熊拉麵 (蘇杭街)

营业中

休息中

熊拉麵🍜好鍾意呢一間拉麵店裝修方面已經好有日本地道感覺仲要個拉麵真係好好食有提供冰水呢part已經好日本佢地啲配料仲要好食特別係個辣芽菜 配埋拉麵食好爽脆 仲要辣辣地好開胃 黑熊拉麵🍜見到個湯底就知好香濃濃濃嘅豚骨湯底加埋黑蒜油同炸蒜個湯底真係無得輸叉燒竟然有三款選擇咁多今次我揀左火炙肥叉燒其實佢嘅瘦叉燒同埋半肥瘦都好食但係我抗拒唔到邪惡的火炙肥叉燒表面焦香味再加埋肥美嘅肉香係口腔大爆發真係好好食 得一塊邊度夠㗎！！！

想食拉麵通常會黎公司附近呢間良心小店，每逢午市都有約十人排隊，食過四次，質素穩定。最鍾意佢自由度高，可以揀梅頭瘦叉燒或火炙肥叉燒，麵都有唔同粗幼。之前見人飲晒啲湯會見到碗底嘅熊仔圖案，好奇嘅話可以試下。🍽招牌熊拉麵(火炙肥叉燒，中幼麵，普通硬度，健康無油) ($88)招牌的豬骨湯底不油不膩，小杰，味道濃但唔會好鹹。叉燒只有一片有點小失望，但肥叉燒唔會過肥，而且非常入味。普通硬度中幼麵口感彈牙，份量頗多，掛湯力不錯。溏心蛋流心，另有竹筍同木耳絲增加口感。🍽黑熊拉麵(火炙肥叉燒，中幼麵，普通硬度，健康無油) ($83+10溏心蛋)重口味嘅可以揀黑蒜湯，呢碗會比豬骨湯油少少，聞落好香黑蒜味，食落無想像中咁濃但都OK，其他選項一樣就唔重複啦。秘制醬幾香微辣，如果可以畀多少少撈麵就正。🍽自家製辣蔥餃子 ($43)外觀好吸引，蔥粒多到滿瀉，有炒過唔係全生所以唔會好難入口，餃子幾香口，當日嘅餡料係芝士雞肉，咬開仲有少少拉絲，芝士味幾明顯，配微酸嘅餃子汁。記得要即食因為啲蔥同汁好快會浸淋餃子皮。

自從試過周日去中上環揾食無需爭位後，上星期又去左中上環，今次唔食壽司，改食拉麵。正午12點去到，無須等位。一碗好食的拉麵有三個條件，第一，湯要夠熱但又入到口，第二，湯味要夠濃，第三，麵質要剛剛好，呢間拉麵全部中哂。佢個湯真係好好味，我最後係全部飲哂。叉燒上面紅色的係辣椒，怕辣的可以自己拿走至於叉燒，我自己比較喜歡偏瘦，不過佢提供嘅叉燒應該啱大部分人口味。我哋仲叫左個小食芝士魚肉條，雖然唔係太大驚喜，但都唔錯。飲哂啲湯就會見到碗底有隻熊仔。

拉麵店往往有一種神奇嘅吸引力，久不久就會想起。今日咁啱於午市經過上環鬧市中嘅一間日式拉麵店，當然要一探究竟，試下呢一間以熊公仔為主題嘅熊拉麵。魚介熊拉麵 － 豚骨湯底配魚介本來想點佢嘅招牌熊拉麵（豚骨湯底），可惜又唔想太單調，於是決定點魚介熊拉麵。雖然豌用咗紅色去替代原味嘅招牌熊拉麵，但係整體嚟講魚介一啲都唔特出，甚至可以話同普通豚骨湯底相差不遠。不過佢嘅秘製溏心蛋係相對上出色，好彈口同埋入味，反而得一塊叉燒就令人有少少失望，食肉獸可能會唔夠喉！黑熊拉麵 － 豚骨湯配黑蒜油而黑熊拉麵反而係熊拉麵餐牌上比較吸引嘅一款，黑蒜味相對濃厚，而且加入香味油嘅湯底令人每一口都會想一飲再飲。微辣嘅秘製醬亦都點綴咗整個湯底！不過美中不足嘅係普通黑熊拉麵係無溏心蛋附送嘅，如果大食嘅朋友建議點「超級黑熊拉麵」，雖然價錢稍貴但份量係雙倍以上！味道 ⭐️⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️

朋友多次推介熊拉麵，話d 拉麵好得禾，琴晚終於有機會去試試佢上環區，只要唔係返工時間，食店都唔會好多人，大把位坐我一個人，所以選擇到bar 枱位坐，感覺食日本野都要坐bar 枱位有feel 一點有選擇困難的我，又想食招牌，又想食黑熊，又想試下限定最後都係揀左黑熊，因為我一向都中意食黑蒜湯底既黑熊只有一塊叉燒，冇半熟蛋博多拉麵就當然係細麵啦，但竟然細麵都仲有兩個粗度選擇，我選左1.5mm 中幼麵其實我偏愛太麵，不過食得博多拉麵就預左冇我中意食的太麵了湯底有濃濃豬骨湯味，加上適量的黑蒜油，味道岩岩好

