莆田 (利舞臺廣場)

营业中

休息中

莆田蟶子節已開始了一段時間，最近先有機會去試吓訂了7:30枱，店員抱歉話之前啲枱未埋單，結果等咗15分鐘。欣賞佢哋嘅醃蘿蔔，爽口開胃！應該只係用水灼過，比想像中清淡，少少羊燥味，皮唔夠爽。外脆內軟，軟滑的芋蓉加鴨肉，調味得啱啱好，味道唔太濃，食落唔覺膩。$219，可選兩種蟶子煮法，份量唔少，好抵食！蒜蓉蒸：蟶子有少少沙，蒜蓉同豉油都唔夠味。個人喜歡港式蒜蓉蒸，起碼香啲鹽焗：熱辣辣，鹽味提升蟶子鮮甜度，唔韌，值得一試中鍋都好大，四個人每人有成三碗；湯裏面有兩條炸過的小黃花魚，仍有鮮味。湯底冇魚腥味，除板豆腐外，仲有杞子和蒜子，飲落幾舒服，下次都會再叫。今餐好滿足，飲埋個湯真係飽到上心口

又到左蟶子季喇點少得嚟莆田食$199兩道蟶子菜式呢今次叫咗蒜蓉蒸同酒焗蒜蓉蒸個碟嘅蟶子就濃味啲，金銀蒜會打到成蓉，放喺每一隻聖子上面，再淋上豉油，不過食食下就略嫌有少少油膩酒焗個道就味道比較清淡，蟶子中比蒜蒸個碟大好多肥好多，好鮮甜，不過就有少少沙，但係清酒到洗下都OK嘅星馬炒通菜炒得好有鑊氣，好香，不過會有啲油紅菇煨麵做得出色，真係非常正宗，份量都幾多，湯底有蟶子，蜆，蠔豉，好甜，麵質爽口，唔會太腍身最後中叫左一札『釋加』果汁，鍾意飲甜嘢嘅唔好錯過，好大好抵飲

有點兒想念我好一輪無食既莆田，所以呢日就去左莆田度食晚餐🍲之前夜晚去尖沙咀分店都唔算好爆滿，估唔到閒日大概七點到黎到銅鑼灣分店就已經八九成滿座😱▪️ 蒜蓉蒸蟶子（7/10）💲109見到前後左右幾檯都係叫幾盤蟶子，原來莆田最近既主題係蟶子，鍾意海鮮既我又點會放過☺️呢度有一共八種既蟶子烹調方法，蒜蓉蒸蟶子當然係我首選，不過店員話揀多一種既話都係$198，所以就決定叫多一碟😛蒜蓉蒸蟶子感覺不過不失，蒜蓉味都足夠而且帶微鹹，係少量蟶子會有沙😳▪️ 叄芭爆蟶肉（7.5/10）💲109另外朋友揀左要叄芭汁，係餐牌度無辣椒仔以為唔會好辣，點知出到黎都係偏辣架🌶️不過叄芭汁比起蒜蓉更為香口惹味，而且蟶肉洗得比較乾淨，仲有啲帶油既韭菜係底▪️ 一品醉蚶（7.5/10）💲82螄蚶係蛤既一種，餐廳將佢地處理得幾乾淨，入口有微微既酒味，不過最主要都係生蒜同埋辣椒味，可以帶出到個鮮味▪️ 莆田扁肉湯（7.5/10）💲22/位店員仲推介左呢個湯比我地，個湯望落都幾清，應該係加左啲醋，飲落酸酸地幾開胃，亦加上唔少紫菜，同埋一啲好似魚皮餃，但係個皮透薄得多，包裹住啲扁肉餡，頗為彈牙😍▪️ 漁民紫菜燜飯（7/10）💲88燜既關係個

