凱富菜館 (已結業)

我同老公不嬲都鍾意食潮州菜，難得今日撐枱腳，就試一試朋友一直極力推介嘅凱富菜館甜品方面，我哋叫咗反沙芋頭。反沙芋頭好考師傅功夫，用砂糖包着芋頭，炒至反沙，砂糖香脆，但又不會過甜，芋頭粉嫩，熱騰騰的，做得非常好潮式春菜煲我哋好奇問侍應什麼是春菜，侍應話係潮州的一種菜式，出面好多地方都冇，於是就試一試。原來春菜的味道同芥菜或菜心有啲似，浸係濃湯入面，味道不俗九肚魚烙啖啖都是九肚魚肉，材料豐富，煎得香脆，炸粉薄薄的一層，技術一流潮式蠔仔粥食潮州菜當然唔少得蠔仔粥！一碗剛好是二人份量， share食就最啱，湯底香濃總括來講，呢度嘅潮州菜式很傳統，質素高，價錢合理，值得推介，如果一大班朋友嚟食，就可以使更多菜式

台灣與香港的距離，其實就好像南北韓一樣，尤其是好多相近的文化，更不用說看讀的繁體中文，只是最近收到肺炎疫情影響，曾經互通相近的兩地，受到了影響，還好，兩地在食物上亦有好多相似的地方，但有淡淡藏著不同的香港魂潮州鹵水，真的好似臺灣的滷味，但臺灣的滷味真的很少會在這樣的圓桌空間裡享用，默默的好似提高了尊榮地位，ㄧ坐進就有好味道的酸菜小菜碟，在臺灣買了滷味，也會有免費的酸菜作佐料，這樣的食的文化，竟然如此相近。雖然說滷水跟臺灣好似，但在食材上還是有些不同，今天點了滷水鵝肉與墨魚片，墨魚片就從未會出現在臺灣的滷味中，當然可能是因為怕它的鮮度問題，所以，每次到香港吃滷水時，就喜歡來盤這樣的拼盤，入口化開的鵝肉，脆脆鮮度的墨片，以及配上鹵水滲透的豆腐片，就愛這味❤️另外，還點上芥蘭炒鮮魷，香港的芥蘭，哈，其實在每次的食評中，都會說到一次，香港的芥蘭從未讓人失望，這時，深深的覺得臺灣的芥蘭肯定是於香港的不同種啊！爽爽的鮮魷，也是不論在香港還是臺灣，都是我最愛的食材，配上香港特別都是使用老抽的醬油，使得味道又特別清香了。每次再回到愛的香港，特別喜歡這樣老式的香港餐館，從這樣菜單、用餐環境，從食材再次感受

潮州菜其實幾合香港人口胃，偏香口，有肉有海鮮，我自己就好鐘意食❤️之前食開潮菜都係上環，最返先知鰂魚涌近近地就有潮菜食，俾次機會佢先前菜一人一隻蝦，唔錯，都幾大隻，炒得幾入味如果可以事先去除蝦腸會更好滷水鵝片係潮菜鐵膽，無理由不點鵝片少少肥，肉質腍肉味香；滷水汁層次做得好好，該有嘅甜味鹹味香味都有有幾舊粗切滷水豆腐托底，同樣出色蠔仔粥❤️ 其實叫蠔仔粥/蠔餅都好似一場賭博咁，因為你唔會知啲蠔係咩質素呢度嘅蠔仔好優質！大隻、漲卜卜、好滑好甜，最重要係無沙！$108有好大煲，基本上一家四人食加兩個小菜都夠飽，考慮到個份量同質素，好抵食川椒雞亦係我好鐘意嘅潮菜，呢個都做得唔錯，味道好夠，雞肉熱得嚟仲好滑旁邊嘅炸葉都好脆，成碟清晒沙嗲牛肉芥蘭，沙嗲偏甜，味道唔算超級濃，但係係夠味，用嚟餸飯超好嘅菜式牛肉都滑同大塊，芥蘭大棵但唔嚡，不錯👌🏻最後仲叫咗個糖醋麵❤️ 我的最愛做到麵餅外乾內軟，係一個需要心機時間嘅菜式，做得唔錯如果可以用少啲油就完美👏🏻價錢同食物質素都值物超所值，蠔仔粥係大驚喜，同性價比好高下次嚟光顧會試吓食蠔烙😍

