十二味貴陽牛肉粉 (已結業)

行維園年宵前去食牛肉粉，在銅鑼灣地鐵站B出口行到鵝頸橋附近，已見滿街餐廳，行到約中間。店內是沒有餐版的，要到門口看大餐版下單，心大心細最終決定點全家福牛肉粉，咩都試下等待時觀察下店內環境先，佈置得像CAFE很快全家福牛肉粉到，碗中材料豐富有牛肉丁，牛肉片，牛肚，還有鹵蛋，豆乾湯底濃而清，牛肉丁，牛肉片切得薄薄的牛肚煮得林林的，最為欣賞鹵蛋，豆乾充滿濃郁鹵水味右不太咸粉方面我覺得有些硬食到一半下發現有香料，先下少許炒辣椒覺得味道不太夾，再試下灰色，打開聞聞味道像譚仔土匪雞翼的香味，加了半匙，正呀，吃到最後舌頭也麻了在加灰色香料時，有位說普通話，穿著圍裙的姨姨（應該係廚師），和我們說，牛肉粉很去濕適合香港人食

最近知道橋底開了間黔菜，曾經到過貴州帶隊嘅我都想再三回味，決定拉大隊到訪!這個位置頗難找 對新界人來說，低調小店有民族服上身嘅小女孩卡通做生招牌簡單招牌字眼已告訴你佢係賣咩嘅 有外送，wifi,空調，uber call 車，像回到內地般，他們是用這吸引客人進來的，門口再有埋餐牌，怎能不被牛肉香所吸引店內裝潢以木做主題，不管筷子，牆壁，椅子，檯也是，亦掛有貴州山水風景畫Emma 真人5知係點，應該係當地人好想親眼見下大廚or老闆另一邊牆壁亦貼滿其他客人吃麵的留影及意見，1個個故事，充滿人情味重點來了! 叫了紅燒版，怕太麻又5中意清湯的可一嘗牛肉粒同牛根滿佈麵湯中，還有1隻卤蛋、大大塊3角形嘅豆乾、蔥花、米線做麵底!碗麵好大碗，吃到你頂胃吃了點牛肉粒，好入味好麻牛肉不像平時般嫩，但這種調味過的牛肉粒大大增加左麵湯的鮮香，加上麻而不辣，麻子令到你咀識跳舞，震震震朋友都跟我一樣感覺，好得意刺激，之後都係飲咗啲汽水除左少少感覺先繼續 牛根好彈性好煙韌，呢種小粒方便一聚女士保持儀態耶，而且小粒的確易啲將味道平均吸入肉中貴州人聰明嘅做法再咬左啲卤蛋，連蛋白都吃到麻香，好幸福呢間卤水做得好出色仲有舊

是日維園年宵開幕，接完另一半收工後，就由灣仔拍住拖行落銅鑼灣，順便沿路發掘一下有無新嘅美食發現。我地沿住謝斐道行，果然不出所料，係差唔多行到鵝頸橋位置，找尋到呢間別具風味的《十二味貴陽牛肉粉》。一入店舖，充滿現代氣息，想不到竟然可以泡製出那麼正宗的牛肉粉，由於太餓，二話不說點了招牌全家福牛肉粉(清湯底)$98,並加點了開胃泡菜$12。全家福意思是包含了全部配料，有牛展，牛展粒，牛肚，鹵蛋，鹵豆腐，酸菜，材料非常豐富。先講湯底，牛肉湯清澈，上面佈滿油膩，一口呷落，牛肉味濃，暖意入心。米線爽口彈牙不糊口，加埋泡菜粒一齊食，一口細滑，一口爽脆，口感一流。牛展，牛粒牛味濃郁，配合牛肉湯一起品嚐，增加層次。鹵蛋，鹵豆腐味道香濃，鹵水出色，而且火喉剛好，既能入味之餘又不失嫩滑。不得不提的是每枱的自助醬料吧，首推花椒粉給喜愛麻辣的朋友。吃完一半原味清湯，再加花椒粉吃第二回，簡直係百吃不厭。喜愛吃牛肉麵嘅朋友絕不能錯過，貴陽牛肉粉，有別於平時的台灣紅燒牛肉麵，可辣可唔辣，任君調配。

