八千代麵坊 (已結業)

八千代的位置.. 沒人講真係唔知道果度會有間咁好味的拉麵店...我係經一次朋友既介紹先知道...不過真係一試難忘...現在一個月起碼會去兩三次 依度既拉麵實在頂呱呱~!!我多數會叫醬油味拉麵~~麵條十分彈牙叉燒好林不過最最最最值得一試同一讚既當然係隻溏心蛋~~~~!!!!!!!!!!!真係好味到每次黎都要食~! 食最後一啖會有點點不捨既感覺~!!!夏天時更可以選擇叫撈麵~麵和湯分開上.. 湯味更濃... 又唔洗比成碗熱湯對住個頭.. haha小食方面牛油帶子，咖喱餃子, 芥辣八爪魚　都要一試~!!甜品方面每次都比個雲呢拿雪糕吸糕住..冇辦法食到其他味...試過食過朋友既藍莓雪糕同南瓜雪糕~~還是覺得雲呢拿雪糕係一流的~!!!!!!!佢有特別的source... 甜甜的.. 咸咸的... wooooOo 無得彈~!!以前會有埋金薄的..　但可能夏天.. 冇落lu~~ 但係有冇金薄都冇影響佢咁特別的味道~!!!環境方面地方係細左d.. 坐都唔太舒服..食飯時間去都咪洗旨意有位.. 不過唔係食飯時間有時會好清聞個人較愛坐bar台.. 睇住師夫係度整拉麵好好笑, 好似打緊機咁~~~師夫都好好

食友知道我鍾意食蛋，就介紹這裡的溏心蛋很出色，而剛巧同事又想試。前菜是玉豆及荀，清新得來更帶點麻油香。我要辣汁冷麵再加$10有隻溏心蛋，驟眼看那隻蛋不算呈半液體狀態，周邊的蛋黃有點熟，已凝結，再吃下後，蛋黃不夠甜，有點點失望。冷麵的辣汁味道不夠濃辣，混了點芥辣後較為滋味。反而麵條很有驚喜，彈性很足，很有嚼勁，亦有淡淡的蛋香。而同事的有機野菜冷麵，顏色鮮艷、賣相吸引。加一後每人只是$66，價錢合理，而餐牌上其他小食也幾吸引，可以下次再來。

E小姐早前說過在九如坊"八千代"的拉麵不錯,日前大家乘去上環文娛中心睇法蘭西Band Show之便,在此來個早晚飯.位置不算難找,就在哥賦街上的家居品店Homeless,旁邊條樓梯行下去便見到.黃昏六點多少少,也有零星食客在吧檯上吃到殊殊聲.看其拉麵湯底選擇,也是鹽味,味噌,同醬油之類.我就要個味噌湯底,E小姐來個醬油.餐前小食也是支豆,差不多是她每次去日本料理之"前菜".另一道蝦肉帶子餃子,煎得皮薄香脆,餡料蝦同帶子味道夠鮮甜,汁就欠奉.拉麵賣相也不俗,首先試一口湯,有點淡,再喝多幾啖,都係一樣.面頭的叉燒不過不失,咬落肉質夠鬆化.麵條的質感未算煙齦,同其他日本佬出品比,又差一點.最驚喜的,是碗上的蛋,呈現溏心,吃落很甜.全個拉麵之中的MOM,當之無愧.我問E小姐:你個湯底味道如何?試一口,都係味道很淡.何解?沒有下鹽,定係此拉麵店的風格偏向清淡?E小姐趁小弟去洗手間時結了帳,謝謝.

小店子，座位不多，一人也需等一會菜牌選擇不算多前菜–竹筍，有香香的麻油味味噌拉麵HK$58+10%湯底色濃味不濃，與期望的有出入溏心蛋–size小但美味，蛋白也入味至淺棕色拉麵及叉燒–ok

今日難得找個舊同事食lunch聚一聚，向佢\帶領下我先發現向九如坊呢度開左間日本食店。一打開個menu，拉麵為主，本身人地介紹醬油拉麵好味，但我自己就揀左辣味噌拉麵，個fd就揀左味噌拉麵。見第一次食，再揀了兩個小食，分別係taco wasabi 同埋咖喱餃子。個拉麵有前菜，糖心蛋，叉燒，芽菜等等配料。我個辣味噌拉麵湯底唔夠個fd個湯底入味，好似得個辣字，但尚不俗既。不過值得一提，個糖心蛋好味。至於兩個小食激讚，個taco wasabi我覺得好好食，而個餃子好薄皮餡足。下次lunch可以再來食過。仲有侍應服務很好，只嫌地方較窄狹。

八千代裝潢很有日本feel, 只是坐位有點窄....職員的服務也很有善, 那日我和老婆大人食了鹽味拉面, 辣味噌拉面,有糖心蛋, 薄叉燒2塊, 有前菜, 豆同筍等等好好食嗎? 又不是! 難食嗎? 又沒到底!只是所有的東西的味也很淡.....差點沒有味, 而且他們的拉麯, 不是自製的,都是用超市中那些包裝拉麯, so 口感一般.....唯一可以說是好的就是糖心蛋吧!