潮州打冷去完附近既學校之後夠鐘好肚餓，見到呢間主打潮州菜而個鋪面都okay所以入黎食返個飯。呢度menu選擇多，我地揀左個傳統既潮州拼盤，一上枱就傳來淡淡既香味，材料豐富有豬耳，豆腐，鵝腎，紅腸，肉，全部浸到軟林林，好入味。同朋友傾計share食好岩，但成件事都幾麻甩，又好有香港既味道。潮州朋友點左碟小炒皇，d肉絲好爽口，而d炸魚仔好煙韌。呢間環境比較親民，坐得自在點，而服務和食物唔錯，諗唔到食咩果陣換下口味都好呀。

全城人心惶惶，條街真係唔慌旺喇，呢個時城，約齊自己人食餐飯都成為奢望，難得胃民出到嚟，呢個打冷的季節，梗係食潮州菜啦水滾茶靚唔係早上嘅專利，飲茶可在晚餐前，大胃原本唔鍾意食醃菜，但佢啲菜醃得甜甜酸酸，都忍唔到食多兩啖呢度嘅椒鹽豆腐同大胃食開一粒粒嘅唔同，一大片咁，但椒鹽味好出，配以大胃至愛嘅芫荽，黃金配搭呀打冷點都要問候吓鹵味啦，大胃好貪心咩都想試，拼笠可以滿足晒我鹵味一切嘅願望呢個時候點醋食就啱喇，殺菌又開胃一碗飯兩份分，肚餓見情真呢排飲食業係難做啲，真係希望香港可以快快走過呢一關

時間，就是一直不等人！！燕子去了，有再來的時候；楊柳枯了，有再青的時候；桃花謝了，有 再開的時候。但是聰明的，你告訴我，我們的日子為什麼一去不復返呢？(節錄自朱自清散文「匆匆亅)望望日曆，原來轉眼今天已經是2020年的1月尾了！2020年又過了十二份一， 每天都有說不完的雜務要做、 deadline要趕， 生活就是這樣營營役役。。。今天放工比較早， 往鰂魚涌辦私務，轉角看到這家 很有歷史感的潮州打冷店， 在好奇心驅使下，便入去一試！打冷最出名的就是鹵水。。。我其實是第一次吃 這家店 ！ 它的分量超多。。。聽朋友講： 鹵水 就是 潮州人的家常美食， 因為通常 都是凍食的， 不用翻熱、方便又美味 。。。我想有點像我們平常 廣東人吃的燒味一樣吧！今晚，我叫了一碟 招牌鹵水雙拼（$158）！ 選了它的招牌鵝肉 加 店家推薦的大墨魚， 墊在碟底的，還有店家出名的鹵水豆腐 。。。 配了靚仔白飯打孖上！！剛好！順帶一提，店家在桌上放了一碟的酸菜， 不要小看它 。。。它也是非常好吃的哦！！ 用嚟送飯一流！對於平常吃得清淡的福福郎來說， 今晚的這個晚餐真的很不錯， 很對我的口味！！ 偶然吃一片鹵水鵝肉

大隱，隱於市。原來鰂魚涌有一間咁獨特嘅潮州菜館。唔好睇個門面好似咁舊，入面好多後生仔嚟食。可能潮流興食潮州菜。當年食宵夜，例必去潮州打冷，食個凍蟹加一鍋潮州粥，例牌係咁無得走雞。未點菜，食個小食先，咸酸辣嘅魚仔，幾開胃惹味潮州菜必食鹵味拼盤加鵝片，無得輸。炒個蕃薯苗，平時好少食，都幾好味生炒骨，勁正酥脆，夠味。潮州蠔仔粥，食潮州菜唔係唔食潮州粥掛？尤其係蠔仔粥，蠔仔香甜嫩滑呢個特色菜，咸檸檬蒸烏頭，香味一陣陣，戴口罩都擋唔住反沙芋，甜甜地，當做甜品一絕

