榮哥廚房私房菜

营业中

休息中

一年一度團年飯要揾個好地方，突然想到觀塘工廈，那裡有高手雲集，不難找到好吃的美食以往嘗試了日本料理、西餐、蠔等，今次一家人吃團年飯，當然中餐比較適合。在OpenRice 揾了榮哥，食評都幾好就試試吧。門口放置了水耕蔬菜，頗為特別，裡面裝修一般，以為只有幾圍枱，原來都有房間的。地方不算狹窄，可惜洗手間要到外面去，而且地方比較小和濕，幸好都沒有味食品方面有套餐組合、肉、海鮮、小吃、時令食品和多款燉湯可供選擇而且賣相和味道也不錯，可以推薦一下

又係陪老婆拍拖的大日子，好少二人世界食中餐，所以今日專程訂了這家私房菜試下，餐館一早就為我們設計好菜單，真的很貼心。餐館位於工廈，店內很寬敞，放置好幾圍大枱，中枱及小枱，仲有兩間房。食店最吸引我的地方，雖然食物款式多，不過每個餸都好精緻，唔怕浪費食物；而且是續一續一送上，可以慢慢食，真的很細心；還有店員很親切，為我們每個餸介紹一番。＂有機沙律菜伴芝麻醬＂沙律菜很新鮮又大片，伴芝麻醬一點也不單調。＂紫薯配鮮淮山＂老婆說最喜愛，紫薯口感軟軟的，鮮淮山就爽口，很新鮮的食材，不用多調味已很好吃。＂茶燻流心蛋伴黑魚子醬配厚切茄子＂我自己好欣賞這個，本身好鐘意食流心蛋，我覺得佢整得很不錯；黑魚子醬味道特別，配炸過的茄子，真夾。＂原盅燉哈蜜瓜螺頭黑毛豚肉湯＂哈蜜瓜有獨特清甜味溶入湯水中，螺頭清甜。＂原盅燉川貝陳皮海底椰鱷魚肉湯＂這個較為適合我，傳統一點，足料又甜，連海底椰及鱷魚肉都被我吃掉。＂蝦球水芙蓉＂蝦球很鮮甜，還帶有少許鹹味；蒸水蛋上面如湯的獻汁襯托下，水蛋特別滑。＂蒜香芝士焗老外蠔王＂蠔肉很肥美，上面芝士好厚鎖住了水份，很鮮味。＂遠年新會陳皮骨＂這個陳皮骨炸出來一陣又脆又有酥香，色香味俱備，

想食私房菜, 都會諗起榮哥, 點解?!  價錢合埋又水準不俗囉今餐係食精心配.伴二人餐 ($348/位)前菜有呢健康3小碟 : 本地有機水耕菜 -  門口位置有種植水耕菜, 唔知食緊既呢D係咪黎自呢度呢?!  質感爽脆, 配以混合芥末既芝磨醬汁, 帶少少辛辣感, 幾開胃!涼伴黑木耳 - 伴以少許麻油調味, 爽滑口感!紫薯配鮮淮山 - 切成粒狀方便進食, 紫薯甜口; 淮山淡味但帶點咬口!茶煙燻流心蛋伴黑魚子醬配厚切茄子 - 擺盤吸睛, 煙燻流心蛋真係做出流心狀, 蛋黃食落有Creamy感, 幾香蛋味; 茄子油泡後配上濃味醬汁, 甜中又帶有芫茜碎香味, 一濃一啖, 好味道!原盅燉哈密瓜螺頭黑毛豚肉湯 原盅燉川貝陳皮海底椰鱷魚肉湯兩款燉湯都非常足料, 湯底清, 味道鮮甜, 熱辣辣飲完非常舒服, 一餐飯點都要有湯水先覺得完滿嘅!蝦球水芙蓉 - 賣相似一幅畫, 爽口彈牙嘅蝦球置於滑溜蒸蛋上, 兩種口感, 就咁單食都唔會覺"漏"!蒜香芝士焗老外蠔王 - 熱辣辣由焗爐拎出黎, 連個碟都係好熱, 蠔真係好大隻, 面頭舖滿芝士及加入蒜粒焗至金黃色, 食落先有蠔味然後到芝士咸香及蒜香味, 食完一隻都幾滿足