近排天氣非常寒冷，臨近新年，也要到銅鑼灣買買新衫，扮扮靚。同行朋友經常到大陸工幹，對銅鑼灣一間貴陽牛肉粉讚口不絕，呢間就係位於謝斐道近鵝頸橋嘅十二味貴陽牛肉粉。《十二味貴陽牛肉粉》大約只有十多個坐位，舖頭雖小，但不失時尚和特色，牆上裝置了數個藝術牛頭擺設，充分表現出店舖牛肉粉的特色。今次選了包含全部配料的全家福牛肉粉，一端來賣相已相當吸引，牛肉粉上嘅一層油脂，將全碗牛肉粉覆蓋，食到最後都能將熱力包裹，暖意入心。而且牛肉清湯非常濃郁，滿載牛肉味，吃得出是長期淆製的功勞。配料方面落足心機，有齊全店的招牌配料，牛肉片即鹵牛展，肉質嫩滑，口感彈牙。牛肉丁即牛展粒，口感煙un,味道帶甜。牛肚是簿切，吸盡所有濃湯精華，入味得很。牛筋入味，但可以再炆耐一點。鹵蛋入味，蛋王部分亦注滿鹵水香。鹵豆腐出色，嫩滑入味。不得不提的是開胃泡菜，泡菜酸酸辣辣，放進牛肉米線中既能增加爽脆度，亦能提升惹味。喜愛麻辣的朋友一定要加秘製辣椒醬，以及花椒粉，花椒粉和牛肉湯出奇地相配，不但不把牛肉味蓋過，亦增加麻味，吃起來非常過引。在一碗麵的時間，幾乎八成食客都是內地人，証明貴陽牛肉麵味道正宗，或許他們可以找尋家鄉的味道。

This place is just 5 mins walk from the MTR station. This newly opened restaurant is decorated with some cows heads because this place features noodles with different parts of beef. I have ordered the Stewed Assorted Beef Noodles (Light Soup) ($98) which has all ingredients in a big bowl of soup noodles.The soup was quite clear but full of mixed beef flavour. It only has a bit of oil from the fat of different part of beef.In the soup there were dried tofu, diced beef, sliced beef, cowhells, trip

今日同老友鬼鬼安排完佢結婚既事之後，我地就經過左附近呢間十二味貴陽牛肉粉，天氣又凍凍地咁不如就食碗熱送辣辣既貴陽麵暖暖胃 雖然店鋪小小但環境都好骨子好乾淨，亦有花心意去裝修，餐廳既牆上面仲用左三隻牛仔黎做裝飾 鋪頭係用先到櫃台點餐既形式黎黎運作，係櫃台後面就有一大張既餐牌 我同老友鬼鬼就點左餐廳既招牌菜全家福牛肉粉，牛肉粉相當足料大大碗，用左牛既唔同位置黎煮有：牛跟、牛肚、牛腩，牛展，仲有唔同既配料：酸菜，鹵豆腐，鹵蛋，第一口飲落去啖湯超濃一陣陣牛香仲有帶點花椒八角既香味但又唔會太搶味，而且湯濃得黎唔會帶有牛蘇味，再夾d牛黎試下，牛跟唔同平時食起黎個d炆到林patpat既牛跟，食起黎係有趙口既，牛肚就最濃牛味一放入口未食牛味都已經散左出黎，牛展就煮得剛剛好一d都唔un,而我最成碗麵最欣賞就係d牛腩，佢係用左d特別既料去炆一炆左佢先，食落有牛腩香得黎仲帶小小甜味，而且佢唔係肥牛腩但一d都唔柴皮，鹵豆腐大大件鹵得好入味，一啖麵再食d酸菜配料正呀，湯底又夠曬濃 之後我仲發現台上面有一樽調味料，咁就放小小試下，一試有驚喜，原來係d麻辣粉，

Saw this shop listed and decided to try it out because the name was interesting.When I got there I found out that they served Guiyang beef noodles 貴陽牛肉麵 and the Sichuan peppercorn smell coming from the shop was captivating.I got the big bowl which had everything in it such as beef, beef tendons, beef lungs, beef tripe, egg etc.The noodles were really hot and perfect on a cold day.The beef broth was light yet tasty and it was loaded with so many ingredients.There are grounded Sichuan peppercorns

接咗honey收工，二人先停喺附近一家「十二味貴陽牛肉粉」食碗粉，之後再慢慢行返屋企食甜品。小店座位不多，地方亦頗為狹窄，室內都幾熱吓，近門張二人枱可算最為通爽。牆上簡單以七彩o既牛頭裝飾，好明顯餐廳主打食牛肉。由於空間有限，入座前食客必先喺門口收銀處落單。食店一如餐茶廳般不設加一服務費，餐具及醬油全為自助式。愛人要咗碗細啲o既「辣味紅油牛肉粉」加豆乾；話就話細碗啲，但隻湯碗肯定大過細佬個頭囉，$56 + $6份量都算幾勁。小肥胃口大啲，所以叫咗個包羅萬有o既「全家福牛肉粉」。嘩，隻碗差不多有XO仔個「八月十五」咁大，認真誇張！「全家福」不但碗大、湯多、米線足，入面仲有齊牛展、肉丁、牛肚等，就連雞蛋都唔少得，個人特別欣賞入面脆卜卜o既菜碎，$98碗真係未必人人食得哂，建議大家可二人先分一碗，唔夠先追加。猴年將近，臨行前店員仲送上雙封利是，內含優惠餐券，「吃好！喝好！」意頭真係好！