新一年成班朋友想食下小菜飲下啤酒，平時去開紅磡個頭，今次就試下位於鰂魚涌既小店啦～一坐低侍應就擺低左碟魚仔，食落鹹鹹地，送酒一流滷水拼盤有齊紅腸、蛋、豆腐等等索晒滷水汁味既材料，食落去好夠味，唔錯既前菜！黃金蝦球係濃厚既鹹蛋黃包裹住啲蝦球，一上枱熱辣辣，唔洗五分鐘就比人一掃而空！椒鹽豆腐同平時出面食既唔同，依度係一片豆腐，比一粒粒食更有滿足感，sum係上面既調味料十分惹味川椒雞係夥計叔叔推介既，之前冇食過，辣辣地有浸香味，雞肉嫩滑，配飯最高！食完咁多肉就緊係要食下菜啦～蒜蓉炒豆苗係打冷必食，份量大又好食～除左椒鹽豆腐我地班熱氣人仲叫埋椒鹽鮮魷，喼汁同椒鹽食物係絕配～其實朋友仲叫埋沙拉骨同蠔餅，但我已經飽到食唔落，聽佢地講係好新鮮值得一試既！對於今次咁傳統既打冷一啲都唔失望，咁有特色既菜館好值得發掘下啊～

今晚帶左屋企人來食潮州菜，店面唔算起眼，但係平日晚都好多人來食，好熱鬧。一坐低就上左4隻蝦做餐前小食，大大隻，正。來食潮州野，梗係要試鹵水鵝片（$132），好多片鵝，塊塊都好林，啲肥膏都好林好易入口；下面用豆腐墊底，好滑，啲鹵水汁入晒味，正。呢晚最鍾意嘅係蠔仔肉碎粥（$108），好大碗又熱辣辣，入面落左好多蠔仔、方魚肉醉、芫荽。啲蠔洗得好乾淨，無沙。 啲粥煲得好綿。我地4個人食一煲，都每人2-3碟。仲叫左碟 碧綠川椒雞（$88），我最鍾意食啲脆卜卜嘅葉。😂 川椒雞好大舊，滑嘅，不過個人覺得偏鹹，所以叫左碟白飯撈來食。菜我地叫左碟 沙嗲牛肉芥蘭（$98），唔太辣，好多塊牛肉，送白飯食就一流。甜品我地叫左碟 糖醋雙麵黃（$98），好鐘意佢煎到一面脆，一面林。有啲人當佢主食，我就當甜品食嘅，加啲糖同醋一齊食其實好開胃。 呢度一大碟分左8份，正。最後仲食埋個潮式必叫嘅清心綠豆爽（$98）。同蠔仔粥一樣咁大碗上菜，唔會話太甜太濟，都推介大家食嘅！ 張相係分左一碗碗出來，啲綠豆爽好咬口，細路仔應該會好鐘意食。結論係呢度嘅野食都即叫即整，熱辣辣送上台，夠鑊氣。 爸爸都話呢度煮得好正宗。 另

呢間係鰂魚涌地鐵站出口對面既小店，今次特登過嚟，係因為想試佢既招牌滷水鵝。星期六黎，都幾多人，等左陣先有位。好食嘅潮州菜館其實唔多，打開餐牌都幾多選擇，可惜得兩個人食唔到好多。當然一心黎係想試佢個滷水鵝，門口已經見到啲鵝好大隻好肥美，食落果然唔乾身，好入味好正，重點係佢下面啲豆腐墊底，索晒啲滷水汁味非常正👍🏼👍🏼入到黎見到隔離枱有個糖醋雙面王，我當然唔執輸即刻嗌，又香又脆，再加埋砂糖同醋一齊食，好好味，我非常鍾意，加上依家已經冇乜地方有得食雙面王。😋😋椒鹽九肚魚，其實我每逢去到小菜館，都必定會食，純粹因為自己喜好，而呢一間都整得好好食😎😎豉椒炒蜆，又係因為個人喜好，因為鍾意將九肚魚點豉椒汁嚟食，咁樣食味道真係好好，所以我通常兩樣一齊嗌，呢間啲蜆都炒得好好味，好新鮮。👍🏼👍🏼總括來講，呢間小店質素幾好，下次要再試其他嘢食。

獨腳打冷@凱富菜館鰂魚涌英皇道951號地下G/F, 951 King's Road, Quarry Bay高貴大方優雅的外表下, 我內心其實好麻甩, 會自己一個去打冷食物! 沒法子啦, 父母是潮州人由少食到大的味道呀! 一個人突然想起, 就走去食了$88 椒鹽上肉排 正呀, 夠入味, 肉好多汁架! 連埋肥瘦相間架帶骨位,用豬扒醃好再切細長,啖啖肉又惹味，跟白飯一流,說好了的減肥計劃呢前菜,甜酸鹹菜$80 春菜煲, 唔係度求有得食春菜架啦, 因小培養出來的口味, 有口鹹湯飲 ，細個用個鹹湯撈做湯飯，可以食到兩大碗架

