大壹燒鵝 (啟田大廈)

营业中

休息中

藍田食黎食去都係個幾間，見到呢到開左間新嘅就試下，屋企人話呢間馬鞍山分店經常排晒長龍，今日黎試下，意外地驚喜，環境乾淨整潔，食物份量多又好味，而且2樓都有幾張大檯，以後唔洗去其他地方食大排檔，一家人直接樓下呢間就得😂我地叫左呢個晚市套餐，有3餸一湯+2碗白飯～一人一碗老火湯，味道唔錯，唔會好鹹，飲完唔會口渴，唔覺有落味精。燒味係呢個套餐必叫的一道菜，話晒呢間野都係食燒味最出名，我地叫左叉燒+醬油雞🐔 叉燒係半肥瘦，完全不會膩，加上叉燒汁，送飯一流～醬油雞剛好係雞脾位，雞肉係真心嫩，雞皮薄冇肥膏，非常好食～值得再黎食👍燒汁薯仔牛柳粒一食個牛柳粒，即刻叮一聲，估唔到呢到整得咁好食，有鍋氣，外面有d焦香內裡肉質好腍，好食👍椒鹽鮮魷呢碟份量好多，係一般大排檔的1.5倍份量，抵呀～炸衣係薄薄的一浸，覺得冇咁熱氣，個喼汁似係佢特登調過，不過我都係鍾意就咁食，都已經好食～

藍田難得有一間燒味茶餐廳開業，身為街坊當然要去試試。「大壹燒鵝」有一般茶餐廳，小菜館的食物外，更有即日新鮮燒製的燒味可供選擇。街坊又有口福了！大壹燒鵝飯 $58  (雙併-加叉燒  加$5)廚房的櫥窗掛了一隻隻未上色，未燒烤的鵝，證明這裡的燒味是店內新鮮即燒的！比起很多大集團在工場預先製作有誠意得多。燒鵝外皮油油亮亮，薄薄的一片，入口相當鬆化香脆，有油脂香。皮下脂肪不多，不會太過油膩。鵝肉香軟嫩滑，完全沒有羶味, 有淡淡的香料味,不用蘸酸梅醬也已夠味美。想不到一間街坊燒味茶餐廳也有如此的水準，令我喜出望外！叉燒有燶邊的效果，吃下去，邊位果然好香脆。叉燒肥瘦相間，肉質鬆化不會「柴」，又不會爆油。雖然顏色比較淺，但滿口都是麥芽糖的微甜，而且有陣陣炭燒的香氣。怪不得是餐廳人氣之選，未到七時半已經售罄了！是晚能吃得到是幸運。不論燒鵝或是叉燒也是暖烘烘的，份外好吃。除了燒味，餐廳其他小菜也頗有水準。柚子蝦球  ($98)薄薄的炸粉包裹著大蝦，空氣感重，口感有點像脆麻花，咬落去嗦嗦聲。蝦球大大粒，爽口彈牙，沒有雪味。與柚子蜜同炒，酸甜醒胃，更能減低油膩感。金銀蛋浸時菜   ($78)本來想吃莧菜，

▶️一直想試佢嘅早餐，之前早餐嘅評語麻麻地，今次難得早起身可以一試🤩沙嗲牛肉公仔麵🍜沙嗲牛肉比得好足料，成日覺得啲茶記畀得兩三嚿沙嗲牛肉令到個湯完全唔夠味🥴，佢夠曬味好正😋，有d似串燒嗰隻沙爹醬，甜甜辣辣🍬🌶️，幾好食👍煎午餐肉炒蛋配多士🥚🍞炒蛋🥚唔算滑，但有啲蛋味；午餐肉正常，欣賞佢唔會好油但都煎得香；塊多士高質，甜甜地，好鬆軟😋😋熱咖啡☕正常茶記咖啡，不過偏苦⚛️聽聞之前老闆換咗批早餐廚，咁嘅價錢比咁多份量嘅沙嗲牛肉同埋塊多士唔係平價白麵包，都真係幾好，以後早午晚三餐飯堂都可以喺呢度😆

原來藍田食茶記都有品質高而且環境優雅嘅選擇，裝修輕奢風格，晚餐可以選擇套餐或者單點小菜，都好實惠。今次我就選擇咗三個小菜，加碗飯，磅飯都好大，兩個人都夠食，如果套餐就可以配埋嘢飲。燒鵝色澤紅潤有光澤。皮脆甘香，肉质软嫩多汁，連擺盆都有心思，加分。黃金蝦肉滑爽甜，蛋黄鹹香嘢味，蒜蓉通菜青綠柔软，夠鑊氣，味道啱啱好。可以加個通菜，炒得好翠綠，好味😋連二樓都有座位，整體來講都好推薦，服務都好好，可以再嚟👍🏻