早前在網上見到有篇報道說有些網絡紅人在live播片時錯手關了美顏，真身嚇壞很多人，其實不單女士有喬妝，在近年的尋食經驗中也發現很多時我們都會被照騙影響。食評可以是假，你以為照片不能騙人？那就錯了，同一間食店同一款食物，影到鬆郁濛和用filter令相片顏色更濃艷相比，後者一定更能吸引你光顧。也是這個原因，即使我很早之前已經聽過榮哥這個名字，但因為看過食物相片不特別吸引所以一直沒有光顧。但當聽到不止一個朋友大力推介，又開始掀動我的好奇心，我決定俾次機會佢。＊＊＊＊＊＊＊＊＊＊＊榮哥是一間中式私房菜，店內全部是中式圓枱。由於是私房菜，所以食店沒有餐牌，通常都是預先訂位和事前跟食店溝通好菜單。食單有幾個菜單選擇，如果有甚麼不吃的，可再稍作改動，收費亦如其他私房菜般按人頭收費。一入門口就會見到幾個主廚榮哥的獎牌和獎杯。另一樣吸引我目光的，就是這一排水耕菜，全部都開得非常茂盛和翠綠。今次我們的菜單包括四款前菜、燉湯、五道菜、炒飯和鮮果拼盤，人頭$338，價位非常合理。有機沙律醬伴芝麻醬這個沙律菜真是超過新鮮爽脆，原來就是門口位的水耕菜，當然店內的水耕菜沒可能足夠應付客人需要，但貨源是來自同一處的，

說起私房菜， 「榮哥廚房私房菜」（下稱「榮哥廚房」）相信是無人不曉的！ 「榮哥廚房」在香港私房菜界有絕佳的口碑， 主打新派粵式融合菜， 食客可以根據個人口味度身訂造喜愛的菜式。 由於是私房菜關係， 榮哥每天親自挑選新鮮食材務求不時不食， 所以建議食客最少早一日訂座， 好安排到訪時的菜單。😏 一入門口便見到十幾盆的水耕蔬菜， 感覺用料有機新鮮。😍 餐廳格局開揚， 另外還設有三間廂房，適合大夥兒的開party聚會， 同時有免費wifi供應，很貼心呢！😊 我們點了榮哥推介的2人餐 $348/位。 先上頭盤： 有機沙律菜伴芝麻醬 沙律菜新鮮爽脆，加上開邊車厘茄， 配上香甜的芝麻醬，清新開胃。 涼伴黑木耳 黑木耳爽口，用麻油和醋稍作調味，微酸惹味。 紫薯配鮮淮山切成粒裝，簡單精美， 紫薯香甜，鮮淮山味道清甜，滑腸又有益。 茶燻流心蛋伴黑魚子醬配厚切茄子 天婦羅茄子，經輕輕炸過後外皮變得香脆， 裏面則保持着軟腍的口感， 配上惹味蒜香汁，更是滋味。 茶燻流心蛋做得剛好，呈半生熟的效果， 蛋黃咬下去微微黏口，蛋黃油香， 蛋白軟彈， 喜歡吃糖心蛋、半熟蛋或..的食客不可錯過！😂 一睇

今日朋友慶祝升職請食飯，一定要食餐好唔好蝕俾佢，見到呢間榮哥廚房私房菜好似幾特別，好評又多，就決定book呢度雖然位於工廈内，但一出𨋢就見到門口，不用四圍搵早兩日訂定位，揀咗這個叫「精心配」套餐（$348），原來仲會有私人餐牌，好貼心涼拌黑木耳同埋紫薯配鮮淮山這兩個冷盤很快就上咗，黑木耳酸酸地很開胃，紫薯配淮山就正常水準，唔太突出有機沙律菜伴芝麻醬沙律菜很新鮮，芝麻醬似係自己調製，唔係外面現成貨茶燻流心蛋伴黑魚子醬配厚切茄子流心蛋的流心程度極高，加上微溫的厚切茄子，點下面酸酸甜甜的醬汁，是一道極佳的開胃菜原盅燉姬松茸淮山甘荀黑毛豚肉湯燉湯飲得出很足料，湯頭濃郁但不會過鹹，正好暖暖胃蒜香芝士焗老外蠔王西式芝士忌廉的做法，蠔肉生熟程度剛剛好，極肥美蝦球水芙蓉蝦球吃得出是新鮮蝦，因為鮮蝦味是沒有得呃的，蒸蛋亦好滑，沒有蒸過龍士多啤梨豚肉伴草莓豬肉一咬落去充滿肉汁，其實豬肉要咁肥先好食，而草莓汁酸酸甜甜正好蓋過肥膩感，一流魚湯浸碧綠溫室菜苗本來好怕食這種菜苗，因為每次食都有強烈的草腥味，但這裏的卻沒有，魚湯唔單止有魚味，仲應該加左啲蝦或者蟹一齊熬，夠晒誠意荷香蒜蓉海斑片原籠鴛鴦飯海斑片啖啖肉，

