大圍小館

营业中

休息中

📌 大圍小館 - 大圍積福街92號地舖🗓(28/1) 星期六 ⏰ 早上10:30左右💈特式：呢間餐廳有大圍總店同元朗分店，見佢有米芝蓮推介所以一直都想去試，今次就諗住先試佢地嘅點心，因為網上評價呢間餐廳長期爆滿，所以佢未開門我就去排隊等位，店舖開10:30，我10點去到都排唔到第一輪入坐，只攞到第二輪入坐嘅飛，大約11:15先入到坐，如果想飲早茶嘅朋友可能要預早去攞飛了。不過而家有屯馬線，九龍人要入大圍都相對方便左。🥩🍔🌭🌮🥗🥯🥘🍲🍝🍣🥟🍤🍱食物：見佢好多點心都好有特式，甚至乎有部分出面酒樓已經絕跡，例如真正嘅灌湯餃(唔係出面個d湯浸餃)，仲有雞窩/宮廷荷花酥/牛骨髓/沙翁等等。今次都係見到人介紹，慕名而來試佢地呢d招牌點心，等我同大家講下🫖味道先。同行4人，總共叫左10個點心加每人一隻灌湯餃，呢個份量都食唔晒要打包，但因為好多樣野都想試，所以唯有叫多少少，以下我就抽幾款同大家介紹下，其他就有待各位朋友仔自己去試啦。灌湯餃🥟 - 呢個係餐廳招牌點心，眼見枱枱都差唔多會叫，上枱時職員會比多一隻碗你用嚟食呢個灌湯餃，隻餃賣相好靚，夠大隻又飽滿，顏色亦好吸引。影完相就將佢輕輕放入碗，但因為皮

今次我的舊同事介紹我來吃，我們當新年團拜，我們在店門外等了1 個小時30 分鐘才有機會進入去食，雖然要等那麼久才可入到去，但食物質素真的不錯，我哋點了店出名的食物吃，有沙翁、（好大，像蛋糕，又軟又香，但又唔係太甜）流心奶黃包、（夠熱，真係流D黃心出嚟，唔太甜好香）、千層糕（有蛋黃的金香，軟熟）、牛骨髓（第一次食，好有彈口）……店內地方雖小，但因不用和別人搭檯，二人坐四人枱，好舒服，辛苦排隊也值得，服務員也算不錯，洗手間也很清潔

總評：食物質素中上，服務很好！食咗10樣嘢……印象特別深刻嘅：叉燒雖然$200得五件……不過，我都覺得值得一食！佢用15年陳皮醬，擦落叉燒上面，再用火槍燒一燒……的確別有風味而且叉燒厚切，肥瘦適中，雖然仍然有一些位置比較乾柴……但是，去到……點都要叫來試一下！辣味魷魚魷魚比較乾身，有濃郁的魷魚味，配合香辣配料，風味很好，十分有鑊氣薑汁芥蘭菜莖有用刀處理過，非常用心！燒鵝叫咗半隻，佢個樣好靚仔……但卻是這晚最失望的一道菜！肉質比較乾，是質素非常普通的燒鵝……可以不點！如果訂到位，係值得去食！特別值得表揚一位叫做「音」的女侍應……非常敬業樂業，解釋充足，服務殷勤……我以為，這樣好的服務，只有過年的時候，才可以遇到！.🔻.#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant

