同撈同煲 (堅拿道西)

营业中

休息中

朋友生日知道他喜歡懷舊事物及愛食火鍋，於是乎網上搜索發現了銅鑼灣分店有間叫九龍城同撈同煲完全合乎標準。餐廳由外到內裝潢設計門面、餐枱、地磚、餐具、海報、牆裝飾及金曲都讓你置身於時光倒流60-70年代的香港風格，裝潢精緻絕對是一處打卡的好地點。蕃茄薯仔肉片湯&158養胃又健康，蕃茄及薯仔滿足料，肉片不會太老，蕃茄越滾香味更添濃郁。賣魚勝海鮮拼盤$398大大隻海蝦6隻、鮑魚4隻及元具2隻都好新鮮/鮮甜，咁嘅價錢抵食。半份鵝肝墨魚丸$68鵝肝味道獨特混合墨魚兩者味道濃郁突出，入口感爽彈，不錯。甜品～啫喱及金魚糖不甩有傘的啫喱令我回憶起童年與姐姐爭把小小傘，明明啫喱是主角，但我們每一次為了小小傘被父母責罵。另一個甜品金魚糖不甩上台個樣似過年食的金魚年糕，侍應將它放入湯底鍋裏面煮成軟身成團，然後剪開一舊舊，再鋪上砂糖香脆花生碎，熱辣辣的，口感軟煙韌，非常之好食😋整體來說由環境，服務、食物質素都非常之高值得回顧。

由門口既霓虹燈招牌，到一入餐廳就聽到8-90年代廣東歌🎤再加埋牆上既壁畫同佈置，即刻覺得時光倒流左30年⚡️不得不讚，估唔到賣懷舊嘅邊爐店有咁貼心嘅服務🥰由一坐低，店員會過嚟幫手洗碗碟，處理湯底，全程加湯、控制火候等等都照顧周到👏🏻係少有既5星級服務💯🍲湯底方面，試咗限定嘅胡椒豬肚少爺雞湯🐓($258)，非常之足料，有拳頭咁大嘅豬骨👊🏻，超補骨膠原😆 半隻無激素少爺雞件🐔大量豬肚🤣同埋芹菜、枝竹‼️落咗雞之後，個湯變得鮮甜🤗足足飲咗兩大碗先開始落配料打邊爐🥰配料方面📌極級封門柳 ($266細)油脂唔多，牛味重，2人食每人都有約7-8片👍🏻📌桂花蚌($118)十分之爽口😇餐廳仲另外提供左一個筲箕藍🤣咁就唔怕放完落湯度揾唔返🤗📌黑松露墨魚滑($98/2條)足足有2大條，黑松露味十分之突出同埋幾多👏🏻📌醬爆瀨尿牛丸($48/4粒)大大粒🥰食既時候要小心，入面好juicy一咬就有牛肉汁要湧出黎🤣📌蜂巢豆腐($38/8片)一片片切到好似海綿咁🧽有空氣感，好軟熟! 而且超級掛湯☺️📌小食 椒鹽雞軟骨($68)除左軟骨外亦有雞肉，比例接近1:1，收埋左係大量炸蒜入面🤗好惹味🥰餐廳最後仲附送甜品，有懷舊錦鯉

超好玩、爆晒肚、極好味、仲有驚喜打邊爐體驗！一早WhatsApp訂定枱，差不多到的時候，他們就會發一些套餐資料俾你預訂。我訂咗房可以唱歌，最低消費$4000 ，仲免我兩支酒的開走費。我覺得價錢合理。整個餐廳的佈置有懷舊香港特式，很多打卡位。個房係舊式酒樓一個大大嘅壽字，之後旁邊有龍鳳呈祥的佈置，很有特色。我叫咗海鮮套餐和魚生。一嚟到個個嘩嘩聲！靚之外仲要新鮮好味😋其他基本打邊爐配料都應有盡有，而且材料新鮮好味。食完飯送上兩個甜品，有懷舊遮仔啫喱和驚喜鯉魚造型的XXX （都話係驚喜，所以唔講俾你聽係乜嘢，你要自己試吓）😂😂😂當初定呢度食飯，就係見有咁多like，依家我知點解，除咗食物店服務亦都係超班。

