百樂小館 (已結業)

走到去美麗華百樂小館，店內走新派路線，一洗潮州菜老土感覺。餐廳裝修設計用木材為主調，門口有型格雀籠包箱 餐前店員先奉上濃濃功夫茶「夕爹」(潮州話飲茶)，呷一小啖，茶味回甘 是日燉湯 $148(4位用)是日燉湯有蟲草花燉雞，打開非常足料，湯水香濃，飲完好滋潤 滷水鵝肉拼盤（例） $168有滷水鵝片、腩肉、魷魚、滷蛋，滷水汁香而且無搶食材鮮味，鵝肉同腩肉滷得好香，肉質依然好滑 黃金炸雙棗 $140蝦棗和蟹棗係最有名的潮州名物，入口用鮮蝦蝦肉同蟹肉加入爽脆沙葛粒製成，炸得香口有鮮味，還有沙葛粒爽脆，口感層次豐富 糖醋麵 $128 我最喜歡糖醋伊麵，百樂小館煎得好好，香脆不油膩，加上糖同醋食，好食到停唔到口杏汁蛋白芋泥 $48杏汁同芋泥係我鐘意，加埋一齊超級好食! 芋泥細滑有芋香，加上香滑杏汁茶，完全滿足兩個杏汁同芋泥願望最後，餐後奉上回甘功夫茶，消滯解油膩感．Menu

好耐冇見啲大學同學，難得約埋一敍就揀左大家都稍為就腳嘅尖沙咀，因為想坐耐啲傾下偈，所以偏向揀地方大少少嘅中式酒樓~見openrice評分都不俗，所以就訂左里度❤️晚上六點幾近七點黎到，人不算太多，見到兩個好似壽桃樣嘅陳設，內裡各放左一張大枱好有趣，不過有人坐緊，就冇影相了，哈哈，下次多人睇下可唔唔可以係壽桃裡面開番圍🤣我地坐左係餐廳嘅中心位置，地方幾寬敞，我地4人都offer左一張6人枱(定知我地會叫好多野食lol)餐牌見除左一般潮州野都有不少新派口味~ 沿正常潮州野嘅風格，一開始同最後都有serve功夫茶🍵入正題，先黎左頭盤😀 滷水鵝肉拼盤有鵝肉、五花腩(?)、豆腐、滷水蛋同墨魚😛滷得好入味，尤其鵝肉唔會過老，保有彈性😚個人最喜歡鵝肉同豆腐跟住好快黎左個湯~老黃瓜粟米煲唐排，估計日日唔同嘅，好濃同有黃瓜同粟米嘅甜，正🤤而家好追求湯水，要養下生~湯渣睇落都幾足料，飲完唔會覺得好口乾，就算有味精應該都只係少量~再黎就到主食啦，乳香骨，本身以為會係腐乳，不過食落又好似唔係🤔甜咸甜咸咁，都幾有趣朋友最近好迷咸蛋黃小食，所以見到金沙炸魚皮涼瓜就話要叫，估唔到超好食的！炸魚皮好香脆，沾上咸蛋黃醬(

