好蔡館

营业中

休息中

走入呢間小店，一陣飄香撲鼻，肚仔立刻響起「古靈精怪」嘅音樂。揀咗幾款咸咸地道嘅潮州小吃，首先嘗咗串串嘅魚蛋，外層煎得啱啱好，蛋香飄散🍢，入口唔止Q彈，仲帶有淡淡海水嘅鮮甜，可以話係「百試不厭」！點解冇早啲發現呢家店啊！跟住上嘅潮式煎蠔烙，係料理手法「超卓」，外層微 crispy，裏頭嘅蠔仔鮮嫩到「懵懂無知」，每一啖都係爆汁嘅體驗，真係「醉翁之意不在酒」；同埋啲薄餅皮同蠔仔嘅完美融合，簡直係「眉開眼笑」嘅境界。另外，滷水拼盤一上檯，索得飛起，貌不驚人但呢個「地道風情」，每樣食材都滷得入味，鵝肝嘅細膩口感同鵝腸嘅爽脆比較，形成一種「如詩如畫」嘅對比，唔使食到飽，幾口已經夠整個味蕾「暢遊四海」。要講呢間潮州小店嘅最大特色，就係將普通嘅食材烹調得「鮮美可口」，每樣都有驚喜，令人「回味無窮」。食得係平民價格，但味道卻好似食到皇帝餐！响港島食咁正嘅潮州菜，真係可遇不可求，下次要約埋其他「舊雨新知」，再尋味重遊啦🥢🍲👌。

一直有聽聞呢度係好酒好蔡老闆嘅兄弟，主理嘅平民版，好蔡館，打完8號風球之後特登過嚟撞吓彩數，睇吓有冇位，果然Walk in，就有位啦！原本充滿期待嘅一餐，但係最後比侍應搞到一肚氣！首先建議大家多人會可以叫到多啲嘢食，因為我哋兩個人第一次嚟，所以想問吓侍應有咩推介？點知侍應就話： 係呀，你哋兩個人係食唔到啲乜嘢㗎啦，食蜆啦。然後我哋問佢滷水係咪有拼盤嫁，侍應竟然答我哋，拼盤咪自己拼囉，原來即係叫我哋每樣單點咁拼返起嚟！😅😂其實如果冇可以直接答冇，今時今日咁嘅服務態度真係唔係好得！中肯啲，講番野食我哋叫咗花甲$198 （細）同埋滷水鵝肝 $88個花甲都算新鮮同埋整得好靚，但係味道來講其實絕對係屋企都整到，純粹係加咗啲豉油魚露同埋浙江香醋，灑上芫荽同埋香蔥，食過一次就算！反而個滷水鵝肝做得好好，鵝肝非常之鮮嫩，而且滷水入味，滷水味好濃郁，但係又唔會太鹹，差啲想再叫多份然後我哋又叫咗蠔餅$ 138同埋滷水鵝片$268蠔餅就不過不失啦，同所有去潮州舖頭食嘅蠔餅都係差唔多滷水鵝片嘅份量都幾大，但係啲鵝片就唔會話好嫩滑，正常發揮另外我哋仲叫咗一個比較特別嘅燉湯鹹檸檬鴨肉湯$38味道好特別,估唔到鹹檸

⭕️短評：每次必點烚花甲和蜆肉撈飯，前者用了九層塔、蒜蓉，香醋等去煮，酸甜咸香清新惹味，層次豐富，更勝陳儀興。後者啖啖韮菜香，欖菜香、瓜子蜆香，好吃到停不下來。今次試了韮菜粿和筍粿，用蒸的，外皮軟滑彈性，餡料濃香，筍的爽脆尤其配搭，蘸一下香而不嗆的辣椒油更好吃。另外，蝦米菜脯很香很惹味，配潮州粥吃肯定一流，可惜今晚粥已賣光，希望下次吃到。最後一定以芋泥作結，芋泥保持了濃厚芋頭味，加了豬油做得香軟柔滑。鄰桌點了芋泥溝杏仁茶，原來可以兩溝，那麼下次不用再兩難了。💵Budget: $250 pp (dinner)📍 好蔡館 (太子)太子廣東道1237號地舖

朋友生日飯，book 咗呢間試吓，菜式很普通，有好幾個餸用同一種菜搭配，感覺食嚟食去都係同一款。除咗個蜆之外（係食過朋友推荐）其他真係普通，但價錢偏貴。而且老闆娘只顧住舊客，對新客態度一般。加上朋友生日飯，生日蛋糕存放，食時已經開始溶（係忌廉蛋糕嚟嘅），懷疑雪櫃不是冷藏食品的。切餅費收咗，刀碟都唔俾，叫先拎，仲要掛住同其他客人聊天，忘記咗，要再三提醒。等咗差唔多十五分鐘。整體來講，應該唔會去第二次了