屋企附近開咗呢間叫大壹燒鵝嘅餐廳，見都幾多人幫襯，就嚟試下佢嘅燒鵝係咪真係咁好食。其實我食過好多出名嘅燒鵝，都冇邊間食完好想返轉頭再食。但係今次我發現呢間嘅燒鵝又幾好食。嗌咗個燒鵝髀飯（其實比普通燒鵝飯貴咗$40）， 但好值，燒鵝髀真係又大隻又多肉，睇見都非常之開胃！燒鵝髀皮脆肉嫩，我食得出八角同好多香料嘅味道，覺得個醃料應該都幾足料，同埋佢嘅鹹度係啱啱好，唔係死咸。最欣賞係個皮食落甜甜地，但又唔係平時叉燒醬嗰種甜，真係好好食。大概夜晚八點幾，轉頭已經聽到話所有燒鵝都賣曬，隔離好幾枱嘅人啱啱先嚟，已經冇得嗌燒鵝，所以大家要食一定要早啲嚟。除咗燒鵝正，另外我要再讚嘅係避風塘軟殼蟹。見餐牌有個避風塘系列，突然之間好想食，嗌咗避風塘軟殼蟹，兩隻138蚊。因為我係兩個人嚟食，諗住一人一隻啱啱好。點知上碟時候發現超大盤，原來係比我想像中嘅軟殼蟹大，一開二都好大隻，我諗係夠四個人食，件件都半隻手掌咁大，覺得超抵食。仲有非常之多嘅炸蒜，真係估唔到屋邨有咁地道嘅避風塘蟹食。熱辣辣脆卜卜，好香口，但要有心理準備真係幾熱氣！餐牌上見倒一個菜式的相幾特別-士多啤梨豬扒，覺得應該係特色菜就嗌咗。鍾意食士多啤梨

▶️一直係藍田都無乜茶餐廳，我本身係好鍾意食茶餐廳😋之前食開大少，點知執咗，依家喺大少原址開，緊係要試下🏃燒鵝飯🍖🍚份量好足，唔會剩係得骨，都多肉，剛好比到肶位🍖😍皮小脆，肉唔會梅同淋，有咬口，都幾香，配埋酸梅醬好食🤤⚛️性價比幾高，$58比咁多肉，仲要今次好好彩俾到肶位🤣如果無記錯，本身燒鵝髀飯要$98🙈之前都有試過佢既炒麵炒飯，都乾身好食👍藍田終於有間幾好既茶餐廳，會成為我其中一間食堂🏠

餐廳分上下兩層，上幾級樓梯便到樓上雅座，樓梯上細心地鋪了地氈。餐廳燈光光猛，全部梳化位，坐得好舒服及卡位私隱度高又有大圓枱可一班人食飯。在上層的櫥窗見到有三十隻風乾中的鵝，店員說燒味是每天新鮮燒製。我們晚上七時半到時，叉燒已經售罄下次要早點來食。大壹燒鵝飯 | $58 雙拼加$5選了燒鵝及燒腩仔雙拼，整個燒味飯給我很大驚喜燒腩仔皮脆，肉間油脂分佈均勻，肉質鬆化。餐廳有心思地用了蜜糖芥末醬，燒腩仔點芥末醬好正。另一個驚喜燒鵝竟然是脾位，燒鵝皮香脆，肉質滑，點酸梅醬又可以餸飯。伴菜是少少甜的榨菜整個燒味飯不覺得油膩，燒味鹹味適中，飯亦香身。柚子蝦球 | $98吸引眼球的一味菜，蝦球炸得好大隻淋上了柚子味醬汁酸酸甜甜，也有些辣椒，微微辣。大蝦十分爽口彈牙蝦腸已處理乾淨，蝦身超大隻。燒汁薯仔牛柳粒 | $98顏色鮮豔豐富，看起來很不錯，牛柳粒肉質腍，不韌身，而且份量十足。薯仔粒外脆內軟。燒汁鹹鹹地，餸飯一流。鹹檸檬七喜 | 跟餐加$11熱朱古力 | $18 (淨飲)熱朱古力用黑白淡奶杯裝，很有茶餐廳特色。朱古力味道濃郁，絕不敷衍。芒果布甸 | $12餐廳竟然有芒果布甸食，還有花奶😋布甸內有果肉