鍾意熊既我 見到呢間餐廳有熊出沒，緊係要同fd去試一試。好得意，菜單裡面既麵都有熊字。店裡面唔算好大，但都唔算細，可以容納到十幾個人，亦都唔會好逼。店內有張圖show好似係有wifi 要問店員拎密碼，好似係，唔知有無理解錯 XD講返d野食，菜單係一張圖文並茂，可以比我地填寫各種口味，麵既粗幼，要邊一種叉燒之類既選擇。呢間日式拉麵店有各種拉麵，白熊黑熊赤熊拉麵，分別係白湯，黑蒜湯同辣麵，仲有其他，無特別記住係咩。我就試左黑熊拉麵。呢個麵既麵質唔錯，湯都幾好飲我個人係幾滿意ga。附上一張圖

今日放學經過上環，突然想食拉麵，諗起朋友介紹過呢間熊熊熊拉麵，於是入去試下啦。星期一下午時間人不太多，都有好多個位。一個人揀左吧枱角落坐，貪佢靜靜地。拉麵款式都有好多款，但我想食得淸少少，我點左個黑熊拉麵，貪黑蒜夠健康。黑熊湯底黑媽媽，夠多蔥，湯面層油有d厚，不過飲落唔油膩，清甜得來湯底蒜味亦濃厚。火炙叉燒半肥瘦，非常香口， 口感十分軟滑。至於拉麵食落彈牙，亦唔易淋，不錯不錯。總括來說，算係幾正宗嘅日式拉麵，食完十分滿足。

突然好想食拉麵，於是上OpenRice睇下有咩好介紹。見到熊拉麵食評很好，於是便去試試啦！七點頭人不多，自己揀好位置便點菜。黑熊拉麵，湯的顏色是黑炆炆，湯面有層油，但喝下湯味濃郁但不太油。我點選是火炙叉燒軟幼麵，半肥瘦肉好軟滑，大大件好好味。雖然點選軟身幼麵，食落亦很彈口，不錯！可能加了雪菜，吃到最後感覺有點咸。另一碗是招牌拉麵，湯亦濃厚，相比起黑熊拉麵清甜。可能最後才吃蛋，所以糖心蛋近乎全熟狀況，但仍然好味！熊拉麵食物水準很好😋，但服務態度就不合格👎🏻。坐下來便順手將手袋在隔離坐位，沒有留意地下有籃，待應姐姐便喝令放落籃。當交了拉麵紙給待應姐姐後，我心大心細是否多點一客煎餃子，她便催促交回menu。待應們的趕客態度真的令人吃不消！👎🏻👎🏻👎🏻

係一條寧靜的街道上，大部分店舖已經關門，唯獨有一間日式拉麵仍然營業。宜間拉麵店細細間，坐滿人。基本上有五款拉麵，你可以揀麵既粗幼同份量。我叫了招牌熊拉麵，個人口味方面揀了師傅推介，麵底則要了1.5mm 中幼麵。宜款拉麵豬骨湯底夠晒濃，好好味。另一款是黑熊拉麵（中幼麵），宜款比招牌熊拉麵咸，但個人較喜歡宜款拉麵。 由於太好食同肚餓既關係，加了13蚊要多個麵底，麵底選了幼麵。試左中幼麵同幼麵，個人覺得中幼麵口感比較好。

兩個同事都不約而同話呢間拉麵好食，所以星期六收工特登黎試下。星期六下午時間人不多都有好多位本身安排左坐吧枱，但因為吧枱好迫 兩個人根本坐唔到落去，所以選擇左大長枱。點知冷氣凍到震，又廢事麻煩就無再轉。我食黑熊拉麵，湯底正蒜味夠濃，麵夠彈牙又唔會煮得太軟，仲有夠多蔥，剛剛好友人既熊拉麵，有多一隻蛋，不過就唔夠味。但湯底一樣好味餃子普通本身我地食野慢，冷氣真係凍到震，好快就吹凍哂。侍應態度麻麻又會以命令口吻黎叫你寫枱號落張落單紙到，真係有d失望。

近年越來越多日本拉麵店在香港開業，對於我這個拉麵控來説，簡直係天大喜訊，因為我去日本旅遊時，差不多天天吃拉麵，而我喜歡光顧小店，而不太喜歡連鎖店，因為連鎖店太機械化，而小店比較人性化。在網上看到這間拉麵店好多好評，專程在星期日來到，這間面積不大，約可容納30人，所以很多客人吃完就走，等位也不會太久。太太要黑熊拉麵$80，我要超級巨熊拉麵$125，加$3香味油。黑熊拉麵，黑蒜油加落豚骨湯，所以湯的顔色好黑，黑蒜味好香，至於火炙肥叉燒上面有一些紅色的調味，令到叉燒更好味，帶點肥肉又淋又厚。超級巨熊拉麵，包含一片火炙肥叉燒，三片梅頭叉燒，兩種叉燒各有各好味，我比較喜火炙叉燒，因為叉燒經過燒一燒，之後更香，個豬骨湯仲好香好濃郁，中幼麵都有嚼勁，溫泉蛋好流心，我推薦這個拉麵👍👍👍👍這間拉麵好正宗，下次再試其他拉麵🍜🍜

