點點心點心專門店 (已搬遷) 新店位置

*逢星期一至五2:30pm-6:30pm入座及落單起計7折優待香港的點心專門店「添好運」及「一點心」自從在米芝蓮車胎人美食摘星後就一登龍門成為熱店，隨後本地仿傚的點心專門店有如雨後春筍般到處開設。這家「點點心點心專門店」位於九龍渡船角，地點吊腳，店內裝飾簡單，牆壁以白色為主，天花板有一盞盞圓圓的黃燈，旁邊有一些鳥籠作燈罩，算是花了些少心思。內面整齊清潔，環境不錯，可是木製的桌椅很細小，餐廳環境略嫌太擠迫，有少少逼的感覺。menu紙有齊中英日文，十分國際化。點心款式唔少，但當然無酒樓咁多，不過好多點心都相當特別，在一般酒樓唔會食到！點心價錢二十多元一碟，也算大眾化。上菜速度很快，雖然知道是一早準備好的食物，但味道卻不錯，很入味。脆皮鮮蝦腸HK$29~ 將蝦膠芹菜用米網包住炸再捲上腸粉皮，食落有3層唔同的口感，很特別及鬆脆，但太過油膩!素芥末咸水角HK$19~ 皮脆內軟，餡內加了芥末醬，少許香辣卻很清新，非常匹配原本較油膩的咸水角真係菠蘿包HK$19~ 這樣命名是因為真的有菠蘿在餡內，外皮弄得不錯，香酥，內饀除了奶皇外有菠蘿粒，但餡料質感太重，整體其實不算好吃，不過作為此店代表作，是必點款

一早約好今晚打完league要一齊食飯, 隊友間要好好聯絡感情! 打緊波個時已經諗緊食咩好, 最後其中一個提出不如食點心, 仲話個有個波蘿包入面真係有波蘿, 咁特別點可以唔食!!!  於是打完就係官涌行過去九龍個邊喇, 咁岩差少少luck添, 745到但已經坐滿左, 跟住店員話入黎坐收銀旁邊一張額外加出黎既摺枱, 同成間餐廳木製既枱格格不入, 難得一齊食飯, 我地寧願等多陣都要坐返木製既枱! 呢間得一張點心紙, 係出面等緊位個時已經揀好晒喇! 3個人好似叫得太多...   20分鐘後終於可以坐低食喇!!! 第一碟到既就係皇牌波蘿包! 新鮮出爐真係未食都嗅到香噴噴呀! 餓左咁耐當然即刻大啖咬落去啦! 面脆內軟, 加上裡面熬辣辣既波蘿餡真係唔錯!咬開左當然要搵下係咪真係有波蘿啦?!  見到左邊有舊嗎?   真係估唔到點心地方有波蘿包食, 仲要整得咁好食! 另一樣整得同樣出色既就係脆皮鮮蝦腸, 除左有大大粒爽口既蝦, 重點係皮同蝦中間個層脆米! 為滑溜既蝦腸增加一點脆口, 口感層次一流! 另一款招牌點心燒汁釀茄子, 賣相已經非常可愛, 企係度既茄子再加頂帽

跟朋友同樣係「點心愛好者」，成日心思思想去食，但兩個人走酒樓又貴又唔知邊間好食，最後上網查到呢間「點點心」又近工作地點，當然要嚟試下！點心款式唔少，但當然無酒樓咁多，不過好多點心都相當特別，喺一般酒樓唔會食到！因為兩個都未食Lunch，所以擔心剩要點心唔夠飽，所以叫咗份 金銀蛋瘦肉粥 ，其實就係平時食嘅皮蛋瘦肉粥嘅加咸蛋版，調味十足，就算唔加胡椒粉都好好味！不過為咗滿足自己100%試味嘅心，緊係要加脆脆同胡椒粉啦！之後嚟緊就係 真係菠蘿包 ，因為真係用菠蘿做餡先會用叫呢個名，不過自己唔係太鐘意食識嘅菠蘿，所以好感一般。而且真係要趁熱食，一凍咗就打哂折扣。飲茶又點少得 蝦餃、燒賣、山竹牛肉呢三寶！蝦餃 ，皮唔算太薄，但非常好食，而且餡有成3、4隻蝦，爽口非常！皮太薄反而會包唔到，超好食！燒賣 ，最意外地好食嘅一款點心！估唔到入面都係用蝦做餡，仲唔只一隻，今餐最鐘意嘅點心！山竹牛肉 ，無咩驚喜，但比出面食嘅水準都要高。最後嚟嘅係 脆皮鮮蝦腸 ，同樣，腸粉皮唔算薄，不過入面嘅脆脆同蝦都幾好食。可惜自然反應下將豉油倒咗落去，先醒起會淋哂，好彩都救得翻，極速完食！

