三郎麵燒屋 (已結業)

夏日炎炎 令胃口都減少了 黎都長沙灣 總要到蘇屋村 行行 因為小時候 長大的地方 行到有 點累 發現一間隱世 車仔面店 重可以食埋串燒 另外重有啤酒提供 掂 望住張點餐紙 選擇 頗多 而食車仔面 必有三寶 豬大腸 豬紅及牛腩 重口味 當然係自己心水 而湯底方面 有清湯 腩汁 咖哩汁 有辣度選擇 介紹一下 食物鹵水豬大腸 :相當入味 煮得剛剛好 豬紅:自己必吃 一夾落去 唔會散開 食得出新鮮 柱侯牛腩: 也是本店 推介 煮得好淋 又夠咬口 湯底方面:相當入味 有別於一般清湯 配上 炸蝦米仔 係 湯裡 更鮮味 串燒 叫左燒 九菜 火候剛好 不會太乾身 出色天氣甘熱 當然 要配 啤酒啦 消暑至強 自家制 辣油 地方 亦舒適

日前在荔枝角行往長沙灣途中，記得住該區的朋友曾說有間賣車仔麵及串燒的小店唔錯，便繞路往這間位於車房隔離的「三郎麵燒屋」嘗嘗。先叫了一碗車仔麵，車仔餸叫了應要自己製作而非外來貨的東西，可一試其真本事。當中包括蘿蔔、牛腩、翼尖及大腸，配幼麵。看到車仔餸上面放有自家炒的蝦米，感覺和別家店子不同。湯底頗濃味但不算鹹，過關。我認為車仔麵最基本的東西--蘿蔔，做得相當出色，鮮甜無渣。牛腩軟熟，豬大腸乾淨不太肥，翼尖亦可口。最神來之筆是放在桌子旁的蝦米辣椒油，加一點味道即起了變化。串燒叫了扇貝、牛柳粒、雞中翼及娃娃菜，調味得宜，燒的功夫亦到家，食物唔會過熟過乾。尤其是扇貝及娃娃菜弄得最好，蒜香出眾。整體來說吃了極滿意的一餐，車仔麵同串燒都做得有水準，其自製的蝦米辣椒油更是惹味，最後忍唔住買了一樽回家。

今日，咁難得兩個家姐都放工，緊係要一齊去“Happy Hour”啦。我哋一向都好鍾意食串燒、煎釀三寶之類，所以就揀咗呢間《三郎麪燒店》。一開始，我哋見間店嘅地段咁僻遠，都擔心間野會唔會冇咩人去呢? 點知我哋嘅擔心係無謂嘅。麪燒店裡面嘅裝修富有日本風格，和味無窮……入面唔少客人都係一雙一對嘅情侶，一邊談心，一邊食嘢，sweet到極致!!!老闆一見到我哋，就笑面盈盈，畀咗張點餐紙我哋。家姐即刻瘋狂叫野食，餓到呢……你懂的~1.串燒雞肶肉 ($18/串)成串燒到香噴噴，啖啖嫩滑，完全唔油膩! 本來我哋重想叫多幾串，不過為咗留肚食其他嘢，就忍口啦!2.串燒金菇肥牛 （$18/串）鍾意金菇肥牛嘅二家姐，食第一啖就已經連讚兩句「好正」，因為佢成串嘢金菇同啲燒汁混合埋一齊，簡直係絕配。3.串燒四寶丸 + 司華力腸 （$16@ + $20@）食完兩款串燒，我哋當然唔可以停。接下黎嘅，係彈牙無比嘅肉丸同埋司華力腸。兩款串燒看似平凡，但其實極不平凡。一放上檯，一股難忍嘅香味已經涌上鼻腔；再食一啖，當堂覺得自己好幸福呀!4. 燒鴨胸肉 + 黑椒豬頸肉 （$15@ +$14@）黑椒豬頸肉味道好正～佢係我