都說過，日式拉麵在香港根本流行不起來，做得對辦的數來數去也是那幾間，全靠一眾東洋鄉里支持。作為飲食之都，香港人，不少也說自己「鐘意食野」，更多說「鐘意食『日本野』」，但卻養不起一兩間似樣子的日式拉麵店，都幾令人費解。在九如坊開了這一間小小的拉麵店，好幾次想去幫襯也不得其門而入。剛好是日又凍又連天大雨，連勝香園及九記也不用等位，來這裡當然隨便任坐，就來一試。選了坐在吧檯的一邊，位置相當不俗。拉麵店的餐牌也相對簡單，還原基本步，就要了味噌叉燒拉麵，加紫菜及粟米。先來一杯熱茶，感覺不如一杯凍麥茶又或是一杯凍水的好；前菜是豆角及漬菜頭，幾清新及爽口，不錯；拉麵來到，賣相對辦，至少不會在聲稱是日式拉麵中找到菜心、生菜或西蘭花﹝不要覺得意外，這裡傳單中的相片是真的有西蘭花的！﹞。喝一口湯底，味噌不過鹹，湯頭味帶淡，未夠火侯，好在是油不多及味精又不算濃重，中等水準；麵彈牙，但吃下去就不夠嚼勁，亦覺零碎，是麵本身的質數問題。始終用得上好麵質的，在香港也不過是那幾間；叉燒廋肉多肥肉少，有點韌，是本地師傅的水準；溏心蛋就很出色，真的非常「溏心」之餘，亦略帶微甜，很夠味，相當不錯，可以獨立成一味也賣得起價錢

因為見blog友deli prince嘅介紹,好吸引,所以apr 11, 08,2人來食dinner,叫咗 :1) 枝豆-熱style,個人比較鍾意嘅做法,唔會濕漉漉,豆亦算腍,合格2) 鹽味叉燒拉麵-有筍,紫菜(比般嘅淡色),溏心蛋1隻(開1/2),叉燒x3片,日式魚蛋x 1片-初時唔知己經包咗1隻溏心蛋,仲叫多1隻,好彩侍應哥哥醒目,同我再確應清楚:咁即喺2隻囉喎,避免咗攻陷我個膽固醇指數,好彩有佢-湯有陣胡椒味,個人對此1般; 叉燒就切得薄咗少少,個麵都不失為有咬口,唔會腍,隻溏心蛋的確為碗麵贏取唔少分, 溏心不在話下,滷得仲帶d甜味,討人-其實個麵唔太多,好在我嗰日唔肚餓(因漢堡包嗰餐仲未消化完)3) 牛油帶子-本來諗住喺原隻燒,清清哋,所以上枱時見到喺成pat燒汁喺面,個心已經沉沉地-連埋裙邊1齊煮,個燒汁嘅甜味已經蓋咗帶子個味,所以覺得普通4) 原個南瓜雪糕-見人哋,可以叫佢1開2,照跟,咁唔使自己死刮爛刮咁同友人對分-個南瓜皮雪到咁硬,但切口仍好乾淨俐落,唔知佢用咩嚟cut-講番雪糕,入口好重奶味,南瓜味少d,但勝在好滑,都好令人回味- 其實個場得2個侍應做樓面,都幾忙吓

四月八日(星期二)今日同老公仔特別要黎呢度試試,因為這是我們的第二百個食評,要食d好味野!之前,o係日本食完無敵家拉麵,呢度簡直係天下無敵!當然番到黎就唔可以expect太多啦!呢排我地兩公婆好似中意左食拉麵咁,前兩日先食完橫綱,今日又食!老公之前食過話好味!做老婆既,點可以未試過呢!十二點幾去到,唔洗等位,門口仲有人拉客!唔係太多人,因為呢度位唔多,數過太約三十個左右,而且有d reserved!所以要早d黎食!個menu唔係太多choice,都幾好,我始終覺得一間專門整某樣食物既店舖會比較好味!...呢d先叫pro...無敵家都係只整拉麵啦!所以呢度都只有拉麵呀,撈麵,冇其他飯!仲有d特別口味既雪糕!叫左個鹽味拉麵,老公上次食呢個話好味道!果然唔錯,清得黎都幾香,唔似豬骨湯咁多油!而佢既糖心蛋都好味!d麵質旦牙!有心機!佢既义燒都有水準!有驚喜!而公既味噌都唔錯,不過可能大家都一般中意呢個味!所以okay啦!...同埋叫左個芥辣八爪魚,都好味道!o係中環番工既朋友可以試一試!