樓下新開了一家大壹燒鵝，從外面看裝修還是挺精緻的，正好今天想吃小炒，就進來試試吧。^_^裡面裝修也不錯，開揚及光猛，通道很寬，座位位置也很大。豉椒炒蜆 $98炒蜆很大碟，蜆肉鮮美，而且食落沒有沙，非常乾淨。炒到好入味，連青椒都炒到好好食，鹹淡也適中。水煮牛肉 $128很久沒有吃水煮牛肉，正好見到菜單有，而且價錢尚可，$128一大盆，上菜時嚇到了，感覺這是4人份量的水煮牛肉🤣🤣。牛肉嫩滑，配料很多，辣度也能接受，鍋內很多土豆粉，吃得很飽很滿足。🥰🥰

之前睇過大壹燒鵝既介紹，最近黎左藍田開分店，所以第一次黎試下。豉汁蒸倉魚$98呢個價錢十分抵食，仲要咁大條，魚好新鮮，肉質好入味。加上豉汁同豉油，好惹味。士多啤梨汁豬扒$88一向食開普通汁煮，第一次試士多啤梨汁味，完全冇想像中咁酸，反而甜甜地好夾，仲有士多啤梨果肉，豬扒調味得好好，好爽口又份量多，岩晒送飯，小朋友都會鐘意蒜蓉炒通菜$68叫左個菜，蒜蓉味好濃郁，清清地燒鵝飯配飲品$58+$7燒鵝燒得好有火候，皮就幾脆，肉就好入味，呢度主打係燒味，價錢份量好ok

行過哩間裝潢有啲似茶記既餐廳，抬頭一望原來主打係燒味。再睇下門口個大menu原來有幾多小菜添，二話不說就入去試試啦。入面分左上下2層，我地被招待到上一層卡位，卡位可以望見下面食客，感覺有啲去左睇歌劇，而且仲可以偷睇到其他食客點左乜嘢食，可以參考下。眼見個個都會叫碟燒味例牌加2個小菜，唯一可惜餐廳可能未有酒牌，如果唔係我估枱枱都有支大啤走唔甩。我地點左燒汁薯仔牛柳粒：薯仔食得出炸過，外皮脆口而且切到細細粒，牛肉粒冇筋入味姜蔥魚雲：魚既腩骨、鮫位、魚皮炸到脆哂再落加姜蔥㨮兩㨮非常惹味叉燒油雞雙拼飯：原本想試下佢地個乳豬，但職員話一早賣哂，下次真係要早啲黎，叉燒半肥瘦不在話下，好少會成條都有燶邊，應該係淋上麥芽糖非常足夠所致，非常香口。

今日放工後來到藍田找朋友，看到啟田大廈地下新開了這間門面很金碧輝煌的大壹燒鵝，便決定來吃晚餐。大壹燒鵝拼燒腩仔瀨粉問了侍應姐姐，知道原來這裡的燒鵝有自家工場製作，上一隻賣完便立即燒下一隻，等了大約10分鐘便吃到了。一上枱時，剛燒好的燒鵝香味四溢，賣相討好，肉質鮮嫩多汁。燒腩仔也絕不輸蝕，皮很香脆之餘豬腩肉亦很入味。瀨粉爽滑彈牙，湯底清甜可口，是配燒味的好選擇。大壹燒鵝脾拼叉燒瀨粉這個燒鵝脾價錢比普通的燒鵝餐雖然高了很多，但我覺得絕對是值得的，尤其是在有比較的情況下。由於鵝脾的外皮比鵝身較薄，燒得更香脆，而且鵝脾肉的份量較多，肉質亦更為嫩滑，上昇了一個檔次。叉燒亦不惶多讓，肥瘦適中，嫩滑香甜，蜜汁的香味令整體的質素生色了不少。椒絲腐乳通菜吃粉麵又怎少得一份油菜，所以我們便點了一份通菜，用了比較傳統的做法，就是以椒絲加腐乳去製作，腐乳配通菜當然是最佳的組合，香濃的腐乳滲透了整條通菜令味道更為濃厚。

我無幫襯堂食，只試過2次外賣。2次都係5:00-6:00pm 時段。第一次叫咗小菜：士多啤梨豬扒，我係去到先落單，收銀竟然話無呢個小菜。哈。。。呢個算係佢呢間店既 signature dish，竟然話無。好彩另一位高級既員工話有架。預咗要等廚師炒，等20分鐘，我接受。不過店外是食風位，行人路比較窄，我地企係度等，係會阻住等巴士既乘客 or d 人穿穿插插。第二次係上星期日叫下午茶餐，今次有備已戰，打電話落單。可惜有鵝c既炒粉飯麵都無得供應，話無鵝絲，無計，只好轉雪菜肉c炆米 & 福建炒飯。咁我過咗10分鐘就去到，心存僥倖以為今次可能5使等多10分鐘。先去收銀俾錢，拎咗飛，見到我個冧巴既飲品已 ready，但侍應話主食未得，要等，於是又行出去食風。過咗10+10，平咗上次紀錄，仲未見我個主食，我果2杯熱飲都變溫了。。。。再過多10分鐘，透過大門邊位既玻璃見到原來係枱面既2杯飲品被入袋，心諗30分鐘終於有啦。。。點知侍應 pack 完放埋一邊，無出來叫籌。我於是又透過玻璃下外賣冧巴。。。。係我既冧巴。我行入去問仲乜pack 好5叫籌，佢竟然話我未比錢。我話5係化，我手上有單喎。佢話單上有

