金山海鮮酒家

营业中

休息中

一路都知油麻地多食市，就約班fd去尋食，行行吓見到呢間好似幾多，當商議緊入唔入去，侍應就出來叫我哋入去試吓，好即管入去試一次店內都幾多人冇乜位剩，侍應忙到唔得閒等你想食乜，叫你想好先過來既然大家想飲啤酒吹吓水，就叫d送酒菜，另外叫侍應介紹d特式菜首先就試吓侍應介紹既雲英雞和上湯中蝦煎米粉底雲英雞，比平時食既雞更嫩滑，雞腎好爽上湯中蝦煎米粉底，平時上湯龍蝦伊麵就食得多，呢個餸都係第一次食，需然中蝦冇龍蝦噤啖啖肉，但中蝦都幾大隻，肉都好新鮮彈牙，米粉就冇伊麵噤滑，但煎過既米粉再索左過汁，食入囗有雙重感覺，脆得來又稔稔地，好跟住就到我哋選既送酒菜，豉椒炒花甲，豉椒好嘢味，辣辣地，花甲食落冇沙黃金墨魚餅，好厚好大件，墨魚餅超彈牙炸大腸拼京都骨，炸大腸炸得乾身左d，京都骨用半肥瘦肉排，入口唔覺鞋幾軟滑窩貼鮮蝦小棠菜，未見真身以為係窩貼，見到真身就覺得似春卷，食落囗先知係用蝦溝埋切碎小棠菜打成蝦膠再沾脆漿炸成，口感外脆，內裏蝦肉彈牙而又食到小棠菜，幾重口感馬拉盞通菜，熱辣辣超嘢味最後就係砵酒焗蠔，一開錫紙散發出陣陣砵酒香味，咬落口蠔味濃而帶微微既酒香今餐真係冇得頂

生日飯豈止一餐，感謝好友們的邀請，這夜到了佐敦金山海鮮酒家吃生日飯。這兒出名海鮮又平又正之餘，晚飯小炒老菜燉湯亦極出色﹔海鮮種類選擇多，海鮮新鮮即叫即劏即煮，門外設有大魚缸，員工們就在街邊將海鮮捉出來斬斬斬切切切，真係睇得出的新鮮，吸引大批食客駐足觀賞。豉椒蟶子汁不濃，吃得出的鮮甜﹔元貝連殼Size仲大過手板，啖啖肉﹔這兒的雲英雞做得出色，皮香肉滑，不用蘸醬更能嚐出鮮味﹔手打墨魚餅極彈牙，中間是滿滿的墨魚粒，正﹔仲有老菜砵仔焗魚腸，送白飯一流﹔特別的還有少見的窩貼小棠菜，炸得酥脆，菜肉比例平衡，夠哂香口，好吃。價錢不貴，8人吃加多十幾枝藍妹每人約$250左右，美酒佳餚，歡渡這夜晚，感謝大家﹗

霸氣係由啲員工《流露》出黎！！！我都去咗食個好幾次，我好鍾意呢度嘅服務態度，有一種似曾相識既感覺---澳牛！我一早已經諗好晒食乜嘢，入到去即刻叫，跟住再同啲朋友吹下水。呢個時候有幾個大姐（嬸）行入嚟，夥計就帶去埋去坐低，坐低之後佢哋又話張枱細又話迫又話熱，跟住有第二個夥計同個同事講"唔L使理嗰的C9！麻L煩"，雖然唔係好大聲，但係我哋聽到嗰班C9都一定聽到,食花生^^（雖然我都覺得個班C9好煩）個班C9即時黑面，想爆又唔敢爆，笑死。跟住我啲嘢食話咁快就到，先來左雲英雞，雞肉香滑，搭埋幾舊雞腎，送啤酒一流。再嚟豉椒炒花甲，豉椒味差少少，但係花甲肉尚算鮮甜都係送啤酒之選。砵酒焗蠔用錫紙包住焗，一開咗淡淡既砵酒味，但係食落就淨係食到蠔嘅鮮味，贊！上湯中蝦煎米粉底，係上次個夥計叔叔介紹我食嘅，上湯中蝦，蝦肉鮮甜爽脆，加埋個咪粉底煎得通透，再沾埋啲上湯一齊食，贊讚！鍋貼鮮蝦小棠菜，如果你以為係鍋貼，少年你太年輕了。其實係啲蝦膠溝啲小棠菜粒再沾脆漿炸，咬落外邊香脆入邊嘅蝦膠彈牙，加埋小棠菜粒三重口感。炸大腸拼京都骨，京都骨用半肥瘦肉排，肉質幾軟滑，炸大腸偏乾身，有少少柴皮嘅感覺。黃金墨魚餅，餅身偏