今日天氣好，有大太陽但乾爽有風，於是搭車到長沙灣，到訪呢間蘋x日報推介嘅車仔麵串燒型格小店。（由於由長沙灣道行入小店需時約7-10分鐘）到附近地方時，眼見只有幾間車房，眼角見到灰色牆上簡單列出「三郎」的字樣，知道搵岩地方喇！一入店中感覺好舒服，一來四周環境寧靜舒適，二來小店裝修簡單又帶點raw，再望一望，又有啤酒又有串燒，應該可供附近住客晚上落街對飲消遣一吓～ 今日點了兩餸車仔麵只需$23，而且份量足夠，餸菜選擇都多！再點了啤酒，好幾碟串燒。我嘅車仔麵選了「蝦春卷」、黑木耳、炸魚片頭，加上少許櫻花蝦和自家製的辣醬，湯底有蝦的咸香味，辣的不過份，而餸菜均有誠意（春卷即炸好脆好味，黑木耳好爽而且切得大大塊唔會碎濕濕）而串燒我就點左：蒜蓉燒原條茄子、牛油帶子、司華力腸、雞軟骨。雖然等待時間較長，但始終即叫即製，等待是有價值的。廚師老闆出來問我地好唔好食，不如試吓串燒大蝦，大大隻，$19@，都好抵食～ 食住串燒又飲住1664法國品牌啤酒，哈哈，連平時唔飲酒嘅我都覺得好開心～～食得好滿足了，見廚師老闆同樓面老闆出黎同我地閒談，知悉佢地店舖開到凌晨一點，下次黎附近飲嘢串燒，都真係可以考慮吓！

本身諗住同朋友食下野再去行下西九，上OPENRICH 睇到間車仔麵個名叫三郞好似唔錯，又近近地，所以就去食啦。講真，地點都幾偏僻，行到身水身汗仲要上埋GOOGLE MAP 先搵到。不過好彩果陣人唔係好多，可以即刻入去食。一行四條友，叫左四碗三餸車仔麵加D串燒，埋單都係$200左右，最重要既係，一碗車仔麵竟然只需要$23蚊（仲包2個餸添！）講返碗麵，我叫左腩汁油麵加黑木耳同牛腩，腩汁夠香濃，好適合我呢D重口味既人士，不過好可惜今次我地都無叫到佢最出名既迪鹵水撈丁，下次黎一次試！餸方面，柱侯牛腩都唔錯，夠味之餘又好冧身，加埋腩汁已經比得起出面唔少牛腩麵家的質素。麵都彈牙同埋唔會太冧或者硬，煮得都有一定水平。 另一碗麵就叫左豬紅豬潤米粉、腩汁無辣，再加左娃娃菜，俾錢都只係俾$28蚊咋。黎到我面前既時候真係嚇左嚇，Ｄ餸多到差Ｄ見唔到麵咁樣，真係好親民啊！ 串燒就更加唔錯, 燒雞軟骨加燒雞腎更加係必食之選。調味出色，好好食，不過可能太少員工啦，燒烤有少少焦左，不過都唔係太大問題。我地最後仲因為好好食而叫多左幾串。 講真而加係香港既小店已經唔多，而心機小店更加少之有少。香港人，你地真係值得去一試再

同朋友為左搵野食，係周圍行行下就見到呢間好有日本風既麵店。原本仲以為係食拉麵，點知原來係車仔麵店。 入面既可以坐既位置都唔算太多，大約20個左右，而且職員都只係得兩至三個人，加上又偏僻，入左去之後都有諗過要唔要去第二間食，不過見到佢$23兩餸車仔麵太抵，又諗住試下，所以最後都係無離開到。 我叫左豬頸肉魚皮餃油麵小辣。呢度既辣同出面好唔同，辣味係湯底度直接刺激味蕾，食既時候唔會話會由麻或者酸味帶起，所以果種感覺都幾新鮮。豬頸肉外皮好香脆，浸左落湯一陣之後都唔會好快變冧，而魚皮餃既外皮都處理得唔錯，唔會食到好粉既外皮；麵身就好適中，唔會太冧或太硬，整體都係一個好體驗。 而另一碗係咖喱豬皮豬頸肉油麵、腩汁少辣。豬皮彈牙爽口，雖然原先已經索左咖哩味，再外加腩汁仲以為會好奇怪，點知食落又幾夾，不過真係好後悔無嗌卥水撈丁，我諗呢個配咖哩豬皮會仲夾添！ 不過真係十分佩服呢度做野既員工，首先人手十分唔充足，但係都可以係5分鐘內俾到車仔麵我地之餘，仲會保證到一定既質素；另外，呢度既地點都十分僻，生意都應該唔係太好做，我衷心希望各位食家可以多Ｄ幫襯本地既小店啦～

