霸嗎拉麵 (德己立街)

营业中

休息中

和男朋友在中環做完弱智強制檢測，天氣又凍排了三個鐘頭，想吃碗暖笠笠拉麵，就來到這裏，以前在銅鑼灣亦經常吃霸嗎拉麵。超喜歡他店舖的裝修，很有玩味，木製枱上面油了一層光零零的油漆，感覺更似回到日本。【明太子豚角特濃牛乳味噌拉麵】牛奶的味道幾濃郁，明太子份量亦不少，配上大量的粟米粒，減輕明太子的鹹味。豚角有些太腍，缺少了口感。【辛辣灸燒豚肉拉麵】灸燒豚肉仍然是入口即溶，令人懷念的焦香味道，湯底辣味是足夠的，但有點像出前一丁麻油麵的湯底味，原味好吃一些。【羽根燒餃子】菜的味道幾重，不過有點像先淥好餃子才加下面粉漿下穫煎。【唐揚炸雞】新鮮炸出熱辣辣。

𝙖𝙡𝙧𝙚𝙖𝙙𝙮 𝙘𝙧𝙖𝙫𝙞𝙣𝙜 𝙩𝙝𝙞𝙨 𝙥𝙤𝙡𝙡𝙤𝙘𝙠 𝙧𝙤𝙚 𝙧𝙞𝙘𝙚 𝙗𝙤𝙬𝙡😋 𝙘𝙝𝙚𝙘𝙠 𝙤𝙪𝙩 𝙩𝙝𝙚𝙞𝙧 𝙥𝙤𝙡𝙡𝙤𝙘𝙠 𝙧𝙤𝙚 𝙢𝙚𝙣𝙪 𝙞𝙛 𝙮𝙤𝙪'𝙧𝙚 𝙖 𝙗𝙞𝙜 𝙛𝙖𝙣 𝙤𝙛 𝙞𝙩!.明太子迷千祈唔好錯過霸嗎拉麵期間限定嘅明太子menu！一定要叫拌飯，大大pat明太子醬加上撈咗木魚飯素嘅飯，加埋蛋黃食好濕潤，每一啖都食到明太子醬，仲可以包紫菜食添，三十八蚊碗抵到爛🤩 另外牛乳味噌拉麵湯底香濃鮮甜，食落有啲似粟米湯，加埋明太子鹹香十足，最鐘意隻溏心蛋夠哂入味！小食方面叫咗勁多嘢，好推个沙拉唐揚炸雞，大大舊熱辣辣好多肉汁，淋上沙律醬食落好清新，仲有啲蔥花增添香氣，明太子雞翼香辣惹味，燒餃子都唔錯！

次次經過尖沙咀果間分店都好多人，一直都好想試下呢間日本過江龍「霸嗎拉麵」，上網見到有優惠券抵好多，買嚟試下！環境中環分店位於蘭桂芳，有點意想不到會有拉麵店坐落酒吧區，而且店舖面積頗大。餐牌分為紅碗豚肉味和黑碗雞白湯，當然各一嚐試。炙燒豚肉味玉拉麵 $88湯底有得揀少油，麵都可揀粗幼。出名濃厚豚骨湯底加秘製醬油，湯底果真夠湯郁重點係不覺鹹，叉燒屬厚切，肥瘦相間，用低溫慢火煮超過十小時，肉嫩又入味，真係一碗不錯嘅豚骨拉麵，無論湯底、叉燒、油膩度都控制得好好。雞叉燒雞白湯拉麵 $83雞叉燒係選用雞髀肉，口感彈牙，至於雞白湯同樣不能睇小，係再豬背骨、雞腳等熬煮十小時，湯底呈現奶白色，味濃，但油膩度就比較高啲。羽根燒餃子 $35一定要一大塊連住先係日式餃子，焦度正常，皮亦算薄，正常之上水平。啤酒 +$4因為11月份慶祝香港店四週年，每碗拉麵+$4就有枝SAPPORO飲，爽！食哂先見到既碗底~~食拉麵一定要食濃厚湯底，而油膩度對我而言亦係加減分數位，就算味道濃郁但偏油都影響口感，呢度有正宗日本拉麵選擇可揀油膩度，已是加分位，湯底又夠濃厚，我會再返轉頭食。