第二次回訪，趁個時天氣仲有少少涼，即刻嚟返個最後邊爐🤣（雖然夏天都會照食當日去食客都係唔多，播住八九十年代嘅廣東歌，裝修都好懷舊港式feel，重點係服務依然咁好🫶今次我哋試吓另一款湯底👉胡椒豬肚少爺雞湯 ($238)店員會幫客人先落湯底，湯底到咗建議可以飲咗湯先，呢個時候係最原汁原味，之後就可以加湯打邊爐🍲呢款湯飲落有少少辣喉，味道幾濃郁，打邊爐就中和返，只係唔太適合就咁飲~要讚下入面啲豬肚好腍好入味👍🏻=====================🐂極級封門柳 (小) $268上次叫至尊牛拼盤覺得封門柳最好食，所以今次就咁散叫咗個細嘅封門柳，細嘅有十幾塊左右，兩個人食差唔多，封門柳肉質較腍，牛味重，打邊爐一流😋🦑黑松露墨魚滑 $98呢個私心推薦🫶🏻黑松露味好香～仲有一粒粒墨魚粒，食落爽口彈牙😋🥠即炸響鈴 $58呢個係必叫！響鈴即炸脆卜卜🥳可以蘸甜酸醬就咁食，酸酸甜甜好開胃，又或者放落湯到一兩秒，保持脆度又掛湯👍🏻🥔紅薯粉 $38呢個又幾驚喜喎，冇諗過會咁好食🤣呢隻係幼身嘅紅薯粉，非常易煮腍，又好索湯！口感非常煙韌彈牙，而且份量十足，好抵食！建議放喺個篩到煮，咁就唔會散晒撈唔返😌🥬油麥菜

銅鑼灣充滿懷舊風格裝飾的打邊爐餐廳，店內除了懷舊的裝修還播放著一系列懷舊金曲🎼整個氣氛非常舒服😌打邊爐湯底有很多款選擇，而且材料非常新鮮👍🏻等我介紹下今晚食左啲咩啦✌🏻☺️美食推介：💛花雕醉雞鍋：湯底充滿著濃濃的花雕酒香味，再配上半隻新鮮雞件。根據職員指示烹煮雞件的時間是對的，雞件食落非常肉嫩，整件事非常完美🤭勁食鍾意醉雞🤣💛安格斯牛肉(細)：每一片牛肉都很新鮮，牛肉質鮮嫩，牛味濃郁👍🏻💛梅菜豬肉丸：手打豬肉配上梅菜，原來做了肉丸打邊爐係咁好食😋肉丸彈牙，味道令人回味👍🏻💛芫荽榨菜牛丸：牛肉丸配上芫荽及榨菜都是非常夾的組合👍🏻好食😋💛鮮蝦雲吞：打邊爐必叫之選，雲吞皮薄而且蝦及肉的餡料十足，口感很豐富👍🏻💛煎午餐肉：熱辣辣煎好上枱，基本上可以即刻食，但輕輕放午餐肉灼一灼沾上湯底一起食又會有另一番風味👍🏻💛蟹籽蝦滑：一份的份量絕不少，蝦滑非常彈牙，而且每食一啖都充滿蝦肉👍🏻讚呀👍🏻💛即炸響鈴：第一次配上甜酸汁沾著食，新鮮炸起的響鈴沾上汁食還比沾上湯食更出色👍🏻💛蔬菜盆🥬：差不多每款的菜也集合在一起🤣💕大檸檬可樂：打邊爐一定要飲可樂，仲要非常大杯的檸樂，好爽皮呀🤣✌🏻💕💕食飽飽餐廳會送上懷舊啫

