圓山台灣料理 (已結業)

畢業之後各有各工作，不過朋友係要見㗎嘛，所以今日約左係圓山台灣料理食晚飯。餐廳名字感覺係普通台灣餐廳，點知一入去發現係茶樓式經營，裝潢俾人感覺金碧輝煌，大家都坐得舒服。係云云套餐之中，自選八道風味菜最吸引我，每道菜平均唔駛$100，食物選擇亦多。干煸四季豆炒得乾爽唔算太油膩，而且有適量肉碎，肉味香濃。蚵仔煎比較似煎蛋，亦唔係配有酸甜醬汁嗰種。蛋味幾香，酥脆但失去香滑口感。 平時食滷肉飯嘅滷肉都係細細粒，今次係第一次食咁大件嘅滷肉，肉質唔鞋，味道鹹中帶甜，入曬味。三杯雞上曬色，惹味同時唔會太油。另外醬汁香濃，送飯一流。蛋黃肉成坐山咁高，味道比一般肉餅更甜，有少少咬口。咕嚕黑豚肉比一般咕嚕肉更加嫩滑，醬汁酸度剛剛好。溫室南瓜炒鮮飽要加$180升級先有。南瓜同鮑魚比例算合理，鮑魚幾大隻肉質彈牙，南瓜稍為煎過所以幾香口。另外仲叫咗碟台灣炒新竹米粉，分量大之外，米粉稍為濕潤唔會太乾，配菜係菇、雞肉等等，簡單就是美。最後食埋小倉紅豆椰汁糕就結束今次晚餐。自己感覺圓山台灣料理不只售賣台式食物，更包含中國菜嘅元素。性價比都高，非常適合多人聚餐。

2019年7月7日。雨。尖沙咀。啱啱去完台灣旅行，返嚟冇幾耐就掛住台灣美食，於是約朋友嚟尖沙咀圓山，一解鄉愁～圓山經過過好多次，但係上嚟食飯就係第一次原來入面都係酒樓格局，但坐落都算闊落精選套餐好抵食～再唔係散嗌點心好似都唔錯但係我哋想食台灣菜，所以就冇點點心喇～秘製麻油雞湯（半隻），$198每次去台灣唔理天氣熱定凍，都要去飲一次藥燉排骨或者麻油雞所以見到當然要點喇～麻油味香濃，雞肉嫩滑，鹹淡得宜～推薦！炒A菜，$75台灣人嘅A菜即係我哋啲油麥菜色澤翠綠，唔多油，幾好～台灣炒新竹米粉，$118新竹米粉，加埋辣椒醬，配合得天衣無縫～三杯杏鮑菇，$118三杯雞就食得多喇，三杯杏鮑菇就少見啲～但係味道依然惹味～杏鮑菇將醬汁鎖住，啖啖鮮嫩～蚵仔煎，$98呢度嘅蚵仔煎同夜市食嘅有啲唔同質地較為實淨，似煎蛋多啲，口感結實唔煙韌，味道都唔錯～台式雙拼，$148雙拼有多款小食選擇，我哋就揀咗蛋黃小卷拼鹽水雞蛋黃小卷好有驚喜，係用蛋釀入魷魚，食落有兩重口感，好特別～鹽酥雞，$98鹽酥雞炸得香脆，調味上加咗孜然粉，增加層次～

尖沙咀行開都可能會發現一間好似茶樓既台灣菜館，今日約埋幾個Friends 終於有機會試下~一入到去格局真係同酒樓差唔多，午市仲有點心叫，都幾特別😋今次4個人黎到就叫左幾道台灣小菜台式鹽水鴨，比較咸的冷盤，加埋白醋中和返味道唔錯三杯雞，地道台灣菜非常惹味，不過雞再嫩D就仲正炒A菜，即係油麥菜，夠哂健康蚵仔煎，台灣野又點少得呢? 不過佢為左迎合香港口味，比較似潮州蠔餅，蚵仔都幾足料，醬汁就幾酸酸甜甜，唔錯～紅糟豬手，豬手煮得非常入味，肉身好淋，正伙記最後仲送左紅豆椰汁糕比我地食，服務唔錯架😃

