南駅 (已結業)

今晚放工到朋友家附近短聚，朋友知我喜歡吃海南雞，帶我去一間海南雞及飲品的人氣店Dinner。清遠海南雞半隻，雞皮雞肉滑溜鮮嫩，肥瘦適中，啖啖肉，再蘸上各款醬料（薑蓉帶微辣；酸辣醬酸甜中帶微酸辣；甜醬油帶濃厚甜鹹味），雞味更濃更突出。 油飯，粒粒分明，除了充滿飯香，加入乾蒜粒更添香蒜味，啖啖香口。雖說油飯但飯粒沒強烈油膩感，又不過乾，恰到好處，個人覺得風頭稍蓋過海南雞呢～熱朱古力，心形拉精緻面層奶泡綿密，可可牛奶比例均勻，相互融合，沒有蓋過另一方的香味，甜而不膩～朋友則點了馬來咖哩牛腩飯， 牛腩脂肪均勻， 不黏不韌，朋友話這代表該店選用的牛腩用料新鮮，沒有炆過火，加上香口微辣的馬來咖喱汁， 整碗飯滋味十足! 她則選了榛子Latte，同樣賣相吸引，咖啡牛奶味香滑，加上榛子味道更豐富～中式食物 + 西式飲品很特別滋味，我們十分滿意，傾下食下又渡過一個悠閒寫意的晚上～

這間的質素和價錢都吾貴，$100都不用就一樣食物，所以都幾多人排隊……海南雞飯……黎到幾靚好吸引，湯係個壺度幾特別，飲落去清而味濃郁。飯有驚喜好味有蒜味吾錯，雞嫩吾差，怪不得去到差不多每桌都會叫一個黎食啦雖然味道都吾錯，但比我選擇我反而覺得海膽豆腐和薄餅更吸引。海膽豆腐，海膽新鮮又甜配上豆腐第一次食口感和味道都十分特別…醬汁吾咸反而仲增加左味道添。三文魚薄餅…三文魚份量吾少反而更驚喜芝士勁多仲可以拉絲，吾好睇佢咁薄身都幾飽肚。咖啡吾少人都話好飲，但我只覺一般冇咩特別。

中午路經此地便去了這間南駅試了海南雞飯，幸好時間還早不用等太久已經可以進店！之前朋友介紹過海南雞是最好味，所以我們試了一款龍岡雞海南雞飯及清遠海南雞雞再配油飯，果然是絶配！不過份量我覺得有一點少，餐有雞、有油飯及湯！價錢我覺得是值得這個價錢的！我自己覺得清遠雞軟身一點而龍岡雞就沒有那麼軟身，下次再來必定是叫清遠雞，另外重點不用點汁啲雞都好好味！👍🏽👍🏽👍🏽地點對我來說比較不太方便！服務正常👌🏽

今次專程黎到我唔熟悉嘅地段「筲箕灣」，為左就係食個海南雞飯 （笑）店仔細細坐滿左人，搭檯就梗係指定動作啦！睇下menu有咩食，梗係食雞啦！唔係仲乜老遠黎呢到（笑），有龍崗雞 ＆ 清遠麻雞俾你揀，我就揀左清遠仔啦，加10蚊升級做雞脾位。擺盤都好有誠意，好用心製作㗎，不過張檯好細，想叫多少少野都冇位擺 （爆）雞肉嫩滑，少量雞油一齊入口，感覺唔會油膩，3個汁當中我最中意點醬油，跟餐有油飯，一粒粒晶瑩剔透，唔會好油，少少咸香，幾好啊！個湯唔知乜湯，冇油嘅清清地，蔬菜類嘅湯，有啲似醫院果啲例湯（爆），值得一讚係個湯好夠熱，仲用壺裝住增加美感添。再黎係海膽海鮮炒飯，內容都幾豐富㗎，有帶子、蝦、魚、珊瑚蚌+菜粒，d飯炒到一粒一粒好正啊！唔會油膩，試得過，如果多2片海膽仲好（笑）餃子釀雞翼，粉漿算薄呀，唔厚粉呀，熱辣辣咬落去入面好似有啲豬肉嘅物體，好juicy好味，不過都有少少油膩，所以quota只能食一隻（爆）仲要提一提係呢個蘋果汽水，好味啊！仲有少少似葡萄汽酒添，記得試下啊！