聽聞莆田的蟶子有很多種食法，所以星期日完教會後就和男朋友去了位於銅鑼灣的莆田食午餐。店內很寬敞又優雅，座位又整潔舒服，給人很舒適休閒的感覺！菜單上果然有很多蟶子的食法，可以8選2好正，讓我們可以試試其他野食！😆😆紫菜扁肉湯這湯鮮甜濕濕地，中間扁肉細細隻，內餡是軟腍口感，皮很薄又彈牙香口，口感很好！配上咸香紫菜，不知不覺間就全食完了！後來才知道這皮是由豬肉大力拍打而成，好厲害的功夫！一品醉蚶之前食過獅蚶就回味無窮！來到這裡我見這個醉蚶就立即點了，滿滿的蒜泥及辣椒粒，好野味香口又配上微微辣味，配搭這個半生熟的乾淨又鮮甜的獅蚶，食到好開胃！莆田鹵麵用上多種食材，包括：爽口的鮮蝦、甜美的蜆肉、層層肥瘦分明的豬肉及配上多款蔬菜，健康又入味；每條麵條都香軟又煙韌，湯底非常鮮甜，食完都回味無窮！參巴爆蟶肉用東南亞參巴醬再加上爽脆既韮菜來炒肥美鮮味彈牙的蟶子，辣得黎又鮮甜，非常開胃又野味！蒜蓉蒸蟶子蟶子又大隻又多肉加上滿滿的蒜蓉，香口得黎又甜美，這種食法無得頂喔！這間以一星級米芝蓮的餐廳，不單多款超級吸引的菜餚，服務員服務都好親切友善，主動送上菜及茶水，見佢地主動問客人食物如何及要否點甜品等，關心客人

今日黎到銅鑼灣，即刻去聲稱米芝蓮一級食府莆田試下蟶霸。入到去環境都ok,座椅舒服，但就較多內地人幫襯。前菜係精美四小拼，個紫菜又咸又酸，十分開胃。滷豆腐同筍乾都十分入味，份量都算多。之後又試左酒糟醃蟶子。酒味十分濃郁，完全遮蓋左本身蟶子鮮味。呢個時候配以熱茶，十分暖胃。主菜係蒜蓉蒸蟶子，呢道菜式一上檯就十分吸引，蟶子鮮嫩多汁，可以食到當中ge鮮甜。漁民紫菜炆飯較油，飯亦較為濕潤，味道尚算清淡。甜品係香芋棒，口感乾身，亦十分之脆。內裡有充足ge芋泥，味道不錯，值得讚賞。

莆田呢排不停推廣蟶霸,有好多款吾多煮法既蟶子,我地都比呢個推廣吸引左入黎食晚餐,好彩當日吾算多人,等左一陣好快就有位。蒜蓉蒸蟶子餐牌上煮住進店必點,呢一句說話令到我地都覺得不點不可,都見到隔離枱好多客人都食緊,所以我地都決定試下, 蒜蓉鋪滿係蟶子上面,呢個煮法好突顯到蟶子既鮮甜,果然係必點。紅菇鮮蟶湯食呢款生係海拔高既紅菇,煮出黎會係紅色的,非常有趣,加埋蟶子係個湯到好清甜呢到吾至野食有質素,而且菜式新穎,餐廳裝修都好舒適。

今日約了好友到銅鑼灣莆田食飯。好彩有訂枱，餐廳已經坐滿人，食慣廣東菜，想食福建菜，咁應該要來莆田，莆田出名食蟶子，打開餐牌，原來蟶子有8種煮法，有蒜蓉蒸，酒槽，盐焗，花雕，炒疍，燉湯，薑蔥炒仲有爆炒。餐廳坐得舒服，檯與檯之間留有空間，仲有卡位坐，照光明亮，裝潢時尚。芋香棒-4件芋頭炸好香，外層好脆，芋頭好香好，食唔停。仲叫埋福建肉粽。冰爽酒糟蟶子今次食蒜蓉同酒槽煮蟶子，天氣好熱，胃口麻麻地，食冰爽酒糟蟶子，蟶子大大隻仲好飽滿而且多汁，味道鮮甜，而且仲有好香嘅酒香味。福建肉粽，肉粽一定要加上辣媽辣椒醬，它可以帶出肉粽另外一種層次的味道，辣椒酱帶點酸辣味道，肉粽里面有蛋黃、豚肉、臘腸、蓮子、同糯米，帶有種荷葉香味。精美四小拼（有九轉小腸、紫菜、面筋、肴肉)小腸一點唔肥膩而且好爽口，肴肉味道唔錯，紫菜仲有蝦米仔同埋面筋。蒜蓉蒸蟶子另一種食法，蟶子肉質好爽口多汁，配上蒜蓉蒸，又熱又香蒜蓉令蟶子味道清甜。