花甲(大)擺盤好精緻, 味道都唔錯既係餐廳其中一道signature. 影相打卡一流不過索價$398, 抵唔抵食見人見智滷水鵝肝/鵝肉片好食, 鵝肝好滑鵝肉片入味而且肉質仲係好嫩鮮魷炒菜鮮魷新鮮爽口潮洲蠔烙完全不合格, 無脆邊, 而且餅底太厚兼無鴨蛋香蠔份量適中鮮蟹肉黃金炒粉絲出色!! 粉絲夠乾身. 蟹肉都多不過鹹蛋黃炒得唔夠均勻上湯魚腐娃娃菜不過不失, 無咩記憶點潮式普寧豆醬蒜頭焗羔蟹蟹蓋同蟹身上面羔既比例唔係好正常有d似後期加工上去咁蟹肉質唔算好靚偏霉身d. 蒜頭好甜呢道今日時價$1200, 唔係好值咸菜胡椒豬肚湯有點偏辣, 不過人人口味唔同湯好足料手磨蛋白杏仁茶出色!!無左平時杏仁茶既藥水味又香又好味福果芋泥少少偏甜, 但芋泥做得好順滑

之前看到app上有推薦這家潮州菜，於是趁著休假和朋友去試下，沒想到未能達到預期。招牌蛤，味道酸酸的，份量好少，198一份。.菠蘿骨，感覺豬肉是冷凍的，而不是新鮮的，不好吃。.反沙芋頭，唯一一個還算好吃的，不過還是甜品，份量也不多

好幾年前到訪過好蔡館兩次，覺得食物質素都唔錯，老闆會出嚟同客人吹水、交流吓美食心得。事隔幾年，好蔡館愈來愈多人提及，可幸嘅係水準冇變👍🏻就連人手寫係板到嘅是日精選都一樣咁潦草，每次都好似驗眼咁估係乜字🤪正宗潮州蠔烙其實係用烙嘅烹調方式，慢火煎至金黃色，咁樣先至會保留到蠔仔嘅鮮味。香脆得嚟唔會得炸粉，蠔仔份量多之餘，仲大大粒。另外，蒸花甲亦係招牌菜，賣相討好，而花甲殼處理好晒，花甲冇沙又入味，味道唔會過咸🐚滷水拼盤又係必點，唔太食嘅部位可以直接同待應講，佢會幫你預份量。鵝肝質感嫩滑，鵝腸處理得乾乾淨淨。潮州魚飯並唔係魚加白飯，只係潮州人餸菜要嚟伴飯🐟將新鮮魚處理好內臟，洗淨抹乾水後，唔使去鱗直接用粗鹽醃，醃完洗乾淨直接蒸再攤凍。當日潮州魚飯係凍馬友，唔算多魚骨，肉質細嫩，油脂較豐富，所以魚味突出，加上醃過後味道更甘香👍🏻韮菜粿同筍菜粿真係第一次試，皮唔算厚又軟，兩者味道都唔錯，筍菜粿會比較特別。咸檸檬鴨湯冇用味精燉嘅關係，味道相當清淡，咸菜胡椒豬肚湯就較濃味，幾適合冬天飲。反沙芋味道幾好，略嫌芋頭口感偏實，食一塊已經滯咗🫣花甲(中) $298潮州蝦棗$198潮州蠔烙 $128手打墨魚腐炆

訂位個陣已經問定洗唔洗留菜，個個同事話唔洗。擔心食唔到招牌花甲仲專登打左次電話去confirm係咪唔洗留，店員都只係話要食蔘同翅先要留，其他都會有。今日去食尋日打電話黎confirm booking 我再問多次 佢都係咁答我。結果走到埋去食，佢就同我講花甲賣晒？剩低剩係識講唔好意思！仲有個同事專登走埋黎講：好失望呀 冇得食 咁下次再黎食囉！ 呢間垃圾再好食都唔會再去，首次體驗極差！咁好心就唔好話乜都有啦 專程過去試 但係得個吉！結果仲要比人串，串完人仲好似唔等生意做咁！

