咖啡廳

营业中

休息中

好耐無食自助餐啦！和朋友一齊豪食一餐其實有好多野食，有生蠔（美國、愛爾蘭）、凍盤（龍蝦、長腳蟹、螺、蜆等）鵝肝、花膠燉湯、海膽飯等等。。。樣樣都唔差只係甜品差少少，很一般既水準由於餐廳唔大，所以有時候排隊等拎野食都會變成塞住左條路，特別係大家會拎唔到熱食～

尋日放工去左尖沙咀喜來登食自助餐，成人628一位加埋一700蚊，好似好貴咁但其實又真係好多野食架！先講龍蝦 佢切開一半 等你易拆啲 膏夠多 肉有彈性長腳蟹我都唔知食左幾多碟 超鮮甜！！！其實仲有麵包蟹，個人認為麵包蟹最好食最甜，正！呢個係南瓜湯，好好飲，好重南瓜味，個人喜好再加左啲鹽，不過如果澀多少少就更好。 然後到生蠔，有美國同法野蠔，雖然比較細隻，但味重，完全食到個種海水味！另外有烤蝦同帶子，要排隊，不過抵排，因為真係香口好食！呢個係窩夫，自己裝飾。甜品都好多野食，有唔同既朱古力，曲奇餅，有馬卡龍、拿破崙、芝士蛋糕、紅酒啫哩、泡芙、朱古力蛋糕、紅桑子蛋糕等。雪糕係哈根大師😎其他野食都好好食架，例如啲海膽拖羅飯咁，細細碟，仲有咖哩牛腩，洋蔥圈.......數之不盡！但留意餐飲只有一杯，冇任飲。

繼續自助餐介紹：尖沙咀喜來登酒店 咖啡廳 上月推出了「澳洲‧龍蝦生蠔海鮮大薈」自助晚餐，勾起了澳洲旅遊的美好回憶；而任食龍蝦、生蠔、麵包蟹、琵琶蝦、鵝肝、珍寶帶子、澳洲虎蝦、海膽飯等，再加上恆生8折優惠，海鮮迷必吃！而且喜來登位置優越，由港鐵站出來一分鐘就到，附近又有大型購物中心，就算是逛累來吃也超方便。 咖啡廳的 buffet line 不算長，但冷熱海鮮款式極多、擺得密密麻麻，要全部試均有點難度！一開始是刺身櫃，充斥著甜蝦、帶子、Tasmania 三文魚、吞拿魚、油甘魚、八爪魚、厚燒玉子及北寄貝共8款刺身，下面則是多款卷物及壽司，加上子薑及千本漬，充分盡用每一空間～ 接著是擺滿琵琶蝦、龍蝦、龍蝦鉗、長蟹腳的凍海鮮區，還有另一半的翡翠螺、熟蝦、青口、英國膏蟹等，則以碟裝置放在沙律區中～ 現成沙律選擇不少：華都夫沙律、牛油果石榴吞拿魚沙律、海鮮西柚鮮蘑菇沙律、烤雞無花果西蘭花沙律、扒意大利瓜沙律、番茄芝士沙律、燒甜椒銀魚柳沙律等，不少款式都相當吸引！ 另一邊還有煙三文魚、番茄凍批、煙吞拿魚、比利時保雲素肝醬，加上極多款自選沙律菜及配料如綠狗芽菜、紅羅馬生菜、粟米、提子乾、多款沙律

