大壹燒鵝 (登輝大廈)

营业中

休息中

行街行開銅鑼灣，朋友口痕想食燒味，即刻帶佢黎呢到坐低。以往都食過大壹其他分店既出品，間間水準都平均的高質，唔會間間質素不一。 當日叫左三樣野：上庄燒鵝($128)、一個套餐（要左單拼叉燒）($78)及一個燒腩仔瀨($58) 落單後食物小快就送到，先講燒鵝，當日叫左上庄，鵝算大隻，外皮燒得飽滿，食落皮脆不韌，皮下脂肪經燒烤後有但不會過多，唔會食兩舊就滯，而鵝肉入味又不會過老。酸梅醬調味偏甜，食落亦有開胃之用。唯一可改善既係燒鵝汁可以比多小小／分開兜上。 叉燒要左半肥瘦，餐廳用上梅頭肉燒製，每舊都有肥有瘦，不會全舊肥膏。叉燒入口充滿玫瑰露香，調味較甜，送飯一流 燒腩仔肥瘦分明，皮外脆而鬆化，肉不會死咸，配上餐廳既芥末食一流。 餐廳包一碗飯、老火湯、油菜及飲品，食完包飽。 餐廳總括黎講燒味水準高，價錢係銅鑼灣唔算貴，平時嗌外賣斬料／想食燒味都推介。

今晚約左朋友係銅鑼灣晚餐，因為朋友不能太夜返屋企，所以我地決定食個快捷輕便既晚餐朋友愛食燒味，所以我揀左登龍街呢間「大壹燒鵝」之前都有食過，水準穩定高質，保証朋友不會失望餐牌貴精不貴多，主打燒味！呢個餐抵食，有湯有飯有菜有飲品，雙拼同價QR code落單非常方便，叉燒還可以自選肥瘦湯好飲，好夠熱又大盅，味道清甜，最重要係，不是味精湯，飲完沒有口乾乾燒腩仔拼叉燒，另加咸蛋半隻叉燒燶邊蜜味；燒腩仔皮脆肉香，咸蛋黃出油叉燒拼盤燻蹄燒鵝例牌上庄燒鵝真係無得輸，完全唔洗點醬都一樣超正，最原汁原味咁食份量十足，啖啖肉；皮脆，入口充滿油脂香，好正，平時唔食皮既我也難以抗拒肉質一d都唔鞋，口感結實有鵝香，話佢世一都唔誇張淨係點返個碟d汁已經非常好味！大滿足

要做出好吃的燒味並不容易，要做到令人留下深刻印象的更是罕有。最近開心新發現的就是位於銅鑼灣鬧市登龍街的大壹燒鵝。相約同樣想吃燒味的好友，各人各自點了一份店家推介的燒鵝套餐($78)，另外加了半隻鹹蛋($5)，套餐包含的相當豐富，還配備了郊外油菜，白飯及老火湯一客，性價比甚高。主角燒鵝的味道絕對稱得上「外脆內嫩，油而不膩」，啖啖肉，愛吃肉的朋友絕對一試愛上！此外我們還點了三拼拼盤($108)，拼了燻蹄、油雞和叉燒，本想點燒肉，可惜一早已售罄了，建議想吃的朋友早點去到。三拼拼盤貌相討好，媲美高級餐廳出品，叉燒肥瘦均勻，絕對是人見人愛的半肥瘦。油雞和燻蹄也不錯。店員友善，食物出品高質。燒鵝專家實在實至名歸！

銅鑼灣有好多燒味餐廳，但係要搵一間好食嘅，就唔係太容易。難得見到呢一間，開喺登龍街，裝修都幾靚，見到佢掛咗啲燒鵝喺出邊，同埋亦都有報道講廚師點樣去整燒味，覺得好有心。一於試吓，我哋叫咗兩個二人套餐，唔使$100 ，有燒味雙拼，油菜，飲品同埋老火湯，好抵食！除咗燒鵝出色，我覺得佢嗰啲豉油雞同叉燒都好好食，叉燒份量好多，半肥瘦，配埋飯一流。除咗飯之外，仲可以揀懶粉，好好食呀！我哋仲叫多左一個口水雞，雞髀好多肉，亦都夠麻辣，Nommnommnomm