⭕️短評：中環貴價潮菜「好酒好蔡」的平民化分支，這裡裝修平民得像茶記，價錢卻不算便宜，做的潮州菜別具一格，作法細緻，來到當然不會點滷水鵝蠔仔粥那些到處都有的菜式。魚露浸花甲，咸香清新，鮮甜飽滿，用了九皇塔、蒜蓉，陳醋等去煮，調味比陳儀興的更有層次，十分出色。蜆肉撈飯，賣相平凡，但吃下去啖啖都是韮菜香，欖菜香、瓜子蜆香，好吃到停不下來。清水鴨即叫即蒸，肉質不肥不韌，一如其名味道較清淡，我還是較欣賞油香豐富滷汁入味的滷水鵝。芋泥，做得非常香軟幼滑，完美揉合了豬油香向芋香，非常出色。💵Budget: $300 pp (dinner)📍 好蔡館 (太子)太子廣東道1237號地舖

呢個價錢食呢d嘢，唔會有下次囉，又貴又小碟又唔好食，食到一半喉嚨已經乾到死，蠔烙好少蠔，粉絲好鞋。個地方仲好難找，伏到一個點。好評是真心嗎？！？！定是質素不穩定？？

初頭係俾佢個蜆肉吸引咗，所以好想去食。當然個蜆係冇令我失望嘅，佢個汁好特別，唔識得點形容個味道，會令人密密食，食過不停。至於其他小菜都勁好味，特別係個炒飯同反沙芋，推介！

成日聽人講係出色隱世小店, 今次4個人一齊試試佢花甲 (例) - 擺滿一碟已經好有睇頭, 花甲尺寸合理, 海鮮汁除咗豉油、魚露仲加咗蒜蓉、九重塔、小辣椒, 開胃惹味, 花甲新鮮彈牙方利三食 - 三食即係蓀方利同時用咗3料配料, 薑蔥、豆豉、潮式菜甫, 魚肉鮮甜滑溜, 配料就分開定撈埋都好味, 不過呢道菜係貴, 但上碟都超大條, 有拳頭到手踭咁長, 最少要4個人以上先好叫墨魚腐炆白菜 - 第一次食墨魚腐, 比魚腐更爽口更彈牙, 浸住嘅魚湯都好鮮味 蝦棗 - 香口爽彈, 但欠少少蝦味蟹肉黃金炒粉絲 - 蟹肉鮮味唔足, 但好食嘅蠔烙 - 蠔嘅份量好多, 都煎到好香脆, 只係隔油功夫可以做得更好反沙芋頭 - 一咬外層脆糖就散開, 脆糖同芋頭都係偏實 平民小店嚟講味道尚可, 價錢進取咗少少, 期望冇咁大可能會好D 

本來訂了7:30的位，5:00打電話過來確認，我好心說因為大雨，可能計畫有變，六點下班會告知到底能不能來，這家就著急取消我的定位，說不取消我的沒法接台。請問店家只有一桌位嗎？我反覆說，現在只有5點，都沒收工，放工雨小一些就可以來，但她非要取消我的定位。怎麼了，兩位賺不了錢著急改大桌嗎？完全無語，首次體驗都沒進門就極差體驗，再好吃也不會再去。黃雨的天氣，這麼著急取消openrice訂位？？希望生意興隆吧呵呵

拖延症…..將之前嘅相連埋一齊post，兄弟店新派潮州菜，嚟到除左睇餐牌上嘅嘢之外，你仲要叫一啲餐牌上係冇嘅嘢，唔食過婆參就真係唔叫真正嚟過呢度吃嘢京蔥婆參好香口好惹味脆皮婆參係一定要試潮州翅份量十足，非常足料啖啖翅

📌烚花甲 $198(細）賣相精緻🤍花甲加入蒜蓉、九重塔、小辣椒、陳醋等一同來蒸，十分入味。📌蜆肉撈飯 $88/碗香港真係好少地方有呢款傳統潮州美食😍 先入瓜子蜆，菜甫蓉、蒜蓉及韭菜，爆香後再撈米飯😆 蜆肉吸收咗醬汁的味道，配合熱烘烘的米飯，可以品嚐各樣食材嘅鮮味😛📌咸菜胡椒豬肚湯 $38/碗煲開湯嘅就會知煲胡椒豬肚湯係好麻煩🥲豬肚洗唔乾淨會有腥味，所以係餐廳見到都會嗌嚟飲！呢款湯有散寒暖胃功效，因為豬肚有健脾胃之用，咸菜亦能宣肺豁痰及溫中利氣，啱曬胃寒人士飲用。📌香芹咸菜炒豬大腸 $98咸菜及香芹爆香後加入豬大腸，食落非常之惹味！豬大腸表皮帶微脆口亦保留焾滑軟綿，令人按耐不住，想一口接一口地食啊😛📌手磨蛋白杏仁茶 $48/碗呢個真係必叫🌟 價錢偏貴但絕對會令你一試難忘😭杏仁茶熱辣辣送上來，舀一啖送入口白滑細緻，完全無渣！