我地幾個老友，時不時借啲意约出嚟食飯，無他，人齊吹水開心最重要。大家有共識，豐儉由人，有時燭光晚餐，有時街坊飯堂，周圍都食吓。其中一個老友住鰂魚涌地鐵站，佢話带我地去電車路附近食潮州菜。呢間舖裝修好有懷舊feel, 雕花玻璃、清明上河圖……好多熟客係街坊，當然包括我個朋友。我老友係潮州妹，見到啲海鮮即時兩眼發光，心大心細之際，老細話今日返咗啲元朗烏頭，極力推薦！盛情難卻，就叫咗一條試吓。🔸️蒸元朗烏頭有埋logo，原來係元朗烏頭，本地出產，有信心兼夠新鮮。我其中一個賢妻老友話，一向香港以元朗烏頭至靚、至多黄油。佢話潮州人鍾意食凍烏頭， 洗乾淨連鱗一齊蒸，再攤凍食，所以有黃油係特别香同好味道！佢仲提我地要點啲普寧豆醬夾住食，咁樣嗰味更鮮! 諗唔到咁大條魚，一啲都唔嚡口！🔸️煎蠔餅 潮菜必叫嘅例牌之一， 好多人鍾意食佢嘅微脆煙韌， 送飯送粥一流。用料幾足，啖啖蠔仔肉！🔸️ 糖醋雙面黃 分量好大，名副其實嘅兩面黃， 即係麵嘅面同底，兩面都煎到金黃色，脆脆口感。點少少陳醋加少少白糖， 提鮮惹味， 點住陳醋食，仲有助減油膩。難得朋友相聚，吃吃傾傾最開心！

今日晚飯唔去大茶樓，去潮式菜館食潮州😉餐前小食係椒鹽魚仔😋😋😋坐低冇耐老細介紹我哋食元朗烏頭，佢話有標籤㗎😅於是就信佢叫咗一條~果然見到個標籤，老細冇呃我哋喎😜烏頭肉質幼嫩，背部出現一層黃油，帶甘香味，果然不錯👍潮式蠔餅蠔餅唔係炸到脆卜卜嗰隻，似住家式蠔仔煎蛋，蠔仔粒粒卜卜，蛋味香濃，送飯一流😍雙面黃，但夾起發覺係單麵黃🙄，起初有點失望😐，但原來內裏有原😜將單面煎至香脆金黃但裏頭的麵條還是軟滑入芯，這就是煎單面的好處👍蘸上老醋白糖一起吃，簡單卻食味動人。晚飯唔去大茶樓，食下地道小食，今日冇揀錯😅

朋友由外地返咗嚟，特意過海揾佢跟住食個晚飯🍚，佢太耐無食香港嘢乜都話要食，最後選擇嚟凱富菜館，因為既有小菜又有潮州菜……正！我哋人唔多叫咗幾款，但份量好足，想叫甜品都食唔落，哈哈！， 下次一定要食反沙芋😆食物朋友就指定食(韮菜豬紅) 因為外國無得食🤣， 豬紅好入味又滑身值得讚😋👍🏻，(豬耳拼鹵水鵝) 兩者同樣好入味，豬耳軟硬度適中😋，而鹵水鵝🦃好香肉質夠淋, (肉碎仔粥)梗係唔少得，上枱時候已聞到湯底好香, 見到仔隻隻脹卜卜好肥美勁足料，湯底入口好甜好香大地魚味😋, 再加個金銀蛋🥚白菜仔……呢餐好滿足😊(韮菜豬紅)(豬耳拼鹵水鵝)(肉碎仔粥)(金銀蛋白菜仔)

上星期係婆婆生日，一家人出街食飯慶祝一下~附近唔想飲茶又要坐得多人，就來呢間凱富啦~專門食獅頭鵝同潮州菜的老店~必食鹵水拼盤，老闆仲推薦我地加鵝肉~相當足料，除了豬耳，紅腸，腎，鹵水蛋，仲有好好味的豆腐~鵝肉都比較好，肉質較為嫩不會柴蠔仔粥好大一盆，蠔仔都唔少，一家人食都有一人多過一碗，但是我覺得唔夠濃味，湯偏清淡d反沙芋頭不錯，裹糖略略厚，但是勝在芋頭夠粉夠香~清炒豆苗都值得推薦，唔會太油，夠味~