銅鑼灣大壹燒鵝幾出名燒味，尤其就係燒鵝！餐廳還有個幾抵食燒鵝套餐，燒鵝拼燒味，有湯有菜，有飯都係$78,都幾抵食！燒鵝油香回甘，肥而不膩！鵝皮幾香脆，肉都夠嫩！ 燻蹄富有彈性，qq彈彈幾好食，再配上 醋更增香氣！十分磁味油雞肥叉燒腩仔飯，我最鍾意食肥义la, 肥叉帶有燶邊，焦香感夠惹味，肉質夠香夠肥美，肉質鬆軟好淋好好食， 燒腩仔皮香夠脆身，卜卜脆好正肉質又唔柴口，飯旁有 榨菜幾好送飯！呢間 d燒味燒鵝堅係幾正，果然不錯。

成日經過都總會見到好多人買外賣，搞到我都心思思想試下探個究竟，今日約埋朋友一齊去試試先😍😍叫咗唔少燒味，價錢相宜但質素高，絕對會係有返食機會🤤先嚟個油雞米 - 油雞帶有香味、色澤均勻而有微微甜豉油但唔會過咸。燶邊蜜汁叉燒 - 不得了，用上半肥瘦梅頭肉而帶一層肥一層肉，食落帶層次但無肥膩感。蜜糖香有少少桂花，所以有花香味。重點係燶邊！！！！如果再燶多少少就perfect la🤭口水雞 - 雞件多而嫩滑，啖啖肉。辣汁先係重點，食完一件又一件，仲可以撈飯食🤤題外話，啲姐姐好Nice，主動比碟我哋放骨🤌🏿

事源係咁嘅，話說我用OpenRice叫外賣自取得，叫餐4樣野。1.叉燒燒腩仔飯2.燒腩仔油雞瀨粉3.叉燒湯瀨粉4.燒鵝滋味全餐好喇 電話落完單冇耐，大概5-10分鐘後大壹就打過黎話冇哂燒腩仔，叫我轉其他，我話俾我諗下先，同埋要問一問我啲同事先。但打電話俾我嗰位姐姐就好唔耐煩不停吹我，問我轉咩啊？冇燒腩仔啊轉乜？我同位姐姐講不如我1分鐘後打俾你。到我打返電話俾大壹，又係位姐姐聽電話。我同佢講我諗好轉乜喇，咁我就由第一個餐開始講起啦 1.轉油雞 我都未講完下一句嗰位姐姐就閘住咗我 又好唔耐煩咁話:係咪全部轉晒油雞啊，我同佢講姐姐不如你聽我講晒先啦，然後就開始逐個逐個同佢講。好喇，去到攞外賣嘅時候我已經問佢哋係咪齊㗎啦冇執漏？負責執野個姐姐同我講係呀齊㗎啦！到拎到返公司 嘩一睇就把幾火，4樣野錯3樣。第1瀨粉無啦啦幫我轉咗做米粉，第二燒鵝套餐竟然冇比燒鵝我。咁我就二話不說打去餐廳啦，同佢反映返呢個問題，我話我係xxx(單號) OpenRice自取，我姐姐一聽到就問我”又點呀” 我即刻同佢講乜嘢又點呀，我叫咗個餐你哋送漏咗咪打過嚟同你講，個姐姐聽完之後,我隱約聽到佢同同事溝通左一輪，然後過返嚟

朋友熱烈介紹，又話米芝蓮，又話好正，今日即管買一斤叉燒回家吃吃！去到門口，發現每日有不同燒味特價，星期一就係特價＄148 一斤肥燶叉燒，比平時優惠$20 ，心想是否要等到下星期一才來買呢？最後決定，一場嚟到，唔好理咁多，照買＄148 一斤！ 回家與家人一起打開看一看， 真係俾叉燒嚇親，點解咁燶，咁黑，後悔，但睇真d，人哋廣告寫住肥燶，睇到一半肥一半瘦每塊叉燒都係一半半，正正方方，好似砌疊出來，要望多幾眼才覺得順眼！車程用了半小時回家，即刻吃吃，叉燒溫度仍係暖笠笠，食落口好正，完全唔覺得黑色部份係有燶味，沒有喳，點解咁神奇嘅，可能我真係好少食到咁靚叉燒，最後，未正式開飯，叉燒已食完七七八八了