朋友想食潮洲野，順便試下新野，就黎左百樂試下。一黎到就有功夫茶飲，開下胃，仲有d開胃菜同花生。首先叫左個滷味拼盤，小編好鍾意食滷味，好期待～個汁唔會咸，滷水味啱啱好，又唔油，好滿意誠意推介呢個湯，出乎意料地好飲！飲完一Ｄ都無口渴，好足料，真材實料咁煲出黎，拍得住屋企飲嗰Ｄ個湯好清甜，唔會太濃味，Ｄ豬肉同蔬菜都好新鮮。睇下幾多湯渣，真係好抵飲排骨薄薄地，肉質鬆軟，又唔會乾，炸過都仲保留到肉汁，唔錯。個炸魚皮好香好好食雖然小編唔好咸蛋黃，亦都係第一次試，但都覺得好好味。好新鮮，好脆，唔會好油，同埋唔係用萬年油炸，所以唔會大陣油億味。 小編好鍾意食欖菜，亦都幾鍾意四季豆肉鬆，所以就叫左黎食。 成碟野都唔會太油，好好～ 同埋所有食材都比得好多同足，又新鮮，欖菜好香口，唔咸，好滿意！ 黃金炸雙棗係蝦同蟹棗，好香口，好紮實，同埋蝦蟹肉都唔少，感覺好足料。 菜煲超好食！個湯超好飲，本身以為有味精，但飲完唔覺頸渴，早知飲多啲🤣個味有啲難形容，不過應該係魚湯黎，仲有咩其他料就唔太知🤣啲魚蛋同魚片都好新鮮好彈牙，個底都好多津菜，幾抵食！糖醋伊麵好香口，個底面好脆同乾身，中間都保持倒濕度，正！ 食甜品之前比

潮州菜要揾好嘅都唔算難，但要兼顧埋少油鹽嘅就唔太容易，今次同幾位朋友一齊食嘅就做得到，整體係正宗，好食，不失健康。餐廳門外睇都幾得意，位置唔少，驟眼睇大枱都集中喺近門口枱之間距離都幾好，所以唔會太嘈吵滷水鵝片併盤 （例） $168滷水汁唔係死咸，各種肉類入味得嚟帶少少清甜鵝肉帶好多膠質，正滷豬肉肥得嚟好香，魷魚片都好爽唔會韌侍應幫我地4人將是日老火湯分好，將湯汁從老黃瓜入面撳出嚟，夠晒味道雖然有唐排，但啖湯飲落唔肥膩，仲好清甜好似屋企咁嘅味道👏🏻👏🏻👏🏻湯渣都見到係足料，唐排好腍，點少少豉油食已經好好味黃金炸雙棗 (各4粒) $148球型係蝦棗、長型係蟹棗兩樣都好出色，表面唔會油淋淋，點埋潮州桔油食甜甜地真係好好味入面嘅蝦肉同蟹肉都幾多，而且味鮮馬蹄平均分佈喺成粒棗之中，爽口、增添層次又解膩金沙炸魚皮同涼瓜 $68近一兩年鹹蛋黃真係勢不可擋，嗰種獨特嘅咸香令人難以抗拒！呢個咸蛋炸魚片無論係味道同食感都好優秀，夠香夠脆，齒頰留香苦瓜都處理得幾好，苦味唔係好明顯但注意瓜類都會比較吸油，小心燙口家鄉乳香骨 $128肉質好軟腍，香口，餸飯就最好欖菜肉碎四季豆 $98肉碎係好鬆嘅免治豬肉，帶少量

今晚同同事去左美麗華食潮州菜。店舖裝修得幾新穎雅緻，地方闊落。侍應問我地要咩茶，因為經係晚飯時間，我都唔想飲咁濃嘅茶，好驚瞓唔着，所以我反問佢哋有咩茶可以選擇。原來佢哋有性質比較溫和嘅菊花茶。之後我哋點咗個燉湯，非常足料，有雞有蟲草花，仲有豬肉，螺頭同魚翅群，飲落真係好正。另外仲叫左個黃金炸雙棗。蝦棗同蟹棗炸得一啲都唔油膩，用料十足，咬落仲有啲爽爽地嘅感覺，唔知係咪用咗葛絲呢。我哋仲點左個沙茶醬炒河粉。個沙茶醬非常嘢味，令我禁不住食完一啖有一啖。最後我哋叫咗甜品，我從來都未食過芋泥，原來真係好好食，芋頭味好香，質地又綿又滑，而且唔太甜。呢間潮州菜館食物質素高，值得推介。

