古月

营业中

休息中

作為新加坡既愛好者, 就當然都中意食他們地道菜啦! 所以, 便找到了呢間同屋企又近近地的餐廳作晚飯! 看看是否真的是新加坡地道菜! 必食的肉骨茶, 白胡朝味道不是很濃而不是很辣, 相比起在新加坡食到的味道更加識合香港人. 都很足料, 一碗份量真的用整整一個蒜頭煲出來的. 蒜頭,豬肉加上醬油, 再配上白飯, 簡直係一流!當然, 一個肉骨茶又豈會足夠呢! 所以要再叫多個鹵麵! 麵料就無咩特別, 但特別一提既係個麵底! 蛋味很香很濃, 而又彈口!味道比較清! 消暑吾錯!!總結來說, 位置有點偏僻, 因不是在大街的！不過, 裝修不錯很有新加坡味道! 肉骨茶值得一試!

唔講唔知原來北角都有好多好野食!今日揀左一間星馬泰o既餐廳,因為佢個名夠特別(古月….其實都唔係好知點解)兩條友入到去叫左三樣野食第一樣係咖o央薄餅,平時已經好鍾意食咖o央野,所以特別鍾意食呢個甜食~咖o央o既份量落得岩岩好,唔好太甜,加埋塊熱o既薄餅,真係唔試唔知原來咁夾~!第二樣野係咖哩麵,未食過呢樣野, 巧打耳~入面咩都有,連火鴨絲都有!我唔係好食得辣,但呢碗麵就岩岩好,辣得黎又唔會太勁,只係會愈食愈想食~第三樣係椰漿飯,又巧打耳~d飯睇落好似平時d飯,得聞落食落就會試到佢淡淡o既椰漿味~好好食~ d炸雞都好正~加埋d炸花生魚仔同沙嗲醬,真係食到jap jap聲~整體黎請呢間野雖然選擇唔多,但貴精不貴多,絕對值得再黎!!

留意左呢間新開既麵店好耐,好似好有特色咁!但係見到人流幾多,無咩幾會入去試.終於有一日唔洗等位~~太興奮了餐廳供應肉骨茶同埋撈麵,咁姐係星馬菜吧.就隨意試佢個招牌辣椒板麵$48!有炸魚仔,肉碎,炸蔥,蔥,蛋同埋醃菜類係面,色彩好豐富,配搭住白色既板麵.將所有野撈均黎食,就會發現就只有咸味,一點層次都無既感覺.板麵亦不見煙韌彈性.所以就狂落佢地放係台面既辣椒醬黎食,咁加左之後有改善,但係呢種醬個味道亦唔見得好有靈魂.只能夠話貪得意就試一次,距離美味有點遠

剛從新加坡旅遊回港一個多月，一直記掛住"從發肉骨茶"既味道！剛好朋友飯聚選擇左一間係北角食星馬菜既小餐廳，令我能回味一下肉骨茶既味道。一去到北角站係B4出口一出，經過一條小徑轉左便找到餐廳，十分方便!由於遲左收工既關係，出到已經有位。一入到去就見到牆上有d好得意既公仔一行四個朋友叫左四樣野! 而我就一直期待住肉骨茶既出現!!! 登登登登!果然冇令我失望! 有濃濃既胡椒味!! 最正係個粒蒜頭!!!大大粒!!! 如果想encore 重可以加$3整多粒!!! 個湯重有得免運refill!!!食完之後重有驚喜!!!奉上一杯烏龍茶清一清味蕾!真的很細心!!!

平時食完晚飯會到樓下散步, 穿梭橫街窄巷讓肚皮鬆一鬆,唔知大家覺唔覺得香港嘅街太光啦, 招牌大得可以橫跨馬路, 望上天空是白色的, 好像跟白天冇分別, 還是喜歡顏色較暗黃街燈, 靜靜地在馬路上為回家的人引路今日偷懶唔煮飯, 黎到經過數次都坐滿人的星加坡餐廳大約九點嚟到, 剛岩有一枱客人離開, 我地就有位啦^^招牌辣椒板麵$48（5/5)將配料放得整整齊齊, 有魚仔乾, 菜莆, 自製辣椒醬, 蔥花及溫泉蛋, 板麵似係米線, 攪拌後材料平均咁掛滿麵上, 散發岀陣陣香味! 要趁熱食呵~還有肉丸高湯同時奉上, 馬來西亞朋友說非常傳統!!亞羅街沙嗲串 $28/3串 (3.5/5)豬肉醃得好入味, 雖然有點乾身, 但旁邊嘅串燒醬甜甜的, 好多花生脆更加口感之餘味道都好豐富TEH TARIK $28 (4/5)設計到跟加大裝束牛奶盒子一樣, 沒有不點的理由 裹面除了奶茶還有些什麼? 在此賣個關子 嘿嘿奶茶香甜, 冰不多唔錯Nasi Lemak $58 友人的飯 雖無試食到不便定分, 但用芭蕉葉用底, 誠意可嘉!!推介此餐廳 4.5/5 幾款食品賣相賣精緻整齊零舍開胃, 好幾個調味料都係自家製相當

