凱富菜館 (已結業)

今日做冬，屋企又唔想搞到大陣帳，就去左一間想食好耐嘅潮洲菜館到食下家鄉菜。入到去二話不說梗係整翻個滷水拼盤加啤酒黎過下口癮先。主菜叫左蚵仔粥、欖菜炒四季豆同煎兩麵王食住先。點知份量太大，食完已經好飽唯有下次再黎試埋其他菜色！滷水拼盤: 前菜必食！係我目前食過最地道嘅滷水味道！唔好睇佢無乜滷水色，食落口嘅咸香均衡，配合埋個蒜蓉辣椒白醋簡直係無得彈！蚵仔粥: 又一佳作。老闆一啲都唔吝嗇蚵仔嘅份量。啲米嘅口感同味道係我家鄉食嘅一樣。💯欖菜炒四季豆:睇落平平無奇但食左啖之後就忍唔住叫碗白飯黎配！煎兩麵王:一道好考廚師手勢嘅一道菜。由賣相到口感都感覺到大廚好有經驗，沾上沙糖同陳醋令呢道兩麵王是。嘅味道再昇華左一個層次！整體而言，菜色嘅味道一流，我好有幸係香港食到咁地道價錢又咁親民嘅潮洲菜！

之前會同朋友宵夜打冷（好邪惡），不過後來都有一排無去，咁啱今日經過凱富菜館，懶得自己煮又想食下滷水，於是就買外賣返屋企食叫左個滷水鵝腸、京都焗肉排同兩個白飯，依家晚市外賣自取小菜有8折，計埋盛惠$198注意係得小菜有8折，滷水同白飯嗰啲都係無嘅～鵝腸都唔少，落左啲調味去撈，食到啲麻油味同少少胡椒粉味，就咁食都已經幾好食，而怕就咁食會太膩嘅仲可以點埋附送嘅酸汁，酸酸地咁又香又開胃鵝腸下面有啲滷水豆腐京都焗肉排拎左個大盒黎裝，所以一開始期待會好多，點知開上黎份量唔算多😂😂😂偶爾幾塊會有啲硬，不過整體都唔錯好少會係茶記食到軟嘅白飯，而呢間都係普通嗰啲偏硬偏乾嘅白飯整體黎講都係幾好食嘅打冷，懶得煮飯嘅時候可以去買黎做外賣，不過價錢偏貴。嗰陣去買外賣嘅時候無乜人，等左大概20分鐘左右，見到個收銀哥哥收完錢之後就去斬滷水，雖然有少少洗下手，不過如果分開唔同人黎收錢同斬滷水可能更好

已經好少出街食飯~但偶爾都想出去行下~今日同男朋友去左港島果邊行街~朋友推薦一間潮州菜好好食~平時都排隊，但最近少人食飯就唔洗排~去試試先！係門口見到d小菜都好抵，呢度係食好地道ge潮州菜~入到去人唔多~坐得好舒服~椒鹽鮮魷（$108）- 上菜見到就已經好靚！伴碟仲有番茄片~鮮魷炸得好鬆脆~而且d蒜蓉好香好可口~撈飯一流！欖菜肉鬆四季豆（$80）-四季豆新鮮,而且d欖菜好多，整體唔會太油膩~韭菜豬紅（$40）-食潮州菜打冷梗係食豬紅了~呢度豬紅無果陣奇怪味，而且韭菜都好好食！鹵水拼盤（$118）-重點一定係鹵水！有豬耳紅腸牛肚等等，鹵得好入味，送酒一流~兩個人埋單一人$200有找，而且d野都好大碟~一班人離仲正！

朋友帶我嚟呢間潮洲打冷嘢食😍內外氣氛都好親民😊滷水拼盤 $118滷水好高質！豬耳喺一塊過唔喺一條條，好特別😂個人鐘意個豆腐，喺底度索哂啲汁，好juicy 😍香煎牙帶魚 $128店主站我哋識揀丫👍🏻牙帶魚唔喺度度都有得食！外層煎到脆卜卜好香噴噴，咬落又唔算多骨喎😙胡椒豬肚湯 $118胡椒味道濃郁😍加上大量豬肚，個湯飲完暖笠笠哂，大大碗好抵飲😙煎蠔餅 $98大大份蠔餅，裡面啲蠔份量都幾多，最重要喺好少腥味！怕腥嘅人都食到👍🏻雙菇扒時蔬 $88超多菇啊😍