在筲箕灣幫細佬補習之前，相約朋友到南駅試試看。聽講呢間係海南雞飯專門店，一定要試下啦。餐廳都幾大，不過好多人，亦証明左好受歡迎，個人認為值得一試！點之原來出左新餐牌，就係北海道3.6牛乳湯櫻花牛鍋同築地海鮮鍋，係冬天潤一潤都好喎。。鵝肝多士$78呢間餐廳鵝肝好抵食，$78有4件，但亦唔係細件，一人分到兩件，超吸引，呢個價錢仲可以係邊到搵到？？鵝肝煎得甘香，煎得不會太燶，火候剛剛好。而口感軟綿綿的，厚肉新鮮，入口即溶，真係值得一讚！少許鵝肝汁流在麵包，但每吃一口，多士仍能保持香脆，沒有因此變軟，味道一絕。仲有少量沙拉菜係底，食埋都得～清遠海南雞飯油飯$78用特制玻璃盤上，賣相唔錯，放了不同食材和醬料，有湯有菜，整整齊齊。先嘗湯，絕少雞油係面，略帶清涼，飲完唔會口渴，應該無咩味精。雞肉夠嫩滑，肥瘦適中，有雞味，配上醬汁後味道十分夾，令人食到停唔到口。油飯都好好，唔會話有過油既感覺，好食 ！！這是北海道3.6牛乳湯櫻花牛滾$128，又幾好味同足料架喎！！牛乳湯底有淡淡既奶味，不會過濃，仲好滑添，水準唔錯，但是缺點就係不能突出肉類的味道。娃娃菜同埋冬菇索左個牛乳湯底，好正呀～～牛肉粒正正方方，

知道筲箕灣東大街有好多特色食店，見到南駅個名好日本，但原來係食海南雞飯的，門面又幾靚仔，就入去試下。餐廳都幾大，晚飯時間座無虛席，8點後就要等位，不過好快就安排入座。見到枱枱都食海南雞飯，就知道唔食唔得。原來雞都分兩種，好講究咁，menu有介紹清遠雞和龍崗雞的分別，一向知清遠雞出名好食，就要試下啦！清遠海南雞飯 ($78)用特制玻璃盤上，已分好格仔放不同食材和醬料。雞不只新鮮嫩滑，而且肥瘦適中。三種醬汁雖然係經典的，但係食落又有不同的口感和味道，都能增加雞的美味程度。油飯帶點椰香味甜甜的。非一般的例湯，用小茶壺放湯，另附雪耳，到要飲湯的時候加入，好有特色。湯好清甜，加入雪耳，好滋潤喔！蒜香海鮮籠仔糯米飯($68)木盒上，蒜香加荷香係真香。有鮮蝦、帶子和珊瑚蚌，很豐盛的海鮮。糯米飯煙煙un un，加蒜香食好滋味。黑松露醬油海膽凍豆腐($78)真係好滑，入口即溶，海膽都有唔少，加少許黑松露點綴，醬油味有D濃，蓋左D海膽味，但係口感都好豐富，又香又滑。朋友係咖啡控，餐飲要了焦糖咖啡($38)，個心形拉花好靚，味道不太苦太甜，調配得宜，咖啡味香濃，有焦糖的甜就不用加糖。唔飲咖啡，可以揀新鮮奇異