偶爾都會想快閃個台灣但有錢無假呢🥺 唯有食餐台灣料理當去左今次黎到圓山台灣料理同MY BOSS撐枱腳首先 我地叫左個台式雙拼 ($148)揀左鹽水雞同涼拌海蜇鹽水雞清爽又美味 而涼拌海蜇更係開胃菜之選之後點了個細嘅麻油雞湯 ($198)睇到我個樣咁病 就知用嚟補下身啦濃濃的麻油香氣撲鼻而來 雞肉幾嫩滑飲落肚感覺渾身充滿力量而蚵仔煎 ($98)煎的比較厚實外皮略帶一點點酥焦 內部還是柔軟香滑而滷肉飯 ($25) 同擔仔麵 ($28)用黎餸菜 簡直係一流 👍🏻👍🏻________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

台灣美食一向係香港人所喜愛的，每道餸加上台灣二字必定吸引大量香港人前來品嘗，本人亦不為外。 今次嚟到尖沙咀嚐一嚐台灣美食。首先，呢間舖晚市不設有小籠包，只有午市，令我大失所望，但無阻我嘅心情去品嚐這間餐廳。總括嚟講呢間餐廳嘅嘢食不錯，沒有令我失望至極。麻油雞湯一個字正，雞味融入在湯裏，令到湯有雞味，雞有雞味，雖然用雞煲湯，但無令佢流失去原有嘅味道，亦保持鮮味。 平時一般飲雞湯都有一層油喺上面，令到大部分人都不敢放肆地飲， 但係這間的雞湯雖然都有一層油喺上面，但只有很少， 所以飲下去，嘴裏面唔會有層油，令你口腔油淋淋。蚵仔煎十分有台灣的味道，蛋唔會煎得太老，沾上辣汁， 令到蚵仔煎層次再昇華，令你無法抵抗。脆皮大腸十分有鮮味，外脆內嫩。擔仔麵正常發揮，但加上鹵肉之後，令到麵的味道有雙重口味，變化萬千。三杯雞一定要趁食，食到雞味嘅原汁原味 ，佢哋選擇用嘅雞唔會太肥唔，會太瘦。份量亦很多，不怕吃不飽，只怕吃不曬。總括嚟講，呢間餐廳保留咗台灣菜嘅味道，亦加入香港人嘅口味，所以部分食菜有少少微調，但不會令人有抗拒感覺，反而愛上，值得一嚐。

有朋自遠方來，不亦樂乎～外國朋友遠道嚟港，開口第一句竟然係：「我好想食台灣菜」。咁好喇，我哋即管努力搵下......機緣巧合之下，我哋就搵到呢間台式料理 — 圓山台灣料理。星期二丨晚上八點丨 一樓我地入到餐廳先發現，呢間店係以茶樓形式經營。當中唔少客人都係外國人，例如：坐喺我哋前面嘅正正就係日本人。我哋張檯好近水箱，所以可以清晰見到一尾又一尾龍精虎猛嘅魚、蝦、蟹。因為鄰近母親節，餐館推出咗一系列「母親節特備套餐」。不過我哋無人已為人母，所以都係乖乖地放咗個餐牌。都係例牌晚市精選名菜比較岩我哋。正式開飯前，我哋決定先飲個靚湯。咁飲咩靚湯好呀？大家傾咗一陣，都一致覺得呢兩日天氣涼咗，需要好好滋補下。於是，我哋就order咗「秘製麻油雞湯（半隻）」。待應好用心幫我哋將雞湯分好。每碗湯嘅湯料、雞件都擺到分毫不差，認真抵讚。秘製麻油雞湯（半隻） $198未飲之前，我哋已經聞到一股濃郁惹味嘅麻油飄香。呷一口，經過大火精心烹煮嘅雞湯隨即滿足我哋嘅味蕾。雖然雞肉喺湯裡面浸咗一段時間，但佢嘅部分鮮嫩肉汁仍然緊緊鎖住，丁點都無令我哋失望呀！蚵仔煎 $98飲完碗雞湯之後，第一道菜—蚵仔煎就登場喇！朋友話佢一