2019年5月6日（星期一)中環區除了是商業區外，亦是美食集中地，就算正下着滂陀大雨，都不減退我品嚐美食的心情。一早已經跟友人約了晚上七時，嘗試一間名叫霸嗎拉麵的店，早於很久以前已經在尖沙咀看過這招牌，被它略為有趣的各字所吸引，但一直無緣一試，今天正好有機會了!當日人客不多，不用等候便能入座，店內裝修很有日本拉麵店風味，座位大約有二十多個，比一些只有數個bar枱座位的拉麵小店更為寬敞，同時能吸納讓更多的客人，但座位與座位之間並不會過於擠迫，大家都能有着自己的私人空間。貪心的我們點了一個辣跟一個不辣的拉麵，這樣便可以把兩種味道的湯底都嚐試一番，這次點的分別是辛辣炙燒豚肉拉麵和雞叉燒味玉雞白湯拉麵，由於是第一次吃的關係，所以麵條選了適中，而其他配菜都是正常份量。先來的是雞叉燒味玉雞白湯拉麵，湯看似非常香濃，湯面漂浮着少許閃閃發光的油份，真是引得我垂涎三尺。先喝一口湯，頓時整個口腔充斥着雞的香味，麵條口感適中（第一次吃的建議選適中喔)。雞肉做的叉燒是由雞肉卷紮實後而切厚片的，肉質嫩滑帶皮，非常juicy，麵中的溏心玉子熟度剛剛好，用筷子輕輕戳開，半熟的蛋黃會慢慢流出來，這刻有點後悔另一碗面沒

💭天氣最近轉涼，夜晚想食碗湯麵暖下個胃，都有一排無食拉麵，行過見到「霸嗎拉麵」有期間限定新產品，決定入去食晚餐。◾️餐牌除左招牌嘅炙燒豚肉同雞白湯拉麵之外，期間限定嘅菜式，今期係天婦羅軟殼蟹櫻花蝦湯拉麵，當然要試下啦，我地仲點左客餃子添！🍜天婦羅軟殼蟹櫻花蝦湯拉麵 ($93)天婦羅軟殼蟹原隻上，夠晒份量，炸得幾香脆，粉薄唔油。櫻花蝦湯底好濃郁，飲落除左蝦嘅微微咸香，仲可以見到有蝦嘅紅油，非常惹味。飲一啖湯再食個麵，相當引人入勝。🍜炙燒豚肉味玉拉麵 ($88)呢款係霸嗎嘅主打，非常厚嘅炙燒豚肉係特色，肥瘦分明，肉質嫩滑，經灸燒後油份溢出，非常邪惡。至於豚骨湯底，膠質重，非常濃郁，每一條麵都可以掛滿湯，正呀！🥟羽根燒餃子 ($35)餃子五隻一碟，一整排反轉上碟，非常傳統的日式餃子做法，煎得好香口。🍹和梨蘇打酒 ($18)🍹蘋果蘇打酒 ($18)呢個又係新野，飲落果味好足，似飲緊有汽果汁咁，雖然係酒精飲品，其實只有3%酒精，所以可以大膽飲呀！💭總結而言，霸嗎拉麵以主打濃郁拉麵湯來講，真係做得好到位，質素係有保證的，今次期間限定嘅天婦羅軟殼蟹櫻花蝦湯拉麵幾有驚喜，湯底蝦味真係幾濃，想試下新野係一

幾次行過尖沙咀嘅霸嗎拉麵想都排長龍，食唔到。 點知中環呢間係放工時間都仲有一半空位， 就入去即刻坐低。一般拉麵鋪都唔會預期坐得好舒服，多數食完就走，所以乾淨衛生就ok啦。而霸嗎拉麵係呢點係做到既。兩個人，一人一碗拉麵，加一份餃子已經好飽。豬骨湯湯底味道好rich, 好香濃，係我係香港暫時試過的no 1。 豚肉夾雜幾層肥肉， 加少少焦香味，入口即溶，雖然好邪惡，但係咁係咁先正嫁ma。麵底同玉子都above average。好味因為淆底關係，辛辣湯底淨係揀咗少辣。湯底相對無咁油膩，加上有少少辣地，非常開胃。雞叉燒既香又滑，又唔肥。想食清淡d 既，可以揀雞叉燒系列。餃子都好食既，但相對無驚喜。Encore指數：9/10

霸嗎一向响Openrice排名好高，尖沙咀長期排長龍，今日巧遇中環舖剛開門就試試。濃厚豬骨炙燒豚肉玉子拉麵🍜濃厚豬骨湯：名不虛傳，拉麵送上時見碗湯好「𠍇」好厚身，湯味濃而不羶，好味。豚肉🐷：一塊厚切腩肉，咬落鬆化，肥肉甘香。三高者危險品！玉子🥚：全隻上，小心！一咬蛋汁即流羽根餃子🥟韭菜豬肉，雖不是咬落有肉汁但煎得香唔油膩，加上餃子汁啱啱好。小意見：調味蒜粒可惜已潮，要注意。另外冷氣超弱，秋天都食到成頭汗，夏天就⋯⋯