端午節前夕，和同事一齊出來「做節」，揀咗莆田。作為一間嚟自星加坡嘅米芝蓮一星餐廳，我一直覺得莆田嘅餸菜好有特色亦好味，所以今日又來食好嘢啦！一坐低未叫嘢食已經送上酸酸味味的開胃小食，連啲茶都好飲過人，但我唔知呢個係乜嘢茶。叫咗呢度幾個馳名小菜，包括「福建三寶」：莆田扁肉湯、百秒黃花魚、莆田滷麵。扁肉湯($22/位)好好味，有好多小餃子，個餡有菜有肉，睇咗啲介紹先知，原來個皮係用肉來做嘅，經過12,000次嘅槌揼而變成「餃子皮」，所以食落好有口感，真係估佢唔到！一鍋湯四個人飲都有好多碗。黃花魚($78)就好大條，佢話用100秒就蒸熟一條魚，所以一啲都唔會過火，魚肉好嫩滑，亦有魚味。另外個莆田滷麵($88)係同事推介，佢寫住有12種食材，湯濃料足，確實又幾好味，個湯少少傑身，有蝦、蜆、菇、菜、肉碎等等嘅餸，而且份量不少。另外試咗兩個前菜：滷水嫩豆腐（$52）、蝦苗伴紫菜（$55），嫩豆腐有啲醬香味，豆腐煮淋但唔會爛！蝦苗伴紫菜好特別，啲紫菜好似有少少醋味，好開胃。仲有一個芋香棒棒，超濃郁嘅芋頭味，外層炸而不油，外脆內軟。剛好呢期又做緊蟶子promotion，所以亦叫咗一個蒜蓉蒸蟶子($10

莆田作為米芝蓮一星餐廳，這名字實在太出名啦。聞名不如見面，所以決定係呢道同友人慶祝生日 。我們7點前都不用等位👍🏻坐低就送上熱茶。採用左菊花杞子包，所以感覺都比較清熱😍仲會小食送，係黑木耳，帶點酸辣，感覺都新鮮好開胃。🍴冰浸苦瓜 朋友話好有驚喜，苦瓜片薄，很脆口，十分爽脆新鮮，味道苦但點上蜜糖後，出奇地夾同好吃，食後喉嚨十分舒服。剛巧餐廳做緊蟶子優惠，可以$198由8種不同煮法揀兩款蟶子既菜，所以揀左鐵板鹽焗蟶子&蒜蓉蒸蟶子！🍴鐵板鹽焗蟶子一上台，熱辣辣，一隻隻肥美新鮮的蟶子排成2行在一粒粒焗香了鹽上，好香！經鐵板鹽焗後蟶子鮮味更加突出。好大隻好肥美！好新鮮的蟶子爽口有口感！配上少少鹽鹽巴，咸味香濃！🍴蒜蓉蒸蟶子蒜蓉清蒸聖子的蒜蓉是輕輕炸過的，蟶子是開邊蒸的，蒸得剛好，再配合埋已調較的豉油，十分惹味。每隻蟶子都好肥美👍🏻🍴家鄉燜豆腐因爲朋友減肥，所以揀左豆腐，感覺比較健康。用砂煲煮的能一路keep住個好熱嘅溫度，不過好似有d老左少少，可以再嫩滑多少少。🍴紫菜燜飯食福建菜點可以無飯啦！紫菜燜飯鮮味十足，有d似日本的珍珠米加紫菜味素，米身偏圓，咬口比較好，飯入面仲有好多切細粒嘅材料，仲有啲