今晚約左朋友飯聚，都係食中菜的，雖然價錢貴少少，但食物美觀好味，而且環保舒適有空間感，加上服務貼心，而且上菜速度適中，加上位於鬧市尖沙咀美麗華商場內，交通便利，同朋友來一邊食飯一邊閒談真是個好選擇。朋友未到，係等待時食一下前菜小碟，甜醃菜好爽脆酸甜，食完好開胃，至於花生魚仔好香口，會停唔到口係咁食。今晚點了一個湯、鹵水鵝肉拼盤、三個菜式、炒河及美味的甜品，非常滿足。鹵水鵝肉拼盤 $168（例）有鵝肉、豬腩肉、墨魚片、豆腐及雞蛋，鹵得入味，鵝肉肉質還頗嫩，有鵝的甘香味，多汁亦不會油膩。墨魚片柔軟有彈性，口感好好。豬腩肉看似頗肥，但入口又不太膩，食多兩片都得。時令燉靚湯 $188(四位)今晚是蟲草花煲雞腳，用料十足，還有豬肉、螺片、翅裙......材料。個湯溫熱，飲落好舒服，感覺好滋潤，而且個湯好清，一點也不油，味道非常好。黃金炸雙棗 $140(四粒)一款是蝦棗，另一款是蟹棗，炸得外層金黃香口。兩款都好多餡料，蝦肉和蟹肉都用量好多。蝦肉鮮蟹肉甜，而且是做成棗，即唔會好彈牙，反而入口食到肉感豐富的感覺，咬落慢慢散開。碧綠川椒雞球 $128（例）雞肉帶皮有油香且不膩，肉質有彈性也很嫩滑，川椒的

站在尖沙咀地鐵站，完全諗唔到食咩，腦入面突然浮現左百樂小館，上次食午餐飲茶非常滿意，所以立即就決定左去，而且唔使等位，非常好。幾個人叫左好多野食，潮洲菜當然要叫滷水拼盤，個鵝片都可話係我最愛，很軟很好吃喔～蘿蔔灌漿上次都食過，但今次好似有一點點唔同？又或者因為個蘿蔔唔係好甜，同上次甜甜的感覺不同，不過炸到外脆內軟真係好香口好正～店員推介的紅燒皇子乳鴿伴凱撒沙律，勁搞笑乳鴿配凱撒沙律，不過其實都係乳鴿還乳鴿姐，我地入面有位朋友勁愛乳鴿，佢一人食左一隻，應該真係好好味～（笑）我不太愛內臟，不過都飲左杏汁白肺湯啲湯，都幾好味，但真係叫我食埋啲肺就唔好喇…最愛就是乳香骨同炸雙棗！乳香骨的南乳味超濃～而且肉很鬆軟，吃了很多舊；而炸雙棗姐係蝦同蟹丸，好足料正點～～最後黎個秋葵炒牛肉，通一通血管，抗一抗氧化，而牛肉亦炒得非常軟熟，讚！雖然好飽，但成檯人都好想食甜品，因為好吸引呀！清心丸真係唔係到到有，仲要加綠豆，成左咁多炸野，用黎降降火清清熱一流～

最近很常去食潮州菜館，當中有好有壞！遇到真心覺得好食的潮州菜館時就好想分享下！今次又是跟爸媽去食潮州菜，這次來到位於尖沙咀美麗華的「百樂小館」，店內環境也很舒適呢～入座後侍應送上功夫茶～鹵水鵝肉拼盤 $148鵝肉啖啖肉（最重要是不會太肥）、而且滷水超入味！味道又不會太咸紅燒皇子乳鴿伴凱撒沙律 $56/隻聽侍應說是新菜式來的，很特別呢！中西合璧的菜式卻意外的不會讓人覺得格格不入！沙律菜很新鮮、而且還特別加入中式欖菜...食落惹味之外，更顯特別～杏汁白肺湯 $168材料十足、杏仁味既香又濃，真的很適合女生的飲呢！潮式蘿蔔灌漿 $48聽家人說這是潮州菜館必食的、外脆內軟...蘿蔔絲爽口清甜，完全沒有油膩感！秘製乳香骨 $118南乳味十足黃金炸雙棗 $120分別是蟹肉和蝦肉、外皮炸至金黃色、味道好出！而且肉質好彈牙又爽口～十分惹味！秋葵炒牛肉 $128第一次食秋葵、徹底改變我對秋葵'滑散散'的感覺！原來用來炒牛肉也滿適合的～沙茶牛肉炒河 $118醬汁偏稠身、味道也很濃郁、跟河粉一併搞拌後剛剛好～花生糖糠湯丸 $54湯圓有花生碎包圍、加上芝麻餡食落甜而不膩卻更為香口～整體來說，我們一家都很滿意，