之前一直有friend 強烈推介，話好值得食。正所謂一不做二不休，咁難預約，就即場連book兩日，一次早茶，另一次就係今晚，試試佢嘅晚市。大時大節食中餐就一定冇錯，今次揀咗12月31號除夕，估唔到呢間小店依然滿座，或者早咗個幾月預訂，位置非常好。一行八人非常開心。🍴勾魂叉（五件）雖然上次已經試過叉燒，但係今次都係要再叫，價錢唔平要$188，但係又5件厚切，望落都有睇頭。加上陳年陳皮醬加炸米脆，仲有專人上枱後再燒！叉燒肥瘦適中，香口軟糯，其實都唔錯。不過茶市嘅第一叉，入口更加肥美軟熟，下次再試我會寧願食第一叉。🍴 一口金磗呢味金沙蘿蔔糕要再encore，性價比好高，金沙鹹蛋黃好香，食落唔油膩，蘿蔔糕都好有誠意，有蝦米瑤柱絲，食落非常香口。🍴燒鵝半隻人數唔算好多，燒鵝簡單預留半隻，米芝蓮燒鵝絕對有誠意，燒鵝都燒得幾香，肉質非常多汁美味，燒鵝皮如果可以再脆身就值回票價。🍴薑咪蒜香龍仔蒸蟹飯價錢絕對唔平，不過隻蟹大大隻又新鮮，而且仲有糕，呢個價錢絕對抵食。飯底好香蒜蓉味，而且粒粒分明，蒸完之後仲非常乾身，巾幗不讓鬚眉，不過兩者應該係分開烹調，飯就冇咩海鮮味。茶錢索價$28，不過普洱或是鐵觀音亦

大圍小館今日終於可以一試米芝蓮推介既大圍小館，距離大圍地鐵站5分鐘嘅路程。門面有好多紅噹噹的燈籠🏮，啱晒就嚟過年嘅氣氛。亦有好多人係門口等候，好彩我哋book定位。而用餐嘅限時係兩個鐘，所以不論你遲到早到都係訂枱時間起兩個鐘後交枱。同普遍茶樓一樣，都會開一壺茶🍵。而店員推介左白牡丹💐。前菜有酸梅苦瓜、核桃。酸梅苦瓜比較新奇，因為出邊食開嘅苦瓜都係苦嘅。而呢度嘅苦瓜喺少酸帶甜味，輕微既苦澀味係甜味過後先踴躍出來。🌟勾魂叉燒 $188有五舊好大舊嘅叉燒，底下鋪咗好多卜卜脆嘅米通。掃上15年的陳皮醬，再用火槍🔥燒香外皮。在遠已經聞到香味。就咁入口就品嚐到肉質鮮嫩，外皮焦香，有淡淡既陳皮味。再沾上好多米通，為口感帶來點綴。但未有帶來特別驚喜，叉燒比較瘦。而且不算太juicy。如果冇咗米通呢個都係一個普通既叉燒🤣🌟蒜香籠仔蒸蟹飯 $288一隻蟹🦀️鋪係飯上面蒸籠上，腳同身已經分開左，叔叔店員好貼心幫你攞咗隻蟹出嚟，同埋撈埋啲飯。份量大概係三至四人。隻蟹表面好大，但開左殼舊肉好細，而且缺乏鮮味，感覺上不是太新鮮。而飯都冇乜味，沒有蒜香味，更沒有蟹鮮味。🌟腐竹蛋糖水最後姐姐送左人頭一碗糖水，又幾好食。

托奶奶生日的福🥰有幸一嚐傳說中電話打極都唔通既米芝蓮推介👉🏻大圍小館(๑و•̀ω•́)و/🌟勾魂叉$188招牌的勾魂叉，基本上每枱都會叫一份！端上枱後會有師傅為叉燒塗上15年陳皮醬，然後用上火槍燒香外皮，風趣的師傳仲問我cut機未先停手架🤭半肥瘦叉燒每一件都驚人地厚肉Σ(*･д･ﾉ)ﾉ 肉質挺實、肥膏分明且鹹鮮入味；外皮有微焦香，黏著墊底的脆卜卜米通同吃口感豐富，好味既~不過個人就認為未至於好有驚喜🙈/🌟馳名燒鵝(半隻) $268燒鵝皮薄香脆，平時走皮既我今次都唔捨得咬走佢🤤皮下有層厚厚的脂肪，相當肥美，胸肉的位置也很嫩滑，係唔錯既♡⸝⸝/⭐️沙薑鮮雞(半隻) $248沙薑雞附有新鮮雞雜：雞腸、雞腎和雞肝等，岩哂我呢個內臟控(≖ᴗ≖ )雞肉鮮嫩，調味恰到好處👌🏻/⭐️金沙鮮魷 $158沾滿鹹蛋黃醬的外皮，鹹香薄脆，難得地魷魚仍然保持滑溜鮮嫩，火喉控制得相當好ჱ̒⸝⸝•̀֊•́⸝⸝) /⭐️椒鹽九肚魚 $158九肚魚粗身大舊，肉質同樣非常鮮嫩，椒鹽與辣椒粉的調味相當惹味，個人認為炸粉衣更薄就完美了~/⭐️黑松露滑蛋蝦球 $188蝦球絕不欺場，超！大！隻！黑松露炒蛋奶滑，可惜好鹹，送白飯應該會好啲啲啲🥹/⭐️