老老實實, 除 香港、澳門 之外, 我無去過中國大陸其他地方, 我對 貴陽 的認識等如零 ~所以當知道有賣 貴陽 食物的新餐廳, 便好像發現新大陸般, 興奮莫名 ~貴陽菜在 香港 屬非常罕見 ~Menu ~餐牌就在收銀處的上方, 簡簡單單的主售 貴陽牛肉粉、泡菜 之類 ~用餐當日, 店方還特別推出 香酥鴨  然而最後的一份卻被身前的顧客買了, 有夠無奈 .... 人生就是這樣, 總會帶點唏噓 ~泡菜 $12 (單售價), $6 (跟麵)店方職員介紹說, 貴陽人會把泡菜加進牛肉粉裏吃, 既然如此, 我們也照樣做了 ~ 全家福牛肉粉 (清湯) $98是一碗包含所有配料的雜錦粉, 有 牛腱片、牛筋、牛肉、鹵蛋、牛肚片 ~未加入泡菜之前, 先呷一口清湯 .... 湯底味道濃鮮香純, 頗具油份卻又不膩口, 剛毅極緻, 禁不往一喝再喝 ~ 加入泡菜之後, 味道上是全方位的轉變, 味道微酸帶辣之餘更滿口花椒的香, 味道層次感豐富而有活力 ~ 配料上, 牛腱片、牛肚片都是切得薄薄的, 而牛筋、牛肉就是切成粒的 .... 不要問 , 只管吃 , 因為這就是當地傳統煮法, 牛肉的味道濃郁而肉味豐厚, 質感

十二味系列中 , 在香港有四間分店 , 尖沙咀的「三兄弟店」讓我首次接觸乾鍋、小龍蝦 , 那種坊間少接觸的香料惹味 , 中國地區的食物美味 , 實在令人難以忘懷。 今次知道十二味旗下新開的 , 號稱「香港首家正宗的貴陽牛肉粉」, 我從沒吃過 , 應該是很吸引吧 ! 小店位於謝斐道 , 由銅鑼灣出發是走過了鵝頸橋橋底 ( 向灣仔方向 ) , 與金鳳餐廳第二分店同一街上。 小店的用餐範圍就是如圖中所見 , 裝修是走型格路線 , 空氣中大播韓國、廣東話、英文流行曲。 小店主售 貴陽牛肉粉 , 不過可選辣湯或清湯 , 一進店後收銀員立刻會招呼、自助購票後自己選擇位置坐下來 , 店員會送上牛肉粉。 價格有售賣最貴的 全家福牛肉粉 $98 , 應該是每樣餸料都有的雜錦粉 , 另外是 基本的牛肉粉 , 無論是辣或不辣均是售賣 $56。 購票時 , 收銀員介紹說過把這盒泡菜加進牛肉粉裏吃是特別美味 , 泡菜 $6。 真是喔 , 剩吃泡菜時嚐到有花椒的香 , 也因為有一點點的酸、辣更能帶出泡菜的菜甜味 , 是用了椰菜嗎 ? 熱氣騰騰的 全家福牛肉粉 $98 送上來了 , 材料豐富 , 簡略來看是

之前同媽咪去貴州旅行，記得導遊話過果度最出名有兩樣嘢：一係黃果樹瀑布，另一樣就係貴州牛肉粉，導遊仲帶咗我哋成班團友去食，湯底嘅濃、牛肉嘅嫩、米粉嘅爽，果種好地道嘅風味，至今仲令我好有印象~估唔到最近喺銅鑼灣鬧市都可以食得番呢種風味，因為呢度開咗本港第一間貴州牛肉粉專門店，收到呢個好消息，即刻帶埋媽咪同阿哥過嚟試~米粉上面鋪咗牛肉片、牛肉丁，加埋酸菜、酸蘿蔔、花椒粉及胡椒粉等，即成一道色、香、味俱全的地道貴州美食~牛肉口感細緻、肉汁豐富，米粉食到「雪雪」聲好爽口，湯底更係成碗粉嘅重點，香味迷人，睇落去清清地，飲落卻係濃郁入味，一口米粉一口湯，唔覺唔覺就飲咗大半碗~自問係大胃王嘅朋友，仲可以加$18追加牛肉丁、牛肉片、牛筋或牛肚，又可以加$12追加脆腩，加$6追加豆乾或鹵蛋亦可~