其實之前也在不同地方有吃過肉骨茶，但這一款可算是較特別的。因為這裏的肉骨茶並沒有用上藥材，只是黑椒味較重的湯底而已，更重要的當然就是有一隻原隻的大蒜啦。因為浸在湯內欠了，所以很軟，而蒜味也香，易入口，不錯。不過就是因為與自己所認識的肉骨茶不同，總是覺得舊的更好，因為自己會較喜歡藥材的那味道，更有不同的層次。飲品是班蘭茶外型頗特別，有一小撮綠色，頗有趣，但味道就比預期差了。因為不知道原來本身是甜的，所以沒有指令要少甜。因為真的是太甜了，喝不出有班蘭甚或茶味呢！

行開過嚟錦屏街本身諗住去某間鋪頭，買cheese！先發現原來呢條巷仔咁多餐廳，咁岩又係食飯時間所以同朋友睇吓食邊間，最後揀咗一間食星馬菜，因為想飲肉骨茶。門口嘅黑板介紹咗呢間店鋪嘅招牌菜。未行到入去已經覺得間餐廳幾特別，牆壁上畫咗一啲公仔，好colorful！我當然點肉骨茶啦！肉骨茶可以選擇配飯或者米粉，我怕太飽所以點做米粉。呢度嘅肉骨茶係新加坡嘅做法，所以唔湯底唔會有好濃嘅藥材味，而係帶有胡椒味同肉味，所以有輕微嘅胡椒辣味，而且冇加味精。呢度跟足新加坡做法，可以加湯，鐘意飲湯嘅我當然唔會放過呢個機會飲多2碗啦！至於排骨方面都整得好腍、好嫩，肉質仲係帶粉紅色。一般比較少用原個蒜頭，蒜頭已經煲到好腍身，亦吸收晒所有湯嘅味道，好香甜。只係因為已經煲到好腍身，所以夾起上來有啲難道，好難夾到整一粒蒜頭。揀米份果然沒有錯，因為你米粉個湯底都係肉骨茶湯底。米粉個湯底會比肉骨茶湯淡少少，我覺得呢個做法唔錯，否則整個味道會太濃太強烈！怕食得太多肉，而且餐廳亦比較少機會有韭菜花，所以叫咗一個試吓。韭菜花雖然只係就咁用水白灼，但是已經好香甜爽口。飲品叫咗冰梅橄欖汁，味道清甜很適合現的天氣，杯內仲有一粒冰梅

難得到北角一遊，自不然便要四處找一下有甚麼好吃的....始終近年已少有踏足此區了，若要想找一間像樣般的店子的話，少不免便要預先做一下功課....在短短的一條錦屏街 (於我而言，這似乎是像巷仔多一些)內，食店數目倒是不少。有好些看起來是頗對勁的，下次再臨時一定要逐家逐戶去試它一試....時間仍尚早，而且我亦只是孤身一人，要找個座位坐下，難度自是不大....縱然午餐內有若干的好選擇，但自己就只對其中一個有興趣特別鍾情，那便是一大碗的鹵麵....端上桌後第一個感覺便是 : "為甚麼湯汁會這般深色?" 看上去實與墨汁並無任何分別....呷一囗，味是濃甜得很，似像是在喝甜湯一般，但質感則是頗稀身....亦正因那鹵湯汁是如斯濃味的關係，故此所有㓎於其內的配料如鹵五花肉、豆腐及鴨掌等，味都是如此的甜膩。特別是其中最易吸味的豆腐及鴨掌，更是甜得厲害....五花肉蠻爽口而瘦的部位是沒料想中般的粗嚡及韌，這已屬一個很大的bonus....麵有點像我們平常在車仔麵舖吃的黃色油麵。同樣甚易嗦味的它要令之難吃是蠻艱難的，只要不將它處理得太淰便可以了....今天在這裡嚐到的，還可以....點了一杯店內其一的招牌飲

點了肉骨茶，辣椒板面 以及 韭菜花。肉骨茶除了街外可信手拈來的甜豉油之外，可謂完全不合格。湯不香，絕非傳統肉骨茶之流。肉更是教人失望，不單只不入味，更有一股肉腥味，很明顯少省略了泵水的步驟。肉骨茶的兩項靈魂早已面目全非，很奇怪為何還以肉骨茶自居。辣椒板面撇除了重味精的嫌疑後，味道還可以。可惜面煮得過耐，失去了Q彈的可愛口感，令整道菜失色不少。韭菜花乃一般貨色而已。黑名單已進。