今日約左去朋友屋企同佢小朋友玩,但無奈岩岩收工既我肚餓到不得了,所以就俾朋友帶左去佢屋企附近食車仔麵,佢老公話呢間新開,食過佢地既串燒,好好味仲好抵食,肚餓既我緊係要去試下自制XO醬，撈麵配佢一流自選兩餸麵$23幼麵+清甜蘿白+魷魚(腩汁,小辣):食車仔麵最鐘意叫幼麵,貪佢彈牙同掛到麵汁,小辣都幾辣,可惜蓋左腩汁味,蘿白甜而無渣,魷魚非常入味,有嚼勁.鹵水撈丁加$2+柱候牛腩+炸魚片頭:朋友叫左撈丁,用上鹵水別有一番風味,鹵水味香而帶點微甜,配上熟軟入味既柱候牛腩,嫩中帶少少牛筋,更添咬勁,炸魚片頭脆而不膩,比傳統魚蛋更香口彈牙.黑椒豬頸肉(小辣)$14:豬頸肉肉質肥瘦適中,嫩滑得黎帶點爽口,食落一d都唔膩,灑上少許黑椒同樣惹味.黑椒牛柳粒(小辣)$22:牛柳粒唔會燒到太乾太老,一啖一粒,軟腍,牛味香濃, 燒得牛脂溶化更添香口.雞翼(小辣)$16:外皮燒到有點脆,就非常嫩滑,朋友和我一食就覺得味道有d似土匪雞翼.紅油抽手$22:醬汁有微微既麻香帶點黑醋味道,粉皮雖簿但包住既菜肉餡比較少而唔太新鮮,感覺一般,還是串燒做得比較出色..凍檸荼加$8:最後當然唔少得叫返杯凍檸茶黎飲下,解下渴.

去明愛醫院探完病，經過蘇屋邨，已經係夜晚八點幾。見到有間車仔麵又有燒烤，好似幾特別 ; 好多人，感覺己好，入去坐低。兩個人叫咗啲燒烤同一個車仔麵，仲有一個一撈麵。等咗15分鐘送來一串燒烤，再等15分鐘再來三串燒烤，好肚餓，餓死人，食碗車仔麵用咗兩個鐘頭。 碗車仔麵成碗都係油 ; 浮曬喺碗麵上面，啲麵煮得好冧，見到都唔想食 ; 但個一撈麵都可以。不過要提佢個辣椒油，好香蝦味 ; 但唔辣，如果唔食得辣嘅朋友一定要試。 串燒味道都可以，見到有人食牛油蒜蓉焗金菇好香，感覺都幾好味。

這天晚上家裡沒煮飯，所以我們一家人決定到外面吃。為了省錢，我們決定找一間便宜的店吃，當然質素不能太差。最後到了長沙灣保安道的三郎麵燒屋。這店位置略微有點偏僻，但不算難找，走多幾步就當是做運動吧！店面走簡潔風：裏面燈光充足，這是櫃檯那邊的情況：有吧枱：店員態度有禮又友善，不錯。其中一位店員非常殷勤，而且很慈祥，估計是店主。餐單簡單得來令人一目了然：兩餸麵 $23上菜後不停吃，吃到一半才記得要拍照。我點了粗麵，配腩汁。麵非常彈牙，又夠柔軟，腩汁令整道菜更惹味。配料方面選了魷魚和魚皮餃，$23是包兩種配料的，絕對是大件兼抵食。魷魚有口感得來不算韌，算是易咬。而且很獨特，跟其他地方的魷魚有點不同，不是粉紅色的，而是棕色。魚皮餃一如既往香口，完全沒有後悔點了這配搭。金菇肥牛卷 $18平均$6一件，每件都非常大份，很抵食！外面的肥牛是炭燒的，有燒烤的味道。裡面的金菇多汁又爽口，很難得燒完後沒有變得太乾燥。燒司華力腸 $20、四寶丸 （牛丸、貢丸、花枝丸、墨魚丸）$16、花枝丸 $14有燒烤出來的風味，外脆內軟，特別是司華力腸。各種丸肉質鮮嫩，吃後齒頰留香。雞脾肉 $18雞肉的香味能保留，外皮燒得香