YouTube睇完”有啖好食”介紹依度嘅叉燒之後一路都想嚟食嘅不過一嚟呢度唔叫易book 大圍又遠啲就唔啱時間去堂食所以第一次食係買外賣返去食嘅可惜叉燒之類招牌菜都唔做外賣而且外賣同堂食水準都有別無可比性必然要嚟再食過今次都係咁啱經過 夜晚9點幾walk-in10點半要交枱 得返一個鐘快食想食嘅叉燒 燒味 當然都售罄另外部分懷舊 失傳菜之類都要提早5日留定所以最好一早想食乜就打去留定咁就算夜咗去食都唔驚今晚叫嘅 整體都唔錯👍🏼蝦子魚唇煲剛好二人份量，雖然唔叫好入味，但個玻璃芡掛大大塊魚唇同花菇幾正好似食花膠咁豉油王炒鮮魷鮮魷火侯炒得剛好沒有過熟，沒有多餘油份和水份👍🏼薑蔥生腸魚卜煲魚卜煲係我見親都必叫嘅煲仔菜之一，足夠的薑蔥令佢沒有絲毫的腥味，魚卜爽脆，生腸微焦，惹味👍🏼腐竹白果生熟薏米豬肚湯一盅舀到4-5小碗，無味精味，作為是日例湯 正👍🏼蒸南非鮑魚$9x 一隻大南非鮑魚喺出面食嚟講算價格相宜，上碟都好細心講究，不過作為平日有街市買開餸下煮嘅，蒸鮑魚唔考功夫自己都做到，可以考慮叫吓其他功夫菜🤭蕃薯糖水 最後送嘅下次會再嚟試埋叉燒 荔芋臘味盒 金沙日本南瓜🤭

因為對上一次食晚飯嘅時候都幾好食，所以就提前一個月book枱係31號嘅時候同屋企人🏠食飯今次仲提前預訂咗燒鵝🦆，腐乳蝦丸🦐，同埋叉燒🐷本身店員詢問我哋要唔要預留一隻乳豬，但今次比較少人，就下次先再食啦。除咗預留咗呢三樣嘢之外，我哋仲嗌咗一口金磚，黑醋肉排🐽，蒸蟹飯🦀🍚同埋煎炸大魚頭🐟燒鵝喺預訂嘅時候，店員係話米芝蓮，嚟到個色水好靚，擺入口好香燒鵝味，就算係胸位都唔係鞋，但個皮就唔係脆😋腐乳蝦丸係流心嘅，咬開中間嘅就腐乳餡，腐乳唔會話太鹹，都有香嘅腐乳味，美中不足嘅係佢蝦丸係唔熱嘅，暖暖地，如果熱嘅話應該會更加好食一口金磚，即係鹹蛋黃🫙🥚蘿蔔糕，每次嚟食都覺得好驚喜，外面層粉唔會話好厚，裏面嘅蘿蔔糕亦都唔會話好多或者得返好少，每一啖都食到蘿蔔嘅甜加上鹹蛋黃嘅香，超好食叉燒不過不失，佢嘅賣點係用咗50年嘅陳皮醬，再黏脆米食，但係我始終都係覺得係飲茶嘅時候食嘅叉燒係比較滑比較好食黑醋肉排酸酸甜甜，肉排好滑，唔錯個魚頭佢炸到香脆，所有骨都食得，好香蒜味最驚喜嘅係個飯，佢面頭係一隻好大隻嘅肉蟹，底下嘅飯有薑有蒜，有少少蛋，係炒飯底，炒到好乾身嘅飯，每粒都粒粒分明，仲帶啲蟹香味，好多肉好大隻

