升哥點心 (已結業)

今日揸車去元朗遊車河去左升哥點心，撐枱腳每人$90食到捧著個肚走燉湯、點心、甜品、好齊全精緻巧手，特色點心，好有hearts 升級蝦餃皇$30～真系大大原隻海蝦系入面，索索聲，好彈牙、皮薄肉質鮮嫩-推介原隻蝦燒賣$28～肉眼可見原隻蝦系面，仲有爆汁蟹子豬肉好新鮮，冇雪味西紅柚春卷$24～原來系蕃茄西生菜蝦膠春卷，味道好清新，一點油膩感都味，好創新的點心鳳爪排骨飯$37～大大隴荷葉蒸飯，抵食夾大件，蒸飯好有口感！別有洞天脆皮腸$35～老闆娘介紹，果然系100分有3層口感，外層白拉布腸包一層脆脆的薄粉皮再夾鮮蝦粟米必點蒜香脆脆蝦餃王$12@1~蝦餃王炸左之後仍然爆汁超級正，加埋蒜香粉同芝士⋯⋯現在諗起都流口水

🔎升哥點心 📍元朗鳳琴街19號鴻運中心地下52-59號舖【即叫即蒸點心🥢飲茶不再受時間限制】元朗越開越多間依類小型酒居仔，今日行過鳳琴街又多一間。門面見到幾乾淨企理，感覺良好，可以一試。茶位$4/位，夠平，免收加一。有齊一般酒樓有既點心，飲茶不再受時間限制！______________________________ 🔸籠仔馬蹄章魚肉餅飯 $37籠仔蒸飯size大到嚇親，肉餅大過手掌。飯夠乾身，肉餅咬落食到一粒粒馬蹄同章魚。真材實料，加埋甜豉油更好食。🔸別有洞天脆皮腸 $35名字有趣，原來係春風得意腸個朋友。腸粉皮入面一樣有一層脆脆，內脆外滑。入面包裹住蝦膠及其他餡料，上層再加上蟹籽。突破傳統，特別得黎口感唔錯。🔸升哥蝦餃王 $30蝦餃好大粒，晶瑩通透皮夠薄。蝦肉夠彈牙爽口！感覺新鮮！好食！🔸小鮮肉小籠包 (三粒)$24外皮厚薄適中，包住肉汁唔會一夾起就穿。小籠包餡料多，味道濃，肉汁澎湃。建議咬一細啖吸飲左入面既湯先～🔸蟲草花棉花雞 $28雞肉係新鮮雞，並不是雪藏雞柳。面層放了左蟲草花，下層舖滿魚肚，吸哂啲汁👍🏻．

囡囡放暑假，帶佢搭西鐵去元朗行街。平時食開既都係連鎖餐廳，無咩新意。入到元朗，當然要支持小店啦！呢間店面細細，但坐位舒適，店員態度很友善，仲主動同我囡囡傾計。午市人流多，但店員都唔會催趕，仲叫我囡囡慢慢食。揀好食物，不用等太耐，出菜好快。原隻鮮蝦腸粉豉油分開上，小朋友唔想食大多咸豉油。粉皮口感好，唔係又濕又爛果種！原籠蔗糖馬拉糕材料十足，大大件。新鮮熱騰騰，仲好香呢！籠仔鳳爪排骨飯加左豉油之後撈勻食，淡淡荷葉味。排骨仲好滑呢！升哥蝦餃皇皮簿餡料足，點埋辣椒油超正！紫薯流心球外面係脆脆嘅糯米紫薯，內裏係流心奶黃，好特別嘅口感，一試難忘！囡囡仲一口氣食咗兩件添！招牌流心包又係勁鍾意奶黃嘅囡囡選擇既！見到咁可愛既外造型，人都開心晒！利賓納蘆薈水晶果凍貼心既店員，留在飯後先為我地上最後甜品！整體來講，呢間點心小店超讚！店面細細，但人超人水準！

