隨心 (已搬遷) 新店位置

我哋都幾喜愛食東南亞星馬泰嘅菜式。這一次來到鰂魚涌吃晚餐，餐廳：隨心。店舖地方都坐得舒適，感覺舒服嘅。我哋點左幾個當我哋去星加坡吉隆坡旅遊嘅時候，都會必食嘅地標海南雞飯對我來講海南雞飯嘅飯係好重點，係主角。睇旅遊節目介紹過，海南雞飯嘅飯係用浸雞嘅雞汁精華去煮，粒粒飯粒都充滿雞嘅香味！呢度雞飯都唔錯，飯有滿滿雞汁香味，雞肉都好滑。而醬汁方面，亦配有必備嘅姜蓉、甜豉油、辣醬。呢啲醬汁點雞，又或加入雞油飯一齊食都好好味！每次食到海南雞飯都係一個幸福！而通常雞飯都會配一個例湯，例湯個鹹味比較重，一口飯加一淡湯味道都幾夾。我都鍾意佢例湯會放入幾粒甜甜嘅杞子，感覺滋潤啲。新加坡炒貴刁河粉加入新加坡黑豉油去炒，配料有蝦、臘腸、蛋、芽菜等等。味道濃郁，口感豐富，食落去又唔同層次。馬來西亞肉骨茶肉骨茶湯底比較重藥材味，湯底比較深色，藥材味濃郁，感覺較重鹹味。湯料嘅排骨肉都煲得夠時間，加埋豉油一齊食都幾好味。另外，亦都可以加油炸鬼落去浸滿肉骨茶湯，食落去油炸鬼都幾入味，係一個幾得意嘅配搭。雖然而家都係凍冰冰嘅冬天，但係食一食新加坡菜，都令人暖一暖。😊開心嘅一餐

因為想食下d其他菜式，所我我特登搵左間食星馬野既餐廳。 馬來西亞肉骨茶，藥材味濃，而且肉骨份量都充足，仲要好軟淋淋，2個人飲一煲都每人飲到3碗左右！海南雞飯，肉質超滑！ 啖啖肉再加上個油飯一流呀🤣咖哩薄餅就正常發揮，好食既！🤣仲有叫左個海蜇雞絲，由於太耐冇食過，所以叫左，d醬汁好夠，每一啖都食到好入味CP值😋😋😋😋😋

Happened to pass by Quarry Bay and dropped by the famous food street for a late lunch. I hadn't come in a long time and a lot of the restaurants were closed at weekends.There was no queue at around 3pm on Sunday and we were immediately seated at comfortable cart seats. As we were quite hungry, we ordered two lunch sets plus two dishes from the a la carte menu.We topped up each set by two dollars to get a drink. The seemed to be the most appealing and both of us ordered this. We asked for fewer i

鰂魚涌啲橫街其實好多隱細小店，今日突然好想食肉骨茶，就試吓呢間隨心。鋪頭裝修簡簡單單，座位好寬躺。肉骨茶分咗馬來西亞版同埋新加坡版！馬來西亞肉骨茶係藥材味比較重，而新加坡肉骨茶就係胡椒味重啲。我不嬲鍾意藥材味所以今次叫咗馬來西亞肉骨茶。🌟馬來西亞肉骨茶肉骨茶果然好重藥材味！而且入邊材料豐富！金沙骨煮得好琳好好味！一鍋兩個人分啱啱好！🌟海南雞飯例牌嘅份量都幾多。雞肉好嫩滑，啖啖肉之餘也冇乜肥膏。油飯又夠香，好正宗。🌟百味啫啫芥蘭用啫啫雞煲嘅方法去煮芥蘭令到啲芥蘭好香口同入味，同時啲芥蘭又好爽甜，配搭得非常好！🌟炸香蕉🍌絕對推介！炸香蕉可以做埋甜品，外脆內軟，加埋個蜜糖汁真係好好味！餐牌好多好健康嘅嘢飲，而且好多選擇！我地揀左檸檬薏米水同檸檬香茅花茶