本想打電話去訂位, 但唔通, 所以去到等. 點知一等就好耐, 仲要係無飛? 佢就咁MARK底你幾多人就當係MARK左, 好無安全感. 係咁追要等幾耐, 仲有幾多張枱, 只係知我地前一張係咩人等緊… 等我地諗住放棄食其他野時, 佢終於話下一張到我地. 最後仲有張紙仔俾我地, 叫我地唔好上住, 叫先上~守得雲開見月明, 終於等到~上左兩層, 原來上面幾闊落, 四個人叫左雲英雞, 4隻椒鹽瀨尿蝦, 豉椒炒蟶子, 墨魚餅, 窩貼鮮蝦小棠菜.雞我覺得普通左D, 無話真係特別嫩, SOSO.必食椒鹽瀨尿蝦! 好味! 大隻就唔係好大隻, 但勝在肉多, 鮮甜, 加埋YIP得好, 唔太咸, 非常滋味, 係咁啜隻蝦~~墨魚餅好正, 用料十足, 加上爽口彈牙, 外皮又炸得唔太油, 好味!窩貼鮮蝦小棠菜, 本身以為係小棠菜上面有D蝦, 結果大錯特錯, 係窩貼咁既樣炸左裡面有蝦肉同小棠菜, 賣相出人以表, 炸得脆, 肉都彈, 但唔係好食得出蝦味.豉椒炒蟶子豉椒味普通, 但係彈牙.食左瀨尿蝦大家都覺得等係值回票價~ 可惜沒有糖水, 因為送完了.今餐推介必食: 椒鹽瀨尿蝦, 墨魚餅~ 

又係一間平日都多人都爆o既餐廳。朋友訂左位，但黎到都係一樣要等，不過有好野食所以ok啦！其實我自己就唔係好食雞o既，但朋友猛話呢度d雞好滑好好味，所以我都有食左少少，都唔錯的！但我比較鍾意食附送o既腎片椒鹽賴尿蝦，椒鹽好香口沾滿曬隻賴尿蝦，連個殼都好野味！隻賴尿蝦都算大隻有肉的！排骨有咬口，同埋我自己好鐘意食沙拉骨的！個炸大腸好肥美啊，脆卜卜！正啊！又係炸野哈哈哈，但個多士真係好好味啊，是鬆化的，上面o既蝦膠亦好足料！我食左3件，但真係有少少肥膩 琵琶豆腐，因為我地4個人中，有1個唔食得海鮮，所以有叫左個琵琶豆腐！朋友話做琵琶豆腐工夫多，已經好少有食到咁好味咁喎。我就唔係好識啦，我只係識用好味同唔好味黎分，呢個係好味o既，下面d生菜索哂d汁仲有瑤柱碎，正！ 帶子西蘭花，覺得西蘭花有少少苦… 其實有叫左個湯的。不過唔記得左個名啦，個名鬼死咁長 但係一個清甜o既湯，不是味精湯今次食左勁多炸野，熱氣到爆了，不過好滿足！一餐半餐就算啦～

去咗好幾次了,雖然唔至於最好,但金山從來未來另我失望過,今次都無例外一行四個人,叫咗四個餸雲英雞, 雲英雞絕對係金山嘅招致菜, 雞本身非常滑, 雞味濃郁,識食一食就食得出,金山o既係我响香港食到最有雞味.每一次嚟都唔少得豉椒炒蟶子王爽口,但唔太入味, 反而重可以食到佢啲鮮甜。我覺得可以再濃味啲。但朋友卻認為太辣了,口味真係好難講。琵琶豆腐依個亦係我至愛, 豆腐加上魚肉同其他配料再炸,再淋上搖柱蠔油汁, 豆腐滑得嚟又唔會太熱氣,又帶少少魚肉味,真係食多幾件都無問題豆豉鯪魚油麥菜,依個無咩特別OK,每次去咗金山都好滿足,不過金山太多人了,而家都去少咗。建議去的朋友,一係早D,一係夜D,如果唔係,BOOK咗台有排等。我就試過BOOK咗台等半個鐘~