本來諗住晏晝冇咩地方可以食點心，因為通常人哋飲茶都係朝頭早飲嘅。但元朗哩一間升哥點心就唔同。去到下午茶都有點心提供，仲有優惠。咁就同朋友行過試吓啦，點知呢度啲點心的確唔錯有驚喜。一開始就叫咗兩個湯黎飲補番下先，第一個係蟲草花淮山杞子燉雞腳。呢個湯清清淡淡咁，殊不知都幾足料。但係枱面上面有少少油，建議大家可以整走佢先來飲。二另外一個五指毛桃燉豬展都幾有益！原來餐廳會每隔10日就轉湯品既選擇。下次嚟希望可以試吓其他唔同嘅靚湯。講返點心，食點心又點少得燒賣呀。呢個原隻蝦燒賣我一舊上邊都有一大隻蝦喺度，蝦肉嘅蝦味好足好新鮮。搞到成粒燒賣口感同味道都提升唔少。👍另外想特別推介嘅係呢一個蒜香脆脆蝦餃王，呢個點心好特別喺其他餐廳搵唔到。雖然一隻要$12有少少貴但係建議大家嚟食嘅話一定要試吓呢一個蝦餃王。一咬落去蒜香四溢，再配埋餐廳淋上嘅獨有醬汁好味！ 我哋仲叫咗蜜汁叉燒腸粉，叉燒腸入邊嘅叉燒爆多！叉燒燒到恰到好處唔會燒得太窿，餐廳係處理醬汁方面的確唔錯。呢個叉燒腸粉都係水準之上啊！除咗食物質素好之外，員工亦都好有善！照顧客人周到！我諗下次都會帶其他朋友嚟再試下！

見好多人讚呢間新開嘅點心舖，是日就同屋企人黎試下，一家三口三點幾黎到，呢個鍾數唔多人，黎到就有位。茶位$4一位，開左壺香片，茶包茶都幾香。籠仔馬碲章魚肉餅飯（$37）先來個蒸飯，大大籠熱辣辣，肉餅軟滑，多馬碲又多章魚，加埋甜豉油好好送飯。飯粒粒分明，香軟吸了荷葉香，正。鐵板叉燒包（$25）鐵板上，有洋蔥顫底好香啊。叉燒包煎得香口，但口感仲係軟綿綿㗎，入面嘅叉燒餡甜甜地幾正，個汁好有舊陣時嘅味，加上叉燒唔過肥，好啱我口味。翡翠墨魚滑燒賣（$30）試下新派點心先，青色燒賣夠特別，中間係墨魚滑，有包住蝦同冬菇等材料，鮮味彈牙，加少少辣椒油無得頂呀！別有洞天脆皮腸（$35）另一款新野，真係好脆呀，腸粉皮下面包住雙層脆皮，一層係綠色嘅口感有啲似芋角嘅皮，另一層似係響鈴嘅皮，中間係原隻蝦肉，又爽又脆好好味。懷舊糯米雞（$26）意外地大隻，真係糯米雞唔係珍珠雞，哈哈。糯米入面包住冬菇，叉燒，雞件同鵪鶉蛋，有啲紅色嘅叉燒醬汁，軟綿綿嘅口感，味道都唔錯喎，一隻勁飽肚。薑汁千層糕（$17）呢個一定要食！太正了！煙煙韌韌勁薑味，微甜，比起一般酒樓好味一萬倍！利賓納蘆薈水晶果凍（$18）最後仲有啫喱，哈哈，小

我鍾意歎一盅兩件，朋友話元朗有間《升哥點心》頗有特色，咁啱今日入元朗做嘢，所以專誠到呢間位於鳳琴街嘅點心小舖試試。街坊小店，面積不大，不過地方乾淨企理。坐低叫茶，天氣咁熱，我見加$10可以揀桂花蕎麥茶，咁就叫個嚟清清心火，潤一潤先，然後再慢慢歎點心。呢度除咗點心之外，仲有燉湯、蒸飯同甜品等多款食物選擇。先嚟個升哥蝦餃皇$30，咬開見大大隻蝦，皮薄餡靚，味鮮料足。跟住試試新口味，來個西紅柿春卷$24，熱辣辣炸好即上，賣相非常精緻，餡料除蝦外，再加上一點點蒜片和新鮮的小紅茄，口感清新豐盈 ; 咁有創意，我鍾意。再來是沙嗲金錢肚$23，牛肚炆得夠入味，沙嗲滋味濃郁，讚!別有洞天脆皮腸$35，類似傳統炸兩，不過釀入蝦肉、馬蹄、粟米、蟹籽等豐富材料，一口咬落，酥脆之餘又兼具多重滋味，別具特色。最後來個甜品利賓納蘆薈水晶果凍$18，做成玫瑰花模樣，小小一個好可愛。咬落有一小粒蘆薈，清新可口。呢度除咗傳統點心外，仲會搞搞新意思，創造一些別饒創意的新派點心。咁有心嘅地道小店，我一定會再嚟支持！