走進這名字頗為古雅的餐廳，給人的感覺卻是很新穎及親切。這個枱墊完全表現了現代感。這一對胡椒及鹽樽又不失優雅的一面。不過這些放在枱上的波子卻又很有趣，完全跟食無關，卻放在枱的正中央。雖然不是佔了很多地方，卻是在第一眼及經常看到的位置出現。前菜的第一款是辣魚蛋。細細粒，不算辣，然而吃不出魚味。有點遜色。另一款前菜就很不同：炸雞翼。單看外表已知道有多惹味，味道也真的很好，加上外脆內軟，真不錯。主菜是咖喱雞飯，是經典的東南亞菜色，而也沒有失望。咖喱味香又不會太辣，而雞肉也十分柔軟，加上薯仔更是一絶。最後來一杯班蘭味拉茶。班蘭味很淡，而奶茶較甜，不太懂欣賞。

肉骨茶的藥材味道不算很濃，頗易入口；排骨肥瘦適中（個人喜歡偏肥的排骨，落單時可告訴店員），湯裡還有原個蒜頭，比較少見，很容易便送了一碗白飯。環境和服務俱佳，只是地點比較難找一點。

黎到哩間店既最大原因就係因為我家姐就住隔離，拎外賣上樓方便快捷。而且門口又張貼好多飲食雜誌訪問過既資料,所以就把心一橫一入就講:要個辣椒板麵拎走，點知佢話店舖整係辣椒板麵吾可以拎走，我就唸好耐，最尾都係决定叫辣椒板麵。因為店舖既人員同我講驚拎走會令麵張著，影響食物味道。 圖中見到店員會比一罐辣椒醬比自己添加辣度，令喜歡辣既我極其開心。另外魚乾仔都為辣椒板麵加上更豐富既口感。 但係當我食到底既時候就發覺好多油係底，個人認為店主可以落小d油。$48蚊一個咩肉都冇既麵，抵吾抵真係見人見志。我就覺得食一次就夠，另外佢加送個個湯只係胡椒加水既混合體，我個人認為一般般。 不過店員服務態度好好，令我感覺好舒服。

Happy Friday永遠係整個星期最開心的一日，心情靚*^O^*胃口好♡約下朋友仔食午餐最好不過，朋友介紹呢間古月，星馬菜，話好好味。好在黎得早，即時有位，午膳時間人多，搭檯係理所當然！叫左兩碗滷麵，兩杯熱拉茶。講番店的裝潢，好有魄力的感覺，皆因牆上畫滿了很多可愛的畫！全部都古靈精怪，係等待食物同時，可以欣賞下，人都快樂起黎！面到了，有一隻雞腳，鹵豆腐，鹵肉三小件，鹵蛋半隻！面好似用粗身油面，但呢隻面冇油，冇咁肥，鹵肉有幾層，肉腍，皮冇豬毛，至愛collegen♡♡所有材料很入味，雖然係鹵面，但是不鹹，輕微的甜，好滿足！拉茶比我之前感覺係超級甜，因為去過馬拉飲過！印象麻麻……誰不知呢杯小小拉茶，合我心意，有奶泡，有點綠色物體在上，不深究……喝一口，完全對拉茶改觀！重奶味，有丁丁澀味！不是好澀，係調較得幾好*^O^*

其實黎過古月食過2次晚飯，上2次經驗都吾錯，今次竟然有新菜式，好食到要同大家share。之前都覺得古月個menu選擇比較少，成班朋友黎左2次已經試左大部分菜式。「肉骨茶」同「辣椒板麵」，冇得頂，特別辣椒板麵，香港好似得呢到有得食（食後google過）, $48，值得一試。講返今次個重頭戲，本身今晚係想再會一會「辣椒板麵」，老闆娘話有新菜式，多左好多小食之餘，仲有「Nasi Lemak」,鬼識Nasi Lemak係乜咩，老闆娘解釋係「椰漿飯 」配有江魚仔同炸雞亦。有新野當然試新野。椰漿飯一出，嘩， 賣相相當吾錯，碟上先放一大片荷葉既物體，先再放食物。個白飯超香椰子味，不過本身就冇甜或咸味，但只要撈埋個醬（吾記得問係咩醬）夾埋個魚仔同花生食。。。。。冇得頂。。一淡接一淡食，停吾到。個炸雞亦都吾錯，超愛。有個示意: 個醬係辣既，加上炸雞亦，「Nasi Lemak」算係比較熱氣，但都吾會阻到我再黎食。

第一次黎食 晏就兩點幾唔算太多人 即刻有位 試左個咖哩面同三色奶茶 個湯底好香 辣度適中配埋啲海鮮同鴨肉絲幾好食 三色奶茶好特別 本身以為用椰糖會好甜 但飲落又岩岩好 又香又滑值得一試 下次會再黎食試埋個辣椒板面同其他野