最近去了鰂魚涌一帶行街，忽然興起想吃星馬菜，在地圖一搜就發現了這家風評不俗的星馬菜餐廳，主打華人製作南洋料理，一於一試究竟！馬來西亞肉骨茶($98) Malaysia Bak Kut Teh (Herbal) (HKD98) 和新加坡的肉骨茶相比，馬來版的肉骨茶加入了多種被受中醫認為補氣養生的食材，例如冬茹、玉竹、黨參、當歸、紅棗、甘草、胡椒粒等。各種配料和豬骨在煲肉高温烹煮，再原煲送上，打開煲蓋立即傳來陣陣的藥材幽香。先試一口湯底，肉骨茶湯入口先咸後澀，喝進喉間就感受到藥材的甘香味；再吃一口豬骨，豬肉不會太肥，瘦肉吸收了湯底的味道，每口都傳來啖啖的微香；份量也非常足夠，足夠四人，每日一碗湯，當日只有我和女友兩人，每日飲了兩碗有多的肉骨茶，感覺到充滿能量，十分滿足！新加坡炒貴刁 ($78) Chat Kway Teow (HKD78) 南洋又一經典菜式，我們點了不辣，少了一點惹味，不過都炒得香滑，呈現黑醬油顏色，而且香味濃郁，不錯！秋葵濃湯豆腐 ($78) Marinated Tofu with Okra (HKD78) 吃了如此多濃味的食味，再叫一些較清新的食物吧！簡單又味美的菜式，

好耐都冇去東南亞旅行，好掛住東南亞嘅美食。今日海光街見到一間叫隨心嘅餐廳係食馬拉菜，就好隨心咁入咗去食飯。餐廳嘅選擇好多，都係星馬最有特色嘅，所以我地都係揀左D最common嘅叻沙，海南雞，藥材肉骨茶，杞子上湯浸雜菜。呢度嘅叻沙唔會好辣，但椰汁味好香濃，而牛肋條好冧好有牛味，飲晒整個叻沙湯都無問題。海南雞半隻份量都好多，而且去晒骨，啱晒我呢D懶人食。雞皮好爽口彈牙，好邪惡，雞肉好嫩滑，再配以三色海南雞汁，非常好味。藥材肉煲茶係原煲上，有3大支排骨，可以載到4碗肉骨茶。肉骨茶藥材味好濃但好有甜味，啱晒我呢D喜歡重味嘅人。排骨都一字骨帶少少肥肉，己經煲得好冧，沾了豉油去食，非常好味，有肉既甜味再加藥材嘅味，令呢個肉嘅味道有好多層次。食左個叻沙，都要食返D清淡嘅嘢中和一下。呢個杞子上湯浸雜菜好清，菜煮得好冧，本身菜嘅味道都好甜，唔需要調味料己經好好味。食個菜清清腸胃，健康之選

自從在台灣吃過藥燉排骨，一直想再吃，發現原來藥燉排骨就是肉骨茶，始源於馬來西亞，於是決定來這間隨心。午餐時間到來，客人不少。小小的店鋪掛滿新馬建築的掛畫，裝潢以木和黑色為主，簡約舒適。我們是衝著肉骨茶而來，只是隨心的肉骨茶有分馬來西亞和新加坡口味，我們兩者都想試，結果點了分別一壺和一位的份量。馬來西亞肉骨茶肉骨茶以黑壺盛載和呈上，以確保溫度。肉骨茶發源自馬來西亞，茶其實是指中藥，與茶葉無關。隨心的馬來西亞肉骨茶選用冬菇、玉竹、紅棗、甘草、黨參、當歸等，藥味香濃，顏色較深，入口微甘，感覺很補身，行氣活血。肉骨採用腩排，即近肚腩部分的肋骨，帶有白色軟骨，肉質較厚，脂肪較多，因此入口軟腍，肉嫩甘香，亦可點肉骨茶特製醬油，黑醬油加上辣椒和蒜蓉，甜中帶點微辣，吃落更滋味，配上油炸鬼脆脆，是傳統的食法。一壺肉骨茶可分4到5碗湯，但只有3根肉骨，2人吃還好，多人吃恐怕不夠分。新加坡肉骨茶我們只點了一人份的新加坡口味肉骨茶，想試試和比較味道。同樣，肉骨茶以一個黑色的盅呈上，以確保客人飲用時，湯仍然是熱的。新加坡肉骨茶以白蘿蔔、冬瓜和蒜頭為配料，重點加入大量胡椒熬湯，所以胡椒味特濃，驅寒暖胃！肉骨同樣是