早聞上環近【九記】附近開了一間拉麵館，上星期便的起心肝到來試試我心愛的日式拉麵，我選了醬油味拉麵($55)，跟麵有兩片叉燒、一隻溏心蛋，叉燒是半肥瘦，頗大塊，很滑，我覺得比我在東京吃的更好味，而溏心蛋也不錯，反觀湯底較淡，如果愛吃濃味的，我相信味噌和鹽味會較惹味，拉麵是普通日式拉麵，都算煙靭。友人點了味噌拉麵($55)，加叉燒4片($15)，另外又叫了野菜餃子($23)，其實是野菜加豬肉，皮很薄，是日式餃子的味道，在openrice看見食友推介的雲呢拿雪糕($30)，既然來到一定要試試，小小的雪糕球，果然是很香濃的雲呢拿味，還吃到了檸檬的清新感覺，那究竟是什麼？真的不得而知。

一早book左位食lunch,去到已經reserve左俾我地,不過記住要在book位時講清楚幾多個人,我地加多一個人去就因為店內無chair而要等左一陣, 最後仲坐得幾迫tim!我試了味曾拉麵,麵質唔算淋,湯ok但有d咸,最好味就是那隻糖心蛋,好夠味而且蛋黃好軟,好好食!如果要追加多一隻蛋就需要$10,我order的那拉麵就已經有蛋喇!不過menu上的一款芝士海鮮拉麵都好吸引,要$78一碗,太貴所以無叫!最後仲order左一客野菜豚肉餃子,好新鮮包出來的感覺,熱辣辣,不妨一試!

上星期五同朋友在此午餐, 我地walk-in要等20多分鐘, 1:10才可入座. 等位時, 見有訂左位既客也企係度等位, 向女店員埋怨book左位都要等. 內裡是小店, 架上全是日文雜誌. 坐係門前小桌, 少少迫.店舖話賣哂芝士海鮮拉麵... 可惜; 又說牛油帶子只於晚市供應. 叫左鹽味及醬油味拉麵. 鹽味好食d! 個蛋心震下震下咁係d湯度, 蛋白好滑^^. 餃子普通, 反而魚餅幾好味!

朋友話要食拉麵，帶了拒來呢間服務比較好既拉麵館。朋友要了熱辣辣鹽味拉麵，他叫了熱，0甘我就叫冷面卑拒試試啦。我都系如上次一樣叫了玫瑰冷面。不過今次覺得無上次0甘好食，面底有點退步啊！朋友話如果豬肉片（or was that 叉燒?）改為豬軟骨會更好，但面中那只蛋就認真ichiban.生熟度適中！好食！服務此終卑交易所果間好！

某日於上環工作的朋友介紹到一間位址偏辟的日式拉麵店, 食過之下, 簡直係一試難忘~!!!早聽朋友說這裡的蛋係極之好味的, 所以要一試.. 而朋友則點了有機菜拉麵同埋咖喱餃子.. 雖然我地去直夕中午午飯時間, 去到都要等左陣, 但係叫完都唔係等左好耐就到, 麵黎到，第一時間緊係一試隻蛋先la~! wellllllll~!! 一試之下果然極好味~!!! 再試下個麵~!! 都十分彈牙，軟硬適中~!! 個湯都好濃好得~!比起之前係銅鑼灣食既8xx, 依間真係正好多~!!!最後更加要值得推介既係佢地既雲呢拿雪糕~!!!! 上面有d唔知係乜, 好似金"薄"咁既野, 食落咸咸地~!十分特別!!! 去既話一定要試~!!!!

有機野菜拉麵好好食,D菜,茄子同菇好fresh好甜,(女士合適)朋友叫了一個miso撈麵(麵與湯底分開上),他說香港很少有的食,因為工序多且好易食到鹼水味, 所以一定要試試.試了一口湯好濃好香最驚喜的是拉麵的碗真的用熱湯溫過製作認真還叫了雲呢拿雪糕(強烈推介,Troy果然好介紹)有特別的source...非常滿足對不起,沒有拍照下次一定補回如果食有機野菜拉麵一定要加糖心蛋,幸運指數倍增related link:http://food.weekendhk.com/restaurant/detail/16551