眼見飲茶文化係香港都慢慢式微 好多傳統茶樓都變得味道一體化 同時亦有不少的式同精緻嘅小點心店係香港開花今日係舊居附近發現開左間點心店 抱住一試心態入去 見到細細間 但坐得都幾舒服 唔似傳統茶樓嘈到拆天😌Menu上點心款式都唔係特別多但足夠令我地選擇困難症發作😂 墻上仲有啲夏日推介 好奇心滿滿的我地 當然要嘗新嘗新蝦餃 必須強調 係罕見嘅鮮蝦！咬落爽口彈牙又唔會皮肉分離 令我地驚嘆😱因爲太耐無食過有品質嘅蝦餃翡翠墨魚滑燒賣第一次食非豬肉餡嘅燒賣 出奇地夾都係鮮味突出！有口感😋紫薯流心球開頭以為會好油好硬但咬落去原來又軟又Q彈 仲有啲流心奶黃 類似平時啲芝士球咁但去左第個層次☺️金玉滿堂蘿蔔糕賣相好特別 同平時唔同 唔係兩面煎完就算佢有少少酥炸口感但又唔會好硬！再加上木魚絲沙律醬嘅組合十足章魚小丸子咁！夏日推介 我地揀左天鵝鳳梨酥俾我整體感覺就係台灣鳳梨酥加熱左 但係佢係一層層酥皮🥳同朋友總結左 我地係意外地黎左一間有心嘅點心小店 值得分享俾大家🤗

是日媽媽放假，她說天氣炎熱，寧願留在區內飲茶和蒸腳，她都不願去市區逛街那麼辛苦，於是我帶了她去升哥點心飲茶。升哥點心是我最近挺迷的點心小店，這裡既有傳統口味點心供應，亦有新派點心可吃，任我選擇。鮮蝦腐皮卷金黃酥脆的腐皮，極為可口，毫不油膩，而腐皮包覆彈牙的蝦肉，外脆內彈的雙重口感纏繞舌尖，蝦肉鮮甜味美，媽媽愛不釋口。升哥的腸粉和清蒸點心也不賴，沙嗲金菇牛肉腸粉白滑半透明的腸粉皮包著濃香的沙嗲金菇牛肉，交疊咀嚼更具滋味，滑溜溜的帶沙嗲的惹味，非常有趣的組合。原隻蝦燒賣上的蝦仁飽滿晶瑩富彈性，再撒上蟹籽提鮮，鮮度瞬間破表。薄薄的燒賣皮裡的豬肉餡料鮮香甘甜，肥瘦比例恰到好處，與蝦肉互相輝映。每顆小鮮肉小籠包的外皮都超薄，卻盛載豐腴的湯汁，我和媽媽始料不及，湯汁如汪洋在口腔大噴發，鮮肉香氣在嘴裡久久不散，多令人回味。XO醬菜苗餃不僅外形討好，味道也是一絕，亮透的餃皮把翠綠清甜的菜苗和爽彈的蝦隻表露無遺顯現我們的眼前，XO醬微辣鹹鮮的點綴，為菜苗餃帶來另一番風味。媽媽力推蟲草花綿花雞，未上桌已香氣四溢，蟲草花，魚肚，雞肉，冬菇一同蒸煮，雞肉所釋出的精華雞汁，蟲草花的清香，一一都被魚肚吸收。魚肚綿