朋友聚會最好就係圍爐烚下烚下，邊食邊傾至開心，雖然平日應該唔會太多人，但都預早訂定位廢事walk in等餐死店員安排左卡位座比我地，夠哂闊落，餐廳嘅裝修係懷舊香港佈置作主題，即時有種街邊地道打邊爐嘅感覺餐牌上湯底都有好幾款，最後揀左花雕醉雞鍋，好快就上左湯底，已經聞到陣陣花雕味，先等湯底滾起，店員幫忙將醉雞件放入湯中，再滾多6分鐘雞件就可以食，雞肉煮熟剛剛好，入口嫩滑肉厚，食到啖啖花雕酒醉香味，味道剛剛好又唔會太過濃火鍋配料都有幾十款，另外仲有數款小食選擇，叫左個即炸響鈴食住等湯底煲滾，響鈴炸得好酥脆可口，比一般外面食到嘅響鈴更薄脆，另外配左個甜酸汁點黎食，非常開胃食完個小食，就黎開動打邊爐啦，點少得重點必叫嘅牛肉，我地叫左個小份嘅安格斯牛肉，灼到半熟就食得，厚薄切得適中，入口好濃郁牛味，口感非常軟熟烚下烚下一定會叫魚滑蝦滑，不得不讚依度個蟹籽蝦滑真心真材實料，真係全部都蝦肉，食落非常爽口彈牙，食得出係新鮮蝦肉打成，鮮味十足，完全唔同外間食開嗰種溝左漿嘅質感呢梅菜豬肉丸有半份同全份，我地叫左半份有四粒，食落好香梅菜香，口感彈牙，豬肉同梅菜甜味兼備，豬肉丸入面混左勁多梅菜，好好食，係我私

嚟過呢到幾次 都仲keep到水準今次兩個人食 叫咗醉雞鍋醉雞鍋湯底好鮮甜，有淡淡嘅花旗蔘味，飲落好舒服雞件浸喺啲酒到 幾有雞味 肥瘦適中 煮6分鐘就食得 好嫩滑飛驒牛擺碟有啲乾冰好fancy 可以刺身同打邊爐我哋全部當刺身食 油份好足 好滑👍特級手切肥牛好好食！有牛味 口感又好 兩個人食啱啱好 多人就唔夠食因為太好食😂😂有啲無影到相嘅有田雞- 嚟到仲郁緊 非常鮮甜 田雞好多肉 肉質好緊緻桂花蚌-又係好甜好彈牙 蘿蔔-普通 可能唔係冬天都係差咁啲甜品有送嘅啫喱同糖不甩糖不甩用返個湯嚟煲我覺得有啲怪不過有好多花生 都幾香

今日介紹嘅呢一間火鍋餐廳位於銅鑼灣，以六七十年代舊香港為主題嘅懷舊火鍋店。由門口去到座位，都充滿香港風情。餐廳提供唔同嘅火鍋配料同埋雞煲。🌟懷舊金錢雞 $68今時今日少見既懷舊食物，由冰玉、豬肉、雞肝三層食物組成，可以一試。🌟火焰雞煲 $178餐廳有多款的湯底選擇。今次揀左雞煲，雞的份量大約有半隻，雞經過爆香後又惹味而且配搭芫荽、 彩椒等比一般雞煲更多料 。吃完雞煲後，店員會可加雞湯比客人打邊爐。🌟四寶丸 $108四寶丸分別有牛丸、墨魚丸、鯪魚丸同梅菜豬肉丸，其中梅菜豬肉丸最為少見，食落有食緊梅菜肉餅既感覺。📌九龍城同撈同煲 (堅拿道西) (銅鑼灣) @happy_together_hotpot銅鑼灣堅拿道西10號冠景樓2樓B號舖🚇港鐵銅鑼灣站A 出口, 步行約5分鐘📍#銅鑼灣

隨著夏天既來臨 邊爐黨出現退黨潮 揮手區開始變得冷清🥲 趁今日仲有一絲既涼意 決定無懼燥熱值爆錶 以生命探店🔥 "九龍城同撈同煲“係一間位於銅鑼灣以70年代為主題既火鍋店 有舊式茶樓大排檔既影子 大氣電波入面徘徊住梅艷芳 陳百強等人既經典金曲s🎶 唔係我年代嫁 旦都幾好feel🕺💃 既然係初體驗🤔 揀個清清地既湯底 試試佢啲食材係咪真材實料 是基本常識吧🙂_____________▶️ 花雕醉雞鍋 $188 🥘湯底藥材味幾出 有淡淡既花雕酒香🍶 雞件有齊胸脾翼 用沙煲另上🙃 水滾落雞後熄火浸4分鐘左右 嫩滑既雞件就係甘鍊成👨🏻‍🍳 不得不提個湯後期因為有肉同海鮮既精華加持 鮮甜味大躍進 黎~ 大家Cheers~🍻▶️ 鵝肝墨魚丸 $68 🍢墨魚丸本尊已經係誠意之作🦑 食得出係用純墨魚膠混合墨魚粒打成 入口鮮味彈牙有咬口！配埋鵝肝既軟滑甘甜 有驚喜🙃 旦一 籠得四粒 唔夠喉呢🥲▶️ 海鮮拼盤 $398 + 鴛鴦蚌 $188 🦪海鮮拼盤：大元貝 x 鮑魚 x 沙巴龍躉 鴛鴦蚌：珊瑚蚌 x 桂花蚌有新鮮既食材 未入口已經贏一半😏 鮑魚同元貝去哂內臟先上台 大元貝係“真•大元貝“ 講緊熟左既淨貝肉