   今次是第2次到點點心 本來去MK分店但怕多人所以都係去JORDAN 分店好了自從上次食過 脆皮鮮蝦腸 就念念不忘 成日介紹身邊友人去點點心試下D點心全部都係即叫即整 所以要等!哈哈 2個人食4樣野已經好膩 夠飽了山竹牛肉, 脆皮鮮蝦腸, 係菠蘿包, 花菇滑雞飯

避免要排隊, 我地六點鐘就入去食啦;果陣仲有好多空枱，所以完全唔洗等位；間舖黏咗好多剪報出黎；原來個廚師曾經係”添好運“度做我地兩條友，嗌咗八樣點心； 鳯爪排骨飯. 不過不失. 錦鏽白玉餃，幾好食. 同蝦餃好似. 只係多咗啲粟米粒. 沙律蝦春卷，係啲雜果沙律mix啲蝦. 都幾正 真係菠蘿飽，佢個饀係真係有菠蘿. 第一口我覺得有啲怪. 第二口覺得有啲似鳯莉酥. 之後都接受咗佢個味 都okay ge.脆皮蝦腸粉. 正啊!個蝦真係炸得好脆. 一試就知係即叫即做滋味蜂巢卷. 好濃嘅黑糖味. 比馬拉糕有新意. 個味又唔會太甜. 算係唔錯.芥末咸水角. 正啊依個堅係. 個芥末唔會太嗆. mix 埋啲肉碎. 真係唔錯!!!!!!!!!!蘋果叉燒酥. 見佢係夏日限定. 就試一試. 都okay. 唔會覺得突兀.總括黎講. 兩條友食八樣. 真係仲可以打包返屋企吔. 都只係$156. 唔算貴啊!

初初以為呢間嘢係新開冇幾耐, 但原來媽媽話佢都唔算新架啦, 都一陣子架啦... 所以真係要keep住update渡船角嗰邊嘅食肆至得, 如果唔係真係會out trend...唔知點解佐敦呢個地方話大唔大, 話細唔細, 但偏偏八文樓就係一個臥虎藏龍之地...色彩斑爛嘅點心紙...用唔同顏色嚟locate人氣點心... 估唔到又幾細心喎!! 雖然唔知佢係真有機定假有機, 但確實少甜清新好飲... 外皮既熱辣辣, 但又唔係脆卜卜嗰種, 啱晒心水 因本小姐唔喜歡脆硬的東西, 所以我口邊成日掛住句說話..."我地呢啲老人家好鬼麻煩嘅, 太咸, 太甜, 太硬, 太脆, 太冰嘅嘢都唔多喜歡吃"所以成日都問住, 點解咸水角就一定要脆卜卜, 我就係唔喜歡食脆卜卜嘅!!!佢除左熱度剛好, 外層又軟軟地, 勢估唔到, 咸水角同芥末夾埋一齊又唔難受喎!!!芥末味完全冇辣嘅成份, 淨係取其嘅味道...食完嘅感覺就好似要用Whatsapp嗰個雙手捧住塊臉然後O左嘴嘅表情去哎--> 好夾,好好味喎!!! 佢係真正腸粉皮薄... 但入面嘅脆又冇受影響喎...通常用腸粉皮包住, 入面嘅料十居其九都淋晒架啦..

