大滿屋日本料理 (已結業)

放工之後, 同一班朋友一齊到觀塘食好O野, 見到推介呢間放題就入去睇下。入到去就見到人山人海, 裝潢比人感覺乾淨醒神, 好有高級餐廳O既感覺, 而好好好彩O既係等一陣就有位啦。刺身O既選擇有好多, 螺, 油甘魚等等, 全部都好鮮甜。而且我最鐘意O既係魚生全部都係厚切O既, 唔會太薄而冇哂口感。壽司同卷物都整得好靚, 好多唔同款式O既壽司都有提供, 壽司細細份, 試到唔同口味又不至於太飽, 可以食多幾ROUND。小菜卷物方面, 我特別鐘意食海鮮, 而魷魚就係我O既至愛。呢度O既炒魷魚鬚雖然有少少辣, 但係就好脆口, 好好味。另外O既串燒都係唔錯O既選擇, 尤其係日式蕃薯, 細細粒但係好甜好腍, 好似食緊甜品咁。 煮物都有好多野揀, 牛肉壽喜燒鍋就足料, 無論牛肉定素菜都唔會太失衡, 非常惹味。成晚我最滿意O既就係蟹粥, 除左O的粥好綿之外, 仲用左一隻蟹黎煲, 好難得而且仲好好味。甜品方面, 餐廳用左細器皿, 所以大家可以淺嘗即止, 唔會好快膩。但係我覺得甜品O既曲奇木糠布甸就好好味, 入口即化, 唔小心仲叫左幾次黎食。

我地係下午2點半光顧的，當時已經冇乜人所以幾時入得。一行6人叫左$78牡丹蝦皇魚生飯，$78香蔥拖羅容魚子魚生飯，$98刺身定食同埋$88壽司定食。首先呢就價錢方面絕對唔係平啦，咁我地expect佢應該都係用比較靚少少嘅料。不過我地錯左。我地忘記佢係做放題的，佢d料只係平時旺角d 放題一樣，用d cheap cheap 魚生，真係失望。下面，5分最高分，0分最低分拖羅蓉，係冇拖羅香味或者甚至連吞拿魚味都冇，即係連冰鮮都好味過佢。Actually 你唔話我知係拖羅蓉我真係唔知我係食緊乜。還有，拖羅蓉我唔知點解會有一堆根喺度，食魚生食到要塞牙縫塞得咁多都係第一次。0分三文魚，都係冇乜味的，我去爭先金太郎食嗰d，唔算新鮮但都叫有d 魚味。其實三文魚咁多食材裡面來貨應該比較平的，不過餐廳連三文都選d咁嘅貨色未免太鏗了。0.5分帶子係苦的，不再多講了。0分三文魚子，蟹子，還可以。3分甜蝦，好一般。2.5分牡丹蝦，除左size大d之外，都係同甜蝦一樣，一般，好一般。2分油甘魚，唔錯，這恐怕係我唯一覺得對得住個價錢的東西了，如果全部都係油甘就好了。4分北寄貝，唔該，呢舊究竟係咪擦紙膠扮出黎咖...咁

生活於觀塘，好少見呢度有出色放題。喺apm隔離終於開左間，上到去位置都幾闊落，唔似一般放題咁逼。放題紙好豐富，主角率先上場！好大煙嘅刺身~~~刺身船種類豐富任君選擇，三文魚、甜蝦、帆立貝比較出色鮮甜。另外都幾欣賞芝麻雞翼，又香又脆雖然係放題，但壽司都唔馬虎，做得唔錯。有甜甜的海膽都好難得手卷細細舊，淺嚐又唔飽肚，抵！

牡丹蝦魚生飯($78)Lam脷: 2.5/5抵食: 4/5相機: 3/5呢個刺身飯lunch set幾抵食, 除左刺身飯仲會跟湯，小食同野飲刺身飯舖滿粒粒刺身主要係三文魚，多就夠哂多，不過食落一般，唔太新鮮反而隻牡丹蝦就不錯好大隻，呢個價錢黎講算不錯ge