說到金山，我想起的必定是舊金山；除了舊金山，就是在荃灣附近的金山郊野公園。今天，幾名麻甩吃飯，地點當然不用去高餐廳，這類懷舊地點，吃著花生，喝杯啤酒，和朋友去吹吹水，正是人到中年的一大快事。不過，今天的花生卻有點腍。其實自己已經很多次路過金山，但總是過門而不入，朋友說今天來這裡，我才意識到，原來這裡如此好評。早已訂位，來到時下層已經滿座，問一下侍應，侍應著我到樓上，上了一層，侍應說是二樓，我才知道，原來這間金山，規模一點也不小。友人已經在這裡吃過幾次，我是第一次來，點菜還是交給他們吧，但從他們點菜心得，看得出這裡，是以海鮮聞名。先來半隻雲英雞，雲英雞是指未下過蛋的母雞，這裡是否真的用這類雞我不得而知，但這隻雞很有雞味，肉很嫩滑，而且很多肉，不會皮包骨，而且還有雞腎，雖不是雞雜，但已經很好了，怪不得是招牌之一。之後到海鮮陸續上場，油鹽水煮蜆和平時吃的不太同，因為這裡加入了不少調味如金不換、椒絲等，要說是油鹽水，不如說是輕量版冬陰功會更貼切。蜆肉鮮甜，隻隻飽滿，連汁吃很不錯，但要提示一下的是不太夠熱呢。椒鹽白飯魚為當晚最愛，也謝謝其一食友千叮萬囑要order。白飯魚很大條，炸得香口爽脆乾身

十一黃金周，適逢好友由北京遠道而來回港渡假，聚舊飯局當然不能少。最後連主角約好一行十一人來到佐敦的金山吃海鮮。金山一向人頭湧湧，今日更是周末夜，所以早早致電訂座時也只有晚上八時半的第二輪時段，當然準時到達後亦要多等一會才可入座，而今次我們同樣被安排坐在三樓的大檯。金山海鮮的質素一向有保證，可惜很多款式在第二輪已售罄，包括桶蠔、瀨尿蝦王、蟶子王、花螺等，就連非海鮮的田雞及炸大腸亦不能幸免。 例湯：為羅漢果鯪魚煲野葛菜豬踭，例湯味道濃郁，除了喝得出魚鮮外，還有羅漢果的清甜。喝湯其間店員奉來一碟雜草似的東西，其後才知是湯渣的大量野葛菜。 陳皮蒸飽魚：連生鮑不算十分大隻，但鮮甜肉厚，煙韌而不硬，口感一流。 蒜蓉粉絲蒸貴妃蚌：最初店員稱貴妃蚌已售罄，但後來原來還有，所以來了每人一隻。貴妃蚌很鮮甜，鮮味沒有被重味的蒜蓉蓋了，值得推介。 蒜蓉粉絲蒸扇貝：硬殼扇貝不是當造，所以大小參差，雖然仍是新鮮，但略欠口感。 豉椒炒蜆：大路的豉椒炒蜆，蜆肉不太突出，但豉椒汁料香濃惹味，如果再添些鑊氣便一流。 雲英雞：雞肉嫩滑，而且雞味頗濃，作為招牌菜確沒有失禮。 窩貼鮮蝦小棠菜：每次來均要點的小菜，把切

與愛好慳儉的父親大人慶祝父親節，這餐晚飯最緊要是平、靚、正!!結果決定試試由妹妹推介的金山海鮮酒家。早在兩日前便打電話去訂位，可是聽電話的伯伯說: "四位七點...不用訂位啦，walk in得喇!!"...怎料當晚六時五十分抵達時，門口已是人山人海!! 正想發難之際，眼見門口負責接待的伯伯笑容滿面...正所謂"伸手不打笑臉人"嘛...便忍耐了下去...幸好最後只是等候了大約十分鐘。店裡清一色都是老伙記，難得地都是禮貌周周的。急不及待要點菜了...豉椒炒蟶子王...豉椒味濃夠惹味!! 蟶子彈牙夠新鮮!! 而且份量比想像中還要多啊!!妹妹讚口不絕的雲英雞...雞肉尚算香嫩，不過向來喜歡濃味的我覺得只是一般而已!!椒盬瀨尿蝦...瀨尿蝦雖然不算大隻，可是味道搭救!! 又是惹味之作!! 正!!星期日例湯...竹蔗茅根海底椰螺頭煲雞腳是也...除了喝不出有海底椰之外，還算ok的。銀山砵酒焗桶蠔...在妹妹極力推介之下，一向不吃蠔的我也試吃了一塊...不得不承認...也蠻好吃的!! 蠔邊有點脆口!! 難道是先炸後焗的?! 很香很入味啊!!果皮蒸鮑魚...以$24隻來說，size也不算細，而且肉質夠

