海老名沾麵

营业中

休息中

蝦汁味噌沾麵 （加麵底）*Time : DEC 2022, Lunch*Price : $107-HKD *Place : 海老名沾麵*Review : 又是一間長年人氣沾麵小店，通常都要排隊等位，鋪面其貌不揚，店內坐位很小，很有日本舊式麵店的感覺- 蝦汁味噌沾麵：此店菜單只有3款沾麵，外加限定的蠔拉麵，沾麵湯底都是蝦汁，滿滿櫻花蝦的甜味，味道濃烈但又不嗆喉，質地像濃忌廉湯，配上這裏彈牙的拉麵，口感順滑，湯汁亦更能夠混合麵條，配料方面，火义燒比較薄，表面有烤過的，好能夠帶出湯的鮮味。整體是好評的，份量不錯，麵條的質地好，而且湯的味道一流，難怪長年都很有人氣海老名沾麵地址 ： 長沙灣元州街213號美居中心20號舖

係長沙灣附近搵野食見到依間「海老名沾麵」都有唔少人排隊，見仲有啲時間先有野做，同埋都有一段時間無食過沾麵既關係，所以就排左一陣隊試下依間沾麵。因為自己一個食，好快就有得入去，舖頭大細同大家平時係日本食拉麵既舖頭差唔多，得大約十個位，牆上既裝修都似日本，有衣架俾大家掛褸。菜單基本上得三種麵揀，今次就揀左「蝦汁味噌沾麵」($89)，黎沾麵之前有前菜「特製烏賊炸玉」 ，初初睇名唔太知係咩黎，用紫菜包住一炸細細粒炸米咁既脆粒，食落幾重魷魚味，加埋紫菜味好好食，食完中意食既朋友仔可以追加。而個沾麵初初都驚會過咸，因為沾麵湯底會比平時拉麵湯底濃。蝦油夠香，而櫻花蝦都夠香口，不得不讚係個叉燒，你會見到廚師不繼係廚房用火槍燒叉燒，所以食落會有陣焦香味，又唔會太油，麵都夠彈牙👍🏻

呢間餐廳真係好隱蔽,個招牌真係細到傻🥴如果你唔識睇google map真係揾到你癲🙄餐廳空間好細,大概有10個位😶而店員嘅服務態度都好好👍🏻但食物方面真係少中伏😫🔺烏賊炸玉（附送)叫咗嘢食之後店員會比一碟類似零食比你😉有一塊紫菜同上面日本嘅零食脆脆😆店員叫你包住食,個人覺得就係普通嘅零食😂🔺蝦汁味噌沾麵 $89沾麵係湯同麵係分開嘅🙌🏻而湯裡面有3塊叉燒但都偏肥😥而溏心蛋竟然係原隻😳仲要係流心嘅😉但成個湯好重口味,都真係好咸下🥶而且蝦味完全唔夠😞可能我expect多d🥴麵嘅軟硬度係適中嘅👐🏻食完個麵店員會幫你係個湯加清湯,雖然係淡咗但都係偏咸😕🔺蝦汁醬油佔麵 $79呢個相對冇咁重口味但真係好重醬油味🤭好似飲緊醬油咁🥴個人真係麻麻😖朋友個湯比較冇咩嘢係佢走咗好多配料😂朋友話佢返屋企刷咗兩次牙都係好大浸醬油味🤢加上朋友個胃麻麻所以佢唔食得太肥膩嘅嘢🤥所以叉燒太肥佢完全唔食得😣🔺整體黎講個湯真係好重口味同咸😢除非你真係好鐘意食極度咸嘅嘢食🙂認真唔推薦大家食呢間🥲🔺店員之後都有同朋友講下次可以講話要瘦d叉燒同如果唔鍾意太油嘅話可以叫佢走油或者小油👐🏻▫️#CC_沒有立場資訊▫️#CC_長沙灣 #CC