今日同男朋友先去試菜，準備母親節嘅時候有一餐可以令奶奶開心的晚餐。當然要事先試一次先得啦。先前行街經過百樂小館，裝修不錯，地點方便環境整理，應該都幾奶奶歡心嘅。【滷水鵝肉拼盤】$148 食潮州野當然要食滷水拼盤。鵝片好入味😘又厚身。游水墨魚都幾好咬口，而且唔會好咸。做頭盤係一流👍【蜜汁燒雞翼】$58 一共有5隻大大隻。成隻雞翼都有蜜汁包住，聞落陣陣甜味。而且外皮有點點脆同小小粘口。【鮑汁扣鳳爪】$78 對於鳳爪真係又愛又恨。正正就係喜歡滑滑的皮和烹調到汁去到皮下，一次過品嚐多重濃味感【杏汁白肺湯】$68 毎位 $168 4位用 講真！係屋企洗豬肺真係好煩。材料真的準備得十分好，內臓的味道無咩，返而杏仁味好香。【老香櫞炆一字骨】$118 特別推薦👍真正師父出品。肉感軟得來有少少咬口，加上醬汁令到豬肉味道得以提升【黃豆醬炒鯧魚片】$188 好罕有的魚片，一般係街市都找不到。食落好似深海龍躉，不過無咁實身。【黃金炸雙棗】$120 睇個名以為係齋。而現實係海鮮，一個係蝦一個係蟹。炸物幾香口。【金瓜九肚魚烙】$98 待記強烈建議，新派薄派，外表似足蠔餅，但沒有好多油

或許只得你共鳴，可歌可泣的感性。如果有人與你是有共鳴，我想這就是眾人所説：「臭味相投吧！」是夜再次又是朋友相聚，異口同聲地選擇「百樂」。我想「百樂」已經得到大家的肯定，起碼朋友們都憶記吧！ 一行10人莫過於來到大家熟悉的地方，普通的圓枱、熟悉的面孔與美味的佳餚；我想這處而且成為我們的聚腳點吧。 鳥籠中帶有私隱度是我大為喜愛，圓枱型的設計每位客人都能夠吃出每道菜式。朋友還未到齊，店員總是細心地遞上功夫茶；功夫茶利用翡翠盛載深得我心，苦中帶甘不會苦澀。旁邊有三碟前菜供應：酸菜、花生、辣椒油。潮式的酸菜少酸帶甜，份外開胃。花生脆身又有咬口，愈食愈滋味。 雜菌炒牛仔粒 $78 牛仔粒嫩滑，每口牛都能鎖住肉汁。還有少許雜菇可減少膩度。 五香炸芋絲卷 $48 酥炸芋絲卷脆口而不太膩，一絲絲滿帶口感而且不會太乾身；如添加一些醬汁伴住會更美味。 滷水鵝肉拼盤 $148 原碟滷水鵝肉片賣相已經相當吸引，旁邊放有白醋汁以供享用。鵝肉油脂分佈平均，我要吸收了滷水汁大為入味。 墨魚片每塊顏色通透，切到平均不會太硬恰到好處。潮州鹵水同其他鹵水唔同之處，就係會先將藥材落鐵鍋炒香之後再煮，醬香濃郁，連墨魚片都大為入