師傅遲遲都未同師母慶祝母親節, 點解? 莫非係師傅冇心肝? 非也, 非也! 實情係師妹回港在即, 於是寧願等埋佢, 一家人齊齊整整食餐母親節飯仲好啦! 話晒師傅都有好多年冇同師妹一齊慶祝母親節了!終於師妹回港了, 再揀埋日子, 但遲遲都未諗到食咩好, 而師傅就為左呢一餐飯都諗到頭都爆, 事關師母食野都幾奄尖, 種類選擇太少, 同師妹商量過後決定以中餐為主; 但到底去邊間食店好呢? 毫無頭緒下上黎呢個網度睇下, 無意間見到呢間食店, 覺得唔錯, 加上師傅好多年都冇黎過, 決家一家人黎會一會佢!於是訂定位, 四位姚氐七點鐘準時去到, 被安排坐於樓上; 坐底後即刻睇下有咩野想食, 大家商量左一陣, 最後拍板落單有雲英雞半隻, 白灼蝦斤半, 豉椒炒聖子王, 椒鹽白飯魚, 例湯-唐心粉葛煲蠔豉唐排, 蝦醬通菜, 蒜燒牛仔骨同埋味菜炒鵝腸! 四個人食八道菜, 一d都少野架!正喺等待嘅同時, 師傅就飲下杯茶傾下計, 飲左兩啖發覺杯茶好重漂水味, 起初以為係個茶壺有漂水, 但實情係隻杯超重漂水, 最後師傅成晚都冇飲到杯茶喇! 等左一陣率先登場嘅當然係白灼蝦, 杯都未舉大家己經開餐, 無計啦四位姚氐全部

閣別近一年，今晚為慶祝舊同事榮休，再來到佐敦的金山食海鮮。雖然是平日，但這裡一樣座無虛席。我們今次被安排坐在三樓，未開餐就要練練腳力。 店內環境沒有太大的變化，同樣是那樣樸素的舊式酒家，和那班年紀稍大的侍應們。這裡海鮮的質素一向靠得住，所以隨便點自己喜歡吃的已可。最後我們點了海鮮、雲英雞和幾個小菜，當然還有老火湯吧。 青紅蘿蔔煲豬展陳腎：是日老火湯，材料火候十足，味道一流，我們一行五人每人分得一大碗，正！ 豉椒蟶子皇：蟶子皇鮮甜肥美，以豉椒炒後切成小段，既方便又好吃。 蒜蓉粉絲蒸扇貝：扇貝大隻，乾淨無沙，鮮味沒有被蒜蓉蓋過，值得推介。 陳皮蒸鮑魚：鮑魚肉厚彈牙，簡單以陳皮蒸，已能帶出鮮味。以刀叉吃鮑魚，感覺很豪哩！ 蛋白花雕蒸蟹：有點像吃凍蟹，蟹肉味道很鮮甜，但花雕味不重，就算吃蛋白也不會醉吧。 雲英雞：除海鮮之外這裡另一招牌菜。雞肉嫩滑，雞味頗重，很好。 窩貼鮮蝦小棠菜：炸得香脆卻不油膩，雖然蝦肉切成碎，但入口仍啖啖蝦肉，味道一流，又一推介之作。 炆斑頭腩：枝竹炆斑頭腩，還有火腩冬菇等材料。斑頭腩嫩滑得來也很入味，味道也不會太鹹，不錯。 魚滑魚湯浸皇帝菜：除火鍋外

平時行過都見到好多人，有朋友上網見到食評好，於是就決定黎呢度一試，不過訂左8pm，成8:50pm先有得坐底，仲要係我地話走佢地先快快手俾過另一張... >.<我地一行6人，叫左8個餸~雲英雞 - 係呢度既招牌菜之一，估唔到賣相靚之餘，入口仲無雪雞味，肉質夠滑，味道都幾好~沙拉骨 - 都係招牌菜之一，沙拉骨細細粒，岩哂我呢d唔鍾意大大件既人，味道夠香，夠入味之餘，肉質都夠林~ 影個陣因為另一位朋友都影緊，佢既閃光燈一閃就咁lu~ 本想再影多次，點知已經無哂... 黃金墨魚餅 - 又係必食之一，墨魚餅彈牙之餘，仲係新鮮炸起，香口得黎亦有墨魚味，送酒一流！金銀蛋浸莧菜 - 好多金銀蛋，d菜係細細條個d，夠嫩口~蒜蓉開邊蒸蝦 - 原本係叫蒸扇貝，點知得返3隻，我地一行6人，唯有叫呢樣。味道一般，無乜特別，反而土瓜灣既九記比較好味，但係呢度好貴，成$240！炒聖子 - 估唔到炒出黎個味道好味之外，個肉質既嫩滑又爽口，正！豉油王鵝腸 - 朋友都覺得好味，個人覺得一般，鵝腸無應有既爽口，比較林身同多肥膏，反而我鍾意食係鵝腸下既韮王同埋芽菜百花釀炸大腸 - 其實無論百花定個炸大腸都好好