係雜誌見到呢家BUFFET的推介, 所以膽粗粗走來試, 對上一次食呢家餐廳可能都幾年前的事了.喜來登酒店比較舊, THE CAFE的環境也一樣有點舊.是晚大約8成滿, 我訂了7點3, 也是準時到達的.安排了靠窗的位置, 玻璃下面就係彌敦道, 不錯呢.因為太耐無來, 所以先巡了一圈, 才拎了個燉湯, 然後拎了龍蝦生蠔.燉湯夠晒火候, 好飲, 龍蝦有鮮味又有膏, 好食.生蠔就比較瘦, 美國蠔相對大少少, 澳洲那款好薄肉.然後到蟹腳, 龍蝦鉗, 琵琶蝦, 麵包蟹, 蟹腳鮮甜唔咸, 龍蝦鉗就一般般,  開邊龍蝦比較好.琵琶蝦無乜味 (JW的出品好好多).麵包蟹身唔好食, 但殼又俾人拎晒 (之後都無再見有到殼)之後排錯隊, 拎到煎大蝦同帶子, 煎大蝦好食, 可惜無挑走蝦腸, 扣分.煎帶子好大粒, 值得再拎.然後都順手拎了份煎鵝肝, 夠香, 雖然每人限拎一份.走回正確的刺身吧拎了拖羅, 北寄貝, 帶子.第一次係酒店自助餐見到有拖羅, 真係超級回本, 結果前後拎了三次.北寄貝同帶子都好鮮味, 亦都係拎了三次.燒牛肉, 我特意拎燒得較熟的位國, 一樣的香滑可口.最後加埋甜品和雪糕, 咖啡 就完成滿足的

一直期待著最愛為我準備的生日飯生日當天終於知道是喜來登自助餐滿心期待與至愛共進浪漫的一餐這麼食物非常豐富，也不用打仗咁攞食物悠閒地逛逛看看看到燒大蝦和大粒帶子，由於供應有限，先排隊拿兩份，蝦非常鮮甜爽口帶子也不會韌女友也覺得好味大讚如果不用排隊，最愛海鮮的我一定要吃到飽為止生蠔當然逃不出我的嘴巴，生蠔細了一點但味道不錯，美國生蠔較鮮甜，而澳洲的比較鹹，女友比較喜歡法國蠔，所以整盤由我消滅凍龍蝦算是中規中矩，但令人意外的是有琵琶蝦平常街市見到必吃，這裡的琵琶蝦雖然比不上新鮮但依然鮮甜多謝老婆咁好眼光之後來點中菜，蒸飽魚長期缺貨然後選了鵝掌，味道是不錯，可惜不夠淋到期待已久的煎鵝肝，煎得外脆內軟而且很大份帶子刺生也是必食，鮮甜好味另一意外的是有我最喜歡的田螺，味道爽甜老婆果然好了解我的口味牛尾不夠入味鬆軟燒菠蘿很甜羊架也很嫩滑最後到甜點部分推薦的有豆腐慕斯，豆腐味很重，質感也鬆軟還有花生朱古力，又香又脆這晚度過了一晚滿足的生日飯感激至愛選了一間出色的自助餐廳

朋友仔話工作壓力太大，又一個好藉口今晚要食豪啲啲😌 好彩問同學借到張酒店嘅 wine & dine 卡，又可以慳到25%🤗 酒店服務員幫我哋安排坐喺海鮮檔附近，龍蝦、生蠔、魚生... 樣樣齊🦐🦀🐟 小秘書食buffet一向偏向食冷盤食物多，不過今晚見有燉湯、鵝肝同鮑魚😋 當然通通要放哂佢哋落肚啦🍽今晚特別要介紹嘅係「海底椰花膠川貝燉湯」，小秘書飲完一碗又一碗，加埋食哂三大件湯料「花膠」落肚... 今晚仲唔比我靚哂🤣

是日與公司同事午聚，之前食開既lunch buffet都係龍蝦為主題，今次終於有我最期待既蟹腳和生蠔。呢個係紅酒醋配生蠔，自問唔係對蠔好有認識，呢度既蠔蠔肉爽脆鮮味、無蠔殼碎，任你夾，完左一轉好快又有一批放出黎，唔洗驚唔夠食。檸檬新鮮大隻多汁，試試cocktail sauce又如何。我都係比較中意配紅酒醋汁，特別d，唔會蓋過蠔味。每次黎到呢間我必定必定食既係日式冷麵，呢度既冷麵軟硬適中，自己落紫菜同冷麵汁。一定食幾碗另外蟹腳方面十分回本，蟹腳長過隻大碟，肉質唔會爛，唔會浸到咸曬。食到蟹肉甜味，枱面備有剪刀比你剪開蟹腳。刺身切得算係厚肉、新鮮。燒菠蘿同串燒都好多人拎。Pizza比想像中好，熱辣辣脆脆地。有個燒牛肉都好好味，每次都會比兩片你，個人中意點燒汁。呢間既粉麵檔入面有好出名好食既雲吞，必試。食完雲吞，食番碗菜。呢度有高級雪糕movenpick, 我每次都想食曬咁多種味，每次都要求要迷你球，咁就可以隻隻都試到又唔會浪費。D cake仔所有係朱古力味既都好好味。葡撻好似好普通咁，但原來係熱辣辣脆卜卜，推介。