最近one Pacific開左間日式食店，觀塘工商業區真是沒有什麼日式食店的，有一間，但上了兩次去都係貴而唔飽的，你知啦，我地呢啲打工仔，要飽飽地先有動力做埋下午既工作嫁嘛………嘻嘻！餐廳有微微俾人覺得自己去左海龍皇餐廳咁，裝修藍藍地又有好多魚既裝飾，地板係我喜愛的拼圖款式。飲品有多款選擇，除左有汽水外，仲有多款道地飲品，同韓式飲品，當中我同事話罐裝飲品更好飲。我就叫左刺身飯套餐。前菜已經很豐富了，我有的係八爪魚仔（同事有螺仔or素魚翅），蟹子沙律同海帶麵豉湯。海帶麵豉湯好多料，有豆付，大量海帶同絲絲蟹柳，欣賞佢唔會好咸，加埋啲料，成個湯味道温和，有點舒服既感覺。主菜終於到了，外觀都很吸引，每份都拼得有心思。除了有一片片的刺身外，還有切粒的三文魚，飛魚子，魚子和牡丹蝦。三文魚很肥美同新鮮, 另外有魷魚片，有少許沙粒的帆立貝，同有啲根的吞拿魚（我地幾個的都係有根的），有兩片玉子同最誇張的是牡丹蝦，真是很大隻，我地都話要三啖先食完一隻，超鮮甜，少許彈牙同呈起膠狀，上次在一x日本超市的food court單點一隻牡丹蝦要三十六元，呢度真係認抵！成盒飯放有滿滿的刺身。我們全部人都很滿意，已pl

朋友說近期她家附近開了一間放題，好耐無食放題的我地就去試下。朋友真的無選擇錯誤，非常有驚喜的餐廳。無論坐位或店內佈置都好舒服，我們被安排坐在卡位位置。食放題點少得食刺身呢？有三文魚，鱆紅魚，呑拿魚，油甘魚，八爪魚，鮑魚片，甜蝦，玉子，帶子刺身等等。我喜歡此店厚切三文魚真的非常新鮮令人胃口大開。甜蝦及帶子是我的最愛😍😍蒜片牛柳粒製作入味而且不太硬配上蒜片炒香，分外惹味。帆立貝北海燒有濃濃芝士內含帆立貝經過焗製面脆內暖。日式蟹粥🙆好好味，原隻蟹肉加上綿綿粥最重要不太咸。食多幾碗都不怕，不怪得是必食之選。壽司方面極有特式：黑松露三文腩，火焰鰻魚，火焰虎蝦，花之戀人，玉子份子海膽軍艦，北海道帶子蛋卷，海膽親子花之戀。所有壽司不太大件岩曬我地女仕們細胃口又想吃多選擇。甜品及飲品種類令我喜出望外。甜品：芒果糯米糍，曲奇木糠布甸，美式芝情，浪漫二重奏，巧克力吉士泡芙，紫薯粟子撻。我喜歡曲奇木糠布甸，濃濃曲奇碎細細杯能夠做到一層一層真的好不容易。浪漫二重奏是心心士多啤梨汁唧上甜品面上非常特別。芒果糯米滋大粒芒果肉配上椰絲一流。芝士迷必食美式芝情，超重芝士味能人食指大動。喜歡吃芝士的你別錯過。形容一囗巧

朋友和妹妹都想試呢間新放題.因為五點半至七點半時段第二位半價.除開每人184元左右.約齊飯腳準時到達未夠五點半上到去了,店方也很好未夠鐘己安排入坐,終於不用站在鋪外或街上等了.入到去立刻劃紙叫食物.食物未到先自取飲品..坐了一陣子後,食物仲未上,眼見隔離枱遲過我們到達,己在吃刺身,而我們只乾等,心裏己不是味兒了..等呀等,食物終於到達.可惜上來的不是刺身..也不是小食.而是估都估唔到的蟹粥.OMG,蟹粥...之後來的也是熱食-竹笙蟹皇翅....第三樣海蝦...第四樣來終於是手卷,終於可以有凍的野食了.....由於只有四人關係,好多野食都食唔到了小食:味付八爪魚夠大隻,爽口....魚翅海哲撈夠味.反倒泰式生蝦味道一般.刺身:最好味三文魚和甜蝦.三文魚味香.蝦鮮甜又夠大隻...白海螺刺身爽口...八爪魚刺身,唔會好韌..其它刺身表現平平.尤其帶子雖然大粒,但唔夠鮮甜..吞拿魚無味...希靈魚更是奇怪,我見識小,只見過黃色,無見過橙紅色的,樣子太奇怪,沒有人敢食...手卷:海膽手卷,海膽唔鮮甜,但無臭唔太腥味道都合格...要讚手卷夠細,的的骰骰可以試多幾款壽司:試了天使蝦,北寄貝,黑松露三文