莆田，米芝蓮美食，最難能可貴嘅係每段時間都會有新主題，可以令顧客可以嘗試唔同嘅美食。而呢段時間，主題係聖子。入座時啱啱未到最繁忙嘅時候，所以不用多等就可以入座，走嘅時候已經開始要排隊。銅鑼灣分店環境好寬敞，坐得舒服！冰浸苦瓜 上枱時已覺得賣相好精緻，好考師傅功力，一片片好薄嘅苦瓜片砌成好似花嘅形狀。苦瓜有少許的甘甜味，清熱解毒。口感清爽，好特別。加上桂花蜜一齊食，苦加甜味道好夾。一如既往，一共8款期間限定的蟶子菜式，$198可以任選當中嘅2款。鐵板鹽焗蟶子新鮮嘅蟶子排成2行，配上少少鹽巴，味道香濃！經鐵板鹽焗後所烹飪嘅蟶子，海鹽味很重，而蟶子帶有微辣，反而令鮮味更加突出。食落覺得蟶子肉質彈牙脆嫩，肉汁豐富，好惹味。蒜蓉蒸蟶子好足料嘅蒜蓉，上枱時已覺得好香。蟶子開邊蒸，每隻上面都有足料蒜蓉。蟶子新鮮肥美，好夠鮮味。呢種烹調食落質感柔軟，配合蒜蓉和豉油，是絕佳嘅風味。而蟶子嘅份量好足夠，2人食好滿足。莆田燜豆腐 燜豆腐上台時覺得好似蒸肉餅，此菜式配以瘦肉、冬菇、瑶柱、雞蛋等食材精心一齊燜製而成。而食落味道濃郁，燜豆腐多汁，而豆味好出，另外食得出瑤柱嘅鮮味，多種材料一齊烹調，口感非常豐富。漁

同朋友約到銅鑼灣食午餐。我之前已經喺尖沙咀「莆田」分店試過，今次去銅鑼灣都有啲期待。朋友鍾意食啲甲殼類嘢，所以特別叫佢嚟試下佢啲蟶子菜式。今次佢有 HKD198 兩款蟶子菜，我哋叫咗「蒜蓉蒸蟶子」同埋「冰爽酒糟蟶子」。我自己鍾意食熱嘢多啲，所以「蒜蓉蒸蟶子」岩我口味多啲，但朋友點嘅「冰爽酒糟蟶子」，佢就覺得唔錯。呢個「水晶豬蹄凍」賣相好好，連埋佢啲微辣嘅辣醬汁一齊食，好似食緊辣味嘅啫喱，感覺一流。「紫菜扁肉湯」，紫菜味道清新，加上福建特式扁肉，有平凡之中見不平凡嘅感覺。中菜點都要有米落肚，「紫菜燜飯」岩岩好 =)。

今日同男朋友去銅鑼灣感受下七人欖球賽嘅氣氛，行到攰攰地便搵地方抖下，食下野。呢排天氣濕濕熱熱，搞到個人胃口都麻麻，想食啲清清地冇咁油膩嘅野。琴日行過馬鞍山知道莆田做緊蟶子嘅推廣，便去利舞台莆田看看有沒有做，好好彩一樣有做。今日天氣太熱，想食d清爽野，便叫左冰鎮苦瓜做前菜，上枱十分吸晴，整到食朵蓮花咁，配左個蜜糖伴吃，甘甘甜甜就又如人生丫，苦瓜片薄，十分爽脆新鮮，食後喉嚨十分舒服。跟住嘅係主角莆田蟶子出場，好似日本名丫，正式嘅名係哆頭蟶子，店內的電視不斷播有關嘅介紹。但貪食的我只顧眼前嘅蒜蓉清蒸蟶子同鐵板鹽焗蟶子，蒜蓉清蒸聖子的蒜蓉是輕輕炸過的，蟶子是開邊蒸的，蒸得剛好，再配合埋已調較的豉油，十分惹味，如果有碗白飯就淨撈汁都可食一碗飯；鐵板鹽焗聖子食得出最原始的鮮味，隻隻肥美飽滿，一放入口一咬，鮮味在口內爆發。話明清清地，梗係要食豆腐啦。我哋點咗個家鄉燜豆腐，感覺有啲似老少平安但沒有魚肉，用砂煲煮的能一路keep住個好熱嘅溫度，豆腐好有豆香，再配佢自家製嘅辣媽辣椒醬，簡直係天衣無縫，辣椒醬是酸酸的，有點似泰式嘅醬汁，十分醒胃。食開咗個胃，便要叫個紫菜燜飯來填填個胃，又係用砂煲上，可以慢慢