趁住復活節走遠少少去到平日無咩點去既鰂魚涌行下順便揾下有咩好西,約左一班朋友夠麻甩當然要去打冷.鹹菜胡椒豬肚湯一窩上,豬肚處理得夠乾淨,入口無豬肉臟既餲臭味得黎又唔會有孱.豬肚質感夠爽彈入口煙煙韌韌.鹹菜亦唔會過酸,湯底夠晒胡椒味十分暖胃.滷水拼盤份量豐富之餘款式都幾多選擇,滷水汁顏色及味道夠濃又唔過鹹,入口先鹹,後帶微甘甜既味.內裏既食材都好入味,最吸得滷水汁既精華當然係豆腐.煎蠔餅,黎到打冷唔點返份蠔餅點叫打冷.蠔餅夠正宗,真係用心煎而唔係坊間求快而改成用炸既方式.煎得夠薄脆入口唔會油淋淋,溝左鴨蛋同雞蛋令蛋香味更重.蠔仔夠肥,脹卜卜又新鮮,唔會粉漿多過蠔仔,沾上胡椒魚露更惹味.牙帶魚好少係廣東菜出現,係當日老闆推介既特色魚類.牙帶魚經微煎炸,外皮變得脆身帶點鹹香,入口估唔到咁嫩滑,又唔多骨.雙菇扒時蔬,食左咁多肉當然要食返蔬菜平衡返.

今日食打冷，鰂魚涌英皇道有呢間潮洲菜館，裝修地道，有卡位又有圓枱，感覺幾適合大班人啤一啤。今日我地三個人食左好多嘢！煎蠔餅 $98蠔都幾多，煎得軟身，唔會好油。鹵水拼盤 $118呢個有好多款食物，有魷魚、豆腐、鵝掌、豬肉、豬耳等等！都幾入味啊。胡椒酸菜豬肚湯 $108豬肚湯酸酸地帶少許胡椒香。雙菇扒時蔬 $98係菜心！每餐飯最緊要有菜食～有埋菇就更完美。香煎牙帶魚 $128牙帶魚煎得脆脆，面頭調味鹹鹹地，感覺有啲似嫩肉版嘅鹹魚～配飯應該唔錯！今餐都食得好飽，人均$200左右。注意前菜花生係$15架。

上星期，我們兩個人一起去了這裏試菜。受疫情拖累，大家都少了外出吃飯，市道真的變得很差。希望情況盡快改善吧。到潮州菜館，當然要吃滷水菜式。我們先點了滷水豬耳拼鵝片。豬耳軟而有爽口，鵝片味濃而不膩，且有豆腐調和，是不錯的開胃菜。之後，我們還試了店家推介的糖醋雙面黃，也是一道經典的潮州菜，而且在家難以做到，在餐廳吃就最好了。店員提醒一定要趁熱食。新鮮煎香的麵餅，外脆內軟，分別沾上砂糖和豉油，既甜且鹹的感覺十分難忘。雖然略為熱氣，但令人非常滿足。最後一味是蕃茄烙，店員說，簡單來講就是蠔餅的製法，不過把蠔改成蕃茄，感覺更健康。這味菜很香口，不過可喜的是仍然保存了蕃茄的味道，不俗不俗。三道菜份量十足，兩個人吃完，再也吃不下其他東西了。希望店家渡過目前的經濟逆境，下次可以再試其他菜式。

難得來到東區這邊，剛好經過，男友看到門前的滷水鵝、墨魚貌似很不錯，很久沒吃潮州菜的我也想吃蠔餅，便進去吃一下。鹵水鵝片雙拼大腸 $158大腸煮得入味，腍身之餘依然肥美。鵝片也是鹵得入味，鵝肉結實。分量十足，其實兩人份分享了再點份蔬菜已經足夠，是我們太貪心了哈哈！豆豉鯪魚油麥菜 $88油麥菜大大碟，豆豉鯪魚鹹鮮惹味，油麥菜脆身不帶苦澀味，一整碟都被我們掃清光！潮州煎蠔餅 $98蠔餅煎得好看，蠔仔大隻，香脆又味道濃郁，飽肚之餘卻讓人一口接一口。豉椒炒大蜆 $88豉椒炒大蜆也是大大份，香辣惹味，三色椒及洋蔥也鮮甜！兩個人點太多，打包了三分一當午餐。特別欣賞這種本地老店，價錢合理、服務好，坐得舒服。住在附近真的可以常常買碟滷味、小菜等等，外賣回家品嚐！