一大塊海膽放係飯上面，份量足加新鮮，好大塊海膽之餘，炒飯也粒粒分明，雖然裡面海鮮唔多，但都可以見到有D魚同其他海鮮，炒飯份量又大，感覺到一D都唔馬虎，值得推介！

筲箕灣東大街出名美食多, 餐廳立林, 是香港非常著名的食街之一, 如果要揀一間餐廳食晚飯都可能要諗好來先決定到, 一係就要黎好多次間間都食下, 說的其實正是小弟, 選擇困難的我實在要花點時間! 最後就揀左呢間, 門面到室內裝潢都幾"型"既南駅, 而且睇餐牌價錢不算貴等左約15分鐘就入左去坐定定了餐廳侍應都統一著藍色牛仔衫, 感覺年輕有活力又有點型格, 唔係得個外表, 佢地服務都非常好, 坐下前餐具都會先擺放端正, 水都放好, 更會自動定時加水佢地出名有海南雞飯, 而且有分兩種雞, 我見清遠麻雞有拎獎, 所以就揀左佢試下生長期為80-90日, 比龍崗雞年輕數十天, 雞肉應比較嫩賣相非常吸精, 用的碟非常大, 佔了一整半張枱, 黃油飯味"極度"香濃, 非常驚喜, 三種醬汁都跟傳統不一樣, 是有自家改良的, 雞溶好像另外帶有香橙或花生味, 中間的不辣, 更像酸辣醬, 而右邊甜士油是帶有一點點的蜜糖味! 三種醬都非常特別, 點碟上任何食物都非常配, 非常好食, 撈飯又得皮色金黃爽脆而薄, 雞味濃郁香醇嫩滑, 脂肪不多而且有鮮味, 無雪藏味, 配上三種不同醬汁, 各有風味, 都好好食, 三種醬我

筲箕灣很小走過，但聽說東大街有很多美食，今次走過終於大開眼界。出地鐵後先見到一些小吃，格仔餅，燒賣，炒粉麵都有。再走前一點點就是餐廳街，左右兩邊都是餐店，各式各樣的都有。這些選擇了這家南駅，喜歡的是它的海南雞飯。淡黃色的外皮，米白色的雞肉，看上去已經想食。這裡的雞有兩種，我選了清遠麻雞。這種雞嘅肉比較有嚼口，吃上去還有濃的雞味。就算是胸部的位置都不會韌，做得不錯。油飯更是香，比起外面的油飯味更重，很重的斑斕葉香。吃落不會有油膩的感覺。只吃飯也可以吃到兩碗，呵。配菜有蘿蔔，青豆。還有配上一個湯，味道清新，像中式羅宋湯，但它沒有油，還加上了一塊白木耳。感覺就是滋潤。咖哩炸魚伴烏冬--炸魚外層加了麵包糠，炸出來十分脆口，而入面的魚是白雪雪的，口感軟滑。咖哩味道不辣，馬來風味。有椰香。蜜糖麵包粒--一坐下來便看見旁邊的，看起來極美。這裡個麵包是像酥皮的樣子，味道，但吃來比酥皮較脆，較有口感。整個配合得十分好。上面再加上蜜糖和糖粉，正合我心意。這裡的咖啡值得一提，有一個專門的範圍製作，叫了杯莫卡，比起外面的濃，香很多，很有水準的。今天食飯的時間稍為晚點，都差不多是人家下班的時間了，幸好還上到尾班

下星期又急降 天氣真係好難捉摸，之前千里迢迢去到筲箕灣。好彩呢一趟 完全值得😎 講左好耐既南駅終於終於食到！夜晚已經排晒長龍🙈牛乳湯底滋潤一下🐮 櫻花牛肉鍋 $128 自選湯底 北海道3.6牛乳湯/ 泰式冬陰公湯 最近冬天有滾下滾下既邊爐食🔥牛乳湯底有淡淡既奶味 唔算過濃 但菜就索晒😍 至於牛當然唔係普通肥牛啦 牛肉都算厚切同埋牛肉粒～ 牛肉粒相比其它牛味更濃更juicy🙆🏻 仲有丸呀魚皮餃呀午餐肉架！咁馳名既海南雞當然要試，揀左清遠麻雞 同龍崗雞有咩分別 睇下面menu圖就有介紹 唔多講。最鍾意個油飯 都好香！雞份量唔算多 但都ok嫩 不過不失餃子釀雞翼，再炸！真係好好味 完全估唔到呢個小食咁好味。冇食過再炸，炸醬完全唔厚 而且又釀得好味