中上環平常上/下班時間，最多人來來往往，所以就算明知好多好味食肆，都唔會揀平日來，今晚星期日就，為咗吃這間拉麵而專程過來。想不到星期日晚上七時，這裡居然要等位，証明質素有保證，不過這裡是只收現金，所以記得袋錢💰。店內不算太大，有兩排吧枱，另外兩張六人長枱，坐位空間都算可以，不過吃拉麵，吃完都走啦，所以無所謂。我們點了一個黑熊拉麵80元，另一個超級巨熊拉麵125元。黑熊拉麵，其實係黑蒜油加豚骨湯，個湯的顔色果然好黑，不過味道就好香黑蒜味，叉燒係火炙肥叉燒，所以帶點肥肉，而且都幾厚。超級巨熊拉麵，有一片火炙肥叉燒，三片梅頭叉燒，兩種叉燒都好淋，味道都好香，而且個湯仲好濃郁。兩種拉麵都好好味，如果下次會再試其他款式。

我媽有時對食材有份執著🤔上星期六命我落上環買溏心皮蛋，就是為了配酸薑😲😲不理三七二十一，順便找吃醫餓肚子！（因為拖兩拖已經是兩點多的下午茶時間了😅）買完皮蛋行前幾個舖位食拉麵，無他既，主要見多食，我又一個人易找到位置吧有點像日本拉麵風格，方框圍著是師傅準備湯拉麵的地方，手法很熟練呢😲餐牌上的拉麵主要有五款，我選擇了黑蒜油的黑熊拉麵。除款色外，拉麵上的配料可自選，連日式义燒都可以選擇角切或切片😲😲不止不止‼️麵質軟韌度、粗幼都由你發板作主，完全是一碗個人化拉麵軟韌適中、幼拉麵少油、切片瘦义燒的黑熊拉麵送上桌😋😋湯汁勁濃郁，未入口已經滿滿蒜香我選擇幼拉麵，筷子一夾起麵身已經知道彈牙，麵身掛滿黑蒜油湯，入口煙韌無鹼水味，跟港式拉麵簡直沒法比叫多份煎餃子，去日本例牌會去食架‼️不明白為何日本的食物質素那麼高，普通便利店買到的小吃都超好味一夾一餃子，一沾醬放入口，一啖美味湧上心頭

因為朋友係附近返工，咁啱嗰日想食拉麵，結果佢就提議去呢間食。朋友話多人等，所以我早啲去到拎位。點知12點去到冇人等，正！自己鐘意食黑蒜油，咁我就點黑熊拉麵，另外叫咗個波子汽水。呢度嘅蒜油一般啦，冇咁香，唔難食，不過食一次就夠。塊叉燒都幾好食，不過大塊咗少少，食完有種超級飽嘅感覺。食完麵再整支波子汽水，不知幾正。

今次食拉麵食到去上環，今次去咗熊拉麵。喺上環地鐵站一出行1分鐘就到。我同女朋友一如以往坐咗係吧枱，今次張凳較高，我哋可以欣賞成個整拉麵嘅過程。我哋太肚餓嘅關係，除咗每人叫咗一碗拉麵之外，仲叫多個迷你叉燒丼。等緊拉麵嘅時候，餐廳提供三種配菜俾你醫下個肚仔先，女朋友差啲食晒成兜芽菜落單紙清晰易明，估唔到叉燒嘅種類都有三種，好吸引！女朋友叫既黑熊拉麵顏色相當吸引，湯底非常濃郁，每一條麵都沾上黑蒜湯底，好惹味。叉燒方面，女朋友揀咗梅頭瘦叉燒，總共兩大片，食落完全唔膩，雖然瘦但入哂味好有口感。麵質方面，我同女朋友都揀咗幼麵，硬度適中，蛋都夠晒流心，真係冇咩可以挑剔，正！食完黑熊就到白熊啦！湯底係濃郁嘅豬骨湯，好飲到差啲飲晒成碗。視覺最受刺激既時候係見到果兩片火炙肥叉燒，又厚又大，食既時侯感覺入口即溶，好神奇兩個拉麵嘅份量都足夠，叫埋個迷你叉燒丼就啱啱好，叉燒嘅份量同飯差唔多，好足料，每一粒叉燒唔會好難咀嚼，好夠稔。最後埋單＄200都唔使，但已經飽到橫唔到腰，呢個價錢食到咁飽又好味，應該得佢一間。