今日朋友約我去食串燒同車仔麵，我心諗有車仔麵又有串燒咁得意？我點左豬腸牛腩湯麵，豬腸洗得乾淨，煮得夠入味。好耐冇食過豬腸，雖然唔健康，但偶爾食下好滿足。牛腩夠「林」，唔會好硬，味道濃。粗麺煙煙韌韌，口感唔錯。辣椒油係非常出色嘅，我相信係自家製，有衝動問老闆可唔可以賣一樽俾我！可惜，速度有啲慢，我又約咗人喺附近傾野，所以串燒黎的時候，我冇時間影相，但係牛脷同豬軟骨都唔錯。整體而言，依間餐廳十分抵食又飽肚，都可以再來。

平時食車仔麵一諗一定係港式，諗都冇諗過可以港加日， 點樣配日法? 就係佢有賣串燒食 同好有日本feel佢嘅賣點雖然係車仔麵但係佢推介嘅有一個叫 鹵水撈丁一於叫嚟試下來都算有啲驚喜跟兩個餸 都只係25元一丁煮得啱啱好仲有啲爽口添 最重要係撈丁既滷水汁 食落去有少少將口嘅感覺好似煮咗多次嘅鹵水汁咁經過陳年嘅佳釀 我就叫咗牛腩同蝦香卷 牛腩煮得啱啱好唔係特別硬 易入口，至於蝦香卷 本身以為係條春捲來。來到先發現原來佢似腐皮卷多啲，再配合老闆自家製 嘅好香蝦味嘅辣椒油入口唔太辣最重要有香濃蝦味，我形容為大成功。我哋仲叫咗啲串燒雞軟骨出色平時食雞軟骨點會真係燒㗎 平時梗係炸㗎啦。一嚟到見到佢有啲燒焦嘅感覺已經有驚喜 之後仲叫咗牛仔粒食 燒得啱啱好外面跪口香口裏面仲好有肉汁 唔會太過硬燒得啱啱好 重叫左 牛油蒜蓉燒金菇 牛油配合蒜蓉一向都係天下無敵嘅組合 當然好出色啦 金菇冇燒燶呢樣最緊要 一打開仲有香濃嘅牛油同蒜蓉味未食已經流口水呀 我仲見到學生哥有優惠價Tim 可惜我老喇職員有禮貌最欣賞嗰位大叔見到佢辛勤工作個樣 好有型 我明天都要努力工作 有機會一定再食

係長沙灣等老公收工後佢話有間車仔麵幾好食, 就帶左我去不過位置有d難搵入到去, 唔見有侍應, 原來係廚房做緊野我地好自便咁揀左位坐枱面有order紙, 想食咩就自己剔, 車仔麵兩餸只係$23, 超街坊價, 而且仲有得食串燒, 價錢都好合理我地揀左一個三餸車仔麵同一個三餸鹵水撈丁, 車仔麵可以揀醬汁同辣度加, 同埋幾串串燒, 趁侍應出黎送餐時俾佢送餐速度一般, 睇到佢地人手真係唔多, 要耐心等下車仔麵先上,  我地揀左羅蔔, 蝦香卷同魷魚, 要左腩汁+咖哩汁同小辣, 整體賣相都ok 車仔麵D餸份量唔算太多, 不過呢個價錢咁抵食, 呢個份量我都接受蘿蔔又腍又甜, 蝦香卷都幾香脆, 但魷魚就未夠爽口麵底正常, 無鹼水味, 唔會煮得太淋雖然個麵叫左小辣, 其實都幾刺激, 如果仍然覺得唔夠辣, 可以再加枱上既自家製辣汁, 入面有魚仔同蝦乾撈丁好快都黎埋, 一丁彈牙爽口唔會過淋, 鹵水汁混合辣汁幾正雞翼鹵得好入味, 魚片頭彈牙, 金菇就正正常常食完覺得都值得推介下食完麵, 串燒開始黎燒茄子係原條上, 份量好多, 表面放左好多蒜蓉, 未食已經覺得好香茄子燒得好好, 味道好夠味, 唔使再點辣汁都OK金