一向都鍾意懷舊風嘅我，嚟到呢間餐廳真係超級開心。呢一度有好多打卡位，仲要一直都播住八九十年代嘅歌，包括有哥哥，梅姐，陳百強，首首都耳熟能詳，成個feel好似返咗去舊時咁。除咗個環境了得之外，呢度嘅服務都係不得了，啲職員全部都好Nice，而且好殷勤，會不停留意住客人嘅需要，又會主動幫你落下料/加下湯，完全有種賓至如歸嘅感覺。講返啲食物先，我哋叫咗個藥膳醉雞湯底。佢個湯好足料，滿滿嘅藥材。職員會建議你煮熟咗啲雞之後熄火，試咗個湯同埋食咗啲雞先至再打邊爐。我就比較唔聽話，喺放啲雞落去之前試左啖湯，嗰陣湯剩係得濃濃嘅藥材味。但係當放完啲雞落去之後，簡直係另外一個世界，個湯真係甜左好多。然後啲雞真係好滑，好鮮甜。我哋原本淨係諗住叫一份龍躉，但係職員見到之後建議我哋可以試吓佢哋嘅拼盤，因為加多$200左右就可以由多四隻鮑魚，兩隻扇貝，聽落都幾抵，所以就試吓。佢啲海鮮都真係好大隻，而且都好新鮮，龍躉又啖啖肉，$398嚟講，我覺得真係好抵。牛肉方面我揀咗本地手切肥牛，朋友就嫌佢太瘦，但我自己覺得好好味，因為似潮汕牛肉火鍋啲牛，好有牛味。最重要就係唔好淥得太耐，真係幾秒變左色就好啦。另外仲叫咗個鵝肝墨魚

好耐無食火鍋了，近日涼意又起了少少，即刻約了好友去happy 下，今次搵到間有質素的😎「花雕醉美人鍋」湯底一上已有濃厚藥材味，好香！我們先嘗一嘗湯水😌 夠哂味呀「賣魚勝海鮮拼盤」抵呀！ 有勝子，鮑魚，蝦（特別想講蝦好新鮮，仲好生猛以及爽口🥰）「大特級手切牛肉」果然靚喎🥰 淋身！油脂分布平均，好味喔🤩「黑松露墨魚滑」黑松露唔太突出，但爽脆口，I like👍🏻 「養顏美人餃」名字好吸引，原來用上了桃膠，幾特別！「黑栢葉」通常外出食飯先有，所以我都會點這個😌「即炸響鈴」🌟🌟🌟最正呀！即炸架！鬆化！可以點酸汁即食🥰「椒鹽豆腐」正呀！小食之一！細細粒😙「杞子圓肉菊花蜜」自家制，夠味道！而且可感覺化解火鍋的熱氣😎「啫喱」襯托了環境，夠懷舊呀🤩仲有把雨傘仔「懷舊糖不用」好特別！用上鯉魚形狀制成麵團，用火鍋湯底整熱，熱辣辣點上花生沙糖椰絲碎，食到唔停口呀！🥳必食之選！備註：🔺環境裝修懷舊風濃烈，仲播埋70-80年代歌，我忍不住跟了唱😆🔺店員會先在面前用熱水洗碗筷👍🏻🔺會有多份廚師推介海鮮餐🤤