約左朋友放工去觀塘食放題搵左呢間新開既大滿屋位置都好方便，就喺apm隔離一出𨋢，就覺得入面覺得好靚呀好豪華，牆上佈滿金色既魚成間野銀色都幾grand..我地被分配坐卡位坐得好舒服，成間感覺好乾淨急不及待走去飲品自助區度睇下大部分都係我中意既韓國飲品，汽水之後望下甜品嗰度，除左有糯米池仲有兩款韓式雪條冇記錯的話..我之前7-11買蜜瓜嗰隻雪條都成$20枝呢度竟然有得任食刺身拼盤好正呀，勁足料，塊塊都好厚切個拼盤砌得好靚一d都唔hea..有哂佈景條魚好得意，個咀噴煙嫁食落全部都好新鮮推介北海道帶子刺身同三文魚因為2樣都好新鮮，大大件平時食放題d刺身一係黎唔足，一係好薄呢間真係落重本，刺身都成12款有得揀另外甜蝦食落都好甜美, 好creamy款款壽司都好似好好食咁因為佢唔係普通壽司，全部都有特別款好多配搭，e.g. 有芒果，花之戀人，海膽親子花之戀...壽司黎到有驚喜，細細件好的式一啖就食得哂，所以可試多幾款唔怕比壽司塞飽我最中意係火焰蒜香牛肉壽司日式蟹粥係之前見過有人推介真係唔錯，食落甜甜地有成個蟹殻喺度，好多蟹肉好足料食物實在太多款，我講下有d咩係特別好食蒜片牛柳粒，牛肉唔韌，一口一粒好

日式放題愈來愈多，見到雜誌推介，觀塘有間新開放題做推廣，就同埋班fd一齊黎試下一入到去已經見到餐廳裝潢豪華，感覺高尚，環境企理干淨，更令人覺得舒適有8～10人座位，岩哂一大班人坐埋一齊食，座位、通道都闊落，唔會勁迫～ 放題唔少得刺身，刺身一律都好新鮮，選擇都好多，螺有翡翠螺同白海螺，新鮮脆口。推介必食嘅刺身係北海道鮮帶子，鱆紅魚，大甜蝦同三文魚！鮮帶子刺身唔係度度都有，佢有提供之餘，仲要好鮮甜嘅帶子味, 唔係街外無味嘅帶子。鱆紅魚好爽脆，食落新鮮唔韌～仲有少有既鱆紅魚腳, 食落仲爽口鮮甜,呢個真係加唔少分  大甜蝦爽口甜之餘，新鮮到有光澤粉嫩，三文魚不但厚切，魚脂分佈平均，食左落口魚香鮮味仍在口中一品料理蒜片牛柳粒不得不推介！一口size，入口剛好，牛味香濃，唔韌，最重要嘅係唔肥！ 牛脂肪少～燒物推介燒羊架，羊架肉燒得唔老，羶味唔會過份，食落唔覺油膩帆立貝北海燒, 燒得金黃, 外脆, 帶子大粒, 厚肉, 醬汁唔會過多明太子雞翼唔係間間都有，放題黎講都係第一次食到，餡料好豐富，但有好少既辣味，但無減我喜愛程度，會覺得惹味創作壽司，卷物比其他放題既多款，別有新意，帶來新口味，北海道帶子蛋卷