今天有幾個分別來自瑞典和德國的朋友途經香港, 我們就一行六人半人半鬼的去了朋友推介的金山來!一向都知吳松街多好嘢食! 但最常幫襯的卻只有合興和阿龍.金山其實是不是以前的金山樓呢? 聽到名字時想了很久.是夜晚餐:豉椒炒聖子, 椒鹽賴尿蝦, 蒜蓉蒸扇貝, 白焯蝦, 薑蔥炒蟹, 蒸魚(不知道是什麼魚...)全部不用說, 海鮮夠新鮮已經夠好吃! 而且所有汁料調味濃得來卻又剛剛好不會蓋過海鮮原本的鮮味, 不會配角變主角, 這個對我來說最重要!唯一不足是我們其實點的是蒜蓉蒸帶子卻來了扇貝, 不過扇貝也很鮮甜, 所以我們也沒計較啦~雲英雞好味! 本身的調味已經非常不錯, 雖然對我來說有點鹹... 不過最喜歡的是那滑滑的雞肉和不會肥瘦適中的皮下脂肪! 總覺得食雞不連皮就沒有了應有的味道, 但有時看到那一層肥到漏的皮下脂肪真的會令人卻步... 所以特別欣賞肥瘦恰好的靚雞!沙拉骨因為這一碟放得離我很遠, 我吃時已經放了好一段時間, 變涼了, 我吃不出什麼特別, 所以不能作準... 不過沙拉骨類的東西一向不是合我口味的就是了...還有兩碟少青菜.不能不讚的還有例湯, 需說是例湯卻是響螺煲雞腳! 從

一家人做節, 下午才決定去金山, 打電話訂枱後, 家人想改時間, 結果由七點三改為八點. 後來想加多三位, 再打電話時, 伙計語帶諷刺"今次又改咩?" 我十萬個唔好意思, 細細聲話想加多三位, 最後佢高興地話"無問題, 加多三個呀! 咁開心呀!" 雖然呢個伙計既態度有少少問題, 但都可以接受既~!一坐位睇餐牌, 一口氣點了八個餸, 七個大人一個小朋友, 大家都飽飽呢!!雲英雞 - 唔錯! 雞肉嫩滑, 好有雞味, 伙計話用新鮮雞唔係冰鮮雞, 所以特別好食!! 沙拉骨 - 好惹味, 皮脆肉滑, 沙律醬份量適中, 可惜份量較少, 每人只一至兩舊!東風螺 - 味鮮, 肉爽, 而且彈牙. 唔錯呢!豉椒炒蟶子 - 好惹味! 幾辣, 蟶子都幾好肉, 大隻. 肉好爽口, 彈牙!豉椒鵝腸 - 屋企人話爽口, 紅椒青椒都幾爽. 黑椒洋蔥蝦煎米粉底 - 幾新鮮得意既配搭. 蝦好新鮮, 有甜味, 而且有口感. 唔會梅. 有少少辣, 加上洋蔥好惹味! 米粉底好香口, 加上黑椒汁已鋪滿全部米粉, 令本來無味的米粉非常惹味可口!!呠酒蠔 - 幾香口, 蠔幾滑. 味道唔錯!!沙彊雞腳 - 幾重沙彊味. 雞腳幾爽. 味

肥師奶生日將至, 王經理豪請食海鮮! 我見未試過金山, 而王經理同 d fd 食過幾次都覺得幾好, 所以今次諗都唔洗諗就去咗佐敦金山舊舖。兩個女子落完一次 order 又再落, 叫到一枱都係餸。 砵酒焗蠔 ~ 超級香口, 乾蔥蒜蓉再加上砵酒汁, 簡直就係完美嘅搭 雲英雞 ~ 肉質頗滑, 微微嘅鹹香, 更能帶出雞嘅鮮味 豉椒炒蟶子王 ~ 蟶子王新鮮, 肉質爽甜, 炒嘅火候拿捏得剛剛好, 而且都幾辣, 食完個胃即刻暖晒 果皮蒸鮑魚 ~ 相比之下較失色嘅菜式, 鮑魚唔夠鮮甜, 要點隨碟附上嘅蠔油先有 d 味 蒜蓉蒸扇貝 ~ 普普通通, 不過不失 綠豆沙 ~ 飯後免費糖水竟然有驚喜, 綠豆煲到好綿, 但又唔會好杰, 唔太甜又有綠豆香