圓山尖沙咀競爭大，做餐飲真不易，租又貴。這間圓山也算是朋友聚腳好地方。地點算近地鐵站。服務也頗好，實而不華。我們一行5人，叫了好幾味菜。炒海瓜子 $98 ☹️本身份量看上去已不大，最不滿的是好多殻，初時還以為是肉跌了出來，但成碟找來找去都真的是空殻，無乜肉食，味道一般，❌不推介。蚵仔煎 $98 🆗與一般蠔餅，比較似煎蛋加蠔，蛋煮得太熟，如有有少少蛋汁就更好。炒A菜 $75 😊清清地，不油膩。可以。三杯雞 $148 😋推介，惹味得來不會太鹹。蜜桃咕嚕黑豚肉 😕蜜桃不算多，加了菠蘿配搭。黑豚肉煮得太乾太硬。台式冰梅骨 😋👍 推介椰香枣蓉糕 $38 😋甜度適中，好香枣味。即撞豆腐花 $88 😋👍好大桶，我們5個人，一人一碗仔都仲有剩。好滑。

真的很喜歡台灣的食物，在台灣的時候有很多夜市可以逛逛，那時候的台灣腸、鹽酥雞、燥肉飯、牛肉麵等，真係諗起都好想即刻飛過去大刷一番。不過既然諗開有條癮，又想食台灣菜既話，我發覺尖沙咀【圓山台灣料理】都係一個唔錯既選擇。之前吃話一兩次都仲會想令我番轉頭再度光顧既念頭呢。近來香港開設既台灣小店或甜品店比較多，像這類比較正式打正旗號賣台灣本土菜式就比較少，上完一條長樓梯入到去感覺有點像酒樓既格局，店內環境頗大，佔地兩層，上層為獨立房間不過就室內樓底矮可能頗侷促。但係作為中式既裝潢是可以接受的。見到有魚缸，相信海鮮既新鮮程度也不錯呢。坐下後店員給我們一壺普洱茶也放下了一小碗小食手拍青瓜。讓我們開開胃，並了解一下我們想吃什麼款式再加以推介。餐牌上有圖有字圖文並茂十分吸引，食物可分為涼菜類、台灣小菜、四川菜式、鮑參翅肚、湯品類及甜品，一場黎到的當然以台灣小菜為主啦。對不？！🔹拼盤可自行選擇款式，台式雙拼 $148，台式鹽水鴨&蛋黃小卷台式鹽水鴨：鹽水鴨，鹹香鮮甜但又不會過鹹不必味精來提味，鴨肉有著柔嫩的口感但又有一點實在，味道很鮮香，絲毫不油腻，非常開胃。另一拼是蛋黃小卷：這裡既名物之一，賣相精緻，

工作好忙冇時間去台灣旅行，都要食下台灣野啊！今日帶咗媽媽去尖沙咀食好西，圓山係間傳統台灣餐廳，聽到侍應同廚房嘅人講普通話都有啲台灣口音，好似真係去咗台灣咁。呢個自選餐真係幾抵，我哋兩個人食$388有四樣餸，食到好飽啊！多啲人食呢個餐都得啊。茶芥包括開胃青瓜，係鹽水味青瓜，唔係普通餐廳食嘅酸味青瓜，好特別。茶芥仲包埋人蔘烏龍茶（超好味，係咁飲🤣我哋另外叫咗個蛋黃小卷，係魷魚包住蛋製嘅餡料，幾特別。蚵仔煎其實係蛋餅，同我預期嘅有啲出入，因為喺台灣食蚵仔煎係比較多水份，同埋主要用粉整，但係呢個蛋餅就比較乾身。干扁四季豆好好味，都係普通中菜嘅標準，但係啲豆就冇乜筋，值得嘉許，啲味菜都好惹味又唔會太鹹。三杯雞係台灣餐廳必食呀！呢個我比一百分，啲雞好入味，仲有九層塔，同大量嘅薑爆香左個鑊，一齊炒，完全感受到廚師嘅誠意。屏東小炒王有韭菜花、蝦米、蜆肉、韭菜、唐芹、白飯魚乾、魷魚絲等等。佢唔會炒得好油。台式肉操飯，味道係好，但我個人嫌佢太多肥肉，好難減肥啊！依家like圓山嘅Facebook page仲有得送甜品本身可以揀椰汁紅豆糕或者是日糖水，但係叔叔超好人兩樣都畀晒我哋，同埋重點係，兩樣都超，級，