呢晚同好朋友麻甩一下，去左間裝修走懷舊復古風既火鍋店！！呢度既職員好熱情，又有禮貌，所以一開頭已經感覺良好～未食火鍋之前，我哋先調醬汁同嗌咗份珍寶帶子刺身開開胃～帶子刺身肉厚嫩甜，正！！！之後我哋要左一鍋牛什，啲牛什都幾入味而且食落無內臟最易有既腥臭味😚😚之後就加湯打邊爐，豬、牛、羊都有叫齊，平均質素都係中上水平，認真不錯💕特別係個秘制格格肉，其實係豬頸肉黎既～以厚切粒狀串起左一串串，食落肉爽不韌，朋友仲話有食豉椒蒸排骨既影子🤣🤣不得不提係呢度既特飲真係好有份量好似我呢杯鹹酸解膩嘅龍鳳大檸樂都只係48蚊，食火鍋必點！！！呢度嘅甜品仲好有特色，呢款糖不甩係擺落湯鍋度整架！！店員仲好好咁幫我哋處理好，貼心又好味😘😘😘

這夜跟好友邊吃火鍋邊暢談，歡聚了一整夜，痛快！！全部店員都很友善，又會向我們推薦不同食品所以聽取後我們也很快便可以下單xpp當晚我們先選了一鍋“老港牛雜鍋”，集齊牛肚我、牛腸、牛腸、牛膀同牛肺，仲有少量牛筋同芹菜蘿蔔添！！！當中既牛雜份量足夠二至三人分享，每款內臟都處理得宜，惹味滋味卻無腥味異味👍👍其後我們便點了三款肉類作為火鍋配料：“安格斯牛肉(小)”小份也有十多片，厚薄適中，香軟肉嫩～“羊肉片”肥瘦得宜，帶有羊香～“秘制豬頸肉”肉厚爽嫩，口感很棒！！！除了肉類，我們亦點了一份口感QQ的紅薯粉和飲料～我所點的“大檸樂”絕對是珍寶size呢，二人共享也綽綽有餘！！！最後更有意外驚喜！！就是店家為食客準備了啫喱杯及錦鯉糖不甩作甜品呢～

梅花黑豚肉 $108餐廳將豚肉片卷成兩朵大花外型，豬肉片好大塊，店員建議食豬肉前夾埋碟旁既青瓜一齊食，食落會比較清新一點。鴛鴦滑 $108三款滑選二款，可以揀家鄉鯪魚滑、黑松露墨魚滑、蟹籽蝦滑。今次揀咗墨魚滑同蝦滑。墨魚滑有啲花枝粒仲有黑松露味好香而且仲好夾。另外蝦滑勁彈牙有蝦粒仲有啲蟹籽增加口感。錦鯉糖不甩 (免費)店舖特色係會送懷舊甜品。餐廳將糯米糍整成錦鯉，之後店員會幫手放入湯煮下，煮到糯米糍軟糯，再放入花生芝麻醬撈勻。食落鹹甜的，花生味好香濃。 花奶果凍 (免費)另一款果凍都係送既，係兒時係酒樓有把遮仔做裝飾既啫喱杯果凍，溝埋花奶一齊食， 童年回憶返哂黎。另加醬料及茶芥$15/位

同撈同煲    📍九龍城打鼓嶺道70-72號地舖      🌄環境      成個感覺都好70年代懷舊香港風格，牌匾嘅霓虹燈，入面嘅懷舊海報、燈、牆紙等，都好有feel，好適合打卡！      🧡食物      🍲 冬甫美人鍋 $228      呢個湯一上嚟就feel到有料，當中有冬瓜、紅棗、娃娃菜、蟲草花、淮山同半隻雞，好足料，而個湯成個呈現金黃色嘅，入口好鮮甜好好飲，我同幾個朋友都飲左兩三碗之後先開始碌嘢食，建議第一輪嘅時候飲多幾碗先，加湯之後先開始碌嘢食，因為加湯之後會淡好多~      推薦度：😋😋😋😋😋    🥩 安格斯牛肉 $198      幾大份，花紋好靚，好新鮮嘅，屬於比較厚切，所以口感幾好，好嫩滑~碌兩下就可以食得，好好食！      推薦度：😋😋😋😋    🦐 鴛鴦滑 $108      係蟹籽蝦滑同黑松露墨魚滑，兩者都保留咗啲蝦粒同墨魚粒，食落紮實而鮮甜嘅滑當中，夾雜住啲好爽脆嘅粒粒，好正，我比較鍾意墨魚滑多啲，因為佢嘅黑松露同墨魚融合得好啲，但係蝦滑嘅話，因為蟹籽喺面，所以落煲嘅時候有啲跌咗出嚟，變相融合得唔係幾好，但係兩樣都好食嘅，feel到係新鮮嘅，我推