深水埗其實都係拉麵陳地盤呢一區佢大大話話都有五六七間舖之前有間鰹之一滴我覺得幾好食唔知係咪開係車房附近無咩生意執左咁佢仲有兩間沽麵都算係原祖級係西九龍入面既隱家更加就係我食沾麵既啟蒙餐廳當年第一次就係坐係汽水箱上面食果陣時香港仲未太興呢一種麵所以同區另一間無門面既海老名就更加隱秘曾經有一次去食果時見到拉麵陳就企係門口唔知等邊位結果係餐廳食食下就見到老闆帶住單春入左黎食麵算係比較特別既體驗咁呢幾年香港開始比較多人受落沾麵亦開始慢慢越開越多好多日本店亦都被邀左黎香港開店就好少再番去呢兩間麵檔食今次再番到黎海老名差唔多七點左右唔洗排就可以直入既呢三款麵好似一直都無轉過佢仲有款限定既蠔拉麵今晚都仲有貨不過我本意都係想試沾麵每一間都有佢既沾麵正確食法聽講佢地呢排好似轉左師傅好似話品質都同以前唔同左其實都好多年無黎又食得多其他味我都唔係好記得以前既味道係點樣所以先特登過黎再試下當係全新既體驗前菜一粒粒脆脆地好似蝦整既小食都唔記得以前有無呢樣野今次就叫左蝦汁味噌沾麵個湯夠濃夠杰但就好似比味噌搶晒蝦味咁另外個麵雖然係自家制但真係好那少呢排都食過幾間沾麵都叫做食得飽呢度麵條無寫有幾多G但就肯定係少過20

呢日同朋友去咗長沙灣/深水埗交界既海老名食沾麵Google下先知道海老名係位於日本神奈川縣既一個市仔其實好耐之前已經想去食架喇可惜一直無機會終於有機會約到時間就去試一試呢間野個門面極度神秘，低調係無招牌架!路人經過其實完全唔起眼如果唔熟呢頭，或者唔係上網搵地圖查定資料真係幾難發現入面係一間食沾麵既舖頭店舖面積細小總共大約得十個位左右標準日式坐法客人對住拉麵師傅食拉麵師傅亦喺客人面前整好鍾意呢個設計客人對師傅亦好有信心同埋拉麵師傅都好好服務同笑容喺香港嚟講好難得!重點講食物先一客沾麵包兩片叉燒同一隻溫泉蛋麵質係有咬口，非常掛湯因為我本身大食，同埋好胃口我食食下要加個底先夠食得飽如果普通食量既食客應該唔洗加底都可以總括嚟講呢間我一定會再encore!

因為大少想食麵🍜所以排成十個都照等☺️大約二十分鐘就入坐，同好多拉麵店一樣鋪面細，都係坐簡單木櫈，但店內就有水同熱茶供應！而且仲有紙巾，十分貼心💗暫時有三個口味，到四月中會有多個蠔麵☺️雖然兩個好似樣但分別係蕃茄同味噌🤤湯低好濃郁😍我覺得蕃茄湯會帶出蝦味多彈啲，而味噌就簡單啲😘各自各精彩，食到最後可以再加湯，飲埋佢，我就鐘意加埋啲脆米，一邊食一邊飲湯好期待佢個蠔湯啊😊😊希望下次黎就食到啦🤤

同事告之公司附近有沾麵店，本拉麵控又怎能抗拒如此誘惑，午飯時間即前往吃麵去者也。之前經過多次都未有察覺，認真隱世。一如普羅拉麵舖，店子不大，坐位亦有限。蝦汁味噌沾麵沾汁杰稠適中，蝦味十分十分的濃厚，直接蓋過了味噌的味道，但就足以讓麵條掛著來吃；嫌湯汁太杰的話可加上湯烯釋。沾汁裡有叉燒，頗肥幸仍有嚼勁。麵條掛汁能力不俗，而且份量不少，一定夠飽。一個餐還另外附有脆卜卜的紫菜和炸天婦羅粉粒，免致放入湯中弄腍掉，加入麵條同吃即時增加食時的層次感。是隱X拉麵以外的另一好選擇。

Meter Chen 開辦的五間麵店之中，海老名的厨子最有性格，去小店吃拉麵沾麵，最易感覺師傅的心情。海老名三名厨子，兩女孩一大叔待人接物總是冷冷淡淡，但其製作沾麵或拉麵嚴緊，總是吃得暖在心頭，絕對水準之作。今次和好友一同光顧，點選了廣東蠔拉麵及蝦汁味噌沾麵，當然兩款麵食也有換轉試吃。廣島蠔拉麵每日限定十位，廣島蠔外形飽滿，不大不小四隻剛好飽肚，煎過的京葱與廣島蠔香味四溢，處理得很好帶點鮮甜，不過油份頗多可能嚇怕女士，對於男士來說喝完整碗湯已經非常飽，湯底用海鮮及蠔肉淆製而成，口感不俗。肉碎加入拉麵中起了微妙的作用，廣島蠔自己已經獨當一面，與拉麵一齊吃感覺南轅北轍，不是天生一對，當肉碎的出現，三種味道及口感混而成一。蝦汁味噌沾麵總評不俗，沾汁由於有櫻花蝦及味噌所以味道頗濃，我認為海老名沾汁的濃稠度和周月相若，比隱家稍濃。沾汁掛在太麵的能力不俗，太麵彈牙口感亦不錯。在吃的中途加了點山葵檸檬汁及櫻花蝦醋，感覺新鮮特别，亦帶點醒胃作用。薄薄叉燒略用火炙口感滑嫰，可能由於附帶的背脂相對較多。半熟蛋亦不俗，蛋黃八成啫喱狀兩成流心。對於烏賊炸玉，或者可以叫炸麵粉花，店員會建議和紫菜捲著吃，而我認為