據聞官塘開左間新野，咁一於約埋三個fd踩場試下，一試真是不得了！！！不得了！！！食飯之前，不得不提及該處的裝修，唔知是否我大鄉里出省，我覺得真是好金碧輝煌，特別是牆壁的金魚裝飾，輝煌得來，令人一眼就聯想到日本菜。部分坐位仲可以望到官塘的景色。講完裝修，講翻正題先，無錯，就是食啦！呢個就是四人分量的第一轉刺身，唔知大家會否收貨？本人無論視覺和味覺都十分收貨。味道方面，會重點讚賞三樣：第一是三文魚，唔知大家覺唔覺部分放題的三文魚其實無味道，可能是雪到無味道，或者是本身來貨有問題，我都無深究，總之就是食三文魚真是可以無三文魚味架！不過，今次的三文魚就唔同，雖然我地是食最早的時段，但是三文魚都十分新鮮和有三文魚味，所以十分鐘意食。第二是甜蝦，甜蝦十分鮮甜和靚，沒有那種比師傅剝殼剝到無左個頭咁，所以我地都不斷叫來食。第三樣是八爪魚，有別於一般的放題是薄薄一片的那種，這裡是全部都是八爪魚蘇切粒，咬落十分有口感，不會像薄片個種咁，好似食緊橡膠。視覺就十分欣賞師傅用心的油金魚刺身花，真是唔捨得食。友人表示甜蝦食不停！！！之後開始進食一些主食，串燒呀！炸物咁！落單後，來得都足，而且味道唔錯。不過我同友人

觀塘終於開放題喇！我地一齊去試啦！我記得果日honey係咁同我講。我心諗，觀塘都有唔少放題啦，但我就寧願出去旺角、尖沙咀食，起碼質素有保證吖！你知我啦，放題食咁多生野，如果唔夠新鮮好易瀨野架嘛！但今次honey叫到，點都要捨命陪君子嘅⋯⋯Book左星期日夜晚食，入到去個感覺，間餐廳好光猛，唔係一般的放題走既日本居酒屋風，暗暗黑黑咁，而且座位都好寬闊，唔會密質質郁都郁唔到。第一野梗係嗌番盆刺身先啦！嚟到時真係嘩左聲，原來而家刺身盆景都係濕濕碎，而家有埋噴煙既魚！我上次見既時候係食高級日本野既事啦，見到咁有心思，呢盆刺身加分！點左好多款刺身，款款都好新鮮，個人最喜愛係甜蝦、帶子，甜蝦鮮甜，肉質鮮嫩，而帶子唔會一開十，每粒帶子都好大好厚身，一啖咬落去勁滿足啊！其他刺身都勁鮮，未食哂即刻寫定下張啦！對住咁好味既野，胃口大開，款款都點左啲黎食，我唔寫哂全部，以下幾款我推介必食既：炸物類：芝麻雞翼就放題必食，炸蠔唔會有臭味，呢度仲有紫薯奶皇波波，正啊！見到呢度有簡直雙眼發光！咬落煙韌，奶皇香味夠哂出，最後我啪左4粒以上！燒物類： 推介燒羊架，唔蘇，又唔會燒得乾爭爭，夠juicy！平時唔會叫烏冬呀粥

星期五，晚7點入座，唔使等 新開張，黎試試刺身船 ～ 三文魚，鮮甜，夠厚。甜蝦，一樣夠鮮甜大隻。帶子，唔算大，不過夠甜。鱆紅魚，肉質夠爽，甜，唔腥，like。泰式生蝦 ～ 都ok鮮甜，汁略嫌有點辣海膽親子花之戀 - 海膽甜，唔腥，可以一試特別推介 ～ 黑松露三文魚壽司 - 黑松露味濃夠香，同三文魚好夾天婦羅蝦 - 蝦甜，大隻，粉略嫌厚燒羊架 ～ 呢個like爆 - 控制火候好，外小焦內嫩，又多肉汁，夠香，唔會整得太咸，可以食返羊肉本身嘅香同肉鮮，推介食多d明太子雞翼 - 外脆內嫩，夠香，小辛辣，燒得好均勻燒牛柳粒 - 牛嫩多汁有牛味，正好多款野食吉列蠔 - 炸得剛剛好，蠔好嫩同鮮，蠔味超濃，有黑松露嘅感覺，你懂的蟹粥 - 蟹多，足一隻，蟹肉甜，鮮，粥底綿綿夠味甜品啦，推介日式糯米糍 - 入面係芋頭味雪糕，正