很好吃！厨师是正宗的贵阳师傅，材料全都自己做的，味道很正。汤鲜美，粉好吃，汤里有泡菜和酸菜，入味！料配的也足，全家福超级大碗，牛肉块牛肉片牛筋牛肚也都做的很棒，脆哨也是贵州特色，脆脆的～花椒味够麻，过瘾！

天寒地凍食番碗湯麵類最好不過。同事介紹謝斐道有間新開麵店、一於去試下。店名‘十二味貴陽牛肉粉’ 、淨係名字咁長己先聲奪人。舖子雖小、又不會感覺狹窄。裝潢有點時尚、絕不是傳統粉麵店那樣。紅油牛肉粉紅油當然是辣的、驟看不是想像中辣。先嚐湯底、微辣又帶點鮮甜、好味。越食越感覺到辣在嘴內翻滾、米線都吸盡精華、相當惹味。不錯呀。。。可暖暖胃。牛肉粒非常軟腍兼入味。另外加了脆哨、原來係炸五香牛肉、可口美味。另小食選了盒泡菜、脆爽帶辣、跟韓式泡菜完全不同風味、各具特色。

同家人喺銅鑼灣行完街就周圍蕩搵好嘢食，蕩下蕩下畀呢間新開食店個名吸引住，唔知同謝生有無關係嘅呢？呵呵~就係抱住呢份好奇心，一於入去試試啦~餐牌好簡單，一目了然，有3大款牛肉粉畀大家揀，分別係招牌清湯牛肉粉、紅燒牛肉粉同紅油牛肉粉，由於我哋成家人都唔係幾食得辣，所以一致決定捧清湯牛肉粉場，一人一碗~等咗幾分鐘度牛肉粉就上枱喇，齋睇買相都覺得唔錯，湯底望落幾清，大家齊齊試飲一啖，飲得出係用牛骨熬製而成嘅濃湯，盡收精華，估計應該花咗唔少時間同材料去熬，再嚟齊齊試一啖米粉，粗度介乎平日食開嘅米線同米粉，入口相當爽滑~老豆揀咗配牛肉丁，雖然話係肉丁，但其實一啲都唔「丁」，仲幾大粒添~老豆話牛味夠濃，咬落彈牙有口感又夠腍，佢仲貪得意學人撒咗一勺花溪辣椒落去試試，話成碗麵即時更香更惹味~我同阿媽就揀咗牛肉片，夾起嚟睇晶瑩剔透，厚薄恰到好處，咬落肉質嫩滑，牛味香濃，連埋米粉同湯一齊入口，滋味double up，真係估唔到清湯都可以做到咁美味~聽到隔離枱話，原來連習主席都係貴州牛肉粉嘅忠粉，所以牛肉粉喺內地係超級火紅，估唔到我哋一家咁就無意中食咗「國家級美食」！

趁住天氣轉冷，好想食啲辣嘢暖暖身，等自己精神啲，咁啱見到公司附近有間貴陽牛肉粉專門店開張，即刻拉埋班同事去試新嘢先。喺員工介紹下，知道原來呢間係香港首家正宗地道嘅貴陽牛肉粉專門店，牛肉粉係貴陽家喻戶曉嘅美食，每碗粉萬變不離其宗，精髓在於唔同嘅湯底。我就order咗一碗紅油牛肉粉，簡單嚟講，係「湯濃粉香」，上檯時仍冒出熱氣，呢種天氣品嘗，寧舍滋味。先輕呷一口濃湯，細味下完全感受到佢哋用料好足，個湯頭辣得嚟層次好豐富同鮮明，似乎包含咗唔少香料，唔會淨係得個「辣」字，紅當當嘅辣油既刺激視覺，亦刺激味蕾，令人即時胃口大增、食指大動！至於牛肉可謂肉香四溢，未食已聞到一陣香味同鮮味，睇落肥瘦勻稱，咬落軟腍中不失嚼勁，份量亦唔少；配埋彈牙滑身米粉條同其他配菜，食完成碗真係好滿足呢！能夠做到每樣嘢都好夾，唔怪得一向鍾情雲南米線嘅同事們都紛紛轉軚投貴陽牛肉粉一票啦，當然本人都唔例外，哈哈！