食星馬菜一定唔少得Bak Kut Teh (肉骨茶)！Bak Kut Teh分為新加坡, 馬來西亞兩派前者胡椒味較重, 後者則藥材味較濃, 呢間位於鰂魚涌嘅星馬菜 - 隨心, 就有齊兩款俾你揀。馬來西亞版肉骨茶, 飲落帶淡淡嘅藥材味, 將油炸鬼泡一泡湯汁後馬上放入口, 又軟又脆嘅口感, 非常滋味。湯中附一條肉厚而不膩嘅排骨, 沾上黑豉油 & 紅辣椒, 配一碗白飯, 夠曬地道。新鮮炸起嘅麥皮蝦, 表面沾滿鬆散香口嘅麥皮碎, 咬落外殼嘅香酥程度更令人喜出望外, 連肉帶殼由頭到尾都食得。我就連麥皮碎都唔放過, 一匙一匙直接放入口。一大碗豐富又實在嘅海鮮喇沙, 賣相相當吸引。濃湯掛麵, 每一啖都係鮮美濃郁嘅海鮮同椰香味, 配料又新鮮, 份量又足, 無得輸👍。

港島區從來都不是我熟迫地方，但在鰂魚涌附近返工嘅朋友總會找到好野食，今次就去食新加坡菜! 其實除左肉骨茶，我分晤出咩食物系馬來西亞來的，咩食物系新加坡來的。藥材味濃的系馬來西亞肉骨茶，胡椒味的系新加坡肉骨茶。我比較中意馬來西亞肉骨茶，我老公中意新加坡肉骨茶，好在人夠多可以叫曬兩款。鐘意重藥材味嘅肉骨茶，呢間真係好好飲！因為真係真材實料，而且紅棗杞子都好甜！全鍋都比我清曬！正！胡椒味好處系驅風，對我地成日坐office的打工仔來講都系恩物。呢間味道剛剛好，晤會太辣!我對呢碗喇沙簡直愛不釋手，個湯底未免太犯規了！香濃而不膩，仲食到淡淡蝦香，而且有米粉米線兩種粉，好好食！仲要有蝦,魚蛋等等配料，好豐富阿!之前見到海南雞上面層啫喱係骨膠原，今次食時候特別注意，補下都好! 雞好食又夠嫩滑，醬料都OK…不過我中意更濃味道。呢個小食拼盤好健康，好多水果，又番石榴..青蘋果…波蘿…而且個豆腐好好食，個麻醬用得好好啊!整體而言，呢度坐得舒服，食物好食，飲品種類多又好味道，最適合朋友gathering，難怪星期日晚都人頭湧湧！

好耐冇同朋友岀黎食飯，今日我地黎試下新加坡菜。我地都未試過😆係地鐵站岀左行一陣就到，入到去感覺餐廳空間好大，位置好闊落，坐得好舒服。我地坐低後逼不及待要揀野食，因為太餓了。我地揀左好多野食參巴雞翼、海鮮喇沙、海南雞飯、馬來西亞肉骨茶同檸檬薏米水。參巴雞翼係用炸嘅方式去煮。有點似香矛雞翼，因為都食得岀有香料味。另外，雞翼外脆內軟，肉質好滑，好大隻！海鮮喇沙嘅喇沙唔會辣，岩曬唔食得辣嘅朋友。另外，海鮮料超多，有蝦、蟹柳等等，樣樣都好大舊，完全抵曬😆最正係豆卜索曬啲喇沙味，食落口好多汁，好香。麵質都煮得好適中，因為我地叫左好多野，好遲先食呢碗，但都冇稔到一pat野咁。好正呀👍朋友最中意呢碗❤️海南雞飯嘅雞極滑。係真係好滑。重點係去曬骨，好岩我地呢啲懶人。飯亦好香，有雞油嘅香味，同時啲飯粒粒分明，又唔會極硬，我勁中意。仲有啲酸酸甜甜嘅配菜黎醒胃，真係一流呀。我就最中意呢個飯啦❤️第一次飲肉骨茶，覺得好好飲。我地揀馬來西亞肉骨茶因爲呢個係重藥材味啲，我地中意藥材味多啲，另一個係偏胡椒味。入面藥材係真係多，我地都覺得好好飲，但因為我地兩個人仲要叫一大窩，飲到好飽。湯料好多，份量十足。有得食有得飲。檸檬