我聽老友話呢間食店 book 位好誇張，我地係 book 3-4個月後既 lunch 才有位。我滿心期待架～當天行到轉彎位，遠見燈籠和人龍就知係呢間。店舖5係好大，怪不得book 位咁 full。我地4大1小，手機落單，有d 可以劃點心紙。我地叫咗好多點心，當然有叫呢度最出名既叉燒。影相已影5切，只影咗幾張，就掛住食。論味道，我只係覺得叉燒比較好味。每件勁厚切，邊位燶燶地，5實，真好味～但其他點心真係同其他酒家無乜分別，味道差不多，賣相也一樣。尤其果籠竹笙蒸茄子，係零味道。。。。可能人家水準之作不在點心小食吧。。。。但以呢個價錢來飲茶，真心5抵啦。。。

一直都知道大圍小館無論飲茶定晚市都長期爆滿，當時提早大概三星期前訂週末夜晚枱。粵菜水準的確幾高，價錢合理，屋企人都有幾好評價，值得再訪👍🏻招牌叉燒晚市同午市會有啲唔同，雖然例牌得五件，但完全食得出與眾不同嘅味道✨叉燒醬調得唔會死咸或重玫瑰露，仲多咗種陳皮味。就算叉燒係厚切，梅頭肉選取得好令肉質非常嫩口。燒過後嘅叉燒痴埋脆米別有一番滋味，仲寓意住「有米有米」。秋冬限定羊腩煲亦好值得叫🐑份量足之餘，最緊要係真材實料！採用新鮮黑草羊嘅腩肉而非冷鮮肉代替，黑草羊本身較鮮嫩帶點羊羶味，經過炆煮後，肉質更易腍，送飯一流🤤蛋白薑米蒜香蟹飯同樣係招牌菜，亦幾抵食！秋天係肉蟹當造季節，所以真係啖啖肉🦀米飯唔會蒸到好濕之外，仲聞到淡淡荷葉香氣，簡單美味。猴頭菇鯊魚腎玉竹沙鬱瘦肉湯 $208 勾叉燒 $188蜑家鴛鴦魷 $208籠仔甜梅菜蒸菜心 $148意大利黑醋肉排 $208蛋白薑米蒜香蟹飯 $288真羊腩煲 $498

訂左多耐，終於今日去食，差不多六點到，已經人山人海，有點混亂，入到去，枱與枱之間比較廹，幸好待應姐姐對餐牌餸菜好清楚而且又好勤快，尤其有位興姐。燒鵝半隻，份量大，皮都脆，但冇乜肉。豉油雞半隻，好入味，最驚奇系有雞什。白果豬肚湯，足料，似屋企煲嘅湯。勾魂叉燒，有五件而且大大件，帶點肥，底下有甜米通。芥蘭鴛鴦魷，有獲氣，但芥蘭比較少。金銀旦生菜，冇試。脆皮炸白兔牛奶糖，即系炸鮮奶，作為飯後甜品，可以啦。薑米竉仔蒸蟹飯，天寒地凍，個飯熱辣辣，真係好痊愈。埋單$2000/6位，抵食。

知道哩間米芝蓮食店好難book位，撞啱今日平日放假，要過來試試，1點左右到， 5位，即時有位，開心！👍環境不錯，舒服🧑‍🍳👩‍🍳職員服務都不錯🥩叉燒好好食，必試😋沙翁好好食，有人埋嚟剪，必試🦐蝦餃好食，好熱🐷豬潤腸好食，老人家喜歡🫔春卷好脆🍰千層糕不錯🐥煎糯米雞好食，冬菇味好香，外面脆脆的👌宮廷荷花酥可以一試