我平時喺登龍街食飯，主要都係食米線多，今次試吓去食燒味！🤭🤭🤭呢間燒味舖比平時啲燒味舖乾淨啲，真係似返一間餐廳咁😂😂😂好彩唔算好多人，七成滿座左右，我哋都仍然可以坐到卡位呀🥰睇咗餐牌，樣樣都想食，又想食油雞，又想食燒鵝，又想食叉燒，又想食燒腩仔😂由於燒腩仔已經賣晒，所以我哋少一個選擇。於是，我老公就叫咗油雞燒鵝套餐！而我就叫咗燒鵝咸蛋米粉，然後再叫咗一個例牌叉燒🤭不得不讚嘅係，佢嘅米粉好好食，唔似平時啲米粉，佢有少少曲曲地，唔知呢隻叫咩米粉呢！勁好食！！最最最好食嘅就係叉燒，肥瘦分明，再配上少少燶邊，超級好食！🥰🥰🥰燒鵝套餐都好抵食，佢包咗一份油菜同埋例湯！鐘意食少少菜既可以考慮叫套餐😉而燒鵝嘅皮我平時唔食嘅，但係呢一間，佢個皮好juicy，皮連埋肉一齊食好好食🥰🥰🥰今日實在太滿足，佢嘅價錢唔算貴，性價比好高，絕對有下一次，下一次一定要試吓燒腩仔❤️👍🏽

之前同朋友食過幾次在藍田食過幾次的大壹燒鵝，原來在銅鑼灣有分店，而且正正在工作地點的後兩條街，真的覺得走寶多時，因為我我對這個品牌有非常好的印象，幸好而家發覺都未算遲，今日仲可以同老婆一齊試試。原來銅鑼灣分店是以燒味為主打，而藍田則有更多小菜選擇，不過反正之前都沒有試夠他們的燒味，就叫他們兩份招牌大壹燒鵝套餐，套餐已經包括了一份蔬菜，一個老火湯，一份燒味雙拼或單拼和白飯。再忍唔住叫了一份口水雞。大壹燒鵝燒鵝真的無得頂，比較我想像中的鵝皮更加乾身脆口，咬下真的有*嚓*一聲，皮下有一層薄薄的脂肪，帶出鵝獨有的騷香，燒的火候控制得剛剛好。難得是鵝肉依然保持非常嫰滑，依然有水嫰的油脂肉汁從每一啖鵝肉滲出，甘香可口，不負招牌之名。皇牌叉燒外表帶有微燶，配搭叉燒塗面醬汁的微甜，實在非常享受。叉燒是半肥瘦，咬落非常軟身，肉汁油香互相交替，每一啖都不捨得太快吞下，慢慢咀嚼這份味覺的享受。金牌燒腩真的無太多次食燒味每款種類都如此高質，這裡絕對是一個異數。燒腩仔一上枱已經因為那美麗分佈的油脂和肉所吸引，更加絕是那塊燒得剛好酥脆而且入口即化的燒腩皮，味覺和口感同樣震撼。口水雞相對地比較穩陣的菜式，雞件都能夠

大壹燒鵝套餐 (燒鵝+燒腩仔) $78燒鵝味道正常，但肉量偏少。燒腩仔皮脆肉嫩，一d 都唔嚡雙拼燒味米粉 (油雞+叉燒+半隻鹹蛋) $63米粉勁大碗，油雞嫩滑，唔會好肥。半肥瘦叉燒好入味好淋， 帶少少燶邊好香口，肉質唔會乾爭爭