「大壹燒鵝」在， 今天到順路享用午膳。餐館樓底很高，一半地方做樓上雅座， 我們選擇樓面大堂卡位。 我楝好燒鵝髀乳豬雙拼飯，但可惜乳豬與燒腩都售罄，我改要燒鵝髀飯&鹹檸七喜。閃亮的燒鵝髀立刻安慰了我的失落感， 啖啖脆皮肉香，大大碗白飯吸收燒鵝汁，甘香回味，還有鹹脆榨菜絲餸飯，美味極了！鹹檸七喜幫助我消化，朋友的熱朱古力。朋友的咕嚕肉飯也是很大份量，我們太投入聊天，落單時候忘記順帶一聲「少飯」啊！我分享一塊咕嚕肉，肉質鬆軟，沒有厚厚的粉漿，棒呀！飽啖一頓，我仍覺得意猶未盡，外賣半斤叉燒回家晚飯加餸。

最近新開係藍田大壹燒鵝見到外面掛住燒鵝，同埋睇個招牌就知有燒鵝食。門面招牌大大燈光都好易就搵到。原來每天限量係店內製作，每次都係少量烤製確保新鮮保持味道店內分了上下層樓底夠高， 環境同座位都比較舒適，燈光都幾光猛。午市都有好多選擇，有中式套餐燒味三拼 (例牌) HK $168揀左(叉燒、油雞)及燒鵝+$30一定要食下呢個招牌燒鵝來到實在太香，遠遠已聞到油香味鵝既表皮入口香脆充滿油香味，而肉質嫩滑有層次感，就算不用沾酸梅醬也非常好味，油脂比例好適中。我至愛既叉燒，半肥瘦又香不油膩，而質感軟腍烤得好香更帶有少少燶既邊，食完再想食真係好回味。油雞用新鮮雞製成，浸上秘製油雞水兩次仲令雞皮既顏色均勻，仲食到麥芽營糖甜味，油雞香滑雞嫩多汁，入口彈牙都不覺油膩， 燒鴨沾酸梅醬，而油雞沾蔥薑油。XO 醬乾炒爽肉河 HK$60爽肉用了豬頸肉片，炒河真係好夠鑊氣好香而且又乾身，入口完全唔會覺得油多層次的口感又有少少XO 醬微微辣既味道雪菜鵝絲炆米 HK$60雪菜鵝絲炆米真係比較少地方食到，呢碟真係非常不錯，不油膩不會濕， 而且每條米粉非常幼身而且不會又斷又碎，水準好高。凍奶茶、凍檸茶味道夠香濃。店舖既店員

每日買完餸，都會係呢間大壹燒鵝門口等巴士返屋企，每晚見到一隻隻燒鵝掛係玻璃廚窗上，見到都好想食。今晚唔駛煮飯，終於可以食到了。餐廳分2層，坐位間格都幾闊落。燈光火猛。感覺都好乾淨。餐廳職員禮貌超好,入到餐廳職員帶我地上上層。坐低就立即望望餐牌，食物有好多選擇。講明“大壹燒鵝”當然要食燒鵝啦！燒鵝下庄，即係燒鵝肶位置$148燒鵝用了一個好靚嘅圓盤盛裝。燒鵝肥瘦剛好，有肉地，肉質又嫰，而且燒鵝皮燒到又脆又香，肉汁豊富，鵝肉唔靭，好有鵝味。原本想叫一碗賴粉的. 不過賣晒, 所以叫了一碗白飯。柚子蝦球$98原本我係想叫黃金蝦球的. 但點知叫錯了, 叫了柚子蝦球. 但錯有錯箸. 柚子蝦球甜酸味調校得非常好，柚子香味濃郁，而且大大隻蝦球，蝦肉又爽。紅燒豆腐$68滑啫啫豆腐，有大概10件，有鮮冬菇及低部有菜芯，憲汁香濃但不會杰。大壹燒鵝係唔需要加一服務費的.