肉飯也算不錯豚肉燒得很香雖然只有幾件但單靠那香味已足以吃到一碗飯不過老婆仔卻說有點肥可能就是帶點肥才能如此香吧 另外還有88元的深宵薄餅原來是日式燒餅很大份若果6個人一人吃一角也足夠大量的醬汁是燒餅的特色特別的是用了乾燒伊麵底(老婆仔卻說是童星點心麵底)吃起來帶點變化吃完這三樣飽肚之選後接下來吃些小食 上次吃過38元的芝士年糕後一直念念不忘所以今次也點了同樣很美味外面帶點脆內面濃濃流出的芝士實在是最好的組合

早就久聞深宵食堂的大名，在尖沙咀閒逛時意外發現這間餐廳，竟然不用等位，終於有機會一試了。光聽名字，「深宵食堂」就令我聯想到一家店子小小的居酒屋，來到看到店面比想像中大得多，而且還有室外空間。店員安排了我和朋友在室外的位置，因為有安裝風扇所以不會熱，氣氛比室內的寧靜得多。先看一下餐牌，串燒的種類真的好多，竟然還有飯、麵和甜品，真係出乎意料。先來兩杯飲品，第一杯是巨蜂提子梳打（＄28），是自己調的，不錯啊幾有誠意，而且大大杯幾抵飲。第二杯是忌廉鮮奶（＄28），喝起來跟平常喝罐裝的有點不同，難道都是自己調的嗎？如果是的話就真係太驚喜了。串燒的部分，令人十分興奮。煙肉荔枝卷（＄38）外面是煙肉，裡面是去核的荔枝。肉類不一定要要配肉類，或者大蔥、菜等等的，配水果一樣可以！而且嘗起來非常清新，荔枝十分清甜。唯一不足就是一串只有三粒實在太少了，因為實在太好味一口牛（＄68／2串）上碟的方法十分特別，還真的是第一次看到把串燒插在半舊薯仔上，看起來就像兔耳一樣可愛。把牛肉插在薯仔上的原因不明，亦都不是太了解薯仔最後的用途，反正我和朋友都沒有吃。而一口牛其實是連著的牛仔牛柳粒，因為我當時太興奮了顧著吃煙肉