依間台式餐廳以小菜同小炒為主,裝修格調有D似中式酒樓,小菜嘅款式多樣,有好多唔同嘅選擇。蚵仔煎係我每次只要去到台灣都必食嘅夜市美食,估唔到依度都有,諗都唔使諗當我大左。不過就同台灣嘅有少少分別,依度嘅比較似蚵仔煎蛋,不過蛋味好香,蚵仔份量超多,每一啖都食到,仲加大量蔥粒令口感味道更有層次。三杯雞又係另一道台灣名菜,比較重口味嘅一道菜,好香麻油同薑蔥味。雞肉嫩滑,醬汁香濃,仲有九層塔嘅獨特香氣。屏東小炒王好豐富,有韭菜花,蝦乾,魷魚鬚,鹹肉,夠晒有鑊氣,用嚟送飯一流。脆皮大腸同平時係街邊食開嘅炸大腸味道差唔多,不過裏邊嘅脂肪被清理過,冇咁多。食落更香脆而且冇咁邪惡。當然唔少得食滷肉飯,滷肉大大嚿又入味,肥肉同廋肉比例啱啱好,滷肉嘅脂肪入口即溶,雖然感覺好邪惡但係食落一D都唔膩。

一兩年台風大行其道， 開得最多要算是飲品外賣店， 餐廳的通常係比較細型， 主打台式麵線，小食，飲品，甜品， 呢d都好食,但就唔係咁好坐。朋友介紹圓山，係尖沙咀， 地點方便又好坐， 係中式酒樓嘅枱， 雖然要加收加一茶芥， 但食物出眾， 所以就book左今日同老公過嚟。一嚟到門口有牌寫住388四道菜, 都幾抵，我哋就order呢個， 另外加個滷肉飯 ，餐廳有附送甜品， 手拍青瓜一小碟。叫咗三杯雞， 蚵仔煎， 屏東小炒王，紅燒豆腐。三杯雞用鍋上， 好香麻油薑味， 雞肉嫩滑， 醬汁香濃， 仲有九層塔的香氣。蚵仔煎， 料放得挺多，沒什麼粉漿，基本上是全蛋煎， 很香蛋味。屏東小炒王， 有韭菜花，蝦乾，魷魚鬚，鹹肉， 有鑊氣，夠鹹香。紅燒豆腐，味道比較淡， 有少量瘦肉絲，冬菇絲， 味道不錯。送贈的是日糖水—紅豆沙,很有驚喜。是我喜歡的半山半粒狀態， 甜度適中，很推介。埋單一人250， 價錢公道。

有朋友推介圓山呢一間台灣野好好食於是就試吓試完之後我覺得佢講得絕對冇錯佢係嗌小菜同埋飯咁嘅形式嘅個裝修都比較似中式嘅餐廳咁我哋就揀咗自選風味套餐食個菜打下底先上到菜先至知道原來台灣A菜係指油麥菜我就覺得佢個油麥菜油膩左少少如果可以清淡啲就好啲啦跟住係台式小炒所謂嘅台式小丑其實就係魷魚酥加埋其他海鮮同埋韭菜花 蔥頭一齊炒好有鑊氣正！😍😍😍跟住落嚟就多好多肉啦我覺得其實我哋唔係好識嗌嗌哂啲類似嘅台式滷肉所以其實可以嗌其他試多啲嘅不過台式滷肉真係好好食用黎送飯可以食三碗台南肉醬豆腐其實一開頭想嘅時候呢我覺得比較似麻婆豆腐我就會驚呀會唔會好辣啦不過其實雖然睇落去都有啲辣椒食落口都有少少辣嘅不過可以接受到同埋其實個辣味呢先更開胃呀台式滷肉呢個滷得好入味你見到佢顏色比較深同埋每一舊都係五花腩嚟㗎！咬落去入口即溶不過如果食到下面 浸係汁入面嗰啲呢可能就會比較鹹所以要點一點走啲汁先至好放入口好特別嘅蚵仔煎因為平時喺出邊或者就算係台灣食到嘅蚵仔煎其實都係用太白粉溝出嚟呢度竟然係用蛋餅好驚喜好鍾意呢個新嘅配搭😍😍😍不過啲蚵仔就略嫌乾身咗啲如果有埋嘢飲就好啦好好胃口真係好岩送飯唔怪得朋友話好食😋😋😋😚