觀塘食店可以話真的令你眼前一亮，很多改變吾只地方，而食店都變得多種類，所以有時真的看一看有無宣傳單張，食店樓下亞姐好熱情介紹，真的會留意下今次我就見到這張單張都幾好，好強的介绍，就試一試吧！這店真的令你眼前一亮，好光猛吾似一般的日式放題店，好醒神，吾會黑黑的吃放題第一輪一定要吃刺生拼盤，一試就知這店水平如何超級新鲜，三文魚油分高，文理分明，好滑好creamy，鱆红魚好爽口，入口無根吾醒，原粒帶子帶鲜甜，入口即溶，玉子好滑有鲜奶味，好軟滑，希靈魚處理得好好，帶有微酸好開胃，整體水平有八份。第二輪就是開胃沙律和小食，好多選舉，真的太好，吾錯吾錯，合好多心的人，份量適中，可以多叫多樣第三輪就是壽司，我至愛就是花之戀人，蟹子新鲜爽口無醒味,，和沙津酱再加上三文魚，油分高，中和了口味，變得好滑好creamy第四輪就是熱食，這兩類就是我最like，串燒蝦好鲜甜好大隻，加了小小咸味作調味，令鮮味更提升，魷魚鬚爽口帶微甜，再加配上洋蔥作配菜，就中和了肥腻感最後結尾，真來一客自家制的甜品，因為太飽，就叫了三類，下次再來再試試其他吧！是一個happy ending.

一大班舊同學聚會兼慶祝生日，壽星仔知道官塘開了一間新的日式放題店就馬上去試下啦，兩小時任食唔同時間都有唔同優惠，而且視乎人數還有不同的魚類刺身贈送，其實人均都係二百左右，都算扺食！門面裝修幾靚，燈光光猛十足，反而更像婚宴酒樓，感覺頗特別，門口的一邊就有兩個大雪櫃，可樂雪碧橙汁紅茶綠茶隨意自取！而且安排了我們坐窗邊，望住遠遠街景，又是值得加分的地方食放題少不了刺身拼盤，第一回明顯吸引得多，師父擺位心思也是下過一番苦工的，雖然第二回擺得不靚也不影響其刺身質素刺身種類很多，三文魚油甘魚呑拿魚八爪魚甜蝦象拔蚌都有，但最值得介紹是帶子，很新鮮很有甜味，毫無雪藏的味道呢！叫了一些特色壽司，芒果軟殻蟹卷，軟殻蟹似是新鮮即製，因為咬入口還是暖暖的而且很脆口，很正！反而花之戀就很普通，而且一夾就散！再來一些熟食串燒啦，明太子雞翼屬必食推介，雞翼內充滿肉碎還有少少辣的感覺刺激味蕾，很有口感很好吃，我個人就吃了最少四隻！串燒也很好，海蝦和雞腎都燒得很香，而且還灑了一點味粉，吃入口也是熱辣辣的很好吃！幾個大男孩還是要叫一些鍋物填飽肚子，牛肉鍋不太特別，滿滿的牛肉之後就剩下菜和金菇，海鮮鍋就足料很多，有帶子有蝦

好耐都冇食過放題了，見哩間新開又好平咁就一於試下。食左唔小款式嘅野食，以下係比較推介嘅食物。虎蝦，上嘅時候已經拌左醬料，有小小辣，蝦嘅味道都好新鮮。刺身黎講，墨魚同蝦都係我比較中意嘅，好有鮮味，而且啲蝦唔係甜蝦，係比較大隻的。燒物只係食左海蝦，個外殻會比較咸，但剝左之後蝦肉嘅味道岩岩好。海膽親子花之戀，海膽味好出，配合埋花之戀，真係好正，飯又唔係好大舊，一定要試啊。總括黎講所有食物味道都唔差，而且環境同上菜嘅用具都好優雅，好似婚宴式佈置。