泰海鮮 (已結業)

屯門友約食飯，既然他家住三聖，不用多想又來這裡開餐。海鮮湯～我稱它為「不能錯過的海鮮湯」，當知道(見到)用料後，一定無人反對 - 雜魚、蝦、沙白蜆、瀨尿蝦、番茄及薯仔等，想像到是何等的鮮美嗎？逢到必喝是當然的了！必食豬扒～繼「不能錯過的海鮮湯」後，另有「必食豬扒」，聽侍應說，豬肉全用人手挆軟，免鬆肉粉；頗費人手，曽停賣了一段時間，徇眾要求才再次推出。肉質果然鬆軟有肉味，卻又不失咬口，面頭的香脆銀魚仔是點睛之作，香酥可口，實在不錯。酥炸鮑魚～酥炸生蠔吃得多，換換口味又如何？酥脆的外衣包裹著新鮮彈滑的鮑魚，鮮甜煙靱，不錯吃。油鹽水瀨尿蝦(3隻)～一講起瀨尿蝦，多數人都只懂點「椒鹽瀨尿蝦」，當然也跟大部分食肆只獨沽一味提供單一烹煮方法有關。其成品確然香口惹味，可遇上新鮮而碩大的佳品時，簡單的煮法才能突顯食材的鮮美，油鹽水便是其一；原汁原味盡得保留，啖出滿口鮮香，果然Less is more！青山灣焗芝士龍蝦～再來的這味以截然不同的濃郁芝士入饌，超大的Size卻仍keep着嫩滑緊緻的肉質，如以上湯焗煮；定能更合我意。誰說屯門沒美食？三聖不正是個好地方嗎？泰海鮮地址: 屯門三聖街6號

窩夫與蝦子餅於6月初帶了家中兩老去屯門三聖吃海鮮。跟上次一樣，先去榮利記買海鮮，黃油奄仔看來很吸引，不過還是肉蟹比較合胃口。罕見的野生筍殼。店員推介的薄殻靚蟶子。將海鮮交到泰海鮮的大廚手上，打頭陣的是薑蔥肉蟹，蟹肉結實鮮甜，炒得很惹味。榮利記店員介紹蟶子用豉椒炒配煎米粉，果然是好介紹，蟶子的份量很多，肯定沒有偷工減料。去了殻的蟶子啖啖肉，肉質很嫩，而且十分鮮味，煎米粉也很香口。第二次吃青山灣焗芝士龍蝦，水準依舊，表層的芝士不太厚，焗至金黃香脆，不喜歡芝士汁的朋友可以選擇這個煮法。用了薑蔥來炒蟹，桶蠔便用砵酒焗，等了很久才上桌呢。桶蠔不會太細隻，外脆內軟，十分美味。

我自己好鍾意食海鮮, 所以定期也會相約友人一齊去, 今次便去了屯門泰海鮮食海鮮. 客人可以先係旁邊的海鮮檔選自己鍾意的海鮮. 今次我地選了幾款菜式. 豉椒蟶子皇配煎米粉底. 上枱時已香味撲鼻. 蟶子算大隻, 肉質夠爽口彈牙. 而且以豉椒整, 特別惹味, 也令人特別開胃. 另外, 配上煎米一齊食, 雙重口感. 蒜蓉粉絲蒸元貝. 食完較濃味的蟶子, 就食番一款蒜蓉蒸的元貝. 元貝相當大隻, 蒸的時間剛好, 夠鮮美. 粉絲係重點所在, 吸收晒所以精華. 青山灣焗芝士龍蝦. 鍾意食芝士的朋友不能錯過這個. 龍蝦面全是芝士, 真係好邪惡. 入口時感覺幾香濃的芝士味道, 而且龍蝦肉相當彈牙. 砵酒焗桶蠔. 桶蠔好大隻, 蠔味夠濃郁. 一口氣食了數款海鮮, 真係令人回味無窮. 最後飲番個海鮮湯, 滋潤一下喉嚨. 為這一餐寫上完美句號.

就快過年，又係時候約食團年飯兼聚舊喇！朋友們住新界西多，今次就揀咗屯門三聖村大排檔～～ 泰海鮮食團年飯。呢次係我第二次嚟呢度食，雖然佢叫泰海鮮，但我哋並無叫泰菜，反而都係以海鮮宴為主。你可以喺餐廳直接叫，又或者去附近海鮮檔 （今次部份海鮮喺關財記買），揀生猛海鮮帶入餐廳比師傅加工，無論係白灼／清蒸／豉椒炒／炆／蒜蓉蒸等等，總之你想點煮都得，明碼實價列晒加工費幾多。嚟呢度必點海鮮湯，用雜魚、瀨尿蝦、沙白蜆、番茄薯仔去煲，用料豐富，味道勁鮮甜！不過記得要趁熱飲先好飲呀！我對「泰皇芝心蝦丸」念念不忘，以麵包粒包住去炸，入面蝦膠勁彈牙，再咬落去啲芝士流心咇出嚟，口感豐富，小心熱呀！（一碟3粒，我哋再加錢)鳳梨鮮排骨，酸甜惹味，送飯一流！呢碟係最快清晒，可想而知幾受歡迎？青山灣焗芝士龍蝦(3隻開邊)，每隻都好大隻，焗到金黃色，賣相吸引！你睇我用筷子篤入去，啲芝士幾厚？咬落脆脆哋，肉質嫰滑，啖啖芝士鹹香，食龍蝦都飽飽哋 @@砵酒焗桶蠔，呢個係我哋買入嚟加工，師傅提議用砵酒焗嘅煮法 (加工費每細桶$62)，少少脆，肉質肥美，少少甜又有少少酒香，真係唔錯喎！呢次團年海鮮飯頗滿足呢！