拉麵達人 - Meter Chan, 年前所打造的拉麵/ 沾麵王國, 早已拜訪過了隱家沾麵和混亂拉麵, 今次輪到海老名沾麵。同樣隱身於長沙灣, 近深水埗舊區的美居商場中, 就在老麥隔離, 不熟路的會有點難找。 灰色水泥牆身, 一塊白色掛布, 一盞簡單吊燈, 平實的外表其實於舊區中顯得很突出。平面化了的海蝦圖案, 黑色的印於白布上, 連店舖名字也沒有, 喜歡這低調。每日只營業6個小時:12-3, 6-9。 這種態度能抵禦強悍的租金嗎?!慣性地要排隊, 遇上開飯時間, 等待總免不了, 而且還排上半個鐘, 天氣熱到溶, 確實難耐, 幸好隔離的老麥, 人們進取時所引出一度涼氣, 簡直是綠洲! 店內L型的吧檯設計, 只有十一,二個坐位, 空間較為狹窄, 但總比隱家坐汽水箱來得舒服。定期供應的麵食只有三款選擇: 蝦汁醬油沾麵($78), 蝦汁味噌沾麵 ($88)和蝦汁蕃茄沾麵 ($98)。 而今期的期間限定是蔥華冷麵和每日10碗的海膽沾麵。 雖說限定, 但對兩者都沒興趣, 唯有選回基本: 醬油沾麵和味噌沾麵。追加的項目也是離不開叉燒, 玉子, 櫻花蝦和麵條等。水, 是自助的, 像迴轉壽司般, 不過

今天決定一嘗本店沾麵, 門面不太起眼, 但地方唔難搵, 見到mcdonald轉角就係。12點開門, 1點去到既我地, 要o係門口等約10分鐘店員話每日限定10碗既海膽沾麵仲有, 一場黎到, 點都要試下同朋友二人叫左一碗 "蝦汁味噌沾麵" $88 ; 一碗 "海膽沾麵" $128店舖都幾有日式拉麵小店既風味, 約十個位, 袋可以掛o係枱既下方。蝦汁味噌沾麵 : 幾重蝦味, 不過略嚴油左少少, 但都好好食海膽沾麵 : 湯入面真係食到好多海膽, 比較特別, 湯底唔油又入味食到最尾可以叫店員加湯再飲, 由於蝦湯我覺得好油, 所以冇加到湯黎飲海膽我地叫店員加左少少湯, 飲落都幾好味

長沙灣數月前新開沾麵專門店「海老名」，地點偏僻但有人龍，主打櫻花蝦湯底，三款口味只有一款合格，麵條有一個致命傷，叉燒自掘墳墓，加上空間狹窄熱到流汗，如此低下水準為什麼會有人排隊？原來複製了某間難吃但永遠長龍沾麵店的必勝方程式，內文為大家詳細解構。早兩個月已聽過朋友提起長沙灣有一間專賣沾麵的新店，但因為過去一兩個要籌備去日本拍攝拉麵影片分身不暇，故此沒有去光顧。從日本回來後的某個下午，收到一位Food Blogger食友的Facebook私信，說會即晚去吃，有同道中人當然好，於是就約他前往這家「海老名」。從地圖顯示，這店位於長沙灣和深水埗港鐵站的中間。在下從長沙灣A2出口步行了三個街口約六七分鐘，找到「美居中心」這個舊型屋邨商場，結果找了一會兒，才發現這店原來是面向大街。平日晚上，完全清靜的住宅區，竟然有人龍，長度是不斷有幾個，和荃灣台風情況接近，難道這真是一家如台風般出色的隱世名店？真相原來在「募集精英」這張紙中有答案，文末公開。說回店面，除了這隻蝦之外，就完全沒有任何招牌標記，和過去風光一時的某兩家沾麵店很相似。在街邊食塵十多分鐘就排到可以進去，很傳統的L型吧台格局，食客和食客之間感

蝦汁味噌沾麵，麵身好硬，湯唔夠熱，湯底醇厚，有淡淡地蝦味，紫菜、荀干、蔥花、蝦脆齊全，塊日式叉燒半肥廋，可惜冇滷過，冇乜味，隻糖心蛋最有驚喜，店面細細地，十四個座位，招呼尚可，整體上不過不失。