十二點幾星期日來到東大街，幾間岀名餐廳已經排哂長龍當然，呢間海南雞都坐滿哂好彩岩岩有人走就有得入坐基本上每一枱都係叫海南雞食，我當然都係。冇另外加錢要求雞脾同普通叫左最平個種試下不過雞既質素真係唔錯油飯油油分明，好香，又會覺得好油既感覺，岩岩好👍🏻雞好滑，夠哂嫩，雞味都好夠佢仲有個壷仔可以倒湯飲清清地，好香，又可以暖下個胃同行友人叫左鰻魚飯，自己冇份食，不過佢都話幾正不過就份量少左d，個底睇上去好厚，原來好薄😂男仔唔夠食最後另外一提，唔知係咪係街店，有d蚊既物體飛來飛去如果可以改善呢樣就真係冇得彈

除夕夜，到了筲箕灣東大街搵食。上一次在對面餃子店吃飯，已經留意到這間餐廳人流不少！（所謂隔離飯香😝）今次終於有機會試吓。餐廳座位不多，晚飯時候，等位是必然的。等了20分鐘，終於有位了！😀初來步到，總要一嚐餐廳的招牌。海南雞飯，有龍崗雞及清遠雞兩種選擇。由於男友的家鄉正正在龍崗，平日都會吃龍崗雞，所以就點了清遠雞。（$78）海南雞飯打破傳統用玻璃盤盛載，賣相精緻，別具心思。右上角的那一壺是蔬菜清雞湯，熱騰騰的，入口清甜而不膩，先暖暖胃。油飯粒粒分明，飯粒晶瑩剔透，口感軟韌，非常出色。伴菜是四季豆及紅蘿蔔，散發着淡淡的麻油香，口感爽脆。清遠雞肥美，雞味十足。皮薄而脆，脂肪不多，所以可以放心吧雞皮吃掉！（藉口😏）還可以看到半透明啫喱狀的骨膠原，心心眼❤醬汁有三種，個人認為甜酸汁最搭配；當然，不用點醬汁也很好吃呢！黑松露海膽凍豆腐（$78）又一道賣相極佳的菜式，豆腐有技巧地切成薄片，入口充滿層次感。原來，海膽的濃郁香味與大豆是如此搭配，清新的凍豆腐亦恰當地中和了海膽的膩。黑松露則畫龍點睛地令菜式更香濃。籠仔糯米飯（鰻魚$68）鰻魚是男友的大愛！不知為何，香港可以吃到鰻魚的地方不多， 要不就價錢

繼續筲箕灣尋味之旅2~之前看了不少網上媒體都不斷稱讚南駅的海南雞飯 與籠仔糯米飯乃是筲箕灣一絕，於是趁2016年最後的日子來試看它是否如此美味。我想不到海南雞飯會用這麼大的盤子奉上，雖然這樣放比較精美整齊，但對於我這種笨手笨腳的人其實不太方便，又佔桌子空間，我認為可以改用較小的盤子好一點。海南雞飯選擇分多種，先有雞的品種，有龍崗雞與清遠麻雞，我當然選清遠麻雞吧~ 而想吃指定部位如雞脾，雞胸或雞翼則可加十元指定，不過個人認為只要是好吃的，甚麼部位都會好吃，不用刻意加錢指定呢~看這海南雞滑嫩滑嫩的~ 我想這就是海南雞的視覺饗宴吧😆看這滑溜的雞皮就知道這海南雞一定很厲害! 雞肉水嫩水嫩，真的很嫩很好吃! 也難怪人潮至今依然恐怖~ (我們等了差不多50分鐘)再來一口使用雞油燜煮的泰國米飯，真的妙絕! 南駅亦相當細心，一次提供三款醬汁給客人沾雞肉吃，甜醬油，酸辣汁與甜酸汁各有風味。喜愛吃辣的不妨可以沾沾這酸辣醬汁，帶點酸酸微辣的口感，有人喜歡直接淋在飯上面，我喜歡沾在雞肉上吃，都是看個人喜好! 😃旁邊的湯喝起很順口，而且蔬菜湯滿滿的鮮香氣，加上湯碗上的雪耳花，更是賞心悅目。另一南駅滋味之選，籠仔