窩夫與蝦子餅去過西貢、鯉魚門、布袋澳和長洲吃海鮮，卻一直沒有去過屯門三聖。星期六晚的泰海鮮十分旺場，雖然蝦子餅訂了位，但也不是立刻可以入座。其中一個海鮮來料加工的收費表。首先上桌的是白酒忌廉刀貝蚌配烏冬，加工每斤64元，每款另加48元，烏冬底加60元，即合共172元，加工費有點貴，不過那白酒忌廉汁真的非常出色，酒香誘人，厚度剛剛好，放涼了也沒有變樣，誠意推介。看過網友對泰海鮮的泰皇芝心蝦丸讚不絕口，便點了一客($78)來試試，結果期望愈高，失望愈大，窩夫個人覺得表層的麵包粒吸了太多油，感覺太膩，蝦丸也稍嫌不夠彈牙，下次不會再點了。招牌菜之一青山灣焗芝士龍蝦來了，加工收費每斤96元，表層是焗至金黃香脆的芝士，比常吃的芝士焗或上湯焗龍蝦特別得多，值得一試。脆皮芝士下面的龍蝦肉白雪雪，芝士不鹹，不會蓋過龍蝦的鮮味。游水墨魚選了油泡的煮法，加工費64元，加了西芹和彩椒，令海鮮餐的營養更均衡。墨魚很爽口，新鮮貨色真的零捨不同。壓軸出場的是薑蔥桶蠔，大桶裝的加工費為88元，桶蠔很大隻，但蠔味似乎不夠香濃。因為窩夫與蝦子餅點了太多，店員不准我們再點鮮料海鮮湯，唯有留待下次光顧才喝吧。

好耐都冇去過屯門三聖食海鮮啦!!今次就一家人黎到食個海鮮大餐先~~係食之前就梗係要過隔離既海鮮檔揀靚海鮮啦;朋友推介左 "關財記" 比我地, 見到佢地既游水海鮮都幾多款!!咁就係咁依揀左幾款拎去 "泰海鮮" 加工~佢地既加工製作費唔算貴, 收費合理;各種加工煮法都齊備, 明碼實價寫到明, 唔會呃人~我地就揀左隻象拔蚌整刺身~呢度總共一斤三両, 整左出黎都幾多;仲可以加錢要埋湯底堂灼~新鮮既象拔蚌刺身 一片片咁有返咁上下厚度;食落有口感仲好爽口鮮甜!!蒜蓉粉絲蒸扇貝, 隻隻扇貝都大過隻手掌架!!!扇貝上面鋪上蒜蓉粉絲黎蒸~~一上台已經好想食啦!!唔會以為隻扇貝淨係個殼大, 入面舊肉都有隻手掌咁大;而且非常厚身, 真係超級肥美~~最鐘意既係佢地放面既蒜蓉超多, 真係特別滋味!!除左食海鮮, 當然要飽肚既野食啦~我地就買左花甲黎整 "白酒忌廉煮花甲配烏冬"超大碟既烏冬配上差不多一斤既花甲;白酒忌廉汁食落唔會過膩, 而且烏冬彈牙, 配上花甲做配料可以話係中西日 CROSSOVER~~呢味青山灣焗芝士龍蝦係朋友推介的, 所以就買左 4隻龍蝦黎試試~~鋪滿芝士既開邊既龍蝦, 金黃色又漲卜卜的;芝士

屯門元朗的朋友大夥兒聚會，一行多人，當然選擇到近水樓台的三聖海鮮街，於眾多海鮮酒家、冬菇亭中，又再次選擇到訪泰海鮮，無論加工費跟烹調味道都是挺滿意的一家。 慣常先走到關財記挑選購買新鮮生猛的海鮮，然後交給餐廳那邊加工，加工費約為$45-$65，也算是合理。除了海鮮菜式外，還點上些小炒項目。 白灼九節蝦 $72/斤 每次到來都會點上'地道特產' - 九節蝦。用最基本的烹調方法: 白灼，最為徹底嚐到九節蝦的鮮味。 可能是未到盛產期，九節蝦較上次到來時體型較細小，不過白灼後色澤艷麗，爽脆彈牙的口感，味道鮮甜美味，輕輕蘸上豉油更能發揮效果，自然是一隻緊接一隻，吃過不停。 白酒忌廉煮花甲 $172 沒有用上豉椒炒的花甲，換上較為西式的處理手法，也能提升花甲的鮮甜。忌廉汁十分濃稠，味道甜甜的散發濃濃白酒香，墊底的非伊麵米粉，而是具粗度嚼口的烏冬，掛汁能力十分強勁，每條都沾有忌廉汁，惹味十分。花甲每隻都肉厚味鮮，跟白酒忌廉汁十分搭配，這個變湊版的'白汁蜆肉意粉'十分受歡迎。 青山灣焗芝士龍蝦 $108/2隻開邊 這碟一端到來，焗過的芝士已散發著濃郁香氣，霸氣十足的令在座均嘩聲四起，食指大動