上次walk in食咗閉門羹等極都無no show客今次打去問有咩日子俾到我即刻叫媽咪請假提早食冬至飯😂😂✅豉油王魷魚鬚$58 ：惹味✅勾魂叉燒$188： 厚切～侍應哥哥現場再幫你燒到燶邊點埋脆米食無咁膩😉✅沙薑雞半隻$248: 媽咪鍾意食本地農場機～皮唔厚唔肥 無乜肥膏✅薑蔥魚頭煲$168 ：炒得好香💕不過魚鱗多咗少少✅柚蜜咸檸骨$168: 啖啖肉 柚子味好突出 👏🏾滿意✅金銀蛋浸時蔬 $138: 蛋嘅份量超多 上湯清甜一定要食炸蒜✅蛋白薑米蒜香蟹飯$288 ： 大大隻肉蟹肉質鮮甜 好新鮮🫶🏽蟹鉗太大 自己難以夾開最終叫廚房幫手開 ～可惜荷葉味唔夠 飯未算好香茶芥$28 @人

米芝蓮中菜，10點半開門，10點後攞飛已經要11點先入到，可見受歡迎程度，晚上食中菜，早上食點心第一叉🐷叉燒係大圍小館名物，基本上每枱都會有一碟，厚切叉燒好軟腍唔乾身，半肥瘦再加埋麥芽糖醬，令人一試難忘。夜晚仲有另一食法，名為勾魂叉，個人覺得麻麻地，下次再同大家介紹一口金磚🥚🥕一碟得六舊，未食過既會以為係豆腐，但實情係鹹蛋黃蘿蔔糕，鹹香鹹香好惹味，大大舊好有滿足感嘴炮流沙包🥚🥖每一次黎都係唔同字樣既流沙包，每一次都好好食，裏面既餡係流沙奶黃，唔似其他酒樓似流非流或者好水狀，大圍小館既包係好杰身，要好小心咁食，唔係就易流到成手都係，仲食得出有少少鹹蛋黃味韮菜粿🥟出面好多既韮菜制品都冇咩韮菜味，呢一間不單之好多韮菜，仲好香韮菜味，煎到香香脆脆，令人一啖接一啖咁食除此之外，仲有好多好懷舊既點心，例如豬腳筋，牛骨髓，糯米包都好值得一試🤩

📍大圍大圍美食多到數不盡，點可以唔試下呢間咁出名的「大圍小館」，門口掛住幾排紅色燈籠，非常吸睛。距離大圍站只係3－5分鐘步程，地鐵站一出，過條馬路再轉右就到，真係非常方便。今次已經係第二次到訪，有幸試埋點心，價錢一般，但質素同味道都好有驚喜。大圍小館，向來係區內都已經好出名，今年仲拎埋米芝蓮⭐，就更加難排。不論晚市茶市都高朋滿座，平日晚市book位，都要2星期，週末茶市仲誇張，今次訂座早1個月book！今次就帶屋企人一齊飲早茶啦，10：30am到，門口已經排滿wall in 客人，聽講10am 就排晒長龍，遲少少都未必入到座，非常巴閉。鋪面唔算大，不過座位非常舒適。✨茶位$18位，比起一般茶樓係貴，不過一飲就知老細係講究之人，上網睇過，原來佢特地找了一間本地老字號茶莊，入手唔同的靚茶🔺第一叉 （半份）$158 最後仲 encore 一次！招牌菜果然名不虛傳，肥瘦適中，肉質淋滑爽口。第一叉用上「第一刀」，其實係脢頭肉較前端的部份，一隻豬中佔的比例非常少，為較矜貴的位置，未試過高度建議要試吓！🔥🔥🔺一口金磚第二個推介，鹹蛋黃蘿蔔糕，外層香脆，一試難忘。🔺鮮肉燒賣新鮮豬肉造的燒賣，非常爽彈好