人生順逆無常，有無諗過如果事事順心，人生仲會唔會一樣精彩？定係事事順心反而會覺得乏味呢？有時選擇隨性，放鬆一啲，未嘗唔係一件好事。隨心而行、隨心咁生活，或者去鰂魚涌食馬來西亞菜，都係一樣簡單隨意又舒適。小店裝潢雖然簡單，但係並唔代表馬虎。牆上貼滿一幅幅特色畫作，環境舒適整潔。海難雞飯既雞肉非常嫩滑，外皮有彈性，感覺上一啲都唔油膩，亦唔會好肥。值得一讚係海南雞已經去骨，可以一啖食晒，感覺更加爽，仲有三種口味嘅醬汁可以搭配添！油飯散發淡淡香味，同爽滑嘅雞肉非常夾。再飲埋杞子雞湯，成個餐雞味濃郁，愛食雞嘅朋友要試試啦。串燒包括有豬肉同雞肉各3串，燒完好香好惹味。再點埋特製沙嗲醬，初入口味道香辣後帶少少甜味。加上醬入面帶有少許花生粒粒，更加有多重口感。豬肉串食落肉汁豐富，好香口；雞肉串嫩滑，質感比較軟。鍾意重口味可以試下，味道濃烈得嚟有少少辣，好惹味又有鑊氣！濃濃嘅醬汁煮到上面各樣食材都好入味，特別係大蝦，將原本嘅爽甜蝦肉加添一分惹味，層次更豐富。 肉骨茶以豬骨、豬肉同埋中藥材熬製，藥材份量非常多，好足料！無論聞落定食落藥材味道都相當濃郁，湯內嘅豬肉煲到又腍又入味！據聞肉骨茶仲有行氣活血嘅功效

朋友們知我即將外遊一星期,這天下午時份突然收到其訊息,說想去鰂魚涌附近的星馬菜餐廳--隨心,作為送行之餐;既是好友的心意,當然馬上應允!少不了即用Openrice大神查閱一下,評價多是正面,所以更值得期待! 放工後即往趕赴應約,出了鰂魚涌地鐵站步行五分鐘左右就找到餐廳;三位朋友已一早到埗,並且細閱了餐牌,所以點菜任務就交予了他們! 朋友點了不少菜式,打頭陣的是沙嗲串燒與黃金豆腐;沙嗲串燒的雞肉外香內嫩,淨食已是相當美味,點上沙嗲醬後,一點辣味的提味,更覺雞肉多了一些甜味!沙嗲黃金豆腐還是頭一次品嚐,表面炸得相當脆口,內裡又能保持滑身,配起淋在其上的沙嗲醬,吃起來有著豆味與花生味,也是頗有趣的!接著來的是海南雞,這道菜處理得很仔細;雞皮像是吸收了濃湯,而且皮下也不見多餘的脂肪,熟度剛剛好,令肉質保持細滑不柴;所以每一口都是吃到雞的原味,不用點那三種醬料已覺美味!當然,有著這麼多肉類,加上是開心的場合,少不了有酒的助慶!中段是有湯水類菜式的間場;這個喇沙的墨汁墨丸也夠彈牙,濃湯也是令到鮮味更突出;但個人覺得最美味是泡在澧湯裡面的幼麵條,盡吸湯汁的精華,朋友們都趁著熱很快將其清空了!另外因有