中秋節公司早放工，決定去食碗拉麵慶祝一下。霸嗎拉麵有多間分店，我去了位於德己立街的分店，鄰近中環地鐵站，估唔到好多人同我一樣，都係有得早放工，所以越食越多人越熱鬧。門面設計好搶眼，店內設計亦像日本拉麵店。拉麵選擇主要包括濃厚豚骨湯拉麵、雞白湯拉麵和期間限定湯拉麵，還有其他小食及飲品等。辛辣炙燒豚肉味玉拉麵拉麵一上枱就香噴噴，熱辣辣。湯底好有層次，豚骨湯底濃厚，拉麵爽滑亦都掛湯。豚肉是厚切的，微微炙過減輕了肥膩感。糖心蛋的蛋白軟滑入味，當然也有流心，高質素。羽根燒餃子食拉麵當然唔少得食日式餃子，餃子燒得皮脆內嫩，豬肉及菜的比例恰當，味道清甜可口。辣汁唐揚炸雞炸雞即叫即炸，上枱時熱辣辣。炸雞調味得好入味，炸得外脆內嫩，配上少少辣汁及蔥，好配合。可樂最後飲番罐冰凍的可樂，熱氣全消。

今日隌男朋友去左睇背囊，點知山長水遠出到黎但竟然睇唔岩，於是乎就喺附近搵野食，結果就比我見到呢個龍蝦拉面，男朋友話見既然冇野買到慳返一筆，就不如食餐豪少少嘅午餐 原隻龍蝦味玉拉麵賣相好吸引，龍蝦中間切開一半，輕輕打開就會見到好吸引嘅龍蝦肉同埋蝦膏，睇見都令人垂涎三尺 龍蝦嘅size都算大隻！櫻花蝦湯底味道好濃郁，不過濃郁嘅唔係櫻花蝦味，反而係龍蝦味好重仲有隻糖心蛋添最後我地再一人一個小食就完左呢個豐富嘅午餐

成日經過尖沙咀The One都會見到對面嘅霸嗎拉麵條隊好長，呢日約咗同學晏晝返學校傾project，就早啲去到霸嗎拉麵嘅中環分店食咗lunch先～果然我哋冇決定錯，早啲去到冇乜人，而且侍應們都冇咁忙，服務好周到！但去到12點左右，office啲人開始放lunch，客人就巴巴聲咁嚟喇！而家先知道霸嗎拉麵 同 風雲丸 係姊妹店！一入到嚟已經覺得裝修同上個禮拜食嘅風雲丸好似哈哈 叉燒嘅製法亦都一樣，用上等豚肉慢煮超過十小時，再以明火炙燒增添脂香。好厚、好大舊、好淋、好入味！炙燒豚肉味玉拉麵（$88）豬骨湯底好濃味，拉麵份量好足～辛辣炙燒豚肉味玉拉麵（$93）朋友嗌咗中辛，話唔錯！味玉好impressive，流心效果💯雞叉燒味玉雞白湯拉麵（$88）呢個幾特別，係雞肉叉燒～ 好入味，唔肥；雞皮好薄，可以一齊食，燒得好香～雞白湯比豬骨湯淡味好多，鍾意食淡口啲嘅朋友不妨試下呢個～羽根燒餃子（$35）同上次風雲丸嘅一樣，羽根薄薄嘅一層，非常脆口😛靜岡蜜瓜梳打；信州蘋果梳打（$28）呢隻梳打一向都鍾意，試過蘋果、白提子、白桃，蜜瓜都係第一次見！而家仲要做緊優惠，$25一支，點可以唔嗌呀！蜜瓜味又幾好飲！

同朋友係老蘭飲完一杯，餓餓地，但三更半夜選擇唔多，咁不妨去霸嗎拉麵食個麵醫肚店內裝修幾似日本拉麵店，叫咗餐牌第一個拉麵：炙燒豚肉味玉拉麵，個湯底好香濃、半肥瘦豚肉煮得啱啱好，咬落去會有少少痴牙、麵條又打得夠彈牙，唯一差在隻味玉（半生熟蛋）太熟，無晒流心另外叫咗個枝豆，一咬落口就有驚喜，因為佢面頭落咗胡椒同椒鹽，好惹味，食完一件會繼續想食第二件，正而個羽根餃子，最好食既竟然係佢層米醬。。。煎得啱啱好，脆得黎煙靱，如果有淨煎米醬，我一定會order! 餐廳整體食物水準優良，又開得夜，係老蘭宵夜一個很好既選擇！