因為老婆仔想再來這裡吃點心，所以在短短一個月內，又再與她舊地重臨，來到這間「點點心」去吃點點心。這次再來，不需像上次那樣坐在近門口臨時加開的桌子，有一張真正的二人桌子讓我們兩人坐下。拿過點心紙，連隨剔下數款點心，當中有新有舊，其中兩款是上次來時吃過的招牌點心，這天食過番尋味的「真係菠蘿包」和「脆皮鮮蝦腸」，另外三款第一次叫的則是「古法馬拉糕」、「沙律蝦春卷」和「藥膳棉花雞」。此外，為了飽肚一些，還叫了一碟「鮑魚絲炒伊麵」。「真係菠蘿包」這出位之作仍然好味，始終夠特別得來，有真正菠蘿蓉作餡料的中式菠蘿包味道討好。「脆皮鮮蝦腸」同樣有水準，腸粉皮夠薄，米網夠香口，腸粉內的蝦仁與蔥、韭黃等餡料頗豐富，沾上醬油來吃，仍舊好味。「古法馬拉糕」口感鬆軟，甜甜的味道也見可口。「沙律蝦春卷」給自己的最大印象是十分燙嘴，一咬開春卷外面炸得十分香脆的春卷皮，熱燙的沙律醬汁立刻衝進口中，教未有充份心理準備的自己霎時間被殺個措手不及，差點要把咬下的春卷吐進碗中。不過話雖如此，這春卷因為加了大量的沙律醬在裡面的關係，是頗為開胃的。雖然這春卷裡的蝦比較少，但整道點心在香口之餘有沙律的酸甜味作為點綴，都算是一道好吃

色香盡引千千客 味美全憑點點心上面的語句是懸掛在佐敦區八文樓文英街的一間點心專門店「點點心」牆上的一副對聯，除了「點點心」正好點出店子的名稱外，句子中也不忘提醒顧客這裡的點心色香味美，憑著點點的心機吸引盡千千萬萬的客人，端的是貼切非常。個人覺得，這是繼「點好味」和「譚點 點心專門店」之後，又一間水準相當不錯，值得一試的點心店。這天來到這裡吃點心，正是午飯時間，店子裡已幾近座無虛席，幸好店子老闆娘在近門口的地方臨時開了一張檯給我，才不用等待，立刻可以坐下叫點心吃，都算走運。這裡的點心有四大推介，分別是「晶瑩鮮蝦餃」、「脆皮鮮蝦腸」、「真係菠蘿包」與「即磨蛋白杏仁茶」。這次幫襯，叫了前三樣推介點心，再加上「金銀蒜蒸鮮魷」、「古法馬拉糕」、「糖醋炸雲吞」和「燒汁釀茄子」做午餐。1）「晶瑩鮮蝦餃」（$20）：這蝦餃的皮不夠薄，蝦餃皮的褶數也不夠，不算十分正宗，不過裡面的鮮蝦餡都幾新鮮，可以瀰補蝦餃皮的不足。2）「脆皮鮮蝦腸」（$20）：這脆皮鮮蝦腸的水準比蝦餃高，最外層的腸粉皮夠薄和滑，裡面的米網則十分脆身，而且最內層的鮮蝦餡中更搭配了韮王、芫茜等配料，使整碟腸粉的口感變得豐富。淋上醬油後吃

近日中港兩地飛的咖喱醬回港後想食餐好的,大家就跟她食餐勁勁的,最後決定飲夜茶食點心,地點就是這家有真係菠蘿包的點點心。位處佐敦八文樓,以地址來說是比其他旺區點心店隔涉,其實她就在著名堂記腸粉對面,也不算得難找的。平日夜晚人客不算多,入座時還可隨意選擇, 選了一個冷氣較涼但又鄰近大門口的位置,當門打開不時有清新鮮風吹送蠻涼快的,另一方面要是有煙民在外面開飯的話,煙味就隨風而至,正是有幸有不幸。木造桌椅有點細小, 我們也不敢一次點太多,以免桌子放不下, 要是遇上如我般大體積的客人, 坐得更有點辛苦。脆皮鮮蝦腸($18), 腸粉軟滑不黏筷,而且不會過厚,軟軟糯糯的口感真不差,以網狀脆皮包著鮮蝦韮王及芫茜,材料相當豐富,蝦仁有鮮甜味,芫茜香氣比韮王更重,而韮王又可以增加爽口感覺,真正做到內脆外軟效果,比一般的鮮蝦腸粉的口感更為精彩,侍應主動提醒這款腸粉只可沾醬油,以免餡料軟化,細心;蜜汁叉燒腸($15)的腸粉皮同是軟滑可口,全瘦叉燒帶點甜味,混上不少香茜後,就是我喜歡的重芫茜味叉燒腸,只苦了不吃芫茜的hon,她要慢慢的將其剔走,辛苦啦!晶瑩鮮蝦餃($18)初蒸起有點黏筷子,稍冷變得彈牙QQ,從