好多人都鍾意飲茶，但唔鍾意等位😅而家開咗好多點心專門店，就啱曬我呢種人喇😜點心專門店又唔使分早巿、午市、定下午茶，連夜晚都有得食👍任何時刻想食就可以食😍今日就去咗元朗升哥點心專門店 雪耳杞子燉豬展，個湯好清甜，雪耳燉得夠淋，啲湯都好黏口，證明火喉夠，足料。飲茶就梗係要食蝦餃啦，呢度有個好特別嘅蒜香脆脆蝦餃皇，外皮香脆，蝦餃皮上有少少沙律醬汁 。裏面嘅蝦肉十分爽口，好特別👍別有洞天脆皮腸，腸粉包住米網脆脆，米網脆脆再包住啲爽口嘅蝦肉，真係別有洞天好Yummy呢😋小鮮肉小籠包，小籠包裏面包住啲湯，好嘢味，肉饀鮮嫩，但吃嘅時候要小心，以免嘴被燙傷哦😜珍菌素粉果我，好鍾意佢嘅粉果皮，晶瑩通透，煙煙靭靭，裏面嘅 菇菌、馬蹄，入口好清爽👍野菌冬菇包，造型好cutie，成個冬菇咁，裏面嘅菇同汁都好惹味😋最後仲食咗個利賓納蘆薈水晶果凍，造型係朵玫瑰花，表面順滑之餘，質地結實豐滿，又滑又彈像少女般的肌膚; 一口咬下，一股清涼直湧心頭😉食得飽飽又滿足，全日免收加一，好抵吖👍

食點心🥧其實都唔使專登去茶樓，而家都有啲小店係主打點心、小食、燉湯等等，呢間喺元朗嘅點心店嘅價錢都算平民化，地點仲好就腳👀喺西鐵站行過嚟都係幾分鐘！$30-$32有碗足料靚湯，唔同日期📅會推出兩款唔同嘅湯，今日就有玉米🌽牛蒡燉雞腳或者雪耳杞子燉豬展👏🏻👏🏻 我就叫咗一盅玉米牛蒡燉雞腳湯，雞腳燉到幾乎入口即溶，湯味濃郁零味精😍翡翠墨魚滑燒賣（$30）、燒汁墨魚釀茄子🍆（$22）兩款都係夏日推介小食，墨魚🦑好爽口彈牙，比同平時嘅蝦燒賣多咗一重彈牙🙂🙂 釀茄子上面加咗少量木魚絲，香口又似日式小食，用料比傳統茶樓新穎😘薑蔥牛柏葉（$24）爽口，份量十足，豆腐卜吸曬醬汁，超入味👍🏻另外仲叫咗個蝦餃，啲蝦夠彈牙，中上水平！最後仲叫多碟菜清清腸胃~~~

前排見到佢新開張大排長龍，試唔到，今日咁岩經過有位，梗係要入去試下。點心即叫即蒸，選擇都好多，而且價錢合理，營業時間仲開到零晨1點，夜晚突然間想飲夜茶都冇問題。茶位每位$4籠仔鳳爪排骨飯原個籠仔蒸飯，飯軟硬適中，而且粒粒都好入味，排骨和鳳爪都唔少，食落好有懷舊酒樓味道。金玉滿堂蘿蔔糕         同平時食的蘿蔔糕有點唔同，佢用一層炸粉包住，炸到外脆內軟，配埋沙律醬和木魚絲，估唔到特別得黎又幾好食，感覺似食章魚丸，但就係蘿蔔糕的味道。升哥蝦餃皇蝦餃皮薄，蝦肉彈牙。蟲草花棉花雞 魚肚口感好爽，雞肉嫩滑，特別在佢有蟲草花味。山竹牛肉球 利賓納蘆薈水晶果凍 

元朗近排都開左唔少新派點心鋪，除左傳統酒樓既一盅兩件之外，仲提供唔少有創意又精緻既點心。今次就同一位朋友試下係雞地既「升哥點心」。點心鋪提供幾款茶飲可供選擇，包括普洱、菊花同蕎麥茶，而我地就揀左較容易入口既香片。食物方面，我地今次想試多啲唔同既口味，所以只係落左七款點心，而無叫到籠仔飯（之後見到隔離枱有食都覺得幾吸引）。1.招牌流沙包上菜見到😏同朋友立即笑左，入面係滿滿既奶黃，好香，要趁熱食。2&3. 升哥蝦餃皇 & 原隻蝦燒賣作為傳統既點心代表，蝦餃同燒賣既皮夠薄，餡料夠實淨有鮮味。4. 沙爹金錢肚靚靚老闆娘是日推介，入口夠諗夠入味，又唔會過咸。5.XO醬菜苗餃菜苗鮮嫩，蝦肉彈牙，配搭XO醬唔錯。6.別有洞天脆皮腸今餐最驚喜，腸粉皮好滑，餡料好特別有新意，食過你就知，必點之選！7. 鮮蝦腐皮卷外脆內軟，點醋食至開胃。我同朋友六點前入座，唔使等就有位，之後食客陸陸續續入座坐滿全場。座位放得夠鬆，滿座都坐得舒服。其實菜單有成三十幾種點心、六款籠仔飯、數種時令燉湯同甜品，不過我同朋友實在太飽食唔落更多野，呢到落完單係要等一陣先上到菜，而且睇落夠新鮮，可以感受到點心係即叫即做既。