公司OT一個人走到 "霸嗎拉麵", 入座後被安排坐近距離廚師烹煮的位置。餐牌拉麵款式唔算太多， 對我來說 不錯，因為每次都是點選經典穩陣款式。炙燒豚肉海苔味玉拉麵 $98幾種主打配菜都有紫菜，溏心蛋。湯底味道很濃郁 ，仲有些膠質，幾黏口。 選擇了硬身面，口感極佳，又吸湯。 那隻"味玉"即係糖心蛋， 超正好入味， 日本拉麵冇咗依樣嘢絕對唔得。 炙燒叉燒燒得香口，肥瘦適中， 入口即溶而且厚度驚人， 比平常兩三塊薄叉燒更有份量的!靜岡哈密瓜梳打蜜瓜味好出, 唔算太甜， 夠曬氣既梳打和拉麵真是絕配!羽根燒餃子餃子煎得香脆， 唔油膩，皮不會過厚，肉餡適中， 一排的煎蓮著哪些 薄脆皮， 香脆可口。

情人節，訂枱吃飯是常識。但對於我來說早已習慣即興搵食，在情人節用一個更高的價錢享用餐廳的食物，大家也覺得不值得。今晚就選擇吃拉麵。平日常有人龍的拉麵店，反而今日不用等位直接入座。小小的拉麵店座位不多，但正因為”小”，才更有拉麵店的味道。這裡的拉麵大致分為豚骨湯，雞湯和辣湯，還有期間限定的魚介湯。炙燒豚肉味玉拉麵 $88拉麵都幾豐富，有流心蛋和炙燒豚肉。炙燒豚肉非常吸引，肉和脂肪層次分明，炙燒效果好好，豚肉口感香腍，半點韌的感覺也沒有。拉麵軟硬度適中，拉麵湯沒太重油膩感，麵有不錯的掛湯能力。羽根燒餃子 $35餃子的驚喜程度比拉麵更大，是出乎預料的香口，餃子皮夠薄又完整，內裡餡料豐富，而且不會太油膩，值得推介。情人節吃拉麵雖然從未試過，但就是喜歡在情人節中實而不華的情人拉麵。

人來人往的中環好彩也能找到日本拉麵店，這家拉麵店有多家分店，但倒是第一次到來，因為平時所見也大排長龍，今晚見不算太多人等，所以可以試試了。每張檯面也貼著這個NOTICE，講到咁無理由唔試湯底有豚骨湯或雞白湯兩款我揀了野菜雞白湯拉麵.... 當然我不會那麼單調，當然另外有附加配料附加了蛋和青蔥，蔥份量好合心意 ；糖心蛋外表偏淡色，而味道呢.......淡而無味... 好失望.附加的五花腩肉好大片  炙燒過增添脂香羽根燒餃子一客有5隻（食咗先記得未影全相）皮夠薄餡料仍有肉汁

認識我的人都知道我甚少吃拉麵，不過，身邊總是不乏拉麵迷，所以有時還是會於大大小小的拉麵店作客。今次，就跟其中一個拉麵迷朋友來這家霸氣十足，來自日本的過江龍拉麵店「霸嗎拉麵」吃晚餐。麵店是自助形式運作，那天我們坐在面對著牆的排椅上，桌上已經有水、水杯、碟和各種調味粉和醬。客人需要自己斟水，預備調味碟……下單呢？就可以看餐牌，然後在點單紙上在想吃的東西旁作記號或註明數量，再交給店員下單。 特盛炙燒豚肉拉麵 $118我跟朋友看到招牌豚肉拉麵圖片後，都覺得很吸引，對其可是十分期待。然而，當它出現在我們眼前時，吸引度大減，分數亦驟跌。為什麼？因為熱辣辣拉麵上，竟然是四大片出乎意料地充滿肥肉的厚切五花腩！我們對此十分失望…… 你可能會覺得我們大驚小怪，而五花腩多肥肉是正常不過的事……但是，無論我們參考餐牌，或是其他人上載的食評相片，那一片片豚肉似乎沒我們那塊的肥膩…… 雖然如此，我跟朋友都努力把拉麵完成，不做大嘥鬼。我跟朋友分享，撇除肥肉的部分，豚肉層次分明，即使是瘦肉，也是軟稔可口，散發著炙燒的香味。 麵條選擇了適中（硬度），吃起來不硬也不過軟，是合適的硬度。湯底香濃但不油膩，是較可取的出