今日係老婆Training嘅第一日, 黎緊呢兩個月佢又要返工, 又要Traning仲要交功課, 非常辛苦。為左鼓勵一下佢, 我Book左係觀塘工廈嘅榮哥廚房私房菜同佢佢嘆返餐。😋榮哥廚房私房菜係同老婆一樣唔食牛又一樣好鍾意食豬嘅同事推介我去食的, 佢提醒我要預早打電話去book同埋訂定菜。雖然榮哥廚房私房菜係工廈入面, 不過好近地鐵站, 由D4出口一出去就到, 地點都幾方便。👍店內裝修平實, 係餐廳入面發現有在種植沙律菜, 原來餐廳其中一款菜式沙律菜就係用自家種植的。😮我地準時19:30到餐廳, 枱面已經放左有我訂的餐單仲印左我嘅名係上面。😁 我今晚揀嘅2人套餐叫"精心配", 每位$348, 以私房菜黎講價錢中等。前菜有4款, 都非常精緻, 自家種嘅沙律菜好新鮮, 口感爽脆, 配上混有柚子醋嘅芝麻醬, 酸酸甜甜之中有微微辣味, 非常醒胃。😚涼拌黑木耳好爽口, 老婆好鍾意食鮮淮山, 呢款紫薯配鮮淮山好啱佢口味。茶燻流心蛋做得好好, 唔咸, 茶燻香味好濃好突出, 伴黑魚子醬提升鮮味, 厚切茄子沾上醬汁味道濃郁, 同茶燻流心蛋好配。👍燉湯我地揀左兩款唔同嘅, 我飲果盅哈密瓜螺頭黑毛豚肉湯好鮮

大多數的西餐的菜式離不開都是薄餅、肉扒、漢堡、意粉，款式萬變不離其中，相反，中菜用料一樣但出來的效果卻大有不同，不同配搭能帶來不同的驚喜。今晚訂了觀塘這間中式私房菜，享受一下中式菜所帶來的不同變化。紫薯配鮮淮山：紫薯很香甜軟綿，鮮淮山很爽口。涼伴黑木耳：木耳味道淡淡，但很爽脆。有機沙律菜伴芝麻醬：沙律菜新鮮爽脆，蔬菜鮮甜，伴上芝麻醬，有點酸酸的味道，非常醒胃。茶燻流心蛋伴黑魚子醬配厚切茄子：外型擺放精緻，燻蛋有蛋香及濃郁的茶燻味，蛋黃還是流心，非常嫩滑；茄子外層略煎，所以不會太腍，本身茄子無調味，但醮上帶有咸鮮的黑魚子醬，感覺是為了這醬才會有茄子出現，醬汁才是主角。原盅燉姬松茸淮山燉甘荀黑毛豚肉湯：燉湯非常足料，肉眼所見有豚肉、姬松茸、淮山及甘荀，湯名所有材料均有出現，眾所周知，姬松茸的菇味非常濃郁，基本上一放了姬松茸，成煲湯都會有陣獨特的菇味，加上甘荀的甜味及豚肉的鮮肉味，整個燉湯非常鮮甜。蝦球水芙蓉：清湯燴在蒸蛋白上面，蛋白火喉控製極準確，非常嫩滑，感覺像吃豆花一樣，蝦球新鮮彈牙。士多啤梨豚肉伴草莓：士多啤梨汁跟豚肉配搭極好，豚肉有肉味又有咬口，肉質天然軟腍，沒有加鬆肉粉，加上無味

近期頻頻在觀塘覓食，發掘了很多隱世美食，不論中西日意韓，全部都集中在這區的工廈內，今次選擇了在觀塘工業中心內的榮哥私房菜，地點非常方便，就在觀塘地鐵站D4出口隔離。餐廳內佈置特別，一入門口就有很多種在水管內的有機沙律菜，令人忍不住想摘下即食。我們約7時到達餐廳已經有半滿，全部都是已訂枱的客人，基本上私房菜是必須要訂座的，因為餐廳會因應訂座情況及客人要求的菜式而訂貨，才能有效維持材料的新鮮度。先點了壺龍井，是用茶包的，味道較淡。有機沙律菜伴芝麻醬沙律菜跟平時食到的味道很不同，真係有菜的甜味，很新鮮香脆，色澤翠綠，配上芝麻醬及帶酸的柚子醬，非常清新及開胃。涼伴黑木耳黑木耳每片都切得一樣大小，又爽又脆。紫薯配鮮淮山紫薯又糯又甜，味道清新；淮山味道一般，不太夠爽。茶燻流心蛋伴黑魚子醬配厚切茄子茶燻蛋有很香的煙燻味，蛋香十足，蛋白很滑而蛋黃外層剛凝固，一咬開蛋黃汁流出，整隻蛋又香又滑；茄子表面煎香，所以很結實但不油膩，配上黑魚子醬，味道帶有少許的甜味，茄子外實內腍。原盅燉鮮土茯苓鑽地老鼠黑毛豚肉湯燉湯內有土茯苓，新鮮螺頭及豚肉，味道帶有螺頭的清甜，螺頭已經煲到很腍，一咬落去還帶有點點的螺肉鮮味，