去完石澳番黎見有咁難得既機會黎到港島哩邊就去左筲箕灣哩條出晒名既美食街經過南駅見到有幾對情侶係度排隊 幾有人氣 裝修幾新穎 於是就決定左過黎試下今日擇左清遠海南雞油飯 黑松露忌廉汁什菌意大利麵 鵝肝多士清遠雞海南雞飯 $78一打開個menu見到海南雞有分龍崗雞同清遠雞waitress姐姐好耐心咁同我地講解兩隻雞既分別原來龍崗雞肉質比較厚實 會幾有口感而清遠雞就相比起下比較嫩滑於是我就擇左清遠雞一試上菜第一時間注意到海南雞飯個玻璃碟擺位好靚好精緻清遠海南雞油飯配合左三種醬汁分別係薑末醬 甜鼓油同埋泰式酸醬個人比較鍾意薑末醬薑末比較清淡 可以帶出雞本身既鮮味雞既肉質好鮮嫩 應該係採用左新鮮雞今次真心值回票價油飯既飯粒 粒粒分明 食落口吾會覺得好油配合埋泰式酸醬有種好開胃既感覺完全吾會覺得滯另外茶壺入面仲配有雞湯 清清甜甜咁 一啲都唔油膩黑松露忌廉汁什菌意大利麵 $78至於黑松露忌廉汁什菌意大利麵侍應姐姐將麵拎上枱 已經聞到飄黎既陣陣黑松露香味加上什菌分佈得幾平均 個汁又配合得好好creamy得黎又不失黑松露既香味麵條軟硬適中岩岩好下次黎可以再食多次鵝肝多士 $78多士外層好脆 又吾會好熱氣

        路過見到呢間未到peak hour就已經開始有人排隊既餐廳，我同朋友都對呢間餐廳好感興趣，大約等左十分鐘左右就有得入去坐。我地睇下Menu，發現呢間餐廳既食物種類都幾多，又有海南雞飯，又有意粉pizza，亦都有糯米飯，仲有咖啡飲😂  真係好International！         見到呢間店既海南雞飯拎過獎，我地當然要試下啦，店家有兩種唔同既海南雞，分別係龍崗雞同埋清遠麻雞，menu話清遠麻雞味道比較香所以我地就點左佢。呢個海南雞飯既presentation好靚，用左透明玻璃碟黎盛住，有三種唔同既醬，應該係沙茶、醋同埋蠔油(唔知有冇試錯啦哈哈)，仲附上左湯同油飯，油飯同雞都金光閃閃，好吸引！吃下海南雞，不得不說比外頭的更香而滑，而且鮮味十足。而湯入面有花膠，實是一個比較暖洋洋且很潤喉的選擇。                     另外，都喜歡吃鰻魚的我們叫了鰻魚籠仔糯米飯，糯米飯被放在木盒內，上方蓋著一尾有手掌大的鰻魚，非常吸睛。外間很多餐廳在煮鰻魚的時候都是使用日本米來煮，而店家用了糯米飯來配搭，我都係第一次聽見。鰻魚烤得不錯，而且份量真的好大，感覺好抵食；糯米