朋友相約在一起，但又懷念新加坡同馬來西亞的美食！朋友帶我去了鰂魚涌站巷仔的小店，小店給我一種回到新加坡時的感覺。無論裝修的格局及餐牌都很「隨心」舒適。首先我們點了海鮮喇沙，內有帆立貝.豆卜.魚片.雞蛋.蟹柳.小蝦等。湯底用微微椰漿製成，不會太重而且辣味調較得恰到好處。幼嫩的麵缐被喇沙吸收湯後超入味。馬來西亞肉骨茶以藥材為主，內有當歸，紅棗，杞子，准山，瘦肉等。肉骨茶內裡的藥材配料非常適合女性進補，藥材味不太濃不太苦.容易入口。如果第一次試肉骨茶的朋友也不怕～海南雞飯，油飯+雞湯別以為會很油膩但並没有此感覺。嫩身的滑雞去骨後更加容易進食，小店還給了三個醬汁。三個醬汁都令海南雞有不同的味道可供選擇～今晚最想食的是麥皮蝦。大大隻的麥皮蝦超級鬆脆，利用鹹蛋黃醬及麥皮再炸過味道超濃郁。滿滿鹹蛋黃加大蝦真的令人胃口大開～我們還叫了串燒栟盆及咖哩薄餅，串燒燒得剛剛好沒有過老。不過只有雞肉，豬肉串選擇，如果有埋牛肉串會更好。薄餅不太厚配上咖喱醬汁不錯～最後點了2杯飲料作結，熱檸檬薏米水及凍金桔檸蜜。薏米超多適合女性飲品去水腫一流，金桔檸蜜不太甜，調製得剛剛好～三個人食飯每人$200內有找，非常抵食。服

好少去鰂魚涌呢邊，原來呢度都有好多野食，今晚就想食番個星馬菜先。講起馬來西亞就一定會諗到佢呢個肉骨茶架啦，呢個肉骨茶$98，份量都有番咁上下大架睇落去都相當足料，而且未飲已經聞到好香啦「不」起d料見到d骨大大條，仲有好多藥材，有玉竹、紅棗、杞子…未飲之前先用油炸鬼浸落個湯度試下個味先，好正，緊接住飲番啖，飲到藥材既甘味，飲完有回甘，藥材味夠哂濃，同時間飲到豬骨帶出既甜味，配番碗白飯就岩哂。豬骨煮到好稔，食到肉既鮮甜，雖然有豬骨但個湯底都唔會話油架，店員話呢個肉骨茶好岩女人飲添呀！星馬菜當然唔少得喇沙啦，呢個係海鮮喇沙呢個海鮮喇沙都相當足料，有兩隻鮮蝦、蛋、帶子、魚片、蟹柳、豆卜…喇沙最緊要係咩？揀係個湯底，呢個喇沙都飲到個湯夠香，有淡淡椰香味，飲到蝦味，仲有微微既辣椒辣，唔錯，不過可以再濃d！個麵係「參參」，姐係將唔同既麵撈埋一齊，呢個喇沙係米粉加瀨粉，可以食到兩種口感，幾得意，幾match個湯，見到麵既顏色已經同湯底融為一體，入哂湯底鮮甜味。食埋個吸哂湯汁既豆卜真係無得頂。

綜觀晚市時份的海光街，此店算是最旺(最多食客)的食店之一；且此區主打星馬菜的食店也甚罕見。店家還標榜「不加味精」，故較吸引食客乎？先由飲品開始~~~純真 $22店員說這是有汽的椰漿飲品，心想「咁有趣！一試又何妨！」~~當見到實物時~~ “有汽” 即是加了汽水而言，而非椰漿自身打入了汽哦；簡單一點說，“純真”就是雪碧加椰漿的特飲，drink after stirred~~~ the taste of coconut milk becomes too sweet，雪碧跟椰漿還是分開上下兩層各自嚐著自家的味道較美味，溝甜了的椰漿很不習慣；但創意度不錯，喜歡特別／愛新嘗試的朋友可以一試哦！椰香咖啡 $22咖啡味甚淡，水太多、味太稀；未知熱飲會否好一點呢…食物方面~~~海南雞飯 $78雖不能跟新加坡“天天”的海南雞媲美 (<<“天天”的雞肉太滑溜美味了)，但此店的海南雞也不錯，微帶少少肥的雞，做得也挺滑溜、美味；而那雞油香飯~~ 意外地一點肥膩、油膩感覺也沒有，飯粒也乾身、軟硬度剛好，味雖不濃，但還吃得出油香味美；且，個人甚愛那杯雞湯(跟海南雞飯上的)~~~ 熱熱的雞湯，富有濃濃