朋友話明愛果邊開左間車仔麵好好食，有日得閒就同CHICKEN去左果邊試下，估唔到位置係咁邊邊，開係明愛山腳下。店面唔算大，間鋪望落好新，採用木具餐桌，睇落乾淨企理。點菜紙除左車仔麵之外，仲有其他小食同串燒，結合左港式日式既文化，不過本人覺得餸既選擇少左啲。學生餐勁抵食！可惜已經過左學生時期 另外仲有燒海鮮等，時價而定。揀左幼麵、湯底：腩汁，三款餸包括：魷魚、牛腩、蘿白。湯底清得黎夠入味，配埋牛腩食好夾，但牛筋同脂肪位比較多(兩樣都唔食)蘿白清甜，魷魚好食但份量太少，食得唔夠過癮，但整體上既味道，我會比4粒星，湯底最令我驚喜。CHICKEN揀左公仔麵、湯底：腩汁，三款餸包括：肥牛、豬頸肉。要提一提係，佢每碗車仔麵都會加蔥花同蝦米，客人可要求多啲／唔要。食完車仔麵未夠喉，再嗌多幾款串燒，分別係牛肉粒同花枝丸，花枝丸燒至黃金頗香口，味道唔錯。而牛肉粒既份量偏細，而且燒到好乾身，口感一般。牛油蒜蓉金菇，大量蒜蓉鋪係面，焗完出黎香噴噴蒜蓉味，金菇好入味，食落去感覺到蒜蓉味出晒黎，但覺得金菇份量再多啲就更好，食到底有啲咸。雞翼，味道有啲似譚仔既土匪雞翼，但油偏多。金菇肥牛卷，香口又多汁，味道唔錯～

之前食，真係好味。今晚再次去食，但食唔到，或者店員嘅朋友或隊友可能會服務好d。交左點菜紙，我填錯可樂，同店員確認係奶茶先真。佢俾番張點菜紙俾我，仲黎埋杯奶茶，我估應該落左單。見住我隔離店員嘅朋友遲黎都上曬菜，都有d奇怪。或者我點4餸要耐d，但店員無任何表示無任何提問，反而同朋友閒談。都正常，朋友熟客賞面，都要吹下水，明嘅。20分鐘，見住厨房停曬，仍然無人問我，唔通漏左單？或者真係有人為左杯奶茶去幫襯同坐20分鐘。我其實接受到譚仔，文記車仔麵d服務，麻luck佬有得食就ok，唔洗太熱情。但如果樓面未做好提供服務嘅準備，咁更好食都假，不過我唔係熟客，睇唔我都正常。最後真餓，所以只能堆單走人，店員員哥哥都同我解釋左因為我無俾番張單佢，所以無落單。咁我杯奶茶點解黎左？可能餐飲要填一張，點麪一張。不過私房菜，其實主要做熟客，希望下次佢會俾我試番食麵。

這天和老婆拍照，到了甚少踏足的長沙灣區。中間有一兩小時休息時間，到處兜一下找點吃的。在舊區走著，看到有間麵燒屋，店名頗特別，吸引了我們的眼球。裝修也算是別緻，但下午時段主打車仔麵，價錢很親民。車仔麵是$23起，竟有兩款配料，這是十年前的價格吧！串燒有不少款式，價錢也親民。車仔麵看照片也就知道味道，這碗味道偏濃，配合我們的口味。牛腩煮得很好，火候足夠令其很入味很軟，咖哩汁的湯底甜甜的帶辣，很出色。點了幾款小食，款款也很精緻，看得出誠意。最精彩是金菇肥牛卷，$18有三大件。金菇無渣，牛肉肥瘦分佈佳，醬汁惹味。稍稍燒香，趁熱食很滋味。很幸運找到此店，價格很親民、食物也夠誠意，店內也洋溢著一種溫馨、悠閒的氣氛，這就是小店的魅力吧！