近排出差銅鑼灣, 女友小熊今日亦都係銅鑼灣收工, 於是約埋一齊係銅鑼灣食晚飯.中午係華嫂食咗個唔多滿意嘅叉燒, 心有不甘, 係要食到個滿意嘅叉燒先滿足, 於是去咗登龍街大壹燒鵝.點咗叉燒同燒肉係例牌之外, 當然去到大壹燒鵝就緊係點燒鵝啦!叉燒用上五花腩, 有肥有肉有燶邊夠甜夠味, 我對叉燒嘅要求, 哩碟叉燒全部條件齊哂, 叉燒入口鬆軟, 連我大愛嘅蔥蓉都唔需要點, 已經夠入味, 燶邊叉燒更加係神來之筆, 依家個個嗌注重健康, 什麼什麼燶叉燒話無益有害, 攪到燶叉好似生人勿近, 唔係間間燒味店有供應, 食到的話好似中獎, 所以, 食完舊燶叉即刻滿足翻中午嘅失落感.我唔中意食燒肉, 一來燒肉底好咸, 二來燒肉肉質太實變得口感又硬又柴, 最後如果皮唔夠脆必定死罪, 由於劣品燒肉實在太多為免失望索性唔點, 但大壹燒鵝嘅燒肉將以上嘅缺點完全消失, 味道唔係大咸而適中, 外皮脆口而肉質鬆軟, 咁先至係一件好味嘅燒肉囉!燒鵝相信係啱啱燒制完成, 因為燒鵝仍暖, 第一次食暖嘅燒鵝, 原來好味好多, 同攤到凍哂係燒鵝完全兩回事, 鵝肉唔韌唔實超嫩滑亦十分 juicy, 皮脆，亦都唔需要點甜梅醬都好入味好

大壹燒鵝 (登輝大廈) (銅鑼灣)銅鑼灣登龍街36-48號登輝大廈地舖我想說大壹燒鵝嘅叉燒比燒鵝更出色(我是叉燒控）可能因為我唔中意食肥膏所以燒鵝對於我來講油咗少少但佢哋嘅叉燒確實非常出色！有得俾你揀 肥定瘦 識食一定揀半肥瘦一層肥一層瘦咁 仲有濃邊 叉燒蜜汁甜度適中用黎送飯一流！另外我仲叫咗口水雞口水雞非常嫩滑唔算太辣如果想食懶粉，燒肉記得早少少去我6:00去已經冇晒唯一一個缺點就係冷氣太太太太細我食到流晒汗🤣🤣

銅鑼灣登龍街出名多餐廳，選擇多，質素亦高，今日第一次到這裏試試出名的燒鵝及其他燒味， 果然沒有令人失望，除了燒鵝外，其他食物質素都非常高質。昨晚去到餐廳已經滿座，入座後我跟朋友各點了一人餐，另外加了一碟口水雞。叉燒蜜汁叉燒半肥瘦，肉質淋身而又有爽口口感，尤其是肥肉位置非常香口，高質素。燒鵝燒鵝皮烤得脆口，未入口已聞到香味，而且色澤有光澤，加上肉質軟熟，皮肉間有一層啫喱狀，充滿油香，食一啖令人齒頰留香，絕對是色香味俱全。油雞及口水雞兩者雞肉都非常滑溜，有雞味，雞皮不會太肥或過於油膩，油雞的鹹香味亦好食。而口水雞就辣度適中，即使不能吃辣的朋友也可以一試。燻蹄肉質爽口彈牙，肉味濃郁，味道鹹香得宜不會過咸，豬皮位置有濃濃骨膠原的感覺。老火湯個人很喜歡的一個例湯，湯內材料豐富，有雞腳、豬肉件、節瓜等，非常足料。即使是套餐附有的例湯也落足心機，絕不欺場。總括而言，這間餐廳的燒鵝高質外，其他燒味質素亦屬於上級水平，整個套餐有湯、飲品、雙拼燒味、白飯及青菜，價錢相宜，性價比高，絕對值得再來光顧。

啱啱去完旅行兩個月，想食返啲香港地道嘅食物，所以就特登嚟大壹燒鵝食燒味。大壹燒鵝有別於一般燒味舖，裝修更有心思，更以Tiffany blue為主色～大壹燒鵝滋味全餐 （$78）單拼同雙拼同價，我哋就揀咗貴妃雞同䗼蹄。套餐仲包括一碟油菜，一碗絲苗白飯同埋老火靚湯。老火湯冇乜味精，飲完都唔會口渴。油菜份量適中。䗼蹄微酸開胃，啱晒夏天食。貴妃雞雞髀肉嫩滑，滿意！燒味三拼（$108）我哋叫咗油雞、叉燒，仲加咗$30轉燒鵝。油雞一樣係雞髀，而且鹹淡適中。叉燒燒得啱啱好，有少少燶邊，肉質軟腍，鹹中帶甜，正！我地仲額外叫左碗河粉（$20），麵質微韌，一d都唔軟爛，期待以上！