約咗一大班朋友食飯，最啱就係打冷一圍枱咁樣一齊傾吓計！咁啱有個朋友喺鰂魚涌呢頭返工，佢推介左呢間叫凱富菜館嘅餐廳，我哋幾個朋友就放工一齊過咗嚟呢邊食飯～呢間餐廳就係英皇道，絕對唔難搵，對冇去開港島區嘅人來講都係一間好方便嘅餐廳！喺未點菜之前，店員已經好貼心咁為我哋準備咗啲小食，雖然呢個九肚魚唔係好夠熱，但係勝在餐廳夠誠意！本身諗住食黃金蝦，不過我哋大家都好怕要剝蝦殼，所以老闆就推薦左我哋食黃金蝦球，分量唔算話好多，不過炸得好香脆，而且仲保留左啲鮮蝦嘅味道除此之外，滷水拼盤都好高質，老闆亦都好推介我哋試～拼盤入邊嘅嘢都好入味，但係又唔會話太鹹雞嘅肉質好鮮嫩，而且油份控制適中本身我就好鍾意食香口野，所以椒鹽豆腐係唔少得嘅菜式，呢度嘅椒鹽豆腐雖然偏大左少少，不過同樣炸得香脆另外我哋都食咗椒鹽嘅鮮魷，椒鹽味道同椒鹽豆腐大致相同，所以建議可以兩款試一款就OK當然唔少得要食返啲菜啦，雖然望落去比較清淡，但係其實食落都好夠味沙拉骨俾人一種酸酸甜甜嘅感覺，幾新鮮幾開胃

滋味滷味拼盤 有滷蛋、滷肉、鮮尤、紅腸、豬耳，基本上呢個前菜拼盤係好多款滷味，不過略嫌有啲貴，味道不過不失，如果少人叫餸食飯可以留返個肚食下面既美食👇🏻👇🏻👇🏻👇🏻韭菜豬紅豬紅除咗之前係長洲食過覺得好味之外，好少地方可以做到咁新鮮！呢間嘅豬紅好彈牙，個醬汁都好惹味，好唔錯！至愛既蠔仔粥呀嚟到潮州菜館梗係要試吓出名嘅蠔仔粥啦！蠔仔粥好少令人失望，而呢間凱富菜館嘅蠔仔粥令我有驚喜🤩大家都知蠔仔粥裡而嘅配料多數都係”林”既，但係佢加咗脆卜卜既魚干，問咗侍應先知道原來正宗嘅蠔仔粥係要加呢啲魚干！食咗咁多年蠔仔粥先知道，真係孤陋寡聞🤦🏻‍♀️d蠔仔都好新鮮，必食！豆豉鯪魚炒油麥菜因為係凱富菜館食過呢一碟餸，屋企人返到屋企即刻自己又試吓整，結果真係愛上左，不得了🤩

位於鰂魚涌英皇道951號地下的凱富菜館，主打潮州菜。菜館提供頗多款式的潮州菜，而且菜式的份量也頗為大份。潮州菜館當然有滷水菜式，菜單還會有彩色的圖片。店員先送上一小碟潮州鹹酸菜，味道酸酸甜甜的，頗為開胃。滷水豆腐熱騰騰地來到，滷水味道鹹香，配上比想像中更香滑的豆腐，味道相當不錯。滷水豆腐約有十五大條，相當飽肚，而且一份只需要四十元。韭菜豬紅上桌了，豬紅盛得滿滿的，就好像一座小山。豬紅的熟度剛剛好，口感嫩滑，醬汁微鹹，能嗅到頗濃的胡椒味。豬紅下還有吸滿醬汁的韭菜。蠔仔方魚肉碎粥 來到了，滿滿的一整窩，足夠三至四個人享用。蠔的份量頗多，而且頗為鮮味。另外還有冬菇片、肉碎、芫茜等配料，整體味道豐富。。潮州粥的特點就是粥和水較為分離，別有一番風味。

放工過來鰂魚涌辦事再相約這邊吃飯，路過看到滷味好像很不錯，決定試試。想了很久決定點個鵝片雙拼大腸 （$158），大腸真的一流！超級肥美、鹵水味好入味！鵝片也超級好味又入味，比起平時出面吃到的真的好有水準！潮州煎蠔餅（$98）是我另一最愛。夠香脆，足料夠Juicy。豆豉鯪魚油麥菜（$88）菜新鮮、豆豉鯪魚份量剛剛好，惹味之餘不會搶了菜的鮮甜味。豉椒炒大蜆（$88）夠鑊氣、新鮮，送飯一流。沒有想到每碟份量都很大，打包回去作午餐。不得不提服務員非常有禮貌又幫我們蜆殼換碟，老闆又沒介紹錯菜式，下次回來再吃滷味！