難得閒日有假期，又見恆生信用卡正在做Sheraton buffet 優惠，就心郁郁來吃個lunch buffet，準時12點到，餐廳只有數枱客，我地趁人少少就迫不及待去攞食物了。冷盤篇:沙律選擇很多，除了基本沙律菜外還有多盤冷盤蔬果，最吸引我的是有煙三文魚、Parma ham及西班牙辣肉腸等多款凍肉，味道都不錯。同行朋友則狂掃生蠔、凍蟹腳及青口等，每次有生蠔端出來都秒速被掃光，幸好有店員頻密地替換，但朋友説生蠔都偏細隻，質素一般。芝士篇:作為芝士控的我每次吃buffet都必定將每款芝士都試一遍，這類的芝士款式只有三款，而且三款口味都偏向清淡，亦沒有我最喜愛的藍芝士，所以有些少失望。剌身篇:剌身是全場的敗筆，可能是雪櫃太凍的關係，刺身的肉質都變硬了，而且吃落有渣，食材不夠新鮮。熱燻篇:熱燻選擇不算多，主要是幾款中菜、印度菜及泰國菜，另外烤肉方面有羊架及烤牛肉提供，肉質鮮嫩，兩款肉類都吃得過!甜品篇:甜品選擇相對較多，最喜歡熱烘烘的葡撻，酥皮撻底做得鬆脆，不過其他甜品的味道都略嫌偏甜。

早前在工作上得來一張免費自助午餐卷，但發生多次突如其來的事，幾經波折才能吃得到，不過最後就竟然去錯了地方，換來一啖笑。餐券就是可在咖啡廳用餐，但就是只能在海逸酒店用，但是日大頭蝦由訂座至到訪也不知道自己去錯地方，錯誤到訪喜來登酒店，最終吃過後才發現用不上。先說說場內自助午餐，食物款色比想像中更少，基本上行一行已可清楚自己想吃什麼了。窗外可看到尖沙咀街景，也算是開揚。午餐也有供應生蠔，是一盤開了的放在中央給顧客任拎，雖然不斷就有顧客取生蠔，而侍應就不停re-fill，但生蠔看似不太新鮮，大部分也黑黑，味道方便，部分生蠔略有腥，故小妹雖取了多隻，但吃過幾口就沒有Encore了，非常失望。至於刺身，是即點即切，三文魚及吞拿魚也稱得上是新鮮肥美，不過甜蝦就較遞色，需自己剝殼，剝過後才發現蝦頭內藏大量魚卵，有點噁心。不嫌麻煩的話，長腳蟹是最值得Encore，蟹肉非常鮮甜，亦是啖啖肉大大隻。場內亦有三款芝士供應，輕味至重口味的Blue Cheese也有，後者不是日日能受得到。自己就喜歡吃不會太濃又不淡的芝士，配上一旁的乾果，加起來一併吃就不錯。說到比較特別，就是即製的薯蓉帶子，每人每次只限取一份。

幫襯咗超過十年，耐𣎴耐就會去食一次，多數係食 Lunch Buffet , 食過好多處嘅自助餐，好多酒店自助餐環境都講求地方大，品種自命多，但好多時都係得個大，多，但你細心睇完，試完，好多都係無 heart 嘅製品，就係為咗堆砌到比人感覺以為好多嘢食，我最唔欣賞呢d酒店嘅自助餐。喜來登呢個 Cafe 坐嘅地方都好舒適，唔會逼逼劫劫，放食物嘅範圍細得嚟好歸一，個人覺得好舒服，食物種類樣樣樣有d，每樣都好 ok，放得出嚟嘅全部都好用心去做 👍😍 職員都好勤快，有禮😊一定會再去