一直很想試試尖沙咀的『圓山台灣料理』，聽說選擇夠多，食物也很不錯，這天約了一位很久沒見的朋友一起午餐，終於有機會一試！餐廳內部格局類似中式酒樓，中午時分來到，餐廳已坐了不少客人，還好不用等已立即有位子。餐廳下午主打一籠籠點心，不過我們想試試小菜，所以向侍應要了主餐牌，餐牌上選擇有很多，有常見的菜色，還有一些我們從沒聽過的～因為兩款前菜比單點來得便宜，所以先點了台式雙併：「蛋黃小卷」非常有驚喜，一塊塊蛋餅的外層類似蛋白，但更加彈牙，且有淡淡的魷魚味；內層有濃厚蛋香，點上沙律醬吃非常夾！「鹽水鴨」倒是第一次吃，肉嫩咸香，沾上酸酸甜甜的特製醬汁，很是開胃～一直不知道什麼是「A菜」，這次特地點了來試，吃起來很像油麥菜，但上網找好像不是同一樣東西……算了好吃就行～「炒A菜」新鮮翠綠，看起來炒得比較油身，但吃下去剛好，沒有太重的調味，反而突出了菜本身的鮮甜！「蚵仔煎」感覺是港式蠔餅和傳統蚵仔煎的混合版，外面香脆，內層夠嫩有蛋汁，蚵仔分量足，蚵仔與蛋比例恰好，而且還加了大量蔥粒，令口感味道更有層次，十分惹味，2人吃完一整個絕不是問題！「圓山招牌炒飯」也是非常足料，多蝦，飯粒炒得乾身不油膩，十分香口。

今晚選擇圓山台灣料理，因為想食中菜，但又想食得有特式啲，台灣菜就啱咁口味。星期日的晚餐較多熱鬧。蚵仔煎 $88每次必點蚵仔煎。煎到金黃色的蚵仔煎好吸引，蚵仔鮮甜嫩滑，滿滿的蔥花增添香氣，蛋味香濃。三杯雞 $138三杯係指米酒、麻油及醬油。醬汁鹹中帶甜，雞塊烹煮後肉質仍保持嫩滑而入味，配上大量煸乾的薑絲、蒜頭及九層塔，酒香四溢。不愧為台菜之王！皮蛋肉鬆豆腐 $75金黃的溏心皮蛋，富豆香的豆腐，咸香的肉鬆，加少少醬油膏，簡單美味涼拌菜。韭菜松花炒 $80清香的韭菜炒皮蛋，沒有唯和感，炒香的松子仁香味四溢，為小炒增加口感，有種叫人忍不住一直吃下去的誘惑。台式炒蟶子皇 $228蟶子的鮮甜肥美，口感爽口，九層塔更能帶出蟶子肉嘅味道，充滿台式風味！鹽酥雞 $88鹽酥雞熱辣辣上枱，外邊脆卜卜，咬落去肉質好嫩滑，味道也不會太咸及太油膩。椰香棗蓉糕 $38棗蓉糕即叫即蒸，質感煙韌有彈性，充滿棗香。

這日來到尖沙咀圓山晚飯，這裏看似中菜館，怎知內有乾坤，原來是有中菜又有台灣菜的台灣料理。前菜有蒜蓉青瓜，很爽脆。之後當時是開始主菜了，首先有口水雞 ($168)如果你能吃辣的話，這口水雞你必定要試一試。雖然價錢上略貴了一點，但做得十分出色，配料很足很地道，雞煮得剛剛熟，能讓肉質保持鮮嫩，就算不是雞批肉都蠻滑的，而且很辣很惹味，值回票價。蚵仔煎 ($88)這有別於在台灣吃到的傳統蚵仔煎，不會很痴牙或很黏。反之，這個蚵仔煎感覺很香口，料也很夠。台式小炒皇 ($128)十分足料，有韮菜，魷魚，蝦乾等等，炒得甚有鑊氣，特別是魷魚配搭蝦乾，口感不錯，可惜有我們不太喜歡的芫茜，要扣一點點分。還有我們最愛的台灣燥肉飯 ($28) 和 滷肉飯 ($28)肉燥入口即溶，味道跟台灣吃的不相上下。滷肉則有兩大塊，肥瘦比例均勻適中，滷水汁也開胃，不錯。由於每碟份量太大太多，我們二人實在吃不下，建議大伙兒或一家大細來吃就最合適不過了。