一大班朋友食飯，成日唔係邊爐就放題，今次轉下新意思，物色到呢間係鰂魚涌既打冷菜館質素唔錯，最啱同朋友飲酒吹水食個飯! ✨炸魚仔未點菜，先上一份炸魚仔小食! 一試呢d 咸香小食，即刻忍唔住叫左2枝藍妹啤一啤佢! ✨滷水拼盤拼盤既食物包括 鵝片、紅腸、魷魚、豬耳  啱哂唔同口味既朋友  其中鵝片份量亦唔少，滷得頗入味! ✨黃金蝦球啱啱炸起既蝦球  大大粒 一d 都唔縮水  咸蛋味十足✨川椒雞見到牆上掛住呢個菜式 少食潮州菜既我地都唔知係咩黎  係老闆推介下決定一試! 試味後，感覺炒得好入味，小小辣，好有獲氣!   ✨椒鹽豆腐呢份豆腐炸得外脆內軟, 如果調味加重更佳! ✨椒鹽鮮魷又黎一份椒鹽小菜   但亦相當滿意  口感ok 亦咬得開! ✨蒜蓉炒豆苗大大碟既豆苗  菜苗嫩口亦冇菜渣 ✨沙拉骨豬排肉質唔錯 醬汁調味亦幾適中✨蠔餅雖然呢份蠔餅稍為薄  但相對上更鬆脆  而size 亦好似成塊面咁大! 蠔仔既份量亦頗足夠下次要到港島既打冷菜館  不妨考慮呢間!

早幾月前陪老人家到潮州探望親友，那是我第一次去潮州, 臨出發前身邊的朋友都異口同聲跟我說, 潮州美食多得很。 經過幾天的行程，我很同意他們的說法。早前和太太有事去了東區, 晚飯時候經過一間在地鐵站附近的潮州菜館, 直覺那是一間老派食肆, 不靠華麗的裝飾, 這反而吸引我們去試試。進店的時候, 菜館已坐了幾枱客, 他們衣著普通, 看似是街坊客人。我倆東張西望, 反而一看就知我們是第一次來的客人。店員遞上一碟炸小魚前菜和一本帶有歲月痕跡的菜牌。我一向是牛魔王, 無牛不歡, 於是就點了一客沙爹牛肉炒芥蘭。過了一會, 熱騰騰的沙爹牛肉炒芥蘭上枱了。這碟餸的份量比想像中大, 大大片的牛肉混着沙爹汁舖滿在芥蘭上, 沙爹汁味道濃郁惹味,令我多添了飯。太太口說不餓, 但卻要叫甜品, 她指明要吃反沙芋, 說這甜品功夫多, 不可能在家自己做。沒想到的驚喜, 這個反沙芋出奇的好味, 芋頭外脆內鬆, 糖霜緊緊包住炸香的芋頭, 沒有半絲油膩感。其實我最喜歡吃羊肉煲, 但太太甚喜好, 看看弟弟何時有空，約他過來嚐一嚐, 我兩很久已沒閒話家常了。

今次同老婆試呢間開業左幾耐既凱富菜館，鍾意食比較傳統地道少少既潮州菜既話不妨一試。首先我地叫左個潮式春菜煲。聽講春菜係潮州盛產既一種菜，食起上黎感覺介乎芥菜同菜心之間，浸係清湯裡面，每一啖都好鮮甜，食落咁多菜好似好健康咁跟住我地叫呢款九肚魚烙，煎得非常香脆，而且九肚魚足料，好香口好惹味，食厭左蠔餅既話可以試試呢款九肚魚烙蠔仔粥係我同老婆潮州菜黎講既至愛。菜館師傅落得好足料係粥入面，好多粒珍珠蠔係碗粥入面，非常鮮甜，完全唔腥，真係忍唔住一碗接一碗咁食曬佢。甜品方面，傳統潮州菜甜品邊少得反沙芋頭呢？反沙芋頭既材料非常簡單，但就好考師傅手勢，煮熔砂糖然後放入條狀芋頭不停係咁兜，直到砂糖均勻包住芋頭表面，造成脆面外皮而內裡芋頭粉糯的效果。而呢度既反沙芋頭就做得恰到好處，食落非常滋味整體上呢間餐廳實而不華，平民化得黎亦有高水準表現，而且價錢同份量都合理，就算一大班人黎食飯聚舊都幾適合。