同啲同事周不時四圍搵抵食優質buffet試，打電話去book時問清價錢、會唔會有信用卡優惠，接線的店員話而家有做優惠75折🙌🏼留意tea buffet 時間為3:00-5:30價錢為：$228 加一 再有75折=$194！打電話時問清楚，知道係無生蠔同龍蝦架喇，不過唔緊要，去試下野食掂唔掂啦？三點鐘有小許人龍登記入座，不過閒日人唔算多，大家都禮貌攞野食唔洗爭既。魚生，沙律都有，驚喜的是仲有青口，蝦🦐都有，中式點心小籠包，叉燒飽都有，即叫即煮的粉麵都有，野食種類都頗多👍🏻而且製作係有誠意既！有幾款野飲可以任攞，另外自助餐都仲會包一杯餐飲可order。總括來說是超抵食，同事們都很滿意☺️有機會會再來吃😋😋

2018.3.17 Sheraton Hotel Buffet😄燒大帶子，燒大蝦，牛扒，羊架，烤煮三文魚，煎鵝肝，焗田螺，川貝花膠湯，生蠔，長腳蟹，龍蝦，芒果拿破崙。🍏🍏🍏🍏🍏🍏🍏🍏🍏🍏🍏🍏🍏🍏🍏🍋我最鍾意係芒果拿破崙。食左超多件。外皮超脆超脆。芒果又好甜。好好食。食多多都唔厭。🍤燒帶子，燒大蝦。要等10分鐘左右，即燒。係幾好食既。好大隻。帶子新鮮，甜。大蝦都多汁。好食好食。🌽烤煮三文魚。好食。好香。但食得多會膩。🍅生蠔細細隻。都算新鮮。🍆長腳蟹蟹腳。係大大隻蟹腳。而且煎開一舊舊。用筷子一篤蟹肉就出。好方便。而且蟹肉大大舊。有少少海水鹹味。好食。正😄🐮牛扒，羊架都唔會蘇味。肉質都算腍。🍏🍏🍏🍏🍏🍏🍏🍏🍏🍏🍏🍏🍏🍏🍏<<< 較一般系列 >>>🐠龍蝦肉好鞋。🐚天婦羅一般🐙甜品都算多。但好好食的只有芒果拿破崙。。😄總括有65分。熟食較多。而且都好食。冷食都可以。但甜品類一般。。是日晚餐buffet $668/人

客人不多時，煎多一件鵝肝，帶子都不可以，每次等食物等得太耐，好像乞丐在等食物咁，等多一兩次已經夠鐘，和朋友一齊來食飯，不是我等食物就是她在等，想坐在一起聊天嘅時間都無，(記住係客人不多喎，多客人我們都會體諒)，食得不能盡慶！只覺得餐廳只顧控制成本，不理客人感受！

我們難得三人都是同月同日生日，特別於今日人日到喜來登酒店下午茶。 之前我來過己經覺得抵吃，而且坊間也沒有什麼地方有平日下午茶自助餐。下午茶由三時至五時半，三時準時來到，門口已有一大群人魚貫進入，轉眼已滿座。 客人好像識途老馬，一放下東西便去拿魚生、青口、翡翠螺、龍蝦鉗和蝦，都很新鮮，我們也不敢怠慢，乖乖跟隊。自助餐的餐單像是經過深思熟慮設計，務求令客人有抵食之感。的確，用信用咭優惠只需大約$220 便有多樣選擇的冷熱食物，甜品兼一杯飲品（註： 自助餐也有冷飲品選擇），午餐不吃，晚餐也差不多不用吃，因為吃完自助餐已飽著肚回家。對比上一次來，我覺得今次熱食水準有點普通 。另外，可能是人太多的關係，食物補給比較慢，壽司、湯和一些熱食都要等一段時間才有。 不過，始終是酒店級數，服務人員都很禮貌周到，十分抵讚。總括來說，若然請了一天假，和朋友相約一敍，來這裹自助餐，一定開心滿溢，歡聚整個下午。

For a $6xx buffet I don't want to queue up for some scallopes and prawns. Each person can only get one of each of the "expensive" item on each turn in the queue. The waiting time is about three minutes per person so if was on the end of the line that means I have to wait a long time. The main problem is the chef cooking the "expensive" item seem to take his time on purpose so people won't go there (so to discourage people getting those expensive items I guess.) I mean he could have cooked for th