得知元朗新開了一家點心店叫升哥點心，便跟男友去試試看。環境不太大，不過感覺是簡單舒服的，先坐下職員便問我們喝甚麼茶。傳統點心是必有的，想不到這間有點感覺是fushion點心；因為太餓了，我們點了很多。首先上的是和風千島醬薄餅，一開始以為是pizza之類的東西，原來是薄罉來的，裡而有翠肉瓜加一點點蝦肉碎，薄餅上唧上千島醬再撒上很多木魚絲。薄餅煎得很香脆，加上千島醬和木魚絲，感覺有點像大阪燒，但口感仍是傳統薄罉，頗有趣，而且味道也不錯。春蛋燒賣是我的最愛，很多酒樓現在都沒做過個了，看到這間有這款便馬上點了。熱辣辣的原隻放入口，口腔充滿蛋黃香和肉的鮮甜味。升哥蝦餃皇，皮很薄，裡面的蝦也很大粒，加少少辣椒油吃非常美味。招牌流沙包，樣子非常適合打卡，好可愛的。要小心吃，因為裡面的流沙很澎湃😂香味的奶黃味，加上軟棉棉的麵包，真的好好食！別有洞天脆皮腸，果然是別有洞天。腸粉包著裡面綠綠的網紋豆皮之類的東西，應該炸過的，裡面讓有些蔬菜絲，加上口感非常有層次，不用點豉油也很夠味👍🏽蟲草花棉花雞，蟲草花份量不少，雞件很鮮美，食質厚實面嫩滑，重點是魚肚！魚肚墊底，完全吸收了雞的肉汁，可說是精華所在！最後點了

👫見呢間點心鋪係新開，菜式選擇夠多價錢又合理，仲要有好多人排隊，緊係嚟試下啦😆一一一一一一一一一一一一一一#麻辣抄手 <$24>麻辣味唔算太香濃，醬汁比較少，只係淋係表面🤷🏻‍♀️但贏在抄手皮薄餡料夠足，加返啲分😌.#籠仔鳳爪排骨飯 <$37>好大籠嘅飯，夠曬兩個人食🤓飯粒偏硬，超有口感，配合醬油汁都好香好好味😳排骨同鳳爪好多，鋪曬係面頭😗雖然賣相唔太討好，但食落又幾驚喜喎😋而且蒸到好稔，一咬就骨肉分離🤟🏻.#別有洞天脆皮腸 <$35>呢個真係必食推介No.1，差唔多檯檯都有嗌🤘🏻腸粉嘅皮好薄，晶瑩剔透嘅外皮下包住綠盈盈嘅餡料😚食落外軟內脆，就算凍咗都keep到入面嘅餡料脆卜卜🤩同埋唔駛蘸醬油都好入味，味道真心高質😎.#西紅柚春卷 <$24>春卷入面包住沙律🥗，好特別🤞🏻食落好有新鮮感，雖然係炸但一啲都唔漏🤔西紅柚酸酸甜甜咁，令人想一啖接一啖😆.#原隻蝦燒賣 <$28>好足料嘅燒賣，每粒燒賣都有成隻蝦係入面👍🏻味道比較鮮甜，充滿口感，不過唔太夠味👾.#招牌流沙包 <$22>有三個emoji即叫

和我之前愛吃的店，幾乎差不多的菜。不過點心到到都差5多。可惜味道就差好多囉囉囉。自問，你不好用心去發明自己獨有既菜式。因為某些傳統既點心係好食加中喎¯\_(ツ)_/¯但係一d新型既點心，真的虛有其表。10分滿分，我係負分。不過念左你其他食品好食。都俾返個合格您。¯\_(ツ)_/¯有時候不要改變原本自己的風格更好。把傳統點心，做得好吃，不是更難。¯\_(ツ)_/¯¯\_(ツ)_/¯我也不知道怎樣說了。