莆田見就見得多，食就真係第一次，今次去，完全係因為被佢哋最近嘅「哆頭蟶節」吸引到，係蟶子啊🤤佢哋有8款唔同嘅食法，而家$198可以揀其中2款😍 我揀咗一冷一熱嘅！蒜蓉蒸蟶子 蟶子開邊，每隻上面都有蒜蓉，聞到唔只食指大動，乜手指都動哂，拿拿臨趁熱食，食落彈牙，蒜味濃，個汁都超香💕冰爽酒糟蟶子 呢個超啱夏天食，凍冰冰，酒味香醇，但因為蟶子係未打開嘅，略嫌有啲麻煩同埋有沙😂 不過個口感、味道已勝於一切👍🏻另外仲叫咗隔離左右枱都有叫嘅冰浸苦瓜 $52 賣相好靚，夾起一片片苦瓜，沾上蜜糖，食落又甘又甜，好過癮。漁民紫菜燜飯 $88 燜飯能夠將米飯保持濕潤，但同時米飯又粒粒分明，每口都均勻帶有紫菜，味道唔算濃，但係簡單嘅美味。家鄉燜豆腐 $79 餐牌上食住係福建經典，所以想試一試，賣場好似蒸水蛋咁，但面其實內有乾坤，呢道菜係以瑤柱、瘦肉、粉絲等嘅材料燜出嚟，好有特色。需加一服務費，加上茶芥後，埋單2人約$490。如果你鍾意睇我嘅食評，不妨關注我，支持吓我，謝謝你☺️💕

冰浸苦瓜即係生食，當水果食，切薄片，又唔會薄到無𡁻口，味幾甘，所以配蜂蜜食，我個人就鍾意原味食，食得苦瓜唔苦食來做咩， 岩呢個開始炎熱既夏天，消下暑，清下熱蝦苗拌頭水紫菜本身都好like 紫菜既我呢個前菜真係明智選擇，望落細細碟，查實夾極都有，甜甜酸酸，好開胃，再加埋蝦苗，唔會太寡參芭爆蟶肉大蟶子食得多，原來細蟶子咁爽，鮮甜，參芭醬惹味但又唔辣，韮菜好嫩，成件事好開胃蒜蓉蒸蟶子由於8選2有優惠，就叫多個蒜蓉蒸，清啲更容易食出蟶子味道，細蟶子唔會有大蟶子韌既情況，真不錯漁民紫菜燘飯珍珠米粒粒分明，唔油膩，好濃味者可能會覺得淡，所以適合鍾意清清地既人炸番薯🍠餅甜品，食埋真係幾飽，番薯🍠蓉再加左少少奶黃，不過不失離開等人先有留意門口有免費薑茶飲，比等位食客飲，飲左一小杯，如果在冬天會更適🈴️，以養生角度盼就咩季節都岩既😌整體講，呢度係抵食既米芝連餐廳

最鍾意食海鮮。有殼嘅海鮮我一定唔會放過。莆田係嚟自星加坡嘅品牌。有個米之蓮嘅推介。一定要來試試。其實以前已經食過。今日突然有想食蟶子。莆田係蟶子專家，所以揀咗佢。可能由於有電話訂位嘅關係。所以侍應就帶咗我哋去圓枱。比較寬闊坐得舒服。正。喜歡莆田入面淺藍色嘅牆身。有屋企嘅感覺。最近去做緊一個優惠。$198有兩碟聖子。 可以揀唔同嘅煮法。你哋可以睇吓餐牌上面嘅相片。 我哋叫咗下面嘅嘢食。1.酒糟聖子。呢個應該係今輪餐牌新嘅煮法。係凍食。聖子有好香嘅酒味浸住。由於凍食嘅關係，唔好加太多調味。可以食返聖子本身嘅鮮味。唔錯。2。蒜蓉蒸蟶子。呢個係最大路嘅煮法。 冇得輸。蒜蓉味好香。正。聖子嘅份量都足夠。我同朋友兩個人叫咗兩碟聖子。 其實食完仲未夠喉。3.自製滑豆腐。唔好睇佢個樣平平無奇。真係好好食。個豆腐真係非常之滑。送飯一流。4.莆田荔枝肉。其實一心諗住黎食蟶子。不過作為食肉獸。點都嗌過肉啦。都幾香。果肉有輕輕炸過。整法都幾開胃。有啲生果嘅鮮甜味。5.扁肉湯。湯入面加左醋會有一陣少少嘅 酸味。鍾意醋嘅朋友。會覺得幾開胃。但如果對醋。可能就未必會鍾意。不過佢